Library / Tipiṭaka / តិបិដក • Tipiṭaka / បដ្ឋានបាឡិ • Paṭṭhānapāḷi

    ។ នមោ តស្ស ភគវតោ អរហតោ សម្មាសម្ពុទ្ធស្ស។

    Namo tassa bhagavato arahato sammāsambuddhassa

    អភិធម្មបិដកេ

    Abhidhammapiṭake

    បដ្ឋានបាឡិ

    Paṭṭhānapāḷi

    (បញ្ចមោ ភាគោ)

    (Pañcamo bhāgo)

    ធម្មានុលោមេ តិកតិកបដ្ឋានំ

    Dhammānulome tikatikapaṭṭhānaṃ

    ១-១. កុសលត្តិក-វេទនាត្តិកំ

    1-1. Kusalattika-vedanāttikaṃ

    ១. សុខាយវេទនាយសម្បយុត្តបទំ

    1. Sukhāyavedanāyasampayuttapadaṃ

    ១-៧. បដិច្ចវារាទិ

    1-7. Paṭiccavārādi

    បច្ចយចតុក្កំ

    Paccayacatukkaṃ

    ហេតុបច្ចយោ

    Hetupaccayo

    ១. កុសលំ សុខាយ វេទនាយ សម្បយុត្តំ ធម្មំ បដិច្ច កុសលោ សុខាយ វេទនាយ សម្បយុត្តោ ធម្មោ ឧប្បជ្ជតិ ហេតុបច្ចយា។ (១)

    1. Kusalaṃ sukhāya vedanāya sampayuttaṃ dhammaṃ paṭicca kusalo sukhāya vedanāya sampayutto dhammo uppajjati hetupaccayā. (1)

    អកុសលំ សុខាយ វេទនាយ សម្បយុត្តំ ធម្មំ បដិច្ច អកុសលោ សុខាយ វេទនាយ សម្បយុត្តោ ធម្មោ ឧប្បជ្ជតិ ហេតុបច្ចយា។ (១)

    Akusalaṃ sukhāya vedanāya sampayuttaṃ dhammaṃ paṭicca akusalo sukhāya vedanāya sampayutto dhammo uppajjati hetupaccayā. (1)

    អព្យាកតំ សុខាយ វេទនាយ សម្បយុត្តំ ធម្មំ បដិច្ច អព្យាកតោ សុខាយ វេទនាយ សម្បយុត្តោ ធម្មោ ឧប្បជ្ជតិ ហេតុបច្ចយា។ (១) (សំខិត្តំ។)

    Abyākataṃ sukhāya vedanāya sampayuttaṃ dhammaṃ paṭicca abyākato sukhāya vedanāya sampayutto dhammo uppajjati hetupaccayā. (1) (Saṃkhittaṃ.)

    ២. ហេតុយា តីណិ, អារម្មណេ តីណិ…បេ.… អវិគតេ តីណិ។ (សំខិត្តំ…បេ.… សហជាតវារម្បិ…បេ.… សម្បយុត្តវារម្បិ បដិច្ចវារសទិសំ។)

    2. Hetuyā tīṇi, ārammaṇe tīṇi…pe… avigate tīṇi. (Saṃkhittaṃ…pe… sahajātavārampi…pe… sampayuttavārampi paṭiccavārasadisaṃ.)

    ៣. កុសលោ សុខាយ វេទនាយ សម្បយុត្តោ ធម្មោ កុសលស្ស សុខាយ វេទនាយ សម្បយុត្តស្ស ធម្មស្ស ហេតុបច្ចយេន បច្ចយោ។ (១)

    3. Kusalo sukhāya vedanāya sampayutto dhammo kusalassa sukhāya vedanāya sampayuttassa dhammassa hetupaccayena paccayo. (1)

    អកុសលោ សុខាយ វេទនាយ សម្បយុត្តោ ធម្មោ អកុសលស្ស សុខាយ វេទនាយ សម្បយុត្តស្ស ធម្មស្ស ហេតុបច្ចយេន បច្ចយោ។ (១)

    Akusalo sukhāya vedanāya sampayutto dhammo akusalassa sukhāya vedanāya sampayuttassa dhammassa hetupaccayena paccayo. (1)

    អព្យាកតោ សុខាយ វេទនាយ សម្បយុត្តោ ធម្មោ អព្យាកតស្ស សុខាយ វេទនាយ សម្បយុត្តស្ស ធម្មស្ស ហេតុបច្ចយេន បច្ចយោ។ (១)

    Abyākato sukhāya vedanāya sampayutto dhammo abyākatassa sukhāya vedanāya sampayuttassa dhammassa hetupaccayena paccayo. (1)

    កុសលោ សុខាយ វេទនាយ សម្បយុត្តោ ធម្មោ កុសលស្ស សុខាយ វេទនាយ សម្បយុត្តស្ស ធម្មស្ស អារម្មណបច្ចយេន បច្ចយោ។ (សំខិត្តំ។)

    Kusalo sukhāya vedanāya sampayutto dhammo kusalassa sukhāya vedanāya sampayuttassa dhammassa ārammaṇapaccayena paccayo. (Saṃkhittaṃ.)

    ៤. ហេតុយា តីណិ, អារម្មណេ នវ។ (សំខិត្តំ។)

    4. Hetuyā tīṇi, ārammaṇe nava. (Saṃkhittaṃ.)

    (យថា កុសលត្តិកេ បញ្ហាវារំ ឯវំ វិត្ថារេតព្ពំ។)

    (Yathā kusalattike pañhāvāraṃ evaṃ vitthāretabbaṃ.)

    ២. ទុក្ខាយវេទនាយសម្បយុត្តបទំ

    2. Dukkhāyavedanāyasampayuttapadaṃ

    ១-៧. បដិច្ចវារាទិ

    1-7. Paṭiccavārādi

    បច្ចយចតុក្កំ

    Paccayacatukkaṃ

    ហេតុ-អារម្មណបច្ចយា

    Hetu-ārammaṇapaccayā

    ៥. អកុសលំ ទុក្ខាយ វេទនាយ សម្បយុត្តំ ធម្មំ បដិច្ច អកុសលោ ទុក្ខាយ វេទនាយ សម្បយុត្តោ ធម្មោ ឧប្បជ្ជតិ ហេតុបច្ចយា។ (១)

    5. Akusalaṃ dukkhāya vedanāya sampayuttaṃ dhammaṃ paṭicca akusalo dukkhāya vedanāya sampayutto dhammo uppajjati hetupaccayā. (1)

    អកុសលំ ទុក្ខាយ វេទនាយ សម្បយុត្តំ ធម្មំ បដិច្ច អកុសលោ ទុក្ខាយ វេទនាយ សម្បយុត្តោ ធម្មោ ឧប្បជ្ជតិ អារម្មណបច្ចយា។ (១)

    Akusalaṃ dukkhāya vedanāya sampayuttaṃ dhammaṃ paṭicca akusalo dukkhāya vedanāya sampayutto dhammo uppajjati ārammaṇapaccayā. (1)

    អព្យាកតំ ទុក្ខាយ វេទនាយ សម្បយុត្តំ ធម្មំ បដិច្ច អព្យាកតោ ទុក្ខាយ វេទនាយ សម្បយុត្តោ ធម្មោ ឧប្បជ្ជតិ អារម្មណបច្ចយា។ (១) (សំខិត្តំ។)

    Abyākataṃ dukkhāya vedanāya sampayuttaṃ dhammaṃ paṭicca abyākato dukkhāya vedanāya sampayutto dhammo uppajjati ārammaṇapaccayā. (1) (Saṃkhittaṃ.)

    ៦. ហេតុយា ឯកំ, អារម្មណេ ទ្វេ…បេ.… អវិគតេ ទ្វេ។ (សំខិត្តំ។) (សហជាតវារម្បិ…បេ.… សម្បយុត្តវារម្បិ បដិច្ចវារសទិសំ។)

    6. Hetuyā ekaṃ, ārammaṇe dve…pe… avigate dve. (Saṃkhittaṃ.) (Sahajātavārampi…pe… sampayuttavārampi paṭiccavārasadisaṃ.)

    ៧. អកុសលោ ទុក្ខាយ វេទនាយ សម្បយុត្តោ ធម្មោ អកុសលស្ស ទុក្ខាយ វេទនាយ សម្បយុត្តស្ស ធម្មស្ស ហេតុបច្ចយេន បច្ចយោ។ (១)

    7. Akusalo dukkhāya vedanāya sampayutto dhammo akusalassa dukkhāya vedanāya sampayuttassa dhammassa hetupaccayena paccayo. (1)

    អកុសលោ ទុក្ខាយ វេទនាយ សម្បយុត្តោ ធម្មោ អកុសលស្ស ទុក្ខាយ វេទនាយ សម្បយុត្តស្ស ធម្មស្ស អារម្មណបច្ចយេន បច្ចយោ។ (១)

    Akusalo dukkhāya vedanāya sampayutto dhammo akusalassa dukkhāya vedanāya sampayuttassa dhammassa ārammaṇapaccayena paccayo. (1)

    អព្យាកតោ ទុក្ខាយ វេទនាយ សម្បយុត្តោ ធម្មោ អកុសលស្ស ទុក្ខាយ វេទនាយ សម្បយុត្តស្ស ធម្មស្ស អារម្មណបច្ចយេន បច្ចយោ។ (១) (សំខិត្តំ។)

    Abyākato dukkhāya vedanāya sampayutto dhammo akusalassa dukkhāya vedanāya sampayuttassa dhammassa ārammaṇapaccayena paccayo. (1) (Saṃkhittaṃ.)

    ៨. ហេតុយា ឯកំ, អារម្មណេ ទ្វេ។ (សំខិត្តំ។ យថា កុសលត្តិកេ បញ្ហាវារំ ឯវំ វិត្ថារេតព្ពំ។)

    8. Hetuyā ekaṃ, ārammaṇe dve. (Saṃkhittaṃ. Yathā kusalattike pañhāvāraṃ evaṃ vitthāretabbaṃ.)

    ៣. អទុក្ខមសុខវេទនាយសម្បយុត្តបទំ

    3. Adukkhamasukhavedanāyasampayuttapadaṃ

    ១-៧. បដិច្ចវារាទិ

    1-7. Paṭiccavārādi

    បច្ចយចតុក្កំ

    Paccayacatukkaṃ

    ហេតុបច្ចយោ

    Hetupaccayo

    ៩. កុសលំ អទុក្ខមសុខាយ វេទនាយ សម្បយុត្តំ ធម្មំ បដិច្ច កុសលោ អទុក្ខមសុខាយ វេទនាយ សម្បយុត្តោ ធម្មោ ឧប្បជ្ជតិ ហេតុបច្ចយា។ (១)

    9. Kusalaṃ adukkhamasukhāya vedanāya sampayuttaṃ dhammaṃ paṭicca kusalo adukkhamasukhāya vedanāya sampayutto dhammo uppajjati hetupaccayā. (1)

    អកុសលំ អទុក្ខមសុខាយ វេទនាយ សម្បយុត្តំ ធម្មំ បដិច្ច អកុសលោ អទុក្ខមសុខាយ វេទនាយ សម្បយុត្តោ ធម្មោ ឧប្បជ្ជតិ ហេតុបច្ចយា។ (១)

    Akusalaṃ adukkhamasukhāya vedanāya sampayuttaṃ dhammaṃ paṭicca akusalo adukkhamasukhāya vedanāya sampayutto dhammo uppajjati hetupaccayā. (1)

    អព្យាកតំ អទុក្ខមសុខាយ វេទនាយ សម្បយុត្តំ ធម្មំ បដិច្ច អព្យាកតោ អទុក្ខមសុខាយ វេទនាយ សម្បយុត្តោ ធម្មោ ឧប្បជ្ជតិ ហេតុបច្ចយា។ (១)

    Abyākataṃ adukkhamasukhāya vedanāya sampayuttaṃ dhammaṃ paṭicca abyākato adukkhamasukhāya vedanāya sampayutto dhammo uppajjati hetupaccayā. (1)

    ១០. ហេតុយា តីណិ, អារម្មណេ តីណិ…បេ.… អវិគតេ តីណិ។ (សំខិត្តំ។ សហជាតវារម្បិ…បេ.… សម្បយុត្តវារម្បិ បដិច្ចវារសទិសំ)។

    10. Hetuyā tīṇi, ārammaṇe tīṇi…pe… avigate tīṇi. (Saṃkhittaṃ. Sahajātavārampi…pe… sampayuttavārampi paṭiccavārasadisaṃ).

    ១១. កុសលោ អទុក្ខមសុខាយ វេទនាយ សម្បយុត្តោ ធម្មោ កុសលស្ស អទុក្ខមសុខាយ វេទនាយ សម្បយុត្តស្ស ធម្មស្ស ហេតុបច្ចយេន បច្ចយោ។ (១)

    11. Kusalo adukkhamasukhāya vedanāya sampayutto dhammo kusalassa adukkhamasukhāya vedanāya sampayuttassa dhammassa hetupaccayena paccayo. (1)

    អកុសលោ អទុក្ខមសុខាយ វេទនាយ សម្បយុត្តោ ធម្មោ អកុសលស្ស អទុក្ខមសុខាយ វេទនាយ សម្បយុត្តស្ស ធម្មស្ស ហេតុបច្ចយេន បច្ចយោ។ (១)

    Akusalo adukkhamasukhāya vedanāya sampayutto dhammo akusalassa adukkhamasukhāya vedanāya sampayuttassa dhammassa hetupaccayena paccayo. (1)

    អព្យាកតោ អទុក្ខមសុខាយ វេទនាយ សម្បយុត្តោ ធម្មោ អព្យាកតស្ស អទុក្ខមសុខាយ វេទនាយ សម្បយុត្តស្ស ធម្មស្ស ហេតុបច្ចយេន បច្ចយោ។ (១) (សំខិត្តំ។)

    Abyākato adukkhamasukhāya vedanāya sampayutto dhammo abyākatassa adukkhamasukhāya vedanāya sampayuttassa dhammassa hetupaccayena paccayo. (1) (Saṃkhittaṃ.)

    ១២. ហេតុយា តីណិ, អារម្មណេ នវ, អធិបតិយា សត្ត, អនន្តរេ សត្ត…បេ.… ឧបនិស្សយេ នវ, អវិគតេ តីណិ។ (សំខិត្តំ។ យថា កុសលត្តិកេ បញ្ហាវារំ ឯវំ វិត្ថារេតព្ពំ។)

    12. Hetuyā tīṇi, ārammaṇe nava, adhipatiyā satta, anantare satta…pe… upanissaye nava, avigate tīṇi. (Saṃkhittaṃ. Yathā kusalattike pañhāvāraṃ evaṃ vitthāretabbaṃ.)

    ១-២. កុសលត្តិក-វិបាកត្តិកំ

    1-2. Kusalattika-vipākattikaṃ

    ១-៧. បដិច្ចវារាទិ

    1-7. Paṭiccavārādi

    បច្ចយចតុក្កំ

    Paccayacatukkaṃ

    ១៣. អព្យាកតំ វិបាកំ ធម្មំ បដិច្ច អព្យាកតោ វិបាកោ ធម្មោ ឧប្បជ្ជតិ ហេតុបច្ចយា។ (សំខិត្តំ។)

    13. Abyākataṃ vipākaṃ dhammaṃ paṭicca abyākato vipāko dhammo uppajjati hetupaccayā. (Saṃkhittaṃ.)

    ហេតុយា ឯកំ, អារម្មណេ ឯកំ…បេ.… អវិគតេ ឯកំ។ (សំខិត្តំ។)

    Hetuyā ekaṃ, ārammaṇe ekaṃ…pe… avigate ekaṃ. (Saṃkhittaṃ.)

    (សហជាតវារេបិ…បេ.… បញ្ហាវារេបិ សព្ពត្ថ ឯកំ។)

    (Sahajātavārepi…pe… pañhāvārepi sabbattha ekaṃ.)

    ១៤. កុសលំ វិបាកធម្មធម្មំ បដិច្ច កុសលោ វិបាកធម្មធម្មោ ឧប្បជ្ជតិ ហេតុបច្ចយា។ (១)

    14. Kusalaṃ vipākadhammadhammaṃ paṭicca kusalo vipākadhammadhammo uppajjati hetupaccayā. (1)

    អកុសលំ វិបាកធម្មធម្មំ បដិច្ច អកុសលោ វិបាកធម្មធម្មោ ឧប្បជ្ជតិ ហេតុបច្ចយា។ (១) (សំខិត្តំ។)

    Akusalaṃ vipākadhammadhammaṃ paṭicca akusalo vipākadhammadhammo uppajjati hetupaccayā. (1) (Saṃkhittaṃ.)

    ហេតុយា ទ្វេ, អារម្មណេ ទ្វេ…បេ.… អវិគតេ ទ្វេ។ (សំខិត្តំ។)

    Hetuyā dve, ārammaṇe dve…pe… avigate dve. (Saṃkhittaṃ.)

    (សហជាតវារម្បិ…បេ.… សម្បយុត្តវារម្បិ បដិច្ចវារសទិសំ។)

    (Sahajātavārampi…pe… sampayuttavārampi paṭiccavārasadisaṃ.)

    ១៥. កុសលោ វិបាកធម្មធម្មោ កុសលស្ស វិបាកធម្មធម្មស្ស ហេតុបច្ចយេន បច្ចយោ។ (១)

    15. Kusalo vipākadhammadhammo kusalassa vipākadhammadhammassa hetupaccayena paccayo. (1)

    អកុសលោ វិបាកធម្មធម្មោ អកុសលស្ស វិបាកធម្មធម្មស្ស ហេតុបច្ចយេន បច្ចយោ។ (១)

    Akusalo vipākadhammadhammo akusalassa vipākadhammadhammassa hetupaccayena paccayo. (1)

    កុសលោ វិបាកធម្មធម្មោ កុសលស្ស វិបាកធម្មធម្មស្ស អារម្មណបច្ចយេន បច្ចយោ។ កុសលោ វិបាកធម្មធម្មោ អកុសលស្ស វិបាកធម្មធម្មស្ស អារម្មណបច្ចយេន បច្ចយោ។ (២)

    Kusalo vipākadhammadhammo kusalassa vipākadhammadhammassa ārammaṇapaccayena paccayo. Kusalo vipākadhammadhammo akusalassa vipākadhammadhammassa ārammaṇapaccayena paccayo. (2)

    អកុសលោ វិបាកធម្មធម្មោ អកុសលស្ស វិបាកធម្មធម្មស្ស អារម្មណបច្ចយេន បច្ចយោ។ អកុសលោ វិបាកធម្មធម្មោ កុសលស្ស វិបាកធម្មធម្មស្ស អារម្មណបច្ចយេន បច្ចយោ។ (២) (សំខិត្តំ។)

    Akusalo vipākadhammadhammo akusalassa vipākadhammadhammassa ārammaṇapaccayena paccayo. Akusalo vipākadhammadhammo kusalassa vipākadhammadhammassa ārammaṇapaccayena paccayo. (2) (Saṃkhittaṃ.)

    ១៦. ហេតុយា ទ្វេ, អារម្មណេ ចត្តារិ, អធិបតិយា តីណិ, អនន្តរេ ទ្វេ…បេ.… សហជាតេ ទ្វេ, ឧបនិស្សយេ ចត្តារិ…បេ.… អវិគតេ ទ្វេ។ (សំខិត្តំ។ យថា កុសលត្តិកេ បញ្ហាវារំ ឯវំ វិត្ថារេតព្ពំ។)

    16. Hetuyā dve, ārammaṇe cattāri, adhipatiyā tīṇi, anantare dve…pe… sahajāte dve, upanissaye cattāri…pe… avigate dve. (Saṃkhittaṃ. Yathā kusalattike pañhāvāraṃ evaṃ vitthāretabbaṃ.)

    ១៧. អព្យាកតំ នេវវិបាកនវិបាកធម្មធម្មំ បដិច្ច អព្យាកតោ នេវវិបាកនវិបាកធម្មធម្មោ ឧប្បជ្ជតិ ហេតុបច្ចយា។ (សំខិត្តំ។)

    17. Abyākataṃ nevavipākanavipākadhammadhammaṃ paṭicca abyākato nevavipākanavipākadhammadhammo uppajjati hetupaccayā. (Saṃkhittaṃ.)

    ហេតុយា ឯកំ, អារម្មណេ ឯកំ…បេ.… អវិគតេ ឯកំ។ (សំខិត្តំ។)

    Hetuyā ekaṃ, ārammaṇe ekaṃ…pe… avigate ekaṃ. (Saṃkhittaṃ.)

    (សហជាតវារេបិ…បេ.… បញ្ហាវារេបិ សព្ពត្ថ ឯកំ។)

    (Sahajātavārepi…pe… pañhāvārepi sabbattha ekaṃ.)

    ១-៣. កុសលត្តិក-ឧបាទិន្នត្តិកំ

    1-3. Kusalattika-upādinnattikaṃ

    ១-៧. បដិច្ចវារាទិ

    1-7. Paṭiccavārādi

    បច្ចយចតុក្កំ

    Paccayacatukkaṃ

    ១៨. អព្យាកតំ ឧបាទិន្នុបាទានិយំ ធម្មំ បដិច្ច អព្យាកតោ ឧបាទិន្នុបាទានិយោ ធម្មោ ឧប្បជ្ជតិ ហេតុបច្ចយា។ (សំខិត្តំ។)

    18. Abyākataṃ upādinnupādāniyaṃ dhammaṃ paṭicca abyākato upādinnupādāniyo dhammo uppajjati hetupaccayā. (Saṃkhittaṃ.)

    ហេតុយា ឯកំ…បេ.… អវិគតេ ឯកំ។ (សំខិត្តំ។)

    Hetuyā ekaṃ…pe… avigate ekaṃ. (Saṃkhittaṃ.)

    (សហជាតវារេបិ…បេ.… បញ្ហាវារេបិ សព្ពត្ថ ឯកំ។)

    (Sahajātavārepi…pe… pañhāvārepi sabbattha ekaṃ.)

    ១៩. កុសលំ អនុបាទិន្នុបាទានិយំ ធម្មំ បដិច្ច កុសលោ អនុបាទិន្នុបាទានិយោ ធម្មោ ឧប្បជ្ជតិ ហេតុបច្ចយា… តីណិ។

    19. Kusalaṃ anupādinnupādāniyaṃ dhammaṃ paṭicca kusalo anupādinnupādāniyo dhammo uppajjati hetupaccayā… tīṇi.

    អកុសលំ អនុបាទិន្នុបាទានិយំ ធម្មំ បដិច្ច អកុសលោ អនុបាទិន្នុបាទានិយោ ធម្មោ ឧប្បជ្ជតិ ហេតុបច្ចយា… តីណិ។

    Akusalaṃ anupādinnupādāniyaṃ dhammaṃ paṭicca akusalo anupādinnupādāniyo dhammo uppajjati hetupaccayā… tīṇi.

    អព្យាកតំ អនុបាទិន្នុបាទានិយំ ធម្មំ បដិច្ច អព្យាកតោ អនុបាទិន្នុបាទានិយោ ធម្មោ ឧប្បជ្ជតិ ហេតុបច្ចយា។ (១)

    Abyākataṃ anupādinnupādāniyaṃ dhammaṃ paṭicca abyākato anupādinnupādāniyo dhammo uppajjati hetupaccayā. (1)

    កុសលំ អនុបាទិន្នុបាទានិយញ្ច អព្យាកតំ អនុបាទិន្នុបាទានិយញ្ច ធម្មំ បដិច្ច អព្យាកតោ អនុបាទិន្នុបាទានិយោ ធម្មោ ឧប្បជ្ជតិ ហេតុបច្ចយា។ (១)

    Kusalaṃ anupādinnupādāniyañca abyākataṃ anupādinnupādāniyañca dhammaṃ paṭicca abyākato anupādinnupādāniyo dhammo uppajjati hetupaccayā. (1)

    អកុសលំ អនុបាទិន្នុបាទានិយញ្ច អព្យាកតំ អនុបាទិន្នុបាទានិយញ្ច ធម្មំ បដិច្ច អព្យាកតោ អនុបាទិន្នុបាទានិយោ ធម្មោ ឧប្បជ្ជតិ ហេតុបច្ចយា។ (១) (សំខិត្តំ។)

    Akusalaṃ anupādinnupādāniyañca abyākataṃ anupādinnupādāniyañca dhammaṃ paṭicca abyākato anupādinnupādāniyo dhammo uppajjati hetupaccayā. (1) (Saṃkhittaṃ.)

