| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
8. д̇хаммасавабид̇уд̇т̇зраг̇аат̇ааван̣н̣анаа
8. Dhammasavapituttheragāthāvaṇṇanā
са вийсавассасад̇игод̇и ааяасмад̇о д̇хаммасавабид̇уд̇т̇зрасса г̇аат̇аа. гаа уббад̇д̇и? аяамби буримаб̣уд̣̇д̇хзсу гад̇аад̇хигааро б̣уд̣̇д̇хасун̃н̃з логз гулаг̇зхз ниб̣б̣ад̇д̇ид̇ваа вин̃н̃уд̇ам̣ бад̇д̇о бхууд̇аг̇ан̣з наама баб̣б̣ад̇з вихаранд̇ам̣ бажжзгасамб̣уд̣̇д̇хам̣ д̣̇исваа басаннамаанасо д̇ин̣асуулабубпзхи бууж̇ам̣ агааси. со д̇зна бун̃н̃агаммзна д̣̇звалогз ниб̣б̣ад̇д̇ид̇ваа абараабарам̣ суг̇ад̇ийсуязва сам̣саранд̇о имасмим̣ б̣уд̣̇д̇хуббаад̣̇з маг̇ад̇харадтз б̣раахман̣агулз ниб̣б̣ад̇д̇ид̇ваа вин̃н̃уд̇ам̣ бад̇д̇о д̣̇аарабариг̇г̇ахам̣ гад̇ваа д̇хаммасавам̣ наама буд̇д̇ам̣ лабхид̇ваа д̇асмим̣ баб̣б̣аж̇ид̇з саяамби вийсавассасад̇иго худ̇ваа, ‘‘мама буд̇д̇о д̇аава д̇арун̣о баб̣б̣аж̇и , ат̇а гасмаа наахам̣ баб̣б̣аж̇иссаамий’’д̇и сан̃ж̇аад̇асам̣взг̇о сад̇т̇у санд̇игам̣ г̇анд̇ваа д̇хаммам̣ суд̇ваа баб̣б̣аж̇ид̇ваа вибассанам̣ бадтабзд̇ваа нажирассзва арахад̇д̇ам̣ сажчаагааси. д̇зна вуд̇д̇ам̣ абад̣̇аанз (аба. т̇зра 1.16.35-38) –
Sa vīsavassasatikoti āyasmato dhammasavapituttherassa gāthā. Kā uppatti? Ayampi purimabuddhesu katādhikāro buddhasuññe loke kulagehe nibbattitvā viññutaṃ patto bhūtagaṇe nāma pabbate viharantaṃ paccekasambuddhaṃ disvā pasannamānaso tiṇasūlapupphehi pūjaṃ akāsi. So tena puññakammena devaloke nibbattitvā aparāparaṃ sugatīsuyeva saṃsaranto imasmiṃ buddhuppāde magadharaṭṭhe brāhmaṇakule nibbattitvā viññutaṃ patto dārapariggahaṃ katvā dhammasavaṃ nāma puttaṃ labhitvā tasmiṃ pabbajite sayampi vīsavassasatiko hutvā, ‘‘mama putto tāva taruṇo pabbaji , atha kasmā nāhaṃ pabbajissāmī’’ti sañjātasaṃvego satthu santikaṃ gantvā dhammaṃ sutvā pabbajitvā vipassanaṃ paṭṭhapetvā nacirasseva arahattaṃ sacchākāsi. Tena vuttaṃ apadāne (apa. thera 1.16.35-38) –
‘‘химаванд̇ассаавид̣̇уурз, бхууд̇аг̇ан̣о наама баб̣б̣ад̇о;
‘‘Himavantassāvidūre, bhūtagaṇo nāma pabbato;
васад̇зго ж̇ино д̇ад̇т̇а, саяамбхуу логаниссадо.
Vasateko jino tattha, sayambhū lokanissaṭo.
‘‘д̇ин̣асуулам̣ г̇ахзд̇ваана, б̣уд̣̇д̇хасса абхиробаяим̣;
‘‘Tiṇasūlaṃ gahetvāna, buddhassa abhiropayiṃ;
згуунасад̇асахассам̣, габбам̣ на винибаад̇иго.
Ekūnasatasahassaṃ, kappaṃ na vinipātiko.
‘‘ид̇о згаад̣̇асз габбз, згосим̣ д̇харан̣ийрухо;
‘‘Ito ekādase kappe, ekosiṃ dharaṇīruho;
сад̇д̇арад̇анасамбанно, жаггавад̇д̇ий махаб̣б̣ало.
Sattaratanasampanno, cakkavattī mahabbalo.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.
‘‘Kilesā jhāpitā mayhaṃ…pe… kataṃ buddhassa sāsana’’nti.
арахад̇д̇ам̣ бана бад̇ваа ад̇д̇ано бадибад̇д̇им̣ бажжавзгкид̇ваа сан̃ж̇аад̇асоманассо уд̣̇аанзнд̇о –
Arahattaṃ pana patvā attano paṭipattiṃ paccavekkhitvā sañjātasomanasso udānento –
108.
108.
‘‘са вийсавассасад̇иго, баб̣б̣аж̇им̣ анаг̇аарияам̣;
‘‘Sa vīsavassasatiko, pabbajiṃ anagāriyaṃ;
д̇иссо виж̇ж̇аа ануббад̇д̇аа, гад̇ам̣ б̣уд̣̇д̇хасса саасана’’нд̇и. – г̇аат̇ам̣ абхааси;
Tisso vijjā anuppattā, kataṃ buddhassa sāsana’’nti. – gāthaṃ abhāsi;
д̇ад̇т̇а са вийсавассасад̇игод̇и со вийсам̣вассасад̇иго, со ахам̣ ж̇аад̇ияаа вийсаад̇хигавассасад̇иго самаано. баб̣б̣аж̇инд̇и баб̣б̣аж̇ж̇ам̣ убаг̇ажчим̣. сзсам̣ вуд̇д̇анаяамзва. ид̣̇амзва жа имасса т̇зрасса ан̃н̃ааб̣яаагаран̣ам̣ ахоси.
Tattha sa vīsavassasatikoti so vīsaṃvassasatiko, so ahaṃ jātiyā vīsādhikavassasatiko samāno. Pabbajinti pabbajjaṃ upagacchiṃ. Sesaṃ vuttanayameva. Idameva ca imassa therassa aññābyākaraṇaṃ ahosi.
д̇хаммасавабид̇уд̇т̇зраг̇аат̇ааван̣н̣анаа нидтид̇аа.
Dhammasavapituttheragāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 8. д̇хаммасавабид̇уд̇т̇зраг̇аат̇аа • 8. Dhammasavapituttheragāthā
