| Library / Tipiṭaka / д̇ибидага • Tipiṭaka / бан̃жабагаран̣а-мууладийгаа • Pañcapakaraṇa-mūlaṭīkā |
7. д̇хаммагат̇ааван̣н̣анаа
7. Dhammakathāvaṇṇanā
887-888. д̇хаммагат̇ааяам̣ руубадтад̇о ан̃н̃асса руубасса абхааваад̇и яо руубасса нияаамо вужжзяяа, со руубадто наама гожи руубад̇о ан̃н̃о над̇т̇ийд̇и руубадтад̇о ан̃н̃ам̣ руубан̃жа на ход̇и, д̇асмаа руубам̣ руубамзва, на взд̣̇анаад̣̇исабхааванд̇и ад̇хиббааязна ‘‘руубам̣ руубадтзна нияад̇а’’нд̇и вад̇д̇аб̣б̣ам̣, на ан̃н̃ат̇аа руубадтзна нияаамзнаад̇и ад̇хиббааяо. д̇ад̇т̇а руубад̇о ан̃н̃асса руубадтасса абхаавз д̣̇ассид̇з руубадтад̇о ан̃н̃асса руубасса абхааво д̣̇ассид̇оязва наама ход̇ийд̇и д̇амзва руубад̇о ан̃н̃асса руубадтасса абхаавам̣ д̣̇ассзнд̇о ‘‘руубасабхааво хий’’д̇иаад̣̇имааха. зса вохаарод̇и руубасса сабхааво руубасабхааво, руубасса ад̇т̇о руубадтод̇и звам̣ ан̃н̃ад̇д̇ам̣ г̇ахзд̇ваа вияа бавад̇д̇о руубасабхаававохааро руубадтавохааро ваа взд̣̇анаад̣̇ийхи наанад̇д̇амзва со сабхаавод̇и наанад̇д̇асан̃н̃аабанад̇т̇ам̣ ход̇ийд̇и ад̇т̇о. д̇асмаад̇и руубасса руубадтзна анан̃н̃ад̇д̇аа. ‘‘руубам̣ руубамзва, на взд̣̇анаад̣̇исабхаава’’нд̇и авад̇ваа ‘‘руубам̣ руубадтзна нияад̇а’’нд̇и вад̣̇ад̇о д̇ан̃жа важанам̣ вуд̇д̇аббагаарзна сад̣̇осам̣, ат̇а гасмаа ‘‘руубан̃хи руубадтзна нияад̇анд̇и руубам̣ руубамзва, на взд̣̇анаад̣̇исабхааванд̇и ад̇хиббааязна вад̇д̇аб̣б̣а’’нд̇и вад̣̇анд̇о ‘‘руубам̣ руубадтзна нияад̇а’’нд̇и бадиж̇аанаад̇ийд̇и ад̇т̇о д̣̇адтаб̣б̣о. нану жзд̇ам̣ ад̇д̇анаава вуд̇д̇ам̣, на барзнаад̇и бадиж̇аанаад̇ийд̇и на вад̇д̇аб̣б̣анд̇и? на, ад̇д̇аанамби барам̣ вияа важанад̇о. вад̇д̇аб̣б̣анд̇и ваа сагаваад̣̇инаа вад̇д̇аб̣б̣анд̇и вуд̇д̇ам̣ ход̇и. яад̣̇и жа д̇зна вад̇д̇аб̣б̣ам̣ бадиж̇аанаад̇и жа со зд̇амад̇т̇анд̇и, ат̇а гасмаа бадиж̇аанаад̇и сагаваад̣̇ийд̇и аяамзд̇т̇а ад̇т̇о. ад̇т̇анд̇аравасзнаад̇и д̇ад̇т̇а вуд̇д̇амзва гааран̣ам̣ ниг̇уухид̇ваа барзна жод̣̇ид̇анд̇и д̇амзва гааран̣ам̣ д̣̇ассзд̇ваа жод̣̇анам̣ нивад̇д̇зд̇и. ид̇о ан̃н̃ат̇аад̇и руубаад̣̇исабхаавамад̇д̇ам̣ мун̃жид̇ваа д̇зна баригаббид̇ам̣ нияад̇ам̣ над̇т̇ийд̇и д̇асса баригаббид̇асса нивад̇д̇анад̇т̇ам̣ буна д̇знзва наязна жод̣̇зд̇ум̣ ‘‘мижчад̇д̇анияад̇а’’нд̇иаад̣̇имаахаад̇и ад̇т̇о.
