| Library / Tipiṭaka / តិបិដក • Tipiṭaka / បដ្ឋានបាឡិ • Paṭṭhānapāḷi |
ធម្មានុលោមបច្ចនីយេ ទុកតិកបដ្ឋានំ
Dhammānulomapaccanīye dukatikapaṭṭhānaṃ
១-១. ហេតុទុក-កុសលត្តិកំ
1-1. Hetuduka-kusalattikaṃ
១. កុសលបទំ
1. Kusalapadaṃ
១-៧. បដិច្ចវារាទិ
1-7. Paṭiccavārādi
១. ហេតុំ កុសលំ ធម្មំ បដិច្ច នហេតុ នកុសលោ ធម្មោ ឧប្បជ្ជតិ ហេតុបច្ចយា។ នហេតុំ កុសលំ ធម្មំ បដិច្ច ននហេតុ នកុសលោ ធម្មោ ឧប្បជ្ជតិ ហេតុបច្ចយា។ ហេតុំ កុសលញ្ច នហេតុំ កុសលញ្ច ធម្មំ បដិច្ច នហេតុ នកុសលោ ធម្មោ ឧប្បជ្ជតិ ហេតុបច្ចយា… តីណិ (ចិត្តសមុដ្ឋានមេវ, អារម្មណំ នត្ថិ)។
1. Hetuṃ kusalaṃ dhammaṃ paṭicca nahetu nakusalo dhammo uppajjati hetupaccayā. Nahetuṃ kusalaṃ dhammaṃ paṭicca nanahetu nakusalo dhammo uppajjati hetupaccayā. Hetuṃ kusalañca nahetuṃ kusalañca dhammaṃ paṭicca nahetu nakusalo dhammo uppajjati hetupaccayā… tīṇi (cittasamuṭṭhānameva, ārammaṇaṃ natthi).
ហេតុយា តីណិ, អធិបតិយា តីណិ…បេ.… អវិគតេ តីណិ។
Hetuyā tīṇi, adhipatiyā tīṇi…pe… avigate tīṇi.
(សហជាតវារម្បិ…បេ.… និស្សយវារម្បិ បដិច្ចវារសទិសំ។)
(Sahajātavārampi…pe… nissayavārampi paṭiccavārasadisaṃ.)
២. ហេតុ កុសលោ ធម្មោ នហេតុស្ស នកុសលស្ស ធម្មស្ស ហេតុបច្ចយេន បច្ចយោ។ (១)
2. Hetu kusalo dhammo nahetussa nakusalassa dhammassa hetupaccayena paccayo. (1)
ហេតុ កុសលោ ធម្មោ នហេតុស្ស នកុសលស្ស ធម្មស្ស អារម្មណបច្ចយេន បច្ចយោ… តីណិ។
Hetu kusalo dhammo nahetussa nakusalassa dhammassa ārammaṇapaccayena paccayo… tīṇi.
នហេតុ កុសលោ ធម្មោ ននហេតុស្ស នកុសលស្ស ធម្មស្ស អារម្មណបច្ចយេន បច្ចយោ… តីណិ។
Nahetu kusalo dhammo nanahetussa nakusalassa dhammassa ārammaṇapaccayena paccayo… tīṇi.
ហេតុ កុសលោ ច នហេតុ កុសលោ ច ធម្មា នហេតុស្ស នកុសលស្ស ធម្មស្ស អារម្មណបច្ចយេន បច្ចយោ… តីណិ។ (សំខិត្តំ។)
Hetu kusalo ca nahetu kusalo ca dhammā nahetussa nakusalassa dhammassa ārammaṇapaccayena paccayo… tīṇi. (Saṃkhittaṃ.)
៣. ហេតុយា ឯកំ, អារម្មណេ នវ, អធិបតិយា នវ…បេ.… អវិគតេ តីណិ។ (បញ្ហាវារម្បិ វិត្ថារេតព្ពំ។)
3. Hetuyā ekaṃ, ārammaṇe nava, adhipatiyā nava…pe… avigate tīṇi. (Pañhāvārampi vitthāretabbaṃ.)
២. អកុសលបទំ
2. Akusalapadaṃ
១-៧. បដិច្ចវារាទិ
1-7. Paṭiccavārādi
៤. ហេតុំ អកុសលំ ធម្មំ បដិច្ច នហេតុ នអកុសលោ ធម្មោ ឧប្បជ្ជតិ ហេតុបច្ចយា។ (១)
4. Hetuṃ akusalaṃ dhammaṃ paṭicca nahetu naakusalo dhammo uppajjati hetupaccayā. (1)
នហេតុំ អកុសលំ ធម្មំ បដិច្ច នហេតុ នអកុសលោ ធម្មោ ឧប្បជ្ជតិ ហេតុបច្ចយា។ (១)
Nahetuṃ akusalaṃ dhammaṃ paṭicca nahetu naakusalo dhammo uppajjati hetupaccayā. (1)
ហេតុំ អកុសលញ្ច នហេតុំ អកុសលញ្ច ធម្មំ បដិច្ច នហេតុ នអកុសលោ ធម្មោ ឧប្បជ្ជតិ ហេតុបច្ចយា។ (១) (សំខិត្តំ។) ហេតុយា តីណិ, អធិបតិយា តីណិ…បេ.… អវិគតេ តីណិ។
Hetuṃ akusalañca nahetuṃ akusalañca dhammaṃ paṭicca nahetu naakusalo dhammo uppajjati hetupaccayā. (1) (Saṃkhittaṃ.) Hetuyā tīṇi, adhipatiyā tīṇi…pe… avigate tīṇi.
(សហជាតវារម្បិ…បេ.… និស្សយវារម្បិ បដិច្ចវារសទិសំ។)
(Sahajātavārampi…pe… nissayavārampi paṭiccavārasadisaṃ.)
៥. ហេតុ អកុសលោ ធម្មោ នហេតុស្ស នអកុសលស្ស ធម្មស្ស ហេតុបច្ចយេន បច្ចយោ។ (១)
5. Hetu akusalo dhammo nahetussa naakusalassa dhammassa hetupaccayena paccayo. (1)
ហេតុ អកុសលោ ធម្មោ នហេតុស្ស នអកុសលស្ស ធម្មស្ស អារម្មណបច្ចយេន បច្ចយោ… តីណិ។
Hetu akusalo dhammo nahetussa naakusalassa dhammassa ārammaṇapaccayena paccayo… tīṇi.
នហេតុ អកុសលោ ធម្មោ ននហេតុស្ស នអកុសលស្ស ធម្មស្ស អារម្មណបច្ចយេន បច្ចយោ… តីណិ។
Nahetu akusalo dhammo nanahetussa naakusalassa dhammassa ārammaṇapaccayena paccayo… tīṇi.
ហេតុ អកុសលោ ច នហេតុ អកុសលោ ច ធម្មា នហេតុស្ស នអកុសលស្ស ធម្មស្ស អារម្មណបច្ចយេន បច្ចយោ… តីណិ។ (សំខិត្តំ។)
Hetu akusalo ca nahetu akusalo ca dhammā nahetussa naakusalassa dhammassa ārammaṇapaccayena paccayo… tīṇi. (Saṃkhittaṃ.)
៦. ហេតុយា ឯកំ, អារម្មណេ នវ, អធិបតិយា ឯកំ…បេ.… អវិគតេ តីណិ។
6. Hetuyā ekaṃ, ārammaṇe nava, adhipatiyā ekaṃ…pe… avigate tīṇi.
៣. អព្យាកតបទំ
3. Abyākatapadaṃ
៣. បច្ចយវារោ
3. Paccayavāro
៧. នហេតុំ អព្យាកតំ ធម្មំ បច្ចយា ននហេតុ នអព្យាកតោ ធម្មោ ឧប្បជ្ជតិ ហេតុបច្ចយា… ហេតុយា តីណិ។ (និស្សយវារម្បិ…បេ.… បញ្ហាវារម្បិ វិត្ថារេតព្ពំ។)
7. Nahetuṃ abyākataṃ dhammaṃ paccayā nanahetu naabyākato dhammo uppajjati hetupaccayā… hetuyā tīṇi. (Nissayavārampi…pe… pañhāvārampi vitthāretabbaṃ.)
១-២. ហេតុទុក-វេទនាត្តិកំ
1-2. Hetuduka-vedanāttikaṃ
៨. ហេតុំ សុខាយ វេទនាយ សម្បយុត្តំ ធម្មំ បដិច្ច នហេតុ នសុខាយ វេទនាយ សម្បយុត្តោ ធម្មោ ឧប្បជ្ជតិ ហេតុបច្ចយា។ (១)
8. Hetuṃ sukhāya vedanāya sampayuttaṃ dhammaṃ paṭicca nahetu nasukhāya vedanāya sampayutto dhammo uppajjati hetupaccayā. (1)
នហេតុំ សុខាយ វេទនាយ សម្បយុត្តំ ធម្មំ បដិច្ច នហេតុ នសុខាយ វេទនាយ សម្បយុត្តោ ធម្មោ ឧប្បជ្ជតិ ហេតុបច្ចយា។ (១)
Nahetuṃ sukhāya vedanāya sampayuttaṃ dhammaṃ paṭicca nahetu nasukhāya vedanāya sampayutto dhammo uppajjati hetupaccayā. (1)
ហេតុំ សុខាយ វេទនាយ សម្បយុត្តញ្ច នហេតុំ សុខាយ វេទនាយ សម្បយុត្តញ្ច ធម្មំ បដិច្ច នហេតុ នសុខាយ វេទនាយ សម្បយុត្តោ ធម្មោ ឧប្បជ្ជតិ ហេតុបច្ចយា។ (១) (សំខិត្តំ។) ហេតុយា តីណិ, អារម្មណេ តីណិ…បេ.… អវិគតេ តីណិ។
Hetuṃ sukhāya vedanāya sampayuttañca nahetuṃ sukhāya vedanāya sampayuttañca dhammaṃ paṭicca nahetu nasukhāya vedanāya sampayutto dhammo uppajjati hetupaccayā. (1) (Saṃkhittaṃ.) Hetuyā tīṇi, ārammaṇe tīṇi…pe… avigate tīṇi.
(សហជាតវារម្បិ…បេ.… បញ្ហាវារម្បិ វិត្ថារេតព្ពំ។)
(Sahajātavārampi…pe… pañhāvārampi vitthāretabbaṃ.)
៩. ហេតុំ ទុក្ខាយ វេទនាយ សម្បយុត្តំ ធម្មំ បដិច្ច នហេតុ នទុក្ខាយ វេទនាយ សម្បយុត្តោ ធម្មោ ឧប្បជ្ជតិ ហេតុបច្ចយា។ (សំខិត្តំ។) ហេតុយា តីណិ។ (សព្ពត្ថ វិត្ថារោ។)
9. Hetuṃ dukkhāya vedanāya sampayuttaṃ dhammaṃ paṭicca nahetu nadukkhāya vedanāya sampayutto dhammo uppajjati hetupaccayā. (Saṃkhittaṃ.) Hetuyā tīṇi. (Sabbattha vitthāro.)
១០. ហេតុំ អទុក្ខមសុខាយ វេទនាយ សម្បយុត្តំ ធម្មំ បដិច្ច នហេតុ នអទុក្ខមសុខាយ វេទនាយ សម្បយុត្តោ ធម្មោ ឧប្បជ្ជតិ ហេតុបច្ចយា។ (សំខិត្តំ។) ហេតុយា តីណិ។ (សព្ពត្ថ វិត្ថារោ។)
10. Hetuṃ adukkhamasukhāya vedanāya sampayuttaṃ dhammaṃ paṭicca nahetu naadukkhamasukhāya vedanāya sampayutto dhammo uppajjati hetupaccayā. (Saṃkhittaṃ.) Hetuyā tīṇi. (Sabbattha vitthāro.)
១-៣. ហេតុទុក-វិបាកត្តិកំ
1-3. Hetuduka-vipākattikaṃ
១១. ហេតុំ វិបាកំ ធម្មំ បដិច្ច នហេតុ នវិបាកោ ធម្មោ ឧប្បជ្ជតិ ហេតុបច្ចយា… ហេតុយា តីណិ។
11. Hetuṃ vipākaṃ dhammaṃ paṭicca nahetu navipāko dhammo uppajjati hetupaccayā… hetuyā tīṇi.
ហេតុំ វិបាកធម្មធម្មំ បដិច្ច នហេតុ នវិបាកធម្មធម្មោ ឧប្បជ្ជតិ ហេតុបច្ចយា… ហេតុយា តីណិ។
Hetuṃ vipākadhammadhammaṃ paṭicca nahetu navipākadhammadhammo uppajjati hetupaccayā… hetuyā tīṇi.
នហេតុំ នេវវិបាកនវិបាកធម្មធម្មំ បដិច្ច ននហេតុ ននេវវិបាកនវិបាកធម្មធម្មោ ឧប្បជ្ជតិ ហេតុបច្ចយា… ហេតុយា តីណិ។
Nahetuṃ nevavipākanavipākadhammadhammaṃ paṭicca nanahetu nanevavipākanavipākadhammadhammo uppajjati hetupaccayā… hetuyā tīṇi.
១-៤. ហេតុទុក-ឧបាទិន្នត្តិកំ
1-4. Hetuduka-upādinnattikaṃ
១២. ហេតុំ ឧបាទិន្នុបាទានិយំ ធម្មំ បដិច្ច នហេតុ នឧបាទិន្នុបាទានិយោ ធម្មោ ឧប្បជ្ជតិ ហេតុបច្ចយា… ហេតុយា តីណិ។
12. Hetuṃ upādinnupādāniyaṃ dhammaṃ paṭicca nahetu naupādinnupādāniyo dhammo uppajjati hetupaccayā… hetuyā tīṇi.
នហេតុំ អនុបាទិន្នអនុបាទានិយំ ធម្មំ បដិច្ច ននហេតុ នអនុបាទិន្នអនុបាទានិយោ ធម្មោ ឧប្បជ្ជតិ ហេតុបច្ចយា។
Nahetuṃ anupādinnaanupādāniyaṃ dhammaṃ paṭicca nanahetu naanupādinnaanupādāniyo dhammo uppajjati hetupaccayā.
ហេតុំ អនុបាទិន្នអនុបាទានិយំ ធម្មំ បដិច្ច នហេតុ នអនុបាទិន្នអនុបាទានិយោ ធម្មោ ឧប្បជ្ជតិ ហេតុបច្ចយា… ហេតុយា តីណិ។
Hetuṃ anupādinnaanupādāniyaṃ dhammaṃ paṭicca nahetu naanupādinnaanupādāniyo dhammo uppajjati hetupaccayā… hetuyā tīṇi.
១-៥. ហេតុទុក-សំកិលិដ្ឋត្តិកំ
1-5. Hetuduka-saṃkiliṭṭhattikaṃ
១៣. ហេតុំ សំកិលិដ្ឋសំកិលេសិកំ ធម្មំ បដិច្ច នហេតុ នសំកិលិដ្ឋសំកិលេសិកោ ធម្មោ ឧប្បជ្ជតិ ហេតុបច្ចយា… ហេតុយា តីណិ។
13. Hetuṃ saṃkiliṭṭhasaṃkilesikaṃ dhammaṃ paṭicca nahetu nasaṃkiliṭṭhasaṃkilesiko dhammo uppajjati hetupaccayā… hetuyā tīṇi.
នហេតុំ អសំកិលិដ្ឋសំកិលេសិកំ ធម្មំ បដិច្ច ននហេតុ នអសំកិលិដ្ឋសំកិលេសិកោ ធម្មោ ឧប្បជ្ជតិ ហេតុបច្ចយា… ហេតុយា តីណិ។
Nahetuṃ asaṃkiliṭṭhasaṃkilesikaṃ dhammaṃ paṭicca nanahetu naasaṃkiliṭṭhasaṃkilesiko dhammo uppajjati hetupaccayā… hetuyā tīṇi.
ហេតុំ អសំកិលិដ្ឋអសំកិលេសិកំ ធម្មំ បដិច្ច នហេតុ នអសំកិលិដ្ឋអសំកិលេសិកោ ធម្មោ ឧប្បជ្ជតិ ហេតុបច្ចយា… ហេតុយា តីណិ។
Hetuṃ asaṃkiliṭṭhaasaṃkilesikaṃ dhammaṃ paṭicca nahetu naasaṃkiliṭṭhaasaṃkilesiko dhammo uppajjati hetupaccayā… hetuyā tīṇi.
១-៦. ហេតុទុក-វិតក្កត្តិកំ
1-6. Hetuduka-vitakkattikaṃ
១៤. ហេតុំ សវិតក្កសវិចារំ ធម្មំ បដិច្ច នហេតុ នសវិតក្កសវិចារោ ធម្មោ ឧប្បជ្ជតិ ហេតុបច្ចយា… ហេតុយា តីណិ។
14. Hetuṃ savitakkasavicāraṃ dhammaṃ paṭicca nahetu nasavitakkasavicāro dhammo uppajjati hetupaccayā… hetuyā tīṇi.
ហេតុំ អវិតក្កវិចារមត្តំ ធម្មំ បដិច្ច នហេតុ នអវិតក្កវិចារមត្តោ ធម្មោ ឧប្បជ្ជតិ ហេតុបច្ចយា… ហេតុយា តីណិ។
Hetuṃ avitakkavicāramattaṃ dhammaṃ paṭicca nahetu naavitakkavicāramatto dhammo uppajjati hetupaccayā… hetuyā tīṇi.
នហេតុំ អវិតក្កអវិចារំ ធម្មំ បដិច្ច ននហេតុ នអវិតក្កអវិចារោ ធម្មោ ឧប្បជ្ជតិ ហេតុបច្ចយា… ហេតុយា តីណិ។
Nahetuṃ avitakkaavicāraṃ dhammaṃ paṭicca nanahetu naavitakkaavicāro dhammo uppajjati hetupaccayā… hetuyā tīṇi.
១-៧. ហេតុទុក-បីតិត្តិកំ
1-7. Hetuduka-pītittikaṃ
១៥. ហេតុំ បីតិសហគតំ ធម្មំ បដិច្ច នហេតុ នបីតិសហគតោ ធម្មោ ឧប្បជ្ជតិ ហេតុបច្ចយា… ហេតុយា តីណិ។
15. Hetuṃ pītisahagataṃ dhammaṃ paṭicca nahetu napītisahagato dhammo uppajjati hetupaccayā… hetuyā tīṇi.
ហេតុំ សុខសហគតំ ធម្មំ បដិច្ច នហេតុ នសុខសហគតោ ធម្មោ ឧប្បជ្ជតិ ហេតុបច្ចយា… ហេតុយា តីណិ។
Hetuṃ sukhasahagataṃ dhammaṃ paṭicca nahetu nasukhasahagato dhammo uppajjati hetupaccayā… hetuyā tīṇi.
ហេតុំ ឧបេក្ខាសហគតំ ធម្មំ បដិច្ច នហេតុ នឧបេក្ខាសហគតោ ធម្មោ ឧប្បជ្ជតិ ហេតុបច្ចយា… ហេតុយា តីណិ។
Hetuṃ upekkhāsahagataṃ dhammaṃ paṭicca nahetu naupekkhāsahagato dhammo uppajjati hetupaccayā… hetuyā tīṇi.
១-៨. ហេតុទុក-ទស្សនត្តិកំ
1-8. Hetuduka-dassanattikaṃ
១៦. ហេតុំ ទស្សនេន បហាតព្ពំ ធម្មំ បដិច្ច នហេតុ នទស្សនេន បហាតព្ពោ ធម្មោ ឧប្បជ្ជតិ ហេតុបច្ចយា… ហេតុយា តីណិ។
16. Hetuṃ dassanena pahātabbaṃ dhammaṃ paṭicca nahetu nadassanena pahātabbo dhammo uppajjati hetupaccayā… hetuyā tīṇi.
ហេតុំ ភាវនាយ បហាតព្ពំ ធម្មំ បដិច្ច នហេតុ នភាវនាយ បហាតព្ពោ ធម្មោ ឧប្បជ្ជតិ ហេតុបច្ចយា… ហេតុយា តីណិ។
Hetuṃ bhāvanāya pahātabbaṃ dhammaṃ paṭicca nahetu nabhāvanāya pahātabbo dhammo uppajjati hetupaccayā… hetuyā tīṇi.
