| Library / Tipiṭaka / තිපිටක • Tipiṭaka / අපදානපාළි • Apadānapāḷi |
4. ධම්‌මසඤ්‌ඤකත්‌ථෙරඅපදානං
4. Dhammasaññakattheraapadānaṃ
13.
13.
‘‘විපස්‌සිනො භගවතො, මහාබොධිමහො අහු;
‘‘Vipassino bhagavato, mahābodhimaho ahu;
14.
14.
‘‘භගවා තම්‌හි සමයෙ, භික්‌ඛුසඞ්‌ඝපුරක්‌ඛතො;
‘‘Bhagavā tamhi samaye, bhikkhusaṅghapurakkhato;
චතුසච්‌චං පකාසෙති, වාචාසභිමුදීරයං.
Catusaccaṃ pakāseti, vācāsabhimudīrayaṃ.
15.
15.
‘‘සඞ්‌ඛිත්‌තෙන ච දෙසෙන්‌තො, විත්‌ථාරෙන ච දෙසයං 5;
‘‘Saṅkhittena ca desento, vitthārena ca desayaṃ 6;
විවට්‌ටච්‌ඡදො සම්‌බුද්‌ධො, නිබ්‌බාපෙසි මහාජනං.
Vivaṭṭacchado sambuddho, nibbāpesi mahājanaṃ.
16.
16.
‘‘තස්‌සාහං ධම්‌මං සුත්‌වාන, ලොකජෙට්‌ඨස්‌ස තාදිනො;
‘‘Tassāhaṃ dhammaṃ sutvāna, lokajeṭṭhassa tādino;
වන්‌දිත්‌වා සත්‌ථුනො පාදෙ, පක්‌කාමිං උත්‌තරාමුඛො.
Vanditvā satthuno pāde, pakkāmiṃ uttarāmukho.
17.
17.
‘‘එකනවුතිතො කප්‌පෙ, යං ධම්‌මමසුණිං තදා;
‘‘Ekanavutito kappe, yaṃ dhammamasuṇiṃ tadā;
දුග්‌ගතිං නාභිජානාමි, ධම්‌මසවස්‌සිදං ඵලං.
Duggatiṃ nābhijānāmi, dhammasavassidaṃ phalaṃ.
18.
18.
‘‘තෙත්‌තිංසම්‌හි ඉතො කප්‌පෙ, එකො ආසිං මහීපති;
‘‘Tettiṃsamhi ito kappe, eko āsiṃ mahīpati;
සුතවා නාම නාමෙන, චක්‌කවත්‌තී මහබ්‌බලො.
Sutavā nāma nāmena, cakkavattī mahabbalo.
19.
19.
‘‘පටිසම්‌භිදා චතස්‌සො…පෙ.… කතං බුද්‌ධස්‌ස සාසනං’’.
‘‘Paṭisambhidā catasso…pe… kataṃ buddhassa sāsanaṃ’’.
ඉත්‌ථං සුදං ආයස්‌මා ධම්‌මසඤ්‌ඤකො ථෙරො ඉමා ගාථායො අභාසිත්‌ථාති.
Itthaṃ sudaṃ āyasmā dhammasaññako thero imā gāthāyo abhāsitthāti.
ධම්‌මසඤ්‌ඤකත්‌ථෙරස්‌සාපදානං චතුත්‌ථං.
Dhammasaññakattherassāpadānaṃ catutthaṃ.
Footnotes:
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / ඛුද්‌දකනිකාය (අට්‌ඨකථා) • Khuddakanikāya (aṭṭhakathā) / අපදාන-අට්‌ඨකථා • Apadāna-aṭṭhakathā / 1-10. පදුමකෙසරියත්‌ථෙරඅපදානාදිවණ්‌ණනා • 1-10. Padumakesariyattheraapadānādivaṇṇanā
