Library / Tipiṭaka / ติปิฎก • Tipiṭaka / ปฎฺฐานปาฬิ • Paṭṭhānapāḷi

    ฯ นโม ตสฺส ภควโต อรหโต สมฺมาสมฺพุทฺธสฺสฯ

    Namo tassa bhagavato arahato sammāsambuddhassa

    อภิธมฺมปิฎเก

    Abhidhammapiṭake

    ปฎฺฐานปาฬิ

    Paṭṭhānapāḷi

    (ปญฺจโม ภาโค)

    (Pañcamo bhāgo)

    ธมฺมานุโลเม ติกติกปฎฺฐานํ

    Dhammānulome tikatikapaṭṭhānaṃ

    ๑-๑. กุสลตฺติก-เวทนาตฺติกํ

    1-1. Kusalattika-vedanāttikaṃ

    ๑. สุขายเวทนายสมฺปยุตฺตปทํ

    1. Sukhāyavedanāyasampayuttapadaṃ

    ๑-๗. ปฎิจฺจวาราทิ

    1-7. Paṭiccavārādi

    ปจฺจยจตุกฺกํ

    Paccayacatukkaṃ

    เหตุปจฺจโย

    Hetupaccayo

    ๑. กุสลํ สุขาย เวทนาย สมฺปยุตฺตํ ธมฺมํ ปฎิจฺจ กุสโล สุขาย เวทนาย สมฺปยุโตฺต ธโมฺม อุปฺปชฺชติ เหตุปจฺจยาฯ (๑)

    1. Kusalaṃ sukhāya vedanāya sampayuttaṃ dhammaṃ paṭicca kusalo sukhāya vedanāya sampayutto dhammo uppajjati hetupaccayā. (1)

    อกุสลํ สุขาย เวทนาย สมฺปยุตฺตํ ธมฺมํ ปฎิจฺจ อกุสโล สุขาย เวทนาย สมฺปยุโตฺต ธโมฺม อุปฺปชฺชติ เหตุปจฺจยาฯ (๑)

    Akusalaṃ sukhāya vedanāya sampayuttaṃ dhammaṃ paṭicca akusalo sukhāya vedanāya sampayutto dhammo uppajjati hetupaccayā. (1)

    อพฺยากตํ สุขาย เวทนาย สมฺปยุตฺตํ ธมฺมํ ปฎิจฺจ อพฺยากโต สุขาย เวทนาย สมฺปยุโตฺต ธโมฺม อุปฺปชฺชติ เหตุปจฺจยาฯ (๑) (สํขิตฺตํฯ)

    Abyākataṃ sukhāya vedanāya sampayuttaṃ dhammaṃ paṭicca abyākato sukhāya vedanāya sampayutto dhammo uppajjati hetupaccayā. (1) (Saṃkhittaṃ.)

    ๒. เหตุยา ตีณิ, อารมฺมเณ ตีณิ…เป.… อวิคเต ตีณิฯ (สํขิตฺตํ…เป.… สหชาตวารมฺปิ…เป.… สมฺปยุตฺตวารมฺปิ ปฎิจฺจวารสทิสํฯ)

    2. Hetuyā tīṇi, ārammaṇe tīṇi…pe… avigate tīṇi. (Saṃkhittaṃ…pe… sahajātavārampi…pe… sampayuttavārampi paṭiccavārasadisaṃ.)

    ๓. กุสโล สุขาย เวทนาย สมฺปยุโตฺต ธโมฺม กุสลสฺส สุขาย เวทนาย สมฺปยุตฺตสฺส ธมฺมสฺส เหตุปจฺจเยน ปจฺจโยฯ (๑)

    3. Kusalo sukhāya vedanāya sampayutto dhammo kusalassa sukhāya vedanāya sampayuttassa dhammassa hetupaccayena paccayo. (1)

    อกุสโล สุขาย เวทนาย สมฺปยุโตฺต ธโมฺม อกุสลสฺส สุขาย เวทนาย สมฺปยุตฺตสฺส ธมฺมสฺส เหตุปจฺจเยน ปจฺจโยฯ (๑)

    Akusalo sukhāya vedanāya sampayutto dhammo akusalassa sukhāya vedanāya sampayuttassa dhammassa hetupaccayena paccayo. (1)

    อพฺยากโต สุขาย เวทนาย สมฺปยุโตฺต ธโมฺม อพฺยากตสฺส สุขาย เวทนาย สมฺปยุตฺตสฺส ธมฺมสฺส เหตุปจฺจเยน ปจฺจโยฯ (๑)

    Abyākato sukhāya vedanāya sampayutto dhammo abyākatassa sukhāya vedanāya sampayuttassa dhammassa hetupaccayena paccayo. (1)

    กุสโล สุขาย เวทนาย สมฺปยุโตฺต ธโมฺม กุสลสฺส สุขาย เวทนาย สมฺปยุตฺตสฺส ธมฺมสฺส อารมฺมณปจฺจเยน ปจฺจโยฯ (สํขิตฺตํฯ)

    Kusalo sukhāya vedanāya sampayutto dhammo kusalassa sukhāya vedanāya sampayuttassa dhammassa ārammaṇapaccayena paccayo. (Saṃkhittaṃ.)

    ๔. เหตุยา ตีณิ, อารมฺมเณ นวฯ (สํขิตฺตํฯ)

    4. Hetuyā tīṇi, ārammaṇe nava. (Saṃkhittaṃ.)

    (ยถา กุสลตฺติเก ปญฺหาวารํ เอวํ วิตฺถาเรตพฺพํฯ)

    (Yathā kusalattike pañhāvāraṃ evaṃ vitthāretabbaṃ.)

    ๒. ทุกฺขายเวทนายสมฺปยุตฺตปทํ

    2. Dukkhāyavedanāyasampayuttapadaṃ

    ๑-๗. ปฎิจฺจวาราทิ

    1-7. Paṭiccavārādi

    ปจฺจยจตุกฺกํ

    Paccayacatukkaṃ

    เหตุ-อารมฺมณปจฺจยา

    Hetu-ārammaṇapaccayā

    ๕. อกุสลํ ทุกฺขาย เวทนาย สมฺปยุตฺตํ ธมฺมํ ปฎิจฺจ อกุสโล ทุกฺขาย เวทนาย สมฺปยุโตฺต ธโมฺม อุปฺปชฺชติ เหตุปจฺจยาฯ (๑)

    5. Akusalaṃ dukkhāya vedanāya sampayuttaṃ dhammaṃ paṭicca akusalo dukkhāya vedanāya sampayutto dhammo uppajjati hetupaccayā. (1)

    อกุสลํ ทุกฺขาย เวทนาย สมฺปยุตฺตํ ธมฺมํ ปฎิจฺจ อกุสโล ทุกฺขาย เวทนาย สมฺปยุโตฺต ธโมฺม อุปฺปชฺชติ อารมฺมณปจฺจยาฯ (๑)

    Akusalaṃ dukkhāya vedanāya sampayuttaṃ dhammaṃ paṭicca akusalo dukkhāya vedanāya sampayutto dhammo uppajjati ārammaṇapaccayā. (1)

    อพฺยากตํ ทุกฺขาย เวทนาย สมฺปยุตฺตํ ธมฺมํ ปฎิจฺจ อพฺยากโต ทุกฺขาย เวทนาย สมฺปยุโตฺต ธโมฺม อุปฺปชฺชติ อารมฺมณปจฺจยาฯ (๑) (สํขิตฺตํฯ)

    Abyākataṃ dukkhāya vedanāya sampayuttaṃ dhammaṃ paṭicca abyākato dukkhāya vedanāya sampayutto dhammo uppajjati ārammaṇapaccayā. (1) (Saṃkhittaṃ.)

    ๖. เหตุยา เอกํ, อารมฺมเณ เทฺว…เป.… อวิคเต เทฺวฯ (สํขิตฺตํฯ) (สหชาตวารมฺปิ…เป.… สมฺปยุตฺตวารมฺปิ ปฎิจฺจวารสทิสํฯ)

    6. Hetuyā ekaṃ, ārammaṇe dve…pe… avigate dve. (Saṃkhittaṃ.) (Sahajātavārampi…pe… sampayuttavārampi paṭiccavārasadisaṃ.)

    ๗. อกุสโล ทุกฺขาย เวทนาย สมฺปยุโตฺต ธโมฺม อกุสลสฺส ทุกฺขาย เวทนาย สมฺปยุตฺตสฺส ธมฺมสฺส เหตุปจฺจเยน ปจฺจโยฯ (๑)

    7. Akusalo dukkhāya vedanāya sampayutto dhammo akusalassa dukkhāya vedanāya sampayuttassa dhammassa hetupaccayena paccayo. (1)

    อกุสโล ทุกฺขาย เวทนาย สมฺปยุโตฺต ธโมฺม อกุสลสฺส ทุกฺขาย เวทนาย สมฺปยุตฺตสฺส ธมฺมสฺส อารมฺมณปจฺจเยน ปจฺจโยฯ (๑)

    Akusalo dukkhāya vedanāya sampayutto dhammo akusalassa dukkhāya vedanāya sampayuttassa dhammassa ārammaṇapaccayena paccayo. (1)

    อพฺยากโต ทุกฺขาย เวทนาย สมฺปยุโตฺต ธโมฺม อกุสลสฺส ทุกฺขาย เวทนาย สมฺปยุตฺตสฺส ธมฺมสฺส อารมฺมณปจฺจเยน ปจฺจโยฯ (๑) (สํขิตฺตํฯ)

    Abyākato dukkhāya vedanāya sampayutto dhammo akusalassa dukkhāya vedanāya sampayuttassa dhammassa ārammaṇapaccayena paccayo. (1) (Saṃkhittaṃ.)

    ๘. เหตุยา เอกํ, อารมฺมเณ เทฺวฯ (สํขิตฺตํฯ ยถา กุสลตฺติเก ปญฺหาวารํ เอวํ วิตฺถาเรตพฺพํฯ)

    8. Hetuyā ekaṃ, ārammaṇe dve. (Saṃkhittaṃ. Yathā kusalattike pañhāvāraṃ evaṃ vitthāretabbaṃ.)

    ๓. อทุกฺขมสุขเวทนายสมฺปยุตฺตปทํ

    3. Adukkhamasukhavedanāyasampayuttapadaṃ

    ๑-๗. ปฎิจฺจวาราทิ

    1-7. Paṭiccavārādi

    ปจฺจยจตุกฺกํ

    Paccayacatukkaṃ

    เหตุปจฺจโย

    Hetupaccayo

    ๙. กุสลํ อทุกฺขมสุขาย เวทนาย สมฺปยุตฺตํ ธมฺมํ ปฎิจฺจ กุสโล อทุกฺขมสุขาย เวทนาย สมฺปยุโตฺต ธโมฺม อุปฺปชฺชติ เหตุปจฺจยาฯ (๑)

    9. Kusalaṃ adukkhamasukhāya vedanāya sampayuttaṃ dhammaṃ paṭicca kusalo adukkhamasukhāya vedanāya sampayutto dhammo uppajjati hetupaccayā. (1)

    อกุสลํ อทุกฺขมสุขาย เวทนาย สมฺปยุตฺตํ ธมฺมํ ปฎิจฺจ อกุสโล อทุกฺขมสุขาย เวทนาย สมฺปยุโตฺต ธโมฺม อุปฺปชฺชติ เหตุปจฺจยาฯ (๑)

    Akusalaṃ adukkhamasukhāya vedanāya sampayuttaṃ dhammaṃ paṭicca akusalo adukkhamasukhāya vedanāya sampayutto dhammo uppajjati hetupaccayā. (1)

    อพฺยากตํ อทุกฺขมสุขาย เวทนาย สมฺปยุตฺตํ ธมฺมํ ปฎิจฺจ อพฺยากโต อทุกฺขมสุขาย เวทนาย สมฺปยุโตฺต ธโมฺม อุปฺปชฺชติ เหตุปจฺจยาฯ (๑)

    Abyākataṃ adukkhamasukhāya vedanāya sampayuttaṃ dhammaṃ paṭicca abyākato adukkhamasukhāya vedanāya sampayutto dhammo uppajjati hetupaccayā. (1)

    ๑๐. เหตุยา ตีณิ, อารมฺมเณ ตีณิ…เป.… อวิคเต ตีณิฯ (สํขิตฺตํฯ สหชาตวารมฺปิ…เป.… สมฺปยุตฺตวารมฺปิ ปฎิจฺจวารสทิสํ)ฯ

    10. Hetuyā tīṇi, ārammaṇe tīṇi…pe… avigate tīṇi. (Saṃkhittaṃ. Sahajātavārampi…pe… sampayuttavārampi paṭiccavārasadisaṃ).

    ๑๑. กุสโล อทุกฺขมสุขาย เวทนาย สมฺปยุโตฺต ธโมฺม กุสลสฺส อทุกฺขมสุขาย เวทนาย สมฺปยุตฺตสฺส ธมฺมสฺส เหตุปจฺจเยน ปจฺจโยฯ (๑)

    11. Kusalo adukkhamasukhāya vedanāya sampayutto dhammo kusalassa adukkhamasukhāya vedanāya sampayuttassa dhammassa hetupaccayena paccayo. (1)

    อกุสโล อทุกฺขมสุขาย เวทนาย สมฺปยุโตฺต ธโมฺม อกุสลสฺส อทุกฺขมสุขาย เวทนาย สมฺปยุตฺตสฺส ธมฺมสฺส เหตุปจฺจเยน ปจฺจโยฯ (๑)

    Akusalo adukkhamasukhāya vedanāya sampayutto dhammo akusalassa adukkhamasukhāya vedanāya sampayuttassa dhammassa hetupaccayena paccayo. (1)

    อพฺยากโต อทุกฺขมสุขาย เวทนาย สมฺปยุโตฺต ธโมฺม อพฺยากตสฺส อทุกฺขมสุขาย เวทนาย สมฺปยุตฺตสฺส ธมฺมสฺส เหตุปจฺจเยน ปจฺจโยฯ (๑) (สํขิตฺตํฯ)

    Abyākato adukkhamasukhāya vedanāya sampayutto dhammo abyākatassa adukkhamasukhāya vedanāya sampayuttassa dhammassa hetupaccayena paccayo. (1) (Saṃkhittaṃ.)

    ๑๒. เหตุยา ตีณิ, อารมฺมเณ นว, อธิปติยา สตฺต, อนนฺตเร สตฺต…เป.… อุปนิสฺสเย นว, อวิคเต ตีณิฯ (สํขิตฺตํฯ ยถา กุสลตฺติเก ปญฺหาวารํ เอวํ วิตฺถาเรตพฺพํฯ)

    12. Hetuyā tīṇi, ārammaṇe nava, adhipatiyā satta, anantare satta…pe… upanissaye nava, avigate tīṇi. (Saṃkhittaṃ. Yathā kusalattike pañhāvāraṃ evaṃ vitthāretabbaṃ.)

    ๑-๒. กุสลตฺติก-วิปากตฺติกํ

    1-2. Kusalattika-vipākattikaṃ

    ๑-๗. ปฎิจฺจวาราทิ

    1-7. Paṭiccavārādi

    ปจฺจยจตุกฺกํ

    Paccayacatukkaṃ

    ๑๓. อพฺยากตํ วิปากํ ธมฺมํ ปฎิจฺจ อพฺยากโต วิปาโก ธโมฺม อุปฺปชฺชติ เหตุปจฺจยาฯ (สํขิตฺตํฯ)

    13. Abyākataṃ vipākaṃ dhammaṃ paṭicca abyākato vipāko dhammo uppajjati hetupaccayā. (Saṃkhittaṃ.)

    เหตุยา เอกํ, อารมฺมเณ เอกํ…เป.… อวิคเต เอกํฯ (สํขิตฺตํฯ)

    Hetuyā ekaṃ, ārammaṇe ekaṃ…pe… avigate ekaṃ. (Saṃkhittaṃ.)

    (สหชาตวาเรปิ…เป.… ปญฺหาวาเรปิ สพฺพตฺถ เอกํฯ)

    (Sahajātavārepi…pe… pañhāvārepi sabbattha ekaṃ.)

    ๑๔. กุสลํ วิปากธมฺมธมฺมํ ปฎิจฺจ กุสโล วิปากธมฺมธโมฺม อุปฺปชฺชติ เหตุปจฺจยาฯ (๑)

    14. Kusalaṃ vipākadhammadhammaṃ paṭicca kusalo vipākadhammadhammo uppajjati hetupaccayā. (1)

    อกุสลํ วิปากธมฺมธมฺมํ ปฎิจฺจ อกุสโล วิปากธมฺมธโมฺม อุปฺปชฺชติ เหตุปจฺจยาฯ (๑) (สํขิตฺตํฯ)

    Akusalaṃ vipākadhammadhammaṃ paṭicca akusalo vipākadhammadhammo uppajjati hetupaccayā. (1) (Saṃkhittaṃ.)

    เหตุยา เทฺว, อารมฺมเณ เทฺว…เป.… อวิคเต เทฺวฯ (สํขิตฺตํฯ)

    Hetuyā dve, ārammaṇe dve…pe… avigate dve. (Saṃkhittaṃ.)

    (สหชาตวารมฺปิ…เป.… สมฺปยุตฺตวารมฺปิ ปฎิจฺจวารสทิสํฯ)

    (Sahajātavārampi…pe… sampayuttavārampi paṭiccavārasadisaṃ.)

    ๑๕. กุสโล วิปากธมฺมธโมฺม กุสลสฺส วิปากธมฺมธมฺมสฺส เหตุปจฺจเยน ปจฺจโยฯ (๑)

    15. Kusalo vipākadhammadhammo kusalassa vipākadhammadhammassa hetupaccayena paccayo. (1)

    อกุสโล วิปากธมฺมธโมฺม อกุสลสฺส วิปากธมฺมธมฺมสฺส เหตุปจฺจเยน ปจฺจโยฯ (๑)

    Akusalo vipākadhammadhammo akusalassa vipākadhammadhammassa hetupaccayena paccayo. (1)

    กุสโล วิปากธมฺมธโมฺม กุสลสฺส วิปากธมฺมธมฺมสฺส อารมฺมณปจฺจเยน ปจฺจโยฯ กุสโล วิปากธมฺมธโมฺม อกุสลสฺส วิปากธมฺมธมฺมสฺส อารมฺมณปจฺจเยน ปจฺจโยฯ (๒)

    Kusalo vipākadhammadhammo kusalassa vipākadhammadhammassa ārammaṇapaccayena paccayo. Kusalo vipākadhammadhammo akusalassa vipākadhammadhammassa ārammaṇapaccayena paccayo. (2)

    อกุสโล วิปากธมฺมธโมฺม อกุสลสฺส วิปากธมฺมธมฺมสฺส อารมฺมณปจฺจเยน ปจฺจโยฯ อกุสโล วิปากธมฺมธโมฺม กุสลสฺส วิปากธมฺมธมฺมสฺส อารมฺมณปจฺจเยน ปจฺจโยฯ (๒) (สํขิตฺตํฯ)

    Akusalo vipākadhammadhammo akusalassa vipākadhammadhammassa ārammaṇapaccayena paccayo. Akusalo vipākadhammadhammo kusalassa vipākadhammadhammassa ārammaṇapaccayena paccayo. (2) (Saṃkhittaṃ.)

    ๑๖. เหตุยา เทฺว, อารมฺมเณ จตฺตาริ, อธิปติยา ตีณิ, อนนฺตเร เทฺว…เป.… สหชาเต เทฺว, อุปนิสฺสเย จตฺตาริ…เป.… อวิคเต เทฺวฯ (สํขิตฺตํฯ ยถา กุสลตฺติเก ปญฺหาวารํ เอวํ วิตฺถาเรตพฺพํฯ)

    16. Hetuyā dve, ārammaṇe cattāri, adhipatiyā tīṇi, anantare dve…pe… sahajāte dve, upanissaye cattāri…pe… avigate dve. (Saṃkhittaṃ. Yathā kusalattike pañhāvāraṃ evaṃ vitthāretabbaṃ.)

    ๑๗. อพฺยากตํ เนววิปากนวิปากธมฺมธมฺมํ ปฎิจฺจ อพฺยากโต เนววิปากนวิปากธมฺมธโมฺม อุปฺปชฺชติ เหตุปจฺจยาฯ (สํขิตฺตํฯ)

    17. Abyākataṃ nevavipākanavipākadhammadhammaṃ paṭicca abyākato nevavipākanavipākadhammadhammo uppajjati hetupaccayā. (Saṃkhittaṃ.)

    เหตุยา เอกํ, อารมฺมเณ เอกํ…เป.… อวิคเต เอกํฯ (สํขิตฺตํฯ)

    Hetuyā ekaṃ, ārammaṇe ekaṃ…pe… avigate ekaṃ. (Saṃkhittaṃ.)

    (สหชาตวาเรปิ…เป.… ปญฺหาวาเรปิ สพฺพตฺถ เอกํฯ)

    (Sahajātavārepi…pe… pañhāvārepi sabbattha ekaṃ.)

    ๑-๓. กุสลตฺติก-อุปาทินฺนตฺติกํ

    1-3. Kusalattika-upādinnattikaṃ

    ๑-๗. ปฎิจฺจวาราทิ

    1-7. Paṭiccavārādi

    ปจฺจยจตุกฺกํ

    Paccayacatukkaṃ

    ๑๘. อพฺยากตํ อุปาทินฺนุปาทานิยํ ธมฺมํ ปฎิจฺจ อพฺยากโต อุปาทินฺนุปาทานิโย ธโมฺม อุปฺปชฺชติ เหตุปจฺจยาฯ (สํขิตฺตํฯ)

    18. Abyākataṃ upādinnupādāniyaṃ dhammaṃ paṭicca abyākato upādinnupādāniyo dhammo uppajjati hetupaccayā. (Saṃkhittaṃ.)

    เหตุยา เอกํ…เป.… อวิคเต เอกํฯ (สํขิตฺตํฯ)

    Hetuyā ekaṃ…pe… avigate ekaṃ. (Saṃkhittaṃ.)

    (สหชาตวาเรปิ…เป.… ปญฺหาวาเรปิ สพฺพตฺถ เอกํฯ)

    (Sahajātavārepi…pe… pañhāvārepi sabbattha ekaṃ.)

    ๑๙. กุสลํ อนุปาทินฺนุปาทานิยํ ธมฺมํ ปฎิจฺจ กุสโล อนุปาทินฺนุปาทานิโย ธโมฺม อุปฺปชฺชติ เหตุปจฺจยา… ตีณิฯ

    19. Kusalaṃ anupādinnupādāniyaṃ dhammaṃ paṭicca kusalo anupādinnupādāniyo dhammo uppajjati hetupaccayā… tīṇi.

    อกุสลํ อนุปาทินฺนุปาทานิยํ ธมฺมํ ปฎิจฺจ อกุสโล อนุปาทินฺนุปาทานิโย ธโมฺม อุปฺปชฺชติ เหตุปจฺจยา… ตีณิฯ

    Akusalaṃ anupādinnupādāniyaṃ dhammaṃ paṭicca akusalo anupādinnupādāniyo dhammo uppajjati hetupaccayā… tīṇi.

    อพฺยากตํ อนุปาทินฺนุปาทานิยํ ธมฺมํ ปฎิจฺจ อพฺยากโต อนุปาทินฺนุปาทานิโย ธโมฺม อุปฺปชฺชติ เหตุปจฺจยาฯ (๑)

    Abyākataṃ anupādinnupādāniyaṃ dhammaṃ paṭicca abyākato anupādinnupādāniyo dhammo uppajjati hetupaccayā. (1)

    กุสลํ อนุปาทินฺนุปาทานิยญฺจ อพฺยากตํ อนุปาทินฺนุปาทานิยญฺจ ธมฺมํ ปฎิจฺจ อพฺยากโต อนุปาทินฺนุปาทานิโย ธโมฺม อุปฺปชฺชติ เหตุปจฺจยาฯ (๑)

    Kusalaṃ anupādinnupādāniyañca abyākataṃ anupādinnupādāniyañca dhammaṃ paṭicca abyākato anupādinnupādāniyo dhammo uppajjati hetupaccayā. (1)

    อกุสลํ อนุปาทินฺนุปาทานิยญฺจ อพฺยากตํ อนุปาทินฺนุปาทานิยญฺจ ธมฺมํ ปฎิจฺจ อพฺยากโต อนุปาทินฺนุปาทานิโย ธโมฺม อุปฺปชฺชติ เหตุปจฺจยาฯ (๑) (สํขิตฺตํฯ)

    Akusalaṃ anupādinnupādāniyañca abyākataṃ anupādinnupādāniyañca dhammaṃ paṭicca abyākato anupādinnupādāniyo dhammo uppajjati hetupaccayā. (1) (Saṃkhittaṃ.)