    ២០. ហេតុយា នវ, អវិគតេ នវ។ (សំខិត្តំ។ សហជាតវារម្បិ…បេ.… សម្បយុត្តវារម្បិ បដិច្ចវារសទិសំ។)

    20. Hetuyā nava, avigate nava. (Saṃkhittaṃ. Sahajātavārampi…pe… sampayuttavārampi paṭiccavārasadisaṃ.)

    ២១. កុសលោ អនុបាទិន្នុបាទានិយោ ធម្មោ កុសលស្ស អនុបាទិន្នុបាទានិយស្ស ធម្មស្ស ហេតុបច្ចយេន បច្ចយោ… តីណិ។

    21. Kusalo anupādinnupādāniyo dhammo kusalassa anupādinnupādāniyassa dhammassa hetupaccayena paccayo… tīṇi.

    អកុសលោ អនុបាទិន្នុបាទានិយោ ធម្មោ អកុសលស្ស អនុបាទិន្នុបាទានិយស្ស ធម្មស្ស ហេតុបច្ចយេន បច្ចយោ… តីណិ។

    Akusalo anupādinnupādāniyo dhammo akusalassa anupādinnupādāniyassa dhammassa hetupaccayena paccayo… tīṇi.

    អព្យាកតោ អនុបាទិន្នុបាទានិយោ ធម្មោ អព្យាកតស្ស អនុបាទិន្នុបាទានិយស្ស ធម្មស្ស ហេតុបច្ចយេន បច្ចយោ។ (១)

    Abyākato anupādinnupādāniyo dhammo abyākatassa anupādinnupādāniyassa dhammassa hetupaccayena paccayo. (1)

    ២២. កុសលោ អនុបាទិន្នុបាទានិយោ ធម្មោ កុសលស្ស អនុបាទិន្នុបាទានិយស្ស ធម្មស្ស អារម្មណបច្ចយេន បច្ចយោ… តីណិ។

    22. Kusalo anupādinnupādāniyo dhammo kusalassa anupādinnupādāniyassa dhammassa ārammaṇapaccayena paccayo… tīṇi.

    អកុសលោ អនុបាទិន្នុបាទានិយោ ធម្មោ អកុសលស្ស អនុបាទិន្នុបាទានិយស្ស ធម្មស្ស អារម្មណបច្ចយេន បច្ចយោ… តីណិ។

    Akusalo anupādinnupādāniyo dhammo akusalassa anupādinnupādāniyassa dhammassa ārammaṇapaccayena paccayo… tīṇi.

    អព្យាកតោ អនុបាទិន្នុបាទានិយោ ធម្មោ អព្យាកតស្ស អនុបាទិន្នុបាទានិយស្ស ធម្មស្ស អារម្មណបច្ចយេន បច្ចយោ… តីណិ។ (សំខិត្តំ។)

    Abyākato anupādinnupādāniyo dhammo abyākatassa anupādinnupādāniyassa dhammassa ārammaṇapaccayena paccayo… tīṇi. (Saṃkhittaṃ.)

    ២៣. ហេតុយា សត្ត, អារម្មណេ នវ, អវិគតេ ឯកាទស។ (សំខិត្តំ។)

    23. Hetuyā satta, ārammaṇe nava, avigate ekādasa. (Saṃkhittaṃ.)

    (យថា កុសលត្តិកេ បញ្ហាវារំ ឯវំ វិត្ថារេតព្ពំ។)

    (Yathā kusalattike pañhāvāraṃ evaṃ vitthāretabbaṃ.)

    ២៤. កុសលំ អនុបាទិន្នអនុបាទានិយំ ធម្មំ បដិច្ច កុសលោ អនុបាទិន្នុបាទានិយោ ធម្មោ ឧប្បជ្ជតិ ហេតុបច្ចយា។ (១)

    24. Kusalaṃ anupādinnaanupādāniyaṃ dhammaṃ paṭicca kusalo anupādinnupādāniyo dhammo uppajjati hetupaccayā. (1)

    អព្យាកតំ អនុបាទិន្នអនុបាទានិយំ ធម្មំ បដិច្ច អព្យាកតោ អនុបាទិន្នអនុបាទានិយោ ធម្មោ ឧប្បជ្ជតិ ហេតុបច្ចយា។ (១) (សំខិត្តំ។)

    Abyākataṃ anupādinnaanupādāniyaṃ dhammaṃ paṭicca abyākato anupādinnaanupādāniyo dhammo uppajjati hetupaccayā. (1) (Saṃkhittaṃ.)

    ហេតុយា ទ្វេ, អវិគតេ ទ្វេ។ (សំខិត្តំ, សហជាតវារម្បិ…បេ.… បញ្ហាវារម្បិ សព្ពត្ថ វិត្ថារោ។)

    Hetuyā dve, avigate dve. (Saṃkhittaṃ, sahajātavārampi…pe… pañhāvārampi sabbattha vitthāro.)

    ១-៤. កុសលត្តិក-សំកិលិដ្ឋត្តិកំ

    1-4. Kusalattika-saṃkiliṭṭhattikaṃ

    ១-៧. បដិច្ចវារាទិ

    1-7. Paṭiccavārādi

    បច្ចយចតុក្កំ

    Paccayacatukkaṃ

    ២៥. អកុសលំ សំកិលិដ្ឋសំកិលេសិកំ ធម្មំ បដិច្ច អកុសលោ សំកិលិដ្ឋសំកិលេសិកោ ធម្មោ ឧប្បជ្ជតិ ហេតុបច្ចយា។ (សំខិត្តំ។)

    25. Akusalaṃ saṃkiliṭṭhasaṃkilesikaṃ dhammaṃ paṭicca akusalo saṃkiliṭṭhasaṃkilesiko dhammo uppajjati hetupaccayā. (Saṃkhittaṃ.)

    ហេតុយា ឯកំ…បេ.… អវិគតេ ឯកំ។ (សំខិត្តំ។)

    Hetuyā ekaṃ…pe… avigate ekaṃ. (Saṃkhittaṃ.)

    (សហជាតវារេបិ…បេ.… បញ្ហាវារេបិ សព្ពត្ថ ឯកំ។)

    (Sahajātavārepi…pe… pañhāvārepi sabbattha ekaṃ.)

    ២៦. កុសលំ អសំកិលិដ្ឋសំកិលេសិកំ ធម្មំ បដិច្ច កុសលោ អសំកិលិដ្ឋសំកិលេសិកោ ធម្មោ ឧប្បជ្ជតិ ហេតុបច្ចយា… តីណិ។

    26. Kusalaṃ asaṃkiliṭṭhasaṃkilesikaṃ dhammaṃ paṭicca kusalo asaṃkiliṭṭhasaṃkilesiko dhammo uppajjati hetupaccayā… tīṇi.

    អព្យាកតំ អសំកិលិដ្ឋសំកិលេសិកំ ធម្មំ បដិច្ច អព្យាកតោ អសំកិលិដ្ឋសំកិលេសិកោ ធម្មោ ឧប្បជ្ជតិ ហេតុបច្ចយា។ (១)

    Abyākataṃ asaṃkiliṭṭhasaṃkilesikaṃ dhammaṃ paṭicca abyākato asaṃkiliṭṭhasaṃkilesiko dhammo uppajjati hetupaccayā. (1)

    កុសលំ អសំកិលិដ្ឋសំកិលេសិកញ្ច អព្យាកតំ អសំកិលិដ្ឋសំកិលេសិកញ្ច ធម្មំ បដិច្ច អព្យាកតោ អសំកិលិដ្ឋសំកិលេសិកោ ធម្មោ ឧប្បជ្ជតិ ហេតុបច្ចយា។ (១)

    Kusalaṃ asaṃkiliṭṭhasaṃkilesikañca abyākataṃ asaṃkiliṭṭhasaṃkilesikañca dhammaṃ paṭicca abyākato asaṃkiliṭṭhasaṃkilesiko dhammo uppajjati hetupaccayā. (1)

    ២៧. ហេតុយា បញ្ច, អវិគតេ បញ្ច។ (សំខិត្តំ។ សហជាតវារេបិ…បេ.… បញ្ហាវារេបិ សព្ពត្ថ វិត្ថារោ។)

    27. Hetuyā pañca, avigate pañca. (Saṃkhittaṃ. Sahajātavārepi…pe… pañhāvārepi sabbattha vitthāro.)

    ២៨. កុសលំ អសំកិលិដ្ឋអសំកិលេសិកំ ធម្មំ បដិច្ច កុសលោ អសំកិលិដ្ឋអសំកិលេសិកោ ធម្មោ ឧប្បជ្ជតិ ហេតុបច្ចយា។ (១)

    28. Kusalaṃ asaṃkiliṭṭhaasaṃkilesikaṃ dhammaṃ paṭicca kusalo asaṃkiliṭṭhaasaṃkilesiko dhammo uppajjati hetupaccayā. (1)

    អព្យាកតំ អសំកិលិដ្ឋអសំកិលេសិកំ ធម្មំ បដិច្ច អព្យាកតោ អសំកិលិដ្ឋអសំកិលេសិកោ ធម្មោ ឧប្បជ្ជតិ ហេតុបច្ចយា។ (១) (សំខិត្តំ។)

    Abyākataṃ asaṃkiliṭṭhaasaṃkilesikaṃ dhammaṃ paṭicca abyākato asaṃkiliṭṭhaasaṃkilesiko dhammo uppajjati hetupaccayā. (1) (Saṃkhittaṃ.)

    ហេតុយា ទ្វេ…បេ.… អវិគតេ ទ្វេ។ (សំខិត្តំ។ សហជាតវារេបិ…បេ.… បញ្ហាវារេបិ សព្ពត្ថ វិត្ថារេតព្ពំ។)

    Hetuyā dve…pe… avigate dve. (Saṃkhittaṃ. Sahajātavārepi…pe… pañhāvārepi sabbattha vitthāretabbaṃ.)

    ១-៥. កុសលត្តិក-វិតក្កត្តិកំ

    1-5. Kusalattika-vitakkattikaṃ

    ១-៧. បដិច្ចវារាទិ

    1-7. Paṭiccavārādi

    បច្ចយចតុក្កំ

    Paccayacatukkaṃ

    ហេតុបច្ចយោ

    Hetupaccayo

    ២៩. កុសលំ សវិតក្កសវិចារំ ធម្មំ បដិច្ច កុសលោ សវិតក្កសវិចារោ ធម្មោ ឧប្បជ្ជតិ ហេតុបច្ចយា។ (១)

    29. Kusalaṃ savitakkasavicāraṃ dhammaṃ paṭicca kusalo savitakkasavicāro dhammo uppajjati hetupaccayā. (1)

    អកុសលំ សវិតក្កសវិចារំ ធម្មំ បដិច្ច អកុសលោ សវិតក្កសវិចារោ ធម្មោ ឧប្បជ្ជតិ ហេតុបច្ចយា។ (១)

    Akusalaṃ savitakkasavicāraṃ dhammaṃ paṭicca akusalo savitakkasavicāro dhammo uppajjati hetupaccayā. (1)

    អព្យាកតំ សវិតក្កសវិចារំ ធម្មំ បដិច្ច អព្យាកតោ សវិតក្កសវិចារោ ធម្មោ ឧប្បជ្ជតិ ហេតុបច្ចយា។ (១) (សំខិត្តំ។)

    Abyākataṃ savitakkasavicāraṃ dhammaṃ paṭicca abyākato savitakkasavicāro dhammo uppajjati hetupaccayā. (1) (Saṃkhittaṃ.)

    ហេតុយា តីណិ, អារម្មណេ តីណិ, អវិគតេ តីណិ។ (សំខិត្តំ។ សហជាតវារម្បិ…បេ.… សម្បយុត្តវារម្បិ បដិច្ចវារសទិសំ។)

    Hetuyā tīṇi, ārammaṇe tīṇi, avigate tīṇi. (Saṃkhittaṃ. Sahajātavārampi…pe… sampayuttavārampi paṭiccavārasadisaṃ.)

    ៣០. កុសលោ សវិតក្កសវិចារោ ធម្មោ កុសលស្ស សវិតក្កសវិចារស្ស ធម្មស្ស ហេតុបច្ចយេន បច្ចយោ។ (១)

    30. Kusalo savitakkasavicāro dhammo kusalassa savitakkasavicārassa dhammassa hetupaccayena paccayo. (1)

    អកុសលោ សវិតក្កសវិចារោ ធម្មោ អកុសលស្ស សវិតក្កសវិចារស្ស ធម្មស្ស ហេតុបច្ចយេន បច្ចយោ។ (១)

    Akusalo savitakkasavicāro dhammo akusalassa savitakkasavicārassa dhammassa hetupaccayena paccayo. (1)

    អព្យាកតោ សវិតក្កសវិចារោ ធម្មោ អព្យាកតស្ស សវិតក្កសវិចារស្ស ធម្មស្ស ហេតុបច្ចយេន បច្ចយោ។ (១) (សំខិត្តំ។)

    Abyākato savitakkasavicāro dhammo abyākatassa savitakkasavicārassa dhammassa hetupaccayena paccayo. (1) (Saṃkhittaṃ.)

    ៣១. ហេតុយា តីណិ, អារម្មណេ នវ, អវិគតេ តីណិ។ (សំខិត្តំ។) (យថា កុសលត្តិកេ បញ្ហាវារំ ឯវំ វិត្ថារេតព្ពំ)។

    31. Hetuyā tīṇi, ārammaṇe nava, avigate tīṇi. (Saṃkhittaṃ.) (Yathā kusalattike pañhāvāraṃ evaṃ vitthāretabbaṃ).

    ៣២. កុសលំ អវិតក្កវិចារមត្តំ ធម្មំ បដិច្ច កុសលោ អវិតក្កវិចារមត្តោ ធម្មោ ឧប្បជ្ជតិ ហេតុបច្ចយា។ (១)

    32. Kusalaṃ avitakkavicāramattaṃ dhammaṃ paṭicca kusalo avitakkavicāramatto dhammo uppajjati hetupaccayā. (1)

    អព្យាកតំ អវិតក្កវិចារមត្តំ ធម្មំ បដិច្ច អព្យាកតោ អវិតក្កវិចារមត្តោ ធម្មោ ឧប្បជ្ជតិ ហេតុបច្ចយា។ (១) (សំខិត្តំ។)

    Abyākataṃ avitakkavicāramattaṃ dhammaṃ paṭicca abyākato avitakkavicāramatto dhammo uppajjati hetupaccayā. (1) (Saṃkhittaṃ.)

    ហេតុយា ទ្វេ, អវិគតេ ទ្វេ។ (សំខិត្តំ។)

    Hetuyā dve, avigate dve. (Saṃkhittaṃ.)

    (សហជាតវារេបិ…បេ.… សម្បយុត្តវារេបិ បញ្ហាវារេបិ សព្ពត្ថ វិត្ថារោ។)

    (Sahajātavārepi…pe… sampayuttavārepi pañhāvārepi sabbattha vitthāro.)

    ៣៣. កុសលំ អវិតក្កអវិចារំ ធម្មំ បដិច្ច កុសលោ អវិតក្កអវិចារោ ធម្មោ ឧប្បជ្ជតិ ហេតុបច្ចយា… តីណិ។

    33. Kusalaṃ avitakkaavicāraṃ dhammaṃ paṭicca kusalo avitakkaavicāro dhammo uppajjati hetupaccayā… tīṇi.

    អព្យាកតំ អវិតក្កអវិចារំ ធម្មំ បដិច្ច អព្យាកតោ អវិតក្កអវិចារោ ធម្មោ ឧប្បជ្ជតិ ហេតុបច្ចយា។ (១)

    Abyākataṃ avitakkaavicāraṃ dhammaṃ paṭicca abyākato avitakkaavicāro dhammo uppajjati hetupaccayā. (1)

    កុសលំ អវិតក្កអវិចារញ្ច អព្យាកតំ អវិតក្កអវិចារញ្ច ធម្មំ បដិច្ច អព្យាកតោ អវិតក្កអវិចារោ ធម្មោ ឧប្បជ្ជតិ ហេតុបច្ចយា។ (១) (សំខិត្តំ។)

    Kusalaṃ avitakkaavicārañca abyākataṃ avitakkaavicārañca dhammaṃ paṭicca abyākato avitakkaavicāro dhammo uppajjati hetupaccayā. (1) (Saṃkhittaṃ.)

    ហេតុយា បញ្ច, អារម្មណេ ទ្វេ, អវិគតេ បញ្ច។ (សំខិត្តំ។ សហជាតវារម្បិ…បេ.… បញ្ហាវារម្បិ វិត្ថារេតព្ពំ។)

    Hetuyā pañca, ārammaṇe dve, avigate pañca. (Saṃkhittaṃ. Sahajātavārampi…pe… pañhāvārampi vitthāretabbaṃ.)

    ១-៦. កុសលត្តិក-បីតិត្តិកំ

    1-6. Kusalattika-pītittikaṃ

    ១-៧. បដិច្ចវារាទិ

    1-7. Paṭiccavārādi

    បច្ចយចតុក្កំ

    Paccayacatukkaṃ

    ហេតុបច្ចយោ

    Hetupaccayo

    ៣៤. កុសលំ បីតិសហគតំ ធម្មំ បដិច្ច កុសលោ បីតិសហគតោ ធម្មោ ឧប្បជ្ជតិ ហេតុបច្ចយា។ (១)

    34. Kusalaṃ pītisahagataṃ dhammaṃ paṭicca kusalo pītisahagato dhammo uppajjati hetupaccayā. (1)

    អកុសលំ បីតិសហគតំ ធម្មំ បដិច្ច អកុសលោ បីតិសហគតោ ធម្មោ ឧប្បជ្ជតិ ហេតុបច្ចយា។ (១)

    Akusalaṃ pītisahagataṃ dhammaṃ paṭicca akusalo pītisahagato dhammo uppajjati hetupaccayā. (1)

    អព្យាកតំ បីតិសហគតំ ធម្មំ បដិច្ច អព្យាកតោ បីតិសហគតោ ធម្មោ ឧប្បជ្ជតិ ហេតុបច្ចយា។ (១) (សំខិត្តំ។)

    Abyākataṃ pītisahagataṃ dhammaṃ paṭicca abyākato pītisahagato dhammo uppajjati hetupaccayā. (1) (Saṃkhittaṃ.)

    ហេតុយា តីណិ, អារម្មណេ តីណិ, អវិគតេ តីណិ។ (សំខិត្តំ។ សហជាតវារម្បិ…បេ.… សម្បយុត្តវារម្បិ បដិច្ចវារសទិសំ។)

    Hetuyā tīṇi, ārammaṇe tīṇi, avigate tīṇi. (Saṃkhittaṃ. Sahajātavārampi…pe… sampayuttavārampi paṭiccavārasadisaṃ.)

    ៣៥. កុសលោ បីតិសហគតោ ធម្មោ កុសលស្ស បីតិសហគតស្ស ធម្មស្ស ហេតុបច្ចយេន បច្ចយោ។ (១)

    35. Kusalo pītisahagato dhammo kusalassa pītisahagatassa dhammassa hetupaccayena paccayo. (1)

    អកុសលោ បីតិសហគតោ ធម្មោ អកុសលស្ស បីតិសហគតស្ស ធម្មស្ស ហេតុបច្ចយេន បច្ចយោ។ (១)

    Akusalo pītisahagato dhammo akusalassa pītisahagatassa dhammassa hetupaccayena paccayo. (1)

    អព្យាកតោ បីតិសហគតោ ធម្មោ អព្យាកតស្ស បីតិសហគតស្ស ធម្មស្ស ហេតុបច្ចយេន បច្ចយោ។ (១) (សំខិត្តំ។)

    Abyākato pītisahagato dhammo abyākatassa pītisahagatassa dhammassa hetupaccayena paccayo. (1) (Saṃkhittaṃ.)

    ហេតុយា តីណិ, អារម្មណេ នវ, អធិបតិយា សត្ត, អនន្តរេ បញ្ច អវិគតេ តីណិ។ (សំខិត្តំ។)

    Hetuyā tīṇi, ārammaṇe nava, adhipatiyā satta, anantare pañca avigate tīṇi. (Saṃkhittaṃ.)

    (យថា កុសលត្តិកេ បញ្ហាវារំ ឯវំ វិត្ថារេតព្ពំ។)

    (Yathā kusalattike pañhāvāraṃ evaṃ vitthāretabbaṃ.)

    ៣៦. កុសលំ សុខសហគតំ ធម្មំ បដិច្ច កុសលោ សុខសហគតោ ធម្មោ ឧប្បជ្ជតិ ហេតុបច្ចយា។ (១)

    36. Kusalaṃ sukhasahagataṃ dhammaṃ paṭicca kusalo sukhasahagato dhammo uppajjati hetupaccayā. (1)

    អកុសលំ សុខសហគតំ ធម្មំ បដិច្ច អកុសលោ សុខសហគតោ ធម្មោ ឧប្បជ្ជតិ ហេតុបច្ចយា។ (១)

    Akusalaṃ sukhasahagataṃ dhammaṃ paṭicca akusalo sukhasahagato dhammo uppajjati hetupaccayā. (1)

    អព្យាកតំ សុខសហគតំ ធម្មំ បដិច្ច អព្យាកតោ សុខសហគតោ ធម្មោ ឧប្បជ្ជតិ ហេតុបច្ចយា។ (១) (សំខិត្តំ។)

    Abyākataṃ sukhasahagataṃ dhammaṃ paṭicca abyākato sukhasahagato dhammo uppajjati hetupaccayā. (1) (Saṃkhittaṃ.)

    ហេតុយា តីណិ, អារម្មណេ តីណិ, អវិគតេ តីណិ។ (សំខិត្តំ។ សហជាតវារម្បិ…បេ.… បញ្ហាវារម្បិ វិត្ថារេតព្ពំ។)

    Hetuyā tīṇi, ārammaṇe tīṇi, avigate tīṇi. (Saṃkhittaṃ. Sahajātavārampi…pe… pañhāvārampi vitthāretabbaṃ.)

    ៣៧. កុសលំ ឧបេក្ខាសហគតំ ធម្មំ បដិច្ច កុសលោ ឧបេក្ខាសហគតោ ធម្មោ ឧប្បជ្ជតិ ហេតុបច្ចយា។ (១)

    37. Kusalaṃ upekkhāsahagataṃ dhammaṃ paṭicca kusalo upekkhāsahagato dhammo uppajjati hetupaccayā. (1)

    អកុសលំ ឧបេក្ខាសហគតំ ធម្មំ បដិច្ច អកុសលោ ឧបេក្ខាសហគតោ ធម្មោ ឧប្បជ្ជតិ ហេតុបច្ចយា។ (១)

    Akusalaṃ upekkhāsahagataṃ dhammaṃ paṭicca akusalo upekkhāsahagato dhammo uppajjati hetupaccayā. (1)

    អព្យាកតំ ឧបេក្ខាសហគតំ ធម្មំ បដិច្ច អព្យាកតោ ឧបេក្ខាសហគតោ ធម្មោ ឧប្បជ្ជតិ ហេតុបច្ចយា។ (១) (សំខិត្តំ។)

    Abyākataṃ upekkhāsahagataṃ dhammaṃ paṭicca abyākato upekkhāsahagato dhammo uppajjati hetupaccayā. (1) (Saṃkhittaṃ.)

    ហេតុយា តីណិ, អវិគតេ តីណិ។ (សំខិត្តំ។)

    Hetuyā tīṇi, avigate tīṇi. (Saṃkhittaṃ.)

