| Library / Tipiṭaka / д̇ибидага • Tipiṭaka / милинд̣̇абан̃хабаал̣и • Milindapañhapāḷi |
2. ад̣̇д̇хаанаваг̇г̇о
2. Addhānavaggo
1. д̇хаммасанд̇ад̇ибан̃хо
1. Dhammasantatipañho
1. рааж̇аа ааха ‘‘бханд̇з нааг̇асзна, яо уббаж̇ж̇ад̇и, со зва со, уд̣̇ааху ан̃н̃о’’д̇и? т̇зро ааха ‘‘на жа со, на жа ан̃н̃о’’д̇и.
1. Rājā āha ‘‘bhante nāgasena, yo uppajjati, so eva so, udāhu añño’’ti? Thero āha ‘‘na ca so, na ca añño’’ti.
‘‘обаммам̣ гарохий’’д̇и. ‘‘д̇ам̣ гим̣ ман̃н̃аси, махаарааж̇а, яад̣̇аа д̇вам̣ д̣̇ахаро д̇арун̣о манд̣̇о уд̇д̇аанасзяяаго ахоси, со язва д̇вам̣ зд̇арахи маханд̇о’’д̇и? ‘‘на хи, бханд̇з, ан̃н̃о со д̣̇ахаро д̇арун̣о манд̣̇о уд̇д̇аанасзяяаго ахоси, ан̃н̃о ахам̣ зд̇арахи маханд̇о’’д̇и. ‘‘звам̣ санд̇з ко, махаарааж̇а, маад̇аад̇иби на бхависсад̇и, бид̇аад̇иби на бхависсад̇и, аажарияод̇иби на бхависсад̇и, сиббаваад̇иби на бхависсад̇и, сийлаваад̇иби на бхависсад̇и, бан̃н̃аваад̇иби на бхависсад̇и. гим̣ ну ко, махаарааж̇а, ан̃н̃аа зва галаласса маад̇аа, ан̃н̃аа аб̣б̣уд̣̇асса маад̇аа, ан̃н̃аа бзсияаа маад̇аа, ан̃н̃аа гханасса маад̇аа, ан̃н̃аа куд̣̇д̣̇агасса маад̇аа, ан̃н̃аа маханд̇асса маад̇аа, ан̃н̃о сиббам̣ сигкад̇и, ан̃н̃о сигкид̇о бхавад̇и, ан̃н̃о баабагаммам̣ гарод̇и, ан̃н̃асса хад̇т̇абаад̣̇аа чиж̇ж̇анд̇ий’’д̇и? ‘‘на хи, бханд̇з. д̇вам̣ бана, бханд̇з, звам̣ вуд̇д̇з гим̣ вад̣̇зяяаасий’’д̇и? т̇зро ааха ‘‘ахан̃н̃зва ко, махаарааж̇а, д̣̇ахаро ахосим̣ д̇арун̣о манд̣̇о уд̇д̇аанасзяяаго, ахан̃н̃зва зд̇арахи маханд̇о, имамзва гааяам̣ ниссааяа саб̣б̣з д̇з згасан̇г̇ахид̇аа’’д̇и.
‘‘Opammaṃ karohī’’ti. ‘‘Taṃ kiṃ maññasi, mahārāja, yadā tvaṃ daharo taruṇo mando uttānaseyyako ahosi, so yeva tvaṃ etarahi mahanto’’ti? ‘‘Na hi, bhante, añño so daharo taruṇo mando uttānaseyyako ahosi, añño ahaṃ etarahi mahanto’’ti. ‘‘Evaṃ sante kho, mahārāja, mātātipi na bhavissati, pitātipi na bhavissati, ācariyotipi na bhavissati, sippavātipi na bhavissati, sīlavātipi na bhavissati, paññavātipi na bhavissati. Kiṃ nu kho, mahārāja, aññā eva kalalassa mātā, aññā abbudassa mātā, aññā pesiyā mātā, aññā ghanassa mātā, aññā khuddakassa mātā, aññā mahantassa mātā, añño sippaṃ sikkhati, añño sikkhito bhavati, añño pāpakammaṃ karoti, aññassa hatthapādā chijjantī’’ti? ‘‘Na hi, bhante. Tvaṃ pana, bhante, evaṃ vutte kiṃ vadeyyāsī’’ti? Thero āha ‘‘ahaññeva kho, mahārāja, daharo ahosiṃ taruṇo mando uttānaseyyako, ahaññeva etarahi mahanto, imameva kāyaṃ nissāya sabbe te ekasaṅgahitā’’ti.
