| Library / Tipiṭaka / д̇ибидага • Tipiṭaka / т̇зрийг̇аат̇аа-адтагат̇аа • Therīgāthā-aṭṭhakathā |
17. д̇хаммаат̇зрийг̇аат̇ааван̣н̣анаа
17. Dhammātherīgāthāvaṇṇanā
бин̣д̣абаад̇ам̣ жарид̇ваанаад̇и д̇хаммааяа т̇зрияаа г̇аат̇аа. аяамби буримаб̣уд̣̇д̇хзсу гад̇аад̇хигаараа д̇ад̇т̇а д̇ад̇т̇а бхавз виваддуубаниссаяам̣ гусалам̣ убажинид̇ваа самбхад̇абун̃н̃асамбхаараа имасмим̣ б̣уд̣̇д̇хуббаад̣̇з саавад̇т̇ияам̣ гулагхарз ниб̣б̣ад̇д̇ид̇ваа ваяаббад̇д̇аа бад̇ируубасса саамигасса г̇зхам̣ г̇анд̇ваа саасанз бадилад̣̇д̇хасад̣̇д̇хаа баб̣б̣аж̇ид̇угаамаа худ̇ваа саамигзна ананун̃н̃аад̇аа бажчаа саамигз гаалан̇гад̇з баб̣б̣аж̇ид̇ваа вибассанааяа гаммам̣ гаронд̇ий згад̣̇ивасам̣ бхигкааяа жарид̇ваа вихаарам̣ ааг̇ажчанд̇ий барибад̇ид̇ваа д̇амзва аарамман̣ам̣ гад̇ваа вибассанам̣ вад̣дхзд̇ваа саха бадисамбхид̣̇аахи арахад̇д̇ам̣ бад̇ваа –
Piṇḍapātaṃcaritvānāti dhammāya theriyā gāthā. Ayampi purimabuddhesu katādhikārā tattha tattha bhave vivaṭṭūpanissayaṃ kusalaṃ upacinitvā sambhatapuññasambhārā imasmiṃ buddhuppāde sāvatthiyaṃ kulaghare nibbattitvā vayappattā patirūpassa sāmikassa gehaṃ gantvā sāsane paṭiladdhasaddhā pabbajitukāmā hutvā sāmikena ananuññātā pacchā sāmike kālaṅkate pabbajitvā vipassanāya kammaṃ karontī ekadivasaṃ bhikkhāya caritvā vihāraṃ āgacchantī paripatitvā tameva ārammaṇaṃ katvā vipassanaṃ vaḍḍhetvā saha paṭisambhidāhi arahattaṃ patvā –
17.
17.
‘‘бин̣д̣абаад̇ам̣ жарид̇ваана, д̣̇ан̣д̣амолуб̣бха д̣̇уб̣б̣алаа;
‘‘Piṇḍapātaṃ caritvāna, daṇḍamolubbha dubbalā;
взд̇хамаанзхи г̇ад̇д̇зхи, д̇ад̇т̇зва нибад̇им̣ чамаа;
Vedhamānehi gattehi, tattheva nipatiṃ chamā;
д̣̇исваа аад̣̇ийнавам̣ гааяз, ат̇а жид̇д̇ам̣ вимужжи мз’’д̇и. –
Disvā ādīnavaṃ kāye, atha cittaṃ vimucci me’’ti. –
уд̣̇аанавасзна имам̣ г̇аат̇ам̣ абхааси.
Udānavasena imaṃ gāthaṃ abhāsi.
д̇ад̇т̇а бин̣д̣абаад̇ам̣ жарид̇ваана, д̣̇ан̣д̣амолуб̣бхаад̇и бин̣д̣абаад̇ад̇т̇ааяа яадтим̣ убад̇т̇амбхзна наг̇арз вижарид̇ваа бхигкааяа аахин̣д̣ид̇ваа. чамаад̇и чамааяам̣ бхуумияам̣, баад̣̇аанам̣ авасзна бхуумияам̣ нибад̇инд̇и ад̇т̇о. д̣̇исваа аад̣̇ийнавам̣ гааязд̇и асубхаанижжад̣̇угкаанад̇д̇ад̇аад̣̇ийхи наанаббагаарзхи сарийрз д̣̇осам̣ бан̃н̃аажагкунаа д̣̇исваа. ат̇а жид̇д̇ам̣ вимужжи мзд̇и аад̣̇ийнаваанубассанааяа барад̇о бавад̇д̇зхи ниб̣б̣ид̣̇аанубассанаад̣̇ийхи вигкамбханавасзна мама жид̇д̇ам̣ гилзсзхи вимужжид̇ваа буна маг̇г̇апалзхи яат̇ааггамам̣ самужчзд̣̇авасзна жзва бадиббассад̣̇д̇хивасзна жа саб̣б̣асо вимужжи вимуд̇д̇ам̣, на д̣̇ааниссаа виможзд̇аб̣б̣ам̣ ад̇т̇ийд̇и. ид̣̇амзва жассаа ан̃н̃ааб̣яаагаран̣ам̣ ахосийд̇и.
Tattha piṇḍapātaṃ caritvāna, daṇḍamolubbhāti piṇḍapātatthāya yaṭṭhiṃ upatthambhena nagare vicaritvā bhikkhāya āhiṇḍitvā. Chamāti chamāyaṃ bhūmiyaṃ, pādānaṃ avasena bhūmiyaṃ nipatinti attho. Disvā ādīnavaṃ kāyeti asubhāniccadukkhānattatādīhi nānappakārehi sarīre dosaṃ paññācakkhunā disvā. Atha cittaṃ vimucci meti ādīnavānupassanāya parato pavattehi nibbidānupassanādīhi vikkhambhanavasena mama cittaṃ kilesehi vimuccitvā puna maggaphalehi yathākkamaṃ samucchedavasena ceva paṭippassaddhivasena ca sabbaso vimucci vimuttaṃ, na dānissā vimocetabbaṃ atthīti. Idameva cassā aññābyākaraṇaṃ ahosīti.
д̇хаммаат̇зрийг̇аат̇ааван̣н̣анаа нидтид̇аа.
Dhammātherīgāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зрийг̇аат̇аабаал̣и • Therīgāthāpāḷi / 17. д̇хаммаат̇зрийг̇аат̇аа • 17. Dhammātherīgāthā
