| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
4. д̇хамман̃н̃уусуд̇д̇ам̣
4. Dhammaññūsuttaṃ
68. ‘‘сад̇д̇ахи, бхигкавз, д̇хаммзхи саманнааг̇ад̇о бхигку аахунзяяо ход̇и …бз… ануд̇д̇арам̣ бун̃н̃агкзд̇д̇ам̣ логасса. гад̇амзхи сад̇д̇ахи? ид̇ха, бхигкавз, бхигку д̇хамман̃н̃уу жа ход̇и ад̇т̇ан̃н̃уу жа ад̇д̇ан̃н̃уу жа мад̇д̇ан̃н̃уу жа гаалан̃н̃уу жа барисан̃н̃уу жа буг̇г̇алабаробаран̃н̃уу жа.
68. ‘‘Sattahi, bhikkhave, dhammehi samannāgato bhikkhu āhuneyyo hoti …pe… anuttaraṃ puññakkhettaṃ lokassa. Katamehi sattahi? Idha, bhikkhave, bhikkhu dhammaññū ca hoti atthaññū ca attaññū ca mattaññū ca kālaññū ca parisaññū ca puggalaparoparaññū ca.
‘‘гат̇ан̃жа, бхигкавз, бхигку д̇хамман̃н̃уу ход̇и? ид̇ха, бхигкавз, бхигку д̇хаммам̣ ж̇аанаад̇и – суд̇д̇ам̣ г̇зяяам̣ взяяаагаран̣ам̣ г̇аат̇ам̣ уд̣̇аанам̣ ид̇ивуд̇д̇агам̣ ж̇аад̇агам̣ аб̣бхуд̇ад̇хаммам̣ взд̣̇аллам̣. но жз, бхигкавз, бхигку д̇хаммам̣ ж̇аанзяяа – суд̇д̇ам̣ г̇зяяам̣…бз… аб̣бхуд̇ад̇хаммам̣ взд̣̇аллам̣, наяид̇ха ‘д̇хамман̃н̃уу’д̇и вужжзяяа. яасмаа жа ко, бхигкавз, бхигку д̇хаммам̣ ж̇аанаад̇и – суд̇д̇ам̣ г̇зяяам̣…бз… аб̣бхуд̇ад̇хаммам̣ взд̣̇аллам̣, д̇асмаа ‘д̇хамман̃н̃уу’д̇и вужжад̇и. ид̇и д̇хамман̃н̃уу.
‘‘Kathañca, bhikkhave, bhikkhu dhammaññū hoti? Idha, bhikkhave, bhikkhu dhammaṃ jānāti – suttaṃ geyyaṃ veyyākaraṇaṃ gāthaṃ udānaṃ itivuttakaṃ jātakaṃ abbhutadhammaṃ vedallaṃ. No ce, bhikkhave, bhikkhu dhammaṃ jāneyya – suttaṃ geyyaṃ…pe… abbhutadhammaṃ vedallaṃ, nayidha ‘dhammaññū’ti vucceyya. Yasmā ca kho, bhikkhave, bhikkhu dhammaṃ jānāti – suttaṃ geyyaṃ…pe… abbhutadhammaṃ vedallaṃ, tasmā ‘dhammaññū’ti vuccati. Iti dhammaññū.
‘‘ад̇т̇ан̃н̃уу жа гат̇ам̣ ход̇и? ид̇ха, бхигкавз, бхигку д̇асса д̇ассзва бхаасид̇асса ад̇т̇ам̣ ж̇аанаад̇и – ‘аяам̣ имасса бхаасид̇асса ад̇т̇о, аяам̣ имасса бхаасид̇асса ад̇т̇о’д̇и. но жз, бхигкавз, бхигку д̇асса д̇ассзва бхаасид̇асса ад̇т̇ам̣ ж̇аанзяяа – ‘аяам̣ имасса бхаасид̇асса ад̇т̇о, аяам̣ имасса бхаасид̇асса ад̇т̇о’д̇и, наяид̇ха ‘ад̇т̇ан̃н̃уу’д̇и вужжзяяа. яасмаа жа ко, бхигкавз, бхигку д̇асса д̇ассзва бхаасид̇асса ад̇т̇ам̣ ж̇аанаад̇и – ‘аяам̣ имасса бхаасид̇асса ад̇т̇о, аяам̣ имасса бхаасид̇асса ад̇т̇о’д̇и, д̇асмаа ‘ад̇т̇ан̃н̃уу’д̇и вужжад̇и. ид̇и д̇хамман̃н̃уу, ад̇т̇ан̃н̃уу.
