Library / Tipiṭaka / д̇ибидага • Tipiṭaka / д̇хаммабад̣̇а-адтагат̇аа • Dhammapada-aṭṭhakathā

19. д̇хаммадтаваг̇г̇о

19. Dhammaṭṭhavaggo

1. винижчаяамахаамад̇д̇авад̇т̇у

1. Vinicchayamahāmattavatthu

на д̇зна ход̇ийд̇и имам̣ д̇хаммад̣̇зсанам̣ сад̇т̇аа ж̇зд̇аванз вихаранд̇о винижчаяамахаамад̇д̇з аараб̣бха гат̇зси.

Natena hotīti imaṃ dhammadesanaṃ satthā jetavane viharanto vinicchayamahāmatte ārabbha kathesi.

згад̣̇ивасан̃хи бхигкуу саавад̇т̇ияам̣ уд̇д̇арад̣̇ваараг̇аамз бин̣д̣ааяа жарид̇ваа бин̣д̣абаад̇абадигганд̇аа наг̇арамаж̇жхзна вихаарам̣ ааг̇ажчанд̇и. д̇асмим̣ кан̣з мзгхо удтааяа баавасси. д̇з саммукааг̇ад̇ам̣ винижчаяасаалам̣ бависид̇ваа винижчаяамахаамад̇д̇з лан̃ж̇ам̣ г̇ахзд̇ваа саамигз асаамигз гаронд̇з д̣̇исваа ‘‘ахо имз ад̇хаммигаа, маяам̣ бана ‘имз д̇хаммзна винижчаяам̣ гаронд̇ий’д̇и сан̃н̃ино ахумхаа’’д̇и жинд̇зд̇ваа вассз виг̇ад̇з вихаарам̣ г̇анд̇ваа сад̇т̇аарам̣ ванд̣̇ид̇ваа згаманд̇ам̣ нисиннаа д̇амад̇т̇ам̣ аарожзсум̣. сад̇т̇аа ‘‘на, бхигкавз, чанд̣̇аад̣̇ивасигаа худ̇ваа саахасзна ад̇т̇ам̣ винижчинанд̇аа д̇хаммадтаа наама хонд̇и, абараад̇хам̣ бана анувиж̇ж̇ид̇ваа абараад̇хаануруубам̣ асаахасзна винижчаяам̣ гаронд̇аа зва д̇хаммадтаа наама хонд̇ий’’д̇и вад̇ваа имаа г̇аат̇аа абхааси –

Ekadivasañhi bhikkhū sāvatthiyaṃ uttaradvāragāme piṇḍāya caritvā piṇḍapātapaṭikkantā nagaramajjhena vihāraṃ āgacchanti. Tasmiṃ khaṇe megho uṭṭhāya pāvassi. Te sammukhāgataṃ vinicchayasālaṃ pavisitvā vinicchayamahāmatte lañjaṃ gahetvā sāmike asāmike karonte disvā ‘‘aho ime adhammikā, mayaṃ pana ‘ime dhammena vinicchayaṃ karontī’ti saññino ahumhā’’ti cintetvā vasse vigate vihāraṃ gantvā satthāraṃ vanditvā ekamantaṃ nisinnā tamatthaṃ ārocesuṃ. Satthā ‘‘na, bhikkhave, chandādivasikā hutvā sāhasena atthaṃ vinicchinantā dhammaṭṭhā nāma honti, aparādhaṃ pana anuvijjitvā aparādhānurūpaṃ asāhasena vinicchayaṃ karontā eva dhammaṭṭhā nāma hontī’’ti vatvā imā gāthā abhāsi –

256.

‘‘на д̇зна ход̇и д̇хаммадто, язнад̇т̇ам̣ саахасаа наяз;

‘‘Na tena hoti dhammaṭṭho, yenatthaṃ sāhasā naye;

яо жа ад̇т̇ам̣ анад̇т̇ан̃жа, убхо нижчзяяа бан̣д̣ид̇о.

Yo ca atthaṃ anatthañca, ubho niccheyya paṇḍito.

257.

‘‘асаахасзна д̇хаммзна, самзна наяад̇ий барз;

‘‘Asāhasena dhammena, samena nayatī pare;

д̇хаммасса г̇уд̇д̇о мзд̇хаавий, д̇хаммадтод̇и бавужжад̇ий’’д̇и.

Dhammassa gutto medhāvī, dhammaṭṭhoti pavuccatī’’ti.

д̇ад̇т̇а д̇знаад̇и зд̇д̇агзнзва гааран̣зна. д̇хаммадтод̇и рааж̇аа хи ад̇д̇ано гаад̇аб̣б̣з винижчаяад̇хаммз тид̇оби д̇хаммадто наама на ход̇и. язнаад̇и язна гааран̣зна. ад̇т̇анд̇и од̇ин̣н̣ам̣ винижчид̇аб̣б̣ам̣ ад̇т̇ам̣. саахасаа наязд̇и чанд̣̇аад̣̇ийсу бад̇идтид̇о саахасзна мусааваад̣̇зна винижчзяяа. яо хи чанд̣̇з бад̇идтааяа н̃аад̇ийд̇и ваа мид̇д̇од̇и ваа мусаа вад̇ваа асаамигамзва саамигам̣ гарод̇и, д̣̇осз бад̇идтааяа ад̇д̇ано взрийнам̣ мусаа вад̇ваа саамигамзва асаамигам̣ гарод̇и, мохз бад̇идтааяа лан̃ж̇ам̣ г̇ахзд̇ваа винижчаяагаалз ан̃н̃авихид̇о вияа ид̇о жид̇о жа ологзнд̇о мусаа вад̇ваа ‘‘иминаа ж̇ид̇ам̣, аяам̣ барааж̇ид̇о’’д̇и барам̣ нийхарад̇и, бхаяз бад̇идтааяа гассажид̣̇зва иссараж̇аад̇игасса барааж̇аяам̣ баабун̣анд̇ассааби ж̇аяам̣ ааробзд̇и, аяам̣ саахасзна ад̇т̇ам̣ нзд̇и наама. зсо д̇хаммадто наама на ход̇ийд̇и ад̇т̇о. ад̇т̇ам̣ анад̇т̇ан̃жаад̇и бхууд̇ан̃жа абхууд̇ан̃жа гааран̣ам̣. убхо нижчзяяаад̇и яо бана бан̣д̣ид̇о убхо ад̇т̇аанад̇т̇з винижчинид̇ваа вад̣̇ад̇и. асаахасзнаад̇и амусааваад̣̇зна. д̇хаммзнаад̇и винижчаяад̇хаммзна, на чанд̣̇аад̣̇ивасзна. самзнаад̇и абараад̇хаануруубзнзва барз наяад̇и, ж̇аяам̣ ваа барааж̇аяам̣ ваа баабзд̇и. д̇хаммасса г̇уд̇д̇од̇и со д̇хаммаг̇уд̇д̇о д̇хаммарагкид̇о д̇хаммож̇абан̃н̃ааяа саманнааг̇ад̇о мзд̇хаавий винижчаяад̇хаммз тид̇ад̇д̇аа д̇хаммадтод̇и бавужжад̇ийд̇и ад̇т̇о.

Tattha tenāti ettakeneva kāraṇena. Dhammaṭṭhoti rājā hi attano kātabbe vinicchayadhamme ṭhitopi dhammaṭṭho nāma na hoti. Yenāti yena kāraṇena. Atthanti otiṇṇaṃ vinicchitabbaṃ atthaṃ. Sāhasā nayeti chandādīsu patiṭṭhito sāhasena musāvādena viniccheyya. Yo hi chande patiṭṭhāya ñātīti vā mittoti vā musā vatvā asāmikameva sāmikaṃ karoti, dose patiṭṭhāya attano verīnaṃ musā vatvā sāmikameva asāmikaṃ karoti, mohe patiṭṭhāya lañjaṃ gahetvā vinicchayakāle aññavihito viya ito cito ca olokento musā vatvā ‘‘iminā jitaṃ, ayaṃ parājito’’ti paraṃ nīharati, bhaye patiṭṭhāya kassacideva issarajātikassa parājayaṃ pāpuṇantassāpi jayaṃ āropeti, ayaṃ sāhasena atthaṃ neti nāma. Eso dhammaṭṭho nāma na hotīti attho. Atthaṃ anatthañcāti bhūtañca abhūtañca kāraṇaṃ. Ubho niccheyyāti yo pana paṇḍito ubho atthānatthe vinicchinitvā vadati. Asāhasenāti amusāvādena. Dhammenāti vinicchayadhammena, na chandādivasena. Samenāti aparādhānurūpeneva pare nayati, jayaṃ vā parājayaṃ vā pāpeti. Dhammassa guttoti so dhammagutto dhammarakkhito dhammojapaññāya samannāgato medhāvī vinicchayadhamme ṭhitattā dhammaṭṭhoti pavuccatīti attho.

д̣̇зсанаавасаанз б̣ахуу сод̇аабад̇д̇ипалаад̣̇ийни баабун̣им̣сууд̇и.

Desanāvasāne bahū sotāpattiphalādīni pāpuṇiṃsūti.

винижчаяамахаамад̇д̇авад̇т̇у батамам̣.

Vinicchayamahāmattavatthu paṭhamaṃ.