    ๒๐. เหตุยา นว, อวิคเต นวฯ (สํขิตฺตํฯ สหชาตวารมฺปิ…เป.… สมฺปยุตฺตวารมฺปิ ปฎิจฺจวารสทิสํฯ)

    20. Hetuyā nava, avigate nava. (Saṃkhittaṃ. Sahajātavārampi…pe… sampayuttavārampi paṭiccavārasadisaṃ.)

    ๒๑. กุสโล อนุปาทินฺนุปาทานิโย ธโมฺม กุสลสฺส อนุปาทินฺนุปาทานิยสฺส ธมฺมสฺส เหตุปจฺจเยน ปจฺจโย… ตีณิฯ

    21. Kusalo anupādinnupādāniyo dhammo kusalassa anupādinnupādāniyassa dhammassa hetupaccayena paccayo… tīṇi.

    อกุสโล อนุปาทินฺนุปาทานิโย ธโมฺม อกุสลสฺส อนุปาทินฺนุปาทานิยสฺส ธมฺมสฺส เหตุปจฺจเยน ปจฺจโย… ตีณิฯ

    Akusalo anupādinnupādāniyo dhammo akusalassa anupādinnupādāniyassa dhammassa hetupaccayena paccayo… tīṇi.

    อพฺยากโต อนุปาทินฺนุปาทานิโย ธโมฺม อพฺยากตสฺส อนุปาทินฺนุปาทานิยสฺส ธมฺมสฺส เหตุปจฺจเยน ปจฺจโยฯ (๑)

    Abyākato anupādinnupādāniyo dhammo abyākatassa anupādinnupādāniyassa dhammassa hetupaccayena paccayo. (1)

    ๒๒. กุสโล อนุปาทินฺนุปาทานิโย ธโมฺม กุสลสฺส อนุปาทินฺนุปาทานิยสฺส ธมฺมสฺส อารมฺมณปจฺจเยน ปจฺจโย… ตีณิฯ

    22. Kusalo anupādinnupādāniyo dhammo kusalassa anupādinnupādāniyassa dhammassa ārammaṇapaccayena paccayo… tīṇi.

    อกุสโล อนุปาทินฺนุปาทานิโย ธโมฺม อกุสลสฺส อนุปาทินฺนุปาทานิยสฺส ธมฺมสฺส อารมฺมณปจฺจเยน ปจฺจโย… ตีณิฯ

    Akusalo anupādinnupādāniyo dhammo akusalassa anupādinnupādāniyassa dhammassa ārammaṇapaccayena paccayo… tīṇi.

    อพฺยากโต อนุปาทินฺนุปาทานิโย ธโมฺม อพฺยากตสฺส อนุปาทินฺนุปาทานิยสฺส ธมฺมสฺส อารมฺมณปจฺจเยน ปจฺจโย… ตีณิฯ (สํขิตฺตํฯ)

    Abyākato anupādinnupādāniyo dhammo abyākatassa anupādinnupādāniyassa dhammassa ārammaṇapaccayena paccayo… tīṇi. (Saṃkhittaṃ.)

    ๒๓. เหตุยา สตฺต, อารมฺมเณ นว, อวิคเต เอกาทสฯ (สํขิตฺตํฯ)

    23. Hetuyā satta, ārammaṇe nava, avigate ekādasa. (Saṃkhittaṃ.)

    (ยถา กุสลตฺติเก ปญฺหาวารํ เอวํ วิตฺถาเรตพฺพํฯ)

    (Yathā kusalattike pañhāvāraṃ evaṃ vitthāretabbaṃ.)

    ๒๔. กุสลํ อนุปาทินฺนอนุปาทานิยํ ธมฺมํ ปฎิจฺจ กุสโล อนุปาทินฺนุปาทานิโย ธโมฺม อุปฺปชฺชติ เหตุปจฺจยาฯ (๑)

    24. Kusalaṃ anupādinnaanupādāniyaṃ dhammaṃ paṭicca kusalo anupādinnupādāniyo dhammo uppajjati hetupaccayā. (1)

    อพฺยากตํ อนุปาทินฺนอนุปาทานิยํ ธมฺมํ ปฎิจฺจ อพฺยากโต อนุปาทินฺนอนุปาทานิโย ธโมฺม อุปฺปชฺชติ เหตุปจฺจยาฯ (๑) (สํขิตฺตํฯ)

    Abyākataṃ anupādinnaanupādāniyaṃ dhammaṃ paṭicca abyākato anupādinnaanupādāniyo dhammo uppajjati hetupaccayā. (1) (Saṃkhittaṃ.)

    เหตุยา เทฺว, อวิคเต เทฺวฯ (สํขิตฺตํ, สหชาตวารมฺปิ…เป.… ปญฺหาวารมฺปิ สพฺพตฺถ วิตฺถาโรฯ)

    Hetuyā dve, avigate dve. (Saṃkhittaṃ, sahajātavārampi…pe… pañhāvārampi sabbattha vitthāro.)

    ๑-๔. กุสลตฺติก-สํกิลิฎฺฐตฺติกํ

    1-4. Kusalattika-saṃkiliṭṭhattikaṃ

    ๑-๗. ปฎิจฺจวาราทิ

    1-7. Paṭiccavārādi

    ปจฺจยจตุกฺกํ

    Paccayacatukkaṃ

    ๒๕. อกุสลํ สํกิลิฎฺฐสํกิเลสิกํ ธมฺมํ ปฎิจฺจ อกุสโล สํกิลิฎฺฐสํกิเลสิโก ธโมฺม อุปฺปชฺชติ เหตุปจฺจยาฯ (สํขิตฺตํฯ)

    25. Akusalaṃ saṃkiliṭṭhasaṃkilesikaṃ dhammaṃ paṭicca akusalo saṃkiliṭṭhasaṃkilesiko dhammo uppajjati hetupaccayā. (Saṃkhittaṃ.)

    เหตุยา เอกํ…เป.… อวิคเต เอกํฯ (สํขิตฺตํฯ)

    Hetuyā ekaṃ…pe… avigate ekaṃ. (Saṃkhittaṃ.)

    (สหชาตวาเรปิ…เป.… ปญฺหาวาเรปิ สพฺพตฺถ เอกํฯ)

    (Sahajātavārepi…pe… pañhāvārepi sabbattha ekaṃ.)

    ๒๖. กุสลํ อสํกิลิฎฺฐสํกิเลสิกํ ธมฺมํ ปฎิจฺจ กุสโล อสํกิลิฎฺฐสํกิเลสิโก ธโมฺม อุปฺปชฺชติ เหตุปจฺจยา… ตีณิฯ

    26. Kusalaṃ asaṃkiliṭṭhasaṃkilesikaṃ dhammaṃ paṭicca kusalo asaṃkiliṭṭhasaṃkilesiko dhammo uppajjati hetupaccayā… tīṇi.

    อพฺยากตํ อสํกิลิฎฺฐสํกิเลสิกํ ธมฺมํ ปฎิจฺจ อพฺยากโต อสํกิลิฎฺฐสํกิเลสิโก ธโมฺม อุปฺปชฺชติ เหตุปจฺจยาฯ (๑)

    Abyākataṃ asaṃkiliṭṭhasaṃkilesikaṃ dhammaṃ paṭicca abyākato asaṃkiliṭṭhasaṃkilesiko dhammo uppajjati hetupaccayā. (1)

    กุสลํ อสํกิลิฎฺฐสํกิเลสิกญฺจ อพฺยากตํ อสํกิลิฎฺฐสํกิเลสิกญฺจ ธมฺมํ ปฎิจฺจ อพฺยากโต อสํกิลิฎฺฐสํกิเลสิโก ธโมฺม อุปฺปชฺชติ เหตุปจฺจยาฯ (๑)

    Kusalaṃ asaṃkiliṭṭhasaṃkilesikañca abyākataṃ asaṃkiliṭṭhasaṃkilesikañca dhammaṃ paṭicca abyākato asaṃkiliṭṭhasaṃkilesiko dhammo uppajjati hetupaccayā. (1)

    ๒๗. เหตุยา ปญฺจ, อวิคเต ปญฺจฯ (สํขิตฺตํฯ สหชาตวาเรปิ…เป.… ปญฺหาวาเรปิ สพฺพตฺถ วิตฺถาโรฯ)

    27. Hetuyā pañca, avigate pañca. (Saṃkhittaṃ. Sahajātavārepi…pe… pañhāvārepi sabbattha vitthāro.)

    ๒๘. กุสลํ อสํกิลิฎฺฐอสํกิเลสิกํ ธมฺมํ ปฎิจฺจ กุสโล อสํกิลิฎฺฐอสํกิเลสิโก ธโมฺม อุปฺปชฺชติ เหตุปจฺจยาฯ (๑)

    28. Kusalaṃ asaṃkiliṭṭhaasaṃkilesikaṃ dhammaṃ paṭicca kusalo asaṃkiliṭṭhaasaṃkilesiko dhammo uppajjati hetupaccayā. (1)

    อพฺยากตํ อสํกิลิฎฺฐอสํกิเลสิกํ ธมฺมํ ปฎิจฺจ อพฺยากโต อสํกิลิฎฺฐอสํกิเลสิโก ธโมฺม อุปฺปชฺชติ เหตุปจฺจยาฯ (๑) (สํขิตฺตํฯ)

    Abyākataṃ asaṃkiliṭṭhaasaṃkilesikaṃ dhammaṃ paṭicca abyākato asaṃkiliṭṭhaasaṃkilesiko dhammo uppajjati hetupaccayā. (1) (Saṃkhittaṃ.)

    เหตุยา เทฺว…เป.… อวิคเต เทฺวฯ (สํขิตฺตํฯ สหชาตวาเรปิ…เป.… ปญฺหาวาเรปิ สพฺพตฺถ วิตฺถาเรตพฺพํฯ)

    Hetuyā dve…pe… avigate dve. (Saṃkhittaṃ. Sahajātavārepi…pe… pañhāvārepi sabbattha vitthāretabbaṃ.)

    ๑-๕. กุสลตฺติก-วิตกฺกตฺติกํ

    1-5. Kusalattika-vitakkattikaṃ

    ๑-๗. ปฎิจฺจวาราทิ

    1-7. Paṭiccavārādi

    ปจฺจยจตุกฺกํ

    Paccayacatukkaṃ

    เหตุปจฺจโย

    Hetupaccayo

    ๒๙. กุสลํ สวิตกฺกสวิจารํ ธมฺมํ ปฎิจฺจ กุสโล สวิตกฺกสวิจาโร ธโมฺม อุปฺปชฺชติ เหตุปจฺจยาฯ (๑)

    29. Kusalaṃ savitakkasavicāraṃ dhammaṃ paṭicca kusalo savitakkasavicāro dhammo uppajjati hetupaccayā. (1)

    อกุสลํ สวิตกฺกสวิจารํ ธมฺมํ ปฎิจฺจ อกุสโล สวิตกฺกสวิจาโร ธโมฺม อุปฺปชฺชติ เหตุปจฺจยาฯ (๑)

    Akusalaṃ savitakkasavicāraṃ dhammaṃ paṭicca akusalo savitakkasavicāro dhammo uppajjati hetupaccayā. (1)

    อพฺยากตํ สวิตกฺกสวิจารํ ธมฺมํ ปฎิจฺจ อพฺยากโต สวิตกฺกสวิจาโร ธโมฺม อุปฺปชฺชติ เหตุปจฺจยาฯ (๑) (สํขิตฺตํฯ)

    Abyākataṃ savitakkasavicāraṃ dhammaṃ paṭicca abyākato savitakkasavicāro dhammo uppajjati hetupaccayā. (1) (Saṃkhittaṃ.)

    เหตุยา ตีณิ, อารมฺมเณ ตีณิ, อวิคเต ตีณิฯ (สํขิตฺตํฯ สหชาตวารมฺปิ…เป.… สมฺปยุตฺตวารมฺปิ ปฎิจฺจวารสทิสํฯ)

    Hetuyā tīṇi, ārammaṇe tīṇi, avigate tīṇi. (Saṃkhittaṃ. Sahajātavārampi…pe… sampayuttavārampi paṭiccavārasadisaṃ.)

    ๓๐. กุสโล สวิตกฺกสวิจาโร ธโมฺม กุสลสฺส สวิตกฺกสวิจารสฺส ธมฺมสฺส เหตุปจฺจเยน ปจฺจโยฯ (๑)

    30. Kusalo savitakkasavicāro dhammo kusalassa savitakkasavicārassa dhammassa hetupaccayena paccayo. (1)

    อกุสโล สวิตกฺกสวิจาโร ธโมฺม อกุสลสฺส สวิตกฺกสวิจารสฺส ธมฺมสฺส เหตุปจฺจเยน ปจฺจโยฯ (๑)

    Akusalo savitakkasavicāro dhammo akusalassa savitakkasavicārassa dhammassa hetupaccayena paccayo. (1)

    อพฺยากโต สวิตกฺกสวิจาโร ธโมฺม อพฺยากตสฺส สวิตกฺกสวิจารสฺส ธมฺมสฺส เหตุปจฺจเยน ปจฺจโยฯ (๑) (สํขิตฺตํฯ)

    Abyākato savitakkasavicāro dhammo abyākatassa savitakkasavicārassa dhammassa hetupaccayena paccayo. (1) (Saṃkhittaṃ.)

    ๓๑. เหตุยา ตีณิ, อารมฺมเณ นว, อวิคเต ตีณิฯ (สํขิตฺตํฯ) (ยถา กุสลตฺติเก ปญฺหาวารํ เอวํ วิตฺถาเรตพฺพํ)ฯ

    31. Hetuyā tīṇi, ārammaṇe nava, avigate tīṇi. (Saṃkhittaṃ.) (Yathā kusalattike pañhāvāraṃ evaṃ vitthāretabbaṃ).

    ๓๒. กุสลํ อวิตกฺกวิจารมตฺตํ ธมฺมํ ปฎิจฺจ กุสโล อวิตกฺกวิจารมโตฺต ธโมฺม อุปฺปชฺชติ เหตุปจฺจยาฯ (๑)

    32. Kusalaṃ avitakkavicāramattaṃ dhammaṃ paṭicca kusalo avitakkavicāramatto dhammo uppajjati hetupaccayā. (1)

    อพฺยากตํ อวิตกฺกวิจารมตฺตํ ธมฺมํ ปฎิจฺจ อพฺยากโต อวิตกฺกวิจารมโตฺต ธโมฺม อุปฺปชฺชติ เหตุปจฺจยาฯ (๑) (สํขิตฺตํฯ)

    Abyākataṃ avitakkavicāramattaṃ dhammaṃ paṭicca abyākato avitakkavicāramatto dhammo uppajjati hetupaccayā. (1) (Saṃkhittaṃ.)

    เหตุยา เทฺว, อวิคเต เทฺวฯ (สํขิตฺตํฯ)

    Hetuyā dve, avigate dve. (Saṃkhittaṃ.)

    (สหชาตวาเรปิ…เป.… สมฺปยุตฺตวาเรปิ ปญฺหาวาเรปิ สพฺพตฺถ วิตฺถาโรฯ)

    (Sahajātavārepi…pe… sampayuttavārepi pañhāvārepi sabbattha vitthāro.)

    ๓๓. กุสลํ อวิตกฺกอวิจารํ ธมฺมํ ปฎิจฺจ กุสโล อวิตกฺกอวิจาโร ธโมฺม อุปฺปชฺชติ เหตุปจฺจยา… ตีณิฯ

    33. Kusalaṃ avitakkaavicāraṃ dhammaṃ paṭicca kusalo avitakkaavicāro dhammo uppajjati hetupaccayā… tīṇi.

    อพฺยากตํ อวิตกฺกอวิจารํ ธมฺมํ ปฎิจฺจ อพฺยากโต อวิตกฺกอวิจาโร ธโมฺม อุปฺปชฺชติ เหตุปจฺจยาฯ (๑)

    Abyākataṃ avitakkaavicāraṃ dhammaṃ paṭicca abyākato avitakkaavicāro dhammo uppajjati hetupaccayā. (1)

    กุสลํ อวิตกฺกอวิจารญฺจ อพฺยากตํ อวิตกฺกอวิจารญฺจ ธมฺมํ ปฎิจฺจ อพฺยากโต อวิตกฺกอวิจาโร ธโมฺม อุปฺปชฺชติ เหตุปจฺจยาฯ (๑) (สํขิตฺตํฯ)

    Kusalaṃ avitakkaavicārañca abyākataṃ avitakkaavicārañca dhammaṃ paṭicca abyākato avitakkaavicāro dhammo uppajjati hetupaccayā. (1) (Saṃkhittaṃ.)

    เหตุยา ปญฺจ, อารมฺมเณ เทฺว, อวิคเต ปญฺจฯ (สํขิตฺตํฯ สหชาตวารมฺปิ…เป.… ปญฺหาวารมฺปิ วิตฺถาเรตพฺพํฯ)

    Hetuyā pañca, ārammaṇe dve, avigate pañca. (Saṃkhittaṃ. Sahajātavārampi…pe… pañhāvārampi vitthāretabbaṃ.)

    ๑-๖. กุสลตฺติก-ปีติตฺติกํ

    1-6. Kusalattika-pītittikaṃ

    ๑-๗. ปฎิจฺจวาราทิ

    1-7. Paṭiccavārādi

    ปจฺจยจตุกฺกํ

    Paccayacatukkaṃ

    เหตุปจฺจโย

    Hetupaccayo

    ๓๔. กุสลํ ปีติสหคตํ ธมฺมํ ปฎิจฺจ กุสโล ปีติสหคโต ธโมฺม อุปฺปชฺชติ เหตุปจฺจยาฯ (๑)

    34. Kusalaṃ pītisahagataṃ dhammaṃ paṭicca kusalo pītisahagato dhammo uppajjati hetupaccayā. (1)

    อกุสลํ ปีติสหคตํ ธมฺมํ ปฎิจฺจ อกุสโล ปีติสหคโต ธโมฺม อุปฺปชฺชติ เหตุปจฺจยาฯ (๑)

    Akusalaṃ pītisahagataṃ dhammaṃ paṭicca akusalo pītisahagato dhammo uppajjati hetupaccayā. (1)

    อพฺยากตํ ปีติสหคตํ ธมฺมํ ปฎิจฺจ อพฺยากโต ปีติสหคโต ธโมฺม อุปฺปชฺชติ เหตุปจฺจยาฯ (๑) (สํขิตฺตํฯ)

    Abyākataṃ pītisahagataṃ dhammaṃ paṭicca abyākato pītisahagato dhammo uppajjati hetupaccayā. (1) (Saṃkhittaṃ.)

    เหตุยา ตีณิ, อารมฺมเณ ตีณิ, อวิคเต ตีณิฯ (สํขิตฺตํฯ สหชาตวารมฺปิ…เป.… สมฺปยุตฺตวารมฺปิ ปฎิจฺจวารสทิสํฯ)

    Hetuyā tīṇi, ārammaṇe tīṇi, avigate tīṇi. (Saṃkhittaṃ. Sahajātavārampi…pe… sampayuttavārampi paṭiccavārasadisaṃ.)

    ๓๕. กุสโล ปีติสหคโต ธโมฺม กุสลสฺส ปีติสหคตสฺส ธมฺมสฺส เหตุปจฺจเยน ปจฺจโยฯ (๑)

    35. Kusalo pītisahagato dhammo kusalassa pītisahagatassa dhammassa hetupaccayena paccayo. (1)

    อกุสโล ปีติสหคโต ธโมฺม อกุสลสฺส ปีติสหคตสฺส ธมฺมสฺส เหตุปจฺจเยน ปจฺจโยฯ (๑)

    Akusalo pītisahagato dhammo akusalassa pītisahagatassa dhammassa hetupaccayena paccayo. (1)

    อพฺยากโต ปีติสหคโต ธโมฺม อพฺยากตสฺส ปีติสหคตสฺส ธมฺมสฺส เหตุปจฺจเยน ปจฺจโยฯ (๑) (สํขิตฺตํฯ)

    Abyākato pītisahagato dhammo abyākatassa pītisahagatassa dhammassa hetupaccayena paccayo. (1) (Saṃkhittaṃ.)

    เหตุยา ตีณิ, อารมฺมเณ นว, อธิปติยา สตฺต, อนนฺตเร ปญฺจ อวิคเต ตีณิฯ (สํขิตฺตํฯ)

    Hetuyā tīṇi, ārammaṇe nava, adhipatiyā satta, anantare pañca avigate tīṇi. (Saṃkhittaṃ.)

    (ยถา กุสลตฺติเก ปญฺหาวารํ เอวํ วิตฺถาเรตพฺพํฯ)

    (Yathā kusalattike pañhāvāraṃ evaṃ vitthāretabbaṃ.)

    ๓๖. กุสลํ สุขสหคตํ ธมฺมํ ปฎิจฺจ กุสโล สุขสหคโต ธโมฺม อุปฺปชฺชติ เหตุปจฺจยาฯ (๑)

    36. Kusalaṃ sukhasahagataṃ dhammaṃ paṭicca kusalo sukhasahagato dhammo uppajjati hetupaccayā. (1)

    อกุสลํ สุขสหคตํ ธมฺมํ ปฎิจฺจ อกุสโล สุขสหคโต ธโมฺม อุปฺปชฺชติ เหตุปจฺจยาฯ (๑)

    Akusalaṃ sukhasahagataṃ dhammaṃ paṭicca akusalo sukhasahagato dhammo uppajjati hetupaccayā. (1)

    อพฺยากตํ สุขสหคตํ ธมฺมํ ปฎิจฺจ อพฺยากโต สุขสหคโต ธโมฺม อุปฺปชฺชติ เหตุปจฺจยาฯ (๑) (สํขิตฺตํฯ)

    Abyākataṃ sukhasahagataṃ dhammaṃ paṭicca abyākato sukhasahagato dhammo uppajjati hetupaccayā. (1) (Saṃkhittaṃ.)

    เหตุยา ตีณิ, อารมฺมเณ ตีณิ, อวิคเต ตีณิฯ (สํขิตฺตํฯ สหชาตวารมฺปิ…เป.… ปญฺหาวารมฺปิ วิตฺถาเรตพฺพํฯ)

    Hetuyā tīṇi, ārammaṇe tīṇi, avigate tīṇi. (Saṃkhittaṃ. Sahajātavārampi…pe… pañhāvārampi vitthāretabbaṃ.)

    ๓๗. กุสลํ อุเปกฺขาสหคตํ ธมฺมํ ปฎิจฺจ กุสโล อุเปกฺขาสหคโต ธโมฺม อุปฺปชฺชติ เหตุปจฺจยาฯ (๑)

    37. Kusalaṃ upekkhāsahagataṃ dhammaṃ paṭicca kusalo upekkhāsahagato dhammo uppajjati hetupaccayā. (1)

    อกุสลํ อุเปกฺขาสหคตํ ธมฺมํ ปฎิจฺจ อกุสโล อุเปกฺขาสหคโต ธโมฺม อุปฺปชฺชติ เหตุปจฺจยาฯ (๑)

    Akusalaṃ upekkhāsahagataṃ dhammaṃ paṭicca akusalo upekkhāsahagato dhammo uppajjati hetupaccayā. (1)

    อพฺยากตํ อุเปกฺขาสหคตํ ธมฺมํ ปฎิจฺจ อพฺยากโต อุเปกฺขาสหคโต ธโมฺม อุปฺปชฺชติ เหตุปจฺจยาฯ (๑) (สํขิตฺตํฯ)

    Abyākataṃ upekkhāsahagataṃ dhammaṃ paṭicca abyākato upekkhāsahagato dhammo uppajjati hetupaccayā. (1) (Saṃkhittaṃ.)

    เหตุยา ตีณิ, อวิคเต ตีณิฯ (สํขิตฺตํฯ)

    Hetuyā tīṇi, avigate tīṇi. (Saṃkhittaṃ.)

    (สหชาตวารมฺปิ…เป.… ปญฺหาวารมฺปิ วิตฺถาเรตพฺพํฯ)

    (Sahajātavārampi…pe… pañhāvārampi vitthāretabbaṃ.)

