| Library / Tipiṭaka / തിപിടക • Tipiṭaka / അങ്ഗുത്തരനികായ (അട്ഠകഥാ) • Aṅguttaranikāya (aṭṭhakathā) |
൯. ധമ്മപദസുത്തവണ്ണനാ
9. Dhammapadasuttavaṇṇanā
൨൯. നവമേ ധമ്മപദാനീതി ധമ്മകോട്ഠാസാ. അനഭിജ്ഝാതിആദീസു അഭിജ്ഝാപടിക്ഖേപേന അനഭിജ്ഝാ, ബ്യാപാദപടിക്ഖേപേന അബ്യാപാദോ, മിച്ഛാസതിപടിക്ഖേപേന സമ്മാസതി, മിച്ഛാസമാധിപടിക്ഖേപേന സമ്മാസമാധി വേദിതബ്ബോ.
29. Navame dhammapadānīti dhammakoṭṭhāsā. Anabhijjhātiādīsu abhijjhāpaṭikkhepena anabhijjhā, byāpādapaṭikkhepena abyāpādo, micchāsatipaṭikkhepena sammāsati, micchāsamādhipaṭikkhepena sammāsamādhi veditabbo.
അനഭിജ്ഝാലൂതി നിത്തണ്ഹോ ഹുത്വാ. അബ്യാപന്നേന ചേതസാതി സബ്ബകാലം പകതിഭാവം അവിജഹന്തേന ചിത്തേന. സതോ ഏകഗ്ഗചിത്തസ്സാതി സതിയാ സമന്നാഗതോ ആരമ്മണേ ഏകഗ്ഗചിത്തോ അസ്സ. അജ്ഝത്തം സുസമാഹിതോതി നിയകജ്ഝത്തേ സുട്ഠു ഠപിതചിത്തോ ഇമസ്മിം സുത്തേപി ഗാഥായപി വട്ടവിവട്ടം കഥിതം.
Anabhijjhālūti nittaṇho hutvā. Abyāpannena cetasāti sabbakālaṃ pakatibhāvaṃ avijahantena cittena. Sato ekaggacittassāti satiyā samannāgato ārammaṇe ekaggacitto assa. Ajjhattaṃ susamāhitoti niyakajjhatte suṭṭhu ṭhapitacitto imasmiṃ suttepi gāthāyapi vaṭṭavivaṭṭaṃ kathitaṃ.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / അങ്ഗുത്തരനികായ • Aṅguttaranikāya / ൯. ധമ്മപദസുത്തം • 9. Dhammapadasuttaṃ
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / അങ്ഗുത്തരനികായ (ടീകാ) • Aṅguttaranikāya (ṭīkā) / ൯. ധമ്മപദസുത്തവണ്ണനാ • 9. Dhammapadasuttavaṇṇanā
