| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) |
੯. ਧਮ੍ਮਪਦਸੁਤ੍ਤવਣ੍ਣਨਾ
9. Dhammapadasuttavaṇṇanā
੨੯. ਨવਮੇ ਝਾਨਾਦਿਭੇਦੋ ਧਮ੍ਮੋ ਪਜ੍ਜਤਿ ਏਤੇਨਾਤਿ ਧਮ੍ਮਪਦਂ, ਅਨਭਿਜ੍ਝਾવ ਧਮ੍ਮਪਦਂ ਅਨਭਿਜ੍ਝਾਧਮ੍ਮਪਦਂ, ਅਨਭਿਜ੍ਝਾਪਧਾਨੋ વਾ ਧਮ੍ਮਕੋਟ੍ਠਾਸੋ ਅਨਭਿਜ੍ਝਾਧਮ੍ਮਪਦਂ। ਏવਂ ਸੇਸੇਸੁਪਿ। ਅਤ੍ਥਤੋ ਪਨ ਅਨਭਿਜ੍ਝਾਧਮ੍ਮਪਦਂ ਨਾਮ ਅਲੋਭੋ વਾ ਅਲੋਭਸੀਸੇਨ ਅਧਿਗਤਜ੍ਝਾਨવਿਪਸ੍ਸਨਾਮਗ੍ਗਫਲਨਿਬ੍ਬਾਨਾਨਿ વਾ। ਅਬ੍ਯਾਪਾਦੋ ਧਮ੍ਮਪਦਂ ਨਾਮ ਮੇਤ੍ਤਾ વਾ ਮੇਤ੍ਤਾਸੀਸੇਨ ਅਧਿਗਤਜ੍ਝਾਨਾਦੀਨਿ વਾ। ਸਮ੍ਮਾਸਤਿਧਮ੍ਮਪਦਂ ਨਾਮ ਸੂਪਟ੍ਠਿਤਸ੍ਸਤਿ વਾ ਸਤਿਸੀਸੇਨ ਅਧਿਗਤਜ੍ਝਾਨਾਦੀਨਿ વਾ। ਸਮ੍ਮਾਸਮਾਧਿਧਮ੍ਮਪਦਂ ਨਾਮ ਅਟ੍ਠਸਮਾਪਤ੍ਤਿ વਾ ਅਟ੍ਠਸਮਾਪਤ੍ਤਿਸੀਸੇਨ ਅਧਿਗਤਜ੍ਝਾਨવਿਪਸ੍ਸਨਾਮਗ੍ਗਫਲਨਿਬ੍ਬਾਨਾਨਿ વਾ। ਦਸਅਸੁਭવਸੇਨ વਾ ਅਧਿਗਤਜ੍ਝਾਨਾਦੀਨਿ ਅਨਭਿਜ੍ਜਾ ਧਮ੍ਮਪਦਂ। ਚਤੁਬ੍ਰਹ੍ਮવਿਹਾਰવਸੇਨ ਅਧਿਗਤਾਨਿ ਅਬ੍ਯਾਪਾਦੋ ਧਮ੍ਮਪਦਂ। ਦਸਾਨੁਸ੍ਸਤਿ ਆਹਾਰੇਪਟਿਕੂਲਸਞ੍ਞਾવਸੇਨ ਅਧਿਗਤਾਨਿ ਸਮ੍ਮਾਸਤਿਧਮ੍ਮਪਦਂ। ਦਸਕਸਿਣਆਨਾਪਾਨવਸੇਨ ਅਧਿਗਤਾਨਿ ਸਮ੍ਮਾਸਮਾਧਿਧਮ੍ਮਪਦਂ। ਅਨਭਿਜ੍ਝਾਲੂਤਿ ਅਨਭਿਜ੍ਝਾਯਨਸੀਲੋ। ਅਭਿਪੁਬ੍ਬੋ ਝੇਸਦ੍ਦੋ ਅਭਿਜ੍ਝਾਯਨਟ੍ਠੋ। ਤੇਨੇવਾਹ ‘‘ਨਿਤ੍ਤਣ੍ਹੋ ਹੁਤ੍વਾ’’ਤਿ। ਪਕਤਿਭਾવਂ ਅવਿਜਹਨ੍ਤੇਨਾਤਿ ਪਰਿਸੁਦ੍ਧਭਾવਂ ਸਭਾવਸਙ੍ਖਾਤਅਨવਜ੍ਜਸਙ੍ਖਾਤਂ ਪਕਤਿਭਾવਂ ਅવਿਜਹਨ੍ਤੇਨ। ਸਾવਜ੍ਜਧਮ੍ਮਸਮੁਪ੍ਪਤ੍ਤਿਯਾ ਹਿ ਚਿਤ੍ਤਸ੍ਸ ਅਨવਜ੍ਜਭਾવੋ ਜਹਿਤੋ ਹੋਤੀਤਿ।
29. Navame jhānādibhedo dhammo pajjati etenāti dhammapadaṃ, anabhijjhāva dhammapadaṃ anabhijjhādhammapadaṃ, anabhijjhāpadhāno vā dhammakoṭṭhāso anabhijjhādhammapadaṃ. Evaṃ sesesupi. Atthato pana anabhijjhādhammapadaṃ nāma alobho vā alobhasīsena adhigatajjhānavipassanāmaggaphalanibbānāni vā. Abyāpādo dhammapadaṃ nāma mettā vā mettāsīsena adhigatajjhānādīni vā. Sammāsatidhammapadaṃ nāma sūpaṭṭhitassati vā satisīsena adhigatajjhānādīni vā. Sammāsamādhidhammapadaṃ nāma aṭṭhasamāpatti vā aṭṭhasamāpattisīsena adhigatajjhānavipassanāmaggaphalanibbānāni vā. Dasaasubhavasena vā adhigatajjhānādīni anabhijjā dhammapadaṃ. Catubrahmavihāravasena adhigatāni abyāpādo dhammapadaṃ. Dasānussati āhārepaṭikūlasaññāvasena adhigatāni sammāsatidhammapadaṃ. Dasakasiṇaānāpānavasena adhigatāni sammāsamādhidhammapadaṃ. Anabhijjhālūti anabhijjhāyanasīlo. Abhipubbo jhesaddo abhijjhāyanaṭṭho. Tenevāha ‘‘nittaṇho hutvā’’ti. Pakatibhāvaṃ avijahantenāti parisuddhabhāvaṃ sabhāvasaṅkhātaanavajjasaṅkhātaṃ pakatibhāvaṃ avijahantena. Sāvajjadhammasamuppattiyā hi cittassa anavajjabhāvo jahito hotīti.
ਧਮ੍ਮਪਦਸੁਤ੍ਤવਣ੍ਣਨਾ ਨਿਟ੍ਠਿਤਾ।
Dhammapadasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੯. ਧਮ੍ਮਪਦਸੁਤ੍ਤਂ • 9. Dhammapadasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੯. ਧਮ੍ਮਪਦਸੁਤ੍ਤવਣ੍ਣਨਾ • 9. Dhammapadasuttavaṇṇanā