    ๑-๗. กุสลตฺติก-ทสฺสนตฺติกํ

    1-7. Kusalattika-dassanattikaṃ

    ๑-๗. ปฎิจฺจวาราทิ

    1-7. Paṭiccavārādi

    ปจฺจยจตุกฺกํ

    Paccayacatukkaṃ

    ๓๘. อกุสลํ ทสฺสเนน ปหาตพฺพํ ธมฺมํ ปฎิจฺจ อกุสโล ทสฺสเนน ปหาตโพฺพ ธโมฺม อุปฺปชฺชติ เหตุปจฺจยาฯ (สํขิตฺตํฯ)

    38. Akusalaṃ dassanena pahātabbaṃ dhammaṃ paṭicca akusalo dassanena pahātabbo dhammo uppajjati hetupaccayā. (Saṃkhittaṃ.)

    เหตุยา เอกํ…เป.… อวิคเต เอกํฯ (สํขิตฺตํฯ)

    Hetuyā ekaṃ…pe… avigate ekaṃ. (Saṃkhittaṃ.)

    (สหชาตวาเรปิ…เป.… ปญฺหาวาเรปิ สพฺพตฺถ เอกํฯ)

    (Sahajātavārepi…pe… pañhāvārepi sabbattha ekaṃ.)

    ๓๙. อกุสลํ ภาวนาย ปหาตพฺพํ ธมฺมํ ปฎิจฺจ อกุสโล ภาวนาย ปหาตโพฺพ ธโมฺม อุปฺปชฺชติ เหตุปจฺจยาฯ (๑) (สํขิตฺตํฯ)

    39. Akusalaṃ bhāvanāya pahātabbaṃ dhammaṃ paṭicca akusalo bhāvanāya pahātabbo dhammo uppajjati hetupaccayā. (1) (Saṃkhittaṃ.)

    เหตุยา เอกํ…เป.… อวิคเต เอกํฯ (สํขิตฺตํฯ)

    Hetuyā ekaṃ…pe… avigate ekaṃ. (Saṃkhittaṃ.)

    ๔๐. กุสลํ เนวทสฺสเนน นภาวนาย ปหาตพฺพํ ธมฺมํ ปฎิจฺจ กุสโล เนวทสฺสเนน นภาวนาย ปหาตโพฺพ ธโมฺม อุปฺปชฺชติ เหตุปจฺจยา… ตีณิฯ

    40. Kusalaṃ nevadassanena nabhāvanāya pahātabbaṃ dhammaṃ paṭicca kusalo nevadassanena nabhāvanāya pahātabbo dhammo uppajjati hetupaccayā… tīṇi.

    อพฺยากตํ เนวทสฺสเนน นภาวนาย ปหาตพฺพํ ธมฺมํ ปฎิจฺจ อพฺยากโต เนวทสฺสเนน นภาวนาย ปหาตโพฺพ ธโมฺม อุปฺปชฺชติ เหตุปจฺจยาฯ (๑)

    Abyākataṃ nevadassanena nabhāvanāya pahātabbaṃ dhammaṃ paṭicca abyākato nevadassanena nabhāvanāya pahātabbo dhammo uppajjati hetupaccayā. (1)

    กุสลํ เนวทสฺสเนน นภาวนาย ปหาตพฺพญฺจ อพฺยากตํ เนวทสฺสเนน นภาวนาย ปหาตพฺพญฺจ ธมฺมํ ปฎิจฺจ อพฺยากโต เนวทสฺสเนน นภาวนาย ปหาตโพฺพ ธโมฺม อุปฺปชฺชติ เหตุปจฺจยาฯ (๑) (สํขิตฺตํฯ)

    Kusalaṃ nevadassanena nabhāvanāya pahātabbañca abyākataṃ nevadassanena nabhāvanāya pahātabbañca dhammaṃ paṭicca abyākato nevadassanena nabhāvanāya pahātabbo dhammo uppajjati hetupaccayā. (1) (Saṃkhittaṃ.)

    เหตุยา ปญฺจ, อวิคเต ปญฺจฯ (สํขิตฺตํฯ สหชาตวาเรปิ…เป.… ปญฺหาวาเรปิ สพฺพตฺถ วิตฺถาโรฯ)

    Hetuyā pañca, avigate pañca. (Saṃkhittaṃ. Sahajātavārepi…pe… pañhāvārepi sabbattha vitthāro.)

    ๑-๘. กุสลตฺติก-ทสฺสนเหตุกตฺติกํ

    1-8. Kusalattika-dassanahetukattikaṃ

    ๑-๗. ปฎิจฺจวาราทิ

    1-7. Paṭiccavārādi

    ปจฺจยจตุกฺกํ

    Paccayacatukkaṃ

    ๔๑. อกุสลํ ทสฺสเนน ปหาตพฺพเหตุกํ ธมฺมํ ปฎิจฺจ อกุสโล ทสฺสเนน ปหาตพฺพเหตุโก ธโมฺม อุปฺปชฺชติ เหตุปจฺจยาฯ

    41. Akusalaṃ dassanena pahātabbahetukaṃ dhammaṃ paṭicca akusalo dassanena pahātabbahetuko dhammo uppajjati hetupaccayā.

    เหตุยา เอกํ…เป.… อวิคเต เอกํฯ (สํขิตฺตํฯ)

    Hetuyā ekaṃ…pe… avigate ekaṃ. (Saṃkhittaṃ.)

    ๔๒. อกุสลํ ภาวนาย ปหาตพฺพเหตุกํ ธมฺมํ ปฎิจฺจ อกุสโล ภาวนาย ปหาตพฺพเหตุโก ธโมฺม อุปฺปชฺชติ เหตุปจฺจยาฯ

    42. Akusalaṃ bhāvanāya pahātabbahetukaṃ dhammaṃ paṭicca akusalo bhāvanāya pahātabbahetuko dhammo uppajjati hetupaccayā.

    เหตุยา เอกํ…เป.… อวิคเต เอกํฯ (สํขิตฺตํฯ)

    Hetuyā ekaṃ…pe… avigate ekaṃ. (Saṃkhittaṃ.)

    ๔๓. กุสลํ เนวทสฺสเนน นภาวนาย ปหาตพฺพเหตุกํ ธมฺมํ ปฎิจฺจ กุสโล เนวทสฺสเนน นภาวนาย ปหาตพฺพเหตุโก ธโมฺม อุปฺปชฺชติ เหตุปจฺจยาฯ (สํขิตฺตํฯ)

    43. Kusalaṃ nevadassanena nabhāvanāya pahātabbahetukaṃ dhammaṃ paṭicca kusalo nevadassanena nabhāvanāya pahātabbahetuko dhammo uppajjati hetupaccayā. (Saṃkhittaṃ.)

    เหตุยา สตฺต, อารมฺมเณ เทฺว, อวิคเต สตฺตฯ (สํขิตฺตํฯ สหชาตวาเรปิ…เป.… ปญฺหาวาเรปิ สพฺพตฺถ วิตฺถาโรฯ)

    Hetuyā satta, ārammaṇe dve, avigate satta. (Saṃkhittaṃ. Sahajātavārepi…pe… pañhāvārepi sabbattha vitthāro.)

    ๑-๙. กุสลตฺติก-อาจยคามิตฺติกํ

    1-9. Kusalattika-ācayagāmittikaṃ

    ๑-๗. ปฎิจฺจวาราทิ

    1-7. Paṭiccavārādi

    ปจฺจยจตุกฺกํ

    Paccayacatukkaṃ

    ๔๔. กุสลํ อาจยคามิํ ธมฺมํ ปฎิจฺจ กุสโล อาจยคามี ธโมฺม อุปฺปชฺชติ เหตุปจฺจยาฯ (๑)

    44. Kusalaṃ ācayagāmiṃ dhammaṃ paṭicca kusalo ācayagāmī dhammo uppajjati hetupaccayā. (1)

    อกุสลํ อาจยคามิํ ธมฺมํ ปฎิจฺจ อกุสโล อาจยคามี ธโมฺม อุปฺปชฺชติ เหตุปจฺจยาฯ (๑) (สํขิตฺตํฯ)

    Akusalaṃ ācayagāmiṃ dhammaṃ paṭicca akusalo ācayagāmī dhammo uppajjati hetupaccayā. (1) (Saṃkhittaṃ.)

    เหตุยา เทฺว…เป.… อวิคเต เทฺวฯ (สํขิตฺตํฯ)

    Hetuyā dve…pe… avigate dve. (Saṃkhittaṃ.)

    (สหชาตวาเรปิ…เป.… ปญฺหาวาเรปิ สพฺพตฺถ วิตฺถาโรฯ)

    (Sahajātavārepi…pe… pañhāvārepi sabbattha vitthāro.)

    ๔๕. กุสลํ อปจยคามิํ ธมฺมํ ปฎิจฺจ กุสโล อปจยคามี ธโมฺม อุปฺปชฺชติ เหตุปจฺจยาฯ (สํขิตฺตํฯ ปฎิจฺจวาเรปิ…เป.… ปญฺหาวาเรปิ สพฺพตฺถ เอกํฯ)

    45. Kusalaṃ apacayagāmiṃ dhammaṃ paṭicca kusalo apacayagāmī dhammo uppajjati hetupaccayā. (Saṃkhittaṃ. Paṭiccavārepi…pe… pañhāvārepi sabbattha ekaṃ.)

    ๔๖. อพฺยากตํ เนวาจยคามินาปจยคามิํ ธมฺมํ ปฎิจฺจ อพฺยากโต เนวาจยคามินาปจยคามี ธโมฺม อุปฺปชฺชติ เหตุปจฺจยาฯ (สํขิตฺตํฯ)

    46. Abyākataṃ nevācayagāmināpacayagāmiṃ dhammaṃ paṭicca abyākato nevācayagāmināpacayagāmī dhammo uppajjati hetupaccayā. (Saṃkhittaṃ.)

    เหตุยา เอกํ…เป.… อวิคเต เอกํฯ (สํขิตฺตํฯ สหชาตวารมฺปิ…เป.… ปญฺหาวารมฺปิ วิตฺถาเรตพฺพํฯ)

    Hetuyā ekaṃ…pe… avigate ekaṃ. (Saṃkhittaṃ. Sahajātavārampi…pe… pañhāvārampi vitthāretabbaṃ.)

    ๑-๑๐. กุสลตฺติก-เสกฺขตฺติกํ

    1-10. Kusalattika-sekkhattikaṃ

    ๑-๗. ปฎิจฺจวาราทิ

    1-7. Paṭiccavārādi

    ปจฺจยจตุกฺกํ

    Paccayacatukkaṃ

    ๔๗. กุสลํ เสกฺขํ ธมฺมํ ปฎิจฺจ กุสโล เสโกฺข ธโมฺม อุปฺปชฺชติ เหตุปจฺจยาฯ (๑)

    47. Kusalaṃ sekkhaṃ dhammaṃ paṭicca kusalo sekkho dhammo uppajjati hetupaccayā. (1)

    อพฺยากตํ เสกฺขํ ธมฺมํ ปฎิจฺจ อพฺยากโต เสโกฺข ธโมฺม อุปฺปชฺชติ เหตุปจฺจยาฯ (๑) (สํขิตฺตํฯ)

    Abyākataṃ sekkhaṃ dhammaṃ paṭicca abyākato sekkho dhammo uppajjati hetupaccayā. (1) (Saṃkhittaṃ.)

    เหตุยา เทฺว, อวิคเต เทฺวฯ (สํขิตฺตํฯ สหชาตวาเรปิ…เป.… ปญฺหาวาเรปิ สพฺพตฺถ วิตฺถาโรฯ)

    Hetuyā dve, avigate dve. (Saṃkhittaṃ. Sahajātavārepi…pe… pañhāvārepi sabbattha vitthāro.)

    ๔๘. อพฺยากตํ อเสกฺขํ ธมฺมํ ปฎิจฺจ อพฺยากโต อเสโกฺข ธโมฺม อุปฺปชฺชติ เหตุปจฺจยาฯ (สํขิตฺตํฯ)

    48. Abyākataṃ asekkhaṃ dhammaṃ paṭicca abyākato asekkho dhammo uppajjati hetupaccayā. (Saṃkhittaṃ.)

    เหตุยา เอกํ…เป.… อวิคเต เอกํฯ (สํขิตฺตํฯ)

    Hetuyā ekaṃ…pe… avigate ekaṃ. (Saṃkhittaṃ.)

    (สหชาตวาเรปิ…เป.… ปญฺหาวาเรปิ สพฺพตฺถ เอกํฯ)

    (Sahajātavārepi…pe… pañhāvārepi sabbattha ekaṃ.)

    ๔๙. กุสลํ เนวเสกฺขนาเสกฺขํ ธมฺมํ ปฎิจฺจ กุสโล เนวเสกฺขนาเสโกฺข ธโมฺม อุปฺปชฺชติ เหตุปจฺจยา… ตีณิฯ

    49. Kusalaṃ nevasekkhanāsekkhaṃ dhammaṃ paṭicca kusalo nevasekkhanāsekkho dhammo uppajjati hetupaccayā… tīṇi.

    อกุสลํ เนวเสกฺขนาเสกฺขํ ธมฺมํ ปฎิจฺจ อกุสโล เนวเสกฺขนาเสโกฺข ธโมฺม อุปฺปชฺชติ เหตุปจฺจยา… ตีณิฯ

    Akusalaṃ nevasekkhanāsekkhaṃ dhammaṃ paṭicca akusalo nevasekkhanāsekkho dhammo uppajjati hetupaccayā… tīṇi.

    อพฺยากตํ เนวเสกฺขนาเสกฺขํ ธมฺมํ ปฎิจฺจ อพฺยากโต เนวเสกฺขนาเสโกฺข ธโมฺม อุปฺปชฺชติ เหตุปจฺจยา… ตีณิฯ (๑)

    Abyākataṃ nevasekkhanāsekkhaṃ dhammaṃ paṭicca abyākato nevasekkhanāsekkho dhammo uppajjati hetupaccayā… tīṇi. (1)

    เหตุยา นว, อวิคเต นวฯ (สํขิตฺตํฯ สหชาตวารมฺปิ…เป.… สมฺปยุตฺตวารมฺปิ ปฎิจฺจวารสทิสํฯ)

    Hetuyā nava, avigate nava. (Saṃkhittaṃ. Sahajātavārampi…pe… sampayuttavārampi paṭiccavārasadisaṃ.)

    ๕๐. กุสโล เนวเสกฺขนาเสโกฺข ธโมฺม กุสลสฺส เนวเสกฺขนาเสกฺขสฺส ธมฺมสฺส เหตุปจฺจเยน ปจฺจโยฯ (สํขิตฺตํฯ)

    50. Kusalo nevasekkhanāsekkho dhammo kusalassa nevasekkhanāsekkhassa dhammassa hetupaccayena paccayo. (Saṃkhittaṃ.)

    เหตุยา สตฺต, อารมฺมเณ นว, อวิคเต เตรสฯ (สํขิตฺตํฯ ยถา กุสลตฺติเก ปญฺหาวารํ เอวํ วิตฺถาเรตพฺพํฯ)

    Hetuyā satta, ārammaṇe nava, avigate terasa. (Saṃkhittaṃ. Yathā kusalattike pañhāvāraṃ evaṃ vitthāretabbaṃ.)

    ๑-๑๑. กุสลตฺติก-ปริตฺตตฺติกํ

    1-11. Kusalattika-parittattikaṃ

    ๑-๗. ปฎิจฺจวาราทิ

    1-7. Paṭiccavārādi

    ปจฺจยจตุกฺกํ

    Paccayacatukkaṃ

    ๕๑. กุสลํ ปริตฺตํ ธมฺมํ ปฎิจฺจ กุสโล ปริโตฺต ธโมฺม อุปฺปชฺชติ เหตุปจฺจยาฯ กุสลํ ปริตฺตํ ธมฺมํ ปฎิจฺจ อพฺยากโต ปริโตฺต ธโมฺม อุปฺปชฺชติ เหตุปจฺจยาฯ กุสลํ ปริตฺตํ ธมฺมํ ปฎิจฺจ กุสโล ปริโตฺต จ อพฺยากโต ปริโตฺต จ ธมฺมา อุปฺปชฺชนฺติ เหตุปจฺจยาฯ (๓)

    51. Kusalaṃ parittaṃ dhammaṃ paṭicca kusalo paritto dhammo uppajjati hetupaccayā. Kusalaṃ parittaṃ dhammaṃ paṭicca abyākato paritto dhammo uppajjati hetupaccayā. Kusalaṃ parittaṃ dhammaṃ paṭicca kusalo paritto ca abyākato paritto ca dhammā uppajjanti hetupaccayā. (3)

    อกุสลํ ปริตฺตํ ธมฺมํ ปฎิจฺจ อกุสโล ปริโตฺต ธโมฺม อุปฺปชฺชติ เหตุปจฺจยา… ตีณิฯ

    Akusalaṃ parittaṃ dhammaṃ paṭicca akusalo paritto dhammo uppajjati hetupaccayā… tīṇi.

    อพฺยากตํ ปริตฺตํ ธมฺมํ ปฎิจฺจ อพฺยากโต ปริโตฺต ธโมฺม อุปฺปชฺชติ เหตุปจฺจยาฯ (๑)

    Abyākataṃ parittaṃ dhammaṃ paṭicca abyākato paritto dhammo uppajjati hetupaccayā. (1)

    กุสลํ ปริตฺตญฺจ อพฺยากตํ ปริตฺตญฺจ ธมฺมํ ปฎิจฺจ อพฺยากโต ปริโตฺต ธโมฺม อุปฺปชฺชติ เหตุปจฺจยาฯ (๑)

    Kusalaṃ parittañca abyākataṃ parittañca dhammaṃ paṭicca abyākato paritto dhammo uppajjati hetupaccayā. (1)

    อกุสลํ ปริตฺตญฺจ อพฺยากตํ ปริตฺตญฺจ ธมฺมํ ปฎิจฺจ อพฺยากโต ปริโตฺต ธโมฺม อุปฺปชฺชติ เหตุปจฺจยาฯ (สํขิตฺตํฯ)

    Akusalaṃ parittañca abyākataṃ parittañca dhammaṃ paṭicca abyākato paritto dhammo uppajjati hetupaccayā. (Saṃkhittaṃ.)

    เหตุยา นว, อารมฺมเณ ตีณิ, อวิคเต นวฯ (สํขิตฺตํฯ สหชาตวารมฺปิ…เป.… สมฺปยุตฺตวารมฺปิ ปฎิจฺจวารสทิสํฯ)

    Hetuyā nava, ārammaṇe tīṇi, avigate nava. (Saṃkhittaṃ. Sahajātavārampi…pe… sampayuttavārampi paṭiccavārasadisaṃ.)

    ๕๒. กุสโล ปริโตฺต ธโมฺม กุสลสฺส ปริตฺตสฺส ธมฺมสฺส เหตุปจฺจเยน ปจฺจโย… ตีณิฯ

    52. Kusalo paritto dhammo kusalassa parittassa dhammassa hetupaccayena paccayo… tīṇi.

    อกุสโล ปริโตฺต ธโมฺม อกุสลสฺส ปริตฺตสฺส ธมฺมสฺส เหตุปจฺจเยน ปจฺจโย… ตีณิฯ

    Akusalo paritto dhammo akusalassa parittassa dhammassa hetupaccayena paccayo… tīṇi.

    อพฺยากโต ปริโตฺต ธโมฺม อพฺยากตสฺส ปริตฺตสฺส ธมฺมสฺส เหตุปจฺจเยน ปจฺจโยฯ (๑)

    Abyākato paritto dhammo abyākatassa parittassa dhammassa hetupaccayena paccayo. (1)

    กุสโล ปริโตฺต ธโมฺม กุสลสฺส ปริตฺตสฺส ธมฺมสฺส อารมฺมณปจฺจเยน ปจฺจโยฯ (สํขิตฺตํฯ)

    Kusalo paritto dhammo kusalassa parittassa dhammassa ārammaṇapaccayena paccayo. (Saṃkhittaṃ.)

    เหตุยา สตฺต, อารมฺมเณ นว, อวิคเต เตรสฯ (สํขิตฺตํฯ ยถา กุสลตฺติเก ปญฺหาวารํ เอวํ วิตฺถาเรตพฺพํฯ)

    Hetuyā satta, ārammaṇe nava, avigate terasa. (Saṃkhittaṃ. Yathā kusalattike pañhāvāraṃ evaṃ vitthāretabbaṃ.)

    มหคฺคตาทิปทานิ

    Mahaggatādipadāni

    เหตุปจฺจโย

    Hetupaccayo

    ๕๓. กุสลํ มหคฺคตํ ธมฺมํ ปฎิจฺจ กุสโล มหคฺคโต ธโมฺม อุปฺปชฺชติ เหตุปจฺจยาฯ (๑)

    53. Kusalaṃ mahaggataṃ dhammaṃ paṭicca kusalo mahaggato dhammo uppajjati hetupaccayā. (1)

    อพฺยากตํ มหคฺคตํ ธมฺมํ ปฎิจฺจ อพฺยากโต มหคฺคโต ธโมฺม อุปฺปชฺชติ เหตุปจฺจยาฯ (๑) (สํขิตฺตํฯ)

    Abyākataṃ mahaggataṃ dhammaṃ paṭicca abyākato mahaggato dhammo uppajjati hetupaccayā. (1) (Saṃkhittaṃ.)

    เหตุยา เทฺว, อารมฺมเณ เทฺว, อวิคเต เทฺวฯ (สํขิตฺตํฯ สหชาตวาเรปิ…เป.… ปญฺหาวาเรปิ สพฺพตฺถ วิตฺถาโร)ฯ

    Hetuyā dve, ārammaṇe dve, avigate dve. (Saṃkhittaṃ. Sahajātavārepi…pe… pañhāvārepi sabbattha vitthāro).

    ๕๔. กุสลํ อปฺปมาณํ ธมฺมํ ปฎิจฺจ กุสโล อปฺปมาโณ ธโมฺม อุปฺปชฺชติ เหตุปจฺจยาฯ (๑)

    54. Kusalaṃ appamāṇaṃ dhammaṃ paṭicca kusalo appamāṇo dhammo uppajjati hetupaccayā. (1)

    อพฺยากตํ อปฺปมาณํ ธมฺมํ ปฎิจฺจ อพฺยากโต อปฺปมาโณ ธโมฺม อุปฺปชฺชติ เหตุปจฺจยาฯ (๑) (สํขิตฺตํฯ)

    Abyākataṃ appamāṇaṃ dhammaṃ paṭicca abyākato appamāṇo dhammo uppajjati hetupaccayā. (1) (Saṃkhittaṃ.)

    เหตุยา เทฺว, อวิคเต เทฺวฯ (สํขิตฺตํฯ สหชาตวาเรปิ…เป.… ปญฺหาวาเรปิ สพฺพตฺถ วิตฺถาโรฯ)

    Hetuyā dve, avigate dve. (Saṃkhittaṃ. Sahajātavārepi…pe… pañhāvārepi sabbattha vitthāro.)

    ๑-๑๒. กุสลตฺติก-ปริตฺตารมฺมณตฺติกํ

    1-12. Kusalattika-parittārammaṇattikaṃ

    ๑-๗. ปฎิจฺจวาราทิ

    1-7. Paṭiccavārādi

    ปจฺจยจตุกฺกํ

    Paccayacatukkaṃ

    ๕๕. กุสลํ ปริตฺตารมฺมณํ ธมฺมํ ปฎิจฺจ กุสโล ปริตฺตารมฺมโณ ธโมฺม อุปฺปชฺชติ เหตุปจฺจยาฯ (๑)

    55. Kusalaṃ parittārammaṇaṃ dhammaṃ paṭicca kusalo parittārammaṇo dhammo uppajjati hetupaccayā. (1)

    อกุสลํ ปริตฺตารมฺมณํ ธมฺมํ ปฎิจฺจ อกุสโล ปริตฺตารมฺมโณ ธโมฺม อุปฺปชฺชติ เหตุปจฺจยาฯ (๑)

    Akusalaṃ parittārammaṇaṃ dhammaṃ paṭicca akusalo parittārammaṇo dhammo uppajjati hetupaccayā. (1)

    อพฺยากตํ ปริตฺตารมฺมณํ ธมฺมํ ปฎิจฺจ อพฺยากโต ปริตฺตารมฺมโณ ธโมฺม อุปฺปชฺชติ เหตุปจฺจยาฯ (๑) (สํขิตฺตํฯ)

    Abyākataṃ parittārammaṇaṃ dhammaṃ paṭicca abyākato parittārammaṇo dhammo uppajjati hetupaccayā. (1) (Saṃkhittaṃ.)

