| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
7. д̇хаммасавад̇т̇зраг̇аат̇ааван̣н̣анаа
7. Dhammasavattheragāthāvaṇṇanā
баб̣б̣аж̇им̣ д̇улаяид̇ваанаад̇и ааяасмад̇о д̇хаммасавад̇т̇зрасса г̇аат̇аа. гаа уббад̇д̇и? аяам̣ гира бад̣̇умуд̇д̇арасса бхаг̇авад̇о гаалз суважчо наама б̣раахман̣о худ̇ваа д̇ин̣н̣ам̣ взд̣̇аанам̣ баараг̇уу гхарааваасз д̣̇осам̣ д̣̇исваа д̇аабасабаб̣б̣аж̇ж̇ам̣ баб̣б̣аж̇ид̇ваа аран̃н̃ааяад̇анз баб̣б̣ад̇анд̇арз ассамам̣ гаарзд̇ваа б̣ахуухи д̇аабасзхи сад̣̇д̇хим̣ васи. ат̇асса гусалаб̣ийж̇ам̣ робзд̇угаамо бад̣̇умуд̇д̇аро бхаг̇аваа ассамасамийбз аагаасз тад̇ваа ид̣̇д̇хибаадихаарияам̣ д̣̇ассзси. со д̇ам̣ д̣̇исваа басаннамаанасо бууж̇зд̇угаамо нааг̇абубпаани ожинаабзси. сад̇т̇аа, ‘‘алам̣ имасса д̇аабасасса зд̇д̇агам̣ гусалаб̣ийж̇а’’нд̇и баггаами. со бубпаани г̇ахзд̇ваа сад̇т̇у г̇аманамаг̇г̇ам̣ огирид̇ваа жид̇д̇ам̣ басаад̣̇знд̇о ан̃ж̇алим̣ баг̇г̇аяха адтааси. со д̇зна бун̃н̃агаммзна д̣̇звалогз ниб̣б̣ад̇д̇ид̇ваа абараабарам̣ суг̇ад̇ийсуязва сам̣саранд̇о имасмим̣ б̣уд̣̇д̇хуббаад̣̇з маг̇ад̇харадтз б̣раахман̣агулз ниб̣б̣ад̇д̇ид̇ваа д̇хаммасавод̇и лад̣̇д̇ханаамо вин̃н̃уд̇ам̣ бад̇д̇о хзд̇усамбад̇д̇ияаа жод̣̇ияамаано гхарааваасз аад̣̇ийнавам̣ баб̣б̣аж̇ж̇ааяа аанисам̣сан̃жа д̣̇исваа д̣̇агкин̣ааг̇ирисмим̣ вихаранд̇ам̣ бхаг̇аванд̇ам̣ убасан̇гамид̇ваа д̇хаммам̣ суд̇ваа бадилад̣̇д̇хасад̣̇д̇хо баб̣б̣аж̇ид̇ваа вибассанааяа гаммам̣ гаронд̇о нажирассзва арахад̇д̇ам̣ баабун̣и. д̇зна вуд̇д̇ам̣ абад̣̇аанз (аба. т̇зра 1.16.39-45) –
Pabbajiṃtulayitvānāti āyasmato dhammasavattherassa gāthā. Kā uppatti? Ayaṃ kira padumuttarassa bhagavato kāle suvaccho nāma brāhmaṇo hutvā tiṇṇaṃ vedānaṃ pāragū gharāvāse dosaṃ disvā tāpasapabbajjaṃ pabbajitvā araññāyatane pabbatantare assamaṃ kāretvā bahūhi tāpasehi saddhiṃ vasi. Athassa kusalabījaṃ ropetukāmo padumuttaro bhagavā assamasamīpe ākāse ṭhatvā iddhipāṭihāriyaṃ dassesi. So taṃ disvā pasannamānaso pūjetukāmo nāgapupphāni ocināpesi. Satthā, ‘‘alaṃ imassa tāpasassa ettakaṃ kusalabīja’’nti pakkāmi. So pupphāni gahetvā satthu gamanamaggaṃ okiritvā cittaṃ pasādento añjaliṃ paggayha aṭṭhāsi. So tena puññakammena devaloke nibbattitvā aparāparaṃ sugatīsuyeva saṃsaranto imasmiṃ buddhuppāde magadharaṭṭhe brāhmaṇakule nibbattitvā dhammasavoti laddhanāmo viññutaṃ patto hetusampattiyā codiyamāno gharāvāse ādīnavaṃ pabbajjāya ānisaṃsañca disvā dakkhiṇāgirismiṃ viharantaṃ bhagavantaṃ upasaṅkamitvā dhammaṃ sutvā paṭiladdhasaddho pabbajitvā vipassanāya kammaṃ karonto nacirasseva arahattaṃ pāpuṇi. Tena vuttaṃ apadāne (apa. thera 1.16.39-45) –
‘‘суважчо наама наамзна, б̣раахман̣о манд̇абаараг̇уу;
‘‘Suvaccho nāma nāmena, brāhmaṇo mantapāragū;
бурагкад̇о сасиссзхи, васад̇з баб̣б̣ад̇анд̇арз.