នហេតុំ នេវទស្សនេន នភាវនាយ បហាតព្ពំ ធម្មំ បច្ចយា ននហេតុ ននេវទស្សនេន នភាវនាយ បហាតព្ពោ ធម្មោ ឧប្បជ្ជតិ ហេតុបច្ចយា… ហេតុយា តីណិ។
Nahetuṃ nevadassanena nabhāvanāya pahātabbaṃ dhammaṃ paccayā nanahetu nanevadassanena nabhāvanāya pahātabbo dhammo uppajjati hetupaccayā… hetuyā tīṇi.
១-៩. ហេតុទុក-ទស្សនហេតុត្តិកំ
1-9. Hetuduka-dassanahetuttikaṃ
១៧. ហេតុំ ទស្សនេន បហាតព្ពហេតុកំ ធម្មំ បដិច្ច នហេតុ នទស្សនេន បហាតព្ពហេតុកោ ធម្មោ ឧប្បជ្ជតិ ហេតុបច្ចយា… ហេតុយា តីណិ។
17. Hetuṃ dassanena pahātabbahetukaṃ dhammaṃ paṭicca nahetu nadassanena pahātabbahetuko dhammo uppajjati hetupaccayā… hetuyā tīṇi.
ហេតុំ ភាវនាយ បហាតព្ពហេតុកំ ធម្មំ បដិច្ច នហេតុ នភាវនាយ បហាតព្ពហេតុកោ ធម្មោ ឧប្បជ្ជតិ ហេតុបច្ចយា… ហេតុយា តីណិ។
Hetuṃ bhāvanāya pahātabbahetukaṃ dhammaṃ paṭicca nahetu nabhāvanāya pahātabbahetuko dhammo uppajjati hetupaccayā… hetuyā tīṇi.
ហេតុំ នេវទស្សនេន នភាវនាយ បហាតព្ពហេតុកំ ធម្មំ បដិច្ច នហេតុ ននេវទស្សនេន នភាវនាយ បហាតព្ពហេតុកោ ធម្មោ ឧប្បជ្ជតិ ហេតុបច្ចយា។ ហេតុយា ឯកំ។
Hetuṃ nevadassanena nabhāvanāya pahātabbahetukaṃ dhammaṃ paṭicca nahetu nanevadassanena nabhāvanāya pahātabbahetuko dhammo uppajjati hetupaccayā. Hetuyā ekaṃ.
១-១០. ហេតុទុក-អាចយគាមិត្តិកំ
1-10. Hetuduka-ācayagāmittikaṃ
១៨. ហេតុំ អាចយគាមិំ ធម្មំ បដិច្ច នហេតុ នអាចយគាមី ធម្មោ ឧប្បជ្ជតិ ហេតុបច្ចយា… ហេតុយា តីណិ។
18. Hetuṃ ācayagāmiṃ dhammaṃ paṭicca nahetu naācayagāmī dhammo uppajjati hetupaccayā… hetuyā tīṇi.
ហេតុំ អបចយគាមិំ ធម្មំ បដិច្ច នហេតុ នអបចយគាមី ធម្មោ ឧប្បជ្ជតិ ហេតុបច្ចយា… ហេតុយា តីណិ។
Hetuṃ apacayagāmiṃ dhammaṃ paṭicca nahetu naapacayagāmī dhammo uppajjati hetupaccayā… hetuyā tīṇi.
នហេតុំ នេវាចយគាមិនាបចយគាមិំ ធម្មំ បច្ចយា ននហេតុ ននេវាចយគាមិនាបចយគាមី ធម្មោ ឧប្បជ្ជតិ ហេតុបច្ចយា… ហេតុយា តីណិ។
Nahetuṃ nevācayagāmināpacayagāmiṃ dhammaṃ paccayā nanahetu nanevācayagāmināpacayagāmī dhammo uppajjati hetupaccayā… hetuyā tīṇi.
១-១១. ហេតុទុក-សេក្ខត្តិកំ
1-11. Hetuduka-sekkhattikaṃ
១៩. ហេតុំ សេក្ខំ ធម្មំ បដិច្ច នហេតុ នសេក្ខោ ធម្មោ ឧប្បជ្ជតិ ហេតុបច្ចយា… ហេតុយា តីណិ។
19. Hetuṃ sekkhaṃ dhammaṃ paṭicca nahetu nasekkho dhammo uppajjati hetupaccayā… hetuyā tīṇi.
ហេតុំ អសេក្ខំ ធម្មំ បដិច្ច នហេតុ នអសេក្ខោ ធម្មោ ឧប្បជ្ជតិ ហេតុបច្ចយា… ហេតុយា តីណិ។
Hetuṃ asekkhaṃ dhammaṃ paṭicca nahetu naasekkho dhammo uppajjati hetupaccayā… hetuyā tīṇi.
នហេតុំ នេវសេក្ខនាសេក្ខំ ធម្មំ បច្ចយា ននហេតុ ននេវសេក្ខនាសេក្ខោ ធម្មោ ឧប្បជ្ជតិ ហេតុបច្ចយា… ហេតុយា តីណិ។
Nahetuṃ nevasekkhanāsekkhaṃ dhammaṃ paccayā nanahetu nanevasekkhanāsekkho dhammo uppajjati hetupaccayā… hetuyā tīṇi.
១-១២. ហេតុទុក-បរិត្តត្តិកំ
1-12. Hetuduka-parittattikaṃ
២០. នហេតុំ បរិត្តំ ធម្មំ បដិច្ច ននហេតុ នបរិត្តោ ធម្មោ ឧប្បជ្ជតិ ហេតុបច្ចយា… (តីណិ)។
20. Nahetuṃ parittaṃ dhammaṃ paṭicca nanahetu naparitto dhammo uppajjati hetupaccayā… (tīṇi).
ហេតុំ មហគ្គតំ ធម្មំ បដិច្ច នហេតុ នមហគ្គតោ ធម្មោ ឧប្បជ្ជតិ ហេតុបច្ចយា… ហេតុយា តីណិ។
Hetuṃ mahaggataṃ dhammaṃ paṭicca nahetu namahaggato dhammo uppajjati hetupaccayā… hetuyā tīṇi.
ហេតុំ អប្បមាណំ ធម្មំ បដិច្ច នហេតុ នអប្បមាណោ ធម្មោ ឧប្បជ្ជតិ ហេតុបច្ចយា… ហេតុយា តីណិ។
Hetuṃ appamāṇaṃ dhammaṃ paṭicca nahetu naappamāṇo dhammo uppajjati hetupaccayā… hetuyā tīṇi.
១-១៣. ហេតុទុក-បរិត្តារម្មណត្តិកំ
1-13. Hetuduka-parittārammaṇattikaṃ
២១. ហេតុំ បរិត្តារម្មណំ ធម្មំ បដិច្ច នហេតុ នបរិត្តារម្មណោ ធម្មោ ឧប្បជ្ជតិ ហេតុបច្ចយា… (តីណិ)។
21. Hetuṃ parittārammaṇaṃ dhammaṃ paṭicca nahetu naparittārammaṇo dhammo uppajjati hetupaccayā… (tīṇi).
ហេតុំ មហគ្គតារម្មណំ ធម្មំ បដិច្ច នហេតុ នមហគ្គតារម្មណោ ធម្មោ ឧប្បជ្ជតិ ហេតុបច្ចយា… (តីណិ)។
Hetuṃ mahaggatārammaṇaṃ dhammaṃ paṭicca nahetu namahaggatārammaṇo dhammo uppajjati hetupaccayā… (tīṇi).
ហេតុំ អប្បមាណារម្មណំ ធម្មំ បដិច្ច នហេតុ នអប្បមាណារម្មណោ ធម្មោ ឧប្បជ្ជតិ ហេតុបច្ចយា… ហេតុយា តីណិ។
Hetuṃ appamāṇārammaṇaṃ dhammaṃ paṭicca nahetu naappamāṇārammaṇo dhammo uppajjati hetupaccayā… hetuyā tīṇi.
១-១៤. ហេតុទុក-ហីនត្តិកំ
1-14. Hetuduka-hīnattikaṃ
២២. ហេតុំ ហីនំ ធម្មំ បដិច្ច នហេតុ នហីនោ ធម្មោ ឧប្បជ្ជតិ ហេតុបច្ចយា… ហេតុយា តីណិ។
22. Hetuṃ hīnaṃ dhammaṃ paṭicca nahetu nahīno dhammo uppajjati hetupaccayā… hetuyā tīṇi.
នហេតុំ មជ្ឈិមំ ធម្មំ បច្ចយា ននហេតុ នមជ្ឈិមោ ធម្មោ ឧប្បជ្ជតិ ហេតុបច្ចយា… ហេតុយា តីណិ។
Nahetuṃ majjhimaṃ dhammaṃ paccayā nanahetu namajjhimo dhammo uppajjati hetupaccayā… hetuyā tīṇi.
ហេតុំ បណីតំ ធម្មំ បដិច្ច នហេតុ នបណីតោ ធម្មោ ឧប្បជ្ជតិ ហេតុបច្ចយា… ហេតុយា តីណិ។
Hetuṃ paṇītaṃ dhammaṃ paṭicca nahetu napaṇīto dhammo uppajjati hetupaccayā… hetuyā tīṇi.
១-១៥. ហេតុទុក-មិច្ឆត្តនិយតត្តិកំ
1-15. Hetuduka-micchattaniyatattikaṃ
២៣. ហេតុំ មិច្ឆត្តនិយតំ ធម្មំ បដិច្ច នហេតុ នមិច្ឆត្តនិយតោ ធម្មោ ឧប្បជ្ជតិ ហេតុបច្ចយា… (តីណិ)។
23. Hetuṃ micchattaniyataṃ dhammaṃ paṭicca nahetu namicchattaniyato dhammo uppajjati hetupaccayā… (tīṇi).
ហេតុំ សម្មត្តនិយតំ ធម្មំ បដិច្ច នហេតុ នសម្មត្តនិយតោ ធម្មោ ឧប្បជ្ជតិ ហេតុបច្ចយា … (តីណិ)។
Hetuṃ sammattaniyataṃ dhammaṃ paṭicca nahetu nasammattaniyato dhammo uppajjati hetupaccayā … (tīṇi).
នហេតុំ អនិយតំ ធម្មំ បច្ចយា ននហេតុ នអនិយតោ ធម្មោ ឧប្បជ្ជតិ ហេតុបច្ចយា… ហេតុយា តីណិ។
Nahetuṃ aniyataṃ dhammaṃ paccayā nanahetu naaniyato dhammo uppajjati hetupaccayā… hetuyā tīṇi.
១-១៦. ហេតុទុក-មគ្គារម្មណត្តិកំ
1-16. Hetuduka-maggārammaṇattikaṃ
២៤. ហេតុំ មគ្គារម្មណំ ធម្មំ បដិច្ច នហេតុ នមគ្គារម្មណោ ធម្មោ ឧប្បជ្ជតិ ហេតុបច្ចយា… (តីណិ)។
24. Hetuṃ maggārammaṇaṃ dhammaṃ paṭicca nahetu namaggārammaṇo dhammo uppajjati hetupaccayā… (tīṇi).
ហេតុំ មគ្គហេតុកំ ធម្មំ បដិច្ច នហេតុ នមគ្គហេតុកោ ធម្មោ ឧប្បជ្ជតិ ហេតុបច្ចយា… (តីណិ)។
Hetuṃ maggahetukaṃ dhammaṃ paṭicca nahetu namaggahetuko dhammo uppajjati hetupaccayā… (tīṇi).
ហេតុំ មគ្គាធិបតិំ ធម្មំ បដិច្ច នហេតុ នមគ្គាធិបតិ ធម្មោ ឧប្បជ្ជតិ ហេតុបច្ចយា… ហេតុយា តីណិ។
Hetuṃ maggādhipatiṃ dhammaṃ paṭicca nahetu namaggādhipati dhammo uppajjati hetupaccayā… hetuyā tīṇi.
១-១៧. ហេតុទុក-ឧប្បន្នត្តិកំ
1-17. Hetuduka-uppannattikaṃ
២៥. ហេតុ អនុប្បន្នោ ធម្មោ នហេតុស្ស នអនុប្បន្នស្ស ធម្មស្ស អារម្មណបច្ចយេន បច្ចយោ… អារម្មណេ នវ, អធិបតិយា ឧបនិស្សយេ នវ។
25. Hetu anuppanno dhammo nahetussa naanuppannassa dhammassa ārammaṇapaccayena paccayo… ārammaṇe nava, adhipatiyā upanissaye nava.
ហេតុ ឧប្បាទី ធម្មោ នហេតុស្ស នឧប្បាទិស្ស ធម្មស្ស អារម្មណបច្ចយេន បច្ចយោ… អារម្មណេ នវ។
Hetu uppādī dhammo nahetussa nauppādissa dhammassa ārammaṇapaccayena paccayo… ārammaṇe nava.
១-១៨. ហេតុទុក-អតីតត្តិកំ
1-18. Hetuduka-atītattikaṃ
២៦. ហេតុ អតីតោ ធម្មោ នហេតុស្ស នអតីតស្ស ធម្មស្ស អារម្មណបច្ចយេន បច្ចយោ… អារម្មណេ នវ។
26. Hetu atīto dhammo nahetussa naatītassa dhammassa ārammaṇapaccayena paccayo… ārammaṇe nava.
ហេតុ អនាគតោ ធម្មោ នហេតុស្ស នអនាគតស្ស ធម្មស្ស អារម្មណបច្ចយេន បច្ចយោ… អារម្មណេ នវ។
Hetu anāgato dhammo nahetussa naanāgatassa dhammassa ārammaṇapaccayena paccayo… ārammaṇe nava.
១-១៩. ហេតុទុក-អតីតារម្មណត្តិកំ
1-19. Hetuduka-atītārammaṇattikaṃ
២៧. ហេតុំ អតីតារម្មណំ ធម្មំ បដិច្ច នហេតុ នអតីតារម្មណោ ធម្មោ ឧប្បជ្ជតិ ហេតុបច្ចយា… ហេតុយា តីណិ។
27. Hetuṃ atītārammaṇaṃ dhammaṃ paṭicca nahetu naatītārammaṇo dhammo uppajjati hetupaccayā… hetuyā tīṇi.
ហេតុំ អនាគតារម្មណំ ធម្មំ បដិច្ច នហេតុ នអនាគតារម្មណោ ធម្មោ ឧប្បជ្ជតិ ហេតុបច្ចយា… ហេតុយា តីណិ។
Hetuṃ anāgatārammaṇaṃ dhammaṃ paṭicca nahetu naanāgatārammaṇo dhammo uppajjati hetupaccayā… hetuyā tīṇi.
ហេតុំ បច្ចុប្បន្នារម្មណំ ធម្មំ បដិច្ច នហេតុ នបច្ចុប្បន្នារម្មណោ ធម្មោ ឧប្បជ្ជតិ ហេតុបច្ចយា… ហេតុយា តីណិ។
Hetuṃ paccuppannārammaṇaṃ dhammaṃ paṭicca nahetu napaccuppannārammaṇo dhammo uppajjati hetupaccayā… hetuyā tīṇi.
១-២០. ហេតុទុក-អជ្ឈត្តារម្មណត្តិកំ
1-20. Hetuduka-ajjhattārammaṇattikaṃ
២៨. ហេតុំ អជ្ឈត្តារម្មណំ ធម្មំ បដិច្ច នហេតុ នអជ្ឈត្តារម្មណោ ធម្មោ ឧប្បជ្ជតិ ហេតុបច្ចយា… (តីណិ)។
28. Hetuṃ ajjhattārammaṇaṃ dhammaṃ paṭicca nahetu naajjhattārammaṇo dhammo uppajjati hetupaccayā… (tīṇi).
ហេតុំ ពហិទ្ធារម្មណំ ធម្មំ បដិច្ច នហេតុ នពហិទ្ធារម្មណោ ធម្មោ ឧប្បជ្ជតិ ហេតុបច្ចយា… ហេតុយា តីណិ។
Hetuṃ bahiddhārammaṇaṃ dhammaṃ paṭicca nahetu nabahiddhārammaṇo dhammo uppajjati hetupaccayā… hetuyā tīṇi.
១-២១. ហេតុទុក-សនិទស្សនត្តិកំ
1-21. Hetuduka-sanidassanattikaṃ
២៩. នហេតុ សនិទស្សនសប្បដិឃោ ធម្មោ ននហេតុស្ស នសនិទស្សនសប្បដិឃស្ស ធម្មស្ស អារម្មណបច្ចយេន បច្ចយោ…បេ.… នហេតុ សនិទស្សនសប្បដិឃោ ធម្មោ នហេតុស្ស នសនិទស្សនសប្បដិឃស្ស ច ននហេតុស្ស នសនិទស្សនសប្បដិឃស្ស ច ធម្មស្ស អារម្មណបច្ចយេន បច្ចយោ។ អារម្មណេ តីណិ, អធិបតិយា ឧបនិស្សយេ បុរេជាតេ អត្ថិយា អវិគតេ តីណិ។
29. Nahetu sanidassanasappaṭigho dhammo nanahetussa nasanidassanasappaṭighassa dhammassa ārammaṇapaccayena paccayo…pe… nahetu sanidassanasappaṭigho dhammo nahetussa nasanidassanasappaṭighassa ca nanahetussa nasanidassanasappaṭighassa ca dhammassa ārammaṇapaccayena paccayo. Ārammaṇe tīṇi, adhipatiyā upanissaye purejāte atthiyā avigate tīṇi.
នហេតុំ អនិទស្សនសប្បដិឃំ ធម្មំ បដិច្ច នហេតុ នអនិទស្សនសប្បដិឃោ ធម្មោ ឧប្បជ្ជតិ ហេតុបច្ចយា។ ហេតុយា ឯកំ…បេ.… អវិគតេ ឯកំ។
Nahetuṃ anidassanasappaṭighaṃ dhammaṃ paṭicca nahetu naanidassanasappaṭigho dhammo uppajjati hetupaccayā. Hetuyā ekaṃ…pe… avigate ekaṃ.
ហេតុំ អនិទស្សនអប្បដិឃំ ធម្មំ បដិច្ច នហេតុ នអនិទស្សនអប្បដិឃោ ធម្មោ ឧប្បជ្ជតិ ហេតុបច្ចយា។ នហេតុំ អនិទស្សនអប្បដិឃំ ធម្មំ បដិច្ច នហេតុ នអនិទស្សនអប្បដិឃោ ធម្មោ ឧប្បជ្ជតិ ហេតុបច្ចយា។ ហេតុំ អនិទស្សនអប្បដិឃញ្ច នហេតុំ អនិទស្សនអប្បដិឃញ្ច ធម្មំ បដិច្ច នហេតុ នអនិទស្សនអប្បដិឃោ ធម្មោ ឧប្បជ្ជតិ ហេតុបច្ចយា។ (៣) ហេតុយា តីណិ។
Hetuṃ anidassanaappaṭighaṃ dhammaṃ paṭicca nahetu naanidassanaappaṭigho dhammo uppajjati hetupaccayā. Nahetuṃ anidassanaappaṭighaṃ dhammaṃ paṭicca nahetu naanidassanaappaṭigho dhammo uppajjati hetupaccayā. Hetuṃ anidassanaappaṭighañca nahetuṃ anidassanaappaṭighañca dhammaṃ paṭicca nahetu naanidassanaappaṭigho dhammo uppajjati hetupaccayā. (3) Hetuyā tīṇi.
២-១. សហេតុកទុក-កុសលត្តិកំ
2-1. Sahetukaduka-kusalattikaṃ
៣០. សហេតុកំ កុសលំ ធម្មំ បដិច្ច នសហេតុកោ នកុសលោ ធម្មោ ឧប្បជ្ជតិ ហេតុបច្ចយា។ ហេតុយា ឯកំ។
30. Sahetukaṃ kusalaṃ dhammaṃ paṭicca nasahetuko nakusalo dhammo uppajjati hetupaccayā. Hetuyā ekaṃ.
សហេតុកំ អកុសលំ ធម្មំ បដិច្ច នសហេតុកោ នអកុសលោ ធម្មោ ឧប្បជ្ជតិ ហេតុបច្ចយា… ហេតុយា តីណិ។
Sahetukaṃ akusalaṃ dhammaṃ paṭicca nasahetuko naakusalo dhammo uppajjati hetupaccayā… hetuyā tīṇi.