    เหตุยา ตีณิ, อวิคเต ตีณิฯ (สํขิตฺตํฯ)

    Hetuyā tīṇi, avigate tīṇi. (Saṃkhittaṃ.)

    (สหชาตวารมฺปิ…เป.… ปญฺหาวารมฺปิ วิตฺถาเรตพฺพํฯ)

    (Sahajātavārampi…pe… pañhāvārampi vitthāretabbaṃ.)

    ๕๖. กุสลํ มหคฺคตารมฺมณํ ธมฺมํ ปฎิจฺจ กุสโล มหคฺคตารมฺมโณ ธโมฺม อุปฺปชฺชติ เหตุปจฺจยาฯ (๑)

    56. Kusalaṃ mahaggatārammaṇaṃ dhammaṃ paṭicca kusalo mahaggatārammaṇo dhammo uppajjati hetupaccayā. (1)

    อกุสลํ มหคฺคตารมฺมณํ ธมฺมํ ปฎิจฺจ อกุสโล มหคฺคตารมฺมโณ ธโมฺม อุปฺปชฺชติ เหตุปจฺจยาฯ (๑)

    Akusalaṃ mahaggatārammaṇaṃ dhammaṃ paṭicca akusalo mahaggatārammaṇo dhammo uppajjati hetupaccayā. (1)

    อพฺยากตํ มหคฺคตารมฺมณํ ธมฺมํ ปฎิจฺจ อพฺยากโต มหคฺคตารมฺมโณ ธโมฺม อุปฺปชฺชติ เหตุปจฺจยา (๑) (สํขิตฺตํ)ฯ

    Abyākataṃ mahaggatārammaṇaṃ dhammaṃ paṭicca abyākato mahaggatārammaṇo dhammo uppajjati hetupaccayā (1) (saṃkhittaṃ).

    เหตุยา ตีณิ, อวิคเต ตีณิฯ (สํขิตฺตํฯ)

    Hetuyā tīṇi, avigate tīṇi. (Saṃkhittaṃ.)

    (สหชาตวาเรปิ…เป.… ปญฺหาวาเรปิ สพฺพตฺถ วิตฺถาโรฯ)

    (Sahajātavārepi…pe… pañhāvārepi sabbattha vitthāro.)

    ๕๗. กุสลํ อปฺปมาณารมฺมณํ ธมฺมํ ปฎิจฺจ กุสโล อปฺปมาณารมฺมโณ ธโมฺม อุปฺปชฺชติ เหตุปจฺจยาฯ (๑)

    57. Kusalaṃ appamāṇārammaṇaṃ dhammaṃ paṭicca kusalo appamāṇārammaṇo dhammo uppajjati hetupaccayā. (1)

    อพฺยากตํ อปฺปมาณารมฺมณํ ธมฺมํ ปฎิจฺจ อพฺยากโต อปฺปมาณารมฺมโณ ธโมฺม อุปฺปชฺชติ เหตุปจฺจยาฯ (๑) (สํขิตฺตํฯ)

    Abyākataṃ appamāṇārammaṇaṃ dhammaṃ paṭicca abyākato appamāṇārammaṇo dhammo uppajjati hetupaccayā. (1) (Saṃkhittaṃ.)

    เหตุยา เทฺว, อวิคเต เทฺวฯ (สํขิตฺตํฯ)

    Hetuyā dve, avigate dve. (Saṃkhittaṃ.)

    (สหชาตวาเรปิ…เป.… ปญฺหาวาเรปิ สพฺพตฺถ วิตฺถาโรฯ)

    (Sahajātavārepi…pe… pañhāvārepi sabbattha vitthāro.)

    ๑-๑๓. กุสลตฺติก-หีนตฺติกํ

    1-13. Kusalattika-hīnattikaṃ

    ๑-๗. ปฎิจฺจวาราทิ

    1-7. Paṭiccavārādi

    ปจฺจยจตุกฺกํ

    Paccayacatukkaṃ

    ๕๘. อกุสลํ หีนํ ธมฺมํ ปฎิจฺจ อกุสโล หีโน ธโมฺม อุปฺปชฺชติ เหตุปจฺจยาฯ (สํขิตฺตํฯ)

    58. Akusalaṃ hīnaṃ dhammaṃ paṭicca akusalo hīno dhammo uppajjati hetupaccayā. (Saṃkhittaṃ.)

    เหตุยา เอกํ…เป.… อวิคเต เอกํฯ (สํขิตฺตํฯ สพฺพตฺถ วิตฺถาโรฯ)

    Hetuyā ekaṃ…pe… avigate ekaṃ. (Saṃkhittaṃ. Sabbattha vitthāro.)

    ๕๙. กุสลํ มชฺฌิมํ ธมฺมํ ปฎิจฺจ กุสโล มชฺฌิโม ธโมฺม อุปฺปชฺชติ เหตุปจฺจยาฯ กุสลํ มชฺฌิมํ ธมฺมํ ปฎิจฺจ อพฺยากโต มชฺฌิโม ธโมฺม อุปฺปชฺชติ เหตุปจฺจยาฯ กุสลํ มชฺฌิมํ ธมฺมํ ปฎิจฺจ กุสโล มชฺฌิโม จ อพฺยากโต มชฺฌิโม จ ธมฺมา อุปฺปชฺชนฺติ เหตุปจฺจยาฯ (๓)

    59. Kusalaṃ majjhimaṃ dhammaṃ paṭicca kusalo majjhimo dhammo uppajjati hetupaccayā. Kusalaṃ majjhimaṃ dhammaṃ paṭicca abyākato majjhimo dhammo uppajjati hetupaccayā. Kusalaṃ majjhimaṃ dhammaṃ paṭicca kusalo majjhimo ca abyākato majjhimo ca dhammā uppajjanti hetupaccayā. (3)

    อพฺยากตํ มชฺฌิมํ ธมฺมํ ปฎิจฺจ อพฺยากโต มชฺฌิโม ธโมฺม อุปฺปชฺชติ เหตุปจฺจยาฯ (๑)

    Abyākataṃ majjhimaṃ dhammaṃ paṭicca abyākato majjhimo dhammo uppajjati hetupaccayā. (1)

    กุสลํ มชฺฌิมญฺจ อพฺยากตํ มชฺฌิมญฺจ ธมฺมํ ปฎิจฺจ อพฺยากโต มชฺฌิโม ธโมฺม อุปฺปชฺชติ เหตุปจฺจยาฯ (๑)

    Kusalaṃ majjhimañca abyākataṃ majjhimañca dhammaṃ paṭicca abyākato majjhimo dhammo uppajjati hetupaccayā. (1)

    กุสลํ มชฺฌิมํ ธมฺมํ ปฎิจฺจ กุสโล มชฺฌิโม ธโมฺม อุปฺปชฺชติ อารมฺมณปจฺจยาฯ (๑)

    Kusalaṃ majjhimaṃ dhammaṃ paṭicca kusalo majjhimo dhammo uppajjati ārammaṇapaccayā. (1)

    อพฺยากตํ มชฺฌิมํ ธมฺมํ ปฎิจฺจ อพฺยากโต มชฺฌิโม ธโมฺม อุปฺปชฺชติ อารมฺมณปจฺจยาฯ (๑) (สํขิตฺตํฯ)

    Abyākataṃ majjhimaṃ dhammaṃ paṭicca abyākato majjhimo dhammo uppajjati ārammaṇapaccayā. (1) (Saṃkhittaṃ.)

    เหตุยา ปญฺจ, อารมฺมเณ เทฺว, อวิคเต ปญฺจฯ (สํขิตฺตํฯ สหชาตวารมฺปิ …เป.… สมฺปยุตฺตวารมฺปิ ปฎิจฺจวารสทิสํฯ)

    Hetuyā pañca, ārammaṇe dve, avigate pañca. (Saṃkhittaṃ. Sahajātavārampi …pe… sampayuttavārampi paṭiccavārasadisaṃ.)

    ๖๐. กุสโล มชฺฌิโม ธโมฺม กุสลสฺส มชฺฌิมสฺส ธมฺมสฺส เหตุปจฺจเยน ปจฺจโย… ตีณิฯ

    60. Kusalo majjhimo dhammo kusalassa majjhimassa dhammassa hetupaccayena paccayo… tīṇi.

    อพฺยากโต มชฺฌิโม ธโมฺม อพฺยากตสฺส มชฺฌิมสฺส ธมฺมสฺส เหตุปจฺจเยน ปจฺจโยฯ (๑)

    Abyākato majjhimo dhammo abyākatassa majjhimassa dhammassa hetupaccayena paccayo. (1)

    กุสโล มชฺฌิโม ธโมฺม กุสลสฺส มชฺฌิมสฺส ธมฺมสฺส อารมฺมณปจฺจเยน ปจฺจโยฯ กุสโล มชฺฌิโม ธโมฺม อพฺยากตสฺส มชฺฌิมสฺส ธมฺมสฺส อารมฺมณปจฺจเยน ปจฺจโยฯ (๒)

    Kusalo majjhimo dhammo kusalassa majjhimassa dhammassa ārammaṇapaccayena paccayo. Kusalo majjhimo dhammo abyākatassa majjhimassa dhammassa ārammaṇapaccayena paccayo. (2)

    อพฺยากโต มชฺฌิโม ธโมฺม อพฺยากตสฺส มชฺฌิมสฺส ธมฺมสฺส อารมฺมณปจฺจเยน ปจฺจโยฯ อพฺยากโต มชฺฌิโม ธโมฺม กุสลสฺส มชฺฌิมสฺส ธมฺมสฺส อารมฺมณปจฺจเยน ปจฺจโยฯ (๒) (สํขิตฺตํ)ฯ

    Abyākato majjhimo dhammo abyākatassa majjhimassa dhammassa ārammaṇapaccayena paccayo. Abyākato majjhimo dhammo kusalassa majjhimassa dhammassa ārammaṇapaccayena paccayo. (2) (Saṃkhittaṃ).

    ๖๑. เหตุยา จตฺตาริ, อารมฺมเณ จตฺตาริ, อวิคเต สตฺตฯ

    61. Hetuyā cattāri, ārammaṇe cattāri, avigate satta.

    (สํขิตฺตํฯ ยถา กุสลตฺติเก ปญฺหาวารํ, เอวํ วิตฺถาเรตพฺพํฯ)

    (Saṃkhittaṃ. Yathā kusalattike pañhāvāraṃ, evaṃ vitthāretabbaṃ.)

    ปณีตปทํ

    Paṇītapadaṃ

    เหตุปจฺจโย

    Hetupaccayo

    ๖๒. กุสลํ ปณีตํ ธมฺมํ ปฎิจฺจ กุสโล ปณีโต ธโมฺม อุปฺปชฺชติ เหตุปจฺจยาฯ (๑)

    62. Kusalaṃ paṇītaṃ dhammaṃ paṭicca kusalo paṇīto dhammo uppajjati hetupaccayā. (1)

    อพฺยากตํ ปณีตํ ธมฺมํ ปฎิจฺจ อพฺยากโต ปณีโต ธโมฺม อุปฺปชฺชติ เหตุปจฺจยาฯ (๑) (สํขิตฺตํฯ)

    Abyākataṃ paṇītaṃ dhammaṃ paṭicca abyākato paṇīto dhammo uppajjati hetupaccayā. (1) (Saṃkhittaṃ.)

    เหตุยา เทฺว, อวิคเต เทฺวฯ (สํขิตฺตํฯ สหชาตวาเรปิ…เป.… ปญฺหาวาเรปิ สพฺพตฺถ วิตฺถาโรฯ)

    Hetuyā dve, avigate dve. (Saṃkhittaṃ. Sahajātavārepi…pe… pañhāvārepi sabbattha vitthāro.)

    ๑-๑๔. กุสลตฺติก-มิจฺฉตฺตนิยตตฺติกํ

    1-14. Kusalattika-micchattaniyatattikaṃ

    ๑-๗. ปฎิจฺจวาราทิ

    1-7. Paṭiccavārādi

    ปจฺจยจตุกฺกํ

    Paccayacatukkaṃ

    ๖๓. อกุสลํ มิจฺฉตฺตนิยตํ ธมฺมํ ปฎิจฺจ อกุสโล มิจฺฉตฺตนิยโต ธโมฺม อุปฺปชฺชติ เหตุปจฺจยาฯ (สํขิตฺตํฯ)

    63. Akusalaṃ micchattaniyataṃ dhammaṃ paṭicca akusalo micchattaniyato dhammo uppajjati hetupaccayā. (Saṃkhittaṃ.)

    เหตุยา เอกํ…เป.… อวิคเต เอกํฯ (สํขิตฺตํฯ สพฺพตฺถ วิตฺถาโรฯ)

    Hetuyā ekaṃ…pe… avigate ekaṃ. (Saṃkhittaṃ. Sabbattha vitthāro.)

    ๖๔. กุสลํ สมฺมตฺตนิยตํ ธมฺมํ ปฎิจฺจ กุสโล สมฺมตฺตนิยโต ธโมฺม อุปฺปชฺชติ เหตุปจฺจยาฯ (สํขิตฺตํฯ)

    64. Kusalaṃ sammattaniyataṃ dhammaṃ paṭicca kusalo sammattaniyato dhammo uppajjati hetupaccayā. (Saṃkhittaṃ.)

    เหตุยา เอกํ…เป.… อวิคเต เอกํฯ (สํขิตฺตํฯ สหชาตวาเรปิ…เป.… ปญฺหาวาเรปิ สพฺพตฺถ เอกํฯ)

    Hetuyā ekaṃ…pe… avigate ekaṃ. (Saṃkhittaṃ. Sahajātavārepi…pe… pañhāvārepi sabbattha ekaṃ.)

    ๖๕. กุสลํ อนิยตํ ธมฺมํ ปฎิจฺจ กุสโล อนิยโต ธโมฺม อุปฺปชฺชติ เหตุปจฺจยาฯ กุสลํ อนิยตํ ธมฺมํ ปฎิจฺจ อพฺยากโต อนิยโต ธโมฺม อุปฺปชฺชติ เหตุปจฺจยาฯ กุสลํ อนิยตํ ธมฺมํ ปฎิจฺจ กุสโล อนิยโต จ อพฺยากโต อนิยโต จ ธมฺมา อุปฺปชฺชนฺติ เหตุปจฺจยาฯ (๓)

    65. Kusalaṃ aniyataṃ dhammaṃ paṭicca kusalo aniyato dhammo uppajjati hetupaccayā. Kusalaṃ aniyataṃ dhammaṃ paṭicca abyākato aniyato dhammo uppajjati hetupaccayā. Kusalaṃ aniyataṃ dhammaṃ paṭicca kusalo aniyato ca abyākato aniyato ca dhammā uppajjanti hetupaccayā. (3)

    อกุสลํ อนิยตํ ธมฺมํ ปฎิจฺจ อกุสโล อนิยโต ธโมฺม อุปฺปชฺชติ เหตุปจฺจยา… ตีณิฯ

    Akusalaṃ aniyataṃ dhammaṃ paṭicca akusalo aniyato dhammo uppajjati hetupaccayā… tīṇi.

    อพฺยากตํ อนิยตํ ธมฺมํ ปฎิจฺจ อพฺยากโต อนิยโต ธโมฺม อุปฺปชฺชติ เหตุปจฺจยาฯ (๑)

    Abyākataṃ aniyataṃ dhammaṃ paṭicca abyākato aniyato dhammo uppajjati hetupaccayā. (1)

    กุสลํ อนิยตญฺจ อพฺยากตํ อนิยตญฺจ ธมฺมํ ปฎิจฺจ อพฺยากโต อนิยโต ธโมฺม อุปฺปชฺชติ เหตุปจฺจยาฯ (๑)

    Kusalaṃ aniyatañca abyākataṃ aniyatañca dhammaṃ paṭicca abyākato aniyato dhammo uppajjati hetupaccayā. (1)

    อกุสลํ อนิยตญฺจ อพฺยากตํ อนิยตญฺจ ธมฺมํ ปฎิจฺจ อพฺยากโต อนิยโต ธโมฺม อุปฺปชฺชติ เหตุปจฺจยาฯ (๑) (สํขิตฺตํฯ)

    Akusalaṃ aniyatañca abyākataṃ aniyatañca dhammaṃ paṭicca abyākato aniyato dhammo uppajjati hetupaccayā. (1) (Saṃkhittaṃ.)

    เหตุยา นว, อารมฺมเณ ตีณิ, อวิคเต นวฯ (สํขิตฺตํฯ สหชาตวารมฺปิ…เป.… สมฺปยุตฺตวารมฺปิ ปฎิจฺจวารสทิสํฯ)

    Hetuyā nava, ārammaṇe tīṇi, avigate nava. (Saṃkhittaṃ. Sahajātavārampi…pe… sampayuttavārampi paṭiccavārasadisaṃ.)

    ๖๖. กุสโล อนิยโต ธโมฺม กุสลสฺส อนิยตสฺส ธมฺมสฺส เหตุปจฺจเยน ปจฺจโย… ตีณิฯ

    66. Kusalo aniyato dhammo kusalassa aniyatassa dhammassa hetupaccayena paccayo… tīṇi.

    อกุสโล อนิยโต ธโมฺม อกุสลสฺส อนิยตสฺส ธมฺมสฺส เหตุปจฺจเยน ปจฺจโย… ตีณิฯ

    Akusalo aniyato dhammo akusalassa aniyatassa dhammassa hetupaccayena paccayo… tīṇi.

    อพฺยากโต อนิยโต ธโมฺม อพฺยากตสฺส อนิยตสฺส ธมฺมสฺส เหตุปจฺจเยน ปจฺจโยฯ (๑) (สํขิตฺตํฯ)

    Abyākato aniyato dhammo abyākatassa aniyatassa dhammassa hetupaccayena paccayo. (1) (Saṃkhittaṃ.)

    เหตุยา สตฺต, อารมฺมเณ นว, อวิคเต เตรสฯ (สํขิตฺตํฯ ยถา กุสลตฺติเก ปญฺหาวารํ เอวํ วิตฺถาเรตพฺพํฯ)

    Hetuyā satta, ārammaṇe nava, avigate terasa. (Saṃkhittaṃ. Yathā kusalattike pañhāvāraṃ evaṃ vitthāretabbaṃ.)

    ๑-๑๕. กุสลตฺติก-มคฺคารมฺมณตฺติกํ

    1-15. Kusalattika-maggārammaṇattikaṃ

    ๑-๗. ปฎิจฺจวาราทิ

    1-7. Paṭiccavārādi

    ปจฺจยจตุกฺกํ

    Paccayacatukkaṃ

    ๖๗. กุสลํ มคฺคารมฺมณํ ธมฺมํ ปฎิจฺจ กุสโล มคฺคารมฺมโณ ธโมฺม อุปฺปชฺชติ เหตุปจฺจยาฯ (๑)

    67. Kusalaṃ maggārammaṇaṃ dhammaṃ paṭicca kusalo maggārammaṇo dhammo uppajjati hetupaccayā. (1)

    อพฺยากตํ มคฺคารมฺมณํ ธมฺมํ ปฎิจฺจ อพฺยากโต มคฺคารมฺมโณ ธโมฺม อุปฺปชฺชติ เหตุปจฺจยาฯ (๑) (สํขิตฺตํฯ)

    Abyākataṃ maggārammaṇaṃ dhammaṃ paṭicca abyākato maggārammaṇo dhammo uppajjati hetupaccayā. (1) (Saṃkhittaṃ.)

    เหตุยา เทฺว…เป.… อวิคเต เทฺวฯ (สํขิตฺตํฯ สพฺพตฺถ วิตฺถาโรฯ)

    Hetuyā dve…pe… avigate dve. (Saṃkhittaṃ. Sabbattha vitthāro.)

    ๖๘. กุสลํ มคฺคเหตุกํ ธมฺมํ ปฎิจฺจ กุสโล มคฺคเหตุโก ธโมฺม อุปฺปชฺชติ เหตุปจฺจยาฯ (สํขิตฺตํฯ)

    68. Kusalaṃ maggahetukaṃ dhammaṃ paṭicca kusalo maggahetuko dhammo uppajjati hetupaccayā. (Saṃkhittaṃ.)

    เหตุยา เอกํ…เป.… อวิคเต เอกํฯ (สพฺพตฺถ เอกํฯ สํขิตฺตํฯ)

    Hetuyā ekaṃ…pe… avigate ekaṃ. (Sabbattha ekaṃ. Saṃkhittaṃ.)

    ๖๙. กุสลํ มคฺคาธิปติํ ธมฺมํ ปฎิจฺจ กุสโล มคฺคาธิปติ ธโมฺม อุปฺปชฺชติ เหตุปจฺจยาฯ (๑)

    69. Kusalaṃ maggādhipatiṃ dhammaṃ paṭicca kusalo maggādhipati dhammo uppajjati hetupaccayā. (1)

    อพฺยากตํ มคฺคาธิปติํ ธมฺมํ ปฎิจฺจ อพฺยากโต มคฺคาธิปติ ธโมฺม อุปฺปชฺชติ เหตุปจฺจยาฯ (๑) (สํขิตฺตํ)ฯ

    Abyākataṃ maggādhipatiṃ dhammaṃ paṭicca abyākato maggādhipati dhammo uppajjati hetupaccayā. (1) (Saṃkhittaṃ).

    เหตุยา เทฺว…เป.… อวิคเต เทฺวฯ (สํขิตฺตํฯ สพฺพตฺถ วิตฺถาโร)ฯ

    Hetuyā dve…pe… avigate dve. (Saṃkhittaṃ. Sabbattha vitthāro).

    ๑-๑๖. กุสลตฺติก-อุปฺปนฺนตฺติกํ

    1-16. Kusalattika-uppannattikaṃ

    ๗. ปญฺหาวาโร

    7. Pañhāvāro

    ปจฺจยจตุกฺกํ

    Paccayacatukkaṃ

    ๗๐. กุสโล อุปฺปโนฺน ธโมฺม กุสลสฺส อุปฺปนฺนสฺส ธมฺมสฺส เหตุปจฺจเยน ปจฺจโยฯ (สํขิตฺตํฯ)

    70. Kusalo uppanno dhammo kusalassa uppannassa dhammassa hetupaccayena paccayo. (Saṃkhittaṃ.)

    เหตุยา สตฺตฯ (สํขิตฺตํฯ)

    Hetuyā satta. (Saṃkhittaṃ.)

    ๑-๑๗. กุสลตฺติก-อตีตตฺติกํ

    1-17. Kusalattika-atītattikaṃ

    ๗. ปญฺหาวาโร

    7. Pañhāvāro

    ปจฺจยจตุกฺกํ

    Paccayacatukkaṃ

    ๗๑. กุสโล ปจฺจุปฺปโนฺน ธโมฺม กุสลสฺส ปจฺจุปฺปนฺนสฺส ธมฺมสฺส เหตุปจฺจเยน ปจฺจโยฯ (สํขิตฺตํฯ)

    71. Kusalo paccuppanno dhammo kusalassa paccuppannassa dhammassa hetupaccayena paccayo. (Saṃkhittaṃ.)

    เหตุยา สตฺตฯ (สํขิตฺตํฯ)

    Hetuyā satta. (Saṃkhittaṃ.)

    ๑-๑๘. กุสลตฺติก-อตีตารมฺมณตฺติกํ

    1-18. Kusalattika-atītārammaṇattikaṃ

    ๑-๗. ปฎิจฺจวาราทิ

    1-7. Paṭiccavārādi

    ปจฺจยจตุกฺกํ

    Paccayacatukkaṃ

    ๗๒. กุสลํ อตีตารมฺมณํ ธมฺมํ ปฎิจฺจ กุสโล อตีตารมฺมโณ ธโมฺม อุปฺปชฺชติ เหตุปจฺจยาฯ (๑)

    72. Kusalaṃ atītārammaṇaṃ dhammaṃ paṭicca kusalo atītārammaṇo dhammo uppajjati hetupaccayā. (1)

    อกุสลํ อตีตารมฺมณํ ธมฺมํ ปฎิจฺจ อกุสโล อตีตารมฺมโณ ธโมฺม อุปฺปชฺชติ เหตุปจฺจยาฯ (๑)

    Akusalaṃ atītārammaṇaṃ dhammaṃ paṭicca akusalo atītārammaṇo dhammo uppajjati hetupaccayā. (1)

    อพฺยากตํ อตีตารมฺมณํ ธมฺมํ ปฎิจฺจ อพฺยากโต อตีตารมฺมโณ ธโมฺม อุปฺปชฺชติ เหตุปจฺจยาฯ (๑) (สํขิตฺตํฯ)

    Abyākataṃ atītārammaṇaṃ dhammaṃ paṭicca abyākato atītārammaṇo dhammo uppajjati hetupaccayā. (1) (Saṃkhittaṃ.)