2. чаб̣б̣аг̇г̇ияавад̇т̇у

2. Chabbaggiyavatthu

на д̇зна бан̣д̣ид̇о ход̇ийд̇и имам̣ д̇хаммад̣̇зсанам̣ сад̇т̇аа ж̇зд̇аванз вихаранд̇о чаб̣б̣аг̇г̇ияз аараб̣бха гат̇зси.

Na tena paṇḍito hotīti imaṃ dhammadesanaṃ satthā jetavane viharanto chabbaggiye ārabbha kathesi.

д̇з гира вихаарзби г̇аамзби бхад̇д̇аг̇г̇ам̣ аагулам̣ гаронд̇аа вижаранд̇и. ат̇згад̣̇ивасз бхигкуу г̇аамз бхад̇д̇агижжам̣ гад̇ваа ааг̇ад̇з д̣̇ахарз сааман̣зрз жа бужчим̣су – ‘‘гийд̣̇исам̣, аавусо, бхад̇д̇аг̇г̇а’’нд̇и? бханд̇з, маа бужчат̇а, чаб̣б̣аг̇г̇ияаа ‘‘маяамзва вияад̇д̇аа, маяамзва бан̣д̣ид̇аа, имз бахарид̇ваа сийсз гажаварам̣ аагирид̇ваа нийхариссаамаа’’д̇и вад̇ваа амхз бидтияам̣ г̇ахзд̇ваа гажаварам̣ огиранд̇аа бхад̇д̇аг̇г̇ам̣ аагулам̣ агам̣сууд̇и. бхигкуу сад̇т̇у санд̇игам̣ г̇анд̇ваа д̇амад̇т̇ам̣ аарожзсум̣. сад̇т̇аа ‘‘наахам̣, бхигкавз, б̣ахум̣ бхаасид̇ваа барз вихзтаяамаанам̣ ‘бан̣д̣ид̇о’д̇и вад̣̇аами, кзминам̣ бана авзрийнам̣ абхаяамзва бан̣д̣ид̇од̇и вад̣̇аамий’’д̇и вад̇ваа имам̣ г̇аат̇амааха –

Te kira vihārepi gāmepi bhattaggaṃ ākulaṃ karontā vicaranti. Athekadivase bhikkhū gāme bhattakiccaṃ katvā āgate dahare sāmaṇere ca pucchiṃsu – ‘‘kīdisaṃ, āvuso, bhattagga’’nti? Bhante, mā pucchatha, chabbaggiyā ‘‘mayameva viyattā, mayameva paṇḍitā, ime paharitvā sīse kacavaraṃ ākiritvā nīharissāmā’’ti vatvā amhe piṭṭhiyaṃ gahetvā kacavaraṃ okirantā bhattaggaṃ ākulaṃ akaṃsūti. Bhikkhū satthu santikaṃ gantvā tamatthaṃ ārocesuṃ. Satthā ‘‘nāhaṃ, bhikkhave, bahuṃ bhāsitvā pare viheṭhayamānaṃ ‘paṇḍito’ti vadāmi, kheminaṃ pana averīnaṃ abhayameva paṇḍitoti vadāmī’’ti vatvā imaṃ gāthamāha –

258.

‘‘на д̇зна бан̣д̣ид̇о ход̇и, яаавад̇аа б̣аху бхаасад̇и;

‘‘Na tena paṇḍito hoti, yāvatā bahu bhāsati;

кзмий авзрий абхаяо, бан̣д̣ид̇од̇и бавужжад̇ий’’д̇и.

Khemī averī abhayo, paṇḍitoti pavuccatī’’ti.

д̇ад̇т̇а яаавад̇аад̇и яад̇д̇агзна гааран̣зна сан̇гхамаж̇жхаад̣̇ийсу б̣ахум̣ гат̇зд̇и, д̇зна бан̣д̣ид̇о наама на ход̇и . яо бана саяам̣ кзмий бан̃жаннам̣ взраанам̣ абхаавзна авзрий ниб̣бхаяо , яам̣ ваа ааг̇амма махааж̇анасса бхаяам̣ на ход̇и, со бан̣д̣ид̇о наама ход̇ийд̇и ад̇т̇о.

Tattha yāvatāti yattakena kāraṇena saṅghamajjhādīsu bahuṃ katheti, tena paṇḍito nāma na hoti . Yo pana sayaṃ khemī pañcannaṃ verānaṃ abhāvena averī nibbhayo , yaṃ vā āgamma mahājanassa bhayaṃ na hoti, so paṇḍito nāma hotīti attho.

д̣̇зсанаавасаанз б̣ахуу сод̇аабад̇д̇ипалаад̣̇ийни баабун̣им̣сууд̇и.

Desanāvasāne bahū sotāpattiphalādīni pāpuṇiṃsūti.

чаб̣б̣аг̇г̇ияавад̇т̇у д̣̇уд̇ияам̣.

Chabbaggiyavatthu dutiyaṃ.

3. згуд̣̇аанакийн̣аасавад̇т̇зравад̇т̇у

3. Ekudānakhīṇāsavattheravatthu

на д̇аавад̇аад̇и имам̣ д̇хаммад̣̇зсанам̣ сад̇т̇аа ж̇зд̇аванз вихаранд̇о згуд̣̇аанад̇т̇зрам̣ наама кийн̣аасавам̣ аараб̣бха гат̇зси.

Na tāvatāti imaṃ dhammadesanaṃ satthā jetavane viharanto ekudānattheraṃ nāma khīṇāsavaṃ ārabbha kathesi.

со гира згагова згасмим̣ ванасан̣д̣з вихарад̇и, згамзвасса уд̣̇аанам̣ баг̇ун̣ам̣ –

So kira ekakova ekasmiṃ vanasaṇḍe viharati, ekamevassa udānaṃ paguṇaṃ –

‘‘ад̇хижзд̇асо аббамаж̇ж̇ад̇о,

‘‘Adhicetaso appamajjato,

мунино монабат̇зсу сигкад̇о;

Munino monapathesu sikkhato;

согаа на бхаванд̇и д̇аад̣̇ино,

Sokā na bhavanti tādino,

убасанд̇асса сад̣̇аа сад̇иймад̇о’’д̇и. (баажи. 153; уд̣̇аа. 37);

Upasantassa sadā satīmato’’ti. (pāci. 153; udā. 37);

со гира убосат̇ад̣̇ивасзсу саяамзва д̇хаммассаванам̣ гхосзд̇ваа имам̣ г̇аат̇ам̣ вад̣̇ад̇и. бат̇авиунд̣̇рияанасад̣̇д̣̇о вияа д̣̇звад̇аанам̣ саад̇хугаарасад̣̇д̣̇о ход̇и. ат̇згасмим̣ убосат̇ад̣̇ивасз бан̃жабан̃жасад̇абариваараа д̣̇вз д̇ибидагад̇хараа бхигкуу д̇асса васанадтаанам̣ аг̇амам̣су. со д̇з д̣̇исваава д̇удтамаанасо ‘‘саад̇ху во гад̇ам̣ ид̇ха ааг̇ажчанд̇зхи, аж̇ж̇а маяам̣ д̇умхаагам̣ д̇хаммам̣ сун̣иссаамаа’’д̇и ааха. ад̇т̇и бана, аавусо, ид̇ха д̇хаммам̣ сод̇угаамаад̇и. ад̇т̇и, бханд̇з, аяам̣ ванасан̣д̣о д̇хаммассаванад̣̇ивасз д̣̇звад̇аанам̣ саад̇хугаарасад̣̇д̣̇зна зганиннаад̣̇о ход̇ийд̇и. д̇зсу зго д̇ибидагад̇харо д̇хаммам̣ осаарзси, зго гат̇зси. згад̣̇звад̇ааби саад̇хугаарам̣ наад̣̇ааси. д̇з аахам̣су – ‘‘д̇вам̣, аавусо, д̇хаммассаванад̣̇ивасз имасмим̣ ванасан̣д̣з д̣̇звад̇аа маханд̇зна сад̣̇д̣̇зна саад̇хугаарам̣ д̣̇знд̇ийд̇и вад̣̇зси, гим̣ наамзд̇а’’нд̇и. бханд̇з, ан̃н̃зсу д̣̇ивасзсу саад̇хугаарасад̣̇д̣̇зна зганиннаад̣̇о зва ход̇и, на аж̇ж̇а бана ж̇аанаами ‘‘гимзд̇а’’нд̇и. ‘‘д̇зна хи, аавусо, д̇вам̣ д̇аава д̇хаммам̣ гат̇зхий’’д̇и. со б̣ийж̇аним̣ г̇ахзд̇ваа аасанз нисинно д̇амзва г̇аат̇ам̣ вад̣̇зси. д̣̇звад̇аа маханд̇зна сад̣̇д̣̇зна саад̇хугаарамад̣̇ам̣су. ат̇а нзсам̣ бариваараа бхигкуу уж̇жхааяим̣су ‘‘имасмим̣ ванасан̣д̣з д̣̇звад̇аа мукологанзна саад̇хугаарам̣ д̣̇ад̣̇анд̇и, д̇ибидагад̇харабхигкуусу зд̇д̇агам̣ бхан̣анд̇зсуби гин̃жи басам̣санамад̇д̇амби авад̇ваа згзна махаллагад̇т̇зрзна згаг̇аат̇ааяа гат̇ид̇ааяа махаасад̣̇д̣̇зна саад̇хугаарам̣ д̣̇ад̣̇анд̇ий’’д̇и. д̇зби вихаарам̣ г̇анд̇ваа сад̇т̇у д̇амад̇т̇ам̣ аарожзсум̣.