អហេតុកំ អព្យាកតំ ធម្មំ បច្ចយា នអហេតុកោ នអព្យាកតោ ធម្មោ ឧប្បជ្ជតិ ហេតុបច្ចយា។ ហេតុយា ឯកំ។
Ahetukaṃ abyākataṃ dhammaṃ paccayā naahetuko naabyākato dhammo uppajjati hetupaccayā. Hetuyā ekaṃ.
៣-១. ហេតុសម្បយុត្តទុក-កុសលត្តិកំ
3-1. Hetusampayuttaduka-kusalattikaṃ
៣១. ហេតុសម្បយុត្តំ កុសលំ ធម្មំ បដិច្ច នហេតុសម្បយុត្តោ នកុសលោ ធម្មោ ឧប្បជ្ជតិ ហេតុបច្ចយា។ ហេតុយា ឯកំ។
31. Hetusampayuttaṃ kusalaṃ dhammaṃ paṭicca nahetusampayutto nakusalo dhammo uppajjati hetupaccayā. Hetuyā ekaṃ.
ហេតុសម្បយុត្តំ អកុសលំ ធម្មំ បដិច្ច នហេតុសម្បយុត្តោ នអកុសលោ ធម្មោ ឧប្បជ្ជតិ ហេតុបច្ចយា… ហេតុយា តីណិ។
Hetusampayuttaṃ akusalaṃ dhammaṃ paṭicca nahetusampayutto naakusalo dhammo uppajjati hetupaccayā… hetuyā tīṇi.
ហេតុវិប្បយុត្តំ អព្យាកតំ ធម្មំ បច្ចយា នហេតុវិប្បយុត្តោ នអព្យាកតោ ធម្មោ ឧប្បជ្ជតិ ហេតុបច្ចយា។ ហេតុយា ឯកំ។
Hetuvippayuttaṃ abyākataṃ dhammaṃ paccayā nahetuvippayutto naabyākato dhammo uppajjati hetupaccayā. Hetuyā ekaṃ.
៤-៥-១. ហេតុសហេតុកាទិទុកានិ-កុសលត្តិកំ
4-5-1. Hetusahetukādidukāni-kusalattikaṃ
៣២. ហេតុ ចេវ សហេតុកោ ច កុសលោ ធម្មោ នហេតុស្ស ចេវ នអហេតុកស្ស ច នកុសលស្ស ធម្មស្ស អារម្មណបច្ចយេន បច្ចយោ។ ហេតុ ចេវ សហេតុកោ ច កុសលោ ធម្មោ នអហេតុកស្ស ចេវ នន ច ហេតុស្ស នកុសលស្ស ធម្មស្ស អារម្មណបច្ចយេន បច្ចយោ។ ហេតុ ចេវ សហេតុកោ ច កុសលោ ធម្មោ នហេតុស្ស ចេវ នអហេតុកស្ស ច នកុសលស្ស ច នអហេតុកស្ស ចេវ នន ច ហេតុស្ស នកុសលស្ស ច ធម្មស្ស អារម្មណបច្ចយេន បច្ចយោ។ (៣)
32. Hetu ceva sahetuko ca kusalo dhammo nahetussa ceva naahetukassa ca nakusalassa dhammassa ārammaṇapaccayena paccayo. Hetu ceva sahetuko ca kusalo dhammo naahetukassa ceva nana ca hetussa nakusalassa dhammassa ārammaṇapaccayena paccayo. Hetu ceva sahetuko ca kusalo dhammo nahetussa ceva naahetukassa ca nakusalassa ca naahetukassa ceva nana ca hetussa nakusalassa ca dhammassa ārammaṇapaccayena paccayo. (3)
សហេតុកោ ចេវ ន ច ហេតុ កុសលោ ធម្មោ នអហេតុកស្ស ចេវ នន ច ហេតុស្ស នកុសលស្ស ធម្មស្ស អារម្មណបច្ចយេន បច្ចយោ។ សហេតុកោ ចេវ ន ច ហេតុ កុសលោ ធម្មោ នហេតុស្ស ចេវ នអហេតុកស្ស ច នកុសលស្ស ធម្មស្ស អារម្មណបច្ចយេន បច្ចយោ។ សហេតុកោ ចេវ ន ច ហេតុ កុសលោ ធម្មោ នហេតុស្ស ចេវ នអហេតុកស្ស ច នកុសលស្ស ច នអហេតុកស្ស ចេវ នន ច ហេតុស្ស នកុសលស្ស ច ធម្មស្ស អារម្មណបច្ចយេន បច្ចយោ។ (៣)
Sahetuko ceva na ca hetu kusalo dhammo naahetukassa ceva nana ca hetussa nakusalassa dhammassa ārammaṇapaccayena paccayo. Sahetuko ceva na ca hetu kusalo dhammo nahetussa ceva naahetukassa ca nakusalassa dhammassa ārammaṇapaccayena paccayo. Sahetuko ceva na ca hetu kusalo dhammo nahetussa ceva naahetukassa ca nakusalassa ca naahetukassa ceva nana ca hetussa nakusalassa ca dhammassa ārammaṇapaccayena paccayo. (3)
ហេតុ ចេវ សហេតុកោ កុសលោ ច សហេតុកោ ចេវ ន ច ហេតុ កុសលោ ច ធម្មា នហេតុស្ស ចេវ នអហេតុកស្ស នកុសលស្ស ធម្មស្ស អារម្មណបច្ចយេន បច្ចយោ។ ហេតុ ចេវ សហេតុកោ កុសលោ ច សហេតុកោ ចេវ ន ច ហេតុ កុសលោ ច ធម្មា នអហេតុកស្ស ចេវ នន ច ហេតុស្ស នកុសលស្ស ធម្មស្ស អារម្មណបច្ចយេន បច្ចយោ។ ហេតុ ចេវ សហេតុកោ កុសលោ ច សហេតុកោ ចេវ ន ច ហេតុ កុសលោ ច ធម្មា នហេតុស្ស ចេវ នអហេតុកស្ស នកុសលស្ស ច នអហេតុកស្ស ចេវ នន ហេតុស្ស នកុសលស្ស ច ធម្មស្ស អារម្មណបច្ចយេន បច្ចយោ។ (៣)
Hetu ceva sahetuko kusalo ca sahetuko ceva na ca hetu kusalo ca dhammā nahetussa ceva naahetukassa nakusalassa dhammassa ārammaṇapaccayena paccayo. Hetu ceva sahetuko kusalo ca sahetuko ceva na ca hetu kusalo ca dhammā naahetukassa ceva nana ca hetussa nakusalassa dhammassa ārammaṇapaccayena paccayo. Hetu ceva sahetuko kusalo ca sahetuko ceva na ca hetu kusalo ca dhammā nahetussa ceva naahetukassa nakusalassa ca naahetukassa ceva nana hetussa nakusalassa ca dhammassa ārammaṇapaccayena paccayo. (3)
អារម្មណេ នវ។
Ārammaṇe nava.
៣៣. ហេតុ ចេវ សហេតុកោ ច អកុសលោ ធម្មោ នហេតុស្ស ចេវ នអហេតុកស្ស នអកុសលស្ស ច ធម្មស្ស អារម្មណបច្ចយេន បច្ចយោ។ (ឯតេន ឧបាយេន នវ បញ្ហា កាតព្ពា។)
33. Hetu ceva sahetuko ca akusalo dhammo nahetussa ceva naahetukassa naakusalassa ca dhammassa ārammaṇapaccayena paccayo. (Etena upāyena nava pañhā kātabbā.)
៣៤. ហេតុ ចេវ សហេតុកោ ច អព្យាកតោ ធម្មោ នហេតុស្ស ចេវ នអហេតុកស្ស ច នអព្យាកតស្ស ធម្មស្ស អារម្មណបច្ចយេន បច្ចយោ។ (នវ បញ្ហា កាតព្ពា។) (សំខិត្តំ, ហេតុហេតុសម្បយុត្តទុកំ ហេតុសហេតុកទុកសទិសំ។ សំខិត្តំ។ នវ បញ្ហា។)
34. Hetu ceva sahetuko ca abyākato dhammo nahetussa ceva naahetukassa ca naabyākatassa dhammassa ārammaṇapaccayena paccayo. (Nava pañhā kātabbā.) (Saṃkhittaṃ, hetuhetusampayuttadukaṃ hetusahetukadukasadisaṃ. Saṃkhittaṃ. Nava pañhā.)
៦-១. នហេតុសហេតុកទុក-កុសលត្តិកំ
6-1. Nahetusahetukaduka-kusalattikaṃ
៣៥. នហេតុំ សហេតុកំ កុសលំ ធម្មំ បដិច្ច នហេតុ នសហេតុកោ នកុសលោ ធម្មោ ឧប្បជ្ជតិ ហេតុបច្ចយា។ ហេតុយា ឯកំ។
35. Nahetuṃ sahetukaṃ kusalaṃ dhammaṃ paṭicca nahetu nasahetuko nakusalo dhammo uppajjati hetupaccayā. Hetuyā ekaṃ.
នហេតុំ សហេតុកំ អកុសលំ ធម្មំ បដិច្ច នហេតុ នសហេតុកោ នអកុសលោ ធម្មោ ឧប្បជ្ជតិ ហេតុបច្ចយា។ ហេតុយា ឯកំ។
Nahetuṃ sahetukaṃ akusalaṃ dhammaṃ paṭicca nahetu nasahetuko naakusalo dhammo uppajjati hetupaccayā. Hetuyā ekaṃ.
នហេតុំ អហេតុកំ អព្យាកតំ ធម្មំ បច្ចយា នហេតុ នអហេតុកោ នអព្យាកតោ ធម្មោ ឧប្បជ្ជតិ ហេតុបច្ចយា ។ ហេតុយា ឯកំ។
Nahetuṃ ahetukaṃ abyākataṃ dhammaṃ paccayā nahetu naahetuko naabyākato dhammo uppajjati hetupaccayā . Hetuyā ekaṃ.
ហេតុគោច្ឆកំ និដ្ឋិតំ។
Hetugocchakaṃ niṭṭhitaṃ.
៧-៨-១. សប្បច្ចយាទិទុកានិ-កុសលត្តិកំ
7-8-1. Sappaccayādidukāni-kusalattikaṃ
៣៦. សប្បច្ចយំ កុសលំ ធម្មំ បដិច្ច នអប្បច្ចយោ នកុសលោ ធម្មោ ឧប្បជ្ជតិ ហេតុបច្ចយា។ ហេតុយា ឯកំ។
36. Sappaccayaṃ kusalaṃ dhammaṃ paṭicca naappaccayo nakusalo dhammo uppajjati hetupaccayā. Hetuyā ekaṃ.
សប្បច្ចយំ អកុសលំ ធម្មំ បដិច្ច នអប្បច្ចយោ នអកុសលោ ធម្មោ ឧប្បជ្ជតិ ហេតុបច្ចយា។ ហេតុយា ឯកំ។
Sappaccayaṃ akusalaṃ dhammaṃ paṭicca naappaccayo naakusalo dhammo uppajjati hetupaccayā. Hetuyā ekaṃ.
សប្បច្ចយំ អព្យាកតំ ធម្មំ បច្ចយា នអប្បច្ចយោ នអព្យាកតោ ធម្មោ ឧប្បជ្ជតិ ហេតុបច្ចយា។ ហេតុយា ឯកំ…បេ.… (សំខិត្តំ សប្បច្ចយសទិសំ)។
Sappaccayaṃ abyākataṃ dhammaṃ paccayā naappaccayo naabyākato dhammo uppajjati hetupaccayā. Hetuyā ekaṃ…pe… (saṃkhittaṃ sappaccayasadisaṃ).
៩-១០-១. សនិទស្សនាទិទុកានិ-កុសលត្តិកំ
9-10-1. Sanidassanādidukāni-kusalattikaṃ
៣៧. អនិទស្សនំ កុសលំ ធម្មំ បដិច្ច នអនិទស្សនោ នកុសលោ ធម្មោ ឧប្បជ្ជតិ ហេតុបច្ចយា… ហេតុយា តីណិ។ (អកុសលំ កុសលសទិសំ។)
37. Anidassanaṃ kusalaṃ dhammaṃ paṭicca naanidassano nakusalo dhammo uppajjati hetupaccayā… hetuyā tīṇi. (Akusalaṃ kusalasadisaṃ.)
អនិទស្សនំ អព្យាកតំ ធម្មំ បច្ចយា នសនិទស្សនោ នអព្យាកតោ ធម្មោ ឧប្បជ្ជតិ ហេតុបច្ចយា។ ហេតុយា ឯកំ។
Anidassanaṃ abyākataṃ dhammaṃ paccayā nasanidassano naabyākato dhammo uppajjati hetupaccayā. Hetuyā ekaṃ.
អប្បដិឃំ កុសលំ ធម្មំ បដិច្ច នអប្បដិឃោ នកុសលោ ធម្មោ ឧប្បជ្ជតិ ហេតុបច្ចយា… ហេតុយា តីណិ។
Appaṭighaṃ kusalaṃ dhammaṃ paṭicca naappaṭigho nakusalo dhammo uppajjati hetupaccayā… hetuyā tīṇi.
អប្បដិឃំ អកុសលំ ធម្មំ បដិច្ច នអប្បដិឃោ នអកុសលោ ធម្មោ ឧប្បជ្ជតិ ហេតុបច្ចយា… ហេតុយា តីណិ។
Appaṭighaṃ akusalaṃ dhammaṃ paṭicca naappaṭigho naakusalo dhammo uppajjati hetupaccayā… hetuyā tīṇi.
អព្យាកតោ ឯកំ។
Abyākato ekaṃ.
១១-១. រូបីទុក-កុសលត្តិកំ
11-1. Rūpīduka-kusalattikaṃ
៣៨. អរូបិំ កុសលំ ធម្មំ បដិច្ច នអរូបី នកុសលោ ធម្មោ ឧប្បជ្ជតិ ហេតុបច្ចយា។ ហេតុយា ឯកំ។
38. Arūpiṃ kusalaṃ dhammaṃ paṭicca naarūpī nakusalo dhammo uppajjati hetupaccayā. Hetuyā ekaṃ.
អរូបិំ អកុសលំ ធម្មំ បដិច្ច នអរូបី នអកុសលោ ធម្មោ ឧប្បជ្ជតិ ហេតុបច្ចយា។ ហេតុយា ឯកំ។
Arūpiṃ akusalaṃ dhammaṃ paṭicca naarūpī naakusalo dhammo uppajjati hetupaccayā. Hetuyā ekaṃ.
រូបិំ អព្យាកតំ ធម្មំ បច្ចយា នរូបី នអព្យាកតោ ធម្មោ ឧប្បជ្ជតិ ហេតុបច្ចយា។ ហេតុយា ឯកំ។
Rūpiṃ abyākataṃ dhammaṃ paccayā narūpī naabyākato dhammo uppajjati hetupaccayā. Hetuyā ekaṃ.
១២-១. លោកិយទុក-កុសលត្តិកំ
12-1. Lokiyaduka-kusalattikaṃ
៣៩. លោកិយំ កុសលំ ធម្មំ បដិច្ច នលោកុត្តរោ នកុសលោ ធម្មោ ឧប្បជ្ជតិ ហេតុបច្ចយា… ហេតុយា ទ្វេ។
39. Lokiyaṃ kusalaṃ dhammaṃ paṭicca nalokuttaro nakusalo dhammo uppajjati hetupaccayā… hetuyā dve.
លោកិយំ អកុសលំ ធម្មំ បដិច្ច នលោកុត្តរោ នអកុសលោ ធម្មោ ឧប្បជ្ជតិ ហេតុបច្ចយា។ ហេតុយា ឯកំ។
Lokiyaṃ akusalaṃ dhammaṃ paṭicca nalokuttaro naakusalo dhammo uppajjati hetupaccayā. Hetuyā ekaṃ.
លោកិយំ អព្យាកតំ ធម្មំ បច្ចយា នលោកិយោ នអព្យាកតោ ធម្មោ ឧប្បជ្ជតិ ហេតុបច្ចយា… ហេតុយា ទ្វេ។
Lokiyaṃ abyākataṃ dhammaṃ paccayā nalokiyo naabyākato dhammo uppajjati hetupaccayā… hetuyā dve.
១៣-១. កេនចិវិញ្ញេយ្យទុក-កុសលត្តិកំ
13-1. Kenaciviññeyyaduka-kusalattikaṃ
៤០. កេនចិ វិញ្ញេយ្យំ កុសលំ ធម្មំ បដិច្ច នកេនចិ វិញ្ញេយ្យោ នកុសលោ ធម្មោ ឧប្បជ្ជតិ ហេតុបច្ចយា… ហេតុយា នវ។
40. Kenaci viññeyyaṃ kusalaṃ dhammaṃ paṭicca nakenaci viññeyyo nakusalo dhammo uppajjati hetupaccayā… hetuyā nava.
កេនចិ វិញ្ញេយ្យំ អកុសលំ ធម្មំ បដិច្ច នកេនចិ វិញ្ញេយ្យោ នអកុសលោ ធម្មោ ឧប្បជ្ជតិ ហេតុបច្ចយា… ហេតុយា នវ។
Kenaci viññeyyaṃ akusalaṃ dhammaṃ paṭicca nakenaci viññeyyo naakusalo dhammo uppajjati hetupaccayā… hetuyā nava.
កេនចិ វិញ្ញេយ្យំ អព្យាកតំ ធម្មំ បច្ចយា នកេនចិ វិញ្ញេយ្យោ នអព្យាកតោ ធម្មោ ឧប្បជ្ជតិ ហេតុបច្ចយា… ហេតុយា នវ។
Kenaci viññeyyaṃ abyākataṃ dhammaṃ paccayā nakenaci viññeyyo naabyākato dhammo uppajjati hetupaccayā… hetuyā nava.
ចូឡន្តរទុកំ និដ្ឋិតំ។
Cūḷantaradukaṃ niṭṭhitaṃ.
១៤-១. អាសវទុក-កុសលត្តិកំ
14-1. Āsavaduka-kusalattikaṃ
៤១. នោអាសវំ កុសលំ ធម្មំ បដិច្ច នោអាសវោ នកុសលោ ធម្មោ ឧប្បជ្ជតិ ហេតុបច្ចយា។ ហេតុយា ឯកំ។
41. Noāsavaṃ kusalaṃ dhammaṃ paṭicca noāsavo nakusalo dhammo uppajjati hetupaccayā. Hetuyā ekaṃ.
អាសវំ អកុសលំ ធម្មំ បដិច្ច នោអាសវោ នអកុសលោ ធម្មោ ឧប្បជ្ជតិ ហេតុបច្ចយា… ហេតុយា តីណិ។
Āsavaṃ akusalaṃ dhammaṃ paṭicca noāsavo naakusalo dhammo uppajjati hetupaccayā… hetuyā tīṇi.
នោអាសវំ អព្យាកតំ ធម្មំ បច្ចយា ននោអាសវោ នអព្យាកតោ ធម្មោ ឧប្បជ្ជតិ ហេតុបច្ចយា… ហេតុយា តីណិ។
Noāsavaṃ abyākataṃ dhammaṃ paccayā nanoāsavo naabyākato dhammo uppajjati hetupaccayā… hetuyā tīṇi.
១៥-១. សាសវទុក-កុសលត្តិកំ
15-1. Sāsavaduka-kusalattikaṃ
៤២. សាសវំ កុសលំ ធម្មំ បដិច្ច នអនាសវោ នកុសលោ ធម្មោ ឧប្បជ្ជតិ ហេតុបច្ចយា។ អនាសវំ កុសលំ ធម្មំ បដិច្ច នអនាសវោ នកុសលោ ធម្មោ ឧប្បជ្ជតិ ហេតុបច្ចយា… ហេតុយា ទ្វេ។
42. Sāsavaṃ kusalaṃ dhammaṃ paṭicca naanāsavo nakusalo dhammo uppajjati hetupaccayā. Anāsavaṃ kusalaṃ dhammaṃ paṭicca naanāsavo nakusalo dhammo uppajjati hetupaccayā… hetuyā dve.
