| Library / Tipiṭaka / д̇ибидага • Tipiṭaka / бан̃жабагаран̣а-анудийгаа • Pañcapakaraṇa-anuṭīkā |
7. д̇хаммагат̇ааван̣н̣анаа
7. Dhammakathāvaṇṇanā
887-888. руубасабхааво руубадтод̇и ааха ‘‘руубадто наама гожи руубад̇о ан̃н̃о над̇т̇ий’’д̇и. яам̣ бана яад̇о ан̃н̃ам̣, на д̇ам̣ д̇ам̣сабхааванд̇и ааха ‘‘руубадтад̇о ан̃н̃ам̣ руубан̃жа на ход̇ий’’д̇и, руубамзва на ход̇ийд̇и ад̇т̇о. зд̇зна б̣яад̇ирзгад̇о д̇амад̇т̇ам̣ саад̇хзд̇и. д̇асмаад̇и яасмаа руубад̇о ан̃н̃о руубадто над̇т̇и, руубадтад̇о жа ан̃н̃ам̣ руубам̣, д̇асмаа руубам̣ руубамзва руубасабхаавамзваад̇и зва-гаарзна нивад̇д̇ид̇ам̣ д̣̇ассзд̇и ‘‘на взд̣̇анаад̣̇исабхаава’’нд̇и. ад̇хиббааязнаад̇и руубаруубадтаанам̣ анан̃н̃ад̇д̇аад̇хиббааязна. ан̃н̃ат̇аад̇и д̇зсам̣ ан̃н̃ад̇д̇з руубадтзна нияамзна руубам̣ нияад̇анд̇и вад̇д̇аб̣б̣анд̇и яож̇анаа. д̣̇ассид̇оязва ход̇и ад̇т̇ад̇о аабаннад̇д̇аа. на хи абхиннз вад̇т̇усмим̣ барияааяанд̇арабхзд̣̇ам̣ гарод̇и. ан̃н̃ад̇д̇анд̇и руубасабхааваанам̣ руубаруубадтаанан̃жа. сасааминид̣̇д̣̇зсасид̣̇д̇хаабхзд̣̇аа ‘‘силаабуд̇д̇агасса сарийра’’нд̇и вияа, габбанаамад̇д̇ад̇о жааяам̣ бхзд̣̇о, на барамад̇т̇ад̇од̇и ааха ‘‘г̇ахзд̇ваа вияа бавад̇д̇о’’д̇и. взд̣̇анаад̣̇ийхи наанад̇д̇амзваад̇и взд̣̇анаад̣̇ийхи ан̃н̃ад̇д̇амзва. со сабхаавод̇и со руубасабхааво. наанад̇д̇асан̃н̃аабанад̇т̇анд̇и руубасса сабхааво, на взд̣̇анаад̣̇ийнанд̇и звам̣ бхзд̣̇асса н̃аабанад̇т̇ам̣. д̇ан̃жа важананд̇и ‘‘руубам̣ руубадтзна на нияад̇а’’нд̇и важанам̣. вуд̇д̇аббагаарзнаад̇и ‘‘руубадтад̇о ан̃н̃асса руубасса абхааваа’’д̇иаад̣̇инаа вуд̇д̇аагаарзна. яад̣̇и сад̣̇осам̣, ат̇а гасмаа бадиж̇аанаад̇ийд̇и яож̇анаа.