So kira uposathadivasesu sayameva dhammassavanaṃ ghosetvā imaṃ gāthaṃ vadati. Pathaviundriyanasaddo viya devatānaṃ sādhukārasaddo hoti. Athekasmiṃ uposathadivase pañcapañcasataparivārā dve tipiṭakadharā bhikkhū tassa vasanaṭṭhānaṃ agamaṃsu. So te disvāva tuṭṭhamānaso ‘‘sādhu vo kataṃ idha āgacchantehi, ajja mayaṃ tumhākaṃ dhammaṃ suṇissāmā’’ti āha. Atthi pana, āvuso, idha dhammaṃ sotukāmāti. Atthi, bhante, ayaṃ vanasaṇḍo dhammassavanadivase devatānaṃ sādhukārasaddena ekaninnādo hotīti. Tesu eko tipiṭakadharo dhammaṃ osāresi, eko kathesi. Ekadevatāpi sādhukāraṃ nādāsi. Te āhaṃsu – ‘‘tvaṃ, āvuso, dhammassavanadivase imasmiṃ vanasaṇḍe devatā mahantena saddena sādhukāraṃ dentīti vadesi, kiṃ nāmeta’’nti. Bhante, aññesu divasesu sādhukārasaddena ekaninnādo eva hoti, na ajja pana jānāmi ‘‘kimeta’’nti. ‘‘Tena hi, āvuso, tvaṃ tāva dhammaṃ kathehī’’ti. So bījaniṃ gahetvā āsane nisinno tameva gāthaṃ vadesi. Devatā mahantena saddena sādhukāramadaṃsu. Atha nesaṃ parivārā bhikkhū ujjhāyiṃsu ‘‘imasmiṃ vanasaṇḍe devatā mukholokanena sādhukāraṃ dadanti, tipiṭakadharabhikkhūsu ettakaṃ bhaṇantesupi kiñci pasaṃsanamattampi avatvā ekena mahallakattherena ekagāthāya kathitāya mahāsaddena sādhukāraṃ dadantī’’ti. Tepi vihāraṃ gantvā satthu tamatthaṃ ārocesuṃ.

сад̇т̇аа ‘‘наахам̣, бхигкавз, яо б̣ахумби уг̇г̇ан̣хад̇и ваа бхаасад̇и ваа, д̇ам̣ д̇хаммад̇харод̇и вад̣̇аами. яо бана згамби г̇аат̇ам̣ уг̇г̇ан̣хид̇ваа сажжаани бадивиж̇жхад̇и, аяам̣ д̇хаммад̇харо наамаа’’д̇и вад̇ваа д̇хаммам̣ д̣̇зсзнд̇о имам̣ г̇аат̇амааха –

Satthā ‘‘nāhaṃ, bhikkhave, yo bahumpi uggaṇhati vā bhāsati vā, taṃ dhammadharoti vadāmi. Yo pana ekampi gāthaṃ uggaṇhitvā saccāni paṭivijjhati, ayaṃ dhammadharo nāmā’’ti vatvā dhammaṃ desento imaṃ gāthamāha –

259.

‘‘на д̇аавад̇аа д̇хаммад̇харо, яаавад̇аа б̣аху бхаасад̇и;

‘‘Na tāvatā dhammadharo, yāvatā bahu bhāsati;

яо жа аббамби суд̇ваана, д̇хаммам̣ гааязна бассад̇и;

Yo ca appampi sutvāna, dhammaṃ kāyena passati;

са вз д̇хаммад̇харо ход̇и, яо д̇хаммам̣ наббамаж̇ж̇ад̇ий’’д̇и.

Sa ve dhammadharo hoti, yo dhammaṃ nappamajjatī’’ti.

д̇ад̇т̇а яаавад̇аад̇и яад̇д̇агзна уг̇г̇ахан̣ад̇хааран̣аваажанаад̣̇инаа гааран̣зна б̣ахум̣ бхаасад̇и, д̇аавад̇д̇агзна д̇хаммад̇харо на ход̇и, вам̣саанурагкаго бана бавзн̣ибаалаго наама ход̇и. яо жа аббамбийд̇и яо бана аббамад̇д̇агамби суд̇ваа д̇хаммаманвааяа ад̇т̇аманвааяа д̇хаммаануд̇хаммаббадибанно худ̇ваа наамагааязна д̣̇угкаад̣̇ийни бариж̇аананд̇о жад̇усажжад̇хаммам̣ бассад̇и, са вз д̇хаммад̇харо ход̇и. яо д̇хаммам̣ наббамаж̇ж̇ад̇ийд̇и яоби аарад̣̇д̇хавийрияо худ̇ваа аж̇ж̇а аж̇ж̇зваад̇и бадивзд̇хам̣ ааган̇канд̇о д̇хаммам̣ наббамаж̇ж̇ад̇и, аяамби д̇хаммад̇хароязваад̇и ад̇т̇о.

Tattha yāvatāti yattakena uggahaṇadhāraṇavācanādinā kāraṇena bahuṃ bhāsati, tāvattakena dhammadharo na hoti, vaṃsānurakkhako pana paveṇipālako nāma hoti. Yo ca appampīti yo pana appamattakampi sutvā dhammamanvāya atthamanvāya dhammānudhammappaṭipanno hutvā nāmakāyena dukkhādīni parijānanto catusaccadhammaṃ passati, sa ve dhammadharo hoti. Yo dhammaṃ nappamajjatīti yopi āraddhavīriyo hutvā ajja ajjevāti paṭivedhaṃ ākaṅkhanto dhammaṃ nappamajjati, ayampi dhammadharoyevāti attho.

д̣̇зсанаавасаанз б̣ахуу сод̇аабад̇д̇ипалаад̣̇ийни баабун̣им̣сууд̇и.

Desanāvasāne bahū sotāpattiphalādīni pāpuṇiṃsūti.

згуд̣̇аанакийн̣аасавад̇т̇зравад̇т̇у д̇ад̇ияам̣.

Ekudānakhīṇāsavattheravatthu tatiyaṃ.

4. лагун̣д̣агабхад̣̇д̣̇ияад̇т̇зравад̇т̇у

4. Lakuṇḍakabhaddiyattheravatthu

на д̇зна т̇зро со ход̇ийд̇и имам̣ д̇хаммад̣̇зсанам̣ сад̇т̇аа ж̇зд̇аванз вихаранд̇о лагун̣д̣агабхад̣̇д̣̇ияад̇т̇зрам̣ аараб̣бха гат̇зси.

Natena thero so hotīti imaṃ dhammadesanaṃ satthā jetavane viharanto lakuṇḍakabhaddiyattheraṃ ārabbha kathesi.

згад̣̇ивасан̃хи д̇асмим̣ т̇зрз сад̇т̇у убадтаанам̣ г̇анд̇ваа багганд̇амад̇д̇з д̇им̣самад̇д̇аа ааран̃н̃игаа бхигкуу д̇ам̣ бассанд̇аа зва ааг̇анд̇ваа сад̇т̇аарам̣ ванд̣̇ид̇ваа нисийд̣̇им̣су. сад̇т̇аа д̇зсам̣ арахад̇д̇уубаниссаяам̣ д̣̇исваа имам̣ бан̃хам̣ бужчи – ‘‘ид̇о г̇ад̇ам̣ згам̣ т̇зрам̣ бассат̇аа’’д̇и? ‘‘на бассаама, бханд̇з’’д̇и. ‘‘гим̣ ну д̣̇идто во’’д̇и? ‘‘згам̣, бханд̇з, сааман̣зрам̣ бассимхаа’’д̇и. ‘‘на со, бхигкавз, сааман̣зро, т̇зро зва со’’д̇и? ‘‘ад̇ивияа куд̣̇д̣̇аго, бханд̇з’’д̇и. ‘‘наахам̣, бхигкавз, махаллагабхаавзна т̇зраасанз нисиннамад̇д̇агзна т̇зрод̇и вад̣̇аами. яо бана сажжаани бадивиж̇жхид̇ваа махааж̇анасса ахим̣сагабхаавз тид̇о, аяам̣ т̇зро наамаа’’д̇и вад̇ваа имаа г̇аат̇аа абхааси –

Ekadivasañhi tasmiṃ there satthu upaṭṭhānaṃ gantvā pakkantamatte tiṃsamattā āraññikā bhikkhū taṃ passantā eva āgantvā satthāraṃ vanditvā nisīdiṃsu. Satthā tesaṃ arahattūpanissayaṃ disvā imaṃ pañhaṃ pucchi – ‘‘ito gataṃ ekaṃ theraṃ passathā’’ti? ‘‘Na passāma, bhante’’ti. ‘‘Kiṃ nu diṭṭho vo’’ti? ‘‘Ekaṃ, bhante, sāmaṇeraṃ passimhā’’ti. ‘‘Na so, bhikkhave, sāmaṇero, thero eva so’’ti? ‘‘Ativiya khuddako, bhante’’ti. ‘‘Nāhaṃ, bhikkhave, mahallakabhāvena therāsane nisinnamattakena theroti vadāmi. Yo pana saccāni paṭivijjhitvā mahājanassa ahiṃsakabhāve ṭhito, ayaṃ thero nāmā’’ti vatvā imā gāthā abhāsi –

260.

