| Library / Tipiṭaka / ತಿಪಿಟಕ • Tipiṭaka / ಪಞ್ಚಪಕರಣ-ಅಟ್ಠಕಥಾ • Pañcapakaraṇa-aṭṭhakathā |
೯. ಧಮ್ಮತಣ್ಹಾಅಬ್ಯಾಕತಾತಿಕಥಾವಣ್ಣನಾ
9. Dhammataṇhāabyākatātikathāvaṇṇanā
೬೭೬-೬೮೦. ಇದಾನಿ ಧಮ್ಮತಣ್ಹಾ ಅಬ್ಯಾಕತಾತಿಕಥಾ ನಾಮ ಹೋತಿ। ತತ್ಥ ರೂಪತಣ್ಹಾ…ಪೇ॰… ಧಮ್ಮತಣ್ಹಾತಿ ಇಮಾಸು ಛಸು ತಣ್ಹಾಸು ಯಸ್ಮಾ ಸಬ್ಬಪಚ್ಛಿಮಾ ತಣ್ಹಾ ಧಮ್ಮತಣ್ಹಾತಿ ವುತ್ತಾ, ತಸ್ಮಾ ಸಾ ಅಬ್ಯಾಕತಾತಿ ಯೇಸಂ ಲದ್ಧಿ, ಸೇಯ್ಯಥಾಪಿ ಪುಬ್ಬಸೇಲಿಯಾನಂ; ತೇ ಸನ್ಧಾಯ ಪುಚ್ಛಾ ಸಕವಾದಿಸ್ಸ, ಪಟಿಞ್ಞಾ ಇತರಸ್ಸ। ಸೇಸಪಞ್ಹಾನಂ ಪಾಳಿಯಾ ಅತ್ಥೋ ನಿಯ್ಯಾತಿ। ಕಾಮತಣ್ಹಾತಿಆದೀಹಿ ತೀಹಿ ಕೋಟ್ಠಾಸೇಹಿ ಛಪಿ ತಣ್ಹಾ ಸಙ್ಖಿಪಿತ್ವಾ ದಸ್ಸಿತಾ। ರೂಪಾದೀಸು ಹಿ ಛಸು ಆರಮ್ಮಣೇಸು ಕಾಮಸ್ಸಾದವಸೇನ ಪವತ್ತಾ ತಣ್ಹಾ ಕಾಮತಣ್ಹಾ। ‘‘ಭವಿಸ್ಸತಿ ಅತ್ತಾ ಚ ಲೋಕೋ ಚಾ’’ತಿ ಸಸ್ಸತದಿಟ್ಠಿಸಹಗತಾ ತಣ್ಹಾ ಭವತಣ್ಹಾ। ‘‘ನ ಭವಿಸ್ಸತೀ’’ತಿ ಉಚ್ಛೇದದಿಟ್ಠಿಸಹಗತಾ ತಣ್ಹಾ ವಿಭವತಣ್ಹಾತಿ। ನನು ಸಾ ಧಮ್ಮತಣ್ಹಾತಿ ಪದಂ ತಣ್ಹಾಯ ಧಮ್ಮಾರಮ್ಮಣಂ ಆರಬ್ಭ ಪವತ್ತಿಂ ದೀಪೇತಿ, ನ ಅಬ್ಯಾಕತಭಾವಂ ತಸ್ಮಾ ಅಸಾಧಕನ್ತಿ।
676-680. Idāni dhammataṇhā abyākatātikathā nāma hoti. Tattha rūpataṇhā…pe… dhammataṇhāti imāsu chasu taṇhāsu yasmā sabbapacchimā taṇhā dhammataṇhāti vuttā, tasmā sā abyākatāti yesaṃ laddhi, seyyathāpi pubbaseliyānaṃ; te sandhāya pucchā sakavādissa, paṭiññā itarassa. Sesapañhānaṃ pāḷiyā attho niyyāti. Kāmataṇhātiādīhi tīhi koṭṭhāsehi chapi taṇhā saṅkhipitvā dassitā. Rūpādīsu hi chasu ārammaṇesu kāmassādavasena pavattā taṇhā kāmataṇhā. ‘‘Bhavissati attā ca loko cā’’ti sassatadiṭṭhisahagatā taṇhā bhavataṇhā. ‘‘Na bhavissatī’’ti ucchedadiṭṭhisahagatā taṇhā vibhavataṇhāti. Nanu sā dhammataṇhāti padaṃ taṇhāya dhammārammaṇaṃ ārabbha pavattiṃ dīpeti, na abyākatabhāvaṃ tasmā asādhakanti.
ಧಮ್ಮತಣ್ಹಾ ಅಬ್ಯಾಕತಾತಿಕಥಾವಣ್ಣನಾ।
Dhammataṇhā abyākatātikathāvaṇṇanā.
Related texts:
ತಿಪಿಟಕ (ಮೂಲ) • Tipiṭaka (Mūla) / ಅಭಿಧಮ್ಮಪಿಟಕ • Abhidhammapiṭaka / ಕಥಾವತ್ಥುಪಾಳಿ • Kathāvatthupāḷi / (೧೩೪) ೯. ಧಮ್ಮತಣ್ಹಾ ಅಬ್ಯಾಕತಾತಿಕಥಾ • (134) 9. Dhammataṇhā abyākatātikathā
ಟೀಕಾ • Tīkā / ಅಭಿಧಮ್ಮಪಿಟಕ (ಟೀಕಾ) • Abhidhammapiṭaka (ṭīkā) / ಪಞ್ಚಪಕರಣ-ಮೂಲಟೀಕಾ • Pañcapakaraṇa-mūlaṭīkā / ೯. ಧಮ್ಮತಣ್ಹಾಅಬ್ಯಾಕತಾತಿಕಥಾವಣ್ಣನಾ • 9. Dhammataṇhāabyākatātikathāvaṇṇanā
ಟೀಕಾ • Tīkā / ಅಭಿಧಮ್ಮಪಿಟಕ (ಟೀಕಾ) • Abhidhammapiṭaka (ṭīkā) / ಪಞ್ಚಪಕರಣ-ಅನುಟೀಕಾ • Pañcapakaraṇa-anuṭīkā / ೯. ಧಮ್ಮತಣ್ಹಾಅಬ್ಯಾಕತಾತಿಕಥಾವಣ್ಣನಾ • 9. Dhammataṇhāabyākatātikathāvaṇṇanā