887-888. Rūpasabhāvo rūpaṭṭhoti āha ‘‘rūpaṭṭho nāma koci rūpato añño natthī’’ti. Yaṃ pana yato aññaṃ, na taṃ taṃsabhāvanti āha ‘‘rūpaṭṭhato aññaṃ rūpañca na hotī’’ti, rūpameva na hotīti attho. Etena byatirekato tamatthaṃ sādheti. Tasmāti yasmā rūpato añño rūpaṭṭho natthi, rūpaṭṭhato ca aññaṃ rūpaṃ, tasmā rūpaṃ rūpameva rūpasabhāvamevāti eva-kārena nivattitaṃ dasseti ‘‘na vedanādisabhāva’’nti. Adhippāyenāti rūparūpaṭṭhānaṃ anaññattādhippāyena. Aññathāti tesaṃ aññatte rūpaṭṭhena niyamena rūpaṃ niyatanti vattabbanti yojanā. Dassitoyeva hoti atthato āpannattā. Na hi abhinne vatthusmiṃ pariyāyantarabhedaṃ karoti. Aññattanti rūpasabhāvānaṃ rūparūpaṭṭhānañca. Sasāminiddesasiddhābhedā ‘‘silāputtakassa sarīra’’nti viya, kappanāmattato cāyaṃ bhedo, na paramatthatoti āha ‘‘gahetvā viya pavatto’’ti. Vedanādīhi nānattamevāti vedanādīhi aññattameva. So sabhāvoti so rūpasabhāvo. Nānattasaññāpanatthanti rūpassa sabhāvo, na vedanādīnanti evaṃ bhedassa ñāpanatthaṃ. Tañca vacananti ‘‘rūpaṃ rūpaṭṭhena na niyata’’nti vacanaṃ. Vuttappakārenāti ‘‘rūpaṭṭhato aññassa rūpassa abhāvā’’tiādinā vuttākārena. Yadi sadosaṃ, atha kasmā paṭijānātīti yojanā.
вуд̇д̇амзва гааран̣анд̇и ‘‘руубам̣ руубамзва, на взд̣̇анаад̣̇исабхаава’’нд̇и звам̣ вуд̇д̇амзва яуд̇д̇им̣. барзна жод̣̇ид̇анд̇и ‘‘на вад̇д̇аб̣б̣ам̣ руубам̣ руубадтзна нияад̇а’’нд̇иаад̣̇инаа бараваад̣̇ино жод̣̇анам̣ санд̇хааяааха. д̇амзва гааран̣ам̣ д̣̇ассзд̇ваад̇и д̇амзва яат̇аавуд̇д̇ам̣ яуд̇д̇им̣ ‘‘зд̇т̇а хий’’д̇иаад̣̇инаа д̣̇ассзд̇ваа. жод̣̇анам̣ нивад̇д̇зд̇ийд̇и ‘‘ат̇а гасмаа бадиж̇аанаад̇ий’’д̇и вуд̇д̇ам̣ жод̣̇анам̣ нивад̇д̇зд̇и. яамад̇т̇ам̣ санд̇хааяа ‘‘ид̇о ан̃н̃ат̇аа’’д̇и вуд̇д̇ам̣, д̇ам̣ д̣̇ассзд̇ум̣ ‘‘руубаад̣̇ий’’д̇иаад̣̇и вуд̇д̇ам̣.
Vuttameva kāraṇanti ‘‘rūpaṃ rūpameva, na vedanādisabhāva’’nti evaṃ vuttameva yuttiṃ. Parena coditanti ‘‘na vattabbaṃ rūpaṃ rūpaṭṭhena niyata’’ntiādinā paravādino codanaṃ sandhāyāha. Tameva kāraṇaṃ dassetvāti tameva yathāvuttaṃ yuttiṃ ‘‘ettha hī’’tiādinā dassetvā. Codanaṃ nivattetīti ‘‘atha kasmā paṭijānātī’’ti vuttaṃ codanaṃ nivatteti. Yamatthaṃ sandhāya ‘‘ito aññathā’’ti vuttaṃ, taṃ dassetuṃ ‘‘rūpādī’’tiādi vuttaṃ.
д̇хаммагат̇ааван̣н̣анаа нидтид̇аа.
Dhammakathāvaṇṇanā niṭṭhitā.
згавийсад̇имаваг̇г̇аван̣н̣анаа нидтид̇аа.
Ekavīsatimavaggavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / гат̇аавад̇т̇убаал̣и • Kathāvatthupāḷi / (206) 7. д̇хаммагат̇аа • (206) 7. Dhammakathā
адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / бан̃жабагаран̣а-адтагат̇аа • Pañcapakaraṇa-aṭṭhakathā / 7. д̇хаммагат̇ааван̣н̣анаа • 7. Dhammakathāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 7. д̇хаммагат̇ааван̣н̣анаа • 7. Dhammakathāvaṇṇanā
