| Library / Tipiṭaka / തിപിടക • Tipiṭaka / അങ്ഗുത്തരനികായ • Aṅguttaranikāya |
൨. ധമ്മാനുപസ്സീസുത്തം
2. Dhammānupassīsuttaṃ
൧൧൮. ‘‘ഛ, ഭിക്ഖവേ, ധമ്മേ അപ്പഹായ അഭബ്ബോ അജ്ഝത്തം കായേ…പേ॰… ബഹിദ്ധാ കായേ…പേ॰… അജ്ഝത്തബഹിദ്ധാ കായേ…പേ॰… അജ്ഝത്തം വേദനാസു…പേ॰… ബഹിദ്ധാ വേദനാസു…പേ॰… അജ്ഝത്തബഹിദ്ധാ വേദനാസു…പേ॰… അജ്ഝത്തം ചിത്തേ…പേ॰… ബഹിദ്ധാ ചിത്തേ…പേ॰… അജ്ഝത്തബഹിദ്ധാ ചിത്തേ…പേ॰… അജ്ഝത്തം ധമ്മേസു…പേ॰… ബഹിദ്ധാ ധമ്മേസു…പേ॰… അജ്ഝത്തബഹിദ്ധാ ധമ്മേസു ധമ്മാനുപസ്സീ വിഹരിതും. കതമേ ഛ? കമ്മാരാമതം, ഭസ്സാരാമതം, നിദ്ദാരാമതം, സങ്ഗണികാരാമതം, ഇന്ദ്രിയേസു അഗുത്തദ്വാരതം , ഭോജനേ അമത്തഞ്ഞുതം. ഇമേ ഖോ, ഭിക്ഖവേ, ഛ ധമ്മേ പഹായ ഭബ്ബോ അജ്ഝത്തബഹിദ്ധാ ധമ്മേസു ധമ്മാനുപസ്സീ വിഹരിതു’’ന്തി. ദുതിയം.
118. ‘‘Cha, bhikkhave, dhamme appahāya abhabbo ajjhattaṃ kāye…pe… bahiddhā kāye…pe… ajjhattabahiddhā kāye…pe… ajjhattaṃ vedanāsu…pe… bahiddhā vedanāsu…pe… ajjhattabahiddhā vedanāsu…pe… ajjhattaṃ citte…pe… bahiddhā citte…pe… ajjhattabahiddhā citte…pe… ajjhattaṃ dhammesu…pe… bahiddhā dhammesu…pe… ajjhattabahiddhā dhammesu dhammānupassī viharituṃ. Katame cha? Kammārāmataṃ, bhassārāmataṃ, niddārāmataṃ, saṅgaṇikārāmataṃ, indriyesu aguttadvārataṃ , bhojane amattaññutaṃ. Ime kho, bhikkhave, cha dhamme pahāya bhabbo ajjhattabahiddhā dhammesu dhammānupassī viharitu’’nti. Dutiyaṃ.