    (សហជាតវារម្បិ…បេ.… បញ្ហាវារម្បិ វិត្ថារេតព្ពំ។)

    (Sahajātavārampi…pe… pañhāvārampi vitthāretabbaṃ.)

    ១-៧. កុសលត្តិក-ទស្សនត្តិកំ

    1-7. Kusalattika-dassanattikaṃ

    ១-៧. បដិច្ចវារាទិ

    1-7. Paṭiccavārādi

    បច្ចយចតុក្កំ

    Paccayacatukkaṃ

    ៣៨. អកុសលំ ទស្សនេន បហាតព្ពំ ធម្មំ បដិច្ច អកុសលោ ទស្សនេន បហាតព្ពោ ធម្មោ ឧប្បជ្ជតិ ហេតុបច្ចយា។ (សំខិត្តំ។)

    38. Akusalaṃ dassanena pahātabbaṃ dhammaṃ paṭicca akusalo dassanena pahātabbo dhammo uppajjati hetupaccayā. (Saṃkhittaṃ.)

    ហេតុយា ឯកំ…បេ.… អវិគតេ ឯកំ។ (សំខិត្តំ។)

    Hetuyā ekaṃ…pe… avigate ekaṃ. (Saṃkhittaṃ.)

    (សហជាតវារេបិ…បេ.… បញ្ហាវារេបិ សព្ពត្ថ ឯកំ។)

    (Sahajātavārepi…pe… pañhāvārepi sabbattha ekaṃ.)

    ៣៩. អកុសលំ ភាវនាយ បហាតព្ពំ ធម្មំ បដិច្ច អកុសលោ ភាវនាយ បហាតព្ពោ ធម្មោ ឧប្បជ្ជតិ ហេតុបច្ចយា។ (១) (សំខិត្តំ។)

    39. Akusalaṃ bhāvanāya pahātabbaṃ dhammaṃ paṭicca akusalo bhāvanāya pahātabbo dhammo uppajjati hetupaccayā. (1) (Saṃkhittaṃ.)

    ហេតុយា ឯកំ…បេ.… អវិគតេ ឯកំ។ (សំខិត្តំ។)

    Hetuyā ekaṃ…pe… avigate ekaṃ. (Saṃkhittaṃ.)

    ៤០. កុសលំ នេវទស្សនេន នភាវនាយ បហាតព្ពំ ធម្មំ បដិច្ច កុសលោ នេវទស្សនេន នភាវនាយ បហាតព្ពោ ធម្មោ ឧប្បជ្ជតិ ហេតុបច្ចយា… តីណិ។

    40. Kusalaṃ nevadassanena nabhāvanāya pahātabbaṃ dhammaṃ paṭicca kusalo nevadassanena nabhāvanāya pahātabbo dhammo uppajjati hetupaccayā… tīṇi.

    អព្យាកតំ នេវទស្សនេន នភាវនាយ បហាតព្ពំ ធម្មំ បដិច្ច អព្យាកតោ នេវទស្សនេន នភាវនាយ បហាតព្ពោ ធម្មោ ឧប្បជ្ជតិ ហេតុបច្ចយា។ (១)

    Abyākataṃ nevadassanena nabhāvanāya pahātabbaṃ dhammaṃ paṭicca abyākato nevadassanena nabhāvanāya pahātabbo dhammo uppajjati hetupaccayā. (1)

    កុសលំ នេវទស្សនេន នភាវនាយ បហាតព្ពញ្ច អព្យាកតំ នេវទស្សនេន នភាវនាយ បហាតព្ពញ្ច ធម្មំ បដិច្ច អព្យាកតោ នេវទស្សនេន នភាវនាយ បហាតព្ពោ ធម្មោ ឧប្បជ្ជតិ ហេតុបច្ចយា។ (១) (សំខិត្តំ។)

    Kusalaṃ nevadassanena nabhāvanāya pahātabbañca abyākataṃ nevadassanena nabhāvanāya pahātabbañca dhammaṃ paṭicca abyākato nevadassanena nabhāvanāya pahātabbo dhammo uppajjati hetupaccayā. (1) (Saṃkhittaṃ.)

    ហេតុយា បញ្ច, អវិគតេ បញ្ច។ (សំខិត្តំ។ សហជាតវារេបិ…បេ.… បញ្ហាវារេបិ សព្ពត្ថ វិត្ថារោ។)

    Hetuyā pañca, avigate pañca. (Saṃkhittaṃ. Sahajātavārepi…pe… pañhāvārepi sabbattha vitthāro.)

    ១-៨. កុសលត្តិក-ទស្សនហេតុកត្តិកំ

    1-8. Kusalattika-dassanahetukattikaṃ

    ១-៧. បដិច្ចវារាទិ

    1-7. Paṭiccavārādi

    បច្ចយចតុក្កំ

    Paccayacatukkaṃ

    ៤១. អកុសលំ ទស្សនេន បហាតព្ពហេតុកំ ធម្មំ បដិច្ច អកុសលោ ទស្សនេន បហាតព្ពហេតុកោ ធម្មោ ឧប្បជ្ជតិ ហេតុបច្ចយា។

    41. Akusalaṃ dassanena pahātabbahetukaṃ dhammaṃ paṭicca akusalo dassanena pahātabbahetuko dhammo uppajjati hetupaccayā.

    ហេតុយា ឯកំ…បេ.… អវិគតេ ឯកំ។ (សំខិត្តំ។)

    Hetuyā ekaṃ…pe… avigate ekaṃ. (Saṃkhittaṃ.)

    ៤២. អកុសលំ ភាវនាយ បហាតព្ពហេតុកំ ធម្មំ បដិច្ច អកុសលោ ភាវនាយ បហាតព្ពហេតុកោ ធម្មោ ឧប្បជ្ជតិ ហេតុបច្ចយា។

    42. Akusalaṃ bhāvanāya pahātabbahetukaṃ dhammaṃ paṭicca akusalo bhāvanāya pahātabbahetuko dhammo uppajjati hetupaccayā.

    ហេតុយា ឯកំ…បេ.… អវិគតេ ឯកំ។ (សំខិត្តំ។)

    Hetuyā ekaṃ…pe… avigate ekaṃ. (Saṃkhittaṃ.)

    ៤៣. កុសលំ នេវទស្សនេន នភាវនាយ បហាតព្ពហេតុកំ ធម្មំ បដិច្ច កុសលោ នេវទស្សនេន នភាវនាយ បហាតព្ពហេតុកោ ធម្មោ ឧប្បជ្ជតិ ហេតុបច្ចយា។ (សំខិត្តំ។)

    43. Kusalaṃ nevadassanena nabhāvanāya pahātabbahetukaṃ dhammaṃ paṭicca kusalo nevadassanena nabhāvanāya pahātabbahetuko dhammo uppajjati hetupaccayā. (Saṃkhittaṃ.)

    ហេតុយា សត្ត, អារម្មណេ ទ្វេ, អវិគតេ សត្ត។ (សំខិត្តំ។ សហជាតវារេបិ…បេ.… បញ្ហាវារេបិ សព្ពត្ថ វិត្ថារោ។)

    Hetuyā satta, ārammaṇe dve, avigate satta. (Saṃkhittaṃ. Sahajātavārepi…pe… pañhāvārepi sabbattha vitthāro.)

    ១-៩. កុសលត្តិក-អាចយគាមិត្តិកំ

    1-9. Kusalattika-ācayagāmittikaṃ

    ១-៧. បដិច្ចវារាទិ

    1-7. Paṭiccavārādi

    បច្ចយចតុក្កំ

    Paccayacatukkaṃ

    ៤៤. កុសលំ អាចយគាមិំ ធម្មំ បដិច្ច កុសលោ អាចយគាមី ធម្មោ ឧប្បជ្ជតិ ហេតុបច្ចយា។ (១)

    44. Kusalaṃ ācayagāmiṃ dhammaṃ paṭicca kusalo ācayagāmī dhammo uppajjati hetupaccayā. (1)

    អកុសលំ អាចយគាមិំ ធម្មំ បដិច្ច អកុសលោ អាចយគាមី ធម្មោ ឧប្បជ្ជតិ ហេតុបច្ចយា។ (១) (សំខិត្តំ។)

    Akusalaṃ ācayagāmiṃ dhammaṃ paṭicca akusalo ācayagāmī dhammo uppajjati hetupaccayā. (1) (Saṃkhittaṃ.)

    ហេតុយា ទ្វេ…បេ.… អវិគតេ ទ្វេ។ (សំខិត្តំ។)

    Hetuyā dve…pe… avigate dve. (Saṃkhittaṃ.)

    (សហជាតវារេបិ…បេ.… បញ្ហាវារេបិ សព្ពត្ថ វិត្ថារោ។)

    (Sahajātavārepi…pe… pañhāvārepi sabbattha vitthāro.)

    ៤៥. កុសលំ អបចយគាមិំ ធម្មំ បដិច្ច កុសលោ អបចយគាមី ធម្មោ ឧប្បជ្ជតិ ហេតុបច្ចយា។ (សំខិត្តំ។ បដិច្ចវារេបិ…បេ.… បញ្ហាវារេបិ សព្ពត្ថ ឯកំ។)

    45. Kusalaṃ apacayagāmiṃ dhammaṃ paṭicca kusalo apacayagāmī dhammo uppajjati hetupaccayā. (Saṃkhittaṃ. Paṭiccavārepi…pe… pañhāvārepi sabbattha ekaṃ.)

    ៤៦. អព្យាកតំ នេវាចយគាមិនាបចយគាមិំ ធម្មំ បដិច្ច អព្យាកតោ នេវាចយគាមិនាបចយគាមី ធម្មោ ឧប្បជ្ជតិ ហេតុបច្ចយា។ (សំខិត្តំ។)

    46. Abyākataṃ nevācayagāmināpacayagāmiṃ dhammaṃ paṭicca abyākato nevācayagāmināpacayagāmī dhammo uppajjati hetupaccayā. (Saṃkhittaṃ.)

    ហេតុយា ឯកំ…បេ.… អវិគតេ ឯកំ។ (សំខិត្តំ។ សហជាតវារម្បិ…បេ.… បញ្ហាវារម្បិ វិត្ថារេតព្ពំ។)

    Hetuyā ekaṃ…pe… avigate ekaṃ. (Saṃkhittaṃ. Sahajātavārampi…pe… pañhāvārampi vitthāretabbaṃ.)

    ១-១០. កុសលត្តិក-សេក្ខត្តិកំ

    1-10. Kusalattika-sekkhattikaṃ

    ១-៧. បដិច្ចវារាទិ

    1-7. Paṭiccavārādi

    បច្ចយចតុក្កំ

    Paccayacatukkaṃ

    ៤៧. កុសលំ សេក្ខំ ធម្មំ បដិច្ច កុសលោ សេក្ខោ ធម្មោ ឧប្បជ្ជតិ ហេតុបច្ចយា។ (១)

    47. Kusalaṃ sekkhaṃ dhammaṃ paṭicca kusalo sekkho dhammo uppajjati hetupaccayā. (1)

    អព្យាកតំ សេក្ខំ ធម្មំ បដិច្ច អព្យាកតោ សេក្ខោ ធម្មោ ឧប្បជ្ជតិ ហេតុបច្ចយា។ (១) (សំខិត្តំ។)

    Abyākataṃ sekkhaṃ dhammaṃ paṭicca abyākato sekkho dhammo uppajjati hetupaccayā. (1) (Saṃkhittaṃ.)

    ហេតុយា ទ្វេ, អវិគតេ ទ្វេ។ (សំខិត្តំ។ សហជាតវារេបិ…បេ.… បញ្ហាវារេបិ សព្ពត្ថ វិត្ថារោ។)

    Hetuyā dve, avigate dve. (Saṃkhittaṃ. Sahajātavārepi…pe… pañhāvārepi sabbattha vitthāro.)

    ៤៨. អព្យាកតំ អសេក្ខំ ធម្មំ បដិច្ច អព្យាកតោ អសេក្ខោ ធម្មោ ឧប្បជ្ជតិ ហេតុបច្ចយា។ (សំខិត្តំ។)

    48. Abyākataṃ asekkhaṃ dhammaṃ paṭicca abyākato asekkho dhammo uppajjati hetupaccayā. (Saṃkhittaṃ.)

    ហេតុយា ឯកំ…បេ.… អវិគតេ ឯកំ។ (សំខិត្តំ។)

    Hetuyā ekaṃ…pe… avigate ekaṃ. (Saṃkhittaṃ.)

    (សហជាតវារេបិ…បេ.… បញ្ហាវារេបិ សព្ពត្ថ ឯកំ។)

    (Sahajātavārepi…pe… pañhāvārepi sabbattha ekaṃ.)

    ៤៩. កុសលំ នេវសេក្ខនាសេក្ខំ ធម្មំ បដិច្ច កុសលោ នេវសេក្ខនាសេក្ខោ ធម្មោ ឧប្បជ្ជតិ ហេតុបច្ចយា… តីណិ។

    49. Kusalaṃ nevasekkhanāsekkhaṃ dhammaṃ paṭicca kusalo nevasekkhanāsekkho dhammo uppajjati hetupaccayā… tīṇi.

    អកុសលំ នេវសេក្ខនាសេក្ខំ ធម្មំ បដិច្ច អកុសលោ នេវសេក្ខនាសេក្ខោ ធម្មោ ឧប្បជ្ជតិ ហេតុបច្ចយា… តីណិ។

    Akusalaṃ nevasekkhanāsekkhaṃ dhammaṃ paṭicca akusalo nevasekkhanāsekkho dhammo uppajjati hetupaccayā… tīṇi.

    អព្យាកតំ នេវសេក្ខនាសេក្ខំ ធម្មំ បដិច្ច អព្យាកតោ នេវសេក្ខនាសេក្ខោ ធម្មោ ឧប្បជ្ជតិ ហេតុបច្ចយា… តីណិ។ (១)

    Abyākataṃ nevasekkhanāsekkhaṃ dhammaṃ paṭicca abyākato nevasekkhanāsekkho dhammo uppajjati hetupaccayā… tīṇi. (1)

    ហេតុយា នវ, អវិគតេ នវ។ (សំខិត្តំ។ សហជាតវារម្បិ…បេ.… សម្បយុត្តវារម្បិ បដិច្ចវារសទិសំ។)

    Hetuyā nava, avigate nava. (Saṃkhittaṃ. Sahajātavārampi…pe… sampayuttavārampi paṭiccavārasadisaṃ.)

    ៥០. កុសលោ នេវសេក្ខនាសេក្ខោ ធម្មោ កុសលស្ស នេវសេក្ខនាសេក្ខស្ស ធម្មស្ស ហេតុបច្ចយេន បច្ចយោ។ (សំខិត្តំ។)

    50. Kusalo nevasekkhanāsekkho dhammo kusalassa nevasekkhanāsekkhassa dhammassa hetupaccayena paccayo. (Saṃkhittaṃ.)

    ហេតុយា សត្ត, អារម្មណេ នវ, អវិគតេ តេរស។ (សំខិត្តំ។ យថា កុសលត្តិកេ បញ្ហាវារំ ឯវំ វិត្ថារេតព្ពំ។)

    Hetuyā satta, ārammaṇe nava, avigate terasa. (Saṃkhittaṃ. Yathā kusalattike pañhāvāraṃ evaṃ vitthāretabbaṃ.)

    ១-១១. កុសលត្តិក-បរិត្តត្តិកំ

    1-11. Kusalattika-parittattikaṃ

    ១-៧. បដិច្ចវារាទិ

    1-7. Paṭiccavārādi

    បច្ចយចតុក្កំ

    Paccayacatukkaṃ

    ៥១. កុសលំ បរិត្តំ ធម្មំ បដិច្ច កុសលោ បរិត្តោ ធម្មោ ឧប្បជ្ជតិ ហេតុបច្ចយា។ កុសលំ បរិត្តំ ធម្មំ បដិច្ច អព្យាកតោ បរិត្តោ ធម្មោ ឧប្បជ្ជតិ ហេតុបច្ចយា។ កុសលំ បរិត្តំ ធម្មំ បដិច្ច កុសលោ បរិត្តោ ច អព្យាកតោ បរិត្តោ ច ធម្មា ឧប្បជ្ជន្តិ ហេតុបច្ចយា។ (៣)

    51. Kusalaṃ parittaṃ dhammaṃ paṭicca kusalo paritto dhammo uppajjati hetupaccayā. Kusalaṃ parittaṃ dhammaṃ paṭicca abyākato paritto dhammo uppajjati hetupaccayā. Kusalaṃ parittaṃ dhammaṃ paṭicca kusalo paritto ca abyākato paritto ca dhammā uppajjanti hetupaccayā. (3)

    អកុសលំ បរិត្តំ ធម្មំ បដិច្ច អកុសលោ បរិត្តោ ធម្មោ ឧប្បជ្ជតិ ហេតុបច្ចយា… តីណិ។

    Akusalaṃ parittaṃ dhammaṃ paṭicca akusalo paritto dhammo uppajjati hetupaccayā… tīṇi.

    អព្យាកតំ បរិត្តំ ធម្មំ បដិច្ច អព្យាកតោ បរិត្តោ ធម្មោ ឧប្បជ្ជតិ ហេតុបច្ចយា។ (១)

    Abyākataṃ parittaṃ dhammaṃ paṭicca abyākato paritto dhammo uppajjati hetupaccayā. (1)

    កុសលំ បរិត្តញ្ច អព្យាកតំ បរិត្តញ្ច ធម្មំ បដិច្ច អព្យាកតោ បរិត្តោ ធម្មោ ឧប្បជ្ជតិ ហេតុបច្ចយា។ (១)

    Kusalaṃ parittañca abyākataṃ parittañca dhammaṃ paṭicca abyākato paritto dhammo uppajjati hetupaccayā. (1)

    អកុសលំ បរិត្តញ្ច អព្យាកតំ បរិត្តញ្ច ធម្មំ បដិច្ច អព្យាកតោ បរិត្តោ ធម្មោ ឧប្បជ្ជតិ ហេតុបច្ចយា។ (សំខិត្តំ។)

    Akusalaṃ parittañca abyākataṃ parittañca dhammaṃ paṭicca abyākato paritto dhammo uppajjati hetupaccayā. (Saṃkhittaṃ.)

    ហេតុយា នវ, អារម្មណេ តីណិ, អវិគតេ នវ។ (សំខិត្តំ។ សហជាតវារម្បិ…បេ.… សម្បយុត្តវារម្បិ បដិច្ចវារសទិសំ។)

    Hetuyā nava, ārammaṇe tīṇi, avigate nava. (Saṃkhittaṃ. Sahajātavārampi…pe… sampayuttavārampi paṭiccavārasadisaṃ.)

    ៥២. កុសលោ បរិត្តោ ធម្មោ កុសលស្ស បរិត្តស្ស ធម្មស្ស ហេតុបច្ចយេន បច្ចយោ… តីណិ។

    52. Kusalo paritto dhammo kusalassa parittassa dhammassa hetupaccayena paccayo… tīṇi.

    អកុសលោ បរិត្តោ ធម្មោ អកុសលស្ស បរិត្តស្ស ធម្មស្ស ហេតុបច្ចយេន បច្ចយោ… តីណិ។

    Akusalo paritto dhammo akusalassa parittassa dhammassa hetupaccayena paccayo… tīṇi.

    អព្យាកតោ បរិត្តោ ធម្មោ អព្យាកតស្ស បរិត្តស្ស ធម្មស្ស ហេតុបច្ចយេន បច្ចយោ។ (១)

    Abyākato paritto dhammo abyākatassa parittassa dhammassa hetupaccayena paccayo. (1)

    កុសលោ បរិត្តោ ធម្មោ កុសលស្ស បរិត្តស្ស ធម្មស្ស អារម្មណបច្ចយេន បច្ចយោ។ (សំខិត្តំ។)

    Kusalo paritto dhammo kusalassa parittassa dhammassa ārammaṇapaccayena paccayo. (Saṃkhittaṃ.)

    ហេតុយា សត្ត, អារម្មណេ នវ, អវិគតេ តេរស។ (សំខិត្តំ។ យថា កុសលត្តិកេ បញ្ហាវារំ ឯវំ វិត្ថារេតព្ពំ។)

    Hetuyā satta, ārammaṇe nava, avigate terasa. (Saṃkhittaṃ. Yathā kusalattike pañhāvāraṃ evaṃ vitthāretabbaṃ.)

    មហគ្គតាទិបទានិ

    Mahaggatādipadāni

    ហេតុបច្ចយោ

    Hetupaccayo

    ៥៣. កុសលំ មហគ្គតំ ធម្មំ បដិច្ច កុសលោ មហគ្គតោ ធម្មោ ឧប្បជ្ជតិ ហេតុបច្ចយា។ (១)

    53. Kusalaṃ mahaggataṃ dhammaṃ paṭicca kusalo mahaggato dhammo uppajjati hetupaccayā. (1)

    អព្យាកតំ មហគ្គតំ ធម្មំ បដិច្ច អព្យាកតោ មហគ្គតោ ធម្មោ ឧប្បជ្ជតិ ហេតុបច្ចយា។ (១) (សំខិត្តំ។)

    Abyākataṃ mahaggataṃ dhammaṃ paṭicca abyākato mahaggato dhammo uppajjati hetupaccayā. (1) (Saṃkhittaṃ.)

    ហេតុយា ទ្វេ, អារម្មណេ ទ្វេ, អវិគតេ ទ្វេ។ (សំខិត្តំ។ សហជាតវារេបិ…បេ.… បញ្ហាវារេបិ សព្ពត្ថ វិត្ថារោ)។

    Hetuyā dve, ārammaṇe dve, avigate dve. (Saṃkhittaṃ. Sahajātavārepi…pe… pañhāvārepi sabbattha vitthāro).

    ៥៤. កុសលំ អប្បមាណំ ធម្មំ បដិច្ច កុសលោ អប្បមាណោ ធម្មោ ឧប្បជ្ជតិ ហេតុបច្ចយា។ (១)

    54. Kusalaṃ appamāṇaṃ dhammaṃ paṭicca kusalo appamāṇo dhammo uppajjati hetupaccayā. (1)

    អព្យាកតំ អប្បមាណំ ធម្មំ បដិច្ច អព្យាកតោ អប្បមាណោ ធម្មោ ឧប្បជ្ជតិ ហេតុបច្ចយា។ (១) (សំខិត្តំ។)

    Abyākataṃ appamāṇaṃ dhammaṃ paṭicca abyākato appamāṇo dhammo uppajjati hetupaccayā. (1) (Saṃkhittaṃ.)

    ហេតុយា ទ្វេ, អវិគតេ ទ្វេ។ (សំខិត្តំ។ សហជាតវារេបិ…បេ.… បញ្ហាវារេបិ សព្ពត្ថ វិត្ថារោ។)

    Hetuyā dve, avigate dve. (Saṃkhittaṃ. Sahajātavārepi…pe… pañhāvārepi sabbattha vitthāro.)

    ១-១២. កុសលត្តិក-បរិត្តារម្មណត្តិកំ

    1-12. Kusalattika-parittārammaṇattikaṃ

    ១-៧. បដិច្ចវារាទិ

    1-7. Paṭiccavārādi

    បច្ចយចតុក្កំ

    Paccayacatukkaṃ

    ៥៥. កុសលំ បរិត្តារម្មណំ ធម្មំ បដិច្ច កុសលោ បរិត្តារម្មណោ ធម្មោ ឧប្បជ្ជតិ ហេតុបច្ចយា។ (១)

    55. Kusalaṃ parittārammaṇaṃ dhammaṃ paṭicca kusalo parittārammaṇo dhammo uppajjati hetupaccayā. (1)

    អកុសលំ បរិត្តារម្មណំ ធម្មំ បដិច្ច អកុសលោ បរិត្តារម្មណោ ធម្មោ ឧប្បជ្ជតិ ហេតុបច្ចយា។ (១)

    Akusalaṃ parittārammaṇaṃ dhammaṃ paṭicca akusalo parittārammaṇo dhammo uppajjati hetupaccayā. (1)

    អព្យាកតំ បរិត្តារម្មណំ ធម្មំ បដិច្ច អព្យាកតោ បរិត្តារម្មណោ ធម្មោ ឧប្បជ្ជតិ ហេតុបច្ចយា។ (១) (សំខិត្តំ។)

    Abyākataṃ parittārammaṇaṃ dhammaṃ paṭicca abyākato parittārammaṇo dhammo uppajjati hetupaccayā. (1) (Saṃkhittaṃ.)

