| Library / Tipiṭaka / තිපිටක • Tipiṭaka / පඤ්‌චපකරණ-අට්‌ඨකථා • Pañcapakaraṇa-aṭṭhakathā |
9. ධම්‌මතණ්‌හාඅබ්‍යාකතාතිකථාවණ්‌ණනා
9. Dhammataṇhāabyākatātikathāvaṇṇanā
676-680. ඉදානි ධම්‌මතණ්‌හා අබ්‍යාකතාතිකථා නාම හොති. තත්‌ථ රූපතණ්‌හා…පෙ.… ධම්‌මතණ්‌හාති ඉමාසු ඡසු තණ්‌හාසු යස්‌මා සබ්‌බපච්‌ඡිමා තණ්‌හා ධම්‌මතණ්‌හාති වුත්‌තා, තස්‌මා සා අබ්‍යාකතාති යෙසං ලද්‌ධි, සෙය්‍යථාපි පුබ්‌බසෙලියානං; තෙ සන්‌ධාය පුච්‌ඡා සකවාදිස්‌ස, පටිඤ්‌ඤා ඉතරස්‌ස. සෙසපඤ්‌හානං පාළියා අත්‌ථො නිය්‍යාති. කාමතණ්‌හාතිආදීහි තීහි කොට්‌ඨාසෙහි ඡපි තණ්‌හා සඞ්‌ඛිපිත්‌වා දස්‌සිතා. රූපාදීසු හි ඡසු ආරම්‌මණෙසු කාමස්‌සාදවසෙන පවත්‌තා තණ්‌හා කාමතණ්‌හා. ‘‘භවිස්‌සති අත්‌තා ච ලොකො චා’’ති සස්‌සතදිට්‌ඨිසහගතා තණ්‌හා භවතණ්‌හා. ‘‘න භවිස්‌සතී’’ති උච්‌ඡෙදදිට්‌ඨිසහගතා තණ්‌හා විභවතණ්‌හාති. නනු සා ධම්‌මතණ්‌හාති පදං තණ්‌හාය ධම්‌මාරම්‌මණං ආරබ්‌භ පවත්‌තිං දීපෙති, න අබ්‍යාකතභාවං තස්‌මා අසාධකන්‌ති.
676-680. Idāni dhammataṇhā abyākatātikathā nāma hoti. Tattha rūpataṇhā…pe… dhammataṇhāti imāsu chasu taṇhāsu yasmā sabbapacchimā taṇhā dhammataṇhāti vuttā, tasmā sā abyākatāti yesaṃ laddhi, seyyathāpi pubbaseliyānaṃ; te sandhāya pucchā sakavādissa, paṭiññā itarassa. Sesapañhānaṃ pāḷiyā attho niyyāti. Kāmataṇhātiādīhi tīhi koṭṭhāsehi chapi taṇhā saṅkhipitvā dassitā. Rūpādīsu hi chasu ārammaṇesu kāmassādavasena pavattā taṇhā kāmataṇhā. ‘‘Bhavissati attā ca loko cā’’ti sassatadiṭṭhisahagatā taṇhā bhavataṇhā. ‘‘Na bhavissatī’’ti ucchedadiṭṭhisahagatā taṇhā vibhavataṇhāti. Nanu sā dhammataṇhāti padaṃ taṇhāya dhammārammaṇaṃ ārabbha pavattiṃ dīpeti, na abyākatabhāvaṃ tasmā asādhakanti.
ධම්‌මතණ්‌හා අබ්‍යාකතාතිකථාවණ්‌ණනා.
Dhammataṇhā abyākatātikathāvaṇṇanā.
Related texts:
තිපිටක (මූල) • Tipiṭaka (Mūla) / අභිධම්‌මපිටක • Abhidhammapiṭaka / කථාවත්‌ථුපාළි • Kathāvatthupāḷi / (134) 9. ධම්‌මතණ්‌හා අබ්‍යාකතාතිකථා • (134) 9. Dhammataṇhā abyākatātikathā
ටීකා • Tīkā / අභිධම්‌මපිටක (ටීකා) • Abhidhammapiṭaka (ṭīkā) / පඤ්‌චපකරණ-මූලටීකා • Pañcapakaraṇa-mūlaṭīkā / 9. ධම්‌මතණ්‌හාඅබ්‍යාකතාතිකථාවණ්‌ණනා • 9. Dhammataṇhāabyākatātikathāvaṇṇanā
ටීකා • Tīkā / අභිධම්‌මපිටක (ටීකා) • Abhidhammapiṭaka (ṭīkā) / පඤ්‌චපකරණ-අනුටීකා • Pañcapakaraṇa-anuṭīkā / 9. ධම්‌මතණ්‌හාඅබ්‍යාකතාතිකථාවණ්‌ණනා • 9. Dhammataṇhāabyākatātikathāvaṇṇanā
