| Library / Tipiṭaka / д̇ибидага • Tipiṭaka / абад̣̇аанабаал̣и • Apadānapāḷi |
9. д̇хаммаружияад̇т̇зраабад̣̇аанам̣
9. Dhammaruciyattheraapadānaṃ
164.
164.
‘‘яад̣̇аа д̣̇ийбан̇гаро б̣уд̣̇д̇хо, сумзд̇хам̣ б̣яаагарий ж̇ино;
‘‘Yadā dīpaṅkaro buddho, sumedhaṃ byākarī jino;
‘абаримзяяз ид̇о габбз, аяам̣ б̣уд̣̇д̇хо бхависсад̇и.
‘Aparimeyye ito kappe, ayaṃ buddho bhavissati.
165.
165.
‘‘‘имасса ж̇анигаа маад̇аа, мааяаа наама бхависсад̇и;
‘‘‘Imassa janikā mātā, māyā nāma bhavissati;
бид̇аа суд̣̇д̇ход̣̇ано наама, аяам̣ хзссад̇и г̇од̇амо.
Pitā suddhodano nāma, ayaṃ hessati gotamo.
166.
166.
‘‘‘бад̇хаанам̣ бад̣̇ахид̇ваана, гад̇ваа д̣̇уггарагааригам̣;
‘‘‘Padhānaṃ padahitvāna, katvā dukkarakārikaṃ;
ассад̇т̇амуулз самб̣уд̣̇д̇хо, б̣уж̇жхиссад̇и махааяасо.
Assatthamūle sambuddho, bujjhissati mahāyaso.
167.
167.
‘‘‘убад̇иссо голид̇о жа, аг̇г̇аа хзссанд̇и саавагаа;
‘‘‘Upatisso kolito ca, aggā hessanti sāvakā;
168.
168.
‘‘‘кзмаа уббалаван̣н̣аа жа, аг̇г̇аа хзссанд̇и саавигаа;
‘‘‘Khemā uppalavaṇṇā ca, aggā hessanti sāvikā;
жид̇д̇о аал̣аваго жзва, аг̇г̇аа хзссанд̇убаасагаа.
Citto āḷavako ceva, aggā hessantupāsakā.
169.
169.
‘‘‘куж̇ж̇уд̇д̇араа нанд̣̇амаад̇аа, аг̇г̇аа хзссанд̇убаасигаа;
‘‘‘Khujjuttarā nandamātā, aggā hessantupāsikā;
б̣од̇хи имасса вийрасса, ассад̇т̇од̇и бавужжад̇и’.
Bodhi imassa vīrassa, assatthoti pavuccati’.
170.
170.
‘‘ид̣̇ам̣ суд̇ваана важанам̣, асамасса махзсино;
‘‘Idaṃ sutvāna vacanaṃ, asamassa mahesino;
аамод̣̇ид̇аа нарамаруу, намассанд̇и гад̇ан̃ж̇алий.
Āmoditā naramarū, namassanti katañjalī.
171.
171.
‘‘д̇ад̣̇аахам̣ маан̣аво аасим̣, мзгхо наама сусигкид̇о;
‘‘Tadāhaṃ māṇavo āsiṃ, megho nāma susikkhito;
суд̇ваа б̣яаагаран̣ам̣ сздтам̣, сумзд̇хасса махаамунз.
Sutvā byākaraṇaṃ seṭṭhaṃ, sumedhassa mahāmune.
172.
172.
‘‘сам̣висадто бхавид̇ваана, сумзд̇хз гарун̣аасаяз 3;
‘‘Saṃvisaṭṭho bhavitvāna, sumedhe karuṇāsaye 4;
баб̣б̣аж̇анд̇ан̃жа д̇ам̣ вийрам̣, сахаава анубаб̣б̣аж̇им̣.
Pabbajantañca taṃ vīraṃ, sahāva anupabbajiṃ.
173.
173.