    ហេតុយា តីណិ, អវិគតេ តីណិ។ (សំខិត្តំ។)

    Hetuyā tīṇi, avigate tīṇi. (Saṃkhittaṃ.)

    (សហជាតវារម្បិ…បេ.… បញ្ហាវារម្បិ វិត្ថារេតព្ពំ។)

    (Sahajātavārampi…pe… pañhāvārampi vitthāretabbaṃ.)

    ៥៦. កុសលំ មហគ្គតារម្មណំ ធម្មំ បដិច្ច កុសលោ មហគ្គតារម្មណោ ធម្មោ ឧប្បជ្ជតិ ហេតុបច្ចយា។ (១)

    56. Kusalaṃ mahaggatārammaṇaṃ dhammaṃ paṭicca kusalo mahaggatārammaṇo dhammo uppajjati hetupaccayā. (1)

    អកុសលំ មហគ្គតារម្មណំ ធម្មំ បដិច្ច អកុសលោ មហគ្គតារម្មណោ ធម្មោ ឧប្បជ្ជតិ ហេតុបច្ចយា។ (១)

    Akusalaṃ mahaggatārammaṇaṃ dhammaṃ paṭicca akusalo mahaggatārammaṇo dhammo uppajjati hetupaccayā. (1)

    អព្យាកតំ មហគ្គតារម្មណំ ធម្មំ បដិច្ច អព្យាកតោ មហគ្គតារម្មណោ ធម្មោ ឧប្បជ្ជតិ ហេតុបច្ចយា (១) (សំខិត្តំ)។

    Abyākataṃ mahaggatārammaṇaṃ dhammaṃ paṭicca abyākato mahaggatārammaṇo dhammo uppajjati hetupaccayā (1) (saṃkhittaṃ).

    ហេតុយា តីណិ, អវិគតេ តីណិ។ (សំខិត្តំ។)

    Hetuyā tīṇi, avigate tīṇi. (Saṃkhittaṃ.)

    (សហជាតវារេបិ…បេ.… បញ្ហាវារេបិ សព្ពត្ថ វិត្ថារោ។)

    (Sahajātavārepi…pe… pañhāvārepi sabbattha vitthāro.)

    ៥៧. កុសលំ អប្បមាណារម្មណំ ធម្មំ បដិច្ច កុសលោ អប្បមាណារម្មណោ ធម្មោ ឧប្បជ្ជតិ ហេតុបច្ចយា។ (១)

    57. Kusalaṃ appamāṇārammaṇaṃ dhammaṃ paṭicca kusalo appamāṇārammaṇo dhammo uppajjati hetupaccayā. (1)

    អព្យាកតំ អប្បមាណារម្មណំ ធម្មំ បដិច្ច អព្យាកតោ អប្បមាណារម្មណោ ធម្មោ ឧប្បជ្ជតិ ហេតុបច្ចយា។ (១) (សំខិត្តំ។)

    Abyākataṃ appamāṇārammaṇaṃ dhammaṃ paṭicca abyākato appamāṇārammaṇo dhammo uppajjati hetupaccayā. (1) (Saṃkhittaṃ.)

    ហេតុយា ទ្វេ, អវិគតេ ទ្វេ។ (សំខិត្តំ។)

    Hetuyā dve, avigate dve. (Saṃkhittaṃ.)

    (សហជាតវារេបិ…បេ.… បញ្ហាវារេបិ សព្ពត្ថ វិត្ថារោ។)

    (Sahajātavārepi…pe… pañhāvārepi sabbattha vitthāro.)

    ១-១៣. កុសលត្តិក-ហីនត្តិកំ

    1-13. Kusalattika-hīnattikaṃ

    ១-៧. បដិច្ចវារាទិ

    1-7. Paṭiccavārādi

    បច្ចយចតុក្កំ

    Paccayacatukkaṃ

    ៥៨. អកុសលំ ហីនំ ធម្មំ បដិច្ច អកុសលោ ហីនោ ធម្មោ ឧប្បជ្ជតិ ហេតុបច្ចយា។ (សំខិត្តំ។)

    58. Akusalaṃ hīnaṃ dhammaṃ paṭicca akusalo hīno dhammo uppajjati hetupaccayā. (Saṃkhittaṃ.)

    ហេតុយា ឯកំ…បេ.… អវិគតេ ឯកំ។ (សំខិត្តំ។ សព្ពត្ថ វិត្ថារោ។)

    Hetuyā ekaṃ…pe… avigate ekaṃ. (Saṃkhittaṃ. Sabbattha vitthāro.)

    ៥៩. កុសលំ មជ្ឈិមំ ធម្មំ បដិច្ច កុសលោ មជ្ឈិមោ ធម្មោ ឧប្បជ្ជតិ ហេតុបច្ចយា។ កុសលំ មជ្ឈិមំ ធម្មំ បដិច្ច អព្យាកតោ មជ្ឈិមោ ធម្មោ ឧប្បជ្ជតិ ហេតុបច្ចយា។ កុសលំ មជ្ឈិមំ ធម្មំ បដិច្ច កុសលោ មជ្ឈិមោ ច អព្យាកតោ មជ្ឈិមោ ច ធម្មា ឧប្បជ្ជន្តិ ហេតុបច្ចយា។ (៣)

    59. Kusalaṃ majjhimaṃ dhammaṃ paṭicca kusalo majjhimo dhammo uppajjati hetupaccayā. Kusalaṃ majjhimaṃ dhammaṃ paṭicca abyākato majjhimo dhammo uppajjati hetupaccayā. Kusalaṃ majjhimaṃ dhammaṃ paṭicca kusalo majjhimo ca abyākato majjhimo ca dhammā uppajjanti hetupaccayā. (3)

    អព្យាកតំ មជ្ឈិមំ ធម្មំ បដិច្ច អព្យាកតោ មជ្ឈិមោ ធម្មោ ឧប្បជ្ជតិ ហេតុបច្ចយា។ (១)

    Abyākataṃ majjhimaṃ dhammaṃ paṭicca abyākato majjhimo dhammo uppajjati hetupaccayā. (1)

    កុសលំ មជ្ឈិមញ្ច អព្យាកតំ មជ្ឈិមញ្ច ធម្មំ បដិច្ច អព្យាកតោ មជ្ឈិមោ ធម្មោ ឧប្បជ្ជតិ ហេតុបច្ចយា។ (១)

    Kusalaṃ majjhimañca abyākataṃ majjhimañca dhammaṃ paṭicca abyākato majjhimo dhammo uppajjati hetupaccayā. (1)

    កុសលំ មជ្ឈិមំ ធម្មំ បដិច្ច កុសលោ មជ្ឈិមោ ធម្មោ ឧប្បជ្ជតិ អារម្មណបច្ចយា។ (១)

    Kusalaṃ majjhimaṃ dhammaṃ paṭicca kusalo majjhimo dhammo uppajjati ārammaṇapaccayā. (1)

    អព្យាកតំ មជ្ឈិមំ ធម្មំ បដិច្ច អព្យាកតោ មជ្ឈិមោ ធម្មោ ឧប្បជ្ជតិ អារម្មណបច្ចយា។ (១) (សំខិត្តំ។)

    Abyākataṃ majjhimaṃ dhammaṃ paṭicca abyākato majjhimo dhammo uppajjati ārammaṇapaccayā. (1) (Saṃkhittaṃ.)

    ហេតុយា បញ្ច, អារម្មណេ ទ្វេ, អវិគតេ បញ្ច។ (សំខិត្តំ។ សហជាតវារម្បិ …បេ.… សម្បយុត្តវារម្បិ បដិច្ចវារសទិសំ។)

    Hetuyā pañca, ārammaṇe dve, avigate pañca. (Saṃkhittaṃ. Sahajātavārampi …pe… sampayuttavārampi paṭiccavārasadisaṃ.)

    ៦០. កុសលោ មជ្ឈិមោ ធម្មោ កុសលស្ស មជ្ឈិមស្ស ធម្មស្ស ហេតុបច្ចយេន បច្ចយោ… តីណិ។

    60. Kusalo majjhimo dhammo kusalassa majjhimassa dhammassa hetupaccayena paccayo… tīṇi.

    អព្យាកតោ មជ្ឈិមោ ធម្មោ អព្យាកតស្ស មជ្ឈិមស្ស ធម្មស្ស ហេតុបច្ចយេន បច្ចយោ។ (១)

    Abyākato majjhimo dhammo abyākatassa majjhimassa dhammassa hetupaccayena paccayo. (1)

    កុសលោ មជ្ឈិមោ ធម្មោ កុសលស្ស មជ្ឈិមស្ស ធម្មស្ស អារម្មណបច្ចយេន បច្ចយោ។ កុសលោ មជ្ឈិមោ ធម្មោ អព្យាកតស្ស មជ្ឈិមស្ស ធម្មស្ស អារម្មណបច្ចយេន បច្ចយោ។ (២)

    Kusalo majjhimo dhammo kusalassa majjhimassa dhammassa ārammaṇapaccayena paccayo. Kusalo majjhimo dhammo abyākatassa majjhimassa dhammassa ārammaṇapaccayena paccayo. (2)

    អព្យាកតោ មជ្ឈិមោ ធម្មោ អព្យាកតស្ស មជ្ឈិមស្ស ធម្មស្ស អារម្មណបច្ចយេន បច្ចយោ។ អព្យាកតោ មជ្ឈិមោ ធម្មោ កុសលស្ស មជ្ឈិមស្ស ធម្មស្ស អារម្មណបច្ចយេន បច្ចយោ។ (២) (សំខិត្តំ)។

    Abyākato majjhimo dhammo abyākatassa majjhimassa dhammassa ārammaṇapaccayena paccayo. Abyākato majjhimo dhammo kusalassa majjhimassa dhammassa ārammaṇapaccayena paccayo. (2) (Saṃkhittaṃ).

    ៦១. ហេតុយា ចត្តារិ, អារម្មណេ ចត្តារិ, អវិគតេ សត្ត។

    61. Hetuyā cattāri, ārammaṇe cattāri, avigate satta.

    (សំខិត្តំ។ យថា កុសលត្តិកេ បញ្ហាវារំ, ឯវំ វិត្ថារេតព្ពំ។)

    (Saṃkhittaṃ. Yathā kusalattike pañhāvāraṃ, evaṃ vitthāretabbaṃ.)

    បណីតបទំ

    Paṇītapadaṃ

    ហេតុបច្ចយោ

    Hetupaccayo

    ៦២. កុសលំ បណីតំ ធម្មំ បដិច្ច កុសលោ បណីតោ ធម្មោ ឧប្បជ្ជតិ ហេតុបច្ចយា។ (១)

    62. Kusalaṃ paṇītaṃ dhammaṃ paṭicca kusalo paṇīto dhammo uppajjati hetupaccayā. (1)

    អព្យាកតំ បណីតំ ធម្មំ បដិច្ច អព្យាកតោ បណីតោ ធម្មោ ឧប្បជ្ជតិ ហេតុបច្ចយា។ (១) (សំខិត្តំ។)

    Abyākataṃ paṇītaṃ dhammaṃ paṭicca abyākato paṇīto dhammo uppajjati hetupaccayā. (1) (Saṃkhittaṃ.)

    ហេតុយា ទ្វេ, អវិគតេ ទ្វេ។ (សំខិត្តំ។ សហជាតវារេបិ…បេ.… បញ្ហាវារេបិ សព្ពត្ថ វិត្ថារោ។)

    Hetuyā dve, avigate dve. (Saṃkhittaṃ. Sahajātavārepi…pe… pañhāvārepi sabbattha vitthāro.)

    ១-១៤. កុសលត្តិក-មិច្ឆត្តនិយតត្តិកំ

    1-14. Kusalattika-micchattaniyatattikaṃ

    ១-៧. បដិច្ចវារាទិ

    1-7. Paṭiccavārādi

    បច្ចយចតុក្កំ

    Paccayacatukkaṃ

    ៦៣. អកុសលំ មិច្ឆត្តនិយតំ ធម្មំ បដិច្ច អកុសលោ មិច្ឆត្តនិយតោ ធម្មោ ឧប្បជ្ជតិ ហេតុបច្ចយា។ (សំខិត្តំ។)

    63. Akusalaṃ micchattaniyataṃ dhammaṃ paṭicca akusalo micchattaniyato dhammo uppajjati hetupaccayā. (Saṃkhittaṃ.)

    ហេតុយា ឯកំ…បេ.… អវិគតេ ឯកំ។ (សំខិត្តំ។ សព្ពត្ថ វិត្ថារោ។)

    Hetuyā ekaṃ…pe… avigate ekaṃ. (Saṃkhittaṃ. Sabbattha vitthāro.)

    ៦៤. កុសលំ សម្មត្តនិយតំ ធម្មំ បដិច្ច កុសលោ សម្មត្តនិយតោ ធម្មោ ឧប្បជ្ជតិ ហេតុបច្ចយា។ (សំខិត្តំ។)

    64. Kusalaṃ sammattaniyataṃ dhammaṃ paṭicca kusalo sammattaniyato dhammo uppajjati hetupaccayā. (Saṃkhittaṃ.)

    ហេតុយា ឯកំ…បេ.… អវិគតេ ឯកំ។ (សំខិត្តំ។ សហជាតវារេបិ…បេ.… បញ្ហាវារេបិ សព្ពត្ថ ឯកំ។)

    Hetuyā ekaṃ…pe… avigate ekaṃ. (Saṃkhittaṃ. Sahajātavārepi…pe… pañhāvārepi sabbattha ekaṃ.)

    ៦៥. កុសលំ អនិយតំ ធម្មំ បដិច្ច កុសលោ អនិយតោ ធម្មោ ឧប្បជ្ជតិ ហេតុបច្ចយា។ កុសលំ អនិយតំ ធម្មំ បដិច្ច អព្យាកតោ អនិយតោ ធម្មោ ឧប្បជ្ជតិ ហេតុបច្ចយា។ កុសលំ អនិយតំ ធម្មំ បដិច្ច កុសលោ អនិយតោ ច អព្យាកតោ អនិយតោ ច ធម្មា ឧប្បជ្ជន្តិ ហេតុបច្ចយា។ (៣)

    65. Kusalaṃ aniyataṃ dhammaṃ paṭicca kusalo aniyato dhammo uppajjati hetupaccayā. Kusalaṃ aniyataṃ dhammaṃ paṭicca abyākato aniyato dhammo uppajjati hetupaccayā. Kusalaṃ aniyataṃ dhammaṃ paṭicca kusalo aniyato ca abyākato aniyato ca dhammā uppajjanti hetupaccayā. (3)

    អកុសលំ អនិយតំ ធម្មំ បដិច្ច អកុសលោ អនិយតោ ធម្មោ ឧប្បជ្ជតិ ហេតុបច្ចយា… តីណិ។

    Akusalaṃ aniyataṃ dhammaṃ paṭicca akusalo aniyato dhammo uppajjati hetupaccayā… tīṇi.

    អព្យាកតំ អនិយតំ ធម្មំ បដិច្ច អព្យាកតោ អនិយតោ ធម្មោ ឧប្បជ្ជតិ ហេតុបច្ចយា។ (១)

    Abyākataṃ aniyataṃ dhammaṃ paṭicca abyākato aniyato dhammo uppajjati hetupaccayā. (1)

    កុសលំ អនិយតញ្ច អព្យាកតំ អនិយតញ្ច ធម្មំ បដិច្ច អព្យាកតោ អនិយតោ ធម្មោ ឧប្បជ្ជតិ ហេតុបច្ចយា។ (១)

    Kusalaṃ aniyatañca abyākataṃ aniyatañca dhammaṃ paṭicca abyākato aniyato dhammo uppajjati hetupaccayā. (1)

    អកុសលំ អនិយតញ្ច អព្យាកតំ អនិយតញ្ច ធម្មំ បដិច្ច អព្យាកតោ អនិយតោ ធម្មោ ឧប្បជ្ជតិ ហេតុបច្ចយា។ (១) (សំខិត្តំ។)

    Akusalaṃ aniyatañca abyākataṃ aniyatañca dhammaṃ paṭicca abyākato aniyato dhammo uppajjati hetupaccayā. (1) (Saṃkhittaṃ.)

    ហេតុយា នវ, អារម្មណេ តីណិ, អវិគតេ នវ។ (សំខិត្តំ។ សហជាតវារម្បិ…បេ.… សម្បយុត្តវារម្បិ បដិច្ចវារសទិសំ។)

    Hetuyā nava, ārammaṇe tīṇi, avigate nava. (Saṃkhittaṃ. Sahajātavārampi…pe… sampayuttavārampi paṭiccavārasadisaṃ.)

    ៦៦. កុសលោ អនិយតោ ធម្មោ កុសលស្ស អនិយតស្ស ធម្មស្ស ហេតុបច្ចយេន បច្ចយោ… តីណិ។

    66. Kusalo aniyato dhammo kusalassa aniyatassa dhammassa hetupaccayena paccayo… tīṇi.

    អកុសលោ អនិយតោ ធម្មោ អកុសលស្ស អនិយតស្ស ធម្មស្ស ហេតុបច្ចយេន បច្ចយោ… តីណិ។

    Akusalo aniyato dhammo akusalassa aniyatassa dhammassa hetupaccayena paccayo… tīṇi.

    អព្យាកតោ អនិយតោ ធម្មោ អព្យាកតស្ស អនិយតស្ស ធម្មស្ស ហេតុបច្ចយេន បច្ចយោ។ (១) (សំខិត្តំ។)

    Abyākato aniyato dhammo abyākatassa aniyatassa dhammassa hetupaccayena paccayo. (1) (Saṃkhittaṃ.)

    ហេតុយា សត្ត, អារម្មណេ នវ, អវិគតេ តេរស។ (សំខិត្តំ។ យថា កុសលត្តិកេ បញ្ហាវារំ ឯវំ វិត្ថារេតព្ពំ។)

    Hetuyā satta, ārammaṇe nava, avigate terasa. (Saṃkhittaṃ. Yathā kusalattike pañhāvāraṃ evaṃ vitthāretabbaṃ.)

    ១-១៥. កុសលត្តិក-មគ្គារម្មណត្តិកំ

    1-15. Kusalattika-maggārammaṇattikaṃ

    ១-៧. បដិច្ចវារាទិ

    1-7. Paṭiccavārādi

    បច្ចយចតុក្កំ

    Paccayacatukkaṃ

    ៦៧. កុសលំ មគ្គារម្មណំ ធម្មំ បដិច្ច កុសលោ មគ្គារម្មណោ ធម្មោ ឧប្បជ្ជតិ ហេតុបច្ចយា។ (១)

    67. Kusalaṃ maggārammaṇaṃ dhammaṃ paṭicca kusalo maggārammaṇo dhammo uppajjati hetupaccayā. (1)

    អព្យាកតំ មគ្គារម្មណំ ធម្មំ បដិច្ច អព្យាកតោ មគ្គារម្មណោ ធម្មោ ឧប្បជ្ជតិ ហេតុបច្ចយា។ (១) (សំខិត្តំ។)

    Abyākataṃ maggārammaṇaṃ dhammaṃ paṭicca abyākato maggārammaṇo dhammo uppajjati hetupaccayā. (1) (Saṃkhittaṃ.)

    ហេតុយា ទ្វេ…បេ.… អវិគតេ ទ្វេ។ (សំខិត្តំ។ សព្ពត្ថ វិត្ថារោ។)

    Hetuyā dve…pe… avigate dve. (Saṃkhittaṃ. Sabbattha vitthāro.)

    ៦៨. កុសលំ មគ្គហេតុកំ ធម្មំ បដិច្ច កុសលោ មគ្គហេតុកោ ធម្មោ ឧប្បជ្ជតិ ហេតុបច្ចយា។ (សំខិត្តំ។)

    68. Kusalaṃ maggahetukaṃ dhammaṃ paṭicca kusalo maggahetuko dhammo uppajjati hetupaccayā. (Saṃkhittaṃ.)

    ហេតុយា ឯកំ…បេ.… អវិគតេ ឯកំ។ (សព្ពត្ថ ឯកំ។ សំខិត្តំ។)

    Hetuyā ekaṃ…pe… avigate ekaṃ. (Sabbattha ekaṃ. Saṃkhittaṃ.)

    ៦៩. កុសលំ មគ្គាធិបតិំ ធម្មំ បដិច្ច កុសលោ មគ្គាធិបតិ ធម្មោ ឧប្បជ្ជតិ ហេតុបច្ចយា។ (១)

    69. Kusalaṃ maggādhipatiṃ dhammaṃ paṭicca kusalo maggādhipati dhammo uppajjati hetupaccayā. (1)

    អព្យាកតំ មគ្គាធិបតិំ ធម្មំ បដិច្ច អព្យាកតោ មគ្គាធិបតិ ធម្មោ ឧប្បជ្ជតិ ហេតុបច្ចយា។ (១) (សំខិត្តំ)។

    Abyākataṃ maggādhipatiṃ dhammaṃ paṭicca abyākato maggādhipati dhammo uppajjati hetupaccayā. (1) (Saṃkhittaṃ).

    ហេតុយា ទ្វេ…បេ.… អវិគតេ ទ្វេ។ (សំខិត្តំ។ សព្ពត្ថ វិត្ថារោ)។

    Hetuyā dve…pe… avigate dve. (Saṃkhittaṃ. Sabbattha vitthāro).

    ១-១៦. កុសលត្តិក-ឧប្បន្នត្តិកំ

    1-16. Kusalattika-uppannattikaṃ

    ៧. បញ្ហាវារោ

    7. Pañhāvāro

    បច្ចយចតុក្កំ

    Paccayacatukkaṃ

    ៧០. កុសលោ ឧប្បន្នោ ធម្មោ កុសលស្ស ឧប្បន្នស្ស ធម្មស្ស ហេតុបច្ចយេន បច្ចយោ។ (សំខិត្តំ។)

    70. Kusalo uppanno dhammo kusalassa uppannassa dhammassa hetupaccayena paccayo. (Saṃkhittaṃ.)

    ហេតុយា សត្ត។ (សំខិត្តំ។)

    Hetuyā satta. (Saṃkhittaṃ.)

    ១-១៧. កុសលត្តិក-អតីតត្តិកំ

    1-17. Kusalattika-atītattikaṃ

    ៧. បញ្ហាវារោ

    7. Pañhāvāro

    បច្ចយចតុក្កំ

    Paccayacatukkaṃ

    ៧១. កុសលោ បច្ចុប្បន្នោ ធម្មោ កុសលស្ស បច្ចុប្បន្នស្ស ធម្មស្ស ហេតុបច្ចយេន បច្ចយោ។ (សំខិត្តំ។)

    71. Kusalo paccuppanno dhammo kusalassa paccuppannassa dhammassa hetupaccayena paccayo. (Saṃkhittaṃ.)

    ហេតុយា សត្ត។ (សំខិត្តំ។)

    Hetuyā satta. (Saṃkhittaṃ.)

    ១-១៨. កុសលត្តិក-អតីតារម្មណត្តិកំ

    1-18. Kusalattika-atītārammaṇattikaṃ

    ១-៧. បដិច្ចវារាទិ

    1-7. Paṭiccavārādi

    បច្ចយចតុក្កំ

    Paccayacatukkaṃ

    ៧២. កុសលំ អតីតារម្មណំ ធម្មំ បដិច្ច កុសលោ អតីតារម្មណោ ធម្មោ ឧប្បជ្ជតិ ហេតុបច្ចយា។ (១)

    72. Kusalaṃ atītārammaṇaṃ dhammaṃ paṭicca kusalo atītārammaṇo dhammo uppajjati hetupaccayā. (1)

    អកុសលំ អតីតារម្មណំ ធម្មំ បដិច្ច អកុសលោ អតីតារម្មណោ ធម្មោ ឧប្បជ្ជតិ ហេតុបច្ចយា។ (១)

    Akusalaṃ atītārammaṇaṃ dhammaṃ paṭicca akusalo atītārammaṇo dhammo uppajjati hetupaccayā. (1)

    អព្យាកតំ អតីតារម្មណំ ធម្មំ បដិច្ច អព្យាកតោ អតីតារម្មណោ ធម្មោ ឧប្បជ្ជតិ ហេតុបច្ចយា។ (១) (សំខិត្តំ។)

    Abyākataṃ atītārammaṇaṃ dhammaṃ paṭicca abyākato atītārammaṇo dhammo uppajjati hetupaccayā. (1) (Saṃkhittaṃ.)

