| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
2. д̇хаммабаалад̇т̇зраг̇аат̇ааван̣н̣анаа
2. Dhammapālattheragāthāvaṇṇanā
яо хавз д̣̇ахаро бхигкууд̇и ааяасмад̇о д̇хаммабаалад̇т̇зрасса г̇аат̇аа. гаа уббад̇д̇и? аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз бун̃н̃аани убажинанд̇о ад̇т̇ад̣̇ассисса бхаг̇авад̇о гаалз гулаг̇зхз ниб̣б̣ад̇д̇ид̇ваа вин̃н̃уд̇ам̣ бад̇д̇о гзнажид̣̇зва гаран̣ийязна вананд̇ам̣ убаг̇ад̇о сад̇т̇аарам̣ д̣̇исваа басаннамаанасо билагкапаламад̣̇ааси. со д̇зна бун̃н̃агаммзна д̣̇звамануссзсу сам̣саранд̇о имасмим̣ б̣уд̣̇д̇хуббаад̣̇з сад̇т̇ари бариниб̣б̣уд̇з аванд̇ирадтз б̣раахман̣агулз ниб̣б̣ад̇д̇ид̇ваа д̇хаммабаалод̇и лад̣̇д̇ханаамо ваяаббад̇д̇о д̇аггасилам̣ г̇анд̇ваа сиббам̣ уг̇г̇ахзд̇ваа бадинивад̇д̇знд̇о анд̇араамаг̇г̇з згасмим̣ вихаарз ан̃н̃ад̇арам̣ т̇зрам̣ д̣̇исваа д̇асса санд̇игз д̇хаммам̣ суд̇ваа бадилад̣̇д̇хасад̣̇д̇хо баб̣б̣аж̇ид̇ваа вибассанам̣ вад̣дхзд̇ваа чал̣абхин̃н̃о ахоси. д̇зна вуд̇д̇ам̣ абад̣̇аанз (аба. т̇зра 1.39.21-25) –
Yo have daharo bhikkhūti āyasmato dhammapālattherassa gāthā. Kā uppatti? Ayampi purimabuddhesu katādhikāro tattha tattha bhave puññāni upacinanto atthadassissa bhagavato kāle kulagehe nibbattitvā viññutaṃ patto kenacideva karaṇīyena vanantaṃ upagato satthāraṃ disvā pasannamānaso pilakkhaphalamadāsi. So tena puññakammena devamanussesu saṃsaranto imasmiṃ buddhuppāde satthari parinibbute avantiraṭṭhe brāhmaṇakule nibbattitvā dhammapāloti laddhanāmo vayappatto takkasilaṃ gantvā sippaṃ uggahetvā paṭinivattento antarāmagge ekasmiṃ vihāre aññataraṃ theraṃ disvā tassa santike dhammaṃ sutvā paṭiladdhasaddho pabbajitvā vipassanaṃ vaḍḍhetvā chaḷabhiñño ahosi. Tena vuttaṃ apadāne (apa. thera 1.39.21-25) –
‘‘вананд̇арз б̣уд̣̇д̇хам̣ д̣̇исваа, ад̇т̇ад̣̇ассим̣ махааяасам̣;
‘‘Vanantare buddhaṃ disvā, atthadassiṃ mahāyasaṃ;
басаннажид̇д̇о сумано, билагкассаад̣̇ад̣̇им̣ палам̣.
Pasannacitto sumano, pilakkhassādadiṃ phalaṃ.
‘‘адтаарасз габбасад̇з, яам̣ паламад̣̇ад̣̇им̣ д̇ад̣̇аа;
‘‘Aṭṭhārase kappasate, yaṃ phalamadadiṃ tadā;
д̣̇уг̇г̇ад̇им̣ наабхиж̇аанаами, палад̣̇аанассид̣̇ам̣ палам̣.
Duggatiṃ nābhijānāmi, phaladānassidaṃ phalaṃ.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.
‘‘Kilesā jhāpitā mayhaṃ…pe… kataṃ buddhassa sāsana’’nti.
чал̣абхин̃н̃о бана худ̇ваа самаабад̇д̇исукзна вийд̇инаамзнд̇о згад̣̇ивасам̣ д̇асмим̣ вихаарз д̣̇вз сааман̣зрз ругкаг̇г̇з бубпаани ожинанд̇з ааруул̣хасаакааяа бхаг̇г̇ааяа бад̇анд̇з д̣̇исваа т̇зро ид̣̇д̇хаанубхаавзна хад̇т̇зна г̇ахзд̇ваа арог̇зязва бхуумияам̣ табзд̇ваа д̇зсам̣ сааман̣зраанам̣ д̇хаммам̣ д̣̇зсзнд̇о –
Chaḷabhiñño pana hutvā samāpattisukhena vītināmento ekadivasaṃ tasmiṃ vihāre dve sāmaṇere rukkhagge pupphāni ocinante ārūḷhasākhāya bhaggāya patante disvā thero iddhānubhāvena hatthena gahetvā arogeyeva bhūmiyaṃ ṭhapetvā tesaṃ sāmaṇerānaṃ dhammaṃ desento –
203.
203.
‘‘яо хавз д̣̇ахаро бхигку, яун̃ж̇ад̇и б̣уд̣̇д̇хасаасанз;
‘‘Yo have daharo bhikkhu, yuñjati buddhasāsane;
ж̇ааг̇аро са хи суд̇д̇зсу, амогхам̣ д̇асса ж̇ийвид̇ам̣.
Jāgaro sa hi suttesu, amoghaṃ tassa jīvitaṃ.
204.
204.