Purakkhato sasissehi, vasate pabbatantare.
‘‘бад̣̇умуд̇д̇аро наама ж̇ино, аахуд̇ийнам̣ бадиг̇г̇ахо;
‘‘Padumuttaro nāma jino, āhutīnaṃ paṭiggaho;
мамуд̣̇д̇харид̇угаамо со, ааг̇ажчи мама санд̇игам̣.
Mamuddharitukāmo so, āgacchi mama santikaṃ.
‘‘взхаасамхи жан̇гамад̇и, д̇хуубааяад̇и ж̇алад̇з д̇ат̇аа;
‘‘Vehāsamhi caṅkamati, dhūpāyati jalate tathā;
хаасам̣ мамам̣ вид̣̇ид̇ваана, баггаами баажинаамуко.
Hāsaṃ mamaṃ viditvāna, pakkāmi pācināmukho.
‘‘д̇ан̃жа ажчарияам̣ д̣̇исваа, аб̣бхуд̇ам̣ ломахам̣санам̣;
‘‘Tañca acchariyaṃ disvā, abbhutaṃ lomahaṃsanaṃ;
нааг̇абубпам̣ г̇ахзд̇ваана, г̇ад̇амаг̇г̇амхи огирим̣.
Nāgapupphaṃ gahetvāna, gatamaggamhi okiriṃ.
‘‘сад̇асахассид̇о габбз, яам̣ бубпам̣ огирим̣ ахам̣;
‘‘Satasahassito kappe, yaṃ pupphaṃ okiriṃ ahaṃ;
д̇зна жид̇д̇аббасаад̣̇зна, д̣̇уг̇г̇ад̇им̣ нубабаж̇ж̇ахам̣.
Tena cittappasādena, duggatiṃ nupapajjahaṃ.
‘‘згад̇им̣сз габбасад̇з, рааж̇аа ааси махаарахо;
‘‘Ekatiṃse kappasate, rājā āsi mahāraho;
сад̇д̇арад̇анасамбанно, жаггавад̇д̇ий махаб̣б̣ало.
Sattaratanasampanno, cakkavattī mahabbalo.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.
‘‘Kilesā jhāpitā mayhaṃ…pe… kataṃ buddhassa sāsana’’nti.
арахад̇д̇ам̣ бана бад̇ваа ад̇д̇ано бадибад̇д̇им̣ бажжавзгкид̇ваа соманассаббад̇д̇о уд̣̇аанавасзна –
Arahattaṃ pana patvā attano paṭipattiṃ paccavekkhitvā somanassappatto udānavasena –
107.
107.
‘‘баб̣б̣аж̇им̣ д̇улаяид̇ваана, аг̇аарасмаанаг̇аарияам̣;
‘‘Pabbajiṃ tulayitvāna, agārasmānagāriyaṃ;
д̇иссо виж̇ж̇аа ануббад̇д̇аа, гад̇ам̣ б̣уд̣̇д̇хасса саасана’’нд̇и. – г̇аат̇ам̣ абхааси;
Tisso vijjā anuppattā, kataṃ buddhassa sāsana’’nti. – gāthaṃ abhāsi;
д̇ад̇т̇а баб̣б̣аж̇им̣ д̇улаяид̇ваанаад̇и ‘‘самб̣аад̇хо гхарааваасо раж̇аабат̇о’’д̇иаад̣̇инаа (д̣̇ий. ни. 1.191; ма. ни. 2.10; сам̣. ни. 2.154) гхарааваасз, ‘‘аббассаад̣̇аа гаамаа б̣ахуд̣̇угкаа б̣ахубааяаасаа’’д̇иаад̣̇инаа (баажи. 417; ма. ни. 1.177) гаамзсу аад̣̇ийнавам̣ д̇аббадибагкад̇о нзгкаммз жа аанисам̣сам̣ д̇улабхууд̇ааяа бан̃н̃ааяа вижаарзд̇ваа виймам̣сид̇ваад̇и ад̇т̇о. сзсам̣ хздтаа вуд̇д̇анаяамзва. ид̣̇амзва жа т̇зрасса ан̃н̃ааб̣яаагаран̣ам̣ ахосийд̇и.
Tattha pabbajiṃ tulayitvānāti ‘‘sambādho gharāvāso rajāpatho’’tiādinā (dī. ni. 1.191; ma. ni. 2.10; saṃ. ni. 2.154) gharāvāse, ‘‘appassādā kāmā bahudukkhā bahupāyāsā’’tiādinā (pāci. 417; ma. ni. 1.177) kāmesu ādīnavaṃ tappaṭipakkhato nekkhamme ca ānisaṃsaṃ tulabhūtāya paññāya vicāretvā vīmaṃsitvāti attho. Sesaṃ heṭṭhā vuttanayameva. Idameva ca therassa aññābyākaraṇaṃ ahosīti.
д̇хаммасавад̇т̇зраг̇аат̇ааван̣н̣анаа нидтид̇аа.
Dhammasavattheragāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 7. д̇хаммасавад̇т̇зраг̇аат̇аа • 7. Dhammasavattheragāthā