‘‘Atthaññū ca kathaṃ hoti? Idha, bhikkhave, bhikkhu tassa tasseva bhāsitassa atthaṃ jānāti – ‘ayaṃ imassa bhāsitassa attho, ayaṃ imassa bhāsitassa attho’ti. No ce, bhikkhave, bhikkhu tassa tasseva bhāsitassa atthaṃ jāneyya – ‘ayaṃ imassa bhāsitassa attho, ayaṃ imassa bhāsitassa attho’ti, nayidha ‘atthaññū’ti vucceyya. Yasmā ca kho, bhikkhave, bhikkhu tassa tasseva bhāsitassa atthaṃ jānāti – ‘ayaṃ imassa bhāsitassa attho, ayaṃ imassa bhāsitassa attho’ti, tasmā ‘atthaññū’ti vuccati. Iti dhammaññū, atthaññū.
‘‘ад̇д̇ан̃н̃уу жа гат̇ам̣ ход̇и? ид̇ха, бхигкавз, бхигку ад̇д̇аанам̣ ж̇аанаад̇и – ‘зд̇д̇агомхи сад̣̇д̇хааяа сийлзна суд̇зна жааг̇зна бан̃н̃ааяа бадибхаанзнаа’д̇и. но жз, бхигкавз, бхигку ад̇д̇аанам̣ ж̇аанзяяа – ‘зд̇д̇агомхи сад̣̇д̇хааяа сийлзна суд̇зна жааг̇зна бан̃н̃ааяа бадибхаанзнаа’д̇и, наяид̇ха ‘ад̇д̇ан̃н̃уу’д̇и вужжзяяа. яасмаа жа, бхигкавз , бхигку ад̇д̇аанам̣ ж̇аанаад̇и – ‘зд̇д̇агомхи сад̣̇д̇хааяа сийлзна суд̇зна жааг̇зна бан̃н̃ааяа бадибхаанзнаа’д̇и, д̇асмаа ‘ад̇д̇ан̃н̃уу’д̇и вужжад̇и. ид̇и д̇хамман̃н̃уу, ад̇т̇ан̃н̃уу, ад̇д̇ан̃н̃уу.
‘‘Attaññū ca kathaṃ hoti? Idha, bhikkhave, bhikkhu attānaṃ jānāti – ‘ettakomhi saddhāya sīlena sutena cāgena paññāya paṭibhānenā’ti. No ce, bhikkhave, bhikkhu attānaṃ jāneyya – ‘ettakomhi saddhāya sīlena sutena cāgena paññāya paṭibhānenā’ti, nayidha ‘attaññū’ti vucceyya. Yasmā ca, bhikkhave , bhikkhu attānaṃ jānāti – ‘ettakomhi saddhāya sīlena sutena cāgena paññāya paṭibhānenā’ti, tasmā ‘attaññū’ti vuccati. Iti dhammaññū, atthaññū, attaññū.
‘‘мад̇д̇ан̃н̃уу жа гат̇ам̣ ход̇и? ид̇ха, бхигкавз, бхигку мад̇д̇ам̣ ж̇аанаад̇и жийварабин̣д̣абаад̇асзнаасанаг̇илаанаббажжаяабхзсаж̇ж̇абаригкаараанам̣ бадиг̇г̇ахан̣ааяа. но жз, бхигкавз, бхигку мад̇д̇ам̣ ж̇аанзяяа жийварабин̣д̣абаад̇асзнаасанаг̇илаанаббажжаяабхзсаж̇ж̇абаригкаараанам̣ бадиг̇г̇ахан̣ааяа, наяид̇ха ‘мад̇д̇ан̃н̃уу’д̇и вужжзяяа. яасмаа жа ко, бхигкавз, бхигку мад̇д̇ам̣ ж̇аанаад̇и жийварабин̣д̣абаад̇асзнаасанаг̇илаанаббажжаяабхзсаж̇ж̇абаригкаараанам̣ бадиг̇г̇ахан̣ааяа, д̇асмаа ‘мад̇д̇ан̃н̃уу’д̇и вужжад̇и. ид̇и д̇хамман̃н̃уу, ад̇т̇ан̃н̃уу, ад̇д̇ан̃н̃уу, мад̇д̇ан̃н̃уу.