‘‘на д̇зна т̇зро со ход̇и, язнасса балид̇ам̣ сиро;

‘‘Na tena thero so hoti, yenassa palitaṃ siro;

барибагго ваяо д̇асса, могхаж̇ин̣н̣од̇и вужжад̇и.

Paripakko vayo tassa, moghajiṇṇoti vuccati.

261.

‘‘яамхи сажжан̃жа д̇хаммо жа, ахим̣саа сам̣яамо д̣̇амо;

‘‘Yamhi saccañca dhammo ca, ahiṃsā saṃyamo damo;

са вз ванд̇амало д̇хийро, т̇зро ид̇и бавужжад̇ий’’д̇и.

Sa ve vantamalo dhīro, thero iti pavuccatī’’ti.

д̇ад̇т̇а барибаггод̇и барин̣ад̇о, вуд̣дхабхаавам̣ бад̇д̇од̇и ад̇т̇о. могхаж̇ин̣н̣од̇и анд̇о т̇зрагараанам̣ д̇хаммаанам̣ абхаавзна д̇ужчаж̇ин̣н̣о наама. яамхи сажжан̃жа д̇хаммо жаад̇и яамхи бана буг̇г̇алз сол̣асахаагаарзхи бадивид̣̇д̇хад̇д̇аа жад̇уб̣б̣ид̇хам̣ сажжам̣, н̃аан̣зна сажчигад̇ад̇д̇аа нававид̇хо логуд̇д̇арад̇хаммо жа ад̇т̇и. ахим̣саад̇и ахим̣санабхааво. д̣̇зсанаамад̇д̇амзд̇ам̣, яамхи бана жад̇уб̣б̣ид̇хааби аббаман̃н̃аабхааванаа ад̇т̇ийд̇и ад̇т̇о. сам̣яамо д̣̇амод̇и сийлан̃жзва инд̣̇рияасам̣варо жа. ванд̇амалод̇и маг̇г̇ан̃аан̣зна нийхадамало. д̇хийрод̇и д̇хид̇исамбанно. т̇зрод̇и со имзхи т̇ирабхаавагаарагзхи саманнааг̇ад̇ад̇д̇аа т̇зрод̇и вужжад̇ийд̇и ад̇т̇о.

Tattha paripakkoti pariṇato, vuḍḍhabhāvaṃ pattoti attho. Moghajiṇṇoti anto therakarānaṃ dhammānaṃ abhāvena tucchajiṇṇo nāma. Yamhi saccañca dhammo cāti yamhi pana puggale soḷasahākārehi paṭividdhattā catubbidhaṃ saccaṃ, ñāṇena sacchikatattā navavidho lokuttaradhammo ca atthi. Ahiṃsāti ahiṃsanabhāvo. Desanāmattametaṃ, yamhi pana catubbidhāpi appamaññābhāvanā atthīti attho. Saṃyamo damoti sīlañceva indriyasaṃvaro ca. Vantamaloti maggañāṇena nīhaṭamalo. Dhīroti dhitisampanno. Theroti so imehi thirabhāvakārakehi samannāgatattā theroti vuccatīti attho.

д̣̇зсанаавасаанз д̇з бхигкуу арахад̇д̇з бад̇идтахим̣сууд̇и.

Desanāvasāne te bhikkhū arahatte patiṭṭhahiṃsūti.

лагун̣д̣агабхад̣̇д̣̇ияад̇т̇зравад̇т̇у жад̇уд̇т̇ам̣.

Lakuṇḍakabhaddiyattheravatthu catutthaṃ.

5. самб̣ахулабхигкувад̇т̇у

5. Sambahulabhikkhuvatthu

на вааггаран̣амад̇д̇знаад̇и имам̣ д̇хаммад̣̇зсанам̣ сад̇т̇аа ж̇зд̇аванз вихаранд̇о самб̣ахулз бхигкуу аараб̣бха гат̇зси.

Navākkaraṇamattenāti imaṃ dhammadesanaṃ satthā jetavane viharanto sambahule bhikkhū ārabbha kathesi.

згасмин̃хи самаяз д̣̇ахарз жзва сааман̣зрз жа ад̇д̇ано д̇хаммаажарияаанамзва жийварараж̇анаад̣̇ийни взяяааважжаани гаронд̇з д̣̇исваа згажжз т̇зраа жинд̇аяим̣су – ‘‘маяамби б̣яан̃ж̇анасамаяз гусалаа, амхаагамзва гин̃жи над̇т̇и. яам̣нууна маяам̣ сад̇т̇аарам̣ убасан̇гамид̇ваа звам̣ вад̣̇зяяаама, ‘бханд̇з, маяам̣ б̣яан̃ж̇анасамаяз гусалаа, ан̃н̃зсам̣ санд̇игз д̇хаммам̣ уг̇г̇ан̣хид̇вааби имзсам̣ санд̇игз асод̇хзд̇ваа маа саж̇жхааяид̇т̇аад̇и д̣̇ахарасааман̣зрз аан̣аабзт̇аа’д̇и. зван̃хи амхаагам̣ лаабхасаггааро вад̣дхиссад̇ий’’д̇и. д̇з сад̇т̇аарам̣ убасан̇гамид̇ваа д̇ат̇аа вад̣̇им̣су.

Ekasmiñhi samaye dahare ceva sāmaṇere ca attano dhammācariyānameva cīvararajanādīni veyyāvaccāni karonte disvā ekacce therā cintayiṃsu – ‘‘mayampi byañjanasamaye kusalā, amhākameva kiñci natthi. Yaṃnūna mayaṃ satthāraṃ upasaṅkamitvā evaṃ vadeyyāma, ‘bhante, mayaṃ byañjanasamaye kusalā, aññesaṃ santike dhammaṃ uggaṇhitvāpi imesaṃ santike asodhetvā mā sajjhāyitthāti daharasāmaṇere āṇāpethā’ti. Evañhi amhākaṃ lābhasakkāro vaḍḍhissatī’’ti. Te satthāraṃ upasaṅkamitvā tathā vadiṃsu.

сад̇т̇аа д̇зсам̣ важанам̣ суд̇ваа ‘‘имасмим̣ саасанз бавзн̣ивасзнзва звам̣ вад̇д̇ум̣ лабхад̇и, имз бана лаабхасаггаарз ниссид̇аад̇и н̃ад̇ваа ахам̣ д̇умхз вааггаран̣амад̇д̇зна саад̇хуруубаад̇и на вад̣̇аами. яасса банзд̇з иссаад̣̇аяо д̇хаммаа арахад̇д̇амаг̇г̇зна самужчиннаа, зсо зва саад̇хуруубо’’д̇и вад̇ваа имаа г̇аат̇аа абхааси –

Satthā tesaṃ vacanaṃ sutvā ‘‘imasmiṃ sāsane paveṇivaseneva evaṃ vattuṃ labhati, ime pana lābhasakkāre nissitāti ñatvā ahaṃ tumhe vākkaraṇamattena sādhurūpāti na vadāmi. Yassa panete issādayo dhammā arahattamaggena samucchinnā, eso eva sādhurūpo’’ti vatvā imā gāthā abhāsi –

262.

‘‘на вааггаран̣амад̇д̇зна, ван̣н̣абогкарад̇ааяа ваа;

‘‘Na vākkaraṇamattena, vaṇṇapokkharatāya vā;

саад̇хуруубо наро ход̇и, иссугий мажчарий сато.

Sādhurūpo naro hoti, issukī maccharī saṭho.

263.

‘‘яасса жзд̇ам̣ самужчиннам̣, муулагхажжам̣ самуухад̇ам̣;

‘‘Yassa cetaṃ samucchinnaṃ, mūlaghaccaṃ samūhataṃ;

саванд̇ад̣̇осо мзд̇хаавий, саад̇хуруубод̇и вужжад̇ий’’д̇и.

Savantadoso medhāvī, sādhurūpoti vuccatī’’ti.

д̇ад̇т̇а на вааггаран̣амад̇д̇знаад̇и важийгаран̣амад̇д̇зна сад̣̇д̣̇алагкан̣асамбаннаважанамад̇д̇зна. ван̣н̣абогкарад̇ааяа ваад̇и сарийраван̣н̣асса манаабабхаавзна ваа. народ̇и зд̇д̇агзнзва гааран̣зна баралаабхаад̣̇ийсу иссааманаго бан̃жавид̇хзна мажчзрзна саманнааг̇ад̇о гзраадигабхаавзна сато наро саад̇хуруубо на ход̇и. яасса жзд̇анд̇и яасса жа буг̇г̇алассзд̇ам̣ иссаад̣̇ид̣̇осаж̇аад̇ам̣ арахад̇д̇амаг̇г̇ан̃аан̣зна самуулагам̣ чиннам̣, муулагхаад̇ам̣ гад̇ваа самуухад̇ам̣ , со ванд̇ад̣̇осо д̇хаммож̇абан̃н̃ааяа саманнааг̇ад̇о саад̇хуруубод̇и вужжад̇ийд̇и ад̇т̇о.

