| Library / Tipiṭaka / திபிடக • Tipiṭaka / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) |
9. த⁴ம்மபத³ஸுத்தவண்ணனா
9. Dhammapadasuttavaṇṇanā
29. நவமே த⁴ம்மபதா³னீதி த⁴ம்மகொட்டா²ஸா. அனபி⁴ஜ்ஜா²திஆதீ³ஸு அபி⁴ஜ்ஜா²படிக்கே²பேன அனபி⁴ஜ்ஜா², ப்³யாபாத³படிக்கே²பேன அப்³யாபாதோ³, மிச்சா²ஸதிபடிக்கே²பேன ஸம்மாஸதி, மிச்சா²ஸமாதி⁴படிக்கே²பேன ஸம்மாஸமாதி⁴ வேதி³தப்³போ³.
29. Navame dhammapadānīti dhammakoṭṭhāsā. Anabhijjhātiādīsu abhijjhāpaṭikkhepena anabhijjhā, byāpādapaṭikkhepena abyāpādo, micchāsatipaṭikkhepena sammāsati, micchāsamādhipaṭikkhepena sammāsamādhi veditabbo.
அனபி⁴ஜ்ஜா²லூதி நித்தண்ஹோ ஹுத்வா. அப்³யாபன்னேன சேதஸாதி ஸப்³ப³காலங் பகதிபா⁴வங் அவிஜஹந்தேன சித்தேன. ஸதோ ஏகக்³க³சித்தஸ்ஸாதி ஸதியா ஸமன்னாக³தோ ஆரம்மணே ஏகக்³க³சித்தோ அஸ்ஸ. அஜ்ஜ²த்தங் ஸுஸமாஹிதோதி நியகஜ்ஜ²த்தே ஸுட்டு² ட²பிதசித்தோ இமஸ்மிங் ஸுத்தேபி கா³தா²யபி வட்டவிவட்டங் கதி²தங்.
Anabhijjhālūti nittaṇho hutvā. Abyāpannena cetasāti sabbakālaṃ pakatibhāvaṃ avijahantena cittena. Sato ekaggacittassāti satiyā samannāgato ārammaṇe ekaggacitto assa. Ajjhattaṃ susamāhitoti niyakajjhatte suṭṭhu ṭhapitacitto imasmiṃ suttepi gāthāyapi vaṭṭavivaṭṭaṃ kathitaṃ.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 9. த⁴ம்மபத³ஸுத்தங் • 9. Dhammapadasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 9. த⁴ம்மபத³ஸுத்தவண்ணனா • 9. Dhammapadasuttavaṇṇanā