‘‘Mattaññū ca kathaṃ hoti? Idha, bhikkhave, bhikkhu mattaṃ jānāti cīvarapiṇḍapātasenāsanagilānappaccayabhesajjaparikkhārānaṃ paṭiggahaṇāya. No ce, bhikkhave, bhikkhu mattaṃ jāneyya cīvarapiṇḍapātasenāsanagilānappaccayabhesajjaparikkhārānaṃ paṭiggahaṇāya, nayidha ‘mattaññū’ti vucceyya. Yasmā ca kho, bhikkhave, bhikkhu mattaṃ jānāti cīvarapiṇḍapātasenāsanagilānappaccayabhesajjaparikkhārānaṃ paṭiggahaṇāya, tasmā ‘mattaññū’ti vuccati. Iti dhammaññū, atthaññū, attaññū, mattaññū.
‘‘гаалан̃н̃уу жа гат̇ам̣ ход̇и? ид̇ха, бхигкавз, бхигку, гаалам̣ ж̇аанаад̇и – ‘аяам̣ гаало уд̣̇д̣̇зсасса, аяам̣ гаало барибужчааяа, аяам̣ гаало яог̇асса, аяам̣ гаало бадисаллаанассаа’д̇и. но жз, бхигкавз, бхигку гаалам̣ ж̇аанзяяа – ‘аяам̣ гаало уд̣̇д̣̇зсасса, аяам̣ гаало барибужчааяа, аяам̣ гаало яог̇асса, аяам̣ гаало бадисаллаанассаа’д̇и, наяид̇ха ‘гаалан̃н̃уу’д̇и вужжзяяа. яасмаа жа ко, бхигкавз, бхигку гаалам̣ ж̇аанаад̇и – ‘аяам̣ гаало уд̣̇д̣̇зсасса, аяам̣ гаало барибужчааяа, аяам̣ гаало яог̇асса, аяам̣ гаало бадисаллаанассаа’д̇и, д̇асмаа ‘гаалан̃н̃уу’д̇и вужжад̇и. ид̇и д̇хамман̃н̃уу, ад̇т̇ан̃н̃уу, ад̇д̇ан̃н̃уу, мад̇д̇ан̃н̃уу, гаалан̃н̃уу.
‘‘Kālaññū ca kathaṃ hoti? Idha, bhikkhave, bhikkhu, kālaṃ jānāti – ‘ayaṃ kālo uddesassa, ayaṃ kālo paripucchāya, ayaṃ kālo yogassa, ayaṃ kālo paṭisallānassā’ti. No ce, bhikkhave, bhikkhu kālaṃ jāneyya – ‘ayaṃ kālo uddesassa, ayaṃ kālo paripucchāya, ayaṃ kālo yogassa, ayaṃ kālo paṭisallānassā’ti, nayidha ‘kālaññū’ti vucceyya. Yasmā ca kho, bhikkhave, bhikkhu kālaṃ jānāti – ‘ayaṃ kālo uddesassa, ayaṃ kālo paripucchāya, ayaṃ kālo yogassa, ayaṃ kālo paṭisallānassā’ti, tasmā ‘kālaññū’ti vuccati. Iti dhammaññū, atthaññū, attaññū, mattaññū, kālaññū.