‘‘д̇асмаа сад̣̇д̇хан̃жа сийлан̃жа, басаад̣̇ам̣ д̇хаммад̣̇ассанам̣;
‘‘Tasmā saddhañca sīlañca, pasādaṃ dhammadassanaṃ;
ануяун̃ж̇зт̇а мзд̇хаавий, сарам̣ б̣уд̣̇д̇хаана саасана’’нд̇и. – имаа д̣̇вз г̇аат̇аа абхааси;
Anuyuñjetha medhāvī, saraṃ buddhāna sāsana’’nti. – imā dve gāthā abhāsi;
д̇ад̇т̇а яод̇и анияамаважанам̣. хавзд̇и д̣̇ал̣хад̇т̇з нибаад̇о. д̣̇ахарод̇и д̇арун̣о. бхигкад̇ийд̇и бхигку. яун̃ж̇ад̇ийд̇и гхадад̇и вааяамад̇и. ж̇ааг̇арод̇и ж̇ааг̇аран̣ад̇хаммасаманнааг̇ад̇о. суд̇д̇зсууд̇и субанд̇зсу. ид̣̇ам̣ вуд̇д̇ам̣ ход̇и яо бхигку д̣̇ахарова самаано д̇арун̣о ‘‘д̇ат̇аахам̣ бажчаа вуд̣дхагаалз ж̇ааниссаамий’’д̇и ажинд̇зд̇ваа б̣уд̣̇д̇хаанам̣ саасанз аббамаад̣̇абадибад̇д̇ияам̣ яун̃ж̇ад̇и самат̇авибассанаабхааванааяа яог̇ам̣ гарод̇и, со суд̇д̇зсу авиж̇ж̇аанид̣̇д̣̇ааяа суд̇д̇зсу бамад̇д̇зсу сад̣̇д̇хаад̣̇иж̇ааг̇арад̇хаммасаманнааг̇амзна ж̇ааг̇аро, д̇ад̇о зва ад̇д̇ахид̇абарахид̇абаарибуурияаа амогхам̣ аван̃жхам̣ д̇асса ж̇ийвид̇ам̣, яасмаа жа зд̇ад̣̇звам̣, д̇асмаа сад̣̇д̇хан̃жа ‘‘ад̇т̇и гаммам̣ ад̇т̇и гаммавибааго’’д̇иаад̣̇инаяаббавад̇д̇ам̣ гаммапаласад̣̇д̇хан̃жа, сад̣̇д̇хуубаниб̣анд̇хад̇д̇аа сийласса д̇ад̣̇убаниссаяам̣ жад̇убаарисуд̣̇д̇хисийлан̃жа , ‘‘саммаасамб̣уд̣̇д̇хо бхаг̇аваа, сваакаад̇о д̇хаммо, суббадибанно сан̇гхо’’д̇и звам̣ бавад̇д̇арад̇анад̇д̇аяаббасаад̣̇ан̃жа , вибассанаабан̃н̃аасахид̇ааяа маг̇г̇абан̃н̃ааяа барин̃н̃аад̣̇ивасзна жад̇усажжад̇хаммад̣̇ассанан̃жа мзд̇хаавий д̇хаммож̇абан̃н̃ааяа саманнааг̇ад̇о бхигку б̣уд̣̇д̇хаанам̣ саасанам̣ оваад̣̇ам̣ анусидтим̣ ануссаранд̇о аад̣̇ид̇д̇амби ад̇д̇ано сийсам̣ аж̇жхубзгкид̇ваа ануяун̃ж̇зт̇а, д̇ад̇т̇а ануяог̇ам̣ аад̇аббам̣ гарзяяаад̇и ад̇т̇о.
Tattha yoti aniyamavacanaṃ. Haveti daḷhatthe nipāto. Daharoti taruṇo. Bhikkhatīti bhikkhu. Yuñjatīti ghaṭati vāyamati. Jāgaroti jāgaraṇadhammasamannāgato. Suttesūti supantesu. Idaṃ vuttaṃ hoti yo bhikkhu daharova samāno taruṇo ‘‘tathāhaṃ pacchā vuḍḍhakāle jānissāmī’’ti acintetvā buddhānaṃ sāsane appamādapaṭipattiyaṃ yuñjati samathavipassanābhāvanāya yogaṃ karoti, so suttesu avijjāniddāya suttesu pamattesu saddhādijāgaradhammasamannāgamena jāgaro, tato eva attahitaparahitapāripūriyā amoghaṃ avañjhaṃ tassa jīvitaṃ, yasmā ca etadevaṃ, tasmā saddhañca ‘‘atthi kammaṃ atthi kammavipāko’’tiādinayappavattaṃ kammaphalasaddhañca, saddhūpanibandhattā sīlassa tadupanissayaṃ catupārisuddhisīlañca, ‘‘sammāsambuddho bhagavā, svākhāto dhammo, suppaṭipanno saṅgho’’ti evaṃ pavattaratanattayappasādañca , vipassanāpaññāsahitāya maggapaññāya pariññādivasena catusaccadhammadassanañca medhāvī dhammojapaññāya samannāgato bhikkhu buddhānaṃ sāsanaṃ ovādaṃ anusiṭṭhiṃ anussaranto ādittampi attano sīsaṃ ajjhupekkhitvā anuyuñjetha, tattha anuyogaṃ ātappaṃ kareyyāti attho.
д̇хаммабаалад̇т̇зраг̇аат̇ааван̣н̣анаа нидтид̇аа.
Dhammapālattheragāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 2. д̇хаммабаалад̇т̇зраг̇аат̇аа • 2. Dhammapālattheragāthā
