| Library / Tipiṭaka / திபிடக • Tipiṭaka / பஞ்சபகரண-அட்ட²கதா² • Pañcapakaraṇa-aṭṭhakathā |
7. த⁴ம்மகதா²வண்ணனா
7. Dhammakathāvaṇṇanā
887-888. இதா³னி த⁴ம்மகதா² நாம ஹோதி. தத்த² யஸ்மா ரூபாத³யோ ரூபாதி³ஸபா⁴வேன நியதா ந தங் ஸபா⁴வங் விஜஹந்தி, தஸ்மா ஸப்³ப³த⁴ம்மா நியதாதி யேஸங் லத்³தி⁴, ஸெய்யதா²பி அந்த⁴கானஞ்சேவ ஏகச்சானஞ்ச உத்தராபத²கானங்; தே ஸந்தா⁴ய ஸப்³பே³ த⁴ம்மாதி புச்சா² ஸகவாதி³ஸ்ஸ, படிஞ்ஞா இதரஸ்ஸ. அத² நங் ‘‘ஸசே தே நியதா, மிச்ச²த்தனியதா வா ஸியுங் ஸம்மத்தனியதா வா, இதோ அஞ்ஞோ நியாமோ நாம நத்தீ²’’தி சோதே³துங் மிச்ச²த்தனியதாதிஆதி³மாஹ. தத்த² படிக்கே²போ ச படிஞ்ஞா ச பரவாதி³ஸ்ஸ. ரூபங் ரூபட்டே²னாதிஆதி³ யேனத்தே²ன நியதாதி வத³தி, தஸ்ஸ வஸேன சோதே³துங் வுத்தங். தத்ராயங் அதி⁴ப்பாயோ – ரூபஞ்ஹி ரூபட்டே²ன நியதந்தி ரூபங் ரூபமேவ, ந வேத³னாதி³ஸபா⁴வந்தி அதி⁴ப்பாயேன வத்தப்³ப³ங், இதோ அஞ்ஞதா² ந வத்தப்³ப³ங். கஸ்மா? ரூபட்ட²தோ அஞ்ஞஸ்ஸ ரூபஸ்ஸ அபா⁴வா. ரூபஸபா⁴வோ ஹி ரூபட்டோ², ரூபஸபா⁴வோ ச ரூபமேவ, ந ரூபதோ அஞ்ஞோ. வேத³னாதீ³ஹி பனஸ்ஸ நானத்தபஞ்ஞாபனத்த²ங் ஏஸ வோஹாரோ ஹோதீதி. தஸ்மா ‘‘ரூபங் ரூபட்டே²ன நியத’’ந்தி வத³ந்தேன ரூபங் நியதந்தி வுத்தங் ஹோதி. நியதஞ்ச நாம மிச்ச²த்தனியதங் வா ஸியா ஸம்மத்தனியதங் வா, இதோ அஞ்ஞோ நியாமோ நாம நத்தீ²தி. அத² கஸ்மா படிஜானாதீதி? அத்த²ந்தரவஸேன. ரூபங் ரூபட்டே²ன நியதந்தி எத்த² ஹி ரூபங் ரூபமேவ, ந வேத³னாதி³ஸபா⁴வந்தி அயமத்தோ². தஸ்மா படிஜானாதி. இதோ அஞ்ஞதா² பனஸ்ஸ நியதத்தங் நத்தீ²தி புன தேனேவ நயேன சோதே³துங் மிச்ச²த்தனியதந்திஆதி³மாஹ . தங் ஸப்³ப³ங் உத்தானத்த²மேவ. தேன ஹி ரூபந்தி லத்³தி⁴பி அயோனிஸோ பதிட்டா²பிதத்தா அப்பதிட்டி²தாவ ஹோதீதி.
887-888. Idāni dhammakathā nāma hoti. Tattha yasmā rūpādayo rūpādisabhāvena niyatā na taṃ sabhāvaṃ vijahanti, tasmā sabbadhammā niyatāti yesaṃ laddhi, seyyathāpi andhakānañceva ekaccānañca uttarāpathakānaṃ; te sandhāya sabbe dhammāti pucchā sakavādissa, paṭiññā itarassa. Atha naṃ ‘‘sace te niyatā, micchattaniyatā vā siyuṃ sammattaniyatā vā, ito añño niyāmo nāma natthī’’ti codetuṃ micchattaniyatātiādimāha. Tattha paṭikkhepo ca paṭiññā ca paravādissa. Rūpaṃ rūpaṭṭhenātiādi yenatthena niyatāti vadati, tassa vasena codetuṃ vuttaṃ. Tatrāyaṃ adhippāyo – rūpañhi rūpaṭṭhena niyatanti rūpaṃ rūpameva, na vedanādisabhāvanti adhippāyena vattabbaṃ, ito aññathā na vattabbaṃ. Kasmā? Rūpaṭṭhato aññassa rūpassa abhāvā. Rūpasabhāvo hi rūpaṭṭho, rūpasabhāvo ca rūpameva, na rūpato añño. Vedanādīhi panassa nānattapaññāpanatthaṃ esa vohāro hotīti. Tasmā ‘‘rūpaṃ rūpaṭṭhena niyata’’nti vadantena rūpaṃ niyatanti vuttaṃ hoti. Niyatañca nāma micchattaniyataṃ vā siyā sammattaniyataṃ vā, ito añño niyāmo nāma natthīti. Atha kasmā paṭijānātīti? Atthantaravasena. Rūpaṃ rūpaṭṭhena niyatanti ettha hi rūpaṃ rūpameva, na vedanādisabhāvanti ayamattho. Tasmā paṭijānāti. Ito aññathā panassa niyatattaṃ natthīti puna teneva nayena codetuṃ micchattaniyatantiādimāha . Taṃ sabbaṃ uttānatthameva. Tena hi rūpanti laddhipi ayoniso patiṭṭhāpitattā appatiṭṭhitāva hotīti.
த⁴ம்மகதா²வண்ணனா.
Dhammakathāvaṇṇanā.
Related texts:
திபிடக (மூல) • Tipiṭaka (Mūla) / அபி⁴த⁴ம்மபிடக • Abhidhammapiṭaka / கதா²வத்து²பாளி • Kathāvatthupāḷi / (206) 7. த⁴ம்மகதா² • (206) 7. Dhammakathā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-மூலடீகா • Pañcapakaraṇa-mūlaṭīkā / 7. த⁴ம்மகதா²வண்ணனா • 7. Dhammakathāvaṇṇanā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-அனுடீகா • Pañcapakaraṇa-anuṭīkā / 7. த⁴ம்மகதா²வண்ணனா • 7. Dhammakathāvaṇṇanā
