| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
6. д̇хаммагат̇игасуд̇д̇аван̣н̣анаа
6. Dhammakathikasuttavaṇṇanā
16. ниб̣б̣инд̣̇анад̇т̇ааяаад̇и ниб̣б̣ид̣̇аанубассанаабадилаабхааяа. саа хи ж̇араамаран̣асийсзна вуд̇д̇зсу сан̇кад̇ад̇хаммзсу ниб̣б̣инд̣̇анаагаарзна бавад̇д̇ад̇и. вираж̇ж̇анад̇т̇ааяаад̇и вирааг̇аанубассанаабадилаабхааяа. сийлад̇о бадтааяаад̇и виваддасанниссид̇асийласамаад̣̇аанад̇о бадтааяа. сод̇аабад̇д̇ияан̇г̇зхи саманнааг̇ад̇о виваддасанниссид̇асийлз бад̇идтид̇о убаасагоби баг̇зва жад̇убаарисуд̣̇д̇хисийлз бад̇идтид̇о бхигку саммаабадибанно наама. д̇знааха ‘‘яаава арахад̇д̇амаг̇г̇аа бадибаннод̇и взд̣̇ид̇аб̣б̣о’’д̇и. ниб̣б̣аанад̇хаммассаад̇и ниб̣б̣аанаавахасса арияасса маг̇г̇асса. ануруубасабхаавабхууд̇анд̇и ниб̣б̣аанаад̇хиг̇амасса анужчавигасабхаавабхууд̇ам̣. ниб̣б̣ид̣̇аад̇и иминаа вудтаанаг̇ааминибарияосаанам̣ вибассанам̣ вад̣̇ад̇и. вирааг̇аа нирод̇хаад̇и бад̣̇ад̣̇ваязна арияамаг̇г̇ам̣, ид̇арзна палам̣. зд̇т̇аад̇и имасмим̣ суд̇д̇з. згзна наязнаад̇и батамзна наязна. д̇ад̇т̇а хи бхаг̇аваа д̇зна бхигкунаа д̇хаммагат̇игалагкан̣ам̣ бужчид̇о д̇ам̣ мад̇т̇агам̣ баабзд̇ваа виссаж̇ж̇зси. яо хи вибассанам̣ маг̇г̇ам̣ анубаад̣̇аавимуд̇д̇им̣ баабзд̇ваа гат̇зд̇ум̣ саггод̇и, со зганд̇ад̇хаммагат̇иго. д̇знааха ‘‘д̇хаммагат̇игасса бужчаа гат̇ид̇аа’’д̇и. д̣̇вийхийд̇и д̣̇уд̇ияад̇ад̇ияанаязхи. д̇анд̇и бужчам̣. висзсзд̇ваад̇и висидтам̣ гад̇ваа. яат̇аабужчид̇амад̇д̇амзва агат̇зд̇ваа абужчид̇амби ад̇т̇ам̣ д̣̇ассзнд̇о д̇хаммаануд̇хаммабадибад̇д̇им̣ анубаад̣̇ааяа вимуд̇д̇исан̇каад̇ам̣ висзсам̣ баабзд̇ваа. бхаг̇аваа хи аббам̣ яаажид̇о б̣ахум̣ д̣̇знд̇о ул̣аарабурисо вияа д̇хаммагат̇игалагкан̣ам̣ бужчид̇о бадижжасамуббаад̣̇амукзна д̇ан̃жзва д̇ад̇о жа уд̇д̇арим̣ д̇хаммаануд̇хаммабадибад̇д̇им̣ анубаад̣̇аавимуд̇д̇ан̃жа виссаж̇ж̇зси. д̇ад̇т̇а ‘‘ниб̣б̣ид̣̇ааяа…бз… д̇хаммам̣ д̣̇зсзд̇ий’’д̇и иминаа д̇хаммад̣̇зсанам̣ ваасанаабхааг̇ияам̣ гад̇ваа д̣̇ассзси. ‘‘нирод̇хааяа бадибанно ход̇ий’’д̇и иминаа ниб̣б̣зд̇хабхааг̇ияам̣, ‘‘анубаад̣̇аавимуд̇д̇о ход̇ий’’д̇и иминаа д̣̇зсанам̣ асзгкабхааг̇ияам̣ гад̇ваа д̣̇ассзси. д̇знааха ‘‘сзгкаасзгкабхуумияо нид̣̇д̣̇идтаа’’д̇и.
16.Nibbindanatthāyāti nibbidānupassanāpaṭilābhāya. Sā hi jarāmaraṇasīsena vuttesu saṅkhatadhammesu nibbindanākārena pavattati. Virajjanatthāyāti virāgānupassanāpaṭilābhāya. Sīlato paṭṭhāyāti vivaṭṭasannissitasīlasamādānato paṭṭhāya. Sotāpattiyaṅgehi samannāgato vivaṭṭasannissitasīle patiṭṭhito upāsakopi pageva catupārisuddhisīle patiṭṭhito bhikkhu sammāpaṭipanno nāma. Tenāha ‘‘yāva arahattamaggā paṭipannoti veditabbo’’ti. Nibbānadhammassāti nibbānāvahassa ariyassa maggassa. Anurūpasabhāvabhūtanti nibbānādhigamassa anucchavikasabhāvabhūtaṃ. Nibbidāti iminā vuṭṭhānagāminipariyosānaṃ vipassanaṃ vadati. Virāgā nirodhāti padadvayena ariyamaggaṃ, itarena phalaṃ. Etthāti imasmiṃ sutte. Ekena nayenāti paṭhamena nayena. Tattha hi bhagavā tena bhikkhunā dhammakathikalakkhaṇaṃ pucchito taṃ matthakaṃ pāpetvā vissajjesi. Yo hi vipassanaṃ maggaṃ anupādāvimuttiṃ pāpetvā kathetuṃ sakkoti, so ekantadhammakathiko. Tenāha ‘‘dhammakathikassa pucchā kathitā’’ti. Dvīhīti dutiyatatiyanayehi. Tanti pucchaṃ. Visesetvāti visiṭṭhaṃ katvā. Yathāpucchitamattameva akathetvā apucchitampi atthaṃ dassento dhammānudhammapaṭipattiṃ anupādāya vimuttisaṅkhātaṃ visesaṃ pāpetvā. Bhagavā hi appaṃ yācito bahuṃ dento uḷārapuriso viya dhammakathikalakkhaṇaṃ pucchito paṭiccasamuppādamukhena tañceva tato ca uttariṃ dhammānudhammapaṭipattiṃ anupādāvimuttañca vissajjesi. Tattha ‘‘nibbidāya…pe… dhammaṃ desetī’’ti iminā dhammadesanaṃ vāsanābhāgiyaṃ katvā dassesi. ‘‘Nirodhāya paṭipanno hotī’’ti iminā nibbedhabhāgiyaṃ, ‘‘anupādāvimutto hotī’’ti iminā desanaṃ asekkhabhāgiyaṃ katvā dassesi. Tenāha ‘‘sekkhāsekkhabhūmiyo niddiṭṭhā’’ti.
д̇хаммагат̇игасуд̇д̇аван̣н̣анаа нидтид̇аа.
Dhammakathikasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 6. д̇хаммагат̇игасуд̇д̇ам̣ • 6. Dhammakathikasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 6. д̇хаммагат̇игасуд̇д̇аван̣н̣анаа • 6. Dhammakathikasuttavaṇṇanā