សាសវំ អកុសលំ ធម្មំ បដិច្ច នអនាសវោ នអកុសលោ ធម្មោ ឧប្បជ្ជតិ ហេតុបច្ចយា។ ហេតុយា ឯកំ។
Sāsavaṃ akusalaṃ dhammaṃ paṭicca naanāsavo naakusalo dhammo uppajjati hetupaccayā. Hetuyā ekaṃ.
សាសវំ អព្យាកតំ ធម្មំ បច្ចយា នសាសវោ នអព្យាកតោ ធម្មោ ឧប្បជ្ជតិ ហេតុបច្ចយា… ហេតុយា ទ្វេ។
Sāsavaṃ abyākataṃ dhammaṃ paccayā nasāsavo naabyākato dhammo uppajjati hetupaccayā… hetuyā dve.
១៦-១. អាសវសម្បយុត្តទុក-កុសលត្តិកំ
16-1. Āsavasampayuttaduka-kusalattikaṃ
៤៣. អាសវវិប្បយុត្តំ កុសលំ ធម្មំ បដិច្ច នអាសវសម្បយុត្តោ នកុសលោ ធម្មោ ឧប្បជ្ជតិ ហេតុបច្ចយា។ ហេតុយា ឯកំ។
43. Āsavavippayuttaṃ kusalaṃ dhammaṃ paṭicca naāsavasampayutto nakusalo dhammo uppajjati hetupaccayā. Hetuyā ekaṃ.
អាសវសម្បយុត្តំ អកុសលំ ធម្មំ បដិច្ច នអាសវសម្បយុត្តោ នអកុសលោ ធម្មោ ឧប្បជ្ជតិ ហេតុបច្ចយា… ហេតុយា តីណិ។
Āsavasampayuttaṃ akusalaṃ dhammaṃ paṭicca naāsavasampayutto naakusalo dhammo uppajjati hetupaccayā… hetuyā tīṇi.
អាសវវិប្បយុត្តំ អព្យាកតំ ធម្មំ បច្ចយា នអាសវសម្បយុត្តោ នអព្យាកតោ ធម្មោ ឧប្បជ្ជតិ ហេតុបច្ចយា … ហេតុយា តីណិ។
Āsavavippayuttaṃ abyākataṃ dhammaṃ paccayā naāsavasampayutto naabyākato dhammo uppajjati hetupaccayā … hetuyā tīṇi.
១៧-១៨-១. អាសវសាសវាទិទុកានិ-កុសលត្តិកំ
17-18-1. Āsavasāsavādidukāni-kusalattikaṃ
៤៤. សាសវញ្ចេវ នោ ច អាសវំ កុសលំ ធម្មំ បដិច្ច នអាសវោ ចេវ នអនាសវោ ច នកុសលោ ធម្មោ ឧប្បជ្ជតិ ហេតុបច្ចយា។ ហេតុយា ឯកំ។
44. Sāsavañceva no ca āsavaṃ kusalaṃ dhammaṃ paṭicca naāsavo ceva naanāsavo ca nakusalo dhammo uppajjati hetupaccayā. Hetuyā ekaṃ.
អាសវញ្ចេវ សាសវញ្ច អកុសលំ ធម្មំ បដិច្ច នោអាសវោ ចេវ នអនាសវោ ច នអកុសលោ ធម្មោ ឧប្បជ្ជតិ ហេតុបច្ចយា… ហេតុយា តីណិ។
Āsavañceva sāsavañca akusalaṃ dhammaṃ paṭicca noāsavo ceva naanāsavo ca naakusalo dhammo uppajjati hetupaccayā… hetuyā tīṇi.
សាសវញ្ចេវ នោ ច អាសវំ អព្យាកតំ ធម្មំ បច្ចយា នអនាសវោ ចេវ ននោ ច អាសវោ នអព្យាកតោ ធម្មោ ឧប្បជ្ជតិ ហេតុបច្ចយា… ហេតុយា តីណិ។
Sāsavañceva no ca āsavaṃ abyākataṃ dhammaṃ paccayā naanāsavo ceva nano ca āsavo naabyākato dhammo uppajjati hetupaccayā… hetuyā tīṇi.
(អាសវអាសវសម្បយុត្តទុកំ អាសវសាសវទុកសទិសំ។)
(Āsavaāsavasampayuttadukaṃ āsavasāsavadukasadisaṃ.)
១៩-១. អាសវវិប្បយុត្តសាសវទុក-កុសលត្តិកំ
19-1. Āsavavippayuttasāsavaduka-kusalattikaṃ
៤៥. អាសវវិប្បយុត្តំ សាសវំ កុសលំ ធម្មំ បដិច្ច អាសវវិប្បយុត្តោ នអនាសវោ នកុសលោ ធម្មោ ឧប្បជ្ជតិ ហេតុបច្ចយា។ ឯកំ។
45. Āsavavippayuttaṃ sāsavaṃ kusalaṃ dhammaṃ paṭicca āsavavippayutto naanāsavo nakusalo dhammo uppajjati hetupaccayā. Ekaṃ.
អាសវវិប្បយុត្តំ អនាសវំ កុសលំ ធម្មំ បដិច្ច អាសវវិប្បយុត្តោ នអនាសវោ នកុសលោ ធម្មោ ឧប្បជ្ជតិ ហេតុបច្ចយា។ ឯកំ។
Āsavavippayuttaṃ anāsavaṃ kusalaṃ dhammaṃ paṭicca āsavavippayutto naanāsavo nakusalo dhammo uppajjati hetupaccayā. Ekaṃ.
អាសវវិប្បយុត្តំ សាសវំ អកុសលំ ធម្មំ បដិច្ច អាសវវិប្បយុត្តោ នអនាសវោ នអកុសលោ ធម្មោ ឧប្បជ្ជតិ ហេតុបច្ចយា។ ហេតុយា ឯកំ។
Āsavavippayuttaṃ sāsavaṃ akusalaṃ dhammaṃ paṭicca āsavavippayutto naanāsavo naakusalo dhammo uppajjati hetupaccayā. Hetuyā ekaṃ.
អាសវវិប្បយុត្តំ សាសវំ អព្យាកតំ ធម្មំ បច្ចយា អាសវវិប្បយុត្តោ នសាសវោ នអព្យាកតោ ធម្មោ ឧប្បជ្ជតិ ហេតុបច្ចយា។ អាសវវិប្បយុត្តំ សាសវំ អព្យាកតំ ធម្មំ បច្ចយា អាសវវិប្បយុត្តោ នអនាសវោ នអព្យាកតោ ធម្មោ ឧប្បជ្ជតិ ហេតុបច្ចយា… ហេតុយា ទ្វេ។
Āsavavippayuttaṃ sāsavaṃ abyākataṃ dhammaṃ paccayā āsavavippayutto nasāsavo naabyākato dhammo uppajjati hetupaccayā. Āsavavippayuttaṃ sāsavaṃ abyākataṃ dhammaṃ paccayā āsavavippayutto naanāsavo naabyākato dhammo uppajjati hetupaccayā… hetuyā dve.
អាសវគោច្ឆកំ និដ្ឋិតំ។
Āsavagocchakaṃ niṭṭhitaṃ.
២០-៥៤-១. សញ្ញោជនាទិទុកានិ-កុសលត្តិកំ
20-54-1. Saññojanādidukāni-kusalattikaṃ
៤៦. នោសញ្ញោជនំ កុសលំ ធម្មំ បដិច្ច នោសញ្ញោជនោ នកុសលោ ធម្មោ ឧប្បជ្ជតិ ហេតុបច្ចយា…បេ.… នោគន្ថំ កុសលំ ធម្មំ បដិច្ច នោគន្ថោ នកុសលោ ធម្មោ ឧប្បជ្ជតិ ហេតុបច្ចយា…បេ.… នោឱឃំ កុសលំ ធម្មំ បដិច្ច នោឱឃោ នកុសលោ ធម្មោ ឧប្បជ្ជតិ ហេតុបច្ចយា…បេ.… នោយោគំ កុសលំ ធម្មំ បដិច្ច នោយោគោ នកុសលោ ធម្មោ ឧប្បជ្ជតិ ហេតុបច្ចយា…បេ.… នោនីវរណំ កុសលំ ធម្មំ បដិច្ច នោនីវរណោ នកុសលោ ធម្មោ ឧប្បជ្ជតិ ហេតុបច្ចយា…បេ.… នោបរាមាសំ កុសលំ ធម្មំ បដិច្ច នោបរាមាសោ នកុសលោ ធម្មោ ឧប្បជ្ជតិ ហេតុបច្ចយា។
46. Nosaññojanaṃ kusalaṃ dhammaṃ paṭicca nosaññojano nakusalo dhammo uppajjati hetupaccayā…pe… noganthaṃ kusalaṃ dhammaṃ paṭicca nogantho nakusalo dhammo uppajjati hetupaccayā…pe… nooghaṃ kusalaṃ dhammaṃ paṭicca noogho nakusalo dhammo uppajjati hetupaccayā…pe… noyogaṃ kusalaṃ dhammaṃ paṭicca noyogo nakusalo dhammo uppajjati hetupaccayā…pe… nonīvaraṇaṃ kusalaṃ dhammaṃ paṭicca nonīvaraṇo nakusalo dhammo uppajjati hetupaccayā…pe… noparāmāsaṃ kusalaṃ dhammaṃ paṭicca noparāmāso nakusalo dhammo uppajjati hetupaccayā.
៥៥-១. សារម្មណទុក-កុសលត្តិកំ
55-1. Sārammaṇaduka-kusalattikaṃ
៤៧. សារម្មណំ កុសលំ ធម្មំ បដិច្ច នសារម្មណោ នកុសលោ ធម្មោ ឧប្បជ្ជតិ ហេតុបច្ចយា។ ហេតុយា ឯកំ។
47. Sārammaṇaṃ kusalaṃ dhammaṃ paṭicca nasārammaṇo nakusalo dhammo uppajjati hetupaccayā. Hetuyā ekaṃ.
សារម្មណំ អកុសលំ ធម្មំ បដិច្ច នសារម្មណោ នអកុសលោ ធម្មោ ឧប្បជ្ជតិ ហេតុបច្ចយា។ ហេតុយា ឯកំ។
Sārammaṇaṃ akusalaṃ dhammaṃ paṭicca nasārammaṇo naakusalo dhammo uppajjati hetupaccayā. Hetuyā ekaṃ.
អនារម្មណំ អព្យាកតំ ធម្មំ បច្ចយា នអនារម្មណោ នអព្យាកតោ ធម្មោ ឧប្បជ្ជតិ ហេតុបច្ចយា។ ហេតុយា ឯកំ។
Anārammaṇaṃ abyākataṃ dhammaṃ paccayā naanārammaṇo naabyākato dhammo uppajjati hetupaccayā. Hetuyā ekaṃ.
៥៦-១. ចិត្តទុក-កុសលត្តិកំ
56-1. Cittaduka-kusalattikaṃ
៤៨. ចិត្តំ កុសលំ ធម្មំ បដិច្ច នចិត្តោ នកុសលោ ធម្មោ ឧប្បជ្ជតិ ហេតុបច្ចយា… ហេតុយា តីណិ។
48. Cittaṃ kusalaṃ dhammaṃ paṭicca nacitto nakusalo dhammo uppajjati hetupaccayā… hetuyā tīṇi.
ចិត្តំ អកុសលំ ធម្មំ បដិច្ច នចិត្តោ នអកុសលោ ធម្មោ ឧប្បជ្ជតិ ហេតុបច្ចយា… ហេតុយា តីណិ។
Cittaṃ akusalaṃ dhammaṃ paṭicca nacitto naakusalo dhammo uppajjati hetupaccayā… hetuyā tīṇi.
នោចិត្តំ អព្យាកតំ ធម្មំ បច្ចយា ននោចិត្តោ នអព្យាកតោ ធម្មោ ឧប្បជ្ជតិ ហេតុបច្ចយា… ហេតុយា តីណិ។
Nocittaṃ abyākataṃ dhammaṃ paccayā nanocitto naabyākato dhammo uppajjati hetupaccayā… hetuyā tīṇi.
៥៧-១. ចេតសិកទុក-កុសលត្តិកំ
57-1. Cetasikaduka-kusalattikaṃ
៤៩. ចេតសិកំ កុសលំ ធម្មំ បដិច្ច នចេតសិកោ នកុសលោ ធម្មោ ឧប្បជ្ជតិ ហេតុបច្ចយា… ហេតុយា តីណិ។
49. Cetasikaṃ kusalaṃ dhammaṃ paṭicca nacetasiko nakusalo dhammo uppajjati hetupaccayā… hetuyā tīṇi.
ចេតសិកំ អកុសលំ ធម្មំ បដិច្ច នចេតសិកោ នអកុសលោ ធម្មោ ឧប្បជ្ជតិ ហេតុបច្ចយា… ហេតុយា តីណិ។
Cetasikaṃ akusalaṃ dhammaṃ paṭicca nacetasiko naakusalo dhammo uppajjati hetupaccayā… hetuyā tīṇi.
អចេតសិកំ អព្យាកតំ ធម្មំ បច្ចយា នអចេតសិកោ នអព្យាកតោ ធម្មោ ឧប្បជ្ជតិ ហេតុបច្ចយា… ហេតុយា តីណិ។
Acetasikaṃ abyākataṃ dhammaṃ paccayā naacetasiko naabyākato dhammo uppajjati hetupaccayā… hetuyā tīṇi.
៥៨-១. ចិត្តសម្បយុត្តទុក-កុសលត្តិកំ
58-1. Cittasampayuttaduka-kusalattikaṃ
៥០. ចិត្តសម្បយុត្តំ កុសលំ ធម្មំ បដិច្ច នចិត្តសម្បយុត្តោ នកុសលោ ធម្មោ ឧប្បជ្ជតិ ហេតុបច្ចយា។ ហេតុយា ឯកំ។
50. Cittasampayuttaṃ kusalaṃ dhammaṃ paṭicca nacittasampayutto nakusalo dhammo uppajjati hetupaccayā. Hetuyā ekaṃ.
ចិត្តសម្បយុត្តំ អកុសលំ ធម្មំ បដិច្ច នចិត្តសម្បយុត្តោ នអកុសលោ ធម្មោ ឧប្បជ្ជតិ ហេតុបច្ចយា។ ហេតុយា ឯកំ។ (អព្យាកតមូលំ តីណិយេវ បច្ចយវសេន។)
Cittasampayuttaṃ akusalaṃ dhammaṃ paṭicca nacittasampayutto naakusalo dhammo uppajjati hetupaccayā. Hetuyā ekaṃ. (Abyākatamūlaṃ tīṇiyeva paccayavasena.)
៥៩-១. ចិត្តសំសដ្ឋទុក-កុសលត្តិកំ
59-1. Cittasaṃsaṭṭhaduka-kusalattikaṃ
៥១. ចិត្តសំសដ្ឋំ កុសលំ ធម្មំ បដិច្ច នចិត្តសំសដ្ឋោ នកុសលោ ធម្មោ ឧប្បជ្ជតិ ហេតុបច្ចយា។ ហេតុយា ឯកំ។
51. Cittasaṃsaṭṭhaṃ kusalaṃ dhammaṃ paṭicca nacittasaṃsaṭṭho nakusalo dhammo uppajjati hetupaccayā. Hetuyā ekaṃ.
ចិត្តសំសដ្ឋំ អកុសលំ ធម្មំ បដិច្ច នចិត្តសំសដ្ឋោ នអកុសលោ ធម្មោ ឧប្បជ្ជតិ ហេតុបច្ចយា។ ហេតុយា ឯកំ។ (អព្យាកតមូលំ តីណិយេវ បច្ចយវសេន។)
Cittasaṃsaṭṭhaṃ akusalaṃ dhammaṃ paṭicca nacittasaṃsaṭṭho naakusalo dhammo uppajjati hetupaccayā. Hetuyā ekaṃ. (Abyākatamūlaṃ tīṇiyeva paccayavasena.)
៦០-១. ចិត្តសមុដ្ឋានទុក-កុសលត្តិកំ
60-1. Cittasamuṭṭhānaduka-kusalattikaṃ
៥២. ចិត្តសមុដ្ឋានំ កុសលំ ធម្មំ បដិច្ច ននោចិត្តសមុដ្ឋានោ នកុសលោ ធម្មោ ឧប្បជ្ជតិ ហេតុបច្ចយា… ហេតុយា តីណិ។
52. Cittasamuṭṭhānaṃ kusalaṃ dhammaṃ paṭicca nanocittasamuṭṭhāno nakusalo dhammo uppajjati hetupaccayā… hetuyā tīṇi.
ចិត្តសមុដ្ឋានំ អកុសលំ ធម្មំ បដិច្ច ននោចិត្តសមុដ្ឋានោ នអកុសលោ ធម្មោ ឧប្បជ្ជតិ ហេតុបច្ចយា… ហេតុយា តីណិ។ (អព្យាកតមូលំ តីណិយេវ បច្ចយវសេន។)
Cittasamuṭṭhānaṃ akusalaṃ dhammaṃ paṭicca nanocittasamuṭṭhāno naakusalo dhammo uppajjati hetupaccayā… hetuyā tīṇi. (Abyākatamūlaṃ tīṇiyeva paccayavasena.)
៦១-១. ចិត្តសហភូទុក-កុសលត្តិកំ
61-1. Cittasahabhūduka-kusalattikaṃ
៥៣. ចិត្តសហភុំ កុសលំ ធម្មំ បដិច្ច នោចិត្តសហភូ នកុសលោ ធម្មោ ឧប្បជ្ជតិ ហេតុបច្ចយា… ហេតុយា នវ។
53. Cittasahabhuṃ kusalaṃ dhammaṃ paṭicca nocittasahabhū nakusalo dhammo uppajjati hetupaccayā… hetuyā nava.
ចិត្តសហភុំ អកុសលំ ធម្មំ បដិច្ច នោចិត្តសហភូ នអកុសលោ ធម្មោ ឧប្បជ្ជតិ ហេតុបច្ចយា… ហេតុយា នវ។ (អព្យាកតមូលំ តីណិយេវ បច្ចយវសេន។)
Cittasahabhuṃ akusalaṃ dhammaṃ paṭicca nocittasahabhū naakusalo dhammo uppajjati hetupaccayā… hetuyā nava. (Abyākatamūlaṃ tīṇiyeva paccayavasena.)
៦២-១. ចិត្តានុបរិវត្តិទុក-កុសលត្តិកំ
62-1. Cittānuparivattiduka-kusalattikaṃ
៥៤. ចិត្តានុបរិវត្តិំ កុសលំ ធម្មំ បដិច្ច នោចិត្តានុបរិវត្តី នកុសលោ ធម្មោ ឧប្បជ្ជតិ ហេតុបច្ចយា… ហេតុយា នវ។
54. Cittānuparivattiṃ kusalaṃ dhammaṃ paṭicca nocittānuparivattī nakusalo dhammo uppajjati hetupaccayā… hetuyā nava.
ចិត្តានុបរិវត្តិំ អកុសលំ ធម្មំ បដិច្ច នោចិត្តានុបរិវត្តី នអកុសលោ ធម្មោ ឧប្បជ្ជតិ ហេតុបច្ចយា… ហេតុយា នវ។ (អព្យាកតមូលំ តីណិយេវ បច្ចយវសេន។)
Cittānuparivattiṃ akusalaṃ dhammaṃ paṭicca nocittānuparivattī naakusalo dhammo uppajjati hetupaccayā… hetuyā nava. (Abyākatamūlaṃ tīṇiyeva paccayavasena.)
៦៣-១. ចិត្តសំសដ្ឋសមុដ្ឋានទុក-កុសលត្តិកំ
63-1. Cittasaṃsaṭṭhasamuṭṭhānaduka-kusalattikaṃ
៥៥. ចិត្តសំសដ្ឋសមុដ្ឋានំ កុសលំ ធម្មំ បដិច្ច នោចិត្តសំសដ្ឋសមុដ្ឋានោ នកុសលោ ធម្មោ ឧប្បជ្ជតិ ហេតុបច្ចយា… ហេតុយា តីណិ។
55. Cittasaṃsaṭṭhasamuṭṭhānaṃ kusalaṃ dhammaṃ paṭicca nocittasaṃsaṭṭhasamuṭṭhāno nakusalo dhammo uppajjati hetupaccayā… hetuyā tīṇi.
