| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
10. д̇хаммагат̇игабужчасуд̇д̇ам̣
10. Dhammakathikapucchasuttaṃ
155. ат̇а ко ан̃н̃ад̇аро бхигку язна бхаг̇аваа д̇знубасан̇гами…бз… згаманд̇ам̣ нисинно ко со бхигку бхаг̇аванд̇ам̣ зд̇ад̣̇авожа – ‘‘‘д̇хаммагат̇иго , д̇хаммагат̇иго’д̇и, бханд̇з, вужжад̇и. гид̇д̇аавад̇аа ну ко, бханд̇з, д̇хаммагат̇иго ход̇ий’’д̇и?
155. Atha kho aññataro bhikkhu yena bhagavā tenupasaṅkami…pe… ekamantaṃ nisinno kho so bhikkhu bhagavantaṃ etadavoca – ‘‘‘dhammakathiko , dhammakathiko’ti, bhante, vuccati. Kittāvatā nu kho, bhante, dhammakathiko hotī’’ti?
‘‘жагкусса жз, бхигку ниб̣б̣ид̣̇ааяа вирааг̇ааяа нирод̇хааяа д̇хаммам̣ д̣̇зсзд̇и, ‘д̇хаммагат̇иго бхигкуу’д̇и алам̣важанааяа. жагкусса жз, бхигку, ниб̣б̣ид̣̇ааяа вирааг̇ааяа нирод̇хааяа бадибанно ход̇и, ‘д̇хаммаануд̇хаммаббадибанно бхигкуу’д̇и алам̣важанааяа. жагкусса жз, бхигку, ниб̣б̣ид̣̇аа вирааг̇аа нирод̇хаа анубаад̣̇аавимуд̇д̇о ход̇и, ‘д̣̇идтад̇хамманиб̣б̣аанаббад̇д̇о бхигкуу’д̇и алам̣важанааяа…бз… ж̇ивхааяа жз, бхигку, ниб̣б̣ид̣̇ааяа вирааг̇ааяа нирод̇хааяа д̇хаммам̣ д̣̇зсзд̇и, ‘д̇хаммагат̇иго бхигкуу’д̇и алам̣важанааяа…бз… манасса жз, бхигку, ниб̣б̣ид̣̇ааяа вирааг̇ааяа нирод̇хааяа д̇хаммам̣ д̣̇зсзд̇и, ‘д̇хаммагат̇иго бхигкуу’д̇и алам̣важанааяа. манасса жз, бхигку, ниб̣б̣ид̣̇ааяа вирааг̇ааяа нирод̇хааяа бадибанно ход̇и, ‘д̇хаммаануд̇хаммаббадибанно бхигкуу’д̇и алам̣важанааяа. манасса жз, бхигку, ниб̣б̣ид̣̇аа вирааг̇аа нирод̇хаа анубаад̣̇аавимуд̇д̇о ход̇и, ‘д̣̇идтад̇хамманиб̣б̣аанаббад̇д̇о бхигкуу’д̇и алам̣важанааяаа’’д̇и. д̣̇асамам̣.
‘‘Cakkhussa ce, bhikkhu nibbidāya virāgāya nirodhāya dhammaṃ deseti, ‘dhammakathiko bhikkhū’ti alaṃvacanāya. Cakkhussa ce, bhikkhu, nibbidāya virāgāya nirodhāya paṭipanno hoti, ‘dhammānudhammappaṭipanno bhikkhū’ti alaṃvacanāya. Cakkhussa ce, bhikkhu, nibbidā virāgā nirodhā anupādāvimutto hoti, ‘diṭṭhadhammanibbānappatto bhikkhū’ti alaṃvacanāya…pe… jivhāya ce, bhikkhu, nibbidāya virāgāya nirodhāya dhammaṃ deseti, ‘dhammakathiko bhikkhū’ti alaṃvacanāya…pe… manassa ce, bhikkhu, nibbidāya virāgāya nirodhāya dhammaṃ deseti, ‘dhammakathiko bhikkhū’ti alaṃvacanāya. Manassa ce, bhikkhu, nibbidāya virāgāya nirodhāya paṭipanno hoti, ‘dhammānudhammappaṭipanno bhikkhū’ti alaṃvacanāya. Manassa ce, bhikkhu, nibbidā virāgā nirodhā anupādāvimutto hoti, ‘diṭṭhadhammanibbānappatto bhikkhū’ti alaṃvacanāyā’’ti. Dasamaṃ.
навабураан̣аваг̇г̇о бан̃жад̣̇асамо.
Navapurāṇavaggo pañcadasamo.
д̇ассуд̣̇д̣̇аанам̣ –
Tassuddānaṃ –
гаммам̣ жад̇д̇аари саббааяаа, ананд̇звааси гимад̇т̇ияаа;
Kammaṃ cattāri sappāyā, anantevāsi kimatthiyā;
ад̇т̇и ну ко барияааяо, инд̣̇рияагат̇игзна жаад̇и.
Atthi nu kho pariyāyo, indriyakathikena cāti.
сал̣ааяад̇анаваг̇г̇з д̇ад̇ияабан̣н̣аасаго самад̇д̇о.
Saḷāyatanavagge tatiyapaṇṇāsako samatto.
д̇асса ваг̇г̇уд̣̇д̣̇аанам̣ –
Tassa vagguddānaṃ –
яог̇агкзми жа лого жа, г̇ахабад̇и д̣̇звад̣̇ахзна жа;
Yogakkhemi ca loko ca, gahapati devadahena ca;
навабураан̣зна бан̣н̣аасо, д̇ад̇ияо д̇зна вужжад̇ийд̇и.
Navapurāṇena paṇṇāso, tatiyo tena vuccatīti.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 9-10. инд̣̇рияасамбаннасуд̇д̇аад̣̇иван̣н̣анаа • 9-10. Indriyasampannasuttādivaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 9-10. инд̣̇рияасамбаннасуд̇д̇аад̣̇иван̣н̣анаа • 9-10. Indriyasampannasuttādivaṇṇanā
