| Library / Tipiṭaka / திபிடக • Tipiṭaka / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) |
4. த⁴ம்மஞ்ஞூஸுத்தவண்ணனா
4. Dhammaññūsuttavaṇṇanā
68. சதுத்தே² காலங் ஜானாதீதி யுத்தப்பத்தகாலங் ஜானாதி. அயங் காலோ உத்³தே³ஸஸ்ஸாதி அயங் பு³த்³த⁴வசனங் உக்³க³ண்ஹனகாலோ. பரிபுச்சா²யாதி அத்தா²னத்த²ங் காரணாகாரணங் பரிபுச்சா²ய. யோக³ஸ்ஸாதி யோகே³ கம்மங் பக்கி²பனஸ்ஸ. படிஸல்லானஸ்ஸாதி நிலீயனஸ்ஸ ஏகீபா⁴வஸ்ஸ. த⁴ம்மானுத⁴ம்மப்படிபன்னோதி நவன்னங் லோகுத்தரத⁴ம்மானங் அனுரூபத⁴ம்மங் புப்³ப³பா⁴க³படிபத³ங் படிபன்னோ. ஏவங் கோ², பி⁴க்க²வே, பி⁴க்கு² புக்³க³லபரோபரஞ்ஞூ ஹோதீதி ஏவங் பி⁴க்கு² புக்³க³லானங் பரோபரங் திக்க²முது³பா⁴வங் ஜானநஸமத்தோ² நாம ஹோதி.
68. Catutthe kālaṃ jānātīti yuttappattakālaṃ jānāti. Ayaṃ kālo uddesassāti ayaṃ buddhavacanaṃ uggaṇhanakālo. Paripucchāyāti atthānatthaṃ kāraṇākāraṇaṃ paripucchāya. Yogassāti yoge kammaṃ pakkhipanassa. Paṭisallānassāti nilīyanassa ekībhāvassa. Dhammānudhammappaṭipannoti navannaṃ lokuttaradhammānaṃ anurūpadhammaṃ pubbabhāgapaṭipadaṃ paṭipanno. Evaṃ kho, bhikkhave, bhikkhu puggalaparoparaññū hotīti evaṃ bhikkhu puggalānaṃ paroparaṃ tikkhamudubhāvaṃ jānanasamattho nāma hoti.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 4. த⁴ம்மஞ்ஞூஸுத்தங் • 4. Dhammaññūsuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 4. த⁴ம்மஞ்ஞூஸுத்தவண்ணனா • 4. Dhammaññūsuttavaṇṇanā
