| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය • Aṅguttaranikāya |
2. ධම්‌මානුපස්‌සීසුත්‌තං
2. Dhammānupassīsuttaṃ
118. ‘‘ඡ, භික්‌ඛවෙ, ධම්‌මෙ අප්‌පහාය අභබ්‌බො අජ්‌ඣත්‌තං කායෙ…පෙ.… බහිද්‌ධා කායෙ…පෙ.… අජ්‌ඣත්‌තබහිද්‌ධා කායෙ…පෙ.… අජ්‌ඣත්‌තං වෙදනාසු…පෙ.… බහිද්‌ධා වෙදනාසු…පෙ.… අජ්‌ඣත්‌තබහිද්‌ධා වෙදනාසු…පෙ.… අජ්‌ඣත්‌තං චිත්‌තෙ…පෙ.… බහිද්‌ධා චිත්‌තෙ…පෙ.… අජ්‌ඣත්‌තබහිද්‌ධා චිත්‌තෙ…පෙ.… අජ්‌ඣත්‌තං ධම්‌මෙසු…පෙ.… බහිද්‌ධා ධම්‌මෙසු…පෙ.… අජ්‌ඣත්‌තබහිද්‌ධා ධම්‌මෙසු ධම්‌මානුපස්‌සී විහරිතුං. කතමෙ ඡ? කම්‌මාරාමතං, භස්‌සාරාමතං, නිද්‌දාරාමතං, සඞ්‌ගණිකාරාමතං, ඉන්‌ද්‍රියෙසු අගුත්‌තද්‌වාරතං , භොජනෙ අමත්‌තඤ්‌ඤුතං. ඉමෙ ඛො, භික්‌ඛවෙ, ඡ ධම්‌මෙ පහාය භබ්‌බො අජ්‌ඣත්‌තබහිද්‌ධා ධම්‌මෙසු ධම්‌මානුපස්‌සී විහරිතු’’න්‌ති. දුතියං.
118. ‘‘Cha, bhikkhave, dhamme appahāya abhabbo ajjhattaṃ kāye…pe… bahiddhā kāye…pe… ajjhattabahiddhā kāye…pe… ajjhattaṃ vedanāsu…pe… bahiddhā vedanāsu…pe… ajjhattabahiddhā vedanāsu…pe… ajjhattaṃ citte…pe… bahiddhā citte…pe… ajjhattabahiddhā citte…pe… ajjhattaṃ dhammesu…pe… bahiddhā dhammesu…pe… ajjhattabahiddhā dhammesu dhammānupassī viharituṃ. Katame cha? Kammārāmataṃ, bhassārāmataṃ, niddārāmataṃ, saṅgaṇikārāmataṃ, indriyesu aguttadvārataṃ , bhojane amattaññutaṃ. Ime kho, bhikkhave, cha dhamme pahāya bhabbo ajjhattabahiddhā dhammesu dhammānupassī viharitu’’nti. Dutiyaṃ.