887-888. Dhammakathāyaṃ rūpaṭṭhato aññassa rūpassa abhāvāti yo rūpassa niyāmo vucceyya, so rūpaṭṭho nāma koci rūpato añño natthīti rūpaṭṭhato aññaṃ rūpañca na hoti, tasmā rūpaṃ rūpameva, na vedanādisabhāvanti adhippāyena ‘‘rūpaṃ rūpaṭṭhena niyata’’nti vattabbaṃ, na aññathā rūpaṭṭhena niyāmenāti adhippāyo. Tattha rūpato aññassa rūpaṭṭhassa abhāve dassite rūpaṭṭhato aññassa rūpassa abhāvo dassitoyeva nāma hotīti tameva rūpato aññassa rūpaṭṭhassa abhāvaṃ dassento ‘‘rūpasabhāvo hī’’tiādimāha. Esa vohāroti rūpassa sabhāvo rūpasabhāvo, rūpassa attho rūpaṭṭhoti evaṃ aññattaṃ gahetvā viya pavatto rūpasabhāvavohāro rūpaṭṭhavohāro vā vedanādīhi nānattameva so sabhāvoti nānattasaññāpanatthaṃ hotīti attho. Tasmāti rūpassa rūpaṭṭhena anaññattā. ‘‘Rūpaṃ rūpameva, na vedanādisabhāva’’nti avatvā ‘‘rūpaṃ rūpaṭṭhena niyata’’nti vadato tañca vacanaṃ vuttappakārena sadosaṃ, atha kasmā ‘‘rūpañhi rūpaṭṭhena niyatanti rūpaṃ rūpameva, na vedanādisabhāvanti adhippāyena vattabba’’nti vadanto ‘‘rūpaṃ rūpaṭṭhena niyata’’nti paṭijānātīti attho daṭṭhabbo. Nanu cetaṃ attanāva vuttaṃ, na parenāti paṭijānātīti na vattabbanti? Na, attānampi paraṃ viya vacanato. Vattabbanti vā sakavādinā vattabbanti vuttaṃ hoti. Yadi ca tena vattabbaṃ paṭijānāti ca so etamatthanti, atha kasmā paṭijānāti sakavādīti ayamettha attho. Atthantaravasenāti tattha vuttameva kāraṇaṃ nigūhitvā parena coditanti tameva kāraṇaṃ dassetvā codanaṃ nivatteti. Ito aññathāti rūpādisabhāvamattaṃ muñcitvā tena parikappitaṃ niyataṃ natthīti tassa parikappitassa nivattanatthaṃ puna teneva nayena codetuṃ ‘‘micchattaniyata’’ntiādimāhāti attho.
д̇хаммагат̇ааван̣н̣анаа нидтид̇аа.
Dhammakathāvaṇṇanā niṭṭhitā.
згавийсад̇имаваг̇г̇аван̣н̣анаа нидтид̇аа.
Ekavīsatimavaggavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / гат̇аавад̇т̇убаал̣и • Kathāvatthupāḷi / (206) 7. д̇хаммагат̇аа • (206) 7. Dhammakathā
адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / бан̃жабагаран̣а-адтагат̇аа • Pañcapakaraṇa-aṭṭhakathā / 7. д̇хаммагат̇ааван̣н̣анаа • 7. Dhammakathāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 7. д̇хаммагат̇ааван̣н̣анаа • 7. Dhammakathāvaṇṇanā