    ហេតុយា តីណិ, អវិគតេ តីណិ។ (សំខិត្តំ។)

    Hetuyā tīṇi, avigate tīṇi. (Saṃkhittaṃ.)

    (សហជាតវារម្បិ…បេ.… សម្បយុត្តវារម្បិ បដិច្ចវារសទិសំ។)

    (Sahajātavārampi…pe… sampayuttavārampi paṭiccavārasadisaṃ.)

    ៧៣. កុសលោ អតីតារម្មណោ ធម្មោ កុសលស្ស អតីតារម្មណស្ស ធម្មស្ស ហេតុបច្ចយេន បច្ចយោ។ (១)

    73. Kusalo atītārammaṇo dhammo kusalassa atītārammaṇassa dhammassa hetupaccayena paccayo. (1)

    អកុសលោ អតីតារម្មណោ ធម្មោ អកុសលស្ស អតីតារម្មណស្ស ធម្មស្ស ហេតុបច្ចយេន បច្ចយោ។ (១)

    Akusalo atītārammaṇo dhammo akusalassa atītārammaṇassa dhammassa hetupaccayena paccayo. (1)

    អព្យាកតោ អតីតារម្មណោ ធម្មោ អព្យាកតស្ស អតីតារម្មណស្ស ធម្មស្ស ហេតុបច្ចយេន បច្ចយោ។ (១) (សំខិត្តំ។)

    Abyākato atītārammaṇo dhammo abyākatassa atītārammaṇassa dhammassa hetupaccayena paccayo. (1) (Saṃkhittaṃ.)

    ហេតុយា តីណិ, អារម្មណេ នវ, អវិគតេ តីណិ។ (សំខិត្តំ។ យថា កុសលត្តិកេ បញ្ហាវារំ ឯវំ វិត្ថារេតព្ពំ។)

    Hetuyā tīṇi, ārammaṇe nava, avigate tīṇi. (Saṃkhittaṃ. Yathā kusalattike pañhāvāraṃ evaṃ vitthāretabbaṃ.)

    អនាគតារម្មណបទំ

    Anāgatārammaṇapadaṃ

    ហេតុបច្ចយោ

    Hetupaccayo

    ៧៤. កុសលំ អនាគតារម្មណំ ធម្មំ បដិច្ច កុសលោ អនាគតារម្មណោ ធម្មោ ឧប្បជ្ជតិ ហេតុបច្ចយា។ (សំខិត្តំ។)

    74. Kusalaṃ anāgatārammaṇaṃ dhammaṃ paṭicca kusalo anāgatārammaṇo dhammo uppajjati hetupaccayā. (Saṃkhittaṃ.)

    ហេតុយា តីណិ, អារម្មណេ តីណិ, អវិគតេ តីណិ។ (សំខិត្តំ។ សហជាតវារម្បិ…បេ.… សម្បយុត្តវារម្បិ បដិច្ចវារសទិសំ។)

    Hetuyā tīṇi, ārammaṇe tīṇi, avigate tīṇi. (Saṃkhittaṃ. Sahajātavārampi…pe… sampayuttavārampi paṭiccavārasadisaṃ.)

    ៧៥. កុសលោ អនាគតារម្មណោ ធម្មោ កុសលស្ស អនាគតារម្មណស្ស ធម្មស្ស ហេតុបច្ចយេន បច្ចយោ។ (សំខិត្តំ។)

    75. Kusalo anāgatārammaṇo dhammo kusalassa anāgatārammaṇassa dhammassa hetupaccayena paccayo. (Saṃkhittaṃ.)

    ហេតុយា តីណិ, អារម្មណេ នវ, អវិគតេ តីណិ។ (សំខិត្តំ។ យថា កុសលត្តិកេ បញ្ហាវារំ, ឯវំ វិត្ថារេតព្ពំ។)

    Hetuyā tīṇi, ārammaṇe nava, avigate tīṇi. (Saṃkhittaṃ. Yathā kusalattike pañhāvāraṃ, evaṃ vitthāretabbaṃ.)

    បច្ចុប្បន្នារម្មណបទំ

    Paccuppannārammaṇapadaṃ

    ហេតុបច្ចយោ

    Hetupaccayo

    ៧៦. កុសលំ បច្ចុប្បន្នារម្មណំ ធម្មំ បដិច្ច កុសលោ បច្ចុប្បន្នារម្មណោ ធម្មោ ឧប្បជ្ជតិ ហេតុបច្ចយា។ (សំខិត្តំ។)

    76. Kusalaṃ paccuppannārammaṇaṃ dhammaṃ paṭicca kusalo paccuppannārammaṇo dhammo uppajjati hetupaccayā. (Saṃkhittaṃ.)

    ហេតុយា តីណិ, អារម្មណេ តីណិ, អវិគតេ តីណិ។ (សំខិត្តំ។ សហជាតវារម្បិ…បេ.… សម្បយុត្តវារម្បិ បដិច្ចវារសទិសំ។)

    Hetuyā tīṇi, ārammaṇe tīṇi, avigate tīṇi. (Saṃkhittaṃ. Sahajātavārampi…pe… sampayuttavārampi paṭiccavārasadisaṃ.)

    ៧៧. កុសលោ បច្ចុប្បន្នារម្មណោ ធម្មោ កុសលស្ស បច្ចុប្បន្នារម្មណស្ស ធម្មស្ស ហេតុបច្ចយេន បច្ចយោ។ (១)

    77. Kusalo paccuppannārammaṇo dhammo kusalassa paccuppannārammaṇassa dhammassa hetupaccayena paccayo. (1)

    អកុសលោ បច្ចុប្បន្នារម្មណោ ធម្មោ អកុសលស្ស បច្ចុប្បន្នារម្មណស្ស ធម្មស្ស ហេតុបច្ចយេន បច្ចយោ។ (១)

    Akusalo paccuppannārammaṇo dhammo akusalassa paccuppannārammaṇassa dhammassa hetupaccayena paccayo. (1)

    អព្យាកតោ បច្ចុប្បន្នារម្មណោ ធម្មោ អព្យាកតស្ស បច្ចុប្បន្នារម្មណស្ស ធម្មស្ស ហេតុបច្ចយេន បច្ចយោ។ (១) (សំខិត្តំ។)

    Abyākato paccuppannārammaṇo dhammo abyākatassa paccuppannārammaṇassa dhammassa hetupaccayena paccayo. (1) (Saṃkhittaṃ.)

    ហេតុយា តីណិ, អារម្មណេ ឆ, អវិគតេ តីណិ។ (សំខិត្តំ។ យថា កុសលត្តិកេ បញ្ហាវារំ, ឯវំ វិត្ថារេតព្ពំ។)

    Hetuyā tīṇi, ārammaṇe cha, avigate tīṇi. (Saṃkhittaṃ. Yathā kusalattike pañhāvāraṃ, evaṃ vitthāretabbaṃ.)

    ១-១៩. កុសលត្តិក-អជ្ឈត្តត្តិកំ

    1-19. Kusalattika-ajjhattattikaṃ

    ១-៧. បដិច្ចវារាទិ

    1-7. Paṭiccavārādi

    បច្ចយចតុក្កំ

    Paccayacatukkaṃ

    ៧៨. កុសលំ អជ្ឈត្តំ ធម្មំ បដិច្ច កុសលោ អជ្ឈត្តោ ធម្មោ ឧប្បជ្ជតិ ហេតុបច្ចយា… តីណិ។

    78. Kusalaṃ ajjhattaṃ dhammaṃ paṭicca kusalo ajjhatto dhammo uppajjati hetupaccayā… tīṇi.

    អកុសលំ អជ្ឈត្តំ ធម្មំ បដិច្ច អកុសលោ អជ្ឈត្តោ ធម្មោ ឧប្បជ្ជតិ ហេតុបច្ចយា… តីណិ។

    Akusalaṃ ajjhattaṃ dhammaṃ paṭicca akusalo ajjhatto dhammo uppajjati hetupaccayā… tīṇi.

    អព្យាកតំ អជ្ឈត្តំ ធម្មំ បដិច្ច អព្យាកតោ អជ្ឈត្តោ ធម្មោ ឧប្បជ្ជតិ ហេតុបច្ចយា… តីណិ។

    Abyākataṃ ajjhattaṃ dhammaṃ paṭicca abyākato ajjhatto dhammo uppajjati hetupaccayā… tīṇi.

    ហេតុយា នវ, អវិគតេ នវ។ (សំខិត្តំ។)

    Hetuyā nava, avigate nava. (Saṃkhittaṃ.)

    (សហជាតវារម្បិ…បេ.… សម្បយុត្តវារម្បិ បដិច្ចវារសទិសំ, ឯវំ វិត្ថារេតព្ពំ។)

    (Sahajātavārampi…pe… sampayuttavārampi paṭiccavārasadisaṃ, evaṃ vitthāretabbaṃ.)

    ៧៩. កុសលោ អជ្ឈត្តោ ធម្មោ កុសលស្ស អជ្ឈត្តស្ស ធម្មស្ស ហេតុបច្ចយេន បច្ចយោ… តីណិ។

    79. Kusalo ajjhatto dhammo kusalassa ajjhattassa dhammassa hetupaccayena paccayo… tīṇi.

    អកុសលោ អជ្ឈត្តោ ធម្មោ អកុសលស្ស អជ្ឈត្តស្ស ធម្មស្ស ហេតុបច្ចយេន បច្ចយោ… តីណិ។

    Akusalo ajjhatto dhammo akusalassa ajjhattassa dhammassa hetupaccayena paccayo… tīṇi.

    អព្យាកតោ អជ្ឈត្តោ ធម្មោ អព្យាកតស្ស អជ្ឈត្តស្ស ធម្មស្ស ហេតុបច្ចយេន បច្ចយោ។ (១) (សំខិត្តំ)។

    Abyākato ajjhatto dhammo abyākatassa ajjhattassa dhammassa hetupaccayena paccayo. (1) (Saṃkhittaṃ).

    ហេតុយា សត្ត, អារម្មណេ នវ, អវិគតេ តេរស។ (សំខិត្តំ។ យថា កុសលត្តិកេ បញ្ហាវារំ, ឯវំ វិត្ថារេតព្ពំ។)

    Hetuyā satta, ārammaṇe nava, avigate terasa. (Saṃkhittaṃ. Yathā kusalattike pañhāvāraṃ, evaṃ vitthāretabbaṃ.)

    ពហិទ្ធាបទំ

    Bahiddhāpadaṃ

    ហេតុបច្ចយោ

    Hetupaccayo

    ៨០. កុសលំ ពហិទ្ធា ធម្មំ បដិច្ច កុសលោ ពហិទ្ធា ធម្មោ ឧប្បជ្ជតិ ហេតុបច្ចយា… តីណិ។

    80. Kusalaṃ bahiddhā dhammaṃ paṭicca kusalo bahiddhā dhammo uppajjati hetupaccayā… tīṇi.

    អកុសលំ ពហិទ្ធា ធម្មំ បដិច្ច អកុសលោ ពហិទ្ធា ធម្មោ ឧប្បជ្ជតិ ហេតុបច្ចយា… តីណិ។

    Akusalaṃ bahiddhā dhammaṃ paṭicca akusalo bahiddhā dhammo uppajjati hetupaccayā… tīṇi.

    អព្យាកតំ ពហិទ្ធា ធម្មំ បដិច្ច អព្យាកតោ ពហិទ្ធា ធម្មោ ឧប្បជ្ជតិ ហេតុបច្ចយា។ (១)

    Abyākataṃ bahiddhā dhammaṃ paṭicca abyākato bahiddhā dhammo uppajjati hetupaccayā. (1)

    កុសលំ ពហិទ្ធា ច អព្យាកតំ ពហិទ្ធា ច ធម្មំ បដិច្ច អព្យាកតោ ពហិទ្ធា ធម្មោ ឧប្បជ្ជតិ ហេតុបច្ចយា។ (១)

    Kusalaṃ bahiddhā ca abyākataṃ bahiddhā ca dhammaṃ paṭicca abyākato bahiddhā dhammo uppajjati hetupaccayā. (1)

    អកុសលំ ពហិទ្ធា ច អព្យាកតំ ពហិទ្ធា ច ធម្មំ បដិច្ច អព្យាកតោ ពហិទ្ធា ធម្មោ ឧប្បជ្ជតិ ហេតុបច្ចយា។ (១) (សំខិត្តំ។)

    Akusalaṃ bahiddhā ca abyākataṃ bahiddhā ca dhammaṃ paṭicca abyākato bahiddhā dhammo uppajjati hetupaccayā. (1) (Saṃkhittaṃ.)

    ហេតុយា នវ…បេ.… វិបាកេ ឯកំ…បេ.… អវិគតេ នវ។ (សំខិត្តំ។)

    Hetuyā nava…pe… vipāke ekaṃ…pe… avigate nava. (Saṃkhittaṃ.)

    (សហជាតវារម្បិ…បេ.… សម្បយុត្តវារម្បិ បដិច្ចវារសទិសំ។)

    (Sahajātavārampi…pe… sampayuttavārampi paṭiccavārasadisaṃ.)

    ៨១. កុសលោ ពហិទ្ធា ធម្មោ កុសលស្ស ពហិទ្ធា ធម្មស្ស ហេតុបច្ចយេន បច្ចយោ… តីណិ។

    81. Kusalo bahiddhā dhammo kusalassa bahiddhā dhammassa hetupaccayena paccayo… tīṇi.

    អកុសលោ ពហិទ្ធា ធម្មោ អកុសលស្ស ពហិទ្ធា ធម្មស្ស ហេតុបច្ចយេន បច្ចយោ… តីណិ។

    Akusalo bahiddhā dhammo akusalassa bahiddhā dhammassa hetupaccayena paccayo… tīṇi.

    អព្យាកតោ ពហិទ្ធា ធម្មោ អព្យាកតស្ស ពហិទ្ធា ធម្មស្ស ហេតុបច្ចយេន បច្ចយោ។ (១) (សំខិត្តំ។)

    Abyākato bahiddhā dhammo abyākatassa bahiddhā dhammassa hetupaccayena paccayo. (1) (Saṃkhittaṃ.)

    ហេតុយា សត្ត, អារម្មណេ នវ, អធិបតិយា ទស…បេ.… អវិគតេ តេរស។ (សំខិត្តំ។ យថា កុសលត្តិកេ បញ្ហាវារំ ឯវំ វិត្ថារេតព្ពំ។)

    Hetuyā satta, ārammaṇe nava, adhipatiyā dasa…pe… avigate terasa. (Saṃkhittaṃ. Yathā kusalattike pañhāvāraṃ evaṃ vitthāretabbaṃ.)

    ១-២០. កុសលត្តិក-អជ្ឈត្តារម្មណត្តិកំ

    1-20. Kusalattika-ajjhattārammaṇattikaṃ

    ១-៧. បដិច្ចវារាទិ

    1-7. Paṭiccavārādi

    បច្ចយចតុក្កំ

    Paccayacatukkaṃ

    ៨២. កុសលំ អជ្ឈត្តារម្មណំ ធម្មំ បដិច្ច កុសលោ អជ្ឈត្តារម្មណោ ធម្មោ ឧប្បជ្ជតិ ហេតុបច្ចយា។ (សំខិត្តំ។)

    82. Kusalaṃ ajjhattārammaṇaṃ dhammaṃ paṭicca kusalo ajjhattārammaṇo dhammo uppajjati hetupaccayā. (Saṃkhittaṃ.)

    ហេតុយា តីណិ…បេ.… វិបាកេ ឯកំ…បេ.… អវិគតេ តីណិ។ (សំខិត្តំ។)

    Hetuyā tīṇi…pe… vipāke ekaṃ…pe… avigate tīṇi. (Saṃkhittaṃ.)

    ៨៣. កុសលំ ពហិទ្ធារម្មណំ ធម្មំ បដិច្ច កុសលោ ពហិទ្ធារម្មណោ ធម្មោ ឧប្បជ្ជតិ ហេតុបច្ចយា។ (សំខិត្តំ។)

    83. Kusalaṃ bahiddhārammaṇaṃ dhammaṃ paṭicca kusalo bahiddhārammaṇo dhammo uppajjati hetupaccayā. (Saṃkhittaṃ.)

    ហេតុយា តីណិ…បេ.… វិបាកេ ឯកំ…បេ.… អវិគតេ តីណិ។ (សំខិត្តំ។)

    Hetuyā tīṇi…pe… vipāke ekaṃ…pe… avigate tīṇi. (Saṃkhittaṃ.)

    ១-២១. កុសលត្តិក-សនិទស្សនត្តិកំ

    1-21. Kusalattika-sanidassanattikaṃ

    ១-៧. បដិច្ចវារាទិ

    1-7. Paṭiccavārādi

    បច្ចយចតុក្កំ

    Paccayacatukkaṃ

    ៨៤. អព្យាកតំ អនិទស្សនសប្បដិឃំ ធម្មំ បដិច្ច អព្យាកតោ អនិទស្សនសប្បដិឃោ ធម្មោ ឧប្បជ្ជតិ ហេតុបច្ចយា។ (សំខិត្តំ។)

    84. Abyākataṃ anidassanasappaṭighaṃ dhammaṃ paṭicca abyākato anidassanasappaṭigho dhammo uppajjati hetupaccayā. (Saṃkhittaṃ.)

    ហេតុយា ឯកំ…បេ.… អវិគតេ ឯកំ។ (សំខិត្តំ។)

    Hetuyā ekaṃ…pe… avigate ekaṃ. (Saṃkhittaṃ.)

    (សហជាតវារម្បិ…បេ.… បញ្ហាវារម្បិ វិត្ថារេតព្ពំ។)

    (Sahajātavārampi…pe… pañhāvārampi vitthāretabbaṃ.)

    ៨៥. កុសលំ អនិទស្សនអប្បដិឃំ ធម្មំ បដិច្ច កុសលោ អនិទស្សនអប្បដិឃោ ធម្មោ ឧប្បជ្ជតិ ហេតុបច្ចយា។ កុសលំ អនិទស្សនអប្បដិឃំ ធម្មំ បដិច្ច អព្យាកតោ អនិទស្សនអប្បដិឃោ ធម្មោ ឧប្បជ្ជតិ ហេតុបច្ចយា។ កុសលំ អនិទស្សនអប្បដិឃំ ធម្មំ បដិច្ច កុសលោ អនិទស្សនអប្បដិឃោ ច អព្យាកតោ អនិទស្សនអប្បដិឃោ ច ធម្មា ឧប្បជ្ជន្តិ ហេតុបច្ចយា។ (៣)

    85. Kusalaṃ anidassanaappaṭighaṃ dhammaṃ paṭicca kusalo anidassanaappaṭigho dhammo uppajjati hetupaccayā. Kusalaṃ anidassanaappaṭighaṃ dhammaṃ paṭicca abyākato anidassanaappaṭigho dhammo uppajjati hetupaccayā. Kusalaṃ anidassanaappaṭighaṃ dhammaṃ paṭicca kusalo anidassanaappaṭigho ca abyākato anidassanaappaṭigho ca dhammā uppajjanti hetupaccayā. (3)

    អកុសលំ អនិទស្សនអប្បដិឃំ ធម្មំ បដិច្ច អកុសលោ អនិទស្សនអប្បដិឃោ ធម្មោ ឧប្បជ្ជតិ ហេតុបច្ចយា… តីណិ។

    Akusalaṃ anidassanaappaṭighaṃ dhammaṃ paṭicca akusalo anidassanaappaṭigho dhammo uppajjati hetupaccayā… tīṇi.

    អព្យាកតំ អនិទស្សនអប្បដិឃំ ធម្មំ បដិច្ច អព្យាកតោ អនិទស្សនអប្បដិឃោ ធម្មោ ឧប្បជ្ជតិ ហេតុបច្ចយា។ (១)

    Abyākataṃ anidassanaappaṭighaṃ dhammaṃ paṭicca abyākato anidassanaappaṭigho dhammo uppajjati hetupaccayā. (1)

    កុសលំ អនិទស្សនអប្បដិឃញ្ច អព្យាកតំ អនិទស្សនអប្បដិឃញ្ច ធម្មំ បដិច្ច អព្យាកតោ អនិទស្សនអប្បដិឃោ ធម្មោ ឧប្បជ្ជតិ ហេតុបច្ចយា។ (១)

    Kusalaṃ anidassanaappaṭighañca abyākataṃ anidassanaappaṭighañca dhammaṃ paṭicca abyākato anidassanaappaṭigho dhammo uppajjati hetupaccayā. (1)

    អកុសលំ អនិទស្សនអប្បដិឃញ្ច អព្យាកតំ អនិទស្សនអប្បដិឃញ្ច ធម្មំ បដិច្ច អព្យាកតោ អនិទស្សនអប្បដិឃោ ធម្មោ ឧប្បជ្ជតិ ហេតុបច្ចយា។ (១)

    Akusalaṃ anidassanaappaṭighañca abyākataṃ anidassanaappaṭighañca dhammaṃ paṭicca abyākato anidassanaappaṭigho dhammo uppajjati hetupaccayā. (1)

    ហេតុយា នវ, អារម្មណេ តីណិ…បេ.… វិបាកេ ឯកំ…បេ.… អវិគតេ នវ។ (សំខិត្តំ។ សហជាតវារម្បិ…បេ.… សម្បយុត្តវារម្បិ បញ្ហាវារម្បិ វិត្ថារេតព្ពំ។)

    Hetuyā nava, ārammaṇe tīṇi…pe… vipāke ekaṃ…pe… avigate nava. (Saṃkhittaṃ. Sahajātavārampi…pe… sampayuttavārampi pañhāvārampi vitthāretabbaṃ.)

    កុសលត្តិកសនិទស្សនត្តិកំ និដ្ឋិតំ។

    Kusalattikasanidassanattikaṃ niṭṭhitaṃ.

    ២-១. វេទនាត្តិក-កុសលត្តិកំ

    2-1. Vedanāttika-kusalattikaṃ

    ១-៧. បដិច្ចវារាទិ

    1-7. Paṭiccavārādi

    បច្ចយចតុក្កំ

    Paccayacatukkaṃ

    ៨៦. សុខាយ វេទនាយ សម្បយុត្តំ កុសលំ ធម្មំ បដិច្ច សុខាយ វេទនាយ សម្បយុត្តោ កុសលោ ធម្មោ ឧប្បជ្ជតិ ហេតុបច្ចយា។ (១)

    86. Sukhāya vedanāya sampayuttaṃ kusalaṃ dhammaṃ paṭicca sukhāya vedanāya sampayutto kusalo dhammo uppajjati hetupaccayā. (1)

    អទុក្ខមសុខាយ វេទនាយ សម្បយុត្តំ កុសលំ ធម្មំ បដិច្ច អទុក្ខមសុខាយ វេទនាយ សម្បយុត្តោ កុសលោ ធម្មោ ឧប្បជ្ជតិ ហេតុបច្ចយា។ (១)

    Adukkhamasukhāya vedanāya sampayuttaṃ kusalaṃ dhammaṃ paṭicca adukkhamasukhāya vedanāya sampayutto kusalo dhammo uppajjati hetupaccayā. (1)

    ហេតុយា ទ្វេ…បេ.… អវិគតេ ទ្វេ។ (សំខិត្តំ។) (សហជាតវារម្បិ…បេ.… សម្បយុត្តវារម្បិ បដិច្ចវារសទិសំ។)

    Hetuyā dve…pe… avigate dve. (Saṃkhittaṃ.) (Sahajātavārampi…pe… sampayuttavārampi paṭiccavārasadisaṃ.)