‘‘барисан̃н̃уу жа гат̇ам̣ ход̇и? ид̇ха, бхигкавз, бхигку барисам̣ ж̇аанаад̇и – ‘аяам̣ кад̇д̇ияабарисаа, аяам̣ б̣раахман̣абарисаа, аяам̣ г̇ахабад̇ибарисаа, аяам̣ саман̣абарисаа. д̇ад̇т̇а звам̣ убасан̇гамид̇аб̣б̣ам̣, звам̣ таад̇аб̣б̣ам̣ , звам̣ гад̇д̇аб̣б̣ам̣, звам̣ нисийд̣̇ид̇аб̣б̣ам̣, звам̣ бхаасид̇аб̣б̣ам̣, звам̣ д̇ун̣хий бхавид̇аб̣б̣а’нд̇и. но жз, бхигкавз, бхигку барисам̣ ж̇аанзяяа – ‘аяам̣ кад̇д̇ияабарисаа…бз… звам̣ д̇ун̣хий бхавид̇аб̣б̣а’нд̇и, наяид̇ха ‘барисан̃н̃уу’д̇и вужжзяяа. яасмаа жа ко, бхигкавз, бхигку барисам̣ ж̇аанаад̇и – ‘аяам̣ кад̇д̇ияабарисаа, аяам̣ б̣раахман̣абарисаа, аяам̣ г̇ахабад̇ибарисаа, аяам̣ саман̣абарисаа . д̇ад̇т̇а звам̣ убасан̇гамид̇аб̣б̣ам̣, звам̣ таад̇аб̣б̣ам̣, звам̣ гад̇д̇аб̣б̣ам̣, звам̣ нисийд̣̇ид̇аб̣б̣ам̣, звам̣ бхаасид̇аб̣б̣ам̣, звам̣ д̇ун̣хий бхавид̇аб̣б̣а’нд̇и, д̇асмаа ‘барисан̃н̃уу’д̇и вужжад̇и. ид̇и д̇хамман̃н̃уу, ад̇т̇ан̃н̃уу, ад̇д̇ан̃н̃уу, мад̇д̇ан̃н̃уу, гаалан̃н̃уу, барисан̃н̃уу.
‘‘Parisaññū ca kathaṃ hoti? Idha, bhikkhave, bhikkhu parisaṃ jānāti – ‘ayaṃ khattiyaparisā, ayaṃ brāhmaṇaparisā, ayaṃ gahapatiparisā, ayaṃ samaṇaparisā. Tattha evaṃ upasaṅkamitabbaṃ, evaṃ ṭhātabbaṃ , evaṃ kattabbaṃ, evaṃ nisīditabbaṃ, evaṃ bhāsitabbaṃ, evaṃ tuṇhī bhavitabba’nti. No ce, bhikkhave, bhikkhu parisaṃ jāneyya – ‘ayaṃ khattiyaparisā…pe… evaṃ tuṇhī bhavitabba’nti, nayidha ‘parisaññū’ti vucceyya. Yasmā ca kho, bhikkhave, bhikkhu parisaṃ jānāti – ‘ayaṃ khattiyaparisā, ayaṃ brāhmaṇaparisā, ayaṃ gahapatiparisā, ayaṃ samaṇaparisā . Tattha evaṃ upasaṅkamitabbaṃ, evaṃ ṭhātabbaṃ, evaṃ kattabbaṃ, evaṃ nisīditabbaṃ, evaṃ bhāsitabbaṃ, evaṃ tuṇhī bhavitabba’nti, tasmā ‘parisaññū’ti vuccati. Iti dhammaññū, atthaññū, attaññū, mattaññū, kālaññū, parisaññū.
‘‘буг̇г̇алабаробаран̃н̃уу жа гат̇ам̣ ход̇и? ид̇ха, бхигкавз, бхигкуно 1 д̣̇ваязна буг̇г̇алаа вид̣̇ид̇аа хонд̇и. д̣̇вз буг̇г̇алаа – зго арияаанам̣ д̣̇ассанагаамо, зго арияаанам̣ на д̣̇ассанагаамо. явааяам̣ буг̇г̇ало арияаанам̣ на д̣̇ассанагаамо , звам̣ со д̇знан̇г̇зна г̇аараяхо. явааяам̣ буг̇г̇ало арияаанам̣ д̣̇ассанагаамо, звам̣ со д̇знан̇г̇зна баасам̣со.
‘‘Puggalaparoparaññū ca kathaṃ hoti? Idha, bhikkhave, bhikkhuno 2 dvayena puggalā viditā honti. Dve puggalā – eko ariyānaṃ dassanakāmo, eko ariyānaṃ na dassanakāmo. Yvāyaṃ puggalo ariyānaṃ na dassanakāmo , evaṃ so tenaṅgena gārayho. Yvāyaṃ puggalo ariyānaṃ dassanakāmo, evaṃ so tenaṅgena pāsaṃso.
