| Library / Tipiṭaka / ติปิฎก • Tipiṭaka / องฺคุตฺตรนิกาย • Aṅguttaranikāya |
๒. ธมฺมานุปสฺสีสุตฺตํ
2. Dhammānupassīsuttaṃ
๑๑๘. ‘‘ฉ, ภิกฺขเว, ธเมฺม อปฺปหาย อภโพฺพ อชฺฌตฺตํ กาเย…เป.… พหิทฺธา กาเย…เป.… อชฺฌตฺตพหิทฺธา กาเย…เป.… อชฺฌตฺตํ เวทนาสุ…เป.… พหิทฺธา เวทนาสุ…เป.… อชฺฌตฺตพหิทฺธา เวทนาสุ…เป.… อชฺฌตฺตํ จิเตฺต…เป.… พหิทฺธา จิเตฺต…เป.… อชฺฌตฺตพหิทฺธา จิเตฺต…เป.… อชฺฌตฺตํ ธเมฺมสุ…เป.… พหิทฺธา ธเมฺมสุ…เป.… อชฺฌตฺตพหิทฺธา ธเมฺมสุ ธมฺมานุปสฺสี วิหริตุํฯ กตเม ฉ? กมฺมารามตํ, ภสฺสารามตํ, นิทฺทารามตํ, สงฺคณิการามตํ, อินฺทฺริเยสุ อคุตฺตทฺวารตํ , โภชเน อมตฺตญฺญุตํฯ อิเม โข, ภิกฺขเว, ฉ ธเมฺม ปหาย ภโพฺพ อชฺฌตฺตพหิทฺธา ธเมฺมสุ ธมฺมานุปสฺสี วิหริตุ’’นฺติฯ ทุติยํฯ
118. ‘‘Cha, bhikkhave, dhamme appahāya abhabbo ajjhattaṃ kāye…pe… bahiddhā kāye…pe… ajjhattabahiddhā kāye…pe… ajjhattaṃ vedanāsu…pe… bahiddhā vedanāsu…pe… ajjhattabahiddhā vedanāsu…pe… ajjhattaṃ citte…pe… bahiddhā citte…pe… ajjhattabahiddhā citte…pe… ajjhattaṃ dhammesu…pe… bahiddhā dhammesu…pe… ajjhattabahiddhā dhammesu dhammānupassī viharituṃ. Katame cha? Kammārāmataṃ, bhassārāmataṃ, niddārāmataṃ, saṅgaṇikārāmataṃ, indriyesu aguttadvārataṃ , bhojane amattaññutaṃ. Ime kho, bhikkhave, cha dhamme pahāya bhabbo ajjhattabahiddhā dhammesu dhammānupassī viharitu’’nti. Dutiyaṃ.