ចិត្តសំសដ្ឋសមុដ្ឋានំ អកុសលំ ធម្មំ បដិច្ច នោចិត្តសំសដ្ឋសមុដ្ឋានោ នអកុសលោ ធម្មោ ឧប្បជ្ជតិ ហេតុបច្ចយា… ហេតុយា តីណិ។ (អព្យាកតមូលំ តីណិយេវ បច្ចយវសេន។)
Cittasaṃsaṭṭhasamuṭṭhānaṃ akusalaṃ dhammaṃ paṭicca nocittasaṃsaṭṭhasamuṭṭhāno naakusalo dhammo uppajjati hetupaccayā… hetuyā tīṇi. (Abyākatamūlaṃ tīṇiyeva paccayavasena.)
៦៤-១. ចិត្តសំសដ្ឋសមុដ្ឋានសហភូទុក-កុសលត្តិកំ
64-1. Cittasaṃsaṭṭhasamuṭṭhānasahabhūduka-kusalattikaṃ
៥៦. ចិត្តសំសដ្ឋសមុដ្ឋានសហភុំ កុសលំ ធម្មំ បដិច្ច នោចិត្តសំសដ្ឋសមុដ្ឋានសហភូ នកុសលោ ធម្មោ ឧប្បជ្ជតិ ហេតុបច្ចយា… ហេតុយា តីណិ។
56. Cittasaṃsaṭṭhasamuṭṭhānasahabhuṃ kusalaṃ dhammaṃ paṭicca nocittasaṃsaṭṭhasamuṭṭhānasahabhū nakusalo dhammo uppajjati hetupaccayā… hetuyā tīṇi.
ចិត្តសំសដ្ឋសមុដ្ឋានសហភុំ អកុសលំ ធម្មំ បដិច្ច នោចិត្តសំសដ្ឋសមុដ្ឋានសហភូ នអកុសលោ ធម្មោ ឧប្បជ្ជតិ ហេតុបច្ចយា… ហេតុយា តីណិ។ (អព្យាកតមូលំ តីណិយេវ បច្ចយវសេន។)
Cittasaṃsaṭṭhasamuṭṭhānasahabhuṃ akusalaṃ dhammaṃ paṭicca nocittasaṃsaṭṭhasamuṭṭhānasahabhū naakusalo dhammo uppajjati hetupaccayā… hetuyā tīṇi. (Abyākatamūlaṃ tīṇiyeva paccayavasena.)
៦៥-១. ចិត្តសំសដ្ឋសមុដ្ឋានានុបរិវត្តិទុក-កុសលត្តិកំ
65-1. Cittasaṃsaṭṭhasamuṭṭhānānuparivattiduka-kusalattikaṃ
៥៧. ចិត្តសំសដ្ឋសមុដ្ឋានានុបរិវត្តិំ កុសលំ ធម្មំ បដិច្ច នោចិត្តសំសដ្ឋសមុដ្ឋានានុបរិវត្តី នកុសលោ ធម្មោ ឧប្បជ្ជតិ ហេតុបច្ចយា… ហេតុយា តីណិ។
57. Cittasaṃsaṭṭhasamuṭṭhānānuparivattiṃ kusalaṃ dhammaṃ paṭicca nocittasaṃsaṭṭhasamuṭṭhānānuparivattī nakusalo dhammo uppajjati hetupaccayā… hetuyā tīṇi.
ចិត្តសំសដ្ឋសមុដ្ឋានានុបរិវត្តិំ អកុសលំ ធម្មំ បដិច្ច នោចិត្តសំសដ្ឋសមុដ្ឋានានុបរិវត្តី នអកុសលោ ធម្មោ ឧប្បជ្ជតិ ហេតុបច្ចយា… ហេតុយា តីណិ។ (អព្យាកតមូលំ តីណិយេវ។)
Cittasaṃsaṭṭhasamuṭṭhānānuparivattiṃ akusalaṃ dhammaṃ paṭicca nocittasaṃsaṭṭhasamuṭṭhānānuparivattī naakusalo dhammo uppajjati hetupaccayā… hetuyā tīṇi. (Abyākatamūlaṃ tīṇiyeva.)
៦៦-១. អជ្ឈត្តិកទុក-កុសលត្តិកំ
66-1. Ajjhattikaduka-kusalattikaṃ
៥៨. អជ្ឈត្តិកំ កុសលំ ធម្មំ បដិច្ច នអជ្ឈត្តិកោ នកុសលោ ធម្មោ ឧប្បជ្ជតិ ហេតុបច្ចយា។ ពាហិរំ កុសលំ ធម្មំ បដិច្ច នអជ្ឈត្តិកោ នកុសលោ ធម្មោ ឧប្បជ្ជតិ ហេតុបច្ចយា។ អជ្ឈត្តិកំ កុសលញ្ច ពាហិរំ កុសលញ្ច ធម្មំ បដិច្ច នអជ្ឈត្តិកោ នកុសលោ ធម្មោ ឧប្បជ្ជតិ ហេតុបច្ចយា។ ហេតុយា តីណិ។
58. Ajjhattikaṃ kusalaṃ dhammaṃ paṭicca naajjhattiko nakusalo dhammo uppajjati hetupaccayā. Bāhiraṃ kusalaṃ dhammaṃ paṭicca naajjhattiko nakusalo dhammo uppajjati hetupaccayā. Ajjhattikaṃ kusalañca bāhiraṃ kusalañca dhammaṃ paṭicca naajjhattiko nakusalo dhammo uppajjati hetupaccayā. Hetuyā tīṇi.
អជ្ឈត្តិកំ អកុសលំ ធម្មំ បដិច្ច នអជ្ឈត្តិកោ នអកុសលោ ធម្មោ ឧប្បជ្ជតិ ហេតុបច្ចយា។ ពាហិរំ អកុសលំ ធម្មំ បដិច្ច នអជ្ឈត្តិកោ នអកុសលោ ធម្មោ ឧប្បជ្ជតិ ហេតុបច្ចយា។ អជ្ឈត្តិកំ អកុសលញ្ច ពាហិរំ អកុសលញ្ច ធម្មំ បដិច្ច នអជ្ឈត្តិកោ នអកុសលោ ធម្មោ ឧប្បជ្ជតិ ហេតុបច្ចយា។ ហេតុយា តីណិ។ (អព្យាកតមូលំ តីណិយេវ។)
Ajjhattikaṃ akusalaṃ dhammaṃ paṭicca naajjhattiko naakusalo dhammo uppajjati hetupaccayā. Bāhiraṃ akusalaṃ dhammaṃ paṭicca naajjhattiko naakusalo dhammo uppajjati hetupaccayā. Ajjhattikaṃ akusalañca bāhiraṃ akusalañca dhammaṃ paṭicca naajjhattiko naakusalo dhammo uppajjati hetupaccayā. Hetuyā tīṇi. (Abyākatamūlaṃ tīṇiyeva.)
៦៧-១. ឧបាទាទុក-កុសលត្តិកំ
67-1. Upādāduka-kusalattikaṃ
៥៩. នោឧបាទា កុសលំ ធម្មំ បដិច្ច ននោឧបាទា នកុសលោ ធម្មោ ឧប្បជ្ជតិ ហេតុបច្ចយា… ហេតុយា តីណិ។
59. Noupādā kusalaṃ dhammaṃ paṭicca nanoupādā nakusalo dhammo uppajjati hetupaccayā… hetuyā tīṇi.
នោឧបាទា អកុសលំ ធម្មំ បដិច្ច ននោឧបាទា នអកុសលោ ធម្មោ ឧប្បជ្ជតិ ហេតុបច្ចយា… ហេតុយា តីណិ។ (អព្យាកតមូលំ ឯកំយេវ។)
Noupādā akusalaṃ dhammaṃ paṭicca nanoupādā naakusalo dhammo uppajjati hetupaccayā… hetuyā tīṇi. (Abyākatamūlaṃ ekaṃyeva.)
៦៨-១. ឧបាទិន្នទុក-កុសលត្តិកំ
68-1. Upādinnaduka-kusalattikaṃ
៦០. អនុបាទិន្នំ កុសលំ ធម្មំ បដិច្ច នឧបាទិន្នោ នកុសលោ ធម្មោ ឧប្បជ្ជតិ ហេតុបច្ចយា។ ហេតុយា ឯកំ។
60. Anupādinnaṃ kusalaṃ dhammaṃ paṭicca naupādinno nakusalo dhammo uppajjati hetupaccayā. Hetuyā ekaṃ.
អនុបាទិន្នំ អកុសលំ ធម្មំ បដិច្ច នឧបាទិន្នោ នអកុសលោ ធម្មោ ឧប្បជ្ជតិ ហេតុបច្ចយា។ ហេតុយា ឯកំ។ (អព្យាកតមូលំ ឯកំយេវ។)
Anupādinnaṃ akusalaṃ dhammaṃ paṭicca naupādinno naakusalo dhammo uppajjati hetupaccayā. Hetuyā ekaṃ. (Abyākatamūlaṃ ekaṃyeva.)
មហន្តរទុកំ និដ្ឋិតំ។
Mahantaradukaṃ niṭṭhitaṃ.
៦៩-៨២-១. ទ្វិគោច្ឆកានិ-កុសលត្តិកំ
69-82-1. Dvigocchakāni-kusalattikaṃ
៦១. នោឧបាទានំ កុសលំ ធម្មំ បដិច្ច នោឧបាទានោ នកុសលោ ធម្មោ ឧប្បជ្ជតិ ហេតុបច្ចយា។ ហេតុយា ឯកំ។
61. Noupādānaṃ kusalaṃ dhammaṃ paṭicca noupādāno nakusalo dhammo uppajjati hetupaccayā. Hetuyā ekaṃ.
ឧបាទានំ អកុសលំ ធម្មំ បដិច្ច នោឧបាទានោ នអកុសលោ ធម្មោ ឧប្បជ្ជតិ ហេតុបច្ចយា… ហេតុយា តីណិ។
Upādānaṃ akusalaṃ dhammaṃ paṭicca noupādāno naakusalo dhammo uppajjati hetupaccayā… hetuyā tīṇi.
នោកិលេសំ កុសលំ ធម្មំ បដិច្ច នោកិលេសោ នកុសលោ ធម្មោ ឧប្បជ្ជតិ ហេតុបច្ចយា។ ហេតុយា ឯកំ។ (សំខិត្តំ។)
Nokilesaṃ kusalaṃ dhammaṃ paṭicca nokileso nakusalo dhammo uppajjati hetupaccayā. Hetuyā ekaṃ. (Saṃkhittaṃ.)
៨៣-១. ទស្សនេនបហាតព្ពទុក-កុសលត្តិកំ
83-1. Dassanenapahātabbaduka-kusalattikaṃ
៦២. នទស្សនេន បហាតព្ពំ កុសលំ ធម្មំ បដិច្ច នទស្សនេន បហាតព្ពោ នកុសលោ ធម្មោ ឧប្បជ្ជតិ ហេតុបច្ចយា។ ហេតុយា ឯកំ។
62. Nadassanena pahātabbaṃ kusalaṃ dhammaṃ paṭicca nadassanena pahātabbo nakusalo dhammo uppajjati hetupaccayā. Hetuyā ekaṃ.
ទស្សនេន បហាតព្ពំ អកុសលំ ធម្មំ បដិច្ច នទស្សនេន បហាតព្ពោ នអកុសលោ ធម្មោ ឧប្បជ្ជតិ ហេតុបច្ចយា។ នទស្សនេន បហាតព្ពំ អកុសលំ ធម្មំ បដិច្ច នទស្សនេន បហាតព្ពោ នអកុសលោ ធម្មោ ឧប្បជ្ជតិ ហេតុបច្ចយា។ ហេតុយា ទ្វេ។
Dassanena pahātabbaṃ akusalaṃ dhammaṃ paṭicca nadassanena pahātabbo naakusalo dhammo uppajjati hetupaccayā. Nadassanena pahātabbaṃ akusalaṃ dhammaṃ paṭicca nadassanena pahātabbo naakusalo dhammo uppajjati hetupaccayā. Hetuyā dve.
នទស្សនេន បហាតព្ពំ អព្យាកតំ ធម្មំ បច្ចយា ននទស្សនេន បហាតព្ពោ នអព្យាកតោ ធម្មោ ឧប្បជ្ជតិ ហេតុបច្ចយា… ហេតុយា ទ្វេ។
Nadassanena pahātabbaṃ abyākataṃ dhammaṃ paccayā nanadassanena pahātabbo naabyākato dhammo uppajjati hetupaccayā… hetuyā dve.
៨៤-១. ភាវនាយបហាតព្ពទុក-កុសលត្តិកំ
84-1. Bhāvanāyapahātabbaduka-kusalattikaṃ
៦៣. នភាវនាយ បហាតព្ពំ កុសលំ ធម្មំ បដិច្ច នភាវនាយ បហាតព្ពោ នកុសលោ ធម្មោ ឧប្បជ្ជតិ ហេតុបច្ចយា។ ហេតុយា ឯកំ។
63. Nabhāvanāya pahātabbaṃ kusalaṃ dhammaṃ paṭicca nabhāvanāya pahātabbo nakusalo dhammo uppajjati hetupaccayā. Hetuyā ekaṃ.
ភាវនាយ បហាតព្ពំ អកុសលំ ធម្មំ បដិច្ច នភាវនាយ បហាតព្ពោ នអកុសលោ ធម្មោ ឧប្បជ្ជតិ ហេតុបច្ចយា… ហេតុយា ទ្វេ។
Bhāvanāya pahātabbaṃ akusalaṃ dhammaṃ paṭicca nabhāvanāya pahātabbo naakusalo dhammo uppajjati hetupaccayā… hetuyā dve.
នភាវនាយ បហាតព្ពំ អព្យាកតំ ធម្មំ បច្ចយា ននភាវនាយ បហាតព្ពោ នអព្យាកតោ ធម្មោ ឧប្បជ្ជតិ ហេតុបច្ចយា… ហេតុយា ទ្វេ។
Nabhāvanāya pahātabbaṃ abyākataṃ dhammaṃ paccayā nanabhāvanāya pahātabbo naabyākato dhammo uppajjati hetupaccayā… hetuyā dve.
៨៥-១. ទស្សនេនបហាតព្ពហេតុកទុក-កុសលត្តិកំ
85-1. Dassanenapahātabbahetukaduka-kusalattikaṃ
៦៤. នទស្សនេន បហាតព្ពហេតុកំ កុសលំ ធម្មំ បដិច្ច នទស្សនេន បហាតព្ពហេតុកោ នកុសលោ ធម្មោ ឧប្បជ្ជតិ ហេតុបច្ចយា។ ហេតុយា ឯកំ។
64. Nadassanena pahātabbahetukaṃ kusalaṃ dhammaṃ paṭicca nadassanena pahātabbahetuko nakusalo dhammo uppajjati hetupaccayā. Hetuyā ekaṃ.
ទស្សនេន បហាតព្ពហេតុកំ អកុសលំ ធម្មំ បដិច្ច នទស្សនេន បហាតព្ពហេតុកោ នអកុសលោ ធម្មោ ឧប្បជ្ជតិ ហេតុបច្ចយា… ហេតុយា តីណិ។
Dassanena pahātabbahetukaṃ akusalaṃ dhammaṃ paṭicca nadassanena pahātabbahetuko naakusalo dhammo uppajjati hetupaccayā… hetuyā tīṇi.
នទស្សនេន បហាតព្ពហេតុកំ អព្យាកតំ ធម្មំ បច្ចយា ននទស្សនេន បហាតព្ពហេតុកោ នអព្យាកតោ ធម្មោ ឧប្បជ្ជតិ ហេតុបច្ចយា… ហេតុយា ទ្វេ។ (អព្យាកតវារេ សព្ពត្ថ បច្ចយវសេន គណេតព្ពំ។)
Nadassanena pahātabbahetukaṃ abyākataṃ dhammaṃ paccayā nanadassanena pahātabbahetuko naabyākato dhammo uppajjati hetupaccayā… hetuyā dve. (Abyākatavāre sabbattha paccayavasena gaṇetabbaṃ.)
៨៦-១. ភាវនាយបហាតព្ពហេតុកទុក-កុសលត្តិកំ
86-1. Bhāvanāyapahātabbahetukaduka-kusalattikaṃ
៦៥. នភាវនាយ បហាតព្ពហេតុកំ កុសលំ ធម្មំ បដិច្ច នភាវនាយ បហាតព្ពហេតុកោ នកុសលោ ធម្មោ ឧប្បជ្ជតិ ហេតុបច្ចយា។ ហេតុយា ឯកំ។
65. Nabhāvanāya pahātabbahetukaṃ kusalaṃ dhammaṃ paṭicca nabhāvanāya pahātabbahetuko nakusalo dhammo uppajjati hetupaccayā. Hetuyā ekaṃ.
ភាវនាយ បហាតព្ពហេតុកំ អកុសលំ ធម្មំ បដិច្ច នភាវនាយ បហាតព្ពហេតុកោ នអកុសលោ ធម្មោ ឧប្បជ្ជតិ ហេតុបច្ចយា… ហេតុយា តីណិ។ (អព្យាកតមូលំ ទ្វេ។)
Bhāvanāya pahātabbahetukaṃ akusalaṃ dhammaṃ paṭicca nabhāvanāya pahātabbahetuko naakusalo dhammo uppajjati hetupaccayā… hetuyā tīṇi. (Abyākatamūlaṃ dve.)
៨៧-១. សវិតក្កទុក-កុសលត្តិកំ
87-1. Savitakkaduka-kusalattikaṃ
៦៦. សវិតក្កំ កុសលំ ធម្មំ បដិច្ច នសវិតក្កោ នកុសលោ ធម្មោ ឧប្បជ្ជតិ ហេតុបច្ចយា… ហេតុយា តីណិ។
66. Savitakkaṃ kusalaṃ dhammaṃ paṭicca nasavitakko nakusalo dhammo uppajjati hetupaccayā… hetuyā tīṇi.
សវិតក្កំ អកុសលំ ធម្មំ បដិច្ច នសវិតក្កោ នអកុសលោ ធម្មោ ឧប្បជ្ជតិ ហេតុបច្ចយា… ហេតុយា តីណិ។ (អព្យាកតមូលំ តីណិយេវ។)
Savitakkaṃ akusalaṃ dhammaṃ paṭicca nasavitakko naakusalo dhammo uppajjati hetupaccayā… hetuyā tīṇi. (Abyākatamūlaṃ tīṇiyeva.)
៨៨-១. សវិចារទុក-កុសលត្តិកំ
88-1. Savicāraduka-kusalattikaṃ
៦៧. សវិចារំ កុសលំ ធម្មំ បដិច្ច នសវិចារោ នកុសលោ ធម្មោ ឧប្បជ្ជតិ ហេតុបច្ចយា… ហេតុយា តីណិ។
67. Savicāraṃ kusalaṃ dhammaṃ paṭicca nasavicāro nakusalo dhammo uppajjati hetupaccayā… hetuyā tīṇi.
សវិចារំ អកុសលំ ធម្មំ បដិច្ច នសវិចារោ នអកុសលោ ធម្មោ ឧប្បជ្ជតិ ហេតុបច្ចយា… ហេតុយា តីណិ។ (អព្យាកតមូលំ តីណិយេវ។)
Savicāraṃ akusalaṃ dhammaṃ paṭicca nasavicāro naakusalo dhammo uppajjati hetupaccayā… hetuyā tīṇi. (Abyākatamūlaṃ tīṇiyeva.)
៨៩-១. សប្បីតិកទុក-កុសលត្តិកំ
89-1. Sappītikaduka-kusalattikaṃ
៦៨. សប្បីតិកំ កុសលំ ធម្មំ បដិច្ច នសប្បីតិកោ នកុសលោ ធម្មោ ឧប្បជ្ជតិ ហេតុបច្ចយា។ អប្បីតិកំ កុសលំ ធម្មំ បដិច្ច នសប្បីតិកោ នកុសលោ ធម្មោ ឧប្បជ្ជតិ ហេតុបច្ចយា។ សប្បីតិកំ កុសលញ្ច អប្បីតិកំ កុសលញ្ច ធម្មំ បដិច្ច នសប្បីតិកោ នកុសលោ ធម្មោ ឧប្បជ្ជតិ ហេតុបច្ចយា។ ហេតុយា តីណិ។
68. Sappītikaṃ kusalaṃ dhammaṃ paṭicca nasappītiko nakusalo dhammo uppajjati hetupaccayā. Appītikaṃ kusalaṃ dhammaṃ paṭicca nasappītiko nakusalo dhammo uppajjati hetupaccayā. Sappītikaṃ kusalañca appītikaṃ kusalañca dhammaṃ paṭicca nasappītiko nakusalo dhammo uppajjati hetupaccayā. Hetuyā tīṇi.