    ៨៧. សុខាយ វេទនាយ សម្បយុត្តោ កុសលោ ធម្មោ សុខាយ វេទនាយ សម្បយុត្តស្ស កុសលស្ស ធម្មស្ស ហេតុបច្ចយេន បច្ចយោ។ (១)

    87. Sukhāya vedanāya sampayutto kusalo dhammo sukhāya vedanāya sampayuttassa kusalassa dhammassa hetupaccayena paccayo. (1)

    អទុក្ខមសុខាយ វេទនាយ សម្បយុត្តោ កុសលោ ធម្មោ អទុក្ខមសុខាយ វេទនាយ សម្បយុត្តស្ស កុសលស្ស ធម្មស្ស ហេតុបច្ចយេន បច្ចយោ។ (១) (សំខិត្តំ។)

    Adukkhamasukhāya vedanāya sampayutto kusalo dhammo adukkhamasukhāya vedanāya sampayuttassa kusalassa dhammassa hetupaccayena paccayo. (1) (Saṃkhittaṃ.)

    ហេតុយា ទ្វេ, អវិគតេ ទ្វេ។ (សំខិត្តំ។ សព្ពត្ថ វិត្ថារោ។)

    Hetuyā dve, avigate dve. (Saṃkhittaṃ. Sabbattha vitthāro.)

    ៨៨. សុខាយ វេទនាយ សម្បយុត្តំ អកុសលំ ធម្មំ បដិច្ច សុខាយ វេទនាយ សម្បយុត្តោ អកុសលោ ធម្មោ ឧប្បជ្ជតិ ហេតុបច្ចយា។ (១)

    88. Sukhāya vedanāya sampayuttaṃ akusalaṃ dhammaṃ paṭicca sukhāya vedanāya sampayutto akusalo dhammo uppajjati hetupaccayā. (1)

    ទុក្ខាយ វេទនាយ សម្បយុត្តំ អកុសលំ ធម្មំ បដិច្ច ទុក្ខាយ វេទនាយ សម្បយុត្តោ អកុសលោ ធម្មោ ឧប្បជ្ជតិ ហេតុបច្ចយា។ (១)

    Dukkhāya vedanāya sampayuttaṃ akusalaṃ dhammaṃ paṭicca dukkhāya vedanāya sampayutto akusalo dhammo uppajjati hetupaccayā. (1)

    អទុក្ខមសុខាយ វេទនាយ សម្បយុត្តំ អកុសលំ ធម្មំ បដិច្ច អទុក្ខមសុខាយ វេទនាយ សម្បយុត្តោ អកុសលោ ធម្មោ ឧប្បជ្ជតិ ហេតុបច្ចយា។ (១) (សំខិត្តំ។)

    Adukkhamasukhāya vedanāya sampayuttaṃ akusalaṃ dhammaṃ paṭicca adukkhamasukhāya vedanāya sampayutto akusalo dhammo uppajjati hetupaccayā. (1) (Saṃkhittaṃ.)

    ហេតុយា តីណិ…បេ.… អវិគតេ តីណិ។ (សំខិត្តំ។ សព្ពត្ថ វិត្ថារោ។)

    Hetuyā tīṇi…pe… avigate tīṇi. (Saṃkhittaṃ. Sabbattha vitthāro.)

    ៨៩. សុខាយ វេទនាយ សម្បយុត្តំ អព្យាកតំ ធម្មំ បដិច្ច សុខាយ វេទនាយ សម្បយុត្តោ អព្យាកតោ ធម្មោ ឧប្បជ្ជតិ ហេតុបច្ចយា។ (១)

    89. Sukhāya vedanāya sampayuttaṃ abyākataṃ dhammaṃ paṭicca sukhāya vedanāya sampayutto abyākato dhammo uppajjati hetupaccayā. (1)

    អទុក្ខមសុខាយ វេទនាយ សម្បយុត្តំ អព្យាកតំ ធម្មំ បដិច្ច អទុក្ខមសុខាយ វេទនាយ សម្បយុត្តោ អព្យាកតោ ធម្មោ ឧប្បជ្ជតិ ហេតុបច្ចយា។ (១) (សំខិត្តំ។)

    Adukkhamasukhāya vedanāya sampayuttaṃ abyākataṃ dhammaṃ paṭicca adukkhamasukhāya vedanāya sampayutto abyākato dhammo uppajjati hetupaccayā. (1) (Saṃkhittaṃ.)

    ហេតុយា ទ្វេ, អវិគតេ តីណិ។ (សំខិត្តំ។)

    Hetuyā dve, avigate tīṇi. (Saṃkhittaṃ.)

    ៣-១. វិបាកត្តិក-កុសលត្តិកំ

    3-1. Vipākattika-kusalattikaṃ

    ១-៧. បដិច្ចវារាទិ

    1-7. Paṭiccavārādi

    ហេតុបច្ចយោ

    Hetupaccayo

    ៩០. វិបាកធម្មធម្មំ កុសលំ ធម្មំ បដិច្ច វិបាកធម្មធម្មោ កុសលោ ធម្មោ ឧប្បជ្ជតិ ហេតុបច្ចយា។ (សំខិត្តំ។)

    90. Vipākadhammadhammaṃ kusalaṃ dhammaṃ paṭicca vipākadhammadhammo kusalo dhammo uppajjati hetupaccayā. (Saṃkhittaṃ.)

    ហេតុយា ឯកំ…បេ.… អវិគតេ ឯកំ។ (សំខិត្តំ។)

    Hetuyā ekaṃ…pe… avigate ekaṃ. (Saṃkhittaṃ.)

    ៩១. វិបាកធម្មធម្មំ អកុសលំ ធម្មំ បដិច្ច វិបាកធម្មធម្មោ អកុសលោ ធម្មោ ឧប្បជ្ជតិ ហេតុបច្ចយា។ (សំខិត្តំ។)

    91. Vipākadhammadhammaṃ akusalaṃ dhammaṃ paṭicca vipākadhammadhammo akusalo dhammo uppajjati hetupaccayā. (Saṃkhittaṃ.)

    ហេតុយា ឯកំ។ (សព្ពត្ថ ឯកំ។)

    Hetuyā ekaṃ. (Sabbattha ekaṃ.)

    ៩២. វិបាកំ អព្យាកតំ ធម្មំ បដិច្ច វិបាកោ អព្យាកតោ ធម្មោ ឧប្បជ្ជតិ ហេតុបច្ចយា… តីណិ។

    92. Vipākaṃ abyākataṃ dhammaṃ paṭicca vipāko abyākato dhammo uppajjati hetupaccayā… tīṇi.

    នេវវិបាកនវិបាកធម្មធម្មំ អព្យាកតំ ធម្មំ បដិច្ច នេវវិបាកនវិបាកធម្មធម្មោ អព្យាកតោ ធម្មោ ឧប្បជ្ជតិ ហេតុបច្ចយា… តីណិ។

    Nevavipākanavipākadhammadhammaṃ abyākataṃ dhammaṃ paṭicca nevavipākanavipākadhammadhammo abyākato dhammo uppajjati hetupaccayā… tīṇi.

    វិបាកំ អព្យាកតញ្ច នេវវិបាកនវិបាកធម្មធម្មំ អព្យាកតញ្ច ធម្មំ បដិច្ច វិបាកោ អព្យាកតោ ធម្មោ ឧប្បជ្ជតិ ហេតុបច្ចយា… តីណិ។ (សំខិត្តំ។)

    Vipākaṃ abyākatañca nevavipākanavipākadhammadhammaṃ abyākatañca dhammaṃ paṭicca vipāko abyākato dhammo uppajjati hetupaccayā… tīṇi. (Saṃkhittaṃ.)

    ហេតុយា នវ, អវិគតេ នវ។ (សំខិត្តំ។ សព្ពត្ថ វិត្ថារោ។)

    Hetuyā nava, avigate nava. (Saṃkhittaṃ. Sabbattha vitthāro.)

    ៤-១. ឧបាទិន្នត្តិក-កុសលត្តិកំ

    4-1. Upādinnattika-kusalattikaṃ

    ១-៧. បដិច្ចវារាទិ

    1-7. Paṭiccavārādi

    ហេតុបច្ចយោ

    Hetupaccayo

    ៩៣. អនុបាទិន្នុបាទានិយំ កុសលំ ធម្មំ បដិច្ច អនុបាទិន្នុបាទានិយោ កុសលោ ធម្មោ ឧប្បជ្ជតិ ហេតុបច្ចយា។

    93. Anupādinnupādāniyaṃ kusalaṃ dhammaṃ paṭicca anupādinnupādāniyo kusalo dhammo uppajjati hetupaccayā.

    អនុបាទិន្នអនុបាទានិយំ កុសលំ ធម្មំ បដិច្ច អនុបាទិន្នអនុបាទានិយោ កុសលោ ធម្មោ ឧប្បជ្ជតិ ហេតុបច្ចយា។ (១) (សំខិត្តំ។)

    Anupādinnaanupādāniyaṃ kusalaṃ dhammaṃ paṭicca anupādinnaanupādāniyo kusalo dhammo uppajjati hetupaccayā. (1) (Saṃkhittaṃ.)

    ហេតុយា ទ្វេ។ (សព្ពត្ថ វិត្ថារោ។)

    Hetuyā dve. (Sabbattha vitthāro.)

    អនុបាទិន្នុបាទានិយំ អកុសលំ ធម្មំ បដិច្ច អនុបាទិន្នុបាទានិយោ អកុសលោ ធម្មោ ឧប្បជ្ជតិ ហេតុបច្ចយា។ (សព្ពត្ថ ឯកំ។ សព្ពត្ថ វិត្ថារោ។)

    Anupādinnupādāniyaṃ akusalaṃ dhammaṃ paṭicca anupādinnupādāniyo akusalo dhammo uppajjati hetupaccayā. (Sabbattha ekaṃ. Sabbattha vitthāro.)

    ៩៤. ឧបាទិន្នុបាទានិយំ អព្យាកតំ ធម្មំ បដិច្ច ឧបាទិន្នុបាទានិយោ អព្យាកតោ ធម្មោ ឧប្បជ្ជតិ ហេតុបច្ចយា… តីណិ។ (សព្ពត្ថ វិត្ថារោ។)

    94. Upādinnupādāniyaṃ abyākataṃ dhammaṃ paṭicca upādinnupādāniyo abyākato dhammo uppajjati hetupaccayā… tīṇi. (Sabbattha vitthāro.)

    អនុបាទិន្នុបាទានិយំ អព្យាកតំ ធម្មំ បដិច្ច អនុបាទិន្នុបាទានិយោ អព្យាកតោ ធម្មោ ឧប្បជ្ជតិ ហេតុបច្ចយា… តីណិ។

    Anupādinnupādāniyaṃ abyākataṃ dhammaṃ paṭicca anupādinnupādāniyo abyākato dhammo uppajjati hetupaccayā… tīṇi.

    អនុបាទិន្នអនុបាទានិយំ អព្យាកតំ ធម្មំ បដិច្ច អនុបាទិន្នអនុបាទានិយោ អព្យាកតោ ធម្មោ ឧប្បជ្ជតិ ហេតុបច្ចយា។ (១)

    Anupādinnaanupādāniyaṃ abyākataṃ dhammaṃ paṭicca anupādinnaanupādāniyo abyākato dhammo uppajjati hetupaccayā. (1)

    អនុបាទិន្នុបាទានិយំ អព្យាកតញ្ច អនុបាទិន្នអនុបាទានិយំ អព្យាកតញ្ច ធម្មំ បដិច្ច អនុបាទិន្នុបាទានិយោ អព្យាកតោ ធម្មោ ឧប្បជ្ជតិ ហេតុបច្ចយា។ (១)

    Anupādinnupādāniyaṃ abyākatañca anupādinnaanupādāniyaṃ abyākatañca dhammaṃ paṭicca anupādinnupādāniyo abyākato dhammo uppajjati hetupaccayā. (1)

    ឧបាទិន្នុបាទានិយំ អព្យាកតញ្ច អនុបាទិន្នុបាទានិយំ អព្យាកតញ្ច ធម្មំ បដិច្ច អនុបាទិន្នុបាទានិយោ អព្យាកតោ ធម្មោ ឧប្បជ្ជតិ ហេតុបច្ចយា។ (១) (សំខិត្តំ។)

    Upādinnupādāniyaṃ abyākatañca anupādinnupādāniyaṃ abyākatañca dhammaṃ paṭicca anupādinnupādāniyo abyākato dhammo uppajjati hetupaccayā. (1) (Saṃkhittaṃ.)

    ហេតុយា នវ។ (សព្ពត្ថ វិត្ថារោ។)

    Hetuyā nava. (Sabbattha vitthāro.)

    ៥-១. សំកិលិដ្ឋត្តិក-កុសលត្តិកំ

    5-1. Saṃkiliṭṭhattika-kusalattikaṃ

    ១-៧. បដិច្ចវារាទិ

    1-7. Paṭiccavārādi

    ហេតុបច្ចយោ

    Hetupaccayo

    ៩៥. អសំកិលិដ្ឋសំកិលេសិកំ កុសលំ ធម្មំ បដិច្ច អសំកិលិដ្ឋសំកិលេសិកោ កុសលោ ធម្មោ ឧប្បជ្ជតិ ហេតុបច្ចយា។

    95. Asaṃkiliṭṭhasaṃkilesikaṃ kusalaṃ dhammaṃ paṭicca asaṃkiliṭṭhasaṃkilesiko kusalo dhammo uppajjati hetupaccayā.

    អសំកិលិដ្ឋអសំកិលេសិកំ កុសលំ ធម្មំ បដិច្ច អសំកិលិដ្ឋអសំកិលេសិកោ កុសលោ ធម្មោ ឧប្បជ្ជតិ ហេតុបច្ចយា។ (សព្ពត្ថ ទ្វេ។)

    Asaṃkiliṭṭhaasaṃkilesikaṃ kusalaṃ dhammaṃ paṭicca asaṃkiliṭṭhaasaṃkilesiko kusalo dhammo uppajjati hetupaccayā. (Sabbattha dve.)

    សំកិលិដ្ឋសំកិលេសិកំ អកុសលំ ធម្មំ បដិច្ច សំកិលិដ្ឋសំកិលេសិកោ អកុសលោ ធម្មោ ឧប្បជ្ជតិ ហេតុបច្ចយា។ (សព្ពត្ថ ឯកំ។)

    Saṃkiliṭṭhasaṃkilesikaṃ akusalaṃ dhammaṃ paṭicca saṃkiliṭṭhasaṃkilesiko akusalo dhammo uppajjati hetupaccayā. (Sabbattha ekaṃ.)

    អសំកិលិដ្ឋសំកិលេសិកំ អព្យាកតំ ធម្មំ បដិច្ច អសំកិលិដ្ឋសំកិលេសិកោ អព្យាកតោ ធម្មោ ឧប្បជ្ជតិ ហេតុបច្ចយា។ (សំខិត្តំ។)

    Asaṃkiliṭṭhasaṃkilesikaṃ abyākataṃ dhammaṃ paṭicca asaṃkiliṭṭhasaṃkilesiko abyākato dhammo uppajjati hetupaccayā. (Saṃkhittaṃ.)

    ហេតុយា បញ្ច។

    Hetuyā pañca.

    ៦-១. វិតក្កត្តិក-កុសលត្តិកំ

    6-1. Vitakkattika-kusalattikaṃ

    ១-៧. បដិច្ចវារាទិ

    1-7. Paṭiccavārādi

    ហេតុបច្ចយោ

    Hetupaccayo

    ៩៦. សវិតក្កសវិចារំ កុសលំ ធម្មំ បដិច្ច សវិតក្កសវិចារោ កុសលោ ធម្មោ ឧប្បជ្ជតិ ហេតុបច្ចយា… តីណិ។

    96. Savitakkasavicāraṃ kusalaṃ dhammaṃ paṭicca savitakkasavicāro kusalo dhammo uppajjati hetupaccayā… tīṇi.

    អវិតក្កវិចារមត្តំ កុសលំ ធម្មំ បដិច្ច អវិតក្កវិចារមត្តោ កុសលោ ធម្មោ ឧប្បជ្ជតិ ហេតុបច្ចយា… ចត្តារិ។

    Avitakkavicāramattaṃ kusalaṃ dhammaṃ paṭicca avitakkavicāramatto kusalo dhammo uppajjati hetupaccayā… cattāri.

    អវិតក្កអវិចារំ កុសលំ ធម្មំ បដិច្ច អវិតក្កអវិចារោ កុសលោ ធម្មោ ឧប្បជ្ជតិ ហេតុបច្ចយា។ (១)

    Avitakkaavicāraṃ kusalaṃ dhammaṃ paṭicca avitakkaavicāro kusalo dhammo uppajjati hetupaccayā. (1)

    អវិតក្កអវិចារំ កុសលំ ធម្មំ បដិច្ច អវិតក្កវិចារមត្តោ កុសលោ ធម្មោ ឧប្បជ្ជតិ ហេតុបច្ចយា។ (១)

    Avitakkaavicāraṃ kusalaṃ dhammaṃ paṭicca avitakkavicāramatto kusalo dhammo uppajjati hetupaccayā. (1)

    អវិតក្កវិចារមត្តំ កុសលញ្ច អវិតក្កអវិចារំ កុសលញ្ច ធម្មំ…បេ.… សវិតក្កសវិចារំ កុសលញ្ច អវិតក្កវិចារមត្តំ កុសលញ្ច ធម្មំ បដិច្ច សវិតក្កសវិចារោ កុសលោ ធម្មោ ឧប្បជ្ជតិ ហេតុបច្ចយា។ (១)

    Avitakkavicāramattaṃ kusalañca avitakkaavicāraṃ kusalañca dhammaṃ…pe… savitakkasavicāraṃ kusalañca avitakkavicāramattaṃ kusalañca dhammaṃ paṭicca savitakkasavicāro kusalo dhammo uppajjati hetupaccayā. (1)

    ហេតុយា ឯកាទស។

    Hetuyā ekādasa.

    ៩៧. សវិតក្កសវិចារំ អកុសលំ ធម្មំ បដិច្ច សវិតក្កសវិចារោ អកុសលោ ធម្មោ ឧប្បជ្ជតិ ហេតុបច្ចយា… តីណិ។

    97. Savitakkasavicāraṃ akusalaṃ dhammaṃ paṭicca savitakkasavicāro akusalo dhammo uppajjati hetupaccayā… tīṇi.

    អវិតក្កវិចារមត្តំ អកុសលំ ធម្មំ បដិច្ច សវិតក្កសវិចារោ អកុសលោ ធម្មោ ឧប្បជ្ជតិ ហេតុបច្ចយា។ (១)

    Avitakkavicāramattaṃ akusalaṃ dhammaṃ paṭicca savitakkasavicāro akusalo dhammo uppajjati hetupaccayā. (1)

    សវិតក្កសវិចារំ អកុសលញ្ច អវិតក្កវិចារមត្តំ អកុសលញ្ច ធម្មំ បដិច្ច សវិតក្កសវិចារោ អកុសលោ ធម្មោ ឧប្បជ្ជតិ ហេតុបច្ចយា។ (១)

    Savitakkasavicāraṃ akusalañca avitakkavicāramattaṃ akusalañca dhammaṃ paṭicca savitakkasavicāro akusalo dhammo uppajjati hetupaccayā. (1)

    ហេតុយា បញ្ច។

    Hetuyā pañca.

    ៩៨. សវិតក្កសវិចារំ អព្យាកតំ ធម្មំ បដិច្ច សវិតក្កសវិចារោ អព្យាកតោ ធម្មោ ឧប្បជ្ជតិ ហេតុបច្ចយា។

    98. Savitakkasavicāraṃ abyākataṃ dhammaṃ paṭicca savitakkasavicāro abyākato dhammo uppajjati hetupaccayā.

    ហេតុយា សត្តតិំស។

    Hetuyā sattatiṃsa.

    ៧-១. បីតិត្តិក-កុសលត្តិកំ

    7-1. Pītittika-kusalattikaṃ

    ១-៧. បដិច្ចវារាទិ

    1-7. Paṭiccavārādi

    ហេតុបច្ចយោ

    Hetupaccayo

    ៩៩. បីតិសហគតំ កុសលំ ធម្មំ បដិច្ច បីតិសហគតោ កុសលោ ធម្មោ ឧប្បជ្ជតិ ហេតុបច្ចយា… តីណិ។

    99. Pītisahagataṃ kusalaṃ dhammaṃ paṭicca pītisahagato kusalo dhammo uppajjati hetupaccayā… tīṇi.

    សុខសហគតំ កុសលំ ធម្មំ បដិច្ច សុខសហគតោ កុសលោ ធម្មោ ឧប្បជ្ជតិ ហេតុបច្ចយា… តីណិ។

    Sukhasahagataṃ kusalaṃ dhammaṃ paṭicca sukhasahagato kusalo dhammo uppajjati hetupaccayā… tīṇi.

    ឧបេក្ខាសហគតំ កុសលំ ធម្មំ បដិច្ច ឧបេក្ខាសហគតោ កុសលោ ធម្មោ ឧប្បជ្ជតិ ហេតុបច្ចយា។ (១)

    Upekkhāsahagataṃ kusalaṃ dhammaṃ paṭicca upekkhāsahagato kusalo dhammo uppajjati hetupaccayā. (1)

    បីតិសហគតំ កុសលញ្ច សុខសហគតំ កុសលញ្ច ធម្មំ បដិច្ច បីតិសហគតោ កុសលោ ធម្មោ ឧប្បជ្ជតិ ហេតុបច្ចយា… តីណិ។ (សព្ពត្ថ ទស។ សព្ពត្ថ វិត្ថារោ។)

    Pītisahagataṃ kusalañca sukhasahagataṃ kusalañca dhammaṃ paṭicca pītisahagato kusalo dhammo uppajjati hetupaccayā… tīṇi. (Sabbattha dasa. Sabbattha vitthāro.)

    ១០០. បីតិសហគតំ អកុសលំ ធម្មំ បដិច្ច បីតិសហគតោ អកុសលោ ធម្មោ ឧប្បជ្ជតិ ហេតុបច្ចយា… តីណិ។

    100. Pītisahagataṃ akusalaṃ dhammaṃ paṭicca pītisahagato akusalo dhammo uppajjati hetupaccayā… tīṇi.

    សុខសហគតំ អកុសលំ ធម្មំ បដិច្ច សុខសហគតោ អកុសលោ ធម្មោ ឧប្បជ្ជតិ ហេតុបច្ចយា… តីណិ។

    Sukhasahagataṃ akusalaṃ dhammaṃ paṭicca sukhasahagato akusalo dhammo uppajjati hetupaccayā… tīṇi.

    ឧបេក្ខាសហគតំ អកុសលំ ធម្មំ បដិច្ច ឧបេក្ខាសហគតោ អកុសលោ ធម្មោ ឧប្បជ្ជតិ ហេតុបច្ចយា។ (១)

    Upekkhāsahagataṃ akusalaṃ dhammaṃ paṭicca upekkhāsahagato akusalo dhammo uppajjati hetupaccayā. (1)

    បីតិសហគតំ អកុសលញ្ច សុខសហគតំ អកុសលញ្ច ធម្មំ បដិច្ច បីតិសហគតោ អកុសលោ ធម្មោ ឧប្បជ្ជតិ ហេតុបច្ចយា… តីណិ។ (សព្ពត្ថ ទស។ សព្ពត្ថ វិត្ថារោ។)

    Pītisahagataṃ akusalañca sukhasahagataṃ akusalañca dhammaṃ paṭicca pītisahagato akusalo dhammo uppajjati hetupaccayā… tīṇi. (Sabbattha dasa. Sabbattha vitthāro.)