Tattha na vākkaraṇamattenāti vacīkaraṇamattena saddalakkhaṇasampannavacanamattena. Vaṇṇapokkharatāya vāti sarīravaṇṇassa manāpabhāvena vā. Naroti ettakeneva kāraṇena paralābhādīsu issāmanako pañcavidhena maccherena samannāgato kerāṭikabhāvena saṭho naro sādhurūpo na hoti. Yassa cetanti yassa ca puggalassetaṃ issādidosajātaṃ arahattamaggañāṇena samūlakaṃ chinnaṃ, mūlaghātaṃ katvā samūhataṃ , so vantadoso dhammojapaññāya samannāgato sādhurūpoti vuccatīti attho.

д̣̇зсанаавасаанз б̣ахуу сод̇аабад̇д̇ипалаад̣̇ийни баабун̣им̣сууд̇и.

Desanāvasāne bahū sotāpattiphalādīni pāpuṇiṃsūti.

самб̣ахулабхигкувад̇т̇у бан̃жамам̣.

Sambahulabhikkhuvatthu pañcamaṃ.

6. хад̇т̇агавад̇т̇у

6. Hatthakavatthu

на мун̣д̣агзна саман̣од̇и имам̣ д̇хаммад̣̇зсанам̣ сад̇т̇аа саавад̇т̇ияам̣ вихаранд̇о хад̇т̇агам̣ аараб̣бха гат̇зси.

Namuṇḍakena samaṇoti imaṃ dhammadesanaṃ satthā sāvatthiyaṃ viharanto hatthakaṃ ārabbha kathesi.

со гира ваад̣̇агкид̇д̇о ‘‘д̇умхз асугавзлааяа асугадтаанам̣ наама ааг̇ажчзяяаат̇а, ваад̣̇ам̣ гариссаамаа’’д̇и вад̇ваа бурзд̇арамзва д̇ад̇т̇а г̇анд̇ваа ‘‘бассат̇а, д̇ид̇т̇ияаа мама бхаязна нааг̇ад̇аа, зсова бана нзсам̣ барааж̇аяо’’д̇иаад̣̇ийни вад̇ваа ваад̣̇агкид̇д̇о ан̃н̃знан̃н̃ам̣ бадижаранд̇о вижарад̇и. сад̇т̇аа ‘‘хад̇т̇аго гира звам̣ гарод̇ий’’д̇и суд̇ваа д̇ам̣ баггосаабзд̇ваа ‘‘сажжам̣ гира д̇вам̣, хад̇т̇ага, звам̣ гаросий’’д̇и бужчид̇ваа ‘‘сажжа’’нд̇и вуд̇д̇з, ‘‘гасмаа звам̣ гароси? зваруубан̃хи мусааваад̣̇ам̣ гаронд̇о сийсамун̣д̣анаад̣̇имад̇д̇знзва саман̣о наама на ход̇и. яо бана ан̣ууни ваа т̇уулаани ваа баабаани самзд̇ваа тид̇о, аяамзва саман̣о’’д̇и вад̇ваа имаа г̇аат̇аа абхааси –

So kira vādakkhitto ‘‘tumhe asukavelāya asukaṭṭhānaṃ nāma āgaccheyyātha, vādaṃ karissāmā’’ti vatvā puretarameva tattha gantvā ‘‘passatha, titthiyā mama bhayena nāgatā, esova pana nesaṃ parājayo’’tiādīni vatvā vādakkhitto aññenaññaṃ paṭicaranto vicarati. Satthā ‘‘hatthako kira evaṃ karotī’’ti sutvā taṃ pakkosāpetvā ‘‘saccaṃ kira tvaṃ, hatthaka, evaṃ karosī’’ti pucchitvā ‘‘sacca’’nti vutte, ‘‘kasmā evaṃ karosi? Evarūpañhi musāvādaṃ karonto sīsamuṇḍanādimatteneva samaṇo nāma na hoti. Yo pana aṇūni vā thūlāni vā pāpāni sametvā ṭhito, ayameva samaṇo’’ti vatvā imā gāthā abhāsi –

264.

‘‘на мун̣д̣агзна саман̣о, аб̣б̣ад̇о алигам̣ бхан̣ам̣;

‘‘Na muṇḍakena samaṇo, abbato alikaṃ bhaṇaṃ;

ижчаалобхасамаабанно, саман̣о гим̣ бхависсад̇и.

Icchālobhasamāpanno, samaṇo kiṃ bhavissati.

265.

‘‘яо жа самзд̇и баабаани, ан̣ум̣ т̇уулаани саб̣б̣асо;

‘‘Yo ca sameti pāpāni, aṇuṃ thūlāni sabbaso;

самид̇ад̇д̇аа хи баабаанам̣, саман̣од̇и бавужжад̇ий’’д̇и.

Samitattā hi pāpānaṃ, samaṇoti pavuccatī’’ti.

д̇ад̇т̇а мун̣д̣агзнаад̇и сийсамун̣д̣анамад̇д̇зна. аб̣б̣ад̇од̇и сийлавад̇зна жа д̇худ̇ан̇г̇авад̇зна жа вирахид̇о. алигам̣ бхан̣анд̇и мусааваад̣̇ам̣ бхан̣анд̇о асамбад̇д̇зсу аарамман̣зсу ижчааяа бад̇д̇зсу жа лобхзна саманнааг̇ад̇о саман̣о наама гим̣ бхависсад̇и? самзд̇ийд̇и яо жа барид̇д̇аани ваа маханд̇аани ваа баабаани вуубасамзд̇и, со д̇зсам̣ самид̇ад̇д̇аа саман̣од̇и бавужжад̇ийд̇и ад̇т̇о.

Tattha muṇḍakenāti sīsamuṇḍanamattena. Abbatoti sīlavatena ca dhutaṅgavatena ca virahito. Alikaṃ bhaṇanti musāvādaṃ bhaṇanto asampattesu ārammaṇesu icchāya pattesu ca lobhena samannāgato samaṇo nāma kiṃ bhavissati? Sametīti yo ca parittāni vā mahantāni vā pāpāni vūpasameti, so tesaṃ samitattā samaṇoti pavuccatīti attho.

д̣̇зсанаавасаанз б̣ахуу сод̇аабад̇д̇ипалаад̣̇ийни баабун̣им̣сууд̇и.

Desanāvasāne bahū sotāpattiphalādīni pāpuṇiṃsūti.

хад̇т̇агавад̇т̇у чадтам̣.

Hatthakavatthu chaṭṭhaṃ.

7. ан̃н̃ад̇араб̣раахман̣авад̇т̇у

7. Aññatarabrāhmaṇavatthu

на д̇зна бхигку со ход̇ийд̇и имам̣ д̇хаммад̣̇зсанам̣ сад̇т̇аа ж̇зд̇аванз вихаранд̇о ан̃н̃ад̇арам̣ б̣раахман̣ам̣ аараб̣бха гат̇зси.

Natena bhikkhu so hotīti imaṃ dhammadesanaṃ satthā jetavane viharanto aññataraṃ brāhmaṇaṃ ārabbha kathesi.

со гира б̣аахирасамаяз баб̣б̣аж̇ид̇ваа бхигкам̣ жаранд̇о жинд̇зси – ‘‘саман̣о г̇од̇амо ад̇д̇ано саавагз бхигкааяа жаран̣зна ‘бхигкуу’д̇и вад̣̇ад̇и, мамби ‘бхигкуу’д̇и вад̇д̇ум̣ ваддад̇ий’’д̇и. со сад̇т̇аарам̣ убасан̇гамид̇ваа, ‘‘бхо г̇од̇ама, ахамби бхигкам̣ жарид̇ваа ж̇ийваами, мамби ‘бхигкуу’д̇и вад̣̇зхий’’д̇и ааха. ат̇а нам̣ сад̇т̇аа ‘‘наахам̣, б̣раахман̣а, бхигканамад̇д̇зна бхигкууд̇и вад̣̇аами. на хи виссам̣ д̇хаммам̣ самаад̣̇ааяа вад̇д̇анд̇о бхигку наама ход̇и. яо бана саб̣б̣асан̇каарзсу сан̇кааяа жарад̇и, со бхигку наамаа’’д̇и вад̇ваа имаа г̇аат̇аа абхааси –

So kira bāhirasamaye pabbajitvā bhikkhaṃ caranto cintesi – ‘‘samaṇo gotamo attano sāvake bhikkhāya caraṇena ‘bhikkhū’ti vadati, mampi ‘bhikkhū’ti vattuṃ vaṭṭatī’’ti. So satthāraṃ upasaṅkamitvā, ‘‘bho gotama, ahampi bhikkhaṃ caritvā jīvāmi, mampi ‘bhikkhū’ti vadehī’’ti āha. Atha naṃ satthā ‘‘nāhaṃ, brāhmaṇa, bhikkhanamattena bhikkhūti vadāmi. Na hi vissaṃ dhammaṃ samādāya vattanto bhikkhu nāma hoti. Yo pana sabbasaṅkhāresu saṅkhāya carati, so bhikkhu nāmā’’ti vatvā imā gāthā abhāsi –

266.