សប្បីតិកំ អកុសលំ ធម្មំ បដិច្ច នសប្បីតិកោ នអកុសលោ ធម្មោ ឧប្បជ្ជតិ ហេតុបច្ចយា។ អប្បីតិកំ អកុសលំ ធម្មំ បដិច្ច នសប្បីតិកោ នអកុសលោ ធម្មោ ឧប្បជ្ជតិ ហេតុបច្ចយា។ សប្បីតិកំ អកុសលញ្ច អប្បីតិកំ អកុសលញ្ច ធម្មំ បដិច្ច នសប្បីតិកោ អកុសលោ ធម្មោ ឧប្បជ្ជតិ ហេតុបច្ចយា។ ហេតុយា តីណិ។ (អព្យាកតមូលំ តីណិយេវ។)
Sappītikaṃ akusalaṃ dhammaṃ paṭicca nasappītiko naakusalo dhammo uppajjati hetupaccayā. Appītikaṃ akusalaṃ dhammaṃ paṭicca nasappītiko naakusalo dhammo uppajjati hetupaccayā. Sappītikaṃ akusalañca appītikaṃ akusalañca dhammaṃ paṭicca nasappītiko akusalo dhammo uppajjati hetupaccayā. Hetuyā tīṇi. (Abyākatamūlaṃ tīṇiyeva.)
៩០-១. បីតិសហគតទុក-កុសលត្តិកំ
90-1. Pītisahagataduka-kusalattikaṃ
៦៩. បីតិសហគតំ កុសលំ ធម្មំ បដិច្ច នបីតិសហគតោ នកុសលោ ធម្មោ ឧប្បជ្ជតិ ហេតុបច្ចយា… ហេតុយា តីណិ។
69. Pītisahagataṃ kusalaṃ dhammaṃ paṭicca napītisahagato nakusalo dhammo uppajjati hetupaccayā… hetuyā tīṇi.
បីតិសហគតំ អកុសលំ ធម្មំ បដិច្ច នបីតិសហគតោ នអកុសលោ ធម្មោ ឧប្បជ្ជតិ ហេតុបច្ចយា… ហេតុយា តីណិ។ (អព្យាកតមូលំ តីណិយេវ។)
Pītisahagataṃ akusalaṃ dhammaṃ paṭicca napītisahagato naakusalo dhammo uppajjati hetupaccayā… hetuyā tīṇi. (Abyākatamūlaṃ tīṇiyeva.)
៩១-១. សុខសហគតទុក-កុសលត្តិកំ
91-1. Sukhasahagataduka-kusalattikaṃ
៧០. សុខសហគតំ កុសលំ ធម្មំ បដិច្ច នសុខសហគតោ នកុសលោ ធម្មោ ឧប្បជ្ជតិ ហេតុបច្ចយា។ នសុខសហគតំ កុសលំ ធម្មំ បដិច្ច នសុខសហគតោ នកុសលោ ធម្មោ ឧប្បជ្ជតិ ហេតុបច្ចយា។ សុខសហគតំ កុសលញ្ច នសុខសហគតំ កុសលញ្ច ធម្មំ បដិច្ច នសុខសហគតោ នកុសលោ ធម្មោ ឧប្បជ្ជតិ ហេតុបច្ចយា។ ហេតុយា តីណិ។
70. Sukhasahagataṃ kusalaṃ dhammaṃ paṭicca nasukhasahagato nakusalo dhammo uppajjati hetupaccayā. Nasukhasahagataṃ kusalaṃ dhammaṃ paṭicca nasukhasahagato nakusalo dhammo uppajjati hetupaccayā. Sukhasahagataṃ kusalañca nasukhasahagataṃ kusalañca dhammaṃ paṭicca nasukhasahagato nakusalo dhammo uppajjati hetupaccayā. Hetuyā tīṇi.
សុខសហគតំ អកុសលំ ធម្មំ បដិច្ច នសុខសហគតោ នអកុសលោ ធម្មោ ឧប្បជ្ជតិ ហេតុបច្ចយា។ នសុខសហគតំ អកុសលំ ធម្មំ បដិច្ច នសុខសហគតោ នអកុសលោ ធម្មោ ឧប្បជ្ជតិ ហេតុបច្ចយា ។ សុខសហគតំ អកុសលញ្ច នសុខសហគតំ អកុសលញ្ច ធម្មំ បដិច្ច នសុខសហគតោ នអកុសលោ ធម្មោ ឧប្បជ្ជតិ ហេតុបច្ចយា។ ហេតុយា តីណិ។ (អព្យាកតមូលំ តីណិយេវ។)
Sukhasahagataṃ akusalaṃ dhammaṃ paṭicca nasukhasahagato naakusalo dhammo uppajjati hetupaccayā. Nasukhasahagataṃ akusalaṃ dhammaṃ paṭicca nasukhasahagato naakusalo dhammo uppajjati hetupaccayā . Sukhasahagataṃ akusalañca nasukhasahagataṃ akusalañca dhammaṃ paṭicca nasukhasahagato naakusalo dhammo uppajjati hetupaccayā. Hetuyā tīṇi. (Abyākatamūlaṃ tīṇiyeva.)
៩២-១. ឧបេក្ខាសហគតទុក-កុសលត្តិកំ
92-1. Upekkhāsahagataduka-kusalattikaṃ
៧១. ឧបេក្ខាសហគតំ កុសលំ ធម្មំ បដិច្ច នឧបេក្ខាសហគតោ នកុសលោ ធម្មោ ឧប្បជ្ជតិ ហេតុបច្ចយា។ នឧបេក្ខាសហគតំ កុសលំ ធម្មំ បដិច្ច នឧបេក្ខាសហគតោ នកុសលោ ធម្មោ ឧប្បជ្ជតិ ហេតុបច្ចយា។ ឧបេក្ខាសហគតំ កុសលញ្ច នឧបេក្ខាសហគតំ កុសលញ្ច ធម្មំ បដិច្ច នឧបេក្ខាសហគតោ នកុសលោ ធម្មោ ឧប្បជ្ជតិ ហេតុបច្ចយា។ ហេតុយា តីណិ។
71. Upekkhāsahagataṃ kusalaṃ dhammaṃ paṭicca naupekkhāsahagato nakusalo dhammo uppajjati hetupaccayā. Naupekkhāsahagataṃ kusalaṃ dhammaṃ paṭicca naupekkhāsahagato nakusalo dhammo uppajjati hetupaccayā. Upekkhāsahagataṃ kusalañca naupekkhāsahagataṃ kusalañca dhammaṃ paṭicca naupekkhāsahagato nakusalo dhammo uppajjati hetupaccayā. Hetuyā tīṇi.
ឧបេក្ខាសហគតំ អកុសលំ ធម្មំ បដិច្ច នឧបេក្ខាសហគតោ នអកុសលោ ធម្មោ ឧប្បជ្ជតិ ហេតុបច្ចយា។ នឧបេក្ខាសហគតំ អកុសលំ ធម្មំ បដិច្ច នឧបេក្ខាសហគតោ នអកុសលោ ធម្មោ ឧប្បជ្ជតិ ហេតុបច្ចយា។ ឧបេក្ខាសហគតំ អកុសលញ្ច នឧបេក្ខាសហគតំ អកុសលញ្ច ធម្មំ បដិច្ច នឧបេក្ខាសហគតោ នអកុសលោ ធម្មោ ឧប្បជ្ជតិ ហេតុបច្ចយា។ ហេតុយា តីណិ។ (អព្យាកតមូលំ តីណិយេវ។)
Upekkhāsahagataṃ akusalaṃ dhammaṃ paṭicca naupekkhāsahagato naakusalo dhammo uppajjati hetupaccayā. Naupekkhāsahagataṃ akusalaṃ dhammaṃ paṭicca naupekkhāsahagato naakusalo dhammo uppajjati hetupaccayā. Upekkhāsahagataṃ akusalañca naupekkhāsahagataṃ akusalañca dhammaṃ paṭicca naupekkhāsahagato naakusalo dhammo uppajjati hetupaccayā. Hetuyā tīṇi. (Abyākatamūlaṃ tīṇiyeva.)
៩៣-១. កាមាវចរទុក-កុសលត្តិកំ
93-1. Kāmāvacaraduka-kusalattikaṃ
៧២. កាមាវចរំ កុសលំ ធម្មំ បដិច្ច ននកាមាវចរោ នកុសលោ ធម្មោ ឧប្បជ្ជតិ ហេតុបច្ចយា។ នកាមាវចរំ កុសលំ ធម្មំ បដិច្ច ននកាមាវចរោ នកុសលោ ធម្មោ ឧប្បជ្ជតិ ហេតុបច្ចយា។ ហេតុយា ទ្វេ។
72. Kāmāvacaraṃ kusalaṃ dhammaṃ paṭicca nanakāmāvacaro nakusalo dhammo uppajjati hetupaccayā. Nakāmāvacaraṃ kusalaṃ dhammaṃ paṭicca nanakāmāvacaro nakusalo dhammo uppajjati hetupaccayā. Hetuyā dve.
កាមាវចរំ អកុសលំ ធម្មំ បដិច្ច ននកាមាវចរោ នអកុសលោ ធម្មោ ឧប្បជ្ជតិ ហេតុបច្ចយា។ ហេតុយា ឯកំ។ (អព្យាកតមូលំ ទ្វេ។)
Kāmāvacaraṃ akusalaṃ dhammaṃ paṭicca nanakāmāvacaro naakusalo dhammo uppajjati hetupaccayā. Hetuyā ekaṃ. (Abyākatamūlaṃ dve.)
៩៤-១. រូបាវចរទុក-កុសលត្តិកំ
94-1. Rūpāvacaraduka-kusalattikaṃ
៧៣. រូបាវចរំ កុសលំ ធម្មំ បដិច្ច នរូបាវចរោ នកុសលោ ធម្មោ ឧប្បជ្ជតិ ហេតុបច្ចយា។ នរូបាវចរំ កុសលំ ធម្មំ បដិច្ច នរូបាវចរោ នកុសលោ ធម្មោ ឧប្បជ្ជតិ ហេតុបច្ចយា។ ហេតុយា ទ្វេ។
73. Rūpāvacaraṃ kusalaṃ dhammaṃ paṭicca narūpāvacaro nakusalo dhammo uppajjati hetupaccayā. Narūpāvacaraṃ kusalaṃ dhammaṃ paṭicca narūpāvacaro nakusalo dhammo uppajjati hetupaccayā. Hetuyā dve.
នរូបាវចរំ អកុសលំ ធម្មំ បដិច្ច នរូបាវចរោ នអកុសលោ ធម្មោ ឧប្បជ្ជតិ ហេតុបច្ចយា។ ហេតុយា ឯកំ។ (អព្យាកតមូលំ ទ្វេ។)
Narūpāvacaraṃ akusalaṃ dhammaṃ paṭicca narūpāvacaro naakusalo dhammo uppajjati hetupaccayā. Hetuyā ekaṃ. (Abyākatamūlaṃ dve.)
៩៥-១. អរូបាវចរទុក-កុសលត្តិកំ
95-1. Arūpāvacaraduka-kusalattikaṃ
៧៤. អរូបាវចរំ កុសលំ ធម្មំ បដិច្ច នអរូបាវចរោ នកុសលោ ធម្មោ ឧប្បជ្ជតិ ហេតុបច្ចយា។ នអរូបាវចរំ កុសលំ ធម្មំ បដិច្ច នអរូបាវចរោ នកុសលោ ធម្មោ ឧប្បជ្ជតិ ហេតុបច្ចយា។ ហេតុយា ទ្វេ។
74. Arūpāvacaraṃ kusalaṃ dhammaṃ paṭicca naarūpāvacaro nakusalo dhammo uppajjati hetupaccayā. Naarūpāvacaraṃ kusalaṃ dhammaṃ paṭicca naarūpāvacaro nakusalo dhammo uppajjati hetupaccayā. Hetuyā dve.
នអរូបាវចរំ អកុសលំ ធម្មំ បដិច្ច នអរូបាវចរោ នអកុសលោ ធម្មោ ឧប្បជ្ជតិ ហេតុបច្ចយា។ ហេតុយា ឯកំ។ (អព្យាកតមូលំ ទ្វេ។)
Naarūpāvacaraṃ akusalaṃ dhammaṃ paṭicca naarūpāvacaro naakusalo dhammo uppajjati hetupaccayā. Hetuyā ekaṃ. (Abyākatamūlaṃ dve.)
៩៦-១. បរិយាបន្នទុក-កុសលត្តិកំ
96-1. Pariyāpannaduka-kusalattikaṃ
៧៥. បរិយាបន្នំ កុសលំ ធម្មំ បដិច្ច នអបរិយាបន្នោ នកុសលោ ធម្មោ ឧប្បជ្ជតិ ហេតុបច្ចយា។ អបរិយាបន្នំ កុសលំ ធម្មំ បដិច្ច នអបរិយាបន្នោ នកុសលោ ធម្មោ ឧប្បជ្ជតិ ហេតុបច្ចយា។ ហេតុយា ទ្វេ។
75. Pariyāpannaṃ kusalaṃ dhammaṃ paṭicca naapariyāpanno nakusalo dhammo uppajjati hetupaccayā. Apariyāpannaṃ kusalaṃ dhammaṃ paṭicca naapariyāpanno nakusalo dhammo uppajjati hetupaccayā. Hetuyā dve.
បរិយាបន្នំ អកុសលំ ធម្មំ បដិច្ច នអបរិយាបន្នោ នអកុសលោ ធម្មោ ឧប្បជ្ជតិ ហេតុបច្ចយា។ ហេតុយា ឯកំ។ (អព្យាកតមូលំ ទ្វេ។)
Pariyāpannaṃ akusalaṃ dhammaṃ paṭicca naapariyāpanno naakusalo dhammo uppajjati hetupaccayā. Hetuyā ekaṃ. (Abyākatamūlaṃ dve.)
៩៧-១. និយ្យានិកទុក-កុសលត្តិកំ
97-1. Niyyānikaduka-kusalattikaṃ
៧៦. និយ្យានិកំ កុសលំ ធម្មំ បដិច្ច ននិយ្យានិកោ នកុសលោ ធម្មោ ឧប្បជ្ជតិ ហេតុបច្ចយា។ អនិយ្យានិកំ កុសលំ ធម្មំ បដិច្ច ននិយ្យានិកោ នកុសលោ ធម្មោ ឧប្បជ្ជតិ ហេតុបច្ចយា។ ហេតុយា ទ្វេ។
76. Niyyānikaṃ kusalaṃ dhammaṃ paṭicca naniyyāniko nakusalo dhammo uppajjati hetupaccayā. Aniyyānikaṃ kusalaṃ dhammaṃ paṭicca naniyyāniko nakusalo dhammo uppajjati hetupaccayā. Hetuyā dve.
អនិយ្យានិកំ អកុសលំ ធម្មំ បដិច្ច ននិយ្យានិកោ នអកុសលោ ធម្មោ ឧប្បជ្ជតិ ហេតុបច្ចយា។ ហេតុយា ឯកំ។ (អព្យាកតមូលំ ទ្វេ។)
Aniyyānikaṃ akusalaṃ dhammaṃ paṭicca naniyyāniko naakusalo dhammo uppajjati hetupaccayā. Hetuyā ekaṃ. (Abyākatamūlaṃ dve.)
៩៨-១. និយតទុក-កុសលត្តិកំ
98-1. Niyataduka-kusalattikaṃ
៧៧. និយតំ កុសលំ ធម្មំ បដិច្ច ននិយតោ នកុសលោ ធម្មោ ឧប្បជ្ជតិ ហេតុបច្ចយា។ អនិយតំ កុសលំ ធម្មំ បដិច្ច ននិយតោ នកុសលោ ធម្មោ ឧប្បជ្ជតិ ហេតុបច្ចយា។ ហេតុយា ទ្វេ។
77. Niyataṃ kusalaṃ dhammaṃ paṭicca naniyato nakusalo dhammo uppajjati hetupaccayā. Aniyataṃ kusalaṃ dhammaṃ paṭicca naniyato nakusalo dhammo uppajjati hetupaccayā. Hetuyā dve.
និយតំ អកុសលំ ធម្មំ បដិច្ច ននិយតោ នអកុសលោ ធម្មោ ឧប្បជ្ជតិ ហេតុបច្ចយា។ អនិយតំ អកុសលំ ធម្មំ បដិច្ច ននិយតោ នអកុសលោ ធម្មោ ឧប្បជ្ជតិ ហេតុបច្ចយា។ ហេតុយា ទ្វេ។ (អព្យាកតមូលេ ទ្វេ។)
Niyataṃ akusalaṃ dhammaṃ paṭicca naniyato naakusalo dhammo uppajjati hetupaccayā. Aniyataṃ akusalaṃ dhammaṃ paṭicca naniyato naakusalo dhammo uppajjati hetupaccayā. Hetuyā dve. (Abyākatamūle dve.)
៩៩-១. សឧត្តរទុក-កុសលត្តិកំ
99-1. Sauttaraduka-kusalattikaṃ
៧៨. សឧត្តរំ កុសលំ ធម្មំ បដិច្ច នអនុត្តរោ នកុសលោ ធម្មោ ឧប្បជ្ជតិ ហេតុបច្ចយា។ អនុត្តរំ កុសលំ ធម្មំ បដិច្ច នអនុត្តរោ នកុសលោ ធម្មោ ឧប្បជ្ជតិ ហេតុបច្ចយា។ ហេតុយា ទ្វេ។
78. Sauttaraṃ kusalaṃ dhammaṃ paṭicca naanuttaro nakusalo dhammo uppajjati hetupaccayā. Anuttaraṃ kusalaṃ dhammaṃ paṭicca naanuttaro nakusalo dhammo uppajjati hetupaccayā. Hetuyā dve.
សឧត្តរំ អកុសលំ ធម្មំ បដិច្ច នអនុត្តរោ នអកុសលោ ធម្មោ ឧប្បជ្ជតិ ហេតុបច្ចយា។ ហេតុយា ឯកំ ។ (អព្យាកតមូលេ ទ្វេ។)
Sauttaraṃ akusalaṃ dhammaṃ paṭicca naanuttaro naakusalo dhammo uppajjati hetupaccayā. Hetuyā ekaṃ . (Abyākatamūle dve.)
១០០-១. សរណទុក-កុសលត្តិកំ
100-1. Saraṇaduka-kusalattikaṃ
៧៩. អរណំ កុសលំ ធម្មំ បដិច្ច នសរណោ នកុសលោ ធម្មោ ឧប្បជ្ជតិ ហេតុបច្ចយា។ ហេតុយា ឯកំ។
79. Araṇaṃ kusalaṃ dhammaṃ paṭicca nasaraṇo nakusalo dhammo uppajjati hetupaccayā. Hetuyā ekaṃ.
សរណំ អកុសលំ ធម្មំ បដិច្ច នសរណោ នអកុសលោ ធម្មោ ឧប្បជ្ជតិ ហេតុបច្ចយា។ ហេតុយា ឯកំ។
Saraṇaṃ akusalaṃ dhammaṃ paṭicca nasaraṇo naakusalo dhammo uppajjati hetupaccayā. Hetuyā ekaṃ.
អរណំ អព្យាកតំ ធម្មំ បច្ចយា នអរណោ នអព្យាកតោ ធម្មោ ឧប្បជ្ជតិ ហេតុបច្ចយា។ អរណំ អព្យាកតំ ធម្មំ បច្ចយា នសរណោ នអព្យាកតោ ធម្មោ ឧប្បជ្ជតិ ហេតុបច្ចយា។ ហេតុយា ទ្វេ។ (សហជាតវារម្បិ…បេ.… សម្បយុត្តវារម្បិ បដិច្ចវារសទិសំ។)
Araṇaṃ abyākataṃ dhammaṃ paccayā naaraṇo naabyākato dhammo uppajjati hetupaccayā. Araṇaṃ abyākataṃ dhammaṃ paccayā nasaraṇo naabyākato dhammo uppajjati hetupaccayā. Hetuyā dve. (Sahajātavārampi…pe… sampayuttavārampi paṭiccavārasadisaṃ.)
៨០. អរណោ អព្យាកតោ ធម្មោ នអរណស្ស នអព្យាកតស្ស ធម្មស្ស អារម្មណបច្ចយេន បច្ចយោ។ អរណោ អព្យាកតោ ធម្មោ នសរណស្ស នអព្យាកតស្ស ធម្មស្ស អារម្មណបច្ចយេន បច្ចយោ។ (២)
80. Araṇo abyākato dhammo naaraṇassa naabyākatassa dhammassa ārammaṇapaccayena paccayo. Araṇo abyākato dhammo nasaraṇassa naabyākatassa dhammassa ārammaṇapaccayena paccayo. (2)
អារម្មណេ ទ្វេ…បេ.… អវិគតេ ទ្វេ។
Ārammaṇe dve…pe… avigate dve.
១០០-២. សរណទុក-វេទនាត្តិកំ
100-2. Saraṇaduka-vedanāttikaṃ
៨១. សរណំ សុខាយ វេទនាយ សម្បយុត្តំ ធម្មំ បដិច្ច នសរណោ នសុខាយ វេទនាយ សម្បយុត្តោ ធម្មោ ឧប្បជ្ជតិ ហេតុបច្ចយា។ សរណំ សុខាយ វេទនាយ សម្បយុត្តំ ធម្មំ បដិច្ច នអរណោ នសុខាយ វេទនាយ សម្បយុត្តោ ធម្មោ ឧប្បជ្ជតិ ហេតុបច្ចយា។ សរណំ សុខាយ វេទនាយ សម្បយុត្តំ ធម្មំ បដិច្ច នសរណោ នសុខាយ វេទនាយ សម្បយុត្តោ ច នអរណោ នសុខាយ វេទនាយ សម្បយុត្តោ ច ធម្មា ឧប្បជ្ជន្តិ ហេតុបច្ចយា។ (៣)
81. Saraṇaṃ sukhāya vedanāya sampayuttaṃ dhammaṃ paṭicca nasaraṇo nasukhāya vedanāya sampayutto dhammo uppajjati hetupaccayā. Saraṇaṃ sukhāya vedanāya sampayuttaṃ dhammaṃ paṭicca naaraṇo nasukhāya vedanāya sampayutto dhammo uppajjati hetupaccayā. Saraṇaṃ sukhāya vedanāya sampayuttaṃ dhammaṃ paṭicca nasaraṇo nasukhāya vedanāya sampayutto ca naaraṇo nasukhāya vedanāya sampayutto ca dhammā uppajjanti hetupaccayā. (3)
អរណំ សុខាយ វេទនាយ សម្បយុត្តំ ធម្មំ បដិច្ច នសរណោ នសុខាយ វេទនាយ សម្បយុត្តោ ធម្មោ ឧប្បជ្ជតិ ហេតុបច្ចយា។ (១)
Araṇaṃ sukhāya vedanāya sampayuttaṃ dhammaṃ paṭicca nasaraṇo nasukhāya vedanāya sampayutto dhammo uppajjati hetupaccayā. (1)
ហេតុយា ចត្តារិ។
Hetuyā cattāri.
៨២. សរណំ ទុក្ខាយ វេទនាយ សម្បយុត្តំ ធម្មំ បដិច្ច នសរណោ នទុក្ខាយ វេទនាយ សម្បយុត្តោ ធម្មោ ឧប្បជ្ជតិ ហេតុបច្ចយា។ (សំខិត្តំ។)
82. Saraṇaṃ dukkhāya vedanāya sampayuttaṃ dhammaṃ paṭicca nasaraṇo nadukkhāya vedanāya sampayutto dhammo uppajjati hetupaccayā. (Saṃkhittaṃ.)
ហេតុយា តីណិ។
Hetuyā tīṇi.
សរណំ អទុក្ខមសុខាយ វេទនាយ សម្បយុត្តំ ធម្មំ បដិច្ច នសរណោ នអទុក្ខមសុខាយ វេទនាយ សម្បយុត្តោ ធម្មោ ឧប្បជ្ជតិ ហេតុបច្ចយា…។
Saraṇaṃ adukkhamasukhāya vedanāya sampayuttaṃ dhammaṃ paṭicca nasaraṇo naadukkhamasukhāya vedanāya sampayutto dhammo uppajjati hetupaccayā….
ហេតុយា ចត្តារិ។
Hetuyā cattāri.
១០០-៣. សរណទុក-វិបាកត្តិកំ
100-3. Saraṇaduka-vipākattikaṃ
៨៣. អរណំ វិបាកំ ធម្មំ បដិច្ច នសរណោ នវិបាកោ ធម្មោ ឧប្បជ្ជតិ ហេតុបច្ចយា។ ហេតុយា ឯកំ។
83. Araṇaṃ vipākaṃ dhammaṃ paṭicca nasaraṇo navipāko dhammo uppajjati hetupaccayā. Hetuyā ekaṃ.
សរណំ វិបាកធម្មធម្មំ បដិច្ច នសរណោ នវិបាកធម្មធម្មោ ឧប្បជ្ជតិ ហេតុបច្ចយា។ អរណំ វិបាកធម្មធម្មំ បដិច្ច នសរណោ នវិបាកធម្មធម្មោ ឧប្បជ្ជតិ ហេតុបច្ចយា។ ហេតុយា ទ្វេ។
Saraṇaṃ vipākadhammadhammaṃ paṭicca nasaraṇo navipākadhammadhammo uppajjati hetupaccayā. Araṇaṃ vipākadhammadhammaṃ paṭicca nasaraṇo navipākadhammadhammo uppajjati hetupaccayā. Hetuyā dve.
អរណំ នេវវិបាកនវិបាកធម្មធម្មំ បដិច្ច នសរណោ ននេវវិបាកនវិបាកធម្មធម្មោ ឧប្បជ្ជតិ ហេតុបច្ចយា។ ហេតុយា ឯកំ។
Araṇaṃ nevavipākanavipākadhammadhammaṃ paṭicca nasaraṇo nanevavipākanavipākadhammadhammo uppajjati hetupaccayā. Hetuyā ekaṃ.
១០០-៤. សរណទុក-ឧបាទិន្នត្តិកំ
100-4. Saraṇaduka-upādinnattikaṃ
៨៤. អរណំ ឧបាទិន្នុបាទានិយំ ធម្មំ បដិច្ច នសរណោ នឧបាទិន្នុបាទានិយោ ធម្មោ ឧប្បជ្ជតិ ហេតុបច្ចយា។ ហេតុយា ឯកំ។
84. Araṇaṃ upādinnupādāniyaṃ dhammaṃ paṭicca nasaraṇo naupādinnupādāniyo dhammo uppajjati hetupaccayā. Hetuyā ekaṃ.
អរណំ អនុបាទិន្នអនុបាទានិយំ ធម្មំ បដិច្ច នសរណោ នអនុបាទិន្នអនុបាទានិយោ ធម្មោ ឧប្បជ្ជតិ ហេតុបច្ចយា។ ហេតុយា ឯកំ។
Araṇaṃ anupādinnaanupādāniyaṃ dhammaṃ paṭicca nasaraṇo naanupādinnaanupādāniyo dhammo uppajjati hetupaccayā. Hetuyā ekaṃ.
១០០-៥. សរណទុក-សំកិលិដ្ឋត្តិកំ
100-5. Saraṇaduka-saṃkiliṭṭhattikaṃ
៨៥. សរណំ សំកិលិដ្ឋសំកិលេសិកំ ធម្មំ បដិច្ច នសរណោ នសំកិលិដ្ឋសំកិលេសិកោ ធម្មោ ឧប្បជ្ជតិ ហេតុបច្ចយា។ ហេតុយា ឯកំ។
85. Saraṇaṃ saṃkiliṭṭhasaṃkilesikaṃ dhammaṃ paṭicca nasaraṇo nasaṃkiliṭṭhasaṃkilesiko dhammo uppajjati hetupaccayā. Hetuyā ekaṃ.
អរណំ អសំកិលិដ្ឋសំកិលេសិកំ ធម្មំ បច្ចយា នអរណោ នអសំកិលិដ្ឋសំកិលេសិកោ ធម្មោ ឧប្បជ្ជតិ ហេតុបច្ចយា។ អរណំ អសំកិលិដ្ឋសំកិលេសិកំ ធម្មំ បច្ចយា នសរណោ នអសំកិលិដ្ឋសំកិលេសិកោ ធម្មោ ឧប្បជ្ជតិ ហេតុបច្ចយា។ ហេតុយា ទ្វេ។
Araṇaṃ asaṃkiliṭṭhasaṃkilesikaṃ dhammaṃ paccayā naaraṇo naasaṃkiliṭṭhasaṃkilesiko dhammo uppajjati hetupaccayā. Araṇaṃ asaṃkiliṭṭhasaṃkilesikaṃ dhammaṃ paccayā nasaraṇo naasaṃkiliṭṭhasaṃkilesiko dhammo uppajjati hetupaccayā. Hetuyā dve.
អរណំ អសំកិលិដ្ឋអសំកិលេសិកំ ធម្មំ បដិច្ច នសរណោ នអសំកិលិដ្ឋអសំកិលេសិកោ ធម្មោ ឧប្បជ្ជតិ ហេតុបច្ចយា។ ហេតុយា ឯកំ។
Araṇaṃ asaṃkiliṭṭhaasaṃkilesikaṃ dhammaṃ paṭicca nasaraṇo naasaṃkiliṭṭhaasaṃkilesiko dhammo uppajjati hetupaccayā. Hetuyā ekaṃ.
១០០-៦. សរណទុក-វិតក្កត្តិកំ
100-6. Saraṇaduka-vitakkattikaṃ
៨៦. សរណំ សវិតក្កសវិចារំ ធម្មំ បដិច្ច នសរណោ នសវិតក្កសវិចារោ ធម្មោ ឧប្បជ្ជតិ ហេតុបច្ចយា… តីណិ។
86. Saraṇaṃ savitakkasavicāraṃ dhammaṃ paṭicca nasaraṇo nasavitakkasavicāro dhammo uppajjati hetupaccayā… tīṇi.
អរណំ សវិតក្កសវិចារំ ធម្មំ បដិច្ច នអរណោ នសវិតក្កសវិចារោ ធម្មោ ឧប្បជ្ជតិ ហេតុបច្ចយា។ ឯកំ។
Araṇaṃ savitakkasavicāraṃ dhammaṃ paṭicca naaraṇo nasavitakkasavicāro dhammo uppajjati hetupaccayā. Ekaṃ.
៨៧. សរណំ អវិតក្កវិចារមត្តំ ធម្មំ បដិច្ច នសរណោ នអវិតក្កវិចារមត្តោ ធម្មោ ឧប្បជ្ជតិ ហេតុបច្ចយា… ហេតុយា ចត្តារិ។
87. Saraṇaṃ avitakkavicāramattaṃ dhammaṃ paṭicca nasaraṇo naavitakkavicāramatto dhammo uppajjati hetupaccayā… hetuyā cattāri.
អរណំ អវិតក្កអវិចារំ ធម្មំ បដិច្ច នសរណោ នអវិតក្កអវិចារោ ធម្មោ ឧប្បជ្ជតិ ហេតុបច្ចយា។ ហេតុយា ឯកំ។
Araṇaṃ avitakkaavicāraṃ dhammaṃ paṭicca nasaraṇo naavitakkaavicāro dhammo uppajjati hetupaccayā. Hetuyā ekaṃ.
១០០-៧. សរណទុក-បីតិត្តិកំ
100-7. Saraṇaduka-pītittikaṃ
៨៨. សរណំ បីតិសហគតំ ធម្មំ បដិច្ច នសរណោ នបីតិសហគតោ ធម្មោ ឧប្បជ្ជតិ ហេតុបច្ចយា… តីណិ។
88. Saraṇaṃ pītisahagataṃ dhammaṃ paṭicca nasaraṇo napītisahagato dhammo uppajjati hetupaccayā… tīṇi.
អរណំ បីតិសហគតំ ធម្មំ បដិច្ច នសរណោ នបីតិសហគតោ ធម្មោ ឧប្បជ្ជតិ ហេតុបច្ចយា។ ឯកំ។
Araṇaṃ pītisahagataṃ dhammaṃ paṭicca nasaraṇo napītisahagato dhammo uppajjati hetupaccayā. Ekaṃ.
សរណំ សុខសហគតំ ធម្មំ បដិច្ច នសរណោ នសុខសហគតោ ធម្មោ ឧប្បជ្ជតិ ហេតុបច្ចយា… តីណិ។
Saraṇaṃ sukhasahagataṃ dhammaṃ paṭicca nasaraṇo nasukhasahagato dhammo uppajjati hetupaccayā… tīṇi.
អរណំ សុខសហគតំ ធម្មំ បដិច្ច នសរណោ នសុខសហគតោ ធម្មោ ឧប្បជ្ជតិ ហេតុបច្ចយា។ ឯកំ។
Araṇaṃ sukhasahagataṃ dhammaṃ paṭicca nasaraṇo nasukhasahagato dhammo uppajjati hetupaccayā. Ekaṃ.
សរណំ ឧបេក្ខាសហគតំ ធម្មំ បដិច្ច នសរណោ នឧបេក្ខាសហគតោ ធម្មោ ឧប្បជ្ជតិ ហេតុបច្ចយា… ហេតុយា ចត្តារិ។
Saraṇaṃ upekkhāsahagataṃ dhammaṃ paṭicca nasaraṇo naupekkhāsahagato dhammo uppajjati hetupaccayā… hetuyā cattāri.
១០០-៨. សរណទុក-ទស្សនត្តិកំ
100-8. Saraṇaduka-dassanattikaṃ
៨៩. សរណំ ទស្សនេន បហាតព្ពំ ធម្មំ បដិច្ច នសរណោ នទស្សនេន បហាតព្ពោ ធម្មោ ឧប្បជ្ជតិ ហេតុបច្ចយា។ ហេតុយា ឯកំ។
89. Saraṇaṃ dassanena pahātabbaṃ dhammaṃ paṭicca nasaraṇo nadassanena pahātabbo dhammo uppajjati hetupaccayā. Hetuyā ekaṃ.
សរណំ ភាវនាយ បហាតព្ពំ ធម្មំ បដិច្ច នសរណោ នភាវនាយ បហាតព្ពោ ធម្មោ ឧប្បជ្ជតិ ហេតុបច្ចយា។ ហេតុយា ឯកំ។
Saraṇaṃ bhāvanāya pahātabbaṃ dhammaṃ paṭicca nasaraṇo nabhāvanāya pahātabbo dhammo uppajjati hetupaccayā. Hetuyā ekaṃ.
អរណំ នេវទស្សនេន នភាវនាយ បហាតព្ពំ ធម្មំ បច្ចយា នអរណោ ននេវទស្សនេន នភាវនាយ បហាតព្ពោ ធម្មោ ឧប្បជ្ជតិ ហេតុបច្ចយា។ ហេតុយា ឯកំ។
Araṇaṃ nevadassanena nabhāvanāya pahātabbaṃ dhammaṃ paccayā naaraṇo nanevadassanena nabhāvanāya pahātabbo dhammo uppajjati hetupaccayā. Hetuyā ekaṃ.
១០០-៩. សរណទុក-ទស្សនហេតុត្តិកំ
100-9. Saraṇaduka-dassanahetuttikaṃ
៩០. សរណំ ទស្សនេន បហាតព្ពហេតុកំ ធម្មំ បដិច្ច នសរណោ នទស្សនេន បហាតព្ពហេតុកោ ធម្មោ ឧប្បជ្ជតិ ហេតុបច្ចយា។ ហេតុយា ឯកំ។
90. Saraṇaṃ dassanena pahātabbahetukaṃ dhammaṃ paṭicca nasaraṇo nadassanena pahātabbahetuko dhammo uppajjati hetupaccayā. Hetuyā ekaṃ.
សរណំ ភាវនាយ បហាតព្ពហេតុកំ ធម្មំ បដិច្ច នសរណោ នភាវនាយ បហាតព្ពហេតុកោ ធម្មោ ឧប្បជ្ជតិ ហេតុបច្ចយា។ ហេតុយា ឯកំ។
Saraṇaṃ bhāvanāya pahātabbahetukaṃ dhammaṃ paṭicca nasaraṇo nabhāvanāya pahātabbahetuko dhammo uppajjati hetupaccayā. Hetuyā ekaṃ.
អរណំ នេវទស្សនេន នភាវនាយ បហាតព្ពហេតុកំ ធម្មំ បដិច្ច នអរណោ ននេវទស្សនេន នភាវនាយ បហាតព្ពហេតុកោ ធម្មោ ឧប្បជ្ជតិ ហេតុបច្ចយា។ ហេតុយា ឯកំ។
Araṇaṃ nevadassanena nabhāvanāya pahātabbahetukaṃ dhammaṃ paṭicca naaraṇo nanevadassanena nabhāvanāya pahātabbahetuko dhammo uppajjati hetupaccayā. Hetuyā ekaṃ.
១០០-១០. សរណទុក-អាចយគាមិត្តិកំ
100-10. Saraṇaduka-ācayagāmittikaṃ
៩១. សរណំ អាចយគាមិំ ធម្មំ បដិច្ច នសរណោ នអាចយគាមី ធម្មោ ឧប្បជ្ជតិ ហេតុបច្ចយា… ហេតុយា ទ្វេ។
91. Saraṇaṃ ācayagāmiṃ dhammaṃ paṭicca nasaraṇo naācayagāmī dhammo uppajjati hetupaccayā… hetuyā dve.
អរណំ អបចយគាមិំ ធម្មំ បដិច្ច នសរណោ នអបចយគាមី ធម្មោ ឧប្បជ្ជតិ ហេតុបច្ចយា។ ហេតុយា ឯកំ។
Araṇaṃ apacayagāmiṃ dhammaṃ paṭicca nasaraṇo naapacayagāmī dhammo uppajjati hetupaccayā. Hetuyā ekaṃ.
អរណំ នេវាចយគាមិនាបចយគាមិំ ធម្មំ បច្ចយា នអរណោ ននេវាចយគាមិនាបចយគាមី ធម្មោ ឧប្បជ្ជតិ ហេតុបច្ចយា។
Araṇaṃ nevācayagāmināpacayagāmiṃ dhammaṃ paccayā naaraṇo nanevācayagāmināpacayagāmī dhammo uppajjati hetupaccayā.
១០០-១១. សរណទុក-សេក្ខត្តិកំ
100-11. Saraṇaduka-sekkhattikaṃ
៩២. អរណំ សេក្ខំ ធម្មំ បដិច្ច នសរណោ នសេក្ខោ ធម្មោ ឧប្បជ្ជតិ ហេតុបច្ចយា។ ហេតុយា ឯកំ។
92. Araṇaṃ sekkhaṃ dhammaṃ paṭicca nasaraṇo nasekkho dhammo uppajjati hetupaccayā. Hetuyā ekaṃ.
អរណំ អសេក្ខំ ធម្មំ បដិច្ច នសរណោ នអសេក្ខោ ធម្មោ ឧប្បជ្ជតិ ហេតុបច្ចយា។ ហេតុយា ឯកំ។
Araṇaṃ asekkhaṃ dhammaṃ paṭicca nasaraṇo naasekkho dhammo uppajjati hetupaccayā. Hetuyā ekaṃ.
អរណំ នេវសេក្ខនាសេក្ខំ ធម្មំ បច្ចយា នសរណោ ននេវសេក្ខនាសេក្ខោ ធម្មោ ឧប្បជ្ជតិ ហេតុបច្ចយា។ ហេតុយា ឯកំ។
Araṇaṃ nevasekkhanāsekkhaṃ dhammaṃ paccayā nasaraṇo nanevasekkhanāsekkho dhammo uppajjati hetupaccayā. Hetuyā ekaṃ.