‘‘д̣̇вз буг̇г̇алаа арияаанам̣ д̣̇ассанагаамаа – зго сад̣̇д̇хаммам̣ сод̇угаамо, зго сад̣̇д̇хаммам̣ на сод̇угаамо. явааяам̣ буг̇г̇ало сад̣̇д̇хаммам̣ на сод̇угаамо, звам̣ со д̇знан̇г̇зна г̇аараяхо. явааяам̣ буг̇г̇ало сад̣̇д̇хаммам̣ сод̇угаамо, звам̣ со д̇знан̇г̇зна баасам̣со.
‘‘Dve puggalā ariyānaṃ dassanakāmā – eko saddhammaṃ sotukāmo, eko saddhammaṃ na sotukāmo. Yvāyaṃ puggalo saddhammaṃ na sotukāmo, evaṃ so tenaṅgena gārayho. Yvāyaṃ puggalo saddhammaṃ sotukāmo, evaṃ so tenaṅgena pāsaṃso.
‘‘д̣̇вз буг̇г̇алаа сад̣̇д̇хаммам̣ сод̇угаамаа – зго охид̇асод̇о д̇хаммам̣ сун̣аад̇и, зго анохид̇асод̇о д̇хаммам̣ сун̣аад̇и. явааяам̣ буг̇г̇ало анохид̇асод̇о д̇хаммам̣ сун̣аад̇и, звам̣ со д̇знан̇г̇зна г̇аараяхо. явааяам̣ буг̇г̇ало охид̇асод̇о д̇хаммам̣ сун̣аад̇и, звам̣ со д̇знан̇г̇зна баасам̣со.
‘‘Dve puggalā saddhammaṃ sotukāmā – eko ohitasoto dhammaṃ suṇāti, eko anohitasoto dhammaṃ suṇāti. Yvāyaṃ puggalo anohitasoto dhammaṃ suṇāti, evaṃ so tenaṅgena gārayho. Yvāyaṃ puggalo ohitasoto dhammaṃ suṇāti, evaṃ so tenaṅgena pāsaṃso.
‘‘д̣̇вз буг̇г̇алаа охид̇асод̇аа д̇хаммам̣ сун̣анд̇и 3 – зго суд̇ваа д̇хаммам̣ д̇хаарзд̇и, зго суд̇ваа д̇хаммам̣ на д̇хаарзд̇и. явааяам̣ буг̇г̇ало суд̇ваа на д̇хаммам̣ д̇хаарзд̇и, звам̣ со д̇знан̇г̇зна г̇аараяхо. явааяам̣ буг̇г̇ало суд̇ваа д̇хаммам̣ д̇хаарзд̇и, звам̣ со д̇знан̇г̇зна баасам̣со.
‘‘Dve puggalā ohitasotā dhammaṃ suṇanti 4 – eko sutvā dhammaṃ dhāreti, eko sutvā dhammaṃ na dhāreti. Yvāyaṃ puggalo sutvā na dhammaṃ dhāreti, evaṃ so tenaṅgena gārayho. Yvāyaṃ puggalo sutvā dhammaṃ dhāreti, evaṃ so tenaṅgena pāsaṃso.
‘‘д̣̇вз буг̇г̇алаа суд̇ваа д̇хаммам̣ д̇хаарзнд̇и 5 – зго д̇хаад̇аанам̣ 6 д̇хаммаанам̣ ад̇т̇ам̣ убабаригкад̇и, зго д̇хаад̇аанам̣ д̇хаммаанам̣ ад̇т̇ам̣ на убабаригкад̇и. явааяам̣ буг̇г̇ало д̇хаад̇аанам̣ д̇хаммаанам̣ ад̇т̇ам̣ на убабаригкад̇и, звам̣ со д̇знан̇г̇зна г̇аараяхо. явааяам̣ буг̇г̇ало д̇хаад̇аанам̣ д̇хаммаанам̣ ад̇т̇ам̣ убабаригкад̇и, звам̣ со д̇знан̇г̇зна баасам̣со.
‘‘Dve puggalā sutvā dhammaṃ dhārenti 7 – eko dhātānaṃ 8 dhammānaṃ atthaṃ upaparikkhati, eko dhātānaṃ dhammānaṃ atthaṃ na upaparikkhati. Yvāyaṃ puggalo dhātānaṃ dhammānaṃ atthaṃ na upaparikkhati, evaṃ so tenaṅgena gārayho. Yvāyaṃ puggalo dhātānaṃ dhammānaṃ atthaṃ upaparikkhati, evaṃ so tenaṅgena pāsaṃso.