    เหตุยา ตีณิ, อวิคเต ตีณิฯ (สํขิตฺตํฯ)

    Hetuyā tīṇi, avigate tīṇi. (Saṃkhittaṃ.)

    (สหชาตวารมฺปิ…เป.… สมฺปยุตฺตวารมฺปิ ปฎิจฺจวารสทิสํฯ)

    (Sahajātavārampi…pe… sampayuttavārampi paṭiccavārasadisaṃ.)

    ๗๓. กุสโล อตีตารมฺมโณ ธโมฺม กุสลสฺส อตีตารมฺมณสฺส ธมฺมสฺส เหตุปจฺจเยน ปจฺจโยฯ (๑)

    73. Kusalo atītārammaṇo dhammo kusalassa atītārammaṇassa dhammassa hetupaccayena paccayo. (1)

    อกุสโล อตีตารมฺมโณ ธโมฺม อกุสลสฺส อตีตารมฺมณสฺส ธมฺมสฺส เหตุปจฺจเยน ปจฺจโยฯ (๑)

    Akusalo atītārammaṇo dhammo akusalassa atītārammaṇassa dhammassa hetupaccayena paccayo. (1)

    อพฺยากโต อตีตารมฺมโณ ธโมฺม อพฺยากตสฺส อตีตารมฺมณสฺส ธมฺมสฺส เหตุปจฺจเยน ปจฺจโยฯ (๑) (สํขิตฺตํฯ)

    Abyākato atītārammaṇo dhammo abyākatassa atītārammaṇassa dhammassa hetupaccayena paccayo. (1) (Saṃkhittaṃ.)

    เหตุยา ตีณิ, อารมฺมเณ นว, อวิคเต ตีณิฯ (สํขิตฺตํฯ ยถา กุสลตฺติเก ปญฺหาวารํ เอวํ วิตฺถาเรตพฺพํฯ)

    Hetuyā tīṇi, ārammaṇe nava, avigate tīṇi. (Saṃkhittaṃ. Yathā kusalattike pañhāvāraṃ evaṃ vitthāretabbaṃ.)

    อนาคตารมฺมณปทํ

    Anāgatārammaṇapadaṃ

    เหตุปจฺจโย

    Hetupaccayo

    ๗๔. กุสลํ อนาคตารมฺมณํ ธมฺมํ ปฎิจฺจ กุสโล อนาคตารมฺมโณ ธโมฺม อุปฺปชฺชติ เหตุปจฺจยาฯ (สํขิตฺตํฯ)

    74. Kusalaṃ anāgatārammaṇaṃ dhammaṃ paṭicca kusalo anāgatārammaṇo dhammo uppajjati hetupaccayā. (Saṃkhittaṃ.)

    เหตุยา ตีณิ, อารมฺมเณ ตีณิ, อวิคเต ตีณิฯ (สํขิตฺตํฯ สหชาตวารมฺปิ…เป.… สมฺปยุตฺตวารมฺปิ ปฎิจฺจวารสทิสํฯ)

    Hetuyā tīṇi, ārammaṇe tīṇi, avigate tīṇi. (Saṃkhittaṃ. Sahajātavārampi…pe… sampayuttavārampi paṭiccavārasadisaṃ.)

    ๗๕. กุสโล อนาคตารมฺมโณ ธโมฺม กุสลสฺส อนาคตารมฺมณสฺส ธมฺมสฺส เหตุปจฺจเยน ปจฺจโยฯ (สํขิตฺตํฯ)

    75. Kusalo anāgatārammaṇo dhammo kusalassa anāgatārammaṇassa dhammassa hetupaccayena paccayo. (Saṃkhittaṃ.)

    เหตุยา ตีณิ, อารมฺมเณ นว, อวิคเต ตีณิฯ (สํขิตฺตํฯ ยถา กุสลตฺติเก ปญฺหาวารํ, เอวํ วิตฺถาเรตพฺพํฯ)

    Hetuyā tīṇi, ārammaṇe nava, avigate tīṇi. (Saṃkhittaṃ. Yathā kusalattike pañhāvāraṃ, evaṃ vitthāretabbaṃ.)

    ปจฺจุปฺปนฺนารมฺมณปทํ

    Paccuppannārammaṇapadaṃ

    เหตุปจฺจโย

    Hetupaccayo

    ๗๖. กุสลํ ปจฺจุปฺปนฺนารมฺมณํ ธมฺมํ ปฎิจฺจ กุสโล ปจฺจุปฺปนฺนารมฺมโณ ธโมฺม อุปฺปชฺชติ เหตุปจฺจยาฯ (สํขิตฺตํฯ)

    76. Kusalaṃ paccuppannārammaṇaṃ dhammaṃ paṭicca kusalo paccuppannārammaṇo dhammo uppajjati hetupaccayā. (Saṃkhittaṃ.)

    เหตุยา ตีณิ, อารมฺมเณ ตีณิ, อวิคเต ตีณิฯ (สํขิตฺตํฯ สหชาตวารมฺปิ…เป.… สมฺปยุตฺตวารมฺปิ ปฎิจฺจวารสทิสํฯ)

    Hetuyā tīṇi, ārammaṇe tīṇi, avigate tīṇi. (Saṃkhittaṃ. Sahajātavārampi…pe… sampayuttavārampi paṭiccavārasadisaṃ.)

    ๗๗. กุสโล ปจฺจุปฺปนฺนารมฺมโณ ธโมฺม กุสลสฺส ปจฺจุปฺปนฺนารมฺมณสฺส ธมฺมสฺส เหตุปจฺจเยน ปจฺจโยฯ (๑)

    77. Kusalo paccuppannārammaṇo dhammo kusalassa paccuppannārammaṇassa dhammassa hetupaccayena paccayo. (1)

    อกุสโล ปจฺจุปฺปนฺนารมฺมโณ ธโมฺม อกุสลสฺส ปจฺจุปฺปนฺนารมฺมณสฺส ธมฺมสฺส เหตุปจฺจเยน ปจฺจโยฯ (๑)

    Akusalo paccuppannārammaṇo dhammo akusalassa paccuppannārammaṇassa dhammassa hetupaccayena paccayo. (1)

    อพฺยากโต ปจฺจุปฺปนฺนารมฺมโณ ธโมฺม อพฺยากตสฺส ปจฺจุปฺปนฺนารมฺมณสฺส ธมฺมสฺส เหตุปจฺจเยน ปจฺจโยฯ (๑) (สํขิตฺตํฯ)

    Abyākato paccuppannārammaṇo dhammo abyākatassa paccuppannārammaṇassa dhammassa hetupaccayena paccayo. (1) (Saṃkhittaṃ.)

    เหตุยา ตีณิ, อารมฺมเณ ฉ, อวิคเต ตีณิฯ (สํขิตฺตํฯ ยถา กุสลตฺติเก ปญฺหาวารํ, เอวํ วิตฺถาเรตพฺพํฯ)

    Hetuyā tīṇi, ārammaṇe cha, avigate tīṇi. (Saṃkhittaṃ. Yathā kusalattike pañhāvāraṃ, evaṃ vitthāretabbaṃ.)

    ๑-๑๙. กุสลตฺติก-อชฺฌตฺตตฺติกํ

    1-19. Kusalattika-ajjhattattikaṃ

    ๑-๗. ปฎิจฺจวาราทิ

    1-7. Paṭiccavārādi

    ปจฺจยจตุกฺกํ

    Paccayacatukkaṃ

    ๗๘. กุสลํ อชฺฌตฺตํ ธมฺมํ ปฎิจฺจ กุสโล อชฺฌโตฺต ธโมฺม อุปฺปชฺชติ เหตุปจฺจยา… ตีณิฯ

    78. Kusalaṃ ajjhattaṃ dhammaṃ paṭicca kusalo ajjhatto dhammo uppajjati hetupaccayā… tīṇi.

    อกุสลํ อชฺฌตฺตํ ธมฺมํ ปฎิจฺจ อกุสโล อชฺฌโตฺต ธโมฺม อุปฺปชฺชติ เหตุปจฺจยา… ตีณิฯ

    Akusalaṃ ajjhattaṃ dhammaṃ paṭicca akusalo ajjhatto dhammo uppajjati hetupaccayā… tīṇi.

    อพฺยากตํ อชฺฌตฺตํ ธมฺมํ ปฎิจฺจ อพฺยากโต อชฺฌโตฺต ธโมฺม อุปฺปชฺชติ เหตุปจฺจยา… ตีณิฯ

    Abyākataṃ ajjhattaṃ dhammaṃ paṭicca abyākato ajjhatto dhammo uppajjati hetupaccayā… tīṇi.

    เหตุยา นว, อวิคเต นวฯ (สํขิตฺตํฯ)

    Hetuyā nava, avigate nava. (Saṃkhittaṃ.)

    (สหชาตวารมฺปิ…เป.… สมฺปยุตฺตวารมฺปิ ปฎิจฺจวารสทิสํ, เอวํ วิตฺถาเรตพฺพํฯ)

    (Sahajātavārampi…pe… sampayuttavārampi paṭiccavārasadisaṃ, evaṃ vitthāretabbaṃ.)

    ๗๙. กุสโล อชฺฌโตฺต ธโมฺม กุสลสฺส อชฺฌตฺตสฺส ธมฺมสฺส เหตุปจฺจเยน ปจฺจโย… ตีณิฯ

    79. Kusalo ajjhatto dhammo kusalassa ajjhattassa dhammassa hetupaccayena paccayo… tīṇi.

    อกุสโล อชฺฌโตฺต ธโมฺม อกุสลสฺส อชฺฌตฺตสฺส ธมฺมสฺส เหตุปจฺจเยน ปจฺจโย… ตีณิฯ

    Akusalo ajjhatto dhammo akusalassa ajjhattassa dhammassa hetupaccayena paccayo… tīṇi.

    อพฺยากโต อชฺฌโตฺต ธโมฺม อพฺยากตสฺส อชฺฌตฺตสฺส ธมฺมสฺส เหตุปจฺจเยน ปจฺจโยฯ (๑) (สํขิตฺตํ)ฯ

    Abyākato ajjhatto dhammo abyākatassa ajjhattassa dhammassa hetupaccayena paccayo. (1) (Saṃkhittaṃ).

    เหตุยา สตฺต, อารมฺมเณ นว, อวิคเต เตรสฯ (สํขิตฺตํฯ ยถา กุสลตฺติเก ปญฺหาวารํ, เอวํ วิตฺถาเรตพฺพํฯ)

    Hetuyā satta, ārammaṇe nava, avigate terasa. (Saṃkhittaṃ. Yathā kusalattike pañhāvāraṃ, evaṃ vitthāretabbaṃ.)

    พหิทฺธาปทํ

    Bahiddhāpadaṃ

    เหตุปจฺจโย

    Hetupaccayo

    ๘๐. กุสลํ พหิทฺธา ธมฺมํ ปฎิจฺจ กุสโล พหิทฺธา ธโมฺม อุปฺปชฺชติ เหตุปจฺจยา… ตีณิฯ

    80. Kusalaṃ bahiddhā dhammaṃ paṭicca kusalo bahiddhā dhammo uppajjati hetupaccayā… tīṇi.

    อกุสลํ พหิทฺธา ธมฺมํ ปฎิจฺจ อกุสโล พหิทฺธา ธโมฺม อุปฺปชฺชติ เหตุปจฺจยา… ตีณิฯ

    Akusalaṃ bahiddhā dhammaṃ paṭicca akusalo bahiddhā dhammo uppajjati hetupaccayā… tīṇi.

    อพฺยากตํ พหิทฺธา ธมฺมํ ปฎิจฺจ อพฺยากโต พหิทฺธา ธโมฺม อุปฺปชฺชติ เหตุปจฺจยาฯ (๑)

    Abyākataṃ bahiddhā dhammaṃ paṭicca abyākato bahiddhā dhammo uppajjati hetupaccayā. (1)

    กุสลํ พหิทฺธา จ อพฺยากตํ พหิทฺธา จ ธมฺมํ ปฎิจฺจ อพฺยากโต พหิทฺธา ธโมฺม อุปฺปชฺชติ เหตุปจฺจยาฯ (๑)

    Kusalaṃ bahiddhā ca abyākataṃ bahiddhā ca dhammaṃ paṭicca abyākato bahiddhā dhammo uppajjati hetupaccayā. (1)

    อกุสลํ พหิทฺธา จ อพฺยากตํ พหิทฺธา จ ธมฺมํ ปฎิจฺจ อพฺยากโต พหิทฺธา ธโมฺม อุปฺปชฺชติ เหตุปจฺจยาฯ (๑) (สํขิตฺตํฯ)

    Akusalaṃ bahiddhā ca abyākataṃ bahiddhā ca dhammaṃ paṭicca abyākato bahiddhā dhammo uppajjati hetupaccayā. (1) (Saṃkhittaṃ.)

    เหตุยา นว…เป.… วิปาเก เอกํ…เป.… อวิคเต นวฯ (สํขิตฺตํฯ)

    Hetuyā nava…pe… vipāke ekaṃ…pe… avigate nava. (Saṃkhittaṃ.)

    (สหชาตวารมฺปิ…เป.… สมฺปยุตฺตวารมฺปิ ปฎิจฺจวารสทิสํฯ)

    (Sahajātavārampi…pe… sampayuttavārampi paṭiccavārasadisaṃ.)

    ๘๑. กุสโล พหิทฺธา ธโมฺม กุสลสฺส พหิทฺธา ธมฺมสฺส เหตุปจฺจเยน ปจฺจโย… ตีณิฯ

    81. Kusalo bahiddhā dhammo kusalassa bahiddhā dhammassa hetupaccayena paccayo… tīṇi.

    อกุสโล พหิทฺธา ธโมฺม อกุสลสฺส พหิทฺธา ธมฺมสฺส เหตุปจฺจเยน ปจฺจโย… ตีณิฯ

    Akusalo bahiddhā dhammo akusalassa bahiddhā dhammassa hetupaccayena paccayo… tīṇi.

    อพฺยากโต พหิทฺธา ธโมฺม อพฺยากตสฺส พหิทฺธา ธมฺมสฺส เหตุปจฺจเยน ปจฺจโยฯ (๑) (สํขิตฺตํฯ)

    Abyākato bahiddhā dhammo abyākatassa bahiddhā dhammassa hetupaccayena paccayo. (1) (Saṃkhittaṃ.)

    เหตุยา สตฺต, อารมฺมเณ นว, อธิปติยา ทส…เป.… อวิคเต เตรสฯ (สํขิตฺตํฯ ยถา กุสลตฺติเก ปญฺหาวารํ เอวํ วิตฺถาเรตพฺพํฯ)

    Hetuyā satta, ārammaṇe nava, adhipatiyā dasa…pe… avigate terasa. (Saṃkhittaṃ. Yathā kusalattike pañhāvāraṃ evaṃ vitthāretabbaṃ.)

    ๑-๒๐. กุสลตฺติก-อชฺฌตฺตารมฺมณตฺติกํ

    1-20. Kusalattika-ajjhattārammaṇattikaṃ

    ๑-๗. ปฎิจฺจวาราทิ

    1-7. Paṭiccavārādi

    ปจฺจยจตุกฺกํ

    Paccayacatukkaṃ

    ๘๒. กุสลํ อชฺฌตฺตารมฺมณํ ธมฺมํ ปฎิจฺจ กุสโล อชฺฌตฺตารมฺมโณ ธโมฺม อุปฺปชฺชติ เหตุปจฺจยาฯ (สํขิตฺตํฯ)

    82. Kusalaṃ ajjhattārammaṇaṃ dhammaṃ paṭicca kusalo ajjhattārammaṇo dhammo uppajjati hetupaccayā. (Saṃkhittaṃ.)

    เหตุยา ตีณิ…เป.… วิปาเก เอกํ…เป.… อวิคเต ตีณิฯ (สํขิตฺตํฯ)

    Hetuyā tīṇi…pe… vipāke ekaṃ…pe… avigate tīṇi. (Saṃkhittaṃ.)

    ๘๓. กุสลํ พหิทฺธารมฺมณํ ธมฺมํ ปฎิจฺจ กุสโล พหิทฺธารมฺมโณ ธโมฺม อุปฺปชฺชติ เหตุปจฺจยาฯ (สํขิตฺตํฯ)

    83. Kusalaṃ bahiddhārammaṇaṃ dhammaṃ paṭicca kusalo bahiddhārammaṇo dhammo uppajjati hetupaccayā. (Saṃkhittaṃ.)

    เหตุยา ตีณิ…เป.… วิปาเก เอกํ…เป.… อวิคเต ตีณิฯ (สํขิตฺตํฯ)

    Hetuyā tīṇi…pe… vipāke ekaṃ…pe… avigate tīṇi. (Saṃkhittaṃ.)

    ๑-๒๑. กุสลตฺติก-สนิทสฺสนตฺติกํ

    1-21. Kusalattika-sanidassanattikaṃ

    ๑-๗. ปฎิจฺจวาราทิ

    1-7. Paṭiccavārādi

    ปจฺจยจตุกฺกํ

    Paccayacatukkaṃ

    ๘๔. อพฺยากตํ อนิทสฺสนสปฺปฎิฆํ ธมฺมํ ปฎิจฺจ อพฺยากโต อนิทสฺสนสปฺปฎิโฆ ธโมฺม อุปฺปชฺชติ เหตุปจฺจยาฯ (สํขิตฺตํฯ)

    84. Abyākataṃ anidassanasappaṭighaṃ dhammaṃ paṭicca abyākato anidassanasappaṭigho dhammo uppajjati hetupaccayā. (Saṃkhittaṃ.)

    เหตุยา เอกํ…เป.… อวิคเต เอกํฯ (สํขิตฺตํฯ)

    Hetuyā ekaṃ…pe… avigate ekaṃ. (Saṃkhittaṃ.)

    (สหชาตวารมฺปิ…เป.… ปญฺหาวารมฺปิ วิตฺถาเรตพฺพํฯ)

    (Sahajātavārampi…pe… pañhāvārampi vitthāretabbaṃ.)

    ๘๕. กุสลํ อนิทสฺสนอปฺปฎิฆํ ธมฺมํ ปฎิจฺจ กุสโล อนิทสฺสนอปฺปฎิโฆ ธโมฺม อุปฺปชฺชติ เหตุปจฺจยาฯ กุสลํ อนิทสฺสนอปฺปฎิฆํ ธมฺมํ ปฎิจฺจ อพฺยากโต อนิทสฺสนอปฺปฎิโฆ ธโมฺม อุปฺปชฺชติ เหตุปจฺจยาฯ กุสลํ อนิทสฺสนอปฺปฎิฆํ ธมฺมํ ปฎิจฺจ กุสโล อนิทสฺสนอปฺปฎิโฆ จ อพฺยากโต อนิทสฺสนอปฺปฎิโฆ จ ธมฺมา อุปฺปชฺชนฺติ เหตุปจฺจยาฯ (๓)

    85. Kusalaṃ anidassanaappaṭighaṃ dhammaṃ paṭicca kusalo anidassanaappaṭigho dhammo uppajjati hetupaccayā. Kusalaṃ anidassanaappaṭighaṃ dhammaṃ paṭicca abyākato anidassanaappaṭigho dhammo uppajjati hetupaccayā. Kusalaṃ anidassanaappaṭighaṃ dhammaṃ paṭicca kusalo anidassanaappaṭigho ca abyākato anidassanaappaṭigho ca dhammā uppajjanti hetupaccayā. (3)

    อกุสลํ อนิทสฺสนอปฺปฎิฆํ ธมฺมํ ปฎิจฺจ อกุสโล อนิทสฺสนอปฺปฎิโฆ ธโมฺม อุปฺปชฺชติ เหตุปจฺจยา… ตีณิฯ

    Akusalaṃ anidassanaappaṭighaṃ dhammaṃ paṭicca akusalo anidassanaappaṭigho dhammo uppajjati hetupaccayā… tīṇi.

    อพฺยากตํ อนิทสฺสนอปฺปฎิฆํ ธมฺมํ ปฎิจฺจ อพฺยากโต อนิทสฺสนอปฺปฎิโฆ ธโมฺม อุปฺปชฺชติ เหตุปจฺจยาฯ (๑)

    Abyākataṃ anidassanaappaṭighaṃ dhammaṃ paṭicca abyākato anidassanaappaṭigho dhammo uppajjati hetupaccayā. (1)

    กุสลํ อนิทสฺสนอปฺปฎิฆญฺจ อพฺยากตํ อนิทสฺสนอปฺปฎิฆญฺจ ธมฺมํ ปฎิจฺจ อพฺยากโต อนิทสฺสนอปฺปฎิโฆ ธโมฺม อุปฺปชฺชติ เหตุปจฺจยาฯ (๑)

    Kusalaṃ anidassanaappaṭighañca abyākataṃ anidassanaappaṭighañca dhammaṃ paṭicca abyākato anidassanaappaṭigho dhammo uppajjati hetupaccayā. (1)

    อกุสลํ อนิทสฺสนอปฺปฎิฆญฺจ อพฺยากตํ อนิทสฺสนอปฺปฎิฆญฺจ ธมฺมํ ปฎิจฺจ อพฺยากโต อนิทสฺสนอปฺปฎิโฆ ธโมฺม อุปฺปชฺชติ เหตุปจฺจยาฯ (๑)

    Akusalaṃ anidassanaappaṭighañca abyākataṃ anidassanaappaṭighañca dhammaṃ paṭicca abyākato anidassanaappaṭigho dhammo uppajjati hetupaccayā. (1)

    เหตุยา นว, อารมฺมเณ ตีณิ…เป.… วิปาเก เอกํ…เป.… อวิคเต นวฯ (สํขิตฺตํฯ สหชาตวารมฺปิ…เป.… สมฺปยุตฺตวารมฺปิ ปญฺหาวารมฺปิ วิตฺถาเรตพฺพํฯ)

    Hetuyā nava, ārammaṇe tīṇi…pe… vipāke ekaṃ…pe… avigate nava. (Saṃkhittaṃ. Sahajātavārampi…pe… sampayuttavārampi pañhāvārampi vitthāretabbaṃ.)

    กุสลตฺติกสนิทสฺสนตฺติกํ นิฎฺฐิตํฯ

    Kusalattikasanidassanattikaṃ niṭṭhitaṃ.

    ๒-๑. เวทนาตฺติก-กุสลตฺติกํ

    2-1. Vedanāttika-kusalattikaṃ

    ๑-๗. ปฎิจฺจวาราทิ

    1-7. Paṭiccavārādi

    ปจฺจยจตุกฺกํ

    Paccayacatukkaṃ

    ๘๖. สุขาย เวทนาย สมฺปยุตฺตํ กุสลํ ธมฺมํ ปฎิจฺจ สุขาย เวทนาย สมฺปยุโตฺต กุสโล ธโมฺม อุปฺปชฺชติ เหตุปจฺจยาฯ (๑)

    86. Sukhāya vedanāya sampayuttaṃ kusalaṃ dhammaṃ paṭicca sukhāya vedanāya sampayutto kusalo dhammo uppajjati hetupaccayā. (1)

    อทุกฺขมสุขาย เวทนาย สมฺปยุตฺตํ กุสลํ ธมฺมํ ปฎิจฺจ อทุกฺขมสุขาย เวทนาย สมฺปยุโตฺต กุสโล ธโมฺม อุปฺปชฺชติ เหตุปจฺจยาฯ (๑)

    Adukkhamasukhāya vedanāya sampayuttaṃ kusalaṃ dhammaṃ paṭicca adukkhamasukhāya vedanāya sampayutto kusalo dhammo uppajjati hetupaccayā. (1)

    เหตุยา เทฺว…เป.… อวิคเต เทฺวฯ (สํขิตฺตํฯ) (สหชาตวารมฺปิ…เป.… สมฺปยุตฺตวารมฺปิ ปฎิจฺจวารสทิสํฯ)

    Hetuyā dve…pe… avigate dve. (Saṃkhittaṃ.) (Sahajātavārampi…pe… sampayuttavārampi paṭiccavārasadisaṃ.)

