| Library / Tipiṭaka / ติปิฎก • Tipiṭaka / องฺคุตฺตรนิกาย (อฎฺฐกถา) • Aṅguttaranikāya (aṭṭhakathā) |
๔. ธมฺมญฺญูสุตฺตวณฺณนา
4. Dhammaññūsuttavaṇṇanā
๖๘. จตุเตฺถ กาลํ ชานาตีติ ยุตฺตปฺปตฺตกาลํ ชานาติฯ อยํ กาโล อุเทฺทสสฺสาติ อยํ พุทฺธวจนํ อุคฺคณฺหนกาโลฯ ปริปุจฺฉายาติ อตฺถานตฺถํ การณาการณํ ปริปุจฺฉายฯ โยคสฺสาติ โยเค กมฺมํ ปกฺขิปนสฺสฯ ปฎิสลฺลานสฺสาติ นิลียนสฺส เอกีภาวสฺสฯ ธมฺมานุธมฺมปฺปฎิปโนฺนติ นวนฺนํ โลกุตฺตรธมฺมานํ อนุรูปธมฺมํ ปุพฺพภาคปฎิปทํ ปฎิปโนฺนฯ เอวํ โข, ภิกฺขเว, ภิกฺขุ ปุคฺคลปโรปรญฺญู โหตีติ เอวํ ภิกฺขุ ปุคฺคลานํ ปโรปรํ ติกฺขมุทุภาวํ ชานนสมโตฺถ นาม โหติฯ
68. Catutthe kālaṃ jānātīti yuttappattakālaṃ jānāti. Ayaṃ kālo uddesassāti ayaṃ buddhavacanaṃ uggaṇhanakālo. Paripucchāyāti atthānatthaṃ kāraṇākāraṇaṃ paripucchāya. Yogassāti yoge kammaṃ pakkhipanassa. Paṭisallānassāti nilīyanassa ekībhāvassa. Dhammānudhammappaṭipannoti navannaṃ lokuttaradhammānaṃ anurūpadhammaṃ pubbabhāgapaṭipadaṃ paṭipanno. Evaṃ kho, bhikkhave, bhikkhu puggalaparoparaññū hotīti evaṃ bhikkhu puggalānaṃ paroparaṃ tikkhamudubhāvaṃ jānanasamattho nāma hoti.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / องฺคุตฺตรนิกาย • Aṅguttaranikāya / ๔. ธมฺมญฺญูสุตฺตํ • 4. Dhammaññūsuttaṃ
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / องฺคุตฺตรนิกาย (ฎีกา) • Aṅguttaranikāya (ṭīkā) / ๔. ธมฺมญฺญูสุตฺตวณฺณนา • 4. Dhammaññūsuttavaṇṇanā
