| Library / Tipiṭaka / ติปิฎก • Tipiṭaka / สํยุตฺตนิกาย (อฎฺฐกถา) • Saṃyuttanikāya (aṭṭhakathā) |
๖. ธมฺมกถิกสุตฺตวณฺณนา
6. Dhammakathikasuttavaṇṇanā
๑๖. ฉเฎฺฐ นิพฺพิทายาติ นิพฺพินฺทนตฺถายฯ วิราคายาติ วิรชฺชนตฺถายฯ นิโรธายาติ นิรุชฺฌนตฺถายฯ ปฎิปโนฺน โหตีติ เอตฺถ สีลโต ปฎฺฐาย ยาว อรหตฺตมคฺคา ปฎิปโนฺนติ เวทิตโพฺพฯ ธมฺมานุธมฺมปฺปฎิปโนฺนติ โลกุตฺตรสฺส นิพฺพานธมฺมสฺส อนุธมฺมภูตํ ปฎิปทํ ปฎิปโนฺนฯ อนุธมฺมภูตนฺติ อนุรูปสภาวภูตํฯ นิพฺพิทา วิราคา นิโรธาติ นิพฺพิทาย เจว วิราเคน จ นิโรเธน จฯ อนุปาทา วิมุโตฺตติ จตูหิ อุปาทาเนหิ กิญฺจิ ธมฺมํ อนุปาทิยิตฺวา วิมุโตฺตฯ ทิฎฺฐธมฺมนิพฺพานปฺปโตฺตติ ทิเฎฺฐว ธเมฺม นิพฺพานปฺปโตฺตฯ อลํ วจนายาติ, เอวํ วตฺตพฺพตํ อรหติ, ยุโตฺต อนุจฺฉวิโกติ อโตฺถ ฯ เอวเมตฺถ เอเกน นเยน ธมฺมกถิกสฺส ปุจฺฉา กถิตา, ทฺวีหิ ตํ วิเสเสตฺวา เสกฺขาเสกฺขภูมิโย นิทฺทิฎฺฐาติฯ ฉฎฺฐํฯ
16. Chaṭṭhe nibbidāyāti nibbindanatthāya. Virāgāyāti virajjanatthāya. Nirodhāyāti nirujjhanatthāya. Paṭipanno hotīti ettha sīlato paṭṭhāya yāva arahattamaggā paṭipannoti veditabbo. Dhammānudhammappaṭipannoti lokuttarassa nibbānadhammassa anudhammabhūtaṃ paṭipadaṃ paṭipanno. Anudhammabhūtanti anurūpasabhāvabhūtaṃ. Nibbidā virāgā nirodhāti nibbidāya ceva virāgena ca nirodhena ca. Anupādā vimuttoti catūhi upādānehi kiñci dhammaṃ anupādiyitvā vimutto. Diṭṭhadhammanibbānappattoti diṭṭheva dhamme nibbānappatto. Alaṃ vacanāyāti, evaṃ vattabbataṃ arahati, yutto anucchavikoti attho . Evamettha ekena nayena dhammakathikassa pucchā kathitā, dvīhi taṃ visesetvā sekkhāsekkhabhūmiyo niddiṭṭhāti. Chaṭṭhaṃ.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / สํยุตฺตนิกาย • Saṃyuttanikāya / ๖. ธมฺมกถิกสุตฺตํ • 6. Dhammakathikasuttaṃ
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / สํยุตฺตนิกาย (ฎีกา) • Saṃyuttanikāya (ṭīkā) / ๖. ธมฺมกถิกสุตฺตวณฺณนา • 6. Dhammakathikasuttavaṇṇanā