    ๘๗. สุขาย เวทนาย สมฺปยุโตฺต กุสโล ธโมฺม สุขาย เวทนาย สมฺปยุตฺตสฺส กุสลสฺส ธมฺมสฺส เหตุปจฺจเยน ปจฺจโยฯ (๑)

    87. Sukhāya vedanāya sampayutto kusalo dhammo sukhāya vedanāya sampayuttassa kusalassa dhammassa hetupaccayena paccayo. (1)

    อทุกฺขมสุขาย เวทนาย สมฺปยุโตฺต กุสโล ธโมฺม อทุกฺขมสุขาย เวทนาย สมฺปยุตฺตสฺส กุสลสฺส ธมฺมสฺส เหตุปจฺจเยน ปจฺจโยฯ (๑) (สํขิตฺตํฯ)

    Adukkhamasukhāya vedanāya sampayutto kusalo dhammo adukkhamasukhāya vedanāya sampayuttassa kusalassa dhammassa hetupaccayena paccayo. (1) (Saṃkhittaṃ.)

    เหตุยา เทฺว, อวิคเต เทฺวฯ (สํขิตฺตํฯ สพฺพตฺถ วิตฺถาโรฯ)

    Hetuyā dve, avigate dve. (Saṃkhittaṃ. Sabbattha vitthāro.)

    ๘๘. สุขาย เวทนาย สมฺปยุตฺตํ อกุสลํ ธมฺมํ ปฎิจฺจ สุขาย เวทนาย สมฺปยุโตฺต อกุสโล ธโมฺม อุปฺปชฺชติ เหตุปจฺจยาฯ (๑)

    88. Sukhāya vedanāya sampayuttaṃ akusalaṃ dhammaṃ paṭicca sukhāya vedanāya sampayutto akusalo dhammo uppajjati hetupaccayā. (1)

    ทุกฺขาย เวทนาย สมฺปยุตฺตํ อกุสลํ ธมฺมํ ปฎิจฺจ ทุกฺขาย เวทนาย สมฺปยุโตฺต อกุสโล ธโมฺม อุปฺปชฺชติ เหตุปจฺจยาฯ (๑)

    Dukkhāya vedanāya sampayuttaṃ akusalaṃ dhammaṃ paṭicca dukkhāya vedanāya sampayutto akusalo dhammo uppajjati hetupaccayā. (1)

    อทุกฺขมสุขาย เวทนาย สมฺปยุตฺตํ อกุสลํ ธมฺมํ ปฎิจฺจ อทุกฺขมสุขาย เวทนาย สมฺปยุโตฺต อกุสโล ธโมฺม อุปฺปชฺชติ เหตุปจฺจยาฯ (๑) (สํขิตฺตํฯ)

    Adukkhamasukhāya vedanāya sampayuttaṃ akusalaṃ dhammaṃ paṭicca adukkhamasukhāya vedanāya sampayutto akusalo dhammo uppajjati hetupaccayā. (1) (Saṃkhittaṃ.)

    เหตุยา ตีณิ…เป.… อวิคเต ตีณิฯ (สํขิตฺตํฯ สพฺพตฺถ วิตฺถาโรฯ)

    Hetuyā tīṇi…pe… avigate tīṇi. (Saṃkhittaṃ. Sabbattha vitthāro.)

    ๘๙. สุขาย เวทนาย สมฺปยุตฺตํ อพฺยากตํ ธมฺมํ ปฎิจฺจ สุขาย เวทนาย สมฺปยุโตฺต อพฺยากโต ธโมฺม อุปฺปชฺชติ เหตุปจฺจยาฯ (๑)

    89. Sukhāya vedanāya sampayuttaṃ abyākataṃ dhammaṃ paṭicca sukhāya vedanāya sampayutto abyākato dhammo uppajjati hetupaccayā. (1)

    อทุกฺขมสุขาย เวทนาย สมฺปยุตฺตํ อพฺยากตํ ธมฺมํ ปฎิจฺจ อทุกฺขมสุขาย เวทนาย สมฺปยุโตฺต อพฺยากโต ธโมฺม อุปฺปชฺชติ เหตุปจฺจยาฯ (๑) (สํขิตฺตํฯ)

    Adukkhamasukhāya vedanāya sampayuttaṃ abyākataṃ dhammaṃ paṭicca adukkhamasukhāya vedanāya sampayutto abyākato dhammo uppajjati hetupaccayā. (1) (Saṃkhittaṃ.)

    เหตุยา เทฺว, อวิคเต ตีณิฯ (สํขิตฺตํฯ)

    Hetuyā dve, avigate tīṇi. (Saṃkhittaṃ.)

    ๓-๑. วิปากตฺติก-กุสลตฺติกํ

    3-1. Vipākattika-kusalattikaṃ

    ๑-๗. ปฎิจฺจวาราทิ

    1-7. Paṭiccavārādi

    เหตุปจฺจโย

    Hetupaccayo

    ๙๐. วิปากธมฺมธมฺมํ กุสลํ ธมฺมํ ปฎิจฺจ วิปากธมฺมธโมฺม กุสโล ธโมฺม อุปฺปชฺชติ เหตุปจฺจยาฯ (สํขิตฺตํฯ)

    90. Vipākadhammadhammaṃ kusalaṃ dhammaṃ paṭicca vipākadhammadhammo kusalo dhammo uppajjati hetupaccayā. (Saṃkhittaṃ.)

    เหตุยา เอกํ…เป.… อวิคเต เอกํฯ (สํขิตฺตํฯ)

    Hetuyā ekaṃ…pe… avigate ekaṃ. (Saṃkhittaṃ.)

    ๙๑. วิปากธมฺมธมฺมํ อกุสลํ ธมฺมํ ปฎิจฺจ วิปากธมฺมธโมฺม อกุสโล ธโมฺม อุปฺปชฺชติ เหตุปจฺจยาฯ (สํขิตฺตํฯ)

    91. Vipākadhammadhammaṃ akusalaṃ dhammaṃ paṭicca vipākadhammadhammo akusalo dhammo uppajjati hetupaccayā. (Saṃkhittaṃ.)

    เหตุยา เอกํฯ (สพฺพตฺถ เอกํฯ)

    Hetuyā ekaṃ. (Sabbattha ekaṃ.)

    ๙๒. วิปากํ อพฺยากตํ ธมฺมํ ปฎิจฺจ วิปาโก อพฺยากโต ธโมฺม อุปฺปชฺชติ เหตุปจฺจยา… ตีณิฯ

    92. Vipākaṃ abyākataṃ dhammaṃ paṭicca vipāko abyākato dhammo uppajjati hetupaccayā… tīṇi.

    เนววิปากนวิปากธมฺมธมฺมํ อพฺยากตํ ธมฺมํ ปฎิจฺจ เนววิปากนวิปากธมฺมธโมฺม อพฺยากโต ธโมฺม อุปฺปชฺชติ เหตุปจฺจยา… ตีณิฯ

    Nevavipākanavipākadhammadhammaṃ abyākataṃ dhammaṃ paṭicca nevavipākanavipākadhammadhammo abyākato dhammo uppajjati hetupaccayā… tīṇi.

    วิปากํ อพฺยากตญฺจ เนววิปากนวิปากธมฺมธมฺมํ อพฺยากตญฺจ ธมฺมํ ปฎิจฺจ วิปาโก อพฺยากโต ธโมฺม อุปฺปชฺชติ เหตุปจฺจยา… ตีณิฯ (สํขิตฺตํฯ)

    Vipākaṃ abyākatañca nevavipākanavipākadhammadhammaṃ abyākatañca dhammaṃ paṭicca vipāko abyākato dhammo uppajjati hetupaccayā… tīṇi. (Saṃkhittaṃ.)

    เหตุยา นว, อวิคเต นวฯ (สํขิตฺตํฯ สพฺพตฺถ วิตฺถาโรฯ)

    Hetuyā nava, avigate nava. (Saṃkhittaṃ. Sabbattha vitthāro.)

    ๔-๑. อุปาทินฺนตฺติก-กุสลตฺติกํ

    4-1. Upādinnattika-kusalattikaṃ

    ๑-๗. ปฎิจฺจวาราทิ

    1-7. Paṭiccavārādi

    เหตุปจฺจโย

    Hetupaccayo

    ๙๓. อนุปาทินฺนุปาทานิยํ กุสลํ ธมฺมํ ปฎิจฺจ อนุปาทินฺนุปาทานิโย กุสโล ธโมฺม อุปฺปชฺชติ เหตุปจฺจยาฯ

    93. Anupādinnupādāniyaṃ kusalaṃ dhammaṃ paṭicca anupādinnupādāniyo kusalo dhammo uppajjati hetupaccayā.

    อนุปาทินฺนอนุปาทานิยํ กุสลํ ธมฺมํ ปฎิจฺจ อนุปาทินฺนอนุปาทานิโย กุสโล ธโมฺม อุปฺปชฺชติ เหตุปจฺจยาฯ (๑) (สํขิตฺตํฯ)

    Anupādinnaanupādāniyaṃ kusalaṃ dhammaṃ paṭicca anupādinnaanupādāniyo kusalo dhammo uppajjati hetupaccayā. (1) (Saṃkhittaṃ.)

    เหตุยา เทฺวฯ (สพฺพตฺถ วิตฺถาโรฯ)

    Hetuyā dve. (Sabbattha vitthāro.)

    อนุปาทินฺนุปาทานิยํ อกุสลํ ธมฺมํ ปฎิจฺจ อนุปาทินฺนุปาทานิโย อกุสโล ธโมฺม อุปฺปชฺชติ เหตุปจฺจยาฯ (สพฺพตฺถ เอกํฯ สพฺพตฺถ วิตฺถาโรฯ)

    Anupādinnupādāniyaṃ akusalaṃ dhammaṃ paṭicca anupādinnupādāniyo akusalo dhammo uppajjati hetupaccayā. (Sabbattha ekaṃ. Sabbattha vitthāro.)

    ๙๔. อุปาทินฺนุปาทานิยํ อพฺยากตํ ธมฺมํ ปฎิจฺจ อุปาทินฺนุปาทานิโย อพฺยากโต ธโมฺม อุปฺปชฺชติ เหตุปจฺจยา… ตีณิฯ (สพฺพตฺถ วิตฺถาโรฯ)

    94. Upādinnupādāniyaṃ abyākataṃ dhammaṃ paṭicca upādinnupādāniyo abyākato dhammo uppajjati hetupaccayā… tīṇi. (Sabbattha vitthāro.)

    อนุปาทินฺนุปาทานิยํ อพฺยากตํ ธมฺมํ ปฎิจฺจ อนุปาทินฺนุปาทานิโย อพฺยากโต ธโมฺม อุปฺปชฺชติ เหตุปจฺจยา… ตีณิฯ

    Anupādinnupādāniyaṃ abyākataṃ dhammaṃ paṭicca anupādinnupādāniyo abyākato dhammo uppajjati hetupaccayā… tīṇi.

    อนุปาทินฺนอนุปาทานิยํ อพฺยากตํ ธมฺมํ ปฎิจฺจ อนุปาทินฺนอนุปาทานิโย อพฺยากโต ธโมฺม อุปฺปชฺชติ เหตุปจฺจยาฯ (๑)

    Anupādinnaanupādāniyaṃ abyākataṃ dhammaṃ paṭicca anupādinnaanupādāniyo abyākato dhammo uppajjati hetupaccayā. (1)

    อนุปาทินฺนุปาทานิยํ อพฺยากตญฺจ อนุปาทินฺนอนุปาทานิยํ อพฺยากตญฺจ ธมฺมํ ปฎิจฺจ อนุปาทินฺนุปาทานิโย อพฺยากโต ธโมฺม อุปฺปชฺชติ เหตุปจฺจยาฯ (๑)

    Anupādinnupādāniyaṃ abyākatañca anupādinnaanupādāniyaṃ abyākatañca dhammaṃ paṭicca anupādinnupādāniyo abyākato dhammo uppajjati hetupaccayā. (1)

    อุปาทินฺนุปาทานิยํ อพฺยากตญฺจ อนุปาทินฺนุปาทานิยํ อพฺยากตญฺจ ธมฺมํ ปฎิจฺจ อนุปาทินฺนุปาทานิโย อพฺยากโต ธโมฺม อุปฺปชฺชติ เหตุปจฺจยาฯ (๑) (สํขิตฺตํฯ)

    Upādinnupādāniyaṃ abyākatañca anupādinnupādāniyaṃ abyākatañca dhammaṃ paṭicca anupādinnupādāniyo abyākato dhammo uppajjati hetupaccayā. (1) (Saṃkhittaṃ.)

    เหตุยา นวฯ (สพฺพตฺถ วิตฺถาโรฯ)

    Hetuyā nava. (Sabbattha vitthāro.)

    ๕-๑. สํกิลิฎฺฐตฺติก-กุสลตฺติกํ

    5-1. Saṃkiliṭṭhattika-kusalattikaṃ

    ๑-๗. ปฎิจฺจวาราทิ

    1-7. Paṭiccavārādi

    เหตุปจฺจโย

    Hetupaccayo

    ๙๕. อสํกิลิฎฺฐสํกิเลสิกํ กุสลํ ธมฺมํ ปฎิจฺจ อสํกิลิฎฺฐสํกิเลสิโก กุสโล ธโมฺม อุปฺปชฺชติ เหตุปจฺจยาฯ

    95. Asaṃkiliṭṭhasaṃkilesikaṃ kusalaṃ dhammaṃ paṭicca asaṃkiliṭṭhasaṃkilesiko kusalo dhammo uppajjati hetupaccayā.

    อสํกิลิฎฺฐอสํกิเลสิกํ กุสลํ ธมฺมํ ปฎิจฺจ อสํกิลิฎฺฐอสํกิเลสิโก กุสโล ธโมฺม อุปฺปชฺชติ เหตุปจฺจยาฯ (สพฺพตฺถ เทฺวฯ)

    Asaṃkiliṭṭhaasaṃkilesikaṃ kusalaṃ dhammaṃ paṭicca asaṃkiliṭṭhaasaṃkilesiko kusalo dhammo uppajjati hetupaccayā. (Sabbattha dve.)

    สํกิลิฎฺฐสํกิเลสิกํ อกุสลํ ธมฺมํ ปฎิจฺจ สํกิลิฎฺฐสํกิเลสิโก อกุสโล ธโมฺม อุปฺปชฺชติ เหตุปจฺจยาฯ (สพฺพตฺถ เอกํฯ)

    Saṃkiliṭṭhasaṃkilesikaṃ akusalaṃ dhammaṃ paṭicca saṃkiliṭṭhasaṃkilesiko akusalo dhammo uppajjati hetupaccayā. (Sabbattha ekaṃ.)

    อสํกิลิฎฺฐสํกิเลสิกํ อพฺยากตํ ธมฺมํ ปฎิจฺจ อสํกิลิฎฺฐสํกิเลสิโก อพฺยากโต ธโมฺม อุปฺปชฺชติ เหตุปจฺจยาฯ (สํขิตฺตํฯ)

    Asaṃkiliṭṭhasaṃkilesikaṃ abyākataṃ dhammaṃ paṭicca asaṃkiliṭṭhasaṃkilesiko abyākato dhammo uppajjati hetupaccayā. (Saṃkhittaṃ.)

    เหตุยา ปญฺจฯ

    Hetuyā pañca.

    ๖-๑. วิตกฺกตฺติก-กุสลตฺติกํ

    6-1. Vitakkattika-kusalattikaṃ

    ๑-๗. ปฎิจฺจวาราทิ

    1-7. Paṭiccavārādi

    เหตุปจฺจโย

    Hetupaccayo

    ๙๖. สวิตกฺกสวิจารํ กุสลํ ธมฺมํ ปฎิจฺจ สวิตกฺกสวิจาโร กุสโล ธโมฺม อุปฺปชฺชติ เหตุปจฺจยา… ตีณิฯ

    96. Savitakkasavicāraṃ kusalaṃ dhammaṃ paṭicca savitakkasavicāro kusalo dhammo uppajjati hetupaccayā… tīṇi.

    อวิตกฺกวิจารมตฺตํ กุสลํ ธมฺมํ ปฎิจฺจ อวิตกฺกวิจารมโตฺต กุสโล ธโมฺม อุปฺปชฺชติ เหตุปจฺจยา… จตฺตาริฯ

    Avitakkavicāramattaṃ kusalaṃ dhammaṃ paṭicca avitakkavicāramatto kusalo dhammo uppajjati hetupaccayā… cattāri.

    อวิตกฺกอวิจารํ กุสลํ ธมฺมํ ปฎิจฺจ อวิตกฺกอวิจาโร กุสโล ธโมฺม อุปฺปชฺชติ เหตุปจฺจยาฯ (๑)

    Avitakkaavicāraṃ kusalaṃ dhammaṃ paṭicca avitakkaavicāro kusalo dhammo uppajjati hetupaccayā. (1)

    อวิตกฺกอวิจารํ กุสลํ ธมฺมํ ปฎิจฺจ อวิตกฺกวิจารมโตฺต กุสโล ธโมฺม อุปฺปชฺชติ เหตุปจฺจยาฯ (๑)

    Avitakkaavicāraṃ kusalaṃ dhammaṃ paṭicca avitakkavicāramatto kusalo dhammo uppajjati hetupaccayā. (1)

    อวิตกฺกวิจารมตฺตํ กุสลญฺจ อวิตกฺกอวิจารํ กุสลญฺจ ธมฺมํ…เป.… สวิตกฺกสวิจารํ กุสลญฺจ อวิตกฺกวิจารมตฺตํ กุสลญฺจ ธมฺมํ ปฎิจฺจ สวิตกฺกสวิจาโร กุสโล ธโมฺม อุปฺปชฺชติ เหตุปจฺจยาฯ (๑)

    Avitakkavicāramattaṃ kusalañca avitakkaavicāraṃ kusalañca dhammaṃ…pe… savitakkasavicāraṃ kusalañca avitakkavicāramattaṃ kusalañca dhammaṃ paṭicca savitakkasavicāro kusalo dhammo uppajjati hetupaccayā. (1)

    เหตุยา เอกาทสฯ

    Hetuyā ekādasa.

    ๙๗. สวิตกฺกสวิจารํ อกุสลํ ธมฺมํ ปฎิจฺจ สวิตกฺกสวิจาโร อกุสโล ธโมฺม อุปฺปชฺชติ เหตุปจฺจยา… ตีณิฯ

    97. Savitakkasavicāraṃ akusalaṃ dhammaṃ paṭicca savitakkasavicāro akusalo dhammo uppajjati hetupaccayā… tīṇi.

    อวิตกฺกวิจารมตฺตํ อกุสลํ ธมฺมํ ปฎิจฺจ สวิตกฺกสวิจาโร อกุสโล ธโมฺม อุปฺปชฺชติ เหตุปจฺจยาฯ (๑)

    Avitakkavicāramattaṃ akusalaṃ dhammaṃ paṭicca savitakkasavicāro akusalo dhammo uppajjati hetupaccayā. (1)

    สวิตกฺกสวิจารํ อกุสลญฺจ อวิตกฺกวิจารมตฺตํ อกุสลญฺจ ธมฺมํ ปฎิจฺจ สวิตกฺกสวิจาโร อกุสโล ธโมฺม อุปฺปชฺชติ เหตุปจฺจยาฯ (๑)

    Savitakkasavicāraṃ akusalañca avitakkavicāramattaṃ akusalañca dhammaṃ paṭicca savitakkasavicāro akusalo dhammo uppajjati hetupaccayā. (1)

    เหตุยา ปญฺจฯ

    Hetuyā pañca.

    ๙๘. สวิตกฺกสวิจารํ อพฺยากตํ ธมฺมํ ปฎิจฺจ สวิตกฺกสวิจาโร อพฺยากโต ธโมฺม อุปฺปชฺชติ เหตุปจฺจยาฯ

    98. Savitakkasavicāraṃ abyākataṃ dhammaṃ paṭicca savitakkasavicāro abyākato dhammo uppajjati hetupaccayā.

    เหตุยา สตฺตติํสฯ

    Hetuyā sattatiṃsa.

    ๗-๑. ปีติตฺติก-กุสลตฺติกํ

    7-1. Pītittika-kusalattikaṃ

    ๑-๗. ปฎิจฺจวาราทิ

    1-7. Paṭiccavārādi

    เหตุปจฺจโย

    Hetupaccayo

    ๙๙. ปีติสหคตํ กุสลํ ธมฺมํ ปฎิจฺจ ปีติสหคโต กุสโล ธโมฺม อุปฺปชฺชติ เหตุปจฺจยา… ตีณิฯ

    99. Pītisahagataṃ kusalaṃ dhammaṃ paṭicca pītisahagato kusalo dhammo uppajjati hetupaccayā… tīṇi.

    สุขสหคตํ กุสลํ ธมฺมํ ปฎิจฺจ สุขสหคโต กุสโล ธโมฺม อุปฺปชฺชติ เหตุปจฺจยา… ตีณิฯ

    Sukhasahagataṃ kusalaṃ dhammaṃ paṭicca sukhasahagato kusalo dhammo uppajjati hetupaccayā… tīṇi.

    อุเปกฺขาสหคตํ กุสลํ ธมฺมํ ปฎิจฺจ อุเปกฺขาสหคโต กุสโล ธโมฺม อุปฺปชฺชติ เหตุปจฺจยาฯ (๑)

    Upekkhāsahagataṃ kusalaṃ dhammaṃ paṭicca upekkhāsahagato kusalo dhammo uppajjati hetupaccayā. (1)

    ปีติสหคตํ กุสลญฺจ สุขสหคตํ กุสลญฺจ ธมฺมํ ปฎิจฺจ ปีติสหคโต กุสโล ธโมฺม อุปฺปชฺชติ เหตุปจฺจยา… ตีณิฯ (สพฺพตฺถ ทสฯ สพฺพตฺถ วิตฺถาโรฯ)

    Pītisahagataṃ kusalañca sukhasahagataṃ kusalañca dhammaṃ paṭicca pītisahagato kusalo dhammo uppajjati hetupaccayā… tīṇi. (Sabbattha dasa. Sabbattha vitthāro.)

    ๑๐๐. ปีติสหคตํ อกุสลํ ธมฺมํ ปฎิจฺจ ปีติสหคโต อกุสโล ธโมฺม อุปฺปชฺชติ เหตุปจฺจยา… ตีณิฯ

    100. Pītisahagataṃ akusalaṃ dhammaṃ paṭicca pītisahagato akusalo dhammo uppajjati hetupaccayā… tīṇi.

    สุขสหคตํ อกุสลํ ธมฺมํ ปฎิจฺจ สุขสหคโต อกุสโล ธโมฺม อุปฺปชฺชติ เหตุปจฺจยา… ตีณิฯ

    Sukhasahagataṃ akusalaṃ dhammaṃ paṭicca sukhasahagato akusalo dhammo uppajjati hetupaccayā… tīṇi.

    อุเปกฺขาสหคตํ อกุสลํ ธมฺมํ ปฎิจฺจ อุเปกฺขาสหคโต อกุสโล ธโมฺม อุปฺปชฺชติ เหตุปจฺจยาฯ (๑)

    Upekkhāsahagataṃ akusalaṃ dhammaṃ paṭicca upekkhāsahagato akusalo dhammo uppajjati hetupaccayā. (1)

    ปีติสหคตํ อกุสลญฺจ สุขสหคตํ อกุสลญฺจ ธมฺมํ ปฎิจฺจ ปีติสหคโต อกุสโล ธโมฺม อุปฺปชฺชติ เหตุปจฺจยา… ตีณิฯ (สพฺพตฺถ ทสฯ สพฺพตฺถ วิตฺถาโรฯ)

    Pītisahagataṃ akusalañca sukhasahagataṃ akusalañca dhammaṃ paṭicca pītisahagato akusalo dhammo uppajjati hetupaccayā… tīṇi. (Sabbattha dasa. Sabbattha vitthāro.)

    ๑๐๑. ปีติสหคตํ อพฺยากตํ ธมฺมํ ปฎิจฺจ ปีติสหคโต อพฺยากโต ธโมฺม อุปฺปชฺชติ เหตุปจฺจยา… ตีณิฯ

    101. Pītisahagataṃ abyākataṃ dhammaṃ paṭicca pītisahagato abyākato dhammo uppajjati hetupaccayā… tīṇi.

    สุขสหคตํ อพฺยากตํ ธมฺมํ ปฎิจฺจ สุขสหคโต อพฺยากโต ธโมฺม อุปฺปชฺชติ เหตุปจฺจยา… ตีณิฯ

    Sukhasahagataṃ abyākataṃ dhammaṃ paṭicca sukhasahagato abyākato dhammo uppajjati hetupaccayā… tīṇi.