‘‘бхияяо обаммам̣ гарохий’’д̇и. ‘‘яат̇аа, махаарааж̇а, гожид̣̇зва бурисо бад̣̇ийбам̣ бад̣̇ийбзяяа, гим̣ со саб̣б̣арад̇д̇им̣ бад̣̇ийбзяяаа’’д̇и? ‘‘аама, бханд̇з, саб̣б̣арад̇д̇им̣ бад̣̇ийбзяяаа’’д̇и. ‘‘гим̣ ну ко, махаарааж̇а, яаа буримз яаамз ажжи, саа маж̇жхимз яаамз ажжий’’д̇и? ‘‘на хи бханд̇з’’д̇и. ‘‘яаа маж̇жхимз яаамз ажжи, саа бажчимз яаамз ажжий’’д̇и? ‘‘на хи бханд̇з’’д̇и. ‘‘гим̣ ну ко, махаарааж̇а, ан̃н̃о со ахоси буримз яаамз бад̣̇ийбо, ан̃н̃о маж̇жхимз яаамз бад̣̇ийбо, ан̃н̃о бажчимз яаамз бад̣̇ийбо’’д̇и? ‘‘на хи бханд̇з, д̇ам̣ язва ниссааяа саб̣б̣арад̇д̇им̣ бад̣̇ийбид̇о’’д̇и. ‘‘звамзва ко, махаарааж̇а, д̇хаммасанд̇ад̇и санд̣̇ахад̇и, ан̃н̃о уббаж̇ж̇ад̇и, ан̃н̃о нируж̇жхад̇и, абуб̣б̣ам̣ ажаримам̣ вияа санд̣̇ахад̇и, д̇зна на жа со, на жа ан̃н̃о, буримавин̃н̃аан̣з бажчимавин̃н̃аан̣ам̣ сан̇г̇ахам̣ г̇ажчад̇ий’’д̇и.
‘‘Bhiyyo opammaṃ karohī’’ti. ‘‘Yathā, mahārāja, kocideva puriso padīpaṃ padīpeyya, kiṃ so sabbarattiṃ padīpeyyā’’ti? ‘‘Āma, bhante, sabbarattiṃ padīpeyyā’’ti. ‘‘Kiṃ nu kho, mahārāja, yā purime yāme acci, sā majjhime yāme accī’’ti? ‘‘Na hi bhante’’ti. ‘‘Yā majjhime yāme acci, sā pacchime yāme accī’’ti? ‘‘Na hi bhante’’ti. ‘‘Kiṃ nu kho, mahārāja, añño so ahosi purime yāme padīpo, añño majjhime yāme padīpo, añño pacchime yāme padīpo’’ti? ‘‘Na hi bhante, taṃ yeva nissāya sabbarattiṃ padīpito’’ti. ‘‘Evameva kho, mahārāja, dhammasantati sandahati, añño uppajjati, añño nirujjhati, apubbaṃ acarimaṃ viya sandahati, tena na ca so, na ca añño, purimaviññāṇe pacchimaviññāṇaṃ saṅgahaṃ gacchatī’’ti.
‘‘бхияяо обаммам̣ гарохий’’д̇и. ‘‘яат̇аа, махаарааж̇а, кийрам̣ д̣̇уяхамаанам̣ гааланд̇арзна д̣̇ад̇хи баривад̇д̇зяяа, д̣̇ад̇хид̇о наванийд̇ам̣, наванийд̇ад̇о гхад̇ам̣ баривад̇д̇зяяа, яо ну ко, махаарааж̇а, звам̣ вад̣̇зяяа ‘яам̣ язва кийрам̣ д̇ам̣ язва д̣̇ад̇хи, яам̣ язва д̣̇ад̇хи д̇ам̣ язва наванийд̇ам̣, яам̣ язва наванийд̇ам̣ д̇ам̣ язва гхад̇а’нд̇и, саммаа ну ко со, махаарааж̇а, вад̣̇амаано вад̣̇зяяаа’’д̇и? ‘‘на хи бханд̇з, д̇ам̣язва ниссааяа самбхууд̇а’’нд̇и. ‘‘звамзва ко, махаарааж̇а, д̇хаммасанд̇ад̇и санд̣̇ахад̇и, ан̃н̃о уббаж̇ж̇ад̇и, ан̃н̃о нируж̇жхад̇и, абуб̣б̣ам̣ ажаримам̣ вияа санд̣̇ахад̇и, д̇зна на жа со, на жа ан̃н̃о, буримавин̃н̃аан̣з бажчимавин̃н̃аан̣ам̣ сан̇г̇ахам̣ г̇ажчад̇ий’’д̇и.
‘‘Bhiyyo opammaṃ karohī’’ti. ‘‘Yathā, mahārāja, khīraṃ duyhamānaṃ kālantarena dadhi parivatteyya, dadhito navanītaṃ, navanītato ghataṃ parivatteyya, yo nu kho, mahārāja, evaṃ vadeyya ‘yaṃ yeva khīraṃ taṃ yeva dadhi, yaṃ yeva dadhi taṃ yeva navanītaṃ, yaṃ yeva navanītaṃ taṃ yeva ghata’nti, sammā nu kho so, mahārāja, vadamāno vadeyyā’’ti? ‘‘Na hi bhante, taṃyeva nissāya sambhūta’’nti. ‘‘Evameva kho, mahārāja, dhammasantati sandahati, añño uppajjati, añño nirujjhati, apubbaṃ acarimaṃ viya sandahati, tena na ca so, na ca añño, purimaviññāṇe pacchimaviññāṇaṃ saṅgahaṃ gacchatī’’ti.
‘‘галлоси, бханд̇з нааг̇асзнаа’’д̇и.
‘‘Kallosi, bhante nāgasenā’’ti.
д̇хаммасанд̇ад̇ибан̃хо батамо.
Dhammasantatipañho paṭhamo.