    ១០១. បីតិសហគតំ អព្យាកតំ ធម្មំ បដិច្ច បីតិសហគតោ អព្យាកតោ ធម្មោ ឧប្បជ្ជតិ ហេតុបច្ចយា… តីណិ។

    101. Pītisahagataṃ abyākataṃ dhammaṃ paṭicca pītisahagato abyākato dhammo uppajjati hetupaccayā… tīṇi.

    សុខសហគតំ អព្យាកតំ ធម្មំ បដិច្ច សុខសហគតោ អព្យាកតោ ធម្មោ ឧប្បជ្ជតិ ហេតុបច្ចយា… តីណិ។

    Sukhasahagataṃ abyākataṃ dhammaṃ paṭicca sukhasahagato abyākato dhammo uppajjati hetupaccayā… tīṇi.

    ឧបេក្ខាសហគតំ អព្យាកតំ ធម្មំ បដិច្ច ឧបេក្ខាសហគតោ អព្យាកតោ ធម្មោ ឧប្បជ្ជតិ ហេតុបច្ចយា។ (១)

    Upekkhāsahagataṃ abyākataṃ dhammaṃ paṭicca upekkhāsahagato abyākato dhammo uppajjati hetupaccayā. (1)

    បីតិសហគតំ អព្យាកតញ្ច សុខសហគតំ អព្យាកតញ្ច ធម្មំ បដិច្ច បីតិសហគតោ អព្យាកតោ ធម្មោ ឧប្បជ្ជតិ ហេតុបច្ចយា… តីណិ។ (សព្ពត្ថ ទស។ សព្ពត្ថ វិត្ថារោ។)

    Pītisahagataṃ abyākatañca sukhasahagataṃ abyākatañca dhammaṃ paṭicca pītisahagato abyākato dhammo uppajjati hetupaccayā… tīṇi. (Sabbattha dasa. Sabbattha vitthāro.)

    ៨-១. ទស្សនត្តិក-កុសលត្តិកំ

    8-1. Dassanattika-kusalattikaṃ

    ១-៧. បដិច្ចវារាទិ

    1-7. Paṭiccavārādi

    ហេតុបច្ចយោ

    Hetupaccayo

    ១០២. នេវទស្សនេន នភាវនាយ បហាតព្ពំ កុសលំ ធម្មំ បដិច្ច នេវទស្សនេន នភាវនាយ បហាតព្ពោ កុសលោ ធម្មោ ឧប្បជ្ជតិ ហេតុបច្ចយា។ (សព្ពត្ថ ឯកំ។)

    102. Nevadassanena nabhāvanāya pahātabbaṃ kusalaṃ dhammaṃ paṭicca nevadassanena nabhāvanāya pahātabbo kusalo dhammo uppajjati hetupaccayā. (Sabbattha ekaṃ.)

    ១០៣. ទស្សនេន បហាតព្ពំ អកុសលំ ធម្មំ បដិច្ច ទស្សនេន បហាតព្ពោ អកុសលោ ធម្មោ ឧប្បជ្ជតិ ហេតុបច្ចយា។ (១)

    103. Dassanena pahātabbaṃ akusalaṃ dhammaṃ paṭicca dassanena pahātabbo akusalo dhammo uppajjati hetupaccayā. (1)

    ភាវនាយ បហាតព្ពំ អកុសលំ ធម្មំ បដិច្ច ភាវនាយ បហាតព្ពោ អកុសលោ ធម្មោ ឧប្បជ្ជតិ ហេតុបច្ចយា។ (១) (សព្ពត្ថ ទ្វេ។ សព្ពត្ថ វិត្ថារោ។)

    Bhāvanāya pahātabbaṃ akusalaṃ dhammaṃ paṭicca bhāvanāya pahātabbo akusalo dhammo uppajjati hetupaccayā. (1) (Sabbattha dve. Sabbattha vitthāro.)

    ១០៤. នេវទស្សនេន នភាវនាយ បហាតព្ពំ អព្យាកតំ ធម្មំ បដិច្ច នេវទស្សនេន នភាវនាយ បហាតព្ពោ អព្យាកតោ ធម្មោ ឧប្បជ្ជតិ ហេតុបច្ចយា។ (សព្ពត្ថ ឯកំ។)

    104. Nevadassanena nabhāvanāya pahātabbaṃ abyākataṃ dhammaṃ paṭicca nevadassanena nabhāvanāya pahātabbo abyākato dhammo uppajjati hetupaccayā. (Sabbattha ekaṃ.)

    ៩-១. ទស្សនហេតុត្តិក-កុសលត្តិកំ

    9-1. Dassanahetuttika-kusalattikaṃ

    ១-៧. បដិច្ចវារាទិ

    1-7. Paṭiccavārādi

    ហេតុបច្ចយោ

    Hetupaccayo

    ១០៥. នេវទស្សនេន នភាវនាយ បហាតព្ពហេតុកំ កុសលំ ធម្មំ បដិច្ច នេវទស្សនេន នភាវនាយ បហាតព្ពហេតុកោ កុសលោ ធម្មោ ឧប្បជ្ជតិ ហេតុបច្ចយា។ (សព្ពត្ថ ឯកំ។ សព្ពត្ថ វិត្ថារោ។)

    105. Nevadassanena nabhāvanāya pahātabbahetukaṃ kusalaṃ dhammaṃ paṭicca nevadassanena nabhāvanāya pahātabbahetuko kusalo dhammo uppajjati hetupaccayā. (Sabbattha ekaṃ. Sabbattha vitthāro.)

    ១០៦. ទស្សនេន បហាតព្ពហេតុកំ អកុសលំ ធម្មំ បដិច្ច ទស្សនេន បហាតព្ពហេតុកោ អកុសលោ ធម្មោ ឧប្បជ្ជតិ ហេតុបច្ចយា។

    106. Dassanena pahātabbahetukaṃ akusalaṃ dhammaṃ paṭicca dassanena pahātabbahetuko akusalo dhammo uppajjati hetupaccayā.

    ភាវនាយ បហាតព្ពហេតុកំ អកុសលំ ធម្មំ បដិច្ច ភាវនាយ បហាតព្ពហេតុកោ អកុសលោ ធម្មោ ឧប្បជ្ជតិ ហេតុបច្ចយា។ (សំខិត្តំ។)

    Bhāvanāya pahātabbahetukaṃ akusalaṃ dhammaṃ paṭicca bhāvanāya pahātabbahetuko akusalo dhammo uppajjati hetupaccayā. (Saṃkhittaṃ.)

    ហេតុយា ឆ, អារម្មណេ ទស, អធិបតិយា ទ្វេ…បេ.… អវិគតេ ទស។ (សព្ពត្ថ វិត្ថារោ។)

    Hetuyā cha, ārammaṇe dasa, adhipatiyā dve…pe… avigate dasa. (Sabbattha vitthāro.)

    ១០៧. នេវទស្សនេន នភាវនាយ បហាតព្ពហេតុកំ អព្យាកតំ ធម្មំ បដិច្ច នេវទស្សនេន នភាវនាយ បហាតព្ពហេតុកោ អព្យាកតោ ធម្មោ ឧប្បជ្ជតិ ហេតុបច្ចយា។ (សព្ពត្ថ ឯកំ។)

    107. Nevadassanena nabhāvanāya pahātabbahetukaṃ abyākataṃ dhammaṃ paṭicca nevadassanena nabhāvanāya pahātabbahetuko abyākato dhammo uppajjati hetupaccayā. (Sabbattha ekaṃ.)

    ១០-១. អាចយគាមិត្តិក-កុសលត្តិកំ

    10-1. Ācayagāmittika-kusalattikaṃ

    ១-៧. បដិច្ចវារាទិ

    1-7. Paṭiccavārādi

    ហេតុបច្ចយោ

    Hetupaccayo

    ១០៨. អាចយគាមិំ កុសលំ ធម្មំ បដិច្ច អាចយគាមី កុសលោ ធម្មោ ឧប្បជ្ជតិ ហេតុបច្ចយា។ (១)

    108. Ācayagāmiṃ kusalaṃ dhammaṃ paṭicca ācayagāmī kusalo dhammo uppajjati hetupaccayā. (1)

    អបចយគាមិំ កុសលំ ធម្មំ បដិច្ច អបចយគាមី កុសលោ ធម្មោ ឧប្បជ្ជតិ ហេតុបច្ចយា។ (១) (សព្ពត្ថ ទ្វេ។ សព្ពត្ថ វិត្ថារោ។)

    Apacayagāmiṃ kusalaṃ dhammaṃ paṭicca apacayagāmī kusalo dhammo uppajjati hetupaccayā. (1) (Sabbattha dve. Sabbattha vitthāro.)

    អាចយគាមិំ អកុសលំ ធម្មំ បដិច្ច អាចយគាមី អកុសលោ ធម្មោ ឧប្បជ្ជតិ ហេតុបច្ចយា។ (សព្ពត្ថ ឯកំ។)

    Ācayagāmiṃ akusalaṃ dhammaṃ paṭicca ācayagāmī akusalo dhammo uppajjati hetupaccayā. (Sabbattha ekaṃ.)

    នេវាចយគាមិនាបចយគាមិំ អព្យាកតំ ធម្មំ បដិច្ច នេវាចយគាមិនាបចយគាមី អព្យាកតោ ធម្មោ ឧប្បជ្ជតិ ហេតុបច្ចយា។ (សព្ពត្ថ ឯកំ។)

    Nevācayagāmināpacayagāmiṃ abyākataṃ dhammaṃ paṭicca nevācayagāmināpacayagāmī abyākato dhammo uppajjati hetupaccayā. (Sabbattha ekaṃ.)

    ១១-១. សេក្ខត្តិក-កុសលត្តិកំ

    11-1. Sekkhattika-kusalattikaṃ

    ១-៧. បដិច្ចវារាទិ

    1-7. Paṭiccavārādi

    ហេតុបច្ចយោ

    Hetupaccayo

    ១០៩. សេក្ខំ កុសលំ ធម្មំ បដិច្ច សេក្ខោ កុសលោ ធម្មោ ឧប្បជ្ជតិ ហេតុបច្ចយា។ (១)

    109. Sekkhaṃ kusalaṃ dhammaṃ paṭicca sekkho kusalo dhammo uppajjati hetupaccayā. (1)

    នេវសេក្ខនាសេក្ខំ កុសលំ ធម្មំ បដិច្ច នេវសេក្ខនាសេក្ខោ កុសលោ ធម្មោ ឧប្បជ្ជតិ ហេតុបច្ចយា។ (១) (សព្ពត្ថ ទ្វេ។ សព្ពត្ថ វិត្ថារោ។)

    Nevasekkhanāsekkhaṃ kusalaṃ dhammaṃ paṭicca nevasekkhanāsekkho kusalo dhammo uppajjati hetupaccayā. (1) (Sabbattha dve. Sabbattha vitthāro.)

    នេវសេក្ខនាសេក្ខំ អកុសលំ ធម្មំ បដិច្ច នេវសេក្ខនាសេក្ខោ អកុសលោ ធម្មោ ឧប្បជ្ជតិ ហេតុបច្ចយា។ (សព្ពត្ថ ឯកំ។)

    Nevasekkhanāsekkhaṃ akusalaṃ dhammaṃ paṭicca nevasekkhanāsekkho akusalo dhammo uppajjati hetupaccayā. (Sabbattha ekaṃ.)

    សេក្ខំ អព្យាកតំ ធម្មំ បដិច្ច សេក្ខោ អព្យាកតោ ធម្មោ ឧប្បជ្ជតិ ហេតុបច្ចយា។ (សំខិត្តំ។)

    Sekkhaṃ abyākataṃ dhammaṃ paṭicca sekkho abyākato dhammo uppajjati hetupaccayā. (Saṃkhittaṃ.)

    ហេតុយា នវ។ (សព្ពត្ថ វិត្ថារេតព្ពំ។)

    Hetuyā nava. (Sabbattha vitthāretabbaṃ.)

    ១២-១. បរិត្តត្តិក-កុសលត្តិកំ

    12-1. Parittattika-kusalattikaṃ

    ១-៧. បដិច្ចវារាទិ

    1-7. Paṭiccavārādi

    ហេតុបច្ចយោ

    Hetupaccayo

    ១១០. បរិត្តំ កុសលំ ធម្មំ បដិច្ច បរិត្តោ កុសលោ ធម្មោ ឧប្បជ្ជតិ ហេតុបច្ចយា។ (១)

    110. Parittaṃ kusalaṃ dhammaṃ paṭicca paritto kusalo dhammo uppajjati hetupaccayā. (1)

    មហគ្គតំ កុសលំ ធម្មំ បដិច្ច មហគ្គតោ កុសលោ ធម្មោ ឧប្បជ្ជតិ ហេតុបច្ចយា។ (១)

    Mahaggataṃ kusalaṃ dhammaṃ paṭicca mahaggato kusalo dhammo uppajjati hetupaccayā. (1)

    អប្បមាណំ កុសលំ ធម្មំ បដិច្ច អប្បមាណោ កុសលោ ធម្មោ ឧប្បជ្ជតិ ហេតុបច្ចយា។ (១) (សព្ពត្ថ តីណិ។ សព្ពត្ថ វិត្ថារោ។)

    Appamāṇaṃ kusalaṃ dhammaṃ paṭicca appamāṇo kusalo dhammo uppajjati hetupaccayā. (1) (Sabbattha tīṇi. Sabbattha vitthāro.)

    ១១១. បរិត្តំ អកុសលំ ធម្មំ បដិច្ច បរិត្តោ អកុសលោ ធម្មោ ឧប្បជ្ជតិ ហេតុបច្ចយា។ (សព្ពត្ថ ឯកំ។)

    111. Parittaṃ akusalaṃ dhammaṃ paṭicca paritto akusalo dhammo uppajjati hetupaccayā. (Sabbattha ekaṃ.)

    បរិត្តំ អព្យាកតំ ធម្មំ បដិច្ច បរិត្តោ អព្យាកតោ ធម្មោ ឧប្បជ្ជតិ ហេតុបច្ចយា… តីណិ។

    Parittaṃ abyākataṃ dhammaṃ paṭicca paritto abyākato dhammo uppajjati hetupaccayā… tīṇi.

    មហគ្គតំ អព្យាកតំ ធម្មំ បដិច្ច មហគ្គតោ អព្យាកតោ ធម្មោ ឧប្បជ្ជតិ ហេតុបច្ចយា… តីណិ។

    Mahaggataṃ abyākataṃ dhammaṃ paṭicca mahaggato abyākato dhammo uppajjati hetupaccayā… tīṇi.

    អប្បមាណំ អព្យាកតំ ធម្មំ បដិច្ច អប្បមាណោ អព្យាកតោ ធម្មោ ឧប្បជ្ជតិ ហេតុបច្ចយា។ (សំខិត្តំ។)

    Appamāṇaṃ abyākataṃ dhammaṃ paṭicca appamāṇo abyākato dhammo uppajjati hetupaccayā. (Saṃkhittaṃ.)

    ហេតុយា តេរស។

    Hetuyā terasa.

    ១៣-១. បរិត្តារម្មណត្តិក-កុសលត្តិកំ

    13-1. Parittārammaṇattika-kusalattikaṃ

    ១-៧. បដិច្ចវារាទិ

    1-7. Paṭiccavārādi

    ហេតុបច្ចយោ

    Hetupaccayo

    ១១២. បរិត្តារម្មណំ កុសលំ ធម្មំ បដិច្ច បរិត្តារម្មណោ កុសលោ ធម្មោ ឧប្បជ្ជតិ ហេតុបច្ចយា។ (១)

    112. Parittārammaṇaṃ kusalaṃ dhammaṃ paṭicca parittārammaṇo kusalo dhammo uppajjati hetupaccayā. (1)

    មហគ្គតារម្មណំ កុសលំ ធម្មំ បដិច្ច មហគ្គតារម្មណោ កុសលោ ធម្មោ ឧប្បជ្ជតិ ហេតុបច្ចយា។ (១)

    Mahaggatārammaṇaṃ kusalaṃ dhammaṃ paṭicca mahaggatārammaṇo kusalo dhammo uppajjati hetupaccayā. (1)

    អប្បមាណារម្មណំ កុសលំ ធម្មំ បដិច្ច អប្បមាណារម្មណោ កុសលោ ធម្មោ ឧប្បជ្ជតិ ហេតុបច្ចយា។ (១) (សព្ពត្ថ តីណិ។ សព្ពត្ថ វិត្ថារោ។)

    Appamāṇārammaṇaṃ kusalaṃ dhammaṃ paṭicca appamāṇārammaṇo kusalo dhammo uppajjati hetupaccayā. (1) (Sabbattha tīṇi. Sabbattha vitthāro.)

    ១១៣. បរិត្តារម្មណំ អកុសលំ ធម្មំ បដិច្ច បរិត្តារម្មណោ អកុសលោ ធម្មោ ឧប្បជ្ជតិ ហេតុបច្ចយា។ (១)

    113. Parittārammaṇaṃ akusalaṃ dhammaṃ paṭicca parittārammaṇo akusalo dhammo uppajjati hetupaccayā. (1)

    មហគ្គតារម្មណំ អកុសលំ ធម្មំ បដិច្ច មហគ្គតារម្មណោ អកុសលោ ធម្មោ ឧប្បជ្ជតិ ហេតុបច្ចយា។ (១) (សព្ពត្ថ ទ្វេ។ សព្ពត្ថ វិត្ថារោ។)

    Mahaggatārammaṇaṃ akusalaṃ dhammaṃ paṭicca mahaggatārammaṇo akusalo dhammo uppajjati hetupaccayā. (1) (Sabbattha dve. Sabbattha vitthāro.)

    ១១៤. បរិត្តារម្មណំ អព្យាកតំ ធម្មំ បដិច្ច បរិត្តារម្មណោ អព្យាកតោ ធម្មោ ឧប្បជ្ជតិ ហេតុបច្ចយា។ (១)

    114. Parittārammaṇaṃ abyākataṃ dhammaṃ paṭicca parittārammaṇo abyākato dhammo uppajjati hetupaccayā. (1)

    មហគ្គតារម្មណំ អព្យាកតំ ធម្មំ បដិច្ច មហគ្គតារម្មណោ អព្យាកតោ ធម្មោ ឧប្បជ្ជតិ ហេតុបច្ចយា។ (១)

    Mahaggatārammaṇaṃ abyākataṃ dhammaṃ paṭicca mahaggatārammaṇo abyākato dhammo uppajjati hetupaccayā. (1)

    អប្បមាណារម្មណំ អព្យាកតំ ធម្មំ បដិច្ច អប្បមាណារម្មណោ អព្យាកតោ ធម្មោ ឧប្បជ្ជតិ ហេតុបច្ចយា។ (១) (សព្ពត្ថ តីណិ។ សព្ពត្ថ វិត្ថារោ។)

    Appamāṇārammaṇaṃ abyākataṃ dhammaṃ paṭicca appamāṇārammaṇo abyākato dhammo uppajjati hetupaccayā. (1) (Sabbattha tīṇi. Sabbattha vitthāro.)

    ១៤-១. ហីនត្តិក-កុសលត្តិកំ

    14-1. Hīnattika-kusalattikaṃ

    ១-៧. បដិច្ចវារាទិ

    1-7. Paṭiccavārādi

    ហេតុបច្ចយោ

    Hetupaccayo

    ១១៥. មជ្ឈិមំ កុសលំ ធម្មំ បដិច្ច មជ្ឈិមោ កុសលោ ធម្មោ ឧប្បជ្ជតិ ហេតុបច្ចយា។ (១)

    115. Majjhimaṃ kusalaṃ dhammaṃ paṭicca majjhimo kusalo dhammo uppajjati hetupaccayā. (1)

    បណីតំ កុសលំ ធម្មំ បដិច្ច បណីតោ កុសលោ ធម្មោ ឧប្បជ្ជតិ ហេតុបច្ចយា។ (១) (សព្ពត្ថ ទ្វេ, សព្ពត្ថ វិត្ថារោ។)

    Paṇītaṃ kusalaṃ dhammaṃ paṭicca paṇīto kusalo dhammo uppajjati hetupaccayā. (1) (Sabbattha dve, sabbattha vitthāro.)

    ១១៦. ហីនំ អកុសលំ ធម្មំ បដិច្ច ហីនោ អកុសលោ ធម្មោ ឧប្បជ្ជតិ ហេតុបច្ចយា។ (សព្ពត្ថ ឯកំ។)

    116. Hīnaṃ akusalaṃ dhammaṃ paṭicca hīno akusalo dhammo uppajjati hetupaccayā. (Sabbattha ekaṃ.)

    ១១៧. មជ្ឈិមំ អព្យាកតំ ធម្មំ បដិច្ច មជ្ឈិមោ អព្យាកតោ ធម្មោ ឧប្បជ្ជតិ ហេតុបច្ចយា។ (១)

    117. Majjhimaṃ abyākataṃ dhammaṃ paṭicca majjhimo abyākato dhammo uppajjati hetupaccayā. (1)

    បណីតំ អព្យាកតំ ធម្មំ បដិច្ច បណីតោ អព្យាកតោ ធម្មោ ឧប្បជ្ជតិ ហេតុបច្ចយា… តីណិ។

    Paṇītaṃ abyākataṃ dhammaṃ paṭicca paṇīto abyākato dhammo uppajjati hetupaccayā… tīṇi.

    មជ្ឈិមំ អព្យាកតញ្ច បណីតំ អព្យាកតញ្ច ធម្មំ បដិច្ច មជ្ឈិមោ អព្យាកតោ ធម្មោ ឧប្បជ្ជតិ ហេតុបច្ចយា។ (១) (សំខិត្តំ។)

    Majjhimaṃ abyākatañca paṇītaṃ abyākatañca dhammaṃ paṭicca majjhimo abyākato dhammo uppajjati hetupaccayā. (1) (Saṃkhittaṃ.)

    ហេតុយា បញ្ច។ (សព្ពត្ថ វិត្ថារោ។)

    Hetuyā pañca. (Sabbattha vitthāro.)

    ១៥-១. មិច្ឆត្តត្តិក-កុសលត្តិកំ

    15-1. Micchattattika-kusalattikaṃ

    ១-៧. បដិច្ចវារាទិ

    1-7. Paṭiccavārādi

    ហេតុបច្ចយោ

    Hetupaccayo

    ១១៨. សម្មត្តនិយតំ កុសលំ ធម្មំ បដិច្ច សម្មត្តនិយតោ កុសលោ ធម្មោ ឧប្បជ្ជតិ ហេតុបច្ចយា។ (១)

    118. Sammattaniyataṃ kusalaṃ dhammaṃ paṭicca sammattaniyato kusalo dhammo uppajjati hetupaccayā. (1)

    អនិយតំ កុសលំ ធម្មំ បដិច្ច អនិយតោ កុសលោ ធម្មោ ឧប្បជ្ជតិ ហេតុបច្ចយា។ (១) (សព្ពត្ថ ទ្វេ។ សព្ពត្ថ វិត្ថារោ។)

    Aniyataṃ kusalaṃ dhammaṃ paṭicca aniyato kusalo dhammo uppajjati hetupaccayā. (1) (Sabbattha dve. Sabbattha vitthāro.)

    ១១៩. មិច្ឆត្តនិយតំ អកុសលំ ធម្មំ បដិច្ច មិច្ឆត្តនិយតោ អកុសលោ ធម្មោ ឧប្បជ្ជតិ ហេតុបច្ចយា។ (១)

    119. Micchattaniyataṃ akusalaṃ dhammaṃ paṭicca micchattaniyato akusalo dhammo uppajjati hetupaccayā. (1)

    អនិយតំ អកុសលំ ធម្មំ បដិច្ច អនិយតោ អកុសលោ ធម្មោ ឧប្បជ្ជតិ ហេតុបច្ចយា។ (១) (សព្ពត្ថ ទ្វេ។ សព្ពត្ថ វិត្ថារោ។)

    Aniyataṃ akusalaṃ dhammaṃ paṭicca aniyato akusalo dhammo uppajjati hetupaccayā. (1) (Sabbattha dve. Sabbattha vitthāro.)