    อุเปกฺขาสหคตํ อพฺยากตํ ธมฺมํ ปฎิจฺจ อุเปกฺขาสหคโต อพฺยากโต ธโมฺม อุปฺปชฺชติ เหตุปจฺจยาฯ (๑)

    Upekkhāsahagataṃ abyākataṃ dhammaṃ paṭicca upekkhāsahagato abyākato dhammo uppajjati hetupaccayā. (1)

    ปีติสหคตํ อพฺยากตญฺจ สุขสหคตํ อพฺยากตญฺจ ธมฺมํ ปฎิจฺจ ปีติสหคโต อพฺยากโต ธโมฺม อุปฺปชฺชติ เหตุปจฺจยา… ตีณิฯ (สพฺพตฺถ ทสฯ สพฺพตฺถ วิตฺถาโรฯ)

    Pītisahagataṃ abyākatañca sukhasahagataṃ abyākatañca dhammaṃ paṭicca pītisahagato abyākato dhammo uppajjati hetupaccayā… tīṇi. (Sabbattha dasa. Sabbattha vitthāro.)

    ๘-๑. ทสฺสนตฺติก-กุสลตฺติกํ

    8-1. Dassanattika-kusalattikaṃ

    ๑-๗. ปฎิจฺจวาราทิ

    1-7. Paṭiccavārādi

    เหตุปจฺจโย

    Hetupaccayo

    ๑๐๒. เนวทสฺสเนน นภาวนาย ปหาตพฺพํ กุสลํ ธมฺมํ ปฎิจฺจ เนวทสฺสเนน นภาวนาย ปหาตโพฺพ กุสโล ธโมฺม อุปฺปชฺชติ เหตุปจฺจยาฯ (สพฺพตฺถ เอกํฯ)

    102. Nevadassanena nabhāvanāya pahātabbaṃ kusalaṃ dhammaṃ paṭicca nevadassanena nabhāvanāya pahātabbo kusalo dhammo uppajjati hetupaccayā. (Sabbattha ekaṃ.)

    ๑๐๓. ทสฺสเนน ปหาตพฺพํ อกุสลํ ธมฺมํ ปฎิจฺจ ทสฺสเนน ปหาตโพฺพ อกุสโล ธโมฺม อุปฺปชฺชติ เหตุปจฺจยาฯ (๑)

    103. Dassanena pahātabbaṃ akusalaṃ dhammaṃ paṭicca dassanena pahātabbo akusalo dhammo uppajjati hetupaccayā. (1)

    ภาวนาย ปหาตพฺพํ อกุสลํ ธมฺมํ ปฎิจฺจ ภาวนาย ปหาตโพฺพ อกุสโล ธโมฺม อุปฺปชฺชติ เหตุปจฺจยาฯ (๑) (สพฺพตฺถ เทฺวฯ สพฺพตฺถ วิตฺถาโรฯ)

    Bhāvanāya pahātabbaṃ akusalaṃ dhammaṃ paṭicca bhāvanāya pahātabbo akusalo dhammo uppajjati hetupaccayā. (1) (Sabbattha dve. Sabbattha vitthāro.)

    ๑๐๔. เนวทสฺสเนน นภาวนาย ปหาตพฺพํ อพฺยากตํ ธมฺมํ ปฎิจฺจ เนวทสฺสเนน นภาวนาย ปหาตโพฺพ อพฺยากโต ธโมฺม อุปฺปชฺชติ เหตุปจฺจยาฯ (สพฺพตฺถ เอกํฯ)

    104. Nevadassanena nabhāvanāya pahātabbaṃ abyākataṃ dhammaṃ paṭicca nevadassanena nabhāvanāya pahātabbo abyākato dhammo uppajjati hetupaccayā. (Sabbattha ekaṃ.)

    ๙-๑. ทสฺสนเหตุตฺติก-กุสลตฺติกํ

    9-1. Dassanahetuttika-kusalattikaṃ

    ๑-๗. ปฎิจฺจวาราทิ

    1-7. Paṭiccavārādi

    เหตุปจฺจโย

    Hetupaccayo

    ๑๐๕. เนวทสฺสเนน นภาวนาย ปหาตพฺพเหตุกํ กุสลํ ธมฺมํ ปฎิจฺจ เนวทสฺสเนน นภาวนาย ปหาตพฺพเหตุโก กุสโล ธโมฺม อุปฺปชฺชติ เหตุปจฺจยาฯ (สพฺพตฺถ เอกํฯ สพฺพตฺถ วิตฺถาโรฯ)

    105. Nevadassanena nabhāvanāya pahātabbahetukaṃ kusalaṃ dhammaṃ paṭicca nevadassanena nabhāvanāya pahātabbahetuko kusalo dhammo uppajjati hetupaccayā. (Sabbattha ekaṃ. Sabbattha vitthāro.)

    ๑๐๖. ทสฺสเนน ปหาตพฺพเหตุกํ อกุสลํ ธมฺมํ ปฎิจฺจ ทสฺสเนน ปหาตพฺพเหตุโก อกุสโล ธโมฺม อุปฺปชฺชติ เหตุปจฺจยาฯ

    106. Dassanena pahātabbahetukaṃ akusalaṃ dhammaṃ paṭicca dassanena pahātabbahetuko akusalo dhammo uppajjati hetupaccayā.

    ภาวนาย ปหาตพฺพเหตุกํ อกุสลํ ธมฺมํ ปฎิจฺจ ภาวนาย ปหาตพฺพเหตุโก อกุสโล ธโมฺม อุปฺปชฺชติ เหตุปจฺจยาฯ (สํขิตฺตํฯ)

    Bhāvanāya pahātabbahetukaṃ akusalaṃ dhammaṃ paṭicca bhāvanāya pahātabbahetuko akusalo dhammo uppajjati hetupaccayā. (Saṃkhittaṃ.)

    เหตุยา ฉ, อารมฺมเณ ทส, อธิปติยา เทฺว…เป.… อวิคเต ทสฯ (สพฺพตฺถ วิตฺถาโรฯ)

    Hetuyā cha, ārammaṇe dasa, adhipatiyā dve…pe… avigate dasa. (Sabbattha vitthāro.)

    ๑๐๗. เนวทสฺสเนน นภาวนาย ปหาตพฺพเหตุกํ อพฺยากตํ ธมฺมํ ปฎิจฺจ เนวทสฺสเนน นภาวนาย ปหาตพฺพเหตุโก อพฺยากโต ธโมฺม อุปฺปชฺชติ เหตุปจฺจยาฯ (สพฺพตฺถ เอกํฯ)

    107. Nevadassanena nabhāvanāya pahātabbahetukaṃ abyākataṃ dhammaṃ paṭicca nevadassanena nabhāvanāya pahātabbahetuko abyākato dhammo uppajjati hetupaccayā. (Sabbattha ekaṃ.)

    ๑๐-๑. อาจยคามิตฺติก-กุสลตฺติกํ

    10-1. Ācayagāmittika-kusalattikaṃ

    ๑-๗. ปฎิจฺจวาราทิ

    1-7. Paṭiccavārādi

    เหตุปจฺจโย

    Hetupaccayo

    ๑๐๘. อาจยคามิํ กุสลํ ธมฺมํ ปฎิจฺจ อาจยคามี กุสโล ธโมฺม อุปฺปชฺชติ เหตุปจฺจยาฯ (๑)

    108. Ācayagāmiṃ kusalaṃ dhammaṃ paṭicca ācayagāmī kusalo dhammo uppajjati hetupaccayā. (1)

    อปจยคามิํ กุสลํ ธมฺมํ ปฎิจฺจ อปจยคามี กุสโล ธโมฺม อุปฺปชฺชติ เหตุปจฺจยาฯ (๑) (สพฺพตฺถ เทฺวฯ สพฺพตฺถ วิตฺถาโรฯ)

    Apacayagāmiṃ kusalaṃ dhammaṃ paṭicca apacayagāmī kusalo dhammo uppajjati hetupaccayā. (1) (Sabbattha dve. Sabbattha vitthāro.)

    อาจยคามิํ อกุสลํ ธมฺมํ ปฎิจฺจ อาจยคามี อกุสโล ธโมฺม อุปฺปชฺชติ เหตุปจฺจยาฯ (สพฺพตฺถ เอกํฯ)

    Ācayagāmiṃ akusalaṃ dhammaṃ paṭicca ācayagāmī akusalo dhammo uppajjati hetupaccayā. (Sabbattha ekaṃ.)

    เนวาจยคามินาปจยคามิํ อพฺยากตํ ธมฺมํ ปฎิจฺจ เนวาจยคามินาปจยคามี อพฺยากโต ธโมฺม อุปฺปชฺชติ เหตุปจฺจยาฯ (สพฺพตฺถ เอกํฯ)

    Nevācayagāmināpacayagāmiṃ abyākataṃ dhammaṃ paṭicca nevācayagāmināpacayagāmī abyākato dhammo uppajjati hetupaccayā. (Sabbattha ekaṃ.)

    ๑๑-๑. เสกฺขตฺติก-กุสลตฺติกํ

    11-1. Sekkhattika-kusalattikaṃ

    ๑-๗. ปฎิจฺจวาราทิ

    1-7. Paṭiccavārādi

    เหตุปจฺจโย

    Hetupaccayo

    ๑๐๙. เสกฺขํ กุสลํ ธมฺมํ ปฎิจฺจ เสโกฺข กุสโล ธโมฺม อุปฺปชฺชติ เหตุปจฺจยาฯ (๑)

    109. Sekkhaṃ kusalaṃ dhammaṃ paṭicca sekkho kusalo dhammo uppajjati hetupaccayā. (1)

    เนวเสกฺขนาเสกฺขํ กุสลํ ธมฺมํ ปฎิจฺจ เนวเสกฺขนาเสโกฺข กุสโล ธโมฺม อุปฺปชฺชติ เหตุปจฺจยาฯ (๑) (สพฺพตฺถ เทฺวฯ สพฺพตฺถ วิตฺถาโรฯ)

    Nevasekkhanāsekkhaṃ kusalaṃ dhammaṃ paṭicca nevasekkhanāsekkho kusalo dhammo uppajjati hetupaccayā. (1) (Sabbattha dve. Sabbattha vitthāro.)

    เนวเสกฺขนาเสกฺขํ อกุสลํ ธมฺมํ ปฎิจฺจ เนวเสกฺขนาเสโกฺข อกุสโล ธโมฺม อุปฺปชฺชติ เหตุปจฺจยาฯ (สพฺพตฺถ เอกํฯ)

    Nevasekkhanāsekkhaṃ akusalaṃ dhammaṃ paṭicca nevasekkhanāsekkho akusalo dhammo uppajjati hetupaccayā. (Sabbattha ekaṃ.)

    เสกฺขํ อพฺยากตํ ธมฺมํ ปฎิจฺจ เสโกฺข อพฺยากโต ธโมฺม อุปฺปชฺชติ เหตุปจฺจยาฯ (สํขิตฺตํฯ)

    Sekkhaṃ abyākataṃ dhammaṃ paṭicca sekkho abyākato dhammo uppajjati hetupaccayā. (Saṃkhittaṃ.)

    เหตุยา นวฯ (สพฺพตฺถ วิตฺถาเรตพฺพํฯ)

    Hetuyā nava. (Sabbattha vitthāretabbaṃ.)

    ๑๒-๑. ปริตฺตตฺติก-กุสลตฺติกํ

    12-1. Parittattika-kusalattikaṃ

    ๑-๗. ปฎิจฺจวาราทิ

    1-7. Paṭiccavārādi

    เหตุปจฺจโย

    Hetupaccayo

    ๑๑๐. ปริตฺตํ กุสลํ ธมฺมํ ปฎิจฺจ ปริโตฺต กุสโล ธโมฺม อุปฺปชฺชติ เหตุปจฺจยาฯ (๑)

    110. Parittaṃ kusalaṃ dhammaṃ paṭicca paritto kusalo dhammo uppajjati hetupaccayā. (1)

    มหคฺคตํ กุสลํ ธมฺมํ ปฎิจฺจ มหคฺคโต กุสโล ธโมฺม อุปฺปชฺชติ เหตุปจฺจยาฯ (๑)

    Mahaggataṃ kusalaṃ dhammaṃ paṭicca mahaggato kusalo dhammo uppajjati hetupaccayā. (1)

    อปฺปมาณํ กุสลํ ธมฺมํ ปฎิจฺจ อปฺปมาโณ กุสโล ธโมฺม อุปฺปชฺชติ เหตุปจฺจยาฯ (๑) (สพฺพตฺถ ตีณิฯ สพฺพตฺถ วิตฺถาโรฯ)

    Appamāṇaṃ kusalaṃ dhammaṃ paṭicca appamāṇo kusalo dhammo uppajjati hetupaccayā. (1) (Sabbattha tīṇi. Sabbattha vitthāro.)

    ๑๑๑. ปริตฺตํ อกุสลํ ธมฺมํ ปฎิจฺจ ปริโตฺต อกุสโล ธโมฺม อุปฺปชฺชติ เหตุปจฺจยาฯ (สพฺพตฺถ เอกํฯ)

    111. Parittaṃ akusalaṃ dhammaṃ paṭicca paritto akusalo dhammo uppajjati hetupaccayā. (Sabbattha ekaṃ.)

    ปริตฺตํ อพฺยากตํ ธมฺมํ ปฎิจฺจ ปริโตฺต อพฺยากโต ธโมฺม อุปฺปชฺชติ เหตุปจฺจยา… ตีณิฯ

    Parittaṃ abyākataṃ dhammaṃ paṭicca paritto abyākato dhammo uppajjati hetupaccayā… tīṇi.

    มหคฺคตํ อพฺยากตํ ธมฺมํ ปฎิจฺจ มหคฺคโต อพฺยากโต ธโมฺม อุปฺปชฺชติ เหตุปจฺจยา… ตีณิฯ

    Mahaggataṃ abyākataṃ dhammaṃ paṭicca mahaggato abyākato dhammo uppajjati hetupaccayā… tīṇi.

    อปฺปมาณํ อพฺยากตํ ธมฺมํ ปฎิจฺจ อปฺปมาโณ อพฺยากโต ธโมฺม อุปฺปชฺชติ เหตุปจฺจยาฯ (สํขิตฺตํฯ)

    Appamāṇaṃ abyākataṃ dhammaṃ paṭicca appamāṇo abyākato dhammo uppajjati hetupaccayā. (Saṃkhittaṃ.)

    เหตุยา เตรสฯ

    Hetuyā terasa.

    ๑๓-๑. ปริตฺตารมฺมณตฺติก-กุสลตฺติกํ

    13-1. Parittārammaṇattika-kusalattikaṃ

    ๑-๗. ปฎิจฺจวาราทิ

    1-7. Paṭiccavārādi

    เหตุปจฺจโย

    Hetupaccayo

    ๑๑๒. ปริตฺตารมฺมณํ กุสลํ ธมฺมํ ปฎิจฺจ ปริตฺตารมฺมโณ กุสโล ธโมฺม อุปฺปชฺชติ เหตุปจฺจยาฯ (๑)

    112. Parittārammaṇaṃ kusalaṃ dhammaṃ paṭicca parittārammaṇo kusalo dhammo uppajjati hetupaccayā. (1)

    มหคฺคตารมฺมณํ กุสลํ ธมฺมํ ปฎิจฺจ มหคฺคตารมฺมโณ กุสโล ธโมฺม อุปฺปชฺชติ เหตุปจฺจยาฯ (๑)

    Mahaggatārammaṇaṃ kusalaṃ dhammaṃ paṭicca mahaggatārammaṇo kusalo dhammo uppajjati hetupaccayā. (1)

    อปฺปมาณารมฺมณํ กุสลํ ธมฺมํ ปฎิจฺจ อปฺปมาณารมฺมโณ กุสโล ธโมฺม อุปฺปชฺชติ เหตุปจฺจยาฯ (๑) (สพฺพตฺถ ตีณิฯ สพฺพตฺถ วิตฺถาโรฯ)

    Appamāṇārammaṇaṃ kusalaṃ dhammaṃ paṭicca appamāṇārammaṇo kusalo dhammo uppajjati hetupaccayā. (1) (Sabbattha tīṇi. Sabbattha vitthāro.)

    ๑๑๓. ปริตฺตารมฺมณํ อกุสลํ ธมฺมํ ปฎิจฺจ ปริตฺตารมฺมโณ อกุสโล ธโมฺม อุปฺปชฺชติ เหตุปจฺจยาฯ (๑)

    113. Parittārammaṇaṃ akusalaṃ dhammaṃ paṭicca parittārammaṇo akusalo dhammo uppajjati hetupaccayā. (1)

    มหคฺคตารมฺมณํ อกุสลํ ธมฺมํ ปฎิจฺจ มหคฺคตารมฺมโณ อกุสโล ธโมฺม อุปฺปชฺชติ เหตุปจฺจยาฯ (๑) (สพฺพตฺถ เทฺวฯ สพฺพตฺถ วิตฺถาโรฯ)

    Mahaggatārammaṇaṃ akusalaṃ dhammaṃ paṭicca mahaggatārammaṇo akusalo dhammo uppajjati hetupaccayā. (1) (Sabbattha dve. Sabbattha vitthāro.)

    ๑๑๔. ปริตฺตารมฺมณํ อพฺยากตํ ธมฺมํ ปฎิจฺจ ปริตฺตารมฺมโณ อพฺยากโต ธโมฺม อุปฺปชฺชติ เหตุปจฺจยาฯ (๑)

    114. Parittārammaṇaṃ abyākataṃ dhammaṃ paṭicca parittārammaṇo abyākato dhammo uppajjati hetupaccayā. (1)

    มหคฺคตารมฺมณํ อพฺยากตํ ธมฺมํ ปฎิจฺจ มหคฺคตารมฺมโณ อพฺยากโต ธโมฺม อุปฺปชฺชติ เหตุปจฺจยาฯ (๑)

    Mahaggatārammaṇaṃ abyākataṃ dhammaṃ paṭicca mahaggatārammaṇo abyākato dhammo uppajjati hetupaccayā. (1)

    อปฺปมาณารมฺมณํ อพฺยากตํ ธมฺมํ ปฎิจฺจ อปฺปมาณารมฺมโณ อพฺยากโต ธโมฺม อุปฺปชฺชติ เหตุปจฺจยาฯ (๑) (สพฺพตฺถ ตีณิฯ สพฺพตฺถ วิตฺถาโรฯ)

    Appamāṇārammaṇaṃ abyākataṃ dhammaṃ paṭicca appamāṇārammaṇo abyākato dhammo uppajjati hetupaccayā. (1) (Sabbattha tīṇi. Sabbattha vitthāro.)

    ๑๔-๑. หีนตฺติก-กุสลตฺติกํ

    14-1. Hīnattika-kusalattikaṃ

    ๑-๗. ปฎิจฺจวาราทิ

    1-7. Paṭiccavārādi

    เหตุปจฺจโย

    Hetupaccayo

    ๑๑๕. มชฺฌิมํ กุสลํ ธมฺมํ ปฎิจฺจ มชฺฌิโม กุสโล ธโมฺม อุปฺปชฺชติ เหตุปจฺจยาฯ (๑)

    115. Majjhimaṃ kusalaṃ dhammaṃ paṭicca majjhimo kusalo dhammo uppajjati hetupaccayā. (1)

    ปณีตํ กุสลํ ธมฺมํ ปฎิจฺจ ปณีโต กุสโล ธโมฺม อุปฺปชฺชติ เหตุปจฺจยาฯ (๑) (สพฺพตฺถ เทฺว, สพฺพตฺถ วิตฺถาโรฯ)

    Paṇītaṃ kusalaṃ dhammaṃ paṭicca paṇīto kusalo dhammo uppajjati hetupaccayā. (1) (Sabbattha dve, sabbattha vitthāro.)

    ๑๑๖. หีนํ อกุสลํ ธมฺมํ ปฎิจฺจ หีโน อกุสโล ธโมฺม อุปฺปชฺชติ เหตุปจฺจยาฯ (สพฺพตฺถ เอกํฯ)

    116. Hīnaṃ akusalaṃ dhammaṃ paṭicca hīno akusalo dhammo uppajjati hetupaccayā. (Sabbattha ekaṃ.)

    ๑๑๗. มชฺฌิมํ อพฺยากตํ ธมฺมํ ปฎิจฺจ มชฺฌิโม อพฺยากโต ธโมฺม อุปฺปชฺชติ เหตุปจฺจยาฯ (๑)

    117. Majjhimaṃ abyākataṃ dhammaṃ paṭicca majjhimo abyākato dhammo uppajjati hetupaccayā. (1)

    ปณีตํ อพฺยากตํ ธมฺมํ ปฎิจฺจ ปณีโต อพฺยากโต ธโมฺม อุปฺปชฺชติ เหตุปจฺจยา… ตีณิฯ

    Paṇītaṃ abyākataṃ dhammaṃ paṭicca paṇīto abyākato dhammo uppajjati hetupaccayā… tīṇi.

    มชฺฌิมํ อพฺยากตญฺจ ปณีตํ อพฺยากตญฺจ ธมฺมํ ปฎิจฺจ มชฺฌิโม อพฺยากโต ธโมฺม อุปฺปชฺชติ เหตุปจฺจยาฯ (๑) (สํขิตฺตํฯ)

    Majjhimaṃ abyākatañca paṇītaṃ abyākatañca dhammaṃ paṭicca majjhimo abyākato dhammo uppajjati hetupaccayā. (1) (Saṃkhittaṃ.)

    เหตุยา ปญฺจฯ (สพฺพตฺถ วิตฺถาโรฯ)

    Hetuyā pañca. (Sabbattha vitthāro.)

    ๑๕-๑. มิจฺฉตฺตตฺติก-กุสลตฺติกํ

    15-1. Micchattattika-kusalattikaṃ

    ๑-๗. ปฎิจฺจวาราทิ

    1-7. Paṭiccavārādi

    เหตุปจฺจโย

    Hetupaccayo

    ๑๑๘. สมฺมตฺตนิยตํ กุสลํ ธมฺมํ ปฎิจฺจ สมฺมตฺตนิยโต กุสโล ธโมฺม อุปฺปชฺชติ เหตุปจฺจยาฯ (๑)

    118. Sammattaniyataṃ kusalaṃ dhammaṃ paṭicca sammattaniyato kusalo dhammo uppajjati hetupaccayā. (1)

    อนิยตํ กุสลํ ธมฺมํ ปฎิจฺจ อนิยโต กุสโล ธโมฺม อุปฺปชฺชติ เหตุปจฺจยาฯ (๑) (สพฺพตฺถ เทฺวฯ สพฺพตฺถ วิตฺถาโรฯ)

    Aniyataṃ kusalaṃ dhammaṃ paṭicca aniyato kusalo dhammo uppajjati hetupaccayā. (1) (Sabbattha dve. Sabbattha vitthāro.)

    ๑๑๙. มิจฺฉตฺตนิยตํ อกุสลํ ธมฺมํ ปฎิจฺจ มิจฺฉตฺตนิยโต อกุสโล ธโมฺม อุปฺปชฺชติ เหตุปจฺจยาฯ (๑)

    119. Micchattaniyataṃ akusalaṃ dhammaṃ paṭicca micchattaniyato akusalo dhammo uppajjati hetupaccayā. (1)

    อนิยตํ อกุสลํ ธมฺมํ ปฎิจฺจ อนิยโต อกุสโล ธโมฺม อุปฺปชฺชติ เหตุปจฺจยาฯ (๑) (สพฺพตฺถ เทฺวฯ สพฺพตฺถ วิตฺถาโรฯ)

    Aniyataṃ akusalaṃ dhammaṃ paṭicca aniyato akusalo dhammo uppajjati hetupaccayā. (1) (Sabbattha dve. Sabbattha vitthāro.)

    อนิยตํ อพฺยากตํ ธมฺมํ ปฎิจฺจ อนิยโต อพฺยากโต ธโมฺม อุปฺปชฺชติ เหตุปจฺจยาฯ (สพฺพตฺถ เอกํฯ)

    Aniyataṃ abyākataṃ dhammaṃ paṭicca aniyato abyākato dhammo uppajjati hetupaccayā. (Sabbattha ekaṃ.)

