| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) |
9. ධම්‌මපදසුත්‌තවණ්‌ණනා
9. Dhammapadasuttavaṇṇanā
29. නවමෙ ධම්‌මපදානීති ධම්‌මකොට්‌ඨාසා. අනභිජ්‌ඣාතිආදීසු අභිජ්‌ඣාපටික්‌ඛෙපෙන අනභිජ්‌ඣා, බ්‍යාපාදපටික්‌ඛෙපෙන අබ්‍යාපාදො, මිච්‌ඡාසතිපටික්‌ඛෙපෙන සම්‌මාසති, මිච්‌ඡාසමාධිපටික්‌ඛෙපෙන සම්‌මාසමාධි වෙදිතබ්‌බො.
29. Navame dhammapadānīti dhammakoṭṭhāsā. Anabhijjhātiādīsu abhijjhāpaṭikkhepena anabhijjhā, byāpādapaṭikkhepena abyāpādo, micchāsatipaṭikkhepena sammāsati, micchāsamādhipaṭikkhepena sammāsamādhi veditabbo.
අනභිජ්‌ඣාලූති නිත්‌තණ්‌හො හුත්‌වා. අබ්‍යාපන්‌නෙන චෙතසාති සබ්‌බකාලං පකතිභාවං අවිජහන්‌තෙන චිත්‌තෙන. සතො එකග්‌ගචිත්‌තස්‌සාති සතියා සමන්‌නාගතො ආරම්‌මණෙ එකග්‌ගචිත්‌තො අස්‌ස. අජ්‌ඣත්‌තං සුසමාහිතොති නියකජ්‌ඣත්‌තෙ සුට්‌ඨු ඨපිතචිත්‌තො ඉමස්‌මිං සුත්‌තෙපි ගාථායපි වට්‌ටවිවට්‌ටං කථිතං.
Anabhijjhālūti nittaṇho hutvā. Abyāpannena cetasāti sabbakālaṃ pakatibhāvaṃ avijahantena cittena. Sato ekaggacittassāti satiyā samannāgato ārammaṇe ekaggacitto assa. Ajjhattaṃ susamāhitoti niyakajjhatte suṭṭhu ṭhapitacitto imasmiṃ suttepi gāthāyapi vaṭṭavivaṭṭaṃ kathitaṃ.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / අඞ්‌ගුත්‌තරනිකාය • Aṅguttaranikāya / 9. ධම්‌මපදසුත්‌තං • 9. Dhammapadasuttaṃ
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / අඞ්‌ගුත්‌තරනිකාය (ටීකා) • Aṅguttaranikāya (ṭīkā) / 9. ධම්‌මපදසුත්‌තවණ්‌ණනා • 9. Dhammapadasuttavaṇṇanā
