| Library / Tipiṭaka / д̇ибидага • Tipiṭaka / д̇хаммабад̣̇абаал̣и • Dhammapadapāḷi |
19. д̇хаммадтаваг̇г̇о
19. Dhammaṭṭhavaggo
256.
256.
на д̇зна ход̇и д̇хаммадто, язнад̇т̇ам̣ саахасаа 1 наяз;
Na tena hoti dhammaṭṭho, yenatthaṃ sāhasā 2 naye;
яо жа ад̇т̇ам̣ анад̇т̇ан̃жа, убхо нижчзяяа бан̣д̣ид̇о.
Yo ca atthaṃ anatthañca, ubho niccheyya paṇḍito.
257.
257.
асаахасзна д̇хаммзна, самзна наяад̇ий барз;
Asāhasena dhammena, samena nayatī pare;
д̇хаммасса г̇уд̇д̇о мзд̇хаавий, ‘‘д̇хаммадто’’д̇и бавужжад̇и.
Dhammassa gutto medhāvī, ‘‘dhammaṭṭho’’ti pavuccati.
258.
258.
на д̇зна бан̣д̣ид̇о ход̇и, яаавад̇аа б̣аху бхаасад̇и;
Na tena paṇḍito hoti, yāvatā bahu bhāsati;
кзмий авзрий абхаяо, ‘‘бан̣д̣ид̇о’’д̇и бавужжад̇и.
Khemī averī abhayo, ‘‘paṇḍito’’ti pavuccati.
259.
259.
на д̇аавад̇аа д̇хаммад̇харо, яаавад̇аа б̣аху бхаасад̇и;
Na tāvatā dhammadharo, yāvatā bahu bhāsati;
яо жа аббамби суд̇ваана, д̇хаммам̣ гааязна бассад̇и;
Yo ca appampi sutvāna, dhammaṃ kāyena passati;
са вз д̇хаммад̇харо ход̇и, яо д̇хаммам̣ наббамаж̇ж̇ад̇и.
Sa ve dhammadharo hoti, yo dhammaṃ nappamajjati.
260.
260.
барибагго ваяо д̇асса, ‘‘могхаж̇ин̣н̣о’’д̇и вужжад̇и.
Paripakko vayo tassa, ‘‘moghajiṇṇo’’ti vuccati.
261.
261.
яамхи сажжан̃жа д̇хаммо жа, ахим̣саа сам̣яамо д̣̇амо;
Yamhi saccañca dhammo ca, ahiṃsā saṃyamo damo;
са вз ванд̇амало д̇хийро, ‘‘т̇зро’’ ид̇и 5 бавужжад̇и.
Sa ve vantamalo dhīro, ‘‘thero’’ iti 6 pavuccati.
262.
262.
на вааггаран̣амад̇д̇зна, ван̣н̣абогкарад̇ааяа ваа;
Na vākkaraṇamattena, vaṇṇapokkharatāya vā;
саад̇хуруубо наро ход̇и, иссугий мажчарий сато.
Sādhurūpo naro hoti, issukī maccharī saṭho.
263.
263.
яасса жзд̇ам̣ самужчиннам̣, муулагхажжам̣ самуухад̇ам̣;
Yassa cetaṃ samucchinnaṃ, mūlaghaccaṃ samūhataṃ;
са ванд̇ад̣̇осо мзд̇хаавий, ‘‘саад̇хуруубо’’д̇и вужжад̇и.
Sa vantadoso medhāvī, ‘‘sādhurūpo’’ti vuccati.
264.
264.
на мун̣д̣агзна саман̣о, аб̣б̣ад̇о алигам̣ бхан̣ам̣;
Na muṇḍakena samaṇo, abbato alikaṃ bhaṇaṃ;
ижчаалобхасамаабанно, саман̣о гим̣ бхависсад̇и.
Icchālobhasamāpanno, samaṇo kiṃ bhavissati.
265.
265.
яо жа самзд̇и баабаани, ан̣ум̣ т̇уулаани саб̣б̣асо;
Yo ca sameti pāpāni, aṇuṃ thūlāni sabbaso;
самид̇ад̇д̇аа хи баабаанам̣, ‘‘саман̣о’’д̇и бавужжад̇и.
Samitattā hi pāpānaṃ, ‘‘samaṇo’’ti pavuccati.
266.
266.
на д̇зна бхигку со ход̇и, яаавад̇аа бхигкад̇з барз;
Na tena bhikkhu so hoti, yāvatā bhikkhate pare;
виссам̣ д̇хаммам̣ самаад̣̇ааяа, бхигку ход̇и на д̇аавад̇аа.
Vissaṃ dhammaṃ samādāya, bhikkhu hoti na tāvatā.
267.
267.
яод̇ха бун̃н̃ан̃жа баабан̃жа, б̣аахзд̇ваа б̣рахмажарияаваа 7;
Yodha puññañca pāpañca, bāhetvā brahmacariyavā 8;
сан̇кааяа логз жарад̇и, са вз ‘‘бхигкуу’’д̇и вужжад̇и.
Saṅkhāya loke carati, sa ve ‘‘bhikkhū’’ti vuccati.
268.
268.
на монзна муний ход̇и, муул̣харуубо авид̣̇д̣̇асу;
Na monena munī hoti, mūḷharūpo aviddasu;
яо жа д̇улам̣ва баг̇г̇аяха, варамаад̣̇ааяа бан̣д̣ид̇о.
Yo ca tulaṃva paggayha, varamādāya paṇḍito.
269.
269.
баабаани бариваж̇ж̇зд̇и, са муний д̇зна со муни;
Pāpāni parivajjeti, sa munī tena so muni;
яо мунаад̇и убхо логз, ‘‘муни’’ д̇зна бавужжад̇и.
Yo munāti ubho loke, ‘‘muni’’ tena pavuccati.
270.
270.
на д̇зна арияо ход̇и, язна баан̣аани хим̣сад̇и;
Na tena ariyo hoti, yena pāṇāni hiṃsati;
ахим̣саа саб̣б̣абаан̣аанам̣, ‘‘арияо’’д̇и бавужжад̇и.
Ahiṃsā sabbapāṇānaṃ, ‘‘ariyo’’ti pavuccati.
271.
271.
на сийлаб̣б̣ад̇амад̇д̇зна, б̣аахусажжзна ваа бана;
Na sīlabbatamattena, bāhusaccena vā pana;
ат̇а ваа самаад̇хилаабхзна, вивид̇д̇асаяанзна ваа.
Atha vā samādhilābhena, vivittasayanena vā.
272.
272.
пусаами нзгкаммасукам̣, абут̇уж̇ж̇анасзвид̇ам̣;
Phusāmi nekkhammasukhaṃ, aputhujjanasevitaṃ;
бхигку виссаасамаабаад̣̇и, аббад̇д̇о аасавагкаяам̣.
Bhikkhu vissāsamāpādi, appatto āsavakkhayaṃ.
д̇хаммадтаваг̇г̇о згуунавийсад̇имо нидтид̇о.
Dhammaṭṭhavaggo ekūnavīsatimo niṭṭhito.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / д̇хаммабад̣̇а-адтагат̇аа • Dhammapada-aṭṭhakathā / 19. д̇хаммадтаваг̇г̇о • 19. Dhammaṭṭhavaggo
