| Library / Tipiṭaka / तिपिटक • Tipiṭaka / अङ्गुत्तरनिकाय (अट्ठकथा) • Aṅguttaranikāya (aṭṭhakathā) |
४. धम्मञ्ञूसुत्तवण्णना
4. Dhammaññūsuttavaṇṇanā
६८. चतुत्थे कालं जानातीति युत्तप्पत्तकालं जानाति। अयं कालो उद्देसस्साति अयं बुद्धवचनं उग्गण्हनकालो। परिपुच्छायाति अत्थानत्थं कारणाकारणं परिपुच्छाय। योगस्साति योगे कम्मं पक्खिपनस्स। पटिसल्लानस्साति निलीयनस्स एकीभावस्स। धम्मानुधम्मप्पटिपन्नोति नवन्नं लोकुत्तरधम्मानं अनुरूपधम्मं पुब्बभागपटिपदं पटिपन्नो। एवं खो, भिक्खवे, भिक्खु पुग्गलपरोपरञ्ञू होतीति एवं भिक्खु पुग्गलानं परोपरं तिक्खमुदुभावं जाननसमत्थो नाम होति।
68. Catutthe kālaṃ jānātīti yuttappattakālaṃ jānāti. Ayaṃ kālo uddesassāti ayaṃ buddhavacanaṃ uggaṇhanakālo. Paripucchāyāti atthānatthaṃ kāraṇākāraṇaṃ paripucchāya. Yogassāti yoge kammaṃ pakkhipanassa. Paṭisallānassāti nilīyanassa ekībhāvassa. Dhammānudhammappaṭipannoti navannaṃ lokuttaradhammānaṃ anurūpadhammaṃ pubbabhāgapaṭipadaṃ paṭipanno. Evaṃ kho, bhikkhave, bhikkhu puggalaparoparaññū hotīti evaṃ bhikkhu puggalānaṃ paroparaṃ tikkhamudubhāvaṃ jānanasamattho nāma hoti.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / अङ्गुत्तरनिकाय • Aṅguttaranikāya / ४. धम्मञ्ञूसुत्तं • 4. Dhammaññūsuttaṃ
टीका • Tīkā / सुत्तपिटक (टीका) • Suttapiṭaka (ṭīkā) / अङ्गुत्तरनिकाय (टीका) • Aṅguttaranikāya (ṭīkā) / ४. धम्मञ्ञूसुत्तवण्णना • 4. Dhammaññūsuttavaṇṇanā