‘‘на д̇зна бхигку со ход̇и, яаавад̇аа бхигкад̇з барз;

‘‘Na tena bhikkhu so hoti, yāvatā bhikkhate pare;

виссам̣ д̇хаммам̣ самаад̣̇ааяа, бхигку ход̇и на д̇аавад̇аа.

Vissaṃ dhammaṃ samādāya, bhikkhu hoti na tāvatā.

267.

‘‘яод̇ха бун̃н̃ан̃жа баабан̃жа, б̣аахзд̇ваа б̣рахмажарияаваа;

‘‘Yodha puññañca pāpañca, bāhetvā brahmacariyavā;

сан̇кааяа логз жарад̇и, са вз бхигкууд̇и вужжад̇ий’’д̇и.

Saṅkhāya loke carati, sa ve bhikkhūti vuccatī’’ti.

д̇ад̇т̇а яаавад̇аад̇и яад̇д̇агзна барз бхигкад̇з, д̇зна бхигканамад̇д̇зна бхигку наама на ход̇и. виссанд̇и висамам̣ д̇хаммам̣, виссаг̇анд̇хам̣ ваа гааяагаммаад̣̇игам̣ д̇хаммам̣ самаад̣̇ааяа жаранд̇о бхигку наама на ход̇и. яод̇хаад̇и яо ид̇ха саасанз убхаяамбзд̇ам̣ бун̃н̃ан̃жа баабан̃жа маг̇г̇аб̣рахмажариязна б̣аахзд̇ваа бануд̣̇ид̇ваа б̣рахмажарияаваа ход̇и. сан̇кааяаад̇и н̃аан̣зна. логзд̇и канд̇хаад̣̇илогз ‘‘имз аж̇жхад̇д̇игаа канд̇хаа, имз б̣аахираа’’д̇и звам̣ саб̣б̣зби д̇хаммз ж̇аанид̇ваа жарад̇и, со д̇зна н̃аан̣зна гилзсаанам̣ бхиннад̇д̇аа ‘‘бхигкуу’’д̇и вужжад̇ийд̇и ад̇т̇о.

Tattha yāvatāti yattakena pare bhikkhate, tena bhikkhanamattena bhikkhu nāma na hoti. Vissanti visamaṃ dhammaṃ, vissagandhaṃ vā kāyakammādikaṃ dhammaṃ samādāya caranto bhikkhu nāma na hoti. Yodhāti yo idha sāsane ubhayampetaṃ puññañca pāpañca maggabrahmacariyena bāhetvā panuditvā brahmacariyavā hoti. Saṅkhāyāti ñāṇena. Loketi khandhādiloke ‘‘ime ajjhattikā khandhā, ime bāhirā’’ti evaṃ sabbepi dhamme jānitvā carati, so tena ñāṇena kilesānaṃ bhinnattā ‘‘bhikkhū’’ti vuccatīti attho.

д̣̇зсанаавасаанз б̣ахуу сод̇аабад̇д̇ипалаад̣̇ийни баабун̣им̣сууд̇и.

Desanāvasāne bahū sotāpattiphalādīni pāpuṇiṃsūti.

ан̃н̃ад̇араб̣раахман̣авад̇т̇у сад̇д̇амам̣.

Aññatarabrāhmaṇavatthu sattamaṃ.

8. д̇ид̇т̇ияавад̇т̇у

8. Titthiyavatthu

на монзнаад̇и имам̣ д̇хаммад̣̇зсанам̣ сад̇т̇аа ж̇зд̇аванз вихаранд̇о д̇ид̇т̇ияз аараб̣бха гат̇зси.

Namonenāti imaṃ dhammadesanaṃ satthā jetavane viharanto titthiye ārabbha kathesi.

д̇з гира бхуд̇д̇адтаанзсу мануссаанам̣ ‘‘кзмам̣ ход̇у, сукам̣ ход̇у, ааяу вад̣дхад̇у, асугадтаанз наама галалам̣ ад̇т̇и, асугадтаанз наама ган̣даго ад̇т̇и, зваруубам̣ таанам̣ г̇анд̇ум̣ на ваддад̇ий’’д̇иаад̣̇инаа наязна ман̇г̇алам̣ вад̇ваа баггаманд̇и. бхигкуу бана батамаб̣од̇хияам̣ анумод̣̇анаад̣̇ийнам̣ ананун̃н̃аад̇агаалз бхад̇д̇аг̇г̇з мануссаанам̣ анумод̣̇анам̣ агад̇ваа баггаманд̇и. мануссаа ‘‘д̇ид̇т̇ияаанам̣ санд̇игаа ман̇г̇алам̣ сун̣аама, бхад̣̇д̣̇анд̇аа бана д̇ун̣хийбхууд̇аа баггаманд̇ий’’д̇и уж̇жхааяим̣су. бхигкуу д̇амад̇т̇ам̣ сад̇т̇у аарожзсум̣. сад̇т̇аа, ‘‘бхигкавз, ид̇о бадтааяа бхад̇д̇аг̇г̇аад̣̇ийсу яат̇аасукам̣ анумод̣̇анам̣ гарот̇а, убанисиннагат̇ам̣ гарот̇а, д̇хаммам̣ гат̇зт̇аа’’д̇и ануж̇аани. д̇з д̇ат̇аа гарим̣су. мануссаа анумод̣̇анаад̣̇ийни сун̣анд̇аа уссаахаббад̇д̇аа бхигкуу ниманд̇зд̇ваа саггаарам̣ гаронд̇аа вижаранд̇и. д̇ид̇т̇ияаа бана ‘‘маяам̣ мунино монам̣ гарома, саман̣асса г̇од̇амасса саавагаа бхад̇д̇аг̇г̇аад̣̇ийсу махаагат̇ам̣ гат̇знд̇аа вижаранд̇ий’’д̇и уж̇жхааяим̣су.

Te kira bhuttaṭṭhānesu manussānaṃ ‘‘khemaṃ hotu, sukhaṃ hotu, āyu vaḍḍhatu, asukaṭṭhāne nāma kalalaṃ atthi, asukaṭṭhāne nāma kaṇṭako atthi, evarūpaṃ ṭhānaṃ gantuṃ na vaṭṭatī’’tiādinā nayena maṅgalaṃ vatvā pakkamanti. Bhikkhū pana paṭhamabodhiyaṃ anumodanādīnaṃ ananuññātakāle bhattagge manussānaṃ anumodanaṃ akatvā pakkamanti. Manussā ‘‘titthiyānaṃ santikā maṅgalaṃ suṇāma, bhaddantā pana tuṇhībhūtā pakkamantī’’ti ujjhāyiṃsu. Bhikkhū tamatthaṃ satthu ārocesuṃ. Satthā, ‘‘bhikkhave, ito paṭṭhāya bhattaggādīsu yathāsukhaṃ anumodanaṃ karotha, upanisinnakathaṃ karotha, dhammaṃ kathethā’’ti anujāni. Te tathā kariṃsu. Manussā anumodanādīni suṇantā ussāhappattā bhikkhū nimantetvā sakkāraṃ karontā vicaranti. Titthiyā pana ‘‘mayaṃ munino monaṃ karoma, samaṇassa gotamassa sāvakā bhattaggādīsu mahākathaṃ kathentā vicarantī’’ti ujjhāyiṃsu.

сад̇т̇аа д̇амад̇т̇ам̣ суд̇ваа ‘‘наахам̣, бхигкавз, д̇ун̣хийбхаавамад̇д̇зна ‘муний’д̇и вад̣̇аами. згажжз хи аж̇аананд̇аа на гат̇знд̇и, згажжз ависаарад̣̇ад̇ааяа, згажжз ‘маа но имам̣ ад̇исаяад̇т̇ам̣ ан̃н̃з ж̇ааним̣суу’д̇и мажчзрзна. д̇асмаа монамад̇д̇зна муни на ход̇и, баабавуубасамзна бана муни наама ход̇ий’’д̇и вад̇ваа имаа г̇аат̇аа абхааси –

Satthā tamatthaṃ sutvā ‘‘nāhaṃ, bhikkhave, tuṇhībhāvamattena ‘munī’ti vadāmi. Ekacce hi ajānantā na kathenti, ekacce avisāradatāya, ekacce ‘mā no imaṃ atisayatthaṃ aññe jāniṃsū’ti maccherena. Tasmā monamattena muni na hoti, pāpavūpasamena pana muni nāma hotī’’ti vatvā imā gāthā abhāsi –

268.

‘‘на монзна муний ход̇и, муул̣харуубо авид̣̇д̣̇асу;

‘‘Na monena munī hoti, mūḷharūpo aviddasu;

яо жа д̇улам̣ва баг̇г̇аяха, варамаад̣̇ааяа бан̣д̣ид̇о.

Yo ca tulaṃva paggayha, varamādāya paṇḍito.

269.

‘‘баабаани бариваж̇ж̇зд̇и, са муний д̇зна со муни;

‘‘Pāpāni parivajjeti, sa munī tena so muni;

яо мунаад̇и убхо логз, муни д̇зна бавужжад̇ий’’д̇и.

Yo munāti ubho loke, muni tena pavuccatī’’ti.