១០០-១២. សរណទុក-បរិត្តត្តិកំ
100-12. Saraṇaduka-parittattikaṃ
៩៣. អរណំ បរិត្តំ ធម្មំ បដិច្ច នសរណោ នបរិត្តោ ធម្មោ ឧប្បជ្ជតិ ហេតុបច្ចយា។ ហេតុយា ឯកំ។
93. Araṇaṃ parittaṃ dhammaṃ paṭicca nasaraṇo naparitto dhammo uppajjati hetupaccayā. Hetuyā ekaṃ.
អរណំ មហគ្គតំ ធម្មំ បដិច្ច នសរណោ នមហគ្គតោ ធម្មោ ឧប្បជ្ជតិ ហេតុបច្ចយា។ ហេតុយា ឯកំ។
Araṇaṃ mahaggataṃ dhammaṃ paṭicca nasaraṇo namahaggato dhammo uppajjati hetupaccayā. Hetuyā ekaṃ.
អរណំ អប្បមាណំ ធម្មំ បដិច្ច នសរណោ នអប្បមាណោ ធម្មោ ឧប្បជ្ជតិ ហេតុបច្ចយា ។ ហេតុយា ឯកំ។
Araṇaṃ appamāṇaṃ dhammaṃ paṭicca nasaraṇo naappamāṇo dhammo uppajjati hetupaccayā . Hetuyā ekaṃ.
១០០-១៣. សរណទុក-បរិត្តារម្មណត្តិកំ
100-13. Saraṇaduka-parittārammaṇattikaṃ
៩៤. សរណំ បរិត្តារម្មណំ ធម្មំ បដិច្ច នសរណោ នបរិត្តារម្មណោ ធម្មោ ឧប្បជ្ជតិ ហេតុបច្ចយា។ អរណំ បរិត្តារម្មណំ ធម្មំ បដិច្ច នសរណោ នបរិត្តារម្មណោ ធម្មោ ឧប្បជ្ជតិ ហេតុបច្ចយា។ ហេតុយា ទ្វេ។
94. Saraṇaṃ parittārammaṇaṃ dhammaṃ paṭicca nasaraṇo naparittārammaṇo dhammo uppajjati hetupaccayā. Araṇaṃ parittārammaṇaṃ dhammaṃ paṭicca nasaraṇo naparittārammaṇo dhammo uppajjati hetupaccayā. Hetuyā dve.
សរណំ មហគ្គតារម្មណំ ធម្មំ បដិច្ច នសរណោ នមហគ្គតារម្មណោ ធម្មោ ឧប្បជ្ជតិ ហេតុបច្ចយា។ អរណំ មហគ្គតារម្មណំ ធម្មំ បដិច្ច នសរណោ នមហគ្គតារម្មណោ ធម្មោ ឧប្បជ្ជតិ ហេតុបច្ចយា។ ហេតុយា ទ្វេ។
Saraṇaṃ mahaggatārammaṇaṃ dhammaṃ paṭicca nasaraṇo namahaggatārammaṇo dhammo uppajjati hetupaccayā. Araṇaṃ mahaggatārammaṇaṃ dhammaṃ paṭicca nasaraṇo namahaggatārammaṇo dhammo uppajjati hetupaccayā. Hetuyā dve.
អរណំ អប្បមាណារម្មណំ ធម្មំ បដិច្ច នសរណោ នអប្បមាណារម្មណោ ធម្មោ ឧប្បជ្ជតិ ហេតុបច្ចយា។ ហេតុយា ឯកំ។
Araṇaṃ appamāṇārammaṇaṃ dhammaṃ paṭicca nasaraṇo naappamāṇārammaṇo dhammo uppajjati hetupaccayā. Hetuyā ekaṃ.
១០០-១៤. សរណទុក-ហីនត្តិកំ
100-14. Saraṇaduka-hīnattikaṃ
៩៥. សរណំ ហីនំ ធម្មំ បដិច្ច នសរណោ នហីនោ ធម្មោ ឧប្បជ្ជតិ ហេតុបច្ចយា។ ហេតុយា ឯកំ។
95. Saraṇaṃ hīnaṃ dhammaṃ paṭicca nasaraṇo nahīno dhammo uppajjati hetupaccayā. Hetuyā ekaṃ.
អរណំ មជ្ឈិមំ ធម្មំ បច្ចយា នអរណោ នមជ្ឈិមោ ធម្មោ ឧប្បជ្ជតិ ហេតុបច្ចយា។ អរណំ មជ្ឈិមំ ធម្មំ បច្ចយា នសរណោ នមជ្ឈិមោ ធម្មោ ឧប្បជ្ជតិ ហេតុបច្ចយា។ ហេតុយា ទ្វេ។
Araṇaṃ majjhimaṃ dhammaṃ paccayā naaraṇo namajjhimo dhammo uppajjati hetupaccayā. Araṇaṃ majjhimaṃ dhammaṃ paccayā nasaraṇo namajjhimo dhammo uppajjati hetupaccayā. Hetuyā dve.
អរណំ បណីតំ ធម្មំ បដិច្ច នសរណោ នបណីតោ ធម្មោ ឧប្បជ្ជតិ ហេតុបច្ចយា។ ហេតុយា ឯកំ។
Araṇaṃ paṇītaṃ dhammaṃ paṭicca nasaraṇo napaṇīto dhammo uppajjati hetupaccayā. Hetuyā ekaṃ.
១០០-១៥. សរណទុក-មិច្ឆត្តនិយតត្តិកំ
100-15. Saraṇaduka-micchattaniyatattikaṃ
៩៦. សរណំ មិច្ឆត្តនិយតំ ធម្មំ បដិច្ច នសរណោ នមិច្ឆត្តនិយតោ ធម្មោ ឧប្បជ្ជតិ ហេតុបច្ចយា។ ហេតុយា ឯកំ។
96. Saraṇaṃ micchattaniyataṃ dhammaṃ paṭicca nasaraṇo namicchattaniyato dhammo uppajjati hetupaccayā. Hetuyā ekaṃ.
អរណំ សម្មត្តនិយតំ ធម្មំ បដិច្ច នសរណោ នសម្មត្តនិយតោ ធម្មោ ឧប្បជ្ជតិ ហេតុបច្ចយា។ ហេតុយា ឯកំ។
Araṇaṃ sammattaniyataṃ dhammaṃ paṭicca nasaraṇo nasammattaniyato dhammo uppajjati hetupaccayā. Hetuyā ekaṃ.
អរណំ អនិយតំ ធម្មំ បច្ចយា នអរណោ នអនិយតោ ធម្មោ ឧប្បជ្ជតិ ហេតុបច្ចយា។ អរណំ អនិយតំ ធម្មំ បច្ចយា នសរណោ នអនិយតោ ធម្មោ ឧប្បជ្ជតិ ហេតុបច្ចយា។ ហេតុយា ទ្វេ។
Araṇaṃ aniyataṃ dhammaṃ paccayā naaraṇo naaniyato dhammo uppajjati hetupaccayā. Araṇaṃ aniyataṃ dhammaṃ paccayā nasaraṇo naaniyato dhammo uppajjati hetupaccayā. Hetuyā dve.
១០០-១៦. សរណទុក-មគ្គារម្មណត្តិកំ
100-16. Saraṇaduka-maggārammaṇattikaṃ
៩៧. អរណំ មគ្គារម្មណំ ធម្មំ បដិច្ច នសរណោ នមគ្គារម្មណោ ធម្មោ ឧប្បជ្ជតិ ហេតុបច្ចយា។ ហេតុយា ឯកំ។
97. Araṇaṃ maggārammaṇaṃ dhammaṃ paṭicca nasaraṇo namaggārammaṇo dhammo uppajjati hetupaccayā. Hetuyā ekaṃ.
អរណំ មគ្គហេតុកំ ធម្មំ បដិច្ច នសរណោ នមគ្គហេតុកោ ធម្មោ ឧប្បជ្ជតិ ហេតុបច្ចយា។ ហេតុយា ឯកំ។
Araṇaṃ maggahetukaṃ dhammaṃ paṭicca nasaraṇo namaggahetuko dhammo uppajjati hetupaccayā. Hetuyā ekaṃ.
អរណំ មគ្គាធិបតិំ ធម្មំ បដិច្ច នសរណោ នមគ្គាធិបតិ ធម្មោ ឧប្បជ្ជតិ ហេតុបច្ចយា។ ហេតុយា ឯកំ។
Araṇaṃ maggādhipatiṃ dhammaṃ paṭicca nasaraṇo namaggādhipati dhammo uppajjati hetupaccayā. Hetuyā ekaṃ.
១០០-១៧. សរណទុក-ឧប្បន្នត្តិកំ
100-17. Saraṇaduka-uppannattikaṃ
៩៨. សរណោ អនុប្បន្នោ ធម្មោ នសរណស្ស នអនុប្បន្នស្ស ធម្មស្ស អារម្មណបច្ចយេន បច្ចយោ… អារម្មណេ ចត្តារិ។
98. Saraṇo anuppanno dhammo nasaraṇassa naanuppannassa dhammassa ārammaṇapaccayena paccayo… ārammaṇe cattāri.
អរណោ ឧប្បាទី ធម្មោ នអរណស្ស នឧប្បាទិស្ស ធម្មស្ស អារម្មណបច្ចយេន បច្ចយោ។ អរណោ ឧប្បាទី ធម្មោ នសរណស្ស នឧប្បាទិស្ស ធម្មស្ស អារម្មណបច្ចយេន បច្ចយោ ។ អារម្មណេ ទ្វេ។
Araṇo uppādī dhammo naaraṇassa nauppādissa dhammassa ārammaṇapaccayena paccayo. Araṇo uppādī dhammo nasaraṇassa nauppādissa dhammassa ārammaṇapaccayena paccayo . Ārammaṇe dve.
១០០-១៨. សរណទុក-អតីតត្តិកំ
100-18. Saraṇaduka-atītattikaṃ
៩៩. សរណោ អតីតោ ធម្មោ នសរណស្ស នអតីតស្ស ធម្មស្ស អារម្មណបច្ចយេន បច្ចយោ… អារម្មណេ ចត្តារិ។ (អនាគតោ អតីតសទិសោ។)
99. Saraṇo atīto dhammo nasaraṇassa naatītassa dhammassa ārammaṇapaccayena paccayo… ārammaṇe cattāri. (Anāgato atītasadiso.)
១០០-១៩. សរណទុក-អតីតារម្មណត្តិកំ
100-19. Saraṇaduka-atītārammaṇattikaṃ
១០០. សរណំ អតីតារម្មណំ ធម្មំ បដិច្ច នសរណោ នអតីតារម្មណោ ធម្មោ ឧប្បជ្ជតិ ហេតុបច្ចយា។ អរណំ អតីតារម្មណំ ធម្មំ បដិច្ច នសរណោ នអតីតារម្មណោ ធម្មោ ឧប្បជ្ជតិ ហេតុបច្ចយា។ ហេតុយា ទ្វេ។
100. Saraṇaṃ atītārammaṇaṃ dhammaṃ paṭicca nasaraṇo naatītārammaṇo dhammo uppajjati hetupaccayā. Araṇaṃ atītārammaṇaṃ dhammaṃ paṭicca nasaraṇo naatītārammaṇo dhammo uppajjati hetupaccayā. Hetuyā dve.
សរណំ អនាគតារម្មណំ ធម្មំ បដិច្ច នសរណោ នអនាគតារម្មណោ ធម្មោ ឧប្បជ្ជតិ ហេតុបច្ចយា។ អរណំ អនាគតារម្មណំ ធម្មំ បដិច្ច នសរណោ នអនាគតារម្មណោ ធម្មោ ឧប្បជ្ជតិ ហេតុបច្ចយា។ ហេតុយា ទ្វេ។
Saraṇaṃ anāgatārammaṇaṃ dhammaṃ paṭicca nasaraṇo naanāgatārammaṇo dhammo uppajjati hetupaccayā. Araṇaṃ anāgatārammaṇaṃ dhammaṃ paṭicca nasaraṇo naanāgatārammaṇo dhammo uppajjati hetupaccayā. Hetuyā dve.
សរណំ បច្ចុប្បន្នារម្មណំ ធម្មំ បដិច្ច នសរណោ នបច្ចុប្បន្នារម្មណោ ធម្មោ ឧប្បជ្ជតិ ហេតុបច្ចយា។ អរណំ បច្ចុប្បន្នារម្មណំ ធម្មំ បដិច្ច នសរណោ នបច្ចុប្បន្នារម្មណោ ធម្មោ ឧប្បជ្ជតិ ហេតុបច្ចយា។ ហេតុយា ទ្វេ។
Saraṇaṃ paccuppannārammaṇaṃ dhammaṃ paṭicca nasaraṇo napaccuppannārammaṇo dhammo uppajjati hetupaccayā. Araṇaṃ paccuppannārammaṇaṃ dhammaṃ paṭicca nasaraṇo napaccuppannārammaṇo dhammo uppajjati hetupaccayā. Hetuyā dve.
១០០-២១. សរណទុក-អជ្ឈត្តារម្មណត្តិកំ
100-21. Saraṇaduka-ajjhattārammaṇattikaṃ
១០១. សរណំ អជ្ឈត្តារម្មណំ ធម្មំ បដិច្ច នសរណោ នអជ្ឈត្តារម្មណោ ធម្មោ ឧប្បជ្ជតិ ហេតុបច្ចយា។ អរណំ អជ្ឈត្តារម្មណំ ធម្មំ បដិច្ច នសរណោ នអជ្ឈត្តារម្មណោ ធម្មោ ឧប្បជ្ជតិ ហេតុបច្ចយា។ ហេតុយា ទ្វេ។
101. Saraṇaṃ ajjhattārammaṇaṃ dhammaṃ paṭicca nasaraṇo naajjhattārammaṇo dhammo uppajjati hetupaccayā. Araṇaṃ ajjhattārammaṇaṃ dhammaṃ paṭicca nasaraṇo naajjhattārammaṇo dhammo uppajjati hetupaccayā. Hetuyā dve.
សរណំ ពហិទ្ធារម្មណំ ធម្មំ បដិច្ច នសរណោ នពហិទ្ធារម្មណោ ធម្មោ ឧប្បជ្ជតិ ហេតុបច្ចយា។ អរណំ ពហិទ្ធារម្មណំ ធម្មំ បដិច្ច នសរណោ នពហិទ្ធារម្មណោ ធម្មោ ឧប្បជ្ជតិ ហេតុបច្ចយា។ ហេតុយា ទ្វេ។
Saraṇaṃ bahiddhārammaṇaṃ dhammaṃ paṭicca nasaraṇo nabahiddhārammaṇo dhammo uppajjati hetupaccayā. Araṇaṃ bahiddhārammaṇaṃ dhammaṃ paṭicca nasaraṇo nabahiddhārammaṇo dhammo uppajjati hetupaccayā. Hetuyā dve.
១០០-២២. សរណទុក-សនិទស្សនត្តិកំ
100-22. Saraṇaduka-sanidassanattikaṃ
១០២. អរណំ អនិទស្សនសប្បដិឃំ ធម្មំ បដិច្ច នសរណោ នអនិទស្សនសប្បដិឃោ ធម្មោ ឧប្បជ្ជតិ ហេតុបច្ចយា។ (ឯកំ។)
102. Araṇaṃ anidassanasappaṭighaṃ dhammaṃ paṭicca nasaraṇo naanidassanasappaṭigho dhammo uppajjati hetupaccayā. (Ekaṃ.)
សរណំ អនិទស្សនអប្បដិឃំ ធម្មំ បដិច្ច នសរណោ នអនិទស្សនអប្បដិឃោ ធម្មោ ឧប្បជ្ជតិ ហេតុបច្ចយា។ អរណំ អនិទស្សនអប្បដិឃំ ធម្មំ បដិច្ច នសរណោ នអនិទស្សនអប្បដិឃោ ធម្មោ ឧប្បជ្ជតិ ហេតុបច្ចយា។ សរណំ អនិទស្សនអប្បដិឃញ្ច អរណំ អនិទស្សនអប្បដិឃញ្ច ធម្មំ បដិច្ច នសរណោ នអនិទស្សនអប្បដិឃោ ធម្មោ ឧប្បជ្ជតិ ហេតុបច្ចយា។ (៣)
Saraṇaṃ anidassanaappaṭighaṃ dhammaṃ paṭicca nasaraṇo naanidassanaappaṭigho dhammo uppajjati hetupaccayā. Araṇaṃ anidassanaappaṭighaṃ dhammaṃ paṭicca nasaraṇo naanidassanaappaṭigho dhammo uppajjati hetupaccayā. Saraṇaṃ anidassanaappaṭighañca araṇaṃ anidassanaappaṭighañca dhammaṃ paṭicca nasaraṇo naanidassanaappaṭigho dhammo uppajjati hetupaccayā. (3)
ហេតុយា តីណិ…បេ.… អវិគតេ តីណិ។
Hetuyā tīṇi…pe… avigate tīṇi.
នហេតុ-នអារម្មណបច្ចយា
Nahetu-naārammaṇapaccayā
១០៣. អរណំ អនិទស្សនអប្បដិឃំ ធម្មំ បដិច្ច នសរណោ នអនិទស្សនអប្បដិឃោ ធម្មោ ឧប្បជ្ជតិ នហេតុបច្ចយា។ (១)
103. Araṇaṃ anidassanaappaṭighaṃ dhammaṃ paṭicca nasaraṇo naanidassanaappaṭigho dhammo uppajjati nahetupaccayā. (1)
សរណំ អនិទស្សនអប្បដិឃំ ធម្មំ បដិច្ច នសរណោ នអនិទស្សនអប្បដិឃោ ធម្មោ ឧប្បជ្ជតិ នអារម្មណបច្ចយា។
Saraṇaṃ anidassanaappaṭighaṃ dhammaṃ paṭicca nasaraṇo naanidassanaappaṭigho dhammo uppajjati naārammaṇapaccayā.
នហេតុយា ឯកំ, នអារម្មណេ តីណិ…បេ.… នោវិគតេ តីណិ។
Nahetuyā ekaṃ, naārammaṇe tīṇi…pe… novigate tīṇi.
(សហជាតវារម្បិ…បេ.… សម្បយុត្តវារម្បិ បដិច្ចវារសទិសំ។)
(Sahajātavārampi…pe… sampayuttavārampi paṭiccavārasadisaṃ.)
១០៤. សរណោ អនិទស្សនអប្បដិឃោ ធម្មោ នសរណស្ស នអនិទស្សនអប្បដិឃស្ស ធម្មស្ស ហេតុបច្ចយេន បច្ចយោ។ (១)
104. Saraṇo anidassanaappaṭigho dhammo nasaraṇassa naanidassanaappaṭighassa dhammassa hetupaccayena paccayo. (1)
អរណោ អនិទស្សនអប្បដិឃោ ធម្មោ នសរណស្ស នអនិទស្សនអប្បដិឃស្ស ធម្មស្ស ហេតុបច្ចយេន បច្ចយោ។ (១)
Araṇo anidassanaappaṭigho dhammo nasaraṇassa naanidassanaappaṭighassa dhammassa hetupaccayena paccayo. (1)
ហេតុយា ទ្វេ, អធិបតិយា ទ្វេ…បេ.… អវិគតេ តីណិ។
Hetuyā dve, adhipatiyā dve…pe… avigate tīṇi.
បច្ចនីយុទ្ធារោ
Paccanīyuddhāro
១០៥. សរណោ អនិទស្សនអប្បដិឃោ ធម្មោ នសរណស្ស នអនិទស្សនអប្បដិឃស្ស ធម្មស្ស សហជាតបច្ចយេន បច្ចយោ, បច្ឆាជាតបច្ចយេន បច្ចយោ, កម្មបច្ចយេន បច្ចយោ។ (សំខិត្តំ។) នហេតុយា តីណិ, នអារម្មណេ តីណិ…បេ.… នោអវិគតេ តីណិ។
105. Saraṇo anidassanaappaṭigho dhammo nasaraṇassa naanidassanaappaṭighassa dhammassa sahajātapaccayena paccayo, pacchājātapaccayena paccayo, kammapaccayena paccayo. (Saṃkhittaṃ.) Nahetuyā tīṇi, naārammaṇe tīṇi…pe… noavigate tīṇi.
(យថា កុសលត្តិកេ បញ្ហាវារំ, ឯវំ វិត្ថារេតព្ពំ។)
(Yathā kusalattike pañhāvāraṃ, evaṃ vitthāretabbaṃ.)
ធម្មានុលោមបច្ចនីយេ ទុកតិកបដ្ឋានំ និដ្ឋិតំ។
Dhammānulomapaccanīye dukatikapaṭṭhānaṃ niṭṭhitaṃ.