    ๑๖-๑. มคฺคารมฺมณตฺติก-กุสลตฺติกํ

    16-1. Maggārammaṇattika-kusalattikaṃ

    ๑-๗. ปฎิจฺจวาราทิ

    1-7. Paṭiccavārādi

    เหตุปจฺจโย

    Hetupaccayo

    ๑๒๐. มคฺคารมฺมณํ กุสลํ ธมฺมํ ปฎิจฺจ มคฺคารมฺมโณ กุสโล ธโมฺม อุปฺปชฺชติ เหตุปจฺจยา… ตีณิฯ

    120. Maggārammaṇaṃ kusalaṃ dhammaṃ paṭicca maggārammaṇo kusalo dhammo uppajjati hetupaccayā… tīṇi.

    มคฺคเหตุกํ กุสลํ ธมฺมํ ปฎิจฺจ มคฺคเหตุโก กุสโล ธโมฺม อุปฺปชฺชติ เหตุปจฺจยา… ตีณิฯ

    Maggahetukaṃ kusalaṃ dhammaṃ paṭicca maggahetuko kusalo dhammo uppajjati hetupaccayā… tīṇi.

    มคฺคาธิปติํ กุสลํ ธมฺมํ ปฎิจฺจ มคฺคาธิปติ กุสโล ธโมฺม อุปฺปชฺชติ เหตุปจฺจยา… ปญฺจฯ

    Maggādhipatiṃ kusalaṃ dhammaṃ paṭicca maggādhipati kusalo dhammo uppajjati hetupaccayā… pañca.

    มคฺคารมฺมณํ กุสลญฺจ มคฺคาธิปติํ กุสลญฺจ ธมฺมํ ปฎิจฺจ มคฺคารมฺมโณ กุสโล ธโมฺม อุปฺปชฺชติ เหตุปจฺจยา… ตีณิฯ

    Maggārammaṇaṃ kusalañca maggādhipatiṃ kusalañca dhammaṃ paṭicca maggārammaṇo kusalo dhammo uppajjati hetupaccayā… tīṇi.

    มคฺคเหตุกํ กุสลญฺจ มคฺคาธิปติํ กุสลญฺจ ธมฺมํ ปฎิจฺจ มคฺคเหตุโก กุสโล ธโมฺม อุปฺปชฺชติ เหตุปจฺจยา… ตีณิฯ (สํขิตฺตํฯ)

    Maggahetukaṃ kusalañca maggādhipatiṃ kusalañca dhammaṃ paṭicca maggahetuko kusalo dhammo uppajjati hetupaccayā… tīṇi. (Saṃkhittaṃ.)

    เหตุยา สตฺตรส…เป.… อวิคเต สตฺตรสฯ (สํขิตฺตํฯ)

    Hetuyā sattarasa…pe… avigate sattarasa. (Saṃkhittaṃ.)

    ๑๒๑. มคฺคารมฺมณํ อพฺยากตํ ธมฺมํ ปฎิจฺจ มคฺคารมฺมโณ อพฺยากโต ธโมฺม อุปฺปชฺชติ เหตุปจฺจยา… ตีณิฯ

    121. Maggārammaṇaṃ abyākataṃ dhammaṃ paṭicca maggārammaṇo abyākato dhammo uppajjati hetupaccayā… tīṇi.

    มคฺคาธิปติํ อพฺยากตํ ธมฺมํ ปฎิจฺจ มคฺคาธิปติ อพฺยากโต ธโมฺม อุปฺปชฺชติ เหตุปจฺจยา… ตีณิฯ

    Maggādhipatiṃ abyākataṃ dhammaṃ paṭicca maggādhipati abyākato dhammo uppajjati hetupaccayā… tīṇi.

    (สพฺพตฺถ วิตฺถาโรฯ)

    (Sabbattha vitthāro.)

    ๑๗-๑. อุปฺปนฺนตฺติก-กุสลตฺติกํ

    17-1. Uppannattika-kusalattikaṃ

    ๗. ปญฺหาวาโร

    7. Pañhāvāro

    เหตุปจฺจโย

    Hetupaccayo

    ๑๒๒. อุปฺปโนฺน กุสโล ธโมฺม อุปฺปนฺนสฺส กุสลสฺส ธมฺมสฺส เหตุปจฺจเยน ปจฺจโยฯ (สพฺพตฺถ เอกํฯ สพฺพตฺถ วิตฺถาโรฯ)

    122. Uppanno kusalo dhammo uppannassa kusalassa dhammassa hetupaccayena paccayo. (Sabbattha ekaṃ. Sabbattha vitthāro.)

    อุปฺปโนฺน อกุสโล ธโมฺม อุปฺปนฺนสฺส อกุสลสฺส ธมฺมสฺส เหตุปจฺจเยน ปจฺจโยฯ (สพฺพตฺถ เอกํฯ สพฺพตฺถ วิตฺถาโรฯ)

    Uppanno akusalo dhammo uppannassa akusalassa dhammassa hetupaccayena paccayo. (Sabbattha ekaṃ. Sabbattha vitthāro.)

    อุปฺปโนฺน อพฺยากโต ธโมฺม อุปฺปนฺนสฺส อพฺยากตสฺส ธมฺมสฺส เหตุปจฺจเยน ปจฺจโยฯ (สํขิตฺตํฯ)

    Uppanno abyākato dhammo uppannassa abyākatassa dhammassa hetupaccayena paccayo. (Saṃkhittaṃ.)

    เหตุยา เอกํ, อารมฺมเณ ตีณิ…เป.… อุปนิสฺสเย ตีณิ…เป.… อวิคเต เอกํฯ (สพฺพตฺถ วิตฺถาโรฯ)

    Hetuyā ekaṃ, ārammaṇe tīṇi…pe… upanissaye tīṇi…pe… avigate ekaṃ. (Sabbattha vitthāro.)

    ๑๘-๑. อตีตตฺติก-กุสลตฺติกํ

    18-1. Atītattika-kusalattikaṃ

    ๗. ปญฺหาวาโร

    7. Pañhāvāro

    เหตุปจฺจโย

    Hetupaccayo

    ๑๒๓. ปจฺจุปฺปโนฺน กุสโล ธโมฺม ปจฺจุปฺปนฺนสฺส กุสลสฺส ธมฺมสฺส เหตุปจฺจเยน ปจฺจโยฯ (สพฺพตฺถ เอกํฯ)

    123. Paccuppanno kusalo dhammo paccuppannassa kusalassa dhammassa hetupaccayena paccayo. (Sabbattha ekaṃ.)

    ปจฺจุปฺปโนฺน อกุสโล ธโมฺม ปจฺจุปฺปนฺนสฺส อกุสลสฺส ธมฺมสฺส เหตุปจฺจเยน ปจฺจโยฯ (สพฺพตฺถ เอกํฯ สพฺพตฺถ วิตฺถาโรฯ)

    Paccuppanno akusalo dhammo paccuppannassa akusalassa dhammassa hetupaccayena paccayo. (Sabbattha ekaṃ. Sabbattha vitthāro.)

    ปจฺจุปฺปโนฺน อพฺยากโต ธโมฺม ปจฺจุปฺปนฺนสฺส อพฺยากตสฺส ธมฺมสฺส เหตุปจฺจเยน ปจฺจโยฯ

    Paccuppanno abyākato dhammo paccuppannassa abyākatassa dhammassa hetupaccayena paccayo.

    เหตุยา เอกํฯ (สพฺพตฺถ วิตฺถาโรฯ)

    Hetuyā ekaṃ. (Sabbattha vitthāro.)

    ๑๙-๑. อตีตารมฺมณตฺติก-กุสลตฺติกํ

    19-1. Atītārammaṇattika-kusalattikaṃ

    ๑-๗. ปฎิจฺจวาราทิ

    1-7. Paṭiccavārādi

    เหตุปจฺจโย

    Hetupaccayo

    ๑๒๔. อตีตารมฺมณํ กุสลํ ธมฺมํ ปฎิจฺจ อตีตารมฺมโณ กุสโล ธโมฺม อุปฺปชฺชติ เหตุปจฺจยาฯ (๑)

    124. Atītārammaṇaṃ kusalaṃ dhammaṃ paṭicca atītārammaṇo kusalo dhammo uppajjati hetupaccayā. (1)

    อนาคตารมฺมณํ กุสลํ ธมฺมํ ปฎิจฺจ อนาคตารมฺมโณ กุสโล ธโมฺม อุปฺปชฺชติ เหตุปจฺจยาฯ (๑)

    Anāgatārammaṇaṃ kusalaṃ dhammaṃ paṭicca anāgatārammaṇo kusalo dhammo uppajjati hetupaccayā. (1)

    ปจฺจุปฺปนฺนารมฺมณํ กุสลํ ธมฺมํ ปฎิจฺจ ปจฺจุปฺปนฺนารมฺมโณ กุสโล ธโมฺม อุปฺปชฺชติ เหตุปจฺจยาฯ (๑) (สพฺพตฺถ ตีณิฯ สพฺพตฺถ วิตฺถาโรฯ)

    Paccuppannārammaṇaṃ kusalaṃ dhammaṃ paṭicca paccuppannārammaṇo kusalo dhammo uppajjati hetupaccayā. (1) (Sabbattha tīṇi. Sabbattha vitthāro.)

    ๑๒๕. อตีตารมฺมณํ อกุสลํ ธมฺมํ ปฎิจฺจ อตีตารมฺมโณ อกุสโล ธโมฺม อุปฺปชฺชติ เหตุปจฺจยาฯ (๑)

    125. Atītārammaṇaṃ akusalaṃ dhammaṃ paṭicca atītārammaṇo akusalo dhammo uppajjati hetupaccayā. (1)

    อนาคตารมฺมณํ อกุสลํ ธมฺมํ ปฎิจฺจ อนาคตารมฺมโณ อกุสโล ธโมฺม อุปฺปชฺชติ เหตุปจฺจยาฯ (๑)

    Anāgatārammaṇaṃ akusalaṃ dhammaṃ paṭicca anāgatārammaṇo akusalo dhammo uppajjati hetupaccayā. (1)

    ปจฺจุปฺปนฺนารมฺมณํ อกุสลํ ธมฺมํ ปฎิจฺจ ปจฺจุปฺปนฺนารมฺมโณ อกุสโล ธโมฺม อุปฺปชฺชติ เหตุปจฺจยาฯ (๑) (สพฺพตฺถ ตีณิ, สพฺพตฺถ วิตฺถาโรฯ)

    Paccuppannārammaṇaṃ akusalaṃ dhammaṃ paṭicca paccuppannārammaṇo akusalo dhammo uppajjati hetupaccayā. (1) (Sabbattha tīṇi, sabbattha vitthāro.)

    ๑๒๖. อตีตารมฺมณํ อพฺยากตํ ธมฺมํ ปฎิจฺจ อตีตารมฺมโณ อพฺยากโต ธโมฺม อุปฺปชฺชติ เหตุปจฺจยาฯ (๑)

    126. Atītārammaṇaṃ abyākataṃ dhammaṃ paṭicca atītārammaṇo abyākato dhammo uppajjati hetupaccayā. (1)

    อนาคตารมฺมณํ อพฺยากตํ ธมฺมํ ปฎิจฺจ อนาคตารมฺมโณ อพฺยากโต ธโมฺม อุปฺปชฺชติ เหตุปจฺจยาฯ (๑)

    Anāgatārammaṇaṃ abyākataṃ dhammaṃ paṭicca anāgatārammaṇo abyākato dhammo uppajjati hetupaccayā. (1)

    ปจฺจุปฺปนฺนารมฺมณํ อพฺยากตํ ธมฺมํ ปฎิจฺจ ปจฺจุปฺปนฺนารมฺมโณ อพฺยากโต ธโมฺม อุปฺปชฺชติ เหตุปจฺจยาฯ (๑) (สพฺพตฺถ ตีณิ, สพฺพตฺถ วิตฺถาโรฯ)

    Paccuppannārammaṇaṃ abyākataṃ dhammaṃ paṭicca paccuppannārammaṇo abyākato dhammo uppajjati hetupaccayā. (1) (Sabbattha tīṇi, sabbattha vitthāro.)

    ๒๐-๑. อชฺฌตฺตตฺติก-กุสลตฺติกํ

    20-1. Ajjhattattika-kusalattikaṃ

    ๑-๗. ปฎิจฺจวาราทิ

    1-7. Paṭiccavārādi

    เหตุปจฺจโย

    Hetupaccayo

    ๑๒๗. อชฺฌตฺตํ กุสลํ ธมฺมํ ปฎิจฺจ อชฺฌโตฺต กุสโล ธโมฺม อุปฺปชฺชติ เหตุปจฺจยาฯ (๑)

    127. Ajjhattaṃ kusalaṃ dhammaṃ paṭicca ajjhatto kusalo dhammo uppajjati hetupaccayā. (1)

    พหิทฺธา กุสลํ ธมฺมํ ปฎิจฺจ พหิทฺธา กุสโล ธโมฺม อุปฺปชฺชติ เหตุปจฺจยาฯ (๑) (สพฺพตฺถ เทฺว, สพฺพตฺถ วิตฺถาโรฯ)

    Bahiddhā kusalaṃ dhammaṃ paṭicca bahiddhā kusalo dhammo uppajjati hetupaccayā. (1) (Sabbattha dve, sabbattha vitthāro.)

    ๑๒๘. อชฺฌตฺตํ อกุสลํ ธมฺมํ ปฎิจฺจ อชฺฌโตฺต อกุสโล ธโมฺม อุปฺปชฺชติ เหตุปจฺจยาฯ (๑)

    128. Ajjhattaṃ akusalaṃ dhammaṃ paṭicca ajjhatto akusalo dhammo uppajjati hetupaccayā. (1)

    พหิทฺธา อกุสลํ ธมฺมํ ปฎิจฺจ พหิทฺธา อกุสโล ธโมฺม อุปฺปชฺชติ เหตุปจฺจยาฯ (๑) (สพฺพตฺถ เทฺว, สพฺพตฺถ วิตฺถาโรฯ)

    Bahiddhā akusalaṃ dhammaṃ paṭicca bahiddhā akusalo dhammo uppajjati hetupaccayā. (1) (Sabbattha dve, sabbattha vitthāro.)

    ๑๒๙. อชฺฌตฺตํ อพฺยากตํ ธมฺมํ ปฎิจฺจ อชฺฌโตฺต อพฺยากโต ธโมฺม อุปฺปชฺชติ เหตุปจฺจยาฯ (๑)

    129. Ajjhattaṃ abyākataṃ dhammaṃ paṭicca ajjhatto abyākato dhammo uppajjati hetupaccayā. (1)

    พหิทฺธา อพฺยากตํ ธมฺมํ ปฎิจฺจ พหิทฺธา อพฺยากโต ธโมฺม อุปฺปชฺชติ เหตุปจฺจยาฯ (๑) (สพฺพตฺถ เทฺว, สพฺพตฺถ วิตฺถาโรฯ)

    Bahiddhā abyākataṃ dhammaṃ paṭicca bahiddhā abyākato dhammo uppajjati hetupaccayā. (1) (Sabbattha dve, sabbattha vitthāro.)

    ๒๑-๑. อชฺฌตฺตารมฺมณตฺติก-กุสลตฺติกํ

    21-1. Ajjhattārammaṇattika-kusalattikaṃ

    ๑-๗. ปฎิจฺจวาราทิ

    1-7. Paṭiccavārādi

    เหตุปจฺจโย

    Hetupaccayo

    ๑๓๐. อชฺฌตฺตารมฺมณํ กุสลํ ธมฺมํ ปฎิจฺจ อชฺฌตฺตารมฺมโณ กุสโล ธโมฺม อุปฺปชฺชติ เหตุปจฺจยาฯ (สพฺพตฺถ เทฺว, สพฺพตฺถ วิตฺถาโรฯ)

    130. Ajjhattārammaṇaṃ kusalaṃ dhammaṃ paṭicca ajjhattārammaṇo kusalo dhammo uppajjati hetupaccayā. (Sabbattha dve, sabbattha vitthāro.)

    อชฺฌตฺตารมฺมณํ อกุสลํ ธมฺมํ ปฎิจฺจ อชฺฌตฺตารมฺมโณ อกุสโล ธโมฺม อุปฺปชฺชติ เหตุปจฺจยาฯ (สพฺพตฺถ เทฺว, สพฺพตฺถ วิตฺถาโรฯ)

    Ajjhattārammaṇaṃ akusalaṃ dhammaṃ paṭicca ajjhattārammaṇo akusalo dhammo uppajjati hetupaccayā. (Sabbattha dve, sabbattha vitthāro.)

    อชฺฌตฺตารมฺมณํ อพฺยากตํ ธมฺมํ ปฎิจฺจ อชฺฌตฺตารมฺมโณ อพฺยากโต ธโมฺม อุปฺปชฺชติ เหตุปจฺจยาฯ (สพฺพตฺถ เทฺว, สพฺพตฺถ วิตฺถาโรฯ)

    Ajjhattārammaṇaṃ abyākataṃ dhammaṃ paṭicca ajjhattārammaṇo abyākato dhammo uppajjati hetupaccayā. (Sabbattha dve, sabbattha vitthāro.)

    ๒๒-๑. สนิทสฺสนตฺติก-กุสลตฺติกํ

    22-1. Sanidassanattika-kusalattikaṃ

    ๑-๗. ปฎิจฺจวาราทิ

    1-7. Paṭiccavārādi

    เหตุปจฺจโย

    Hetupaccayo

    ๑๓๑. อนิทสฺสนอปฺปฎิฆํ กุสลํ ธมฺมํ ปฎิจฺจ อนิทสฺสนอปฺปฎิโฆ กุสโล ธโมฺม อุปฺปชฺชติ เหตุปจฺจยาฯ (สพฺพตฺถ เอกํฯ)

    131. Anidassanaappaṭighaṃ kusalaṃ dhammaṃ paṭicca anidassanaappaṭigho kusalo dhammo uppajjati hetupaccayā. (Sabbattha ekaṃ.)

    อนิทสฺสนอปฺปฎิฆํ อกุสลํ ธมฺมํ ปฎิจฺจ อนิทสฺสนอปฺปฎิโฆ อกุสโล ธโมฺม อุปฺปชฺชติ เหตุปจฺจยาฯ (สพฺพตฺถ เอกํฯ)

    Anidassanaappaṭighaṃ akusalaṃ dhammaṃ paṭicca anidassanaappaṭigho akusalo dhammo uppajjati hetupaccayā. (Sabbattha ekaṃ.)

    ๑๓๒. อนิทสฺสนสปฺปฎิฆํ อพฺยากตํ ธมฺมํ ปฎิจฺจ อนิทสฺสนสปฺปฎิโฆ อพฺยากโต ธโมฺม อุปฺปชฺชติ เหตุปจฺจยา (เอกํ)ฯ อนิทสฺสนสปฺปฎิฆํ อพฺยากตํ ธมฺมํ ปฎิจฺจ สนิทสฺสนสปฺปฎิโฆ อพฺยากโต ธโมฺม อุปฺปชฺชติ เหตุปจฺจยา (เทฺว)ฯ อนิทสฺสนสปฺปฎิฆํ อพฺยากตํ ธมฺมํ ปฎิจฺจ อนิทสฺสนอปฺปฎิโฆ อพฺยากโต ธโมฺม อุปฺปชฺชติ เหตุปจฺจยา (ตีณิ)ฯ อนิทสฺสนสปฺปฎิฆํ อพฺยากตํ ธมฺมํ ปฎิจฺจ สนิทสฺสนสปฺปฎิโฆ อพฺยากโต จ อนิทสฺสนอปฺปฎิโฆ อพฺยากโต จ ธมฺมา อุปฺปชฺชนฺติ เหตุปจฺจยา (จตฺตาริ)ฯ อนิทสฺสนสปฺปฎิฆํ อพฺยากตํ ธมฺมํ ปฎิจฺจ อนิทสฺสนสปฺปฎิโฆ อพฺยากโต จ อนิทสฺสนอปฺปฎิโฆ อพฺยากโต จ ธมฺมา อุปฺปชฺชนฺติ เหตุปจฺจยา (ปญฺจ)ฯ อนิทสฺสนสปฺปฎิฆํ อพฺยากตํ ธมฺมํ ปฎิจฺจ สนิทสฺสนสปฺปฎิโฆ อพฺยากโต จ อนิทสฺสนสปฺปฎิโฆ อพฺยากโต จ ธมฺมา อุปฺปชฺชนฺติ เหตุปจฺจยา (ฉ)ฯ อนิทสฺสนสปฺปฎิฆํ อพฺยากตํ ธมฺมํ ปฎิจฺจ สนิทสฺสนสปฺปฎิโฆ อพฺยากโต จ อนิทสฺสนสปฺปฎิโฆ อพฺยากโต จ อนิทสฺสนอปฺปฎิโฆ อพฺยากโต จ ธมฺมา อุปฺปชฺชนฺติ เหตุปจฺจยา (สตฺต)ฯ

    132. Anidassanasappaṭighaṃ abyākataṃ dhammaṃ paṭicca anidassanasappaṭigho abyākato dhammo uppajjati hetupaccayā (ekaṃ). Anidassanasappaṭighaṃ abyākataṃ dhammaṃ paṭicca sanidassanasappaṭigho abyākato dhammo uppajjati hetupaccayā (dve). Anidassanasappaṭighaṃ abyākataṃ dhammaṃ paṭicca anidassanaappaṭigho abyākato dhammo uppajjati hetupaccayā (tīṇi). Anidassanasappaṭighaṃ abyākataṃ dhammaṃ paṭicca sanidassanasappaṭigho abyākato ca anidassanaappaṭigho abyākato ca dhammā uppajjanti hetupaccayā (cattāri). Anidassanasappaṭighaṃ abyākataṃ dhammaṃ paṭicca anidassanasappaṭigho abyākato ca anidassanaappaṭigho abyākato ca dhammā uppajjanti hetupaccayā (pañca). Anidassanasappaṭighaṃ abyākataṃ dhammaṃ paṭicca sanidassanasappaṭigho abyākato ca anidassanasappaṭigho abyākato ca dhammā uppajjanti hetupaccayā (cha). Anidassanasappaṭighaṃ abyākataṃ dhammaṃ paṭicca sanidassanasappaṭigho abyākato ca anidassanasappaṭigho abyākato ca anidassanaappaṭigho abyākato ca dhammā uppajjanti hetupaccayā (satta).

    ๑๓๓. อนิทสฺสนอปฺปฎิฆํ อพฺยากตํ ธมฺมํ ปฎิจฺจ อนิทสฺสนอปฺปฎิโฆ อพฺยากโต ธโมฺม อุปฺปชฺชติ เหตุปจฺจยา (สตฺต)ฯ อนิทสฺสนอปฺปฎิฆํ อพฺยากตญฺจ อนิทสฺสนสปฺปฎิฆํ อพฺยากตญฺจ ธมฺมํ ปฎิจฺจ สนิทสฺสนสปฺปฎิโฆ อพฺยากโต ธโมฺม อุปฺปชฺชติ เหตุปจฺจยา (สตฺต, สํขิตฺตํ)ฯ

    133. Anidassanaappaṭighaṃ abyākataṃ dhammaṃ paṭicca anidassanaappaṭigho abyākato dhammo uppajjati hetupaccayā (satta). Anidassanaappaṭighaṃ abyākatañca anidassanasappaṭighaṃ abyākatañca dhammaṃ paṭicca sanidassanasappaṭigho abyākato dhammo uppajjati hetupaccayā (satta, saṃkhittaṃ).

    ๑๓๔. เหตุยา เอกวีส, อวิคเต เอกวีสฯ (สํขิตฺตํฯ)

    134. Hetuyā ekavīsa, avigate ekavīsa. (Saṃkhittaṃ.)

    (สหชาตวารมฺปิ…เป.… ปญฺหาวารมฺปิ วิตฺถาเรตพฺพํฯ)

    (Sahajātavārampi…pe… pañhāvārampi vitthāretabbaṃ.)

    ธมฺมานุโลเม ติกติกปฎฺฐานํ นิฎฺฐิตํฯ

    Dhammānulome tikatikapaṭṭhānaṃ niṭṭhitaṃ.




    Next: ธมฺมานุโลเม ทุกทุกปฎฺฐานํ • Dhammānulome dukadukapaṭṭhānaṃ


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact