| Library / Tipiṭaka / ཏིཔིཊཀ • Tipiṭaka / པཉྩཔཀརཎ-ཨཊྛཀཐཱ • Pañcapakaraṇa-aṭṭhakathā |
༩. དྷམྨཏཎྷཱཨབྱཱཀཏཱཏིཀཐཱཝཎྞནཱ
9. Dhammataṇhāabyākatātikathāvaṇṇanā
༦༧༦-༦༨༠. ཨིདཱནི དྷམྨཏཎྷཱ ཨབྱཱཀཏཱཏིཀཐཱ ནཱམ ཧོཏི། ཏཏྠ རཱུཔཏཎྷཱ…པེ॰… དྷམྨཏཎྷཱཏི ཨིམཱསུ ཚསུ ཏཎྷཱསུ ཡསྨཱ སབྦཔཙྪིམཱ ཏཎྷཱ དྷམྨཏཎྷཱཏི ཝུཏྟཱ, ཏསྨཱ སཱ ཨབྱཱཀཏཱཏི ཡེསཾ ལདྡྷི, སེཡྻཐཱཔི པུབྦསེལིཡཱནཾ; ཏེ སནྡྷཱཡ པུཙྪཱ སཀཝཱདིསྶ, པཊིཉྙཱ ཨིཏརསྶ། སེསཔཉྷཱནཾ པཱལི༹ཡཱ ཨཏྠོ ནིཡྻཱཏི། ཀཱམཏཎྷཱཏིཨཱདཱིཧི ཏཱིཧི ཀོཊྛཱསེཧི ཚཔི ཏཎྷཱ སངྑིཔིཏྭཱ དསྶིཏཱ། རཱུཔཱདཱིསུ ཧི ཚསུ ཨཱརམྨཎེསུ ཀཱམསྶཱདཝསེན པཝཏྟཱ ཏཎྷཱ ཀཱམཏཎྷཱ། ‘‘བྷཝིསྶཏི ཨཏྟཱ ཙ ལོཀོ ཙཱ’’ཏི སསྶཏདིཊྛིསཧགཏཱ ཏཎྷཱ བྷཝཏཎྷཱ། ‘‘ན བྷཝིསྶཏཱི’’ཏི ཨུཙྪེདདིཊྛིསཧགཏཱ ཏཎྷཱ ཝིབྷཝཏཎྷཱཏི། ནནུ སཱ དྷམྨཏཎྷཱཏི པདཾ ཏཎྷཱཡ དྷམྨཱརམྨཎཾ ཨཱརབྦྷ པཝཏྟིཾ དཱིཔེཏི, ན ཨབྱཱཀཏབྷཱཝཾ ཏསྨཱ ཨསཱདྷཀནྟི།
676-680. Idāni dhammataṇhā abyākatātikathā nāma hoti. Tattha rūpataṇhā…pe… dhammataṇhāti imāsu chasu taṇhāsu yasmā sabbapacchimā taṇhā dhammataṇhāti vuttā, tasmā sā abyākatāti yesaṃ laddhi, seyyathāpi pubbaseliyānaṃ; te sandhāya pucchā sakavādissa, paṭiññā itarassa. Sesapañhānaṃ pāḷiyā attho niyyāti. Kāmataṇhātiādīhi tīhi koṭṭhāsehi chapi taṇhā saṅkhipitvā dassitā. Rūpādīsu hi chasu ārammaṇesu kāmassādavasena pavattā taṇhā kāmataṇhā. ‘‘Bhavissati attā ca loko cā’’ti sassatadiṭṭhisahagatā taṇhā bhavataṇhā. ‘‘Na bhavissatī’’ti ucchedadiṭṭhisahagatā taṇhā vibhavataṇhāti. Nanu sā dhammataṇhāti padaṃ taṇhāya dhammārammaṇaṃ ārabbha pavattiṃ dīpeti, na abyākatabhāvaṃ tasmā asādhakanti.
དྷམྨཏཎྷཱ ཨབྱཱཀཏཱཏིཀཐཱཝཎྞནཱ།
Dhammataṇhā abyākatātikathāvaṇṇanā.
Related texts:
ཏིཔིཊཀ (མཱུལ) • Tipiṭaka (Mūla) / ཨབྷིདྷམྨཔིཊཀ • Abhidhammapiṭaka / ཀཐཱཝཏྠུཔཱལི༹ • Kathāvatthupāḷi / (༡༣༤) ༩. དྷམྨཏཎྷཱ ཨབྱཱཀཏཱཏིཀཐཱ • (134) 9. Dhammataṇhā abyākatātikathā
ཊཱིཀཱ • Tīkā / ཨབྷིདྷམྨཔིཊཀ (ཊཱིཀཱ) • Abhidhammapiṭaka (ṭīkā) / པཉྩཔཀརཎ-མཱུལཊཱིཀཱ • Pañcapakaraṇa-mūlaṭīkā / ༩. དྷམྨཏཎྷཱཨབྱཱཀཏཱཏིཀཐཱཝཎྞནཱ • 9. Dhammataṇhāabyākatātikathāvaṇṇanā
ཊཱིཀཱ • Tīkā / ཨབྷིདྷམྨཔིཊཀ (ཊཱིཀཱ) • Abhidhammapiṭaka (ṭīkā) / པཉྩཔཀརཎ-ཨནུཊཱིཀཱ • Pañcapakaraṇa-anuṭīkā / ༩. དྷམྨཏཎྷཱཨབྱཱཀཏཱཏིཀཐཱཝཎྞནཱ • 9. Dhammataṇhāabyākatātikathāvaṇṇanā
