| Library / Tipiṭaka / តិបិដក • Tipiṭaka / បញ្ចបករណ-អដ្ឋកថា • Pañcapakaraṇa-aṭṭhakathā |
៩. ធម្មតណ្ហាអព្យាកតាតិកថាវណ្ណនា
9. Dhammataṇhāabyākatātikathāvaṇṇanā
៦៧៦-៦៨០. ឥទានិ ធម្មតណ្ហា អព្យាកតាតិកថា នាម ហោតិ។ តត្ថ រូបតណ្ហា…បេ.… ធម្មតណ្ហាតិ ឥមាសុ ឆសុ តណ្ហាសុ យស្មា សព្ពបច្ឆិមា តណ្ហា ធម្មតណ្ហាតិ វុត្តា, តស្មា សា អព្យាកតាតិ យេសំ លទ្ធិ, សេយ្យថាបិ បុព្ពសេលិយានំ; តេ សន្ធាយ បុច្ឆា សកវាទិស្ស, បដិញ្ញា ឥតរស្ស។ សេសបញ្ហានំ បាឡិយា អត្ថោ និយ្យាតិ។ កាមតណ្ហាតិអាទីហិ តីហិ កោដ្ឋាសេហិ ឆបិ តណ្ហា សង្ខិបិត្វា ទស្សិតា។ រូបាទីសុ ហិ ឆសុ អារម្មណេសុ កាមស្សាទវសេន បវត្តា តណ្ហា កាមតណ្ហា។ ‘‘ភវិស្សតិ អត្តា ច លោកោ ចា’’តិ សស្សតទិដ្ឋិសហគតា តណ្ហា ភវតណ្ហា។ ‘‘ន ភវិស្សតី’’តិ ឧច្ឆេទទិដ្ឋិសហគតា តណ្ហា វិភវតណ្ហាតិ។ ននុ សា ធម្មតណ្ហាតិ បទំ តណ្ហាយ ធម្មារម្មណំ អារព្ភ បវត្តិំ ទីបេតិ, ន អព្យាកតភាវំ តស្មា អសាធកន្តិ។
676-680. Idāni dhammataṇhā abyākatātikathā nāma hoti. Tattha rūpataṇhā…pe… dhammataṇhāti imāsu chasu taṇhāsu yasmā sabbapacchimā taṇhā dhammataṇhāti vuttā, tasmā sā abyākatāti yesaṃ laddhi, seyyathāpi pubbaseliyānaṃ; te sandhāya pucchā sakavādissa, paṭiññā itarassa. Sesapañhānaṃ pāḷiyā attho niyyāti. Kāmataṇhātiādīhi tīhi koṭṭhāsehi chapi taṇhā saṅkhipitvā dassitā. Rūpādīsu hi chasu ārammaṇesu kāmassādavasena pavattā taṇhā kāmataṇhā. ‘‘Bhavissati attā ca loko cā’’ti sassatadiṭṭhisahagatā taṇhā bhavataṇhā. ‘‘Na bhavissatī’’ti ucchedadiṭṭhisahagatā taṇhā vibhavataṇhāti. Nanu sā dhammataṇhāti padaṃ taṇhāya dhammārammaṇaṃ ārabbha pavattiṃ dīpeti, na abyākatabhāvaṃ tasmā asādhakanti.
ធម្មតណ្ហា អព្យាកតាតិកថាវណ្ណនា។
Dhammataṇhā abyākatātikathāvaṇṇanā.
Related texts:
តិបិដក (មូល) • Tipiṭaka (Mūla) / អភិធម្មបិដក • Abhidhammapiṭaka / កថាវត្ថុបាឡិ • Kathāvatthupāḷi / (១៣៤) ៩. ធម្មតណ្ហា អព្យាកតាតិកថា • (134) 9. Dhammataṇhā abyākatātikathā
ដីកា • Tīkā / អភិធម្មបិដក (ដីកា) • Abhidhammapiṭaka (ṭīkā) / បញ្ចបករណ-មូលដីកា • Pañcapakaraṇa-mūlaṭīkā / ៩. ធម្មតណ្ហាអព្យាកតាតិកថាវណ្ណនា • 9. Dhammataṇhāabyākatātikathāvaṇṇanā
ដីកា • Tīkā / អភិធម្មបិដក (ដីកា) • Abhidhammapiṭaka (ṭīkā) / បញ្ចបករណ-អនុដីកា • Pañcapakaraṇa-anuṭīkā / ៩. ធម្មតណ្ហាអព្យាកតាតិកថាវណ្ណនា • 9. Dhammataṇhāabyākatātikathāvaṇṇanā