‘‘сам̣вуд̇о баад̇имогкасмим̣, инд̣̇риязсу жа бан̃жасу;
‘‘Saṃvuto pātimokkhasmiṃ, indriyesu ca pañcasu;
суд̣̇д̇хааж̇ийво сад̇о вийро, ж̇инасаасанагаараго.
Suddhājīvo sato vīro, jinasāsanakārako.
174.
174.
‘‘звам̣ вихарамаанохам̣, баабамид̇д̇зна гзнажи;
‘‘Evaṃ viharamānohaṃ, pāpamittena kenaci;
нияож̇ид̇о анаажаарз, сумаг̇г̇аа барид̇хам̣сид̇о.
Niyojito anācāre, sumaggā paridhaṃsito.
175.
175.
‘‘вид̇аггавасиго худ̇ваа, саасанад̇о абаггамим̣;
‘‘Vitakkavasiko hutvā, sāsanato apakkamiṃ;
бажчаа д̇зна гумид̇д̇зна, баяуд̇д̇о маад̇угхаад̇анам̣.
Pacchā tena kumittena, payutto mātughātanaṃ.
176.
176.
‘‘агарим̣ аананд̇арияам̣ 5, гхаад̇аяим̣ д̣̇удтамаанасо;
‘‘Akariṃ ānantariyaṃ 6, ghātayiṃ duṭṭhamānaso;
д̇ад̇о жуд̇о махаавийжим̣, убабанно суд̣̇аарун̣ам̣.
Tato cuto mahāvīciṃ, upapanno sudāruṇaṃ.
177.
177.
‘‘винибаад̇аг̇ад̇о санд̇о, сам̣сарим̣ д̣̇угкид̇о жирам̣;
‘‘Vinipātagato santo, saṃsariṃ dukkhito ciraṃ;
на буно ад̣̇д̣̇асам̣ вийрам̣, сумзд̇хам̣ нарабун̇г̇авам̣.
Na puno addasaṃ vīraṃ, sumedhaṃ narapuṅgavaṃ.
178.
178.
‘‘асмим̣ габбз самуд̣̇д̣̇амхи, мажчо аасим̣ д̇имин̇г̇ало;
‘‘Asmiṃ kappe samuddamhi, maccho āsiṃ timiṅgalo;
д̣̇исваахам̣ сааг̇арз наавам̣, г̇ожарад̇т̇амубааг̇амим̣.
Disvāhaṃ sāgare nāvaṃ, gocaratthamupāgamiṃ.
179.
179.
‘‘д̣̇исваа мам̣ ваан̣иж̇аа бхийд̇аа, б̣уд̣̇д̇хасздтамануссарум̣;
‘‘Disvā maṃ vāṇijā bhītā, buddhaseṭṭhamanussaruṃ;
г̇од̇амод̇и махаагхосам̣, суд̇ваа д̇зхи уд̣̇ийрид̇ам̣.
Gotamoti mahāghosaṃ, sutvā tehi udīritaṃ.
180.
180.
‘‘буб̣б̣асан̃н̃ам̣ сарид̇ваана, д̇ад̇о гаалан̇гад̇о ахам̣;
‘‘Pubbasaññaṃ saritvāna, tato kālaṅkato ahaṃ;
саавад̇т̇ияам̣ гулз ид̣̇д̇хз, ж̇аад̇о б̣раахман̣аж̇аад̇ияам̣.
Sāvatthiyaṃ kule iddhe, jāto brāhmaṇajātiyaṃ.
181.
181.
‘‘аасим̣ д̇хаммаружи наама, саб̣б̣абаабаж̇иг̇ужчаго;
‘‘Āsiṃ dhammaruci nāma, sabbapāpajigucchako;
д̣̇исваахам̣ логабаж̇ж̇од̇ам̣, ж̇аад̇ияаа сад̇д̇авассиго.
Disvāhaṃ lokapajjotaṃ, jātiyā sattavassiko.
182.
182.
