| Library / Tipiṭaka / ติปิฎก • Tipiṭaka / ปญฺจปกรณ-อฎฺฐกถา • Pañcapakaraṇa-aṭṭhakathā |
๙. ธมฺมตณฺหาอพฺยากตาติกถาวณฺณนา
9. Dhammataṇhāabyākatātikathāvaṇṇanā
๖๗๖-๖๘๐. อิทานิ ธมฺมตณฺหา อพฺยากตาติกถา นาม โหติฯ ตตฺถ รูปตณฺหา…เป.… ธมฺมตณฺหาติ อิมาสุ ฉสุ ตณฺหาสุ ยสฺมา สพฺพปจฺฉิมา ตณฺหา ธมฺมตณฺหาติ วุตฺตา, ตสฺมา สา อพฺยากตาติ เยสํ ลทฺธิ, เสยฺยถาปิ ปุพฺพเสลิยานํ; เต สนฺธาย ปุจฺฉา สกวาทิสฺส, ปฎิญฺญา อิตรสฺสฯ เสสปญฺหานํ ปาฬิยา อโตฺถ นิยฺยาติฯ กามตณฺหาติอาทีหิ ตีหิ โกฎฺฐาเสหิ ฉปิ ตณฺหา สงฺขิปิตฺวา ทสฺสิตาฯ รูปาทีสุ หิ ฉสุ อารมฺมเณสุ กามสฺสาทวเสน ปวตฺตา ตณฺหา กามตณฺหาฯ ‘‘ภวิสฺสติ อตฺตา จ โลโก จา’’ติ สสฺสตทิฎฺฐิสหคตา ตณฺหา ภวตณฺหาฯ ‘‘น ภวิสฺสตี’’ติ อุเจฺฉททิฎฺฐิสหคตา ตณฺหา วิภวตณฺหาติฯ นนุ สา ธมฺมตณฺหาติ ปทํ ตณฺหาย ธมฺมารมฺมณํ อารพฺภ ปวตฺติํ ทีเปติ, น อพฺยากตภาวํ ตสฺมา อสาธกนฺติฯ
676-680. Idāni dhammataṇhā abyākatātikathā nāma hoti. Tattha rūpataṇhā…pe… dhammataṇhāti imāsu chasu taṇhāsu yasmā sabbapacchimā taṇhā dhammataṇhāti vuttā, tasmā sā abyākatāti yesaṃ laddhi, seyyathāpi pubbaseliyānaṃ; te sandhāya pucchā sakavādissa, paṭiññā itarassa. Sesapañhānaṃ pāḷiyā attho niyyāti. Kāmataṇhātiādīhi tīhi koṭṭhāsehi chapi taṇhā saṅkhipitvā dassitā. Rūpādīsu hi chasu ārammaṇesu kāmassādavasena pavattā taṇhā kāmataṇhā. ‘‘Bhavissati attā ca loko cā’’ti sassatadiṭṭhisahagatā taṇhā bhavataṇhā. ‘‘Na bhavissatī’’ti ucchedadiṭṭhisahagatā taṇhā vibhavataṇhāti. Nanu sā dhammataṇhāti padaṃ taṇhāya dhammārammaṇaṃ ārabbha pavattiṃ dīpeti, na abyākatabhāvaṃ tasmā asādhakanti.
ธมฺมตณฺหา อพฺยากตาติกถาวณฺณนาฯ
Dhammataṇhā abyākatātikathāvaṇṇanā.
Related texts:
ติปิฎก (มูล) • Tipiṭaka (Mūla) / อภิธมฺมปิฎก • Abhidhammapiṭaka / กถาวตฺถุปาฬิ • Kathāvatthupāḷi / (๑๓๔) ๙. ธมฺมตณฺหา อพฺยากตาติกถา • (134) 9. Dhammataṇhā abyākatātikathā
ฎีกา • Tīkā / อภิธมฺมปิฎก (ฎีกา) • Abhidhammapiṭaka (ṭīkā) / ปญฺจปกรณ-มูลฎีกา • Pañcapakaraṇa-mūlaṭīkā / ๙. ธมฺมตณฺหาอพฺยากตาติกถาวณฺณนา • 9. Dhammataṇhāabyākatātikathāvaṇṇanā
ฎีกา • Tīkā / อภิธมฺมปิฎก (ฎีกา) • Abhidhammapiṭaka (ṭīkā) / ปญฺจปกรณ-อนุฎีกา • Pañcapakaraṇa-anuṭīkā / ๙. ธมฺมตณฺหาอพฺยากตาติกถาวณฺณนา • 9. Dhammataṇhāabyākatātikathāvaṇṇanā