‘‘д̣̇вз буг̇г̇алаа д̇хаад̇аанам̣ д̇хаммаанам̣ ад̇т̇ам̣ убабаригканд̇и 9 – зго ад̇т̇аман̃н̃ааяа д̇хаммаман̃н̃ааяа д̇хаммаануд̇хаммаббадибанно, зго ад̇т̇аман̃н̃ааяа д̇хаммаман̃н̃ааяа на д̇хаммаануд̇хаммаббадибанно. явааяам̣ буг̇г̇ало ад̇т̇аман̃н̃ааяа д̇хаммаман̃н̃ааяа на д̇хаммаануд̇хаммаббадибанно, звам̣ со д̇знан̇г̇зна г̇аараяхо. явааяам̣ буг̇г̇ало ад̇т̇аман̃н̃ааяа д̇хаммаман̃н̃ааяа д̇хаммаануд̇хаммаббадибанно, звам̣ со д̇знан̇г̇зна баасам̣со.
‘‘Dve puggalā dhātānaṃ dhammānaṃ atthaṃ upaparikkhanti 10 – eko atthamaññāya dhammamaññāya dhammānudhammappaṭipanno, eko atthamaññāya dhammamaññāya na dhammānudhammappaṭipanno. Yvāyaṃ puggalo atthamaññāya dhammamaññāya na dhammānudhammappaṭipanno, evaṃ so tenaṅgena gārayho. Yvāyaṃ puggalo atthamaññāya dhammamaññāya dhammānudhammappaṭipanno, evaṃ so tenaṅgena pāsaṃso.
‘‘д̣̇вз буг̇г̇алаа ад̇т̇аман̃н̃ааяа д̇хаммаман̃н̃ааяа д̇хаммаануд̇хаммаббадибаннаа – зго ад̇д̇ахид̇ааяа бадибанно но барахид̇ааяа, зго ад̇д̇ахид̇ааяа жа бадибанно барахид̇ааяа жа. явааяам̣ буг̇г̇ало ад̇д̇ахид̇ааяа бадибанно но барахид̇ааяа, звам̣ со д̇знан̇г̇зна г̇аараяхо. явааяам̣ буг̇г̇ало ад̇т̇ахид̇ааяа жа бадибанно барахид̇ааяа жа, звам̣ со д̇знан̇г̇зна баасам̣со. звам̣ ко, бхигкавз, бхигкуно 11 д̣̇ваязна буг̇г̇алаа вид̣̇ид̇аа хонд̇и. звам̣, бхигкавз, бхигку буг̇г̇алабаробаран̃н̃уу ход̇и. ‘‘имзхи ко, бхигкавз, сад̇д̇ахи д̇хаммзхи саманнааг̇ад̇о бхигку аахунзяяо ход̇и баахунзяяо…бз… ануд̇д̇арам̣ бун̃н̃агкзд̇д̇ам̣ логассаа’’д̇и. жад̇уд̇т̇ам̣.
‘‘Dve puggalā atthamaññāya dhammamaññāya dhammānudhammappaṭipannā – eko attahitāya paṭipanno no parahitāya, eko attahitāya ca paṭipanno parahitāya ca. Yvāyaṃ puggalo attahitāya paṭipanno no parahitāya, evaṃ so tenaṅgena gārayho. Yvāyaṃ puggalo atthahitāya ca paṭipanno parahitāya ca, evaṃ so tenaṅgena pāsaṃso. Evaṃ kho, bhikkhave, bhikkhuno 12 dvayena puggalā viditā honti. Evaṃ, bhikkhave, bhikkhu puggalaparoparaññū hoti. ‘‘Imehi kho, bhikkhave, sattahi dhammehi samannāgato bhikkhu āhuneyyo hoti pāhuneyyo…pe… anuttaraṃ puññakkhettaṃ lokassā’’ti. Catutthaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 4. д̇хамман̃н̃уусуд̇д̇аван̣н̣анаа • 4. Dhammaññūsuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 4. д̇хамман̃н̃уусуд̇д̇аван̣н̣анаа • 4. Dhammaññūsuttavaṇṇanā