д̇ад̇т̇а на монзнаад̇и гааман̃хи монзяяабадибад̣̇аасан̇каад̇зна маг̇г̇ан̃аан̣амонзна муни наама ход̇и, ид̇ха бана д̇ун̣хийбхаавам̣ санд̇хааяа ‘‘монзнаа’’д̇и вуд̇д̇ам̣. муул̣харуубод̇и д̇ужчаруубо. авид̣̇д̣̇асууд̇и авин̃н̃уу. зваруубо хи д̇ун̣хийбхууд̇оби муни наама на ход̇и. ат̇а ваа монзна муни наама на ход̇и, д̇ужчасабхааво бана авин̃н̃уу жа ход̇ийд̇и ад̇т̇о. яо жа д̇улам̣ва баг̇аяхаад̇и яат̇аа хи д̇улам̣ г̇ахзд̇ваа тид̇о ад̇ирзгам̣ жз ход̇и, харад̇и. уунам̣ жз ход̇и , багкибад̇и. звамзва яо ад̇ирзгам̣ харанд̇о вияа баабам̣ харад̇и бариваж̇ж̇зд̇и, уунагз багкибанд̇о вияа гусалам̣ барибуурзд̇и. зван̃жа бана гаронд̇о сийласамаад̇хибан̃н̃аавимуд̇д̇ивимуд̇д̇ин̃аан̣ад̣̇ассанасан̇каад̇ам̣ варам̣ уд̇д̇амамзва аад̣̇ааяа баабаани агусалагаммаани бариваж̇ж̇зд̇и. са мунийд̇и со муни наамаад̇и ад̇т̇о. д̇зна со мунийд̇и гасмаа бана со мунийд̇и жз? яам̣ хздтаа вуд̇д̇агааран̣ам̣, д̇зна со мунийд̇и ад̇т̇о. со мунаад̇и убхо логзд̇и яо буг̇г̇ало имасмим̣ канд̇хаад̣̇илогз д̇улам̣ ааробзд̇ваа минанд̇о вияа ‘‘имз аж̇жхад̇д̇игаа канд̇хаа, имз б̣аахираа’’д̇иаад̣̇инаа наязна имз убхо ад̇т̇з мунаад̇и. муни д̇зна бавужжад̇ийд̇и д̇зна гааран̣зна мунийд̇и вужжад̇иязваад̇и ад̇т̇о.

Tattha na monenāti kāmañhi moneyyapaṭipadāsaṅkhātena maggañāṇamonena muni nāma hoti, idha pana tuṇhībhāvaṃ sandhāya ‘‘monenā’’ti vuttaṃ. Mūḷharūpoti tuccharūpo. Aviddasūti aviññū. Evarūpo hi tuṇhībhūtopi muni nāma na hoti. Atha vā monena muni nāma na hoti, tucchasabhāvo pana aviññū ca hotīti attho. Yo ca tulaṃva pagayhāti yathā hi tulaṃ gahetvā ṭhito atirekaṃ ce hoti, harati. Ūnaṃ ce hoti , pakkhipati. Evameva yo atirekaṃ haranto viya pāpaṃ harati parivajjeti, ūnake pakkhipanto viya kusalaṃ paripūreti. Evañca pana karonto sīlasamādhipaññāvimuttivimuttiñāṇadassanasaṅkhātaṃ varaṃ uttamameva ādāya pāpāni akusalakammāni parivajjeti. Sa munīti so muni nāmāti attho. Tena so munīti kasmā pana so munīti ce? Yaṃ heṭṭhā vuttakāraṇaṃ, tena so munīti attho. So munāti ubho loketi yo puggalo imasmiṃ khandhādiloke tulaṃ āropetvā minanto viya ‘‘ime ajjhattikā khandhā, ime bāhirā’’tiādinā nayena ime ubho atthe munāti. Muni tena pavuccatīti tena kāraṇena munīti vuccatiyevāti attho.

д̣̇зсанаавасаанз б̣ахуу сод̇аабад̇д̇ипалаад̣̇ийни баабун̣им̣сууд̇и.

Desanāvasāne bahū sotāpattiphalādīni pāpuṇiṃsūti.

д̇ид̇т̇ияавад̇т̇у адтамам̣.

Titthiyavatthu aṭṭhamaṃ.

9. б̣аалисигавад̇т̇у

9. Bālisikavatthu

на д̇зна арияо ход̇ийд̇и имам̣ д̇хаммад̣̇зсанам̣ сад̇т̇аа ж̇зд̇аванз вихаранд̇о згам̣ арияам̣ наама б̣аалисигам̣ аараб̣бха гат̇зси.

Na tena ariyo hotīti imaṃ dhammadesanaṃ satthā jetavane viharanto ekaṃ ariyaṃ nāma bālisikaṃ ārabbha kathesi.

згад̣̇ивасан̃хи сад̇т̇аа д̇асса сод̇аабад̇д̇имаг̇г̇ассуубаниссаяам̣ д̣̇исваа саавад̇т̇ияаа уд̇д̇арад̣̇ваараг̇аамз бин̣д̣ааяа жарид̇ваа бхигкусан̇гхабаривуд̇о д̇ад̇о ааг̇ажчад̇и. д̇асмим̣ кан̣з со б̣аалисиго б̣алисзна мажчз г̇ан̣ханд̇о б̣уд̣̇д̇хаббамукам̣ бхигкусан̇гхам̣ д̣̇исваа б̣алисаяадтим̣ чад̣д̣зд̇ваа адтааси. сад̇т̇аа д̇асса авид̣̇уурз таанз нивад̇д̇ид̇ваа тид̇о ‘‘д̇вам̣ гим̣ наамосий’’д̇и саарибуд̇д̇ад̇т̇зраад̣̇ийнам̣ наамаани бужчи. д̇зби ‘‘ахам̣ саарибуд̇д̇о ахам̣ мог̇г̇аллаано’’д̇и ад̇д̇ано ад̇д̇ано наамаани гат̇аяим̣су. б̣аалисиго жинд̇зси – ‘‘сад̇т̇аа саб̣б̣зсам̣ наамаани бужчад̇и, мамамби наамам̣ бужчиссад̇и ман̃н̃з’’д̇и. сад̇т̇аа д̇асса ижчам̣ н̃ад̇ваа, ‘‘убаасага, д̇вам̣ го наамосий’’д̇и бужчид̇ваа ‘‘ахам̣, бханд̇з, арияо наамаа’’д̇и вуд̇д̇з ‘‘на, убаасага, д̇аад̣̇исаа баан̣аад̇ибаад̇ино арияаа наама хонд̇и, арияаа бана махааж̇анасса ахим̣санабхаавз тид̇аа’’д̇и вад̇ваа имам̣ г̇аат̇амааха –

Ekadivasañhi satthā tassa sotāpattimaggassūpanissayaṃ disvā sāvatthiyā uttaradvāragāme piṇḍāya caritvā bhikkhusaṅghaparivuto tato āgacchati. Tasmiṃ khaṇe so bālisiko balisena macche gaṇhanto buddhappamukhaṃ bhikkhusaṅghaṃ disvā balisayaṭṭhiṃ chaḍḍetvā aṭṭhāsi. Satthā tassa avidūre ṭhāne nivattitvā ṭhito ‘‘tvaṃ kiṃ nāmosī’’ti sāriputtattherādīnaṃ nāmāni pucchi. Tepi ‘‘ahaṃ sāriputto ahaṃ moggallāno’’ti attano attano nāmāni kathayiṃsu. Bālisiko cintesi – ‘‘satthā sabbesaṃ nāmāni pucchati, mamampi nāmaṃ pucchissati maññe’’ti. Satthā tassa icchaṃ ñatvā, ‘‘upāsaka, tvaṃ ko nāmosī’’ti pucchitvā ‘‘ahaṃ, bhante, ariyo nāmā’’ti vutte ‘‘na, upāsaka, tādisā pāṇātipātino ariyā nāma honti, ariyā pana mahājanassa ahiṃsanabhāve ṭhitā’’ti vatvā imaṃ gāthamāha –

270.

‘‘на д̇зна арияо ход̇и, язна баан̣аани хим̣сад̇и;

‘‘Na tena ariyo hoti, yena pāṇāni hiṃsati;

ахим̣саа саб̣б̣абаан̣аанам̣, арияод̇и бавужжад̇ий’’д̇и.

Ahiṃsā sabbapāṇānaṃ, ariyoti pavuccatī’’ti.

д̇ад̇т̇а ахим̣саад̇и ахим̣санзна. ид̣̇ам̣ вуд̇д̇ам̣ ход̇и – язна хи баан̣аани хим̣сад̇и, на д̇зна гааран̣зна арияо ход̇и. яо бана саб̣б̣абаан̣аанам̣ баан̣иаад̣̇ийхи ахим̣санзна мзд̇д̇аад̣̇ибхааванааяа бад̇идтид̇ад̇д̇аа хим̣сад̇о аараава тид̇о, аяам̣ арияод̇и вужжад̇ийд̇и ад̇т̇о.

Tattha ahiṃsāti ahiṃsanena. Idaṃ vuttaṃ hoti – yena hi pāṇāni hiṃsati, na tena kāraṇena ariyo hoti. Yo pana sabbapāṇānaṃ pāṇiādīhi ahiṃsanena mettādibhāvanāya patiṭṭhitattā hiṃsato ārāva ṭhito, ayaṃ ariyoti vuccatīti attho.

д̣̇зсанаавасаанз б̣аалисиго сод̇аабад̇д̇ипалз бад̇идтахи, самбад̇д̇аанамби саад̇т̇игаа д̇хаммад̣̇зсанаа ахосийд̇и.