    អនិយតំ អព្យាកតំ ធម្មំ បដិច្ច អនិយតោ អព្យាកតោ ធម្មោ ឧប្បជ្ជតិ ហេតុបច្ចយា។ (សព្ពត្ថ ឯកំ។)

    Aniyataṃ abyākataṃ dhammaṃ paṭicca aniyato abyākato dhammo uppajjati hetupaccayā. (Sabbattha ekaṃ.)

    ១៦-១. មគ្គារម្មណត្តិក-កុសលត្តិកំ

    16-1. Maggārammaṇattika-kusalattikaṃ

    ១-៧. បដិច្ចវារាទិ

    1-7. Paṭiccavārādi

    ហេតុបច្ចយោ

    Hetupaccayo

    ១២០. មគ្គារម្មណំ កុសលំ ធម្មំ បដិច្ច មគ្គារម្មណោ កុសលោ ធម្មោ ឧប្បជ្ជតិ ហេតុបច្ចយា… តីណិ។

    120. Maggārammaṇaṃ kusalaṃ dhammaṃ paṭicca maggārammaṇo kusalo dhammo uppajjati hetupaccayā… tīṇi.

    មគ្គហេតុកំ កុសលំ ធម្មំ បដិច្ច មគ្គហេតុកោ កុសលោ ធម្មោ ឧប្បជ្ជតិ ហេតុបច្ចយា… តីណិ។

    Maggahetukaṃ kusalaṃ dhammaṃ paṭicca maggahetuko kusalo dhammo uppajjati hetupaccayā… tīṇi.

    មគ្គាធិបតិំ កុសលំ ធម្មំ បដិច្ច មគ្គាធិបតិ កុសលោ ធម្មោ ឧប្បជ្ជតិ ហេតុបច្ចយា… បញ្ច។

    Maggādhipatiṃ kusalaṃ dhammaṃ paṭicca maggādhipati kusalo dhammo uppajjati hetupaccayā… pañca.

    មគ្គារម្មណំ កុសលញ្ច មគ្គាធិបតិំ កុសលញ្ច ធម្មំ បដិច្ច មគ្គារម្មណោ កុសលោ ធម្មោ ឧប្បជ្ជតិ ហេតុបច្ចយា… តីណិ។

    Maggārammaṇaṃ kusalañca maggādhipatiṃ kusalañca dhammaṃ paṭicca maggārammaṇo kusalo dhammo uppajjati hetupaccayā… tīṇi.

    មគ្គហេតុកំ កុសលញ្ច មគ្គាធិបតិំ កុសលញ្ច ធម្មំ បដិច្ច មគ្គហេតុកោ កុសលោ ធម្មោ ឧប្បជ្ជតិ ហេតុបច្ចយា… តីណិ។ (សំខិត្តំ។)

    Maggahetukaṃ kusalañca maggādhipatiṃ kusalañca dhammaṃ paṭicca maggahetuko kusalo dhammo uppajjati hetupaccayā… tīṇi. (Saṃkhittaṃ.)

    ហេតុយា សត្តរស…បេ.… អវិគតេ សត្តរស។ (សំខិត្តំ។)

    Hetuyā sattarasa…pe… avigate sattarasa. (Saṃkhittaṃ.)

    ១២១. មគ្គារម្មណំ អព្យាកតំ ធម្មំ បដិច្ច មគ្គារម្មណោ អព្យាកតោ ធម្មោ ឧប្បជ្ជតិ ហេតុបច្ចយា… តីណិ។

    121. Maggārammaṇaṃ abyākataṃ dhammaṃ paṭicca maggārammaṇo abyākato dhammo uppajjati hetupaccayā… tīṇi.

    មគ្គាធិបតិំ អព្យាកតំ ធម្មំ បដិច្ច មគ្គាធិបតិ អព្យាកតោ ធម្មោ ឧប្បជ្ជតិ ហេតុបច្ចយា… តីណិ។

    Maggādhipatiṃ abyākataṃ dhammaṃ paṭicca maggādhipati abyākato dhammo uppajjati hetupaccayā… tīṇi.

    (សព្ពត្ថ វិត្ថារោ។)

    (Sabbattha vitthāro.)

    ១៧-១. ឧប្បន្នត្តិក-កុសលត្តិកំ

    17-1. Uppannattika-kusalattikaṃ

    ៧. បញ្ហាវារោ

    7. Pañhāvāro

    ហេតុបច្ចយោ

    Hetupaccayo

    ១២២. ឧប្បន្នោ កុសលោ ធម្មោ ឧប្បន្នស្ស កុសលស្ស ធម្មស្ស ហេតុបច្ចយេន បច្ចយោ។ (សព្ពត្ថ ឯកំ។ សព្ពត្ថ វិត្ថារោ។)

    122. Uppanno kusalo dhammo uppannassa kusalassa dhammassa hetupaccayena paccayo. (Sabbattha ekaṃ. Sabbattha vitthāro.)

    ឧប្បន្នោ អកុសលោ ធម្មោ ឧប្បន្នស្ស អកុសលស្ស ធម្មស្ស ហេតុបច្ចយេន បច្ចយោ។ (សព្ពត្ថ ឯកំ។ សព្ពត្ថ វិត្ថារោ។)

    Uppanno akusalo dhammo uppannassa akusalassa dhammassa hetupaccayena paccayo. (Sabbattha ekaṃ. Sabbattha vitthāro.)

    ឧប្បន្នោ អព្យាកតោ ធម្មោ ឧប្បន្នស្ស អព្យាកតស្ស ធម្មស្ស ហេតុបច្ចយេន បច្ចយោ។ (សំខិត្តំ។)

    Uppanno abyākato dhammo uppannassa abyākatassa dhammassa hetupaccayena paccayo. (Saṃkhittaṃ.)

    ហេតុយា ឯកំ, អារម្មណេ តីណិ…បេ.… ឧបនិស្សយេ តីណិ…បេ.… អវិគតេ ឯកំ។ (សព្ពត្ថ វិត្ថារោ។)

    Hetuyā ekaṃ, ārammaṇe tīṇi…pe… upanissaye tīṇi…pe… avigate ekaṃ. (Sabbattha vitthāro.)

    ១៨-១. អតីតត្តិក-កុសលត្តិកំ

    18-1. Atītattika-kusalattikaṃ

    ៧. បញ្ហាវារោ

    7. Pañhāvāro

    ហេតុបច្ចយោ

    Hetupaccayo

    ១២៣. បច្ចុប្បន្នោ កុសលោ ធម្មោ បច្ចុប្បន្នស្ស កុសលស្ស ធម្មស្ស ហេតុបច្ចយេន បច្ចយោ។ (សព្ពត្ថ ឯកំ។)

    123. Paccuppanno kusalo dhammo paccuppannassa kusalassa dhammassa hetupaccayena paccayo. (Sabbattha ekaṃ.)

    បច្ចុប្បន្នោ អកុសលោ ធម្មោ បច្ចុប្បន្នស្ស អកុសលស្ស ធម្មស្ស ហេតុបច្ចយេន បច្ចយោ។ (សព្ពត្ថ ឯកំ។ សព្ពត្ថ វិត្ថារោ។)

    Paccuppanno akusalo dhammo paccuppannassa akusalassa dhammassa hetupaccayena paccayo. (Sabbattha ekaṃ. Sabbattha vitthāro.)

    បច្ចុប្បន្នោ អព្យាកតោ ធម្មោ បច្ចុប្បន្នស្ស អព្យាកតស្ស ធម្មស្ស ហេតុបច្ចយេន បច្ចយោ។

    Paccuppanno abyākato dhammo paccuppannassa abyākatassa dhammassa hetupaccayena paccayo.

    ហេតុយា ឯកំ។ (សព្ពត្ថ វិត្ថារោ។)

    Hetuyā ekaṃ. (Sabbattha vitthāro.)

    ១៩-១. អតីតារម្មណត្តិក-កុសលត្តិកំ

    19-1. Atītārammaṇattika-kusalattikaṃ

    ១-៧. បដិច្ចវារាទិ

    1-7. Paṭiccavārādi

    ហេតុបច្ចយោ

    Hetupaccayo

    ១២៤. អតីតារម្មណំ កុសលំ ធម្មំ បដិច្ច អតីតារម្មណោ កុសលោ ធម្មោ ឧប្បជ្ជតិ ហេតុបច្ចយា។ (១)

    124. Atītārammaṇaṃ kusalaṃ dhammaṃ paṭicca atītārammaṇo kusalo dhammo uppajjati hetupaccayā. (1)

    អនាគតារម្មណំ កុសលំ ធម្មំ បដិច្ច អនាគតារម្មណោ កុសលោ ធម្មោ ឧប្បជ្ជតិ ហេតុបច្ចយា។ (១)

    Anāgatārammaṇaṃ kusalaṃ dhammaṃ paṭicca anāgatārammaṇo kusalo dhammo uppajjati hetupaccayā. (1)

    បច្ចុប្បន្នារម្មណំ កុសលំ ធម្មំ បដិច្ច បច្ចុប្បន្នារម្មណោ កុសលោ ធម្មោ ឧប្បជ្ជតិ ហេតុបច្ចយា។ (១) (សព្ពត្ថ តីណិ។ សព្ពត្ថ វិត្ថារោ។)

    Paccuppannārammaṇaṃ kusalaṃ dhammaṃ paṭicca paccuppannārammaṇo kusalo dhammo uppajjati hetupaccayā. (1) (Sabbattha tīṇi. Sabbattha vitthāro.)

    ១២៥. អតីតារម្មណំ អកុសលំ ធម្មំ បដិច្ច អតីតារម្មណោ អកុសលោ ធម្មោ ឧប្បជ្ជតិ ហេតុបច្ចយា។ (១)

    125. Atītārammaṇaṃ akusalaṃ dhammaṃ paṭicca atītārammaṇo akusalo dhammo uppajjati hetupaccayā. (1)

    អនាគតារម្មណំ អកុសលំ ធម្មំ បដិច្ច អនាគតារម្មណោ អកុសលោ ធម្មោ ឧប្បជ្ជតិ ហេតុបច្ចយា។ (១)

    Anāgatārammaṇaṃ akusalaṃ dhammaṃ paṭicca anāgatārammaṇo akusalo dhammo uppajjati hetupaccayā. (1)

    បច្ចុប្បន្នារម្មណំ អកុសលំ ធម្មំ បដិច្ច បច្ចុប្បន្នារម្មណោ អកុសលោ ធម្មោ ឧប្បជ្ជតិ ហេតុបច្ចយា។ (១) (សព្ពត្ថ តីណិ, សព្ពត្ថ វិត្ថារោ។)

    Paccuppannārammaṇaṃ akusalaṃ dhammaṃ paṭicca paccuppannārammaṇo akusalo dhammo uppajjati hetupaccayā. (1) (Sabbattha tīṇi, sabbattha vitthāro.)

    ១២៦. អតីតារម្មណំ អព្យាកតំ ធម្មំ បដិច្ច អតីតារម្មណោ អព្យាកតោ ធម្មោ ឧប្បជ្ជតិ ហេតុបច្ចយា។ (១)

    126. Atītārammaṇaṃ abyākataṃ dhammaṃ paṭicca atītārammaṇo abyākato dhammo uppajjati hetupaccayā. (1)

    អនាគតារម្មណំ អព្យាកតំ ធម្មំ បដិច្ច អនាគតារម្មណោ អព្យាកតោ ធម្មោ ឧប្បជ្ជតិ ហេតុបច្ចយា។ (១)

    Anāgatārammaṇaṃ abyākataṃ dhammaṃ paṭicca anāgatārammaṇo abyākato dhammo uppajjati hetupaccayā. (1)

    បច្ចុប្បន្នារម្មណំ អព្យាកតំ ធម្មំ បដិច្ច បច្ចុប្បន្នារម្មណោ អព្យាកតោ ធម្មោ ឧប្បជ្ជតិ ហេតុបច្ចយា។ (១) (សព្ពត្ថ តីណិ, សព្ពត្ថ វិត្ថារោ។)

    Paccuppannārammaṇaṃ abyākataṃ dhammaṃ paṭicca paccuppannārammaṇo abyākato dhammo uppajjati hetupaccayā. (1) (Sabbattha tīṇi, sabbattha vitthāro.)

    ២០-១. អជ្ឈត្តត្តិក-កុសលត្តិកំ

    20-1. Ajjhattattika-kusalattikaṃ

    ១-៧. បដិច្ចវារាទិ

    1-7. Paṭiccavārādi

    ហេតុបច្ចយោ

    Hetupaccayo

    ១២៧. អជ្ឈត្តំ កុសលំ ធម្មំ បដិច្ច អជ្ឈត្តោ កុសលោ ធម្មោ ឧប្បជ្ជតិ ហេតុបច្ចយា។ (១)

    127. Ajjhattaṃ kusalaṃ dhammaṃ paṭicca ajjhatto kusalo dhammo uppajjati hetupaccayā. (1)

    ពហិទ្ធា កុសលំ ធម្មំ បដិច្ច ពហិទ្ធា កុសលោ ធម្មោ ឧប្បជ្ជតិ ហេតុបច្ចយា។ (១) (សព្ពត្ថ ទ្វេ, សព្ពត្ថ វិត្ថារោ។)

    Bahiddhā kusalaṃ dhammaṃ paṭicca bahiddhā kusalo dhammo uppajjati hetupaccayā. (1) (Sabbattha dve, sabbattha vitthāro.)

    ១២៨. អជ្ឈត្តំ អកុសលំ ធម្មំ បដិច្ច អជ្ឈត្តោ អកុសលោ ធម្មោ ឧប្បជ្ជតិ ហេតុបច្ចយា។ (១)

    128. Ajjhattaṃ akusalaṃ dhammaṃ paṭicca ajjhatto akusalo dhammo uppajjati hetupaccayā. (1)

    ពហិទ្ធា អកុសលំ ធម្មំ បដិច្ច ពហិទ្ធា អកុសលោ ធម្មោ ឧប្បជ្ជតិ ហេតុបច្ចយា។ (១) (សព្ពត្ថ ទ្វេ, សព្ពត្ថ វិត្ថារោ។)

    Bahiddhā akusalaṃ dhammaṃ paṭicca bahiddhā akusalo dhammo uppajjati hetupaccayā. (1) (Sabbattha dve, sabbattha vitthāro.)

    ១២៩. អជ្ឈត្តំ អព្យាកតំ ធម្មំ បដិច្ច អជ្ឈត្តោ អព្យាកតោ ធម្មោ ឧប្បជ្ជតិ ហេតុបច្ចយា។ (១)

    129. Ajjhattaṃ abyākataṃ dhammaṃ paṭicca ajjhatto abyākato dhammo uppajjati hetupaccayā. (1)

    ពហិទ្ធា អព្យាកតំ ធម្មំ បដិច្ច ពហិទ្ធា អព្យាកតោ ធម្មោ ឧប្បជ្ជតិ ហេតុបច្ចយា។ (១) (សព្ពត្ថ ទ្វេ, សព្ពត្ថ វិត្ថារោ។)

    Bahiddhā abyākataṃ dhammaṃ paṭicca bahiddhā abyākato dhammo uppajjati hetupaccayā. (1) (Sabbattha dve, sabbattha vitthāro.)

    ២១-១. អជ្ឈត្តារម្មណត្តិក-កុសលត្តិកំ

    21-1. Ajjhattārammaṇattika-kusalattikaṃ

    ១-៧. បដិច្ចវារាទិ

    1-7. Paṭiccavārādi

    ហេតុបច្ចយោ

    Hetupaccayo

    ១៣០. អជ្ឈត្តារម្មណំ កុសលំ ធម្មំ បដិច្ច អជ្ឈត្តារម្មណោ កុសលោ ធម្មោ ឧប្បជ្ជតិ ហេតុបច្ចយា។ (សព្ពត្ថ ទ្វេ, សព្ពត្ថ វិត្ថារោ។)

    130. Ajjhattārammaṇaṃ kusalaṃ dhammaṃ paṭicca ajjhattārammaṇo kusalo dhammo uppajjati hetupaccayā. (Sabbattha dve, sabbattha vitthāro.)

    អជ្ឈត្តារម្មណំ អកុសលំ ធម្មំ បដិច្ច អជ្ឈត្តារម្មណោ អកុសលោ ធម្មោ ឧប្បជ្ជតិ ហេតុបច្ចយា។ (សព្ពត្ថ ទ្វេ, សព្ពត្ថ វិត្ថារោ។)

    Ajjhattārammaṇaṃ akusalaṃ dhammaṃ paṭicca ajjhattārammaṇo akusalo dhammo uppajjati hetupaccayā. (Sabbattha dve, sabbattha vitthāro.)

    អជ្ឈត្តារម្មណំ អព្យាកតំ ធម្មំ បដិច្ច អជ្ឈត្តារម្មណោ អព្យាកតោ ធម្មោ ឧប្បជ្ជតិ ហេតុបច្ចយា។ (សព្ពត្ថ ទ្វេ, សព្ពត្ថ វិត្ថារោ។)

    Ajjhattārammaṇaṃ abyākataṃ dhammaṃ paṭicca ajjhattārammaṇo abyākato dhammo uppajjati hetupaccayā. (Sabbattha dve, sabbattha vitthāro.)

    ២២-១. សនិទស្សនត្តិក-កុសលត្តិកំ

    22-1. Sanidassanattika-kusalattikaṃ

    ១-៧. បដិច្ចវារាទិ

    1-7. Paṭiccavārādi

    ហេតុបច្ចយោ

    Hetupaccayo

    ១៣១. អនិទស្សនអប្បដិឃំ កុសលំ ធម្មំ បដិច្ច អនិទស្សនអប្បដិឃោ កុសលោ ធម្មោ ឧប្បជ្ជតិ ហេតុបច្ចយា។ (សព្ពត្ថ ឯកំ។)

    131. Anidassanaappaṭighaṃ kusalaṃ dhammaṃ paṭicca anidassanaappaṭigho kusalo dhammo uppajjati hetupaccayā. (Sabbattha ekaṃ.)

    អនិទស្សនអប្បដិឃំ អកុសលំ ធម្មំ បដិច្ច អនិទស្សនអប្បដិឃោ អកុសលោ ធម្មោ ឧប្បជ្ជតិ ហេតុបច្ចយា។ (សព្ពត្ថ ឯកំ។)

    Anidassanaappaṭighaṃ akusalaṃ dhammaṃ paṭicca anidassanaappaṭigho akusalo dhammo uppajjati hetupaccayā. (Sabbattha ekaṃ.)

    ១៣២. អនិទស្សនសប្បដិឃំ អព្យាកតំ ធម្មំ បដិច្ច អនិទស្សនសប្បដិឃោ អព្យាកតោ ធម្មោ ឧប្បជ្ជតិ ហេតុបច្ចយា (ឯកំ)។ អនិទស្សនសប្បដិឃំ អព្យាកតំ ធម្មំ បដិច្ច សនិទស្សនសប្បដិឃោ អព្យាកតោ ធម្មោ ឧប្បជ្ជតិ ហេតុបច្ចយា (ទ្វេ)។ អនិទស្សនសប្បដិឃំ អព្យាកតំ ធម្មំ បដិច្ច អនិទស្សនអប្បដិឃោ អព្យាកតោ ធម្មោ ឧប្បជ្ជតិ ហេតុបច្ចយា (តីណិ)។ អនិទស្សនសប្បដិឃំ អព្យាកតំ ធម្មំ បដិច្ច សនិទស្សនសប្បដិឃោ អព្យាកតោ ច អនិទស្សនអប្បដិឃោ អព្យាកតោ ច ធម្មា ឧប្បជ្ជន្តិ ហេតុបច្ចយា (ចត្តារិ)។ អនិទស្សនសប្បដិឃំ អព្យាកតំ ធម្មំ បដិច្ច អនិទស្សនសប្បដិឃោ អព្យាកតោ ច អនិទស្សនអប្បដិឃោ អព្យាកតោ ច ធម្មា ឧប្បជ្ជន្តិ ហេតុបច្ចយា (បញ្ច)។ អនិទស្សនសប្បដិឃំ អព្យាកតំ ធម្មំ បដិច្ច សនិទស្សនសប្បដិឃោ អព្យាកតោ ច អនិទស្សនសប្បដិឃោ អព្យាកតោ ច ធម្មា ឧប្បជ្ជន្តិ ហេតុបច្ចយា (ឆ)។ អនិទស្សនសប្បដិឃំ អព្យាកតំ ធម្មំ បដិច្ច សនិទស្សនសប្បដិឃោ អព្យាកតោ ច អនិទស្សនសប្បដិឃោ អព្យាកតោ ច អនិទស្សនអប្បដិឃោ អព្យាកតោ ច ធម្មា ឧប្បជ្ជន្តិ ហេតុបច្ចយា (សត្ត)។

    132. Anidassanasappaṭighaṃ abyākataṃ dhammaṃ paṭicca anidassanasappaṭigho abyākato dhammo uppajjati hetupaccayā (ekaṃ). Anidassanasappaṭighaṃ abyākataṃ dhammaṃ paṭicca sanidassanasappaṭigho abyākato dhammo uppajjati hetupaccayā (dve). Anidassanasappaṭighaṃ abyākataṃ dhammaṃ paṭicca anidassanaappaṭigho abyākato dhammo uppajjati hetupaccayā (tīṇi). Anidassanasappaṭighaṃ abyākataṃ dhammaṃ paṭicca sanidassanasappaṭigho abyākato ca anidassanaappaṭigho abyākato ca dhammā uppajjanti hetupaccayā (cattāri). Anidassanasappaṭighaṃ abyākataṃ dhammaṃ paṭicca anidassanasappaṭigho abyākato ca anidassanaappaṭigho abyākato ca dhammā uppajjanti hetupaccayā (pañca). Anidassanasappaṭighaṃ abyākataṃ dhammaṃ paṭicca sanidassanasappaṭigho abyākato ca anidassanasappaṭigho abyākato ca dhammā uppajjanti hetupaccayā (cha). Anidassanasappaṭighaṃ abyākataṃ dhammaṃ paṭicca sanidassanasappaṭigho abyākato ca anidassanasappaṭigho abyākato ca anidassanaappaṭigho abyākato ca dhammā uppajjanti hetupaccayā (satta).

    ១៣៣. អនិទស្សនអប្បដិឃំ អព្យាកតំ ធម្មំ បដិច្ច អនិទស្សនអប្បដិឃោ អព្យាកតោ ធម្មោ ឧប្បជ្ជតិ ហេតុបច្ចយា (សត្ត)។ អនិទស្សនអប្បដិឃំ អព្យាកតញ្ច អនិទស្សនសប្បដិឃំ អព្យាកតញ្ច ធម្មំ បដិច្ច សនិទស្សនសប្បដិឃោ អព្យាកតោ ធម្មោ ឧប្បជ្ជតិ ហេតុបច្ចយា (សត្ត, សំខិត្តំ)។

    133. Anidassanaappaṭighaṃ abyākataṃ dhammaṃ paṭicca anidassanaappaṭigho abyākato dhammo uppajjati hetupaccayā (satta). Anidassanaappaṭighaṃ abyākatañca anidassanasappaṭighaṃ abyākatañca dhammaṃ paṭicca sanidassanasappaṭigho abyākato dhammo uppajjati hetupaccayā (satta, saṃkhittaṃ).

    ១៣៤. ហេតុយា ឯកវីស, អវិគតេ ឯកវីស។ (សំខិត្តំ។)

    134. Hetuyā ekavīsa, avigate ekavīsa. (Saṃkhittaṃ.)

    (សហជាតវារម្បិ…បេ.… បញ្ហាវារម្បិ វិត្ថារេតព្ពំ។)

    (Sahajātavārampi…pe… pañhāvārampi vitthāretabbaṃ.)

    ធម្មានុលោមេ តិកតិកបដ្ឋានំ និដ្ឋិតំ។

    Dhammānulome tikatikapaṭṭhānaṃ niṭṭhitaṃ.




    Next: ធម្មានុលោមេ ទុកទុកបដ្ឋានំ • Dhammānulome dukadukapaṭṭhānaṃ


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact