| Library / Tipiṭaka / তিপিটক • Tipiṭaka / পঞ্চপকরণ-অট্ঠকথা • Pañcapakaraṇa-aṭṭhakathā |
৯. ধম্মতণ্হাঅব্যাকতাতিকথাৰণ্ণনা
9. Dhammataṇhāabyākatātikathāvaṇṇanā
৬৭৬-৬৮০. ইদানি ধম্মতণ্হা অব্যাকতাতিকথা নাম হোতি। তত্থ রূপতণ্হা…পে॰… ধম্মতণ্হাতি ইমাসু ছসু তণ্হাসু যস্মা সব্বপচ্ছিমা তণ্হা ধম্মতণ্হাতি ৰুত্তা, তস্মা সা অব্যাকতাতি যেসং লদ্ধি, সেয্যথাপি পুব্বসেলিযানং; তে সন্ধায পুচ্ছা সকৰাদিস্স, পটিঞ্ঞা ইতরস্স। সেসপঞ্হানং পাল়িযা অত্থো নিয্যাতি। কামতণ্হাতিআদীহি তীহি কোট্ঠাসেহি ছপি তণ্হা সঙ্খিপিত্ৰা দস্সিতা। রূপাদীসু হি ছসু আরম্মণেসু কামস্সাদৰসেন পৰত্তা তণ্হা কামতণ্হা। ‘‘ভৰিস্সতি অত্তা চ লোকো চা’’তি সস্সতদিট্ঠিসহগতা তণ্হা ভৰতণ্হা। ‘‘ন ভৰিস্সতী’’তি উচ্ছেদদিট্ঠিসহগতা তণ্হা ৰিভৰতণ্হাতি। ননু সা ধম্মতণ্হাতি পদং তণ্হায ধম্মারম্মণং আরব্ভ পৰত্তিং দীপেতি, ন অব্যাকতভাৰং তস্মা অসাধকন্তি।
676-680. Idāni dhammataṇhā abyākatātikathā nāma hoti. Tattha rūpataṇhā…pe… dhammataṇhāti imāsu chasu taṇhāsu yasmā sabbapacchimā taṇhā dhammataṇhāti vuttā, tasmā sā abyākatāti yesaṃ laddhi, seyyathāpi pubbaseliyānaṃ; te sandhāya pucchā sakavādissa, paṭiññā itarassa. Sesapañhānaṃ pāḷiyā attho niyyāti. Kāmataṇhātiādīhi tīhi koṭṭhāsehi chapi taṇhā saṅkhipitvā dassitā. Rūpādīsu hi chasu ārammaṇesu kāmassādavasena pavattā taṇhā kāmataṇhā. ‘‘Bhavissati attā ca loko cā’’ti sassatadiṭṭhisahagatā taṇhā bhavataṇhā. ‘‘Na bhavissatī’’ti ucchedadiṭṭhisahagatā taṇhā vibhavataṇhāti. Nanu sā dhammataṇhāti padaṃ taṇhāya dhammārammaṇaṃ ārabbha pavattiṃ dīpeti, na abyākatabhāvaṃ tasmā asādhakanti.
ধম্মতণ্হা অব্যাকতাতিকথাৰণ্ণনা।
Dhammataṇhā abyākatātikathāvaṇṇanā.
Related texts:
তিপিটক (মূল) • Tipiṭaka (Mūla) / অভিধম্মপিটক • Abhidhammapiṭaka / কথাৰত্থুপাল়ি • Kathāvatthupāḷi / (১৩৪) ৯. ধম্মতণ্হা অব্যাকতাতিকথা • (134) 9. Dhammataṇhā abyākatātikathā
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / পঞ্চপকরণ-মূলটীকা • Pañcapakaraṇa-mūlaṭīkā / ৯. ধম্মতণ্হাঅব্যাকতাতিকথাৰণ্ণনা • 9. Dhammataṇhāabyākatātikathāvaṇṇanā
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / পঞ্চপকরণ-অনুটীকা • Pañcapakaraṇa-anuṭīkā / ৯. ধম্মতণ্হাঅব্যাকতাতিকথাৰণ্ণনা • 9. Dhammataṇhāabyākatātikathāvaṇṇanā
