| Library / Tipiṭaka / திபிடக • Tipiṭaka / பஞ்சபகரண-அட்ட²கதா² • Pañcapakaraṇa-aṭṭhakathā |
9. த⁴ம்மதண்ஹாஅப்³யாகதாதிகதா²வண்ணனா
9. Dhammataṇhāabyākatātikathāvaṇṇanā
676-680. இதா³னி த⁴ம்மதண்ஹா அப்³யாகதாதிகதா² நாம ஹோதி. தத்த² ரூபதண்ஹா…பே॰… த⁴ம்மதண்ஹாதி இமாஸு ச²ஸு தண்ஹாஸு யஸ்மா ஸப்³ப³பச்சி²மா தண்ஹா த⁴ம்மதண்ஹாதி வுத்தா, தஸ்மா ஸா அப்³யாகதாதி யேஸங் லத்³தி⁴, ஸெய்யதா²பி புப்³ப³ஸேலியானங்; தே ஸந்தா⁴ய புச்சா² ஸகவாதி³ஸ்ஸ, படிஞ்ஞா இதரஸ்ஸ. ஸேஸபஞ்ஹானங் பாளியா அத்தோ² நிய்யாதி. காமதண்ஹாதிஆதீ³ஹி தீஹி கொட்டா²ஸேஹி ச²பி தண்ஹா ஸங்கி²பித்வா த³ஸ்ஸிதா. ரூபாதீ³ஸு ஹி ச²ஸு ஆரம்மணேஸு காமஸ்ஸாத³வஸேன பவத்தா தண்ஹா காமதண்ஹா. ‘‘ப⁴விஸ்ஸதி அத்தா ச லோகோ சா’’தி ஸஸ்ஸததி³ட்டி²ஸஹக³தா தண்ஹா ப⁴வதண்ஹா. ‘‘ந ப⁴விஸ்ஸதீ’’தி உச்சே²த³தி³ட்டி²ஸஹக³தா தண்ஹா விப⁴வதண்ஹாதி. நனு ஸா த⁴ம்மதண்ஹாதி பத³ங் தண்ஹாய த⁴ம்மாரம்மணங் ஆரப்³ப⁴ பவத்திங் தீ³பேதி, ந அப்³யாகதபா⁴வங் தஸ்மா அஸாத⁴கந்தி.
676-680. Idāni dhammataṇhā abyākatātikathā nāma hoti. Tattha rūpataṇhā…pe… dhammataṇhāti imāsu chasu taṇhāsu yasmā sabbapacchimā taṇhā dhammataṇhāti vuttā, tasmā sā abyākatāti yesaṃ laddhi, seyyathāpi pubbaseliyānaṃ; te sandhāya pucchā sakavādissa, paṭiññā itarassa. Sesapañhānaṃ pāḷiyā attho niyyāti. Kāmataṇhātiādīhi tīhi koṭṭhāsehi chapi taṇhā saṅkhipitvā dassitā. Rūpādīsu hi chasu ārammaṇesu kāmassādavasena pavattā taṇhā kāmataṇhā. ‘‘Bhavissati attā ca loko cā’’ti sassatadiṭṭhisahagatā taṇhā bhavataṇhā. ‘‘Na bhavissatī’’ti ucchedadiṭṭhisahagatā taṇhā vibhavataṇhāti. Nanu sā dhammataṇhāti padaṃ taṇhāya dhammārammaṇaṃ ārabbha pavattiṃ dīpeti, na abyākatabhāvaṃ tasmā asādhakanti.
த⁴ம்மதண்ஹா அப்³யாகதாதிகதா²வண்ணனா.
Dhammataṇhā abyākatātikathāvaṇṇanā.
Related texts:
திபிடக (மூல) • Tipiṭaka (Mūla) / அபி⁴த⁴ம்மபிடக • Abhidhammapiṭaka / கதா²வத்து²பாளி • Kathāvatthupāḷi / (134) 9. த⁴ம்மதண்ஹா அப்³யாகதாதிகதா² • (134) 9. Dhammataṇhā abyākatātikathā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-மூலடீகா • Pañcapakaraṇa-mūlaṭīkā / 9. த⁴ம்மதண்ஹாஅப்³யாகதாதிகதா²வண்ணனா • 9. Dhammataṇhāabyākatātikathāvaṇṇanā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-அனுடீகா • Pañcapakaraṇa-anuṭīkā / 9. த⁴ம்மதண்ஹாஅப்³யாகதாதிகதா²வண்ணனா • 9. Dhammataṇhāabyākatātikathāvaṇṇanā