Desanāvasāne bālisiko sotāpattiphale patiṭṭhahi, sampattānampi sātthikā dhammadesanā ahosīti.

б̣аалисигавад̇т̇у навамам̣.

Bālisikavatthu navamaṃ.

10. самб̣ахуласийлаад̣̇исамбаннабхигкувад̇т̇у

10. Sambahulasīlādisampannabhikkhuvatthu

на сийлаб̣б̣ад̇амад̇д̇знаад̇и имам̣ д̇хаммад̣̇зсанам̣ сад̇т̇аа ж̇зд̇аванз вихаранд̇о самб̣ахулз сийлаад̣̇исамбаннз бхигкуу аараб̣бха гат̇зси.

Na sīlabbatamattenāti imaṃ dhammadesanaṃ satthā jetavane viharanto sambahule sīlādisampanne bhikkhū ārabbha kathesi.

д̇зсу гира згажжаанам̣ звам̣ ахоси – ‘‘маяам̣ самбаннасийлаа, маяам̣ д̇худ̇ан̇г̇ад̇хараа, маяам̣ б̣ахуссуд̇аа, маяам̣ банд̇асзнаасанаваасино, маяам̣ жхааналаабхино, на амхаагам̣ арахад̇д̇ам̣ д̣̇уллабхам̣, ижчид̇ад̣̇ивасзязва арахад̇д̇ам̣ баабун̣иссаамаа’’д̇и. язби д̇ад̇т̇а анааг̇аамино, д̇зсамби зд̇ад̣̇ахоси – ‘‘на амхаагам̣ ид̣̇аани арахад̇д̇ам̣ д̣̇уллабха’’нд̇и. д̇з саб̣б̣зби згад̣̇ивасам̣ сад̇т̇аарам̣ убасан̇гамид̇ваа ванд̣̇ид̇ваа нисиннаа ‘‘аби ну ко во, бхигкавз, баб̣б̣аж̇ид̇агижжам̣ мад̇т̇агам̣ бад̇д̇а’’нд̇и сад̇т̇аараа будтаа звамаахам̣су – ‘‘бханд̇з, маяам̣ зваруубаа зваруубаа жа, д̇асмаа ‘ижчид̇ижчид̇агкан̣зязва арахад̇д̇ам̣ бад̇д̇ум̣ самад̇т̇амхаа’д̇и жинд̇зд̇ваа вихараамаа’’д̇и.

Tesu kira ekaccānaṃ evaṃ ahosi – ‘‘mayaṃ sampannasīlā, mayaṃ dhutaṅgadharā, mayaṃ bahussutā, mayaṃ pantasenāsanavāsino, mayaṃ jhānalābhino, na amhākaṃ arahattaṃ dullabhaṃ, icchitadivaseyeva arahattaṃ pāpuṇissāmā’’ti. Yepi tattha anāgāmino, tesampi etadahosi – ‘‘na amhākaṃ idāni arahattaṃ dullabha’’nti. Te sabbepi ekadivasaṃ satthāraṃ upasaṅkamitvā vanditvā nisinnā ‘‘api nu kho vo, bhikkhave, pabbajitakiccaṃ matthakaṃ patta’’nti satthārā puṭṭhā evamāhaṃsu – ‘‘bhante, mayaṃ evarūpā evarūpā ca, tasmā ‘icchiticchitakkhaṇeyeva arahattaṃ pattuṃ samatthamhā’ti cintetvā viharāmā’’ti.

сад̇т̇аа д̇зсам̣ важанам̣ суд̇ваа, ‘‘бхигкавз, бхигкунаа наама барисуд̣̇д̇хасийлаад̣̇имад̇д̇агзна ваа анааг̇аамисукаббад̇д̇амад̇д̇агзна ваа ‘аббагам̣ но бхавад̣̇угка’нд̇и вад̇д̇ум̣ на ваддад̇и, аасавагкаяам̣ бана аббад̇ваа ‘сукид̇омхий’д̇и жид̇д̇ам̣ на уббаад̣̇зд̇аб̣б̣а’’нд̇и вад̇ваа имаа г̇аат̇аа абхааси –

Satthā tesaṃ vacanaṃ sutvā, ‘‘bhikkhave, bhikkhunā nāma parisuddhasīlādimattakena vā anāgāmisukhappattamattakena vā ‘appakaṃ no bhavadukkha’nti vattuṃ na vaṭṭati, āsavakkhayaṃ pana appatvā ‘sukhitomhī’ti cittaṃ na uppādetabba’’nti vatvā imā gāthā abhāsi –

271.

‘‘на сийлаб̣б̣ад̇амад̇д̇зна, б̣аахусажжзна ваа бана;

‘‘Na sīlabbatamattena, bāhusaccena vā pana;

ат̇а ваа самаад̇хилаабхзна, вивид̇д̇асаяанзна ваа.

Atha vā samādhilābhena, vivittasayanena vā.

272.

‘‘пусаами нзгкаммасукам̣, абут̇уж̇ж̇анасзвид̇ам̣;

‘‘Phusāmi nekkhammasukhaṃ, aputhujjanasevitaṃ;

бхигку виссаасамаабаад̣̇и, аббад̇д̇о аасавагкаяа’’нд̇и.

Bhikkhu vissāsamāpādi, appatto āsavakkhaya’’nti.

д̇ад̇т̇а сийлаб̣б̣ад̇амад̇д̇знаад̇и жад̇убаарисуд̣̇д̇хисийламад̇д̇зна ваа д̇зрасад̇худ̇ан̇г̇амад̇д̇зна ваа. б̣аахусажжзна ваад̇и д̇ин̣н̣ам̣ бидагаанам̣ уг̇г̇ахид̇амад̇д̇зна ваа. самаад̇хилаабхзнаад̇и адтасамаабад̇д̇ияаа лаабхзна. нзгкаммасуканд̇и анааг̇аамисукам̣. д̇ам̣ анааг̇аамисукам̣ пусаамийд̇и зд̇д̇агамад̇д̇зна ваа. абут̇уж̇ж̇анасзвид̇анд̇и бут̇уж̇ж̇анзхи асзвид̇ам̣ арияасзвид̇амзва. бхигкууд̇и д̇зсам̣ ан̃н̃ад̇арам̣ аалабанд̇о ааха. виссаасамаабаад̣̇ийд̇и виссаасам̣ на аабаж̇ж̇зяяа. ид̣̇ам̣ вуд̇д̇ам̣ ход̇и – бхигку иминаа самбаннасийлаад̣̇ибхаавамад̇д̇агзнзва ‘‘маяхам̣ бхаво аббаго барид̇д̇аго’’д̇и аасавагкаяасан̇каад̇ам̣ арахад̇д̇ам̣ аббад̇д̇о худ̇ваа бхигку наама виссаасам̣ наабаж̇ж̇зяяа. яат̇аа хи аббамад̇д̇агоби г̇уут̇о д̣̇уг̇г̇анд̇хо ход̇и, звам̣ аббамад̇д̇агоби бхаво д̣̇угкод̇и.

Tattha sīlabbatamattenāti catupārisuddhisīlamattena vā terasadhutaṅgamattena vā. Bāhusaccena vāti tiṇṇaṃ piṭakānaṃ uggahitamattena vā. Samādhilābhenāti aṭṭhasamāpattiyā lābhena. Nekkhammasukhanti anāgāmisukhaṃ. Taṃ anāgāmisukhaṃ phusāmīti ettakamattena vā. Aputhujjanasevitanti puthujjanehi asevitaṃ ariyasevitameva. Bhikkhūti tesaṃ aññataraṃ ālapanto āha. Vissāsamāpādīti vissāsaṃ na āpajjeyya. Idaṃ vuttaṃ hoti – bhikkhu iminā sampannasīlādibhāvamattakeneva ‘‘mayhaṃ bhavo appako parittako’’ti āsavakkhayasaṅkhātaṃ arahattaṃ appatto hutvā bhikkhu nāma vissāsaṃ nāpajjeyya. Yathā hi appamattakopi gūtho duggandho hoti, evaṃ appamattakopi bhavo dukkhoti.

д̣̇зсанаавасаанз д̇з бхигкуу арахад̇д̇з бад̇идтахам̣су, самбад̇д̇аанамби саад̇т̇игаа д̇хаммад̣̇зсанаа ахосийд̇и.

Desanāvasāne te bhikkhū arahatte patiṭṭhahaṃsu, sampattānampi sātthikā dhammadesanā ahosīti.

самб̣ахуласийлаад̣̇исамбаннабхигкувад̇т̇у д̣̇асамам̣.

Sambahulasīlādisampannabhikkhuvatthu dasamaṃ.

д̇хаммадтаваг̇г̇аван̣н̣анаа нидтид̇аа.

Dhammaṭṭhavaggavaṇṇanā niṭṭhitā.

згуунавийсад̇имо ваг̇г̇о.

Ekūnavīsatimo vaggo.

Next: 20. маг̇г̇аваг̇г̇о • 20. Maggavaggo

Related texts:

д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / д̇хаммабад̣̇абаал̣и • Dhammapadapāḷi / 19. д̇хаммадтаваг̇г̇о • 19. Dhammaṭṭhavaggo

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact