| Library / Tipiṭaka / д̇ибидага • Tipiṭaka / бан̃жабагаран̣а-адтагат̇аа • Pañcapakaraṇa-aṭṭhakathā |
7. д̇хаммагат̇ааван̣н̣анаа
7. Dhammakathāvaṇṇanā
887-888. ид̣̇аани д̇хаммагат̇аа наама ход̇и. д̇ад̇т̇а яасмаа руубаад̣̇аяо руубаад̣̇исабхаавзна нияад̇аа на д̇ам̣ сабхаавам̣ виж̇аханд̇и, д̇асмаа саб̣б̣ад̇хаммаа нияад̇аад̇и язсам̣ лад̣̇д̇хи, сзяяат̇ааби анд̇хагаанан̃жзва згажжаанан̃жа уд̇д̇араабат̇агаанам̣; д̇з санд̇хааяа саб̣б̣з д̇хаммаад̇и бужчаа сагаваад̣̇исса, бадин̃н̃аа ид̇арасса. ат̇а нам̣ ‘‘сажз д̇з нияад̇аа, мижчад̇д̇анияад̇аа ваа сияум̣ саммад̇д̇анияад̇аа ваа, ид̇о ан̃н̃о нияаамо наама над̇т̇ий’’д̇и жод̣̇зд̇ум̣ мижчад̇д̇анияад̇аад̇иаад̣̇имааха. д̇ад̇т̇а бадигкзбо жа бадин̃н̃аа жа бараваад̣̇исса. руубам̣ руубадтзнаад̇иаад̣̇и язнад̇т̇зна нияад̇аад̇и вад̣̇ад̇и, д̇асса васзна жод̣̇зд̇ум̣ вуд̇д̇ам̣. д̇ад̇рааяам̣ ад̇хиббааяо – руубан̃хи руубадтзна нияад̇анд̇и руубам̣ руубамзва, на взд̣̇анаад̣̇исабхааванд̇и ад̇хиббааязна вад̇д̇аб̣б̣ам̣, ид̇о ан̃н̃ат̇аа на вад̇д̇аб̣б̣ам̣. гасмаа? руубадтад̇о ан̃н̃асса руубасса абхааваа. руубасабхааво хи руубадто, руубасабхааво жа руубамзва, на руубад̇о ан̃н̃о. взд̣̇анаад̣̇ийхи банасса наанад̇д̇абан̃н̃аабанад̇т̇ам̣ зса вохааро ход̇ийд̇и. д̇асмаа ‘‘руубам̣ руубадтзна нияад̇а’’нд̇и вад̣̇анд̇зна руубам̣ нияад̇анд̇и вуд̇д̇ам̣ ход̇и. нияад̇ан̃жа наама мижчад̇д̇анияад̇ам̣ ваа сияаа саммад̇д̇анияад̇ам̣ ваа, ид̇о ан̃н̃о нияаамо наама над̇т̇ийд̇и. ат̇а гасмаа бадиж̇аанаад̇ийд̇и? ад̇т̇анд̇аравасзна. руубам̣ руубадтзна нияад̇анд̇и зд̇т̇а хи руубам̣ руубамзва, на взд̣̇анаад̣̇исабхааванд̇и аяамад̇т̇о. д̇асмаа бадиж̇аанаад̇и. ид̇о ан̃н̃ат̇аа банасса нияад̇ад̇д̇ам̣ над̇т̇ийд̇и буна д̇знзва наязна жод̣̇зд̇ум̣ мижчад̇д̇анияад̇анд̇иаад̣̇имааха . д̇ам̣ саб̣б̣ам̣ уд̇д̇аанад̇т̇амзва. д̇зна хи руубанд̇и лад̣̇д̇хиби аяонисо бад̇идтаабид̇ад̇д̇аа аббад̇идтид̇аава ход̇ийд̇и.
887-888. Idāni dhammakathā nāma hoti. Tattha yasmā rūpādayo rūpādisabhāvena niyatā na taṃ sabhāvaṃ vijahanti, tasmā sabbadhammā niyatāti yesaṃ laddhi, seyyathāpi andhakānañceva ekaccānañca uttarāpathakānaṃ; te sandhāya sabbe dhammāti pucchā sakavādissa, paṭiññā itarassa. Atha naṃ ‘‘sace te niyatā, micchattaniyatā vā siyuṃ sammattaniyatā vā, ito añño niyāmo nāma natthī’’ti codetuṃ micchattaniyatātiādimāha. Tattha paṭikkhepo ca paṭiññā ca paravādissa. Rūpaṃ rūpaṭṭhenātiādi yenatthena niyatāti vadati, tassa vasena codetuṃ vuttaṃ. Tatrāyaṃ adhippāyo – rūpañhi rūpaṭṭhena niyatanti rūpaṃ rūpameva, na vedanādisabhāvanti adhippāyena vattabbaṃ, ito aññathā na vattabbaṃ. Kasmā? Rūpaṭṭhato aññassa rūpassa abhāvā. Rūpasabhāvo hi rūpaṭṭho, rūpasabhāvo ca rūpameva, na rūpato añño. Vedanādīhi panassa nānattapaññāpanatthaṃ esa vohāro hotīti. Tasmā ‘‘rūpaṃ rūpaṭṭhena niyata’’nti vadantena rūpaṃ niyatanti vuttaṃ hoti. Niyatañca nāma micchattaniyataṃ vā siyā sammattaniyataṃ vā, ito añño niyāmo nāma natthīti. Atha kasmā paṭijānātīti? Atthantaravasena. Rūpaṃ rūpaṭṭhena niyatanti ettha hi rūpaṃ rūpameva, na vedanādisabhāvanti ayamattho. Tasmā paṭijānāti. Ito aññathā panassa niyatattaṃ natthīti puna teneva nayena codetuṃ micchattaniyatantiādimāha . Taṃ sabbaṃ uttānatthameva. Tena hi rūpanti laddhipi ayoniso patiṭṭhāpitattā appatiṭṭhitāva hotīti.
д̇хаммагат̇ааван̣н̣анаа.
Dhammakathāvaṇṇanā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / гат̇аавад̇т̇убаал̣и • Kathāvatthupāḷi / (206) 7. д̇хаммагат̇аа • (206) 7. Dhammakathā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 7. д̇хаммагат̇ааван̣н̣анаа • 7. Dhammakathāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 7. д̇хаммагат̇ааван̣н̣анаа • 7. Dhammakathāvaṇṇanā
