| Library / Tipiṭaka / திபிடக • Tipiṭaka / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) |
6. த⁴ம்மகதி²கஸுத்தவண்ணனா
6. Dhammakathikasuttavaṇṇanā
16. ச²ட்டே² நிப்³பி³தா³யாதி நிப்³பி³ந்த³னத்தா²ய. விராகா³யாதி விரஜ்ஜனத்தா²ய. நிரோதா⁴யாதி நிருஜ்ஜ²னத்தா²ய. படிபன்னோ ஹோதீதி எத்த² ஸீலதோ பட்டா²ய யாவ அரஹத்தமக்³கா³ படிபன்னோதி வேதி³தப்³போ³. த⁴ம்மானுத⁴ம்மப்படிபன்னோதி லோகுத்தரஸ்ஸ நிப்³பா³னத⁴ம்மஸ்ஸ அனுத⁴ம்மபூ⁴தங் படிபத³ங் படிபன்னோ. அனுத⁴ம்மபூ⁴தந்தி அனுரூபஸபா⁴வபூ⁴தங். நிப்³பி³தா³ விராகா³ நிரோதா⁴தி நிப்³பி³தா³ய சேவ விராகே³ன ச நிரோதே⁴ன ச. அனுபாதா³ விமுத்தோதி சதூஹி உபாதா³னேஹி கிஞ்சி த⁴ம்மங் அனுபாதி³யித்வா விமுத்தோ. தி³ட்ட²த⁴ம்மனிப்³பா³னப்பத்தோதி தி³ட்டே²வ த⁴ம்மே நிப்³பா³னப்பத்தோ. அலங் வசனாயாதி, ஏவங் வத்தப்³ப³தங் அரஹதி, யுத்தோ அனுச்ச²விகோதி அத்தோ² . ஏவமெத்த² ஏகேன நயேன த⁴ம்மகதி²கஸ்ஸ புச்சா² கதி²தா, த்³வீஹி தங் விஸேஸெத்வா ஸெக்கா²ஸெக்க²பூ⁴மியோ நித்³தி³ட்டா²தி. ச²ட்ட²ங்.
16. Chaṭṭhe nibbidāyāti nibbindanatthāya. Virāgāyāti virajjanatthāya. Nirodhāyāti nirujjhanatthāya. Paṭipanno hotīti ettha sīlato paṭṭhāya yāva arahattamaggā paṭipannoti veditabbo. Dhammānudhammappaṭipannoti lokuttarassa nibbānadhammassa anudhammabhūtaṃ paṭipadaṃ paṭipanno. Anudhammabhūtanti anurūpasabhāvabhūtaṃ. Nibbidā virāgā nirodhāti nibbidāya ceva virāgena ca nirodhena ca. Anupādā vimuttoti catūhi upādānehi kiñci dhammaṃ anupādiyitvā vimutto. Diṭṭhadhammanibbānappattoti diṭṭheva dhamme nibbānappatto. Alaṃ vacanāyāti, evaṃ vattabbataṃ arahati, yutto anucchavikoti attho . Evamettha ekena nayena dhammakathikassa pucchā kathitā, dvīhi taṃ visesetvā sekkhāsekkhabhūmiyo niddiṭṭhāti. Chaṭṭhaṃ.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 6. த⁴ம்மகதி²கஸுத்தங் • 6. Dhammakathikasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 6. த⁴ம்மகதி²கஸுத்தவண்ணனா • 6. Dhammakathikasuttavaṇṇanā