‘‘махааж̇зд̇аванам̣ г̇анд̇ваа, баб̣б̣аж̇им̣ анаг̇аарияам̣;
‘‘Mahājetavanaṃ gantvā, pabbajiṃ anagāriyaṃ;
убзми б̣уд̣̇д̇хам̣ д̇игкад̇д̇ум̣, рад̇д̇ияаа д̣̇ивасасса жа.
Upemi buddhaṃ tikkhattuṃ, rattiyā divasassa ca.
183.
183.
‘‘д̇ад̣̇аа д̣̇исваа муни ааха, жирам̣ д̇хаммаружийд̇и мам̣;
‘‘Tadā disvā muni āha, ciraṃ dhammarucīti maṃ;
д̇ад̇охам̣ аважам̣ б̣уд̣̇д̇хам̣, буб̣б̣агаммабабхаавид̇ам̣.
Tatohaṃ avacaṃ buddhaṃ, pubbakammapabhāvitaṃ.
184.
184.
‘‘сужирам̣ сад̇абун̃н̃алагкан̣ам̣, бад̇ибуб̣б̣зна висуд̣̇д̇хабажжаяам̣;
‘‘Suciraṃ satapuññalakkhaṇaṃ, patipubbena visuddhapaccayaṃ;
ахамаж̇ж̇асубзгканам̣ вад̇а, д̇ава бассаами нирубамам̣ виг̇г̇ахам̣ 7.
Ahamajjasupekkhanaṃ vata, tava passāmi nirupamaṃ viggahaṃ 8.
185.
185.
‘‘сужирам̣ вихад̇ад̇д̇амо маяаа, сужирагкзна над̣̇ий висосид̇аа;
‘‘Suciraṃ vihatattamo mayā, sucirakkhena nadī visositā;
сужирам̣ амалам̣ висод̇хид̇ам̣, наяанам̣ н̃аан̣амаяам̣ махаамунз.
Suciraṃ amalaṃ visodhitaṃ, nayanaṃ ñāṇamayaṃ mahāmune.
186.
186.
‘‘жирагааласаман̇г̇ид̇о 9 д̇аяаа, авинадто бунаранд̇арам̣ жирам̣;
‘‘Cirakālasamaṅgito 10 tayā, avinaṭṭho punarantaraṃ ciraṃ;
бунараж̇ж̇асамааг̇ад̇о д̇аяаа, на хи нассанд̇и гад̇аани г̇од̇ама.
Punarajjasamāgato tayā, na hi nassanti katāni gotama.
187.
187.
‘‘гилзсаа жхаабид̇аа маяхам̣…бз… вихараами анаасаво.
‘‘Kilesā jhāpitā mayhaṃ…pe… viharāmi anāsavo.
188.
188.
‘‘свааг̇ад̇ам̣ вад̇а мз ааси…бз… гад̇ам̣ б̣уд̣̇д̇хасса саасанам̣.
‘‘Svāgataṃ vata me āsi…pe… kataṃ buddhassa sāsanaṃ.
189.
189.
‘‘бадисамбхид̣̇аа жад̇ассо…бз… гад̇ам̣ б̣уд̣̇д̇хасса саасанам̣’’.
‘‘Paṭisambhidā catasso…pe… kataṃ buddhassa sāsanaṃ’’.
ид̇т̇ам̣ суд̣̇ам̣ ааяасмаа д̇хаммаружияо т̇зро имаа г̇аат̇ааяо
Itthaṃ sudaṃ āyasmā dhammaruciyo thero imā gāthāyo
абхаасид̇т̇аад̇и.
Abhāsitthāti.
д̇хаммаружияад̇т̇зрассаабад̣̇аанам̣ навамам̣.
Dhammaruciyattherassāpadānaṃ navamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / абад̣̇аана-адтагат̇аа • Apadāna-aṭṭhakathā / 1-10. бам̣сугууласан̃н̃агад̇т̇зраабад̣̇аанаад̣̇иван̣н̣анаа • 1-10. Paṃsukūlasaññakattheraapadānādivaṇṇanā
