| Library / Tipiṭaka / तिपिटक • Tipiṭaka / पञ्चपकरण-अट्ठकथा • Pañcapakaraṇa-aṭṭhakathā |
९. धम्मट्ठितताकथावण्णना
9. Dhammaṭṭhitatākathāvaṇṇanā
६२७. इदानि धम्मट्ठितताकथा नाम होति। तत्थ ‘‘ठिताव सा धातू’’ति वचनं निस्साय ‘‘पटिच्चसमुप्पादसङ्खाता धम्मट्ठितता नाम एका अत्थि, सा च परिनिप्फन्ना’’ति येसं लद्धि, सेय्यथापि अन्धकानं; ते सन्धाय पुच्छा सकवादिस्स, पटिञ्ञा इतरस्स। अथ नं ‘‘यदि परिनिप्फन्नानं अविज्जादीनं अञ्ञा धम्मट्ठितता नाम परिनिप्फन्ना अत्थि, तायपि च ते धम्मट्ठितताय अञ्ञा ठितता परिनिप्फन्ना आपज्जती’’ति चोदेतुं ताय ठिततातिआदिमाह। परवादी एवरूपाय लद्धिया अभावेन पटिक्खिपति। दुतियं पुट्ठो अनन्तरपच्चयतञ्चेव अञ्ञमञ्ञपच्चयतञ्च सन्धाय पटिजानाति। सेसं हेट्ठा वुत्तनयत्ता उत्तानत्थमेवाति।
627. Idāni dhammaṭṭhitatākathā nāma hoti. Tattha ‘‘ṭhitāva sā dhātū’’ti vacanaṃ nissāya ‘‘paṭiccasamuppādasaṅkhātā dhammaṭṭhitatā nāma ekā atthi, sā ca parinipphannā’’ti yesaṃ laddhi, seyyathāpi andhakānaṃ; te sandhāya pucchā sakavādissa, paṭiññā itarassa. Atha naṃ ‘‘yadi parinipphannānaṃ avijjādīnaṃ aññā dhammaṭṭhitatā nāma parinipphannā atthi, tāyapi ca te dhammaṭṭhitatāya aññā ṭhitatā parinipphannā āpajjatī’’ti codetuṃ tāya ṭhitatātiādimāha. Paravādī evarūpāya laddhiyā abhāvena paṭikkhipati. Dutiyaṃ puṭṭho anantarapaccayatañceva aññamaññapaccayatañca sandhāya paṭijānāti. Sesaṃ heṭṭhā vuttanayattā uttānatthamevāti.
धम्मट्ठितताकथावण्णना।
Dhammaṭṭhitatākathāvaṇṇanā.
Related texts:
तिपिटक (मूल) • Tipiṭaka (Mūla) / अभिधम्मपिटक • Abhidhammapiṭaka / कथावत्थुपाळि • Kathāvatthupāḷi / (११४) ९. धम्मट्ठितताकथा • (114) 9. Dhammaṭṭhitatākathā
टीका • Tīkā / अभिधम्मपिटक (टीका) • Abhidhammapiṭaka (ṭīkā) / पञ्चपकरण-मूलटीका • Pañcapakaraṇa-mūlaṭīkā / ९. धम्मट्ठितताकथावण्णना • 9. Dhammaṭṭhitatākathāvaṇṇanā
टीका • Tīkā / अभिधम्मपिटक (टीका) • Abhidhammapiṭaka (ṭīkā) / पञ्चपकरण-अनुटीका • Pañcapakaraṇa-anuṭīkā / ९. धम्मट्ठितताकथावण्णना • 9. Dhammaṭṭhitatākathāvaṇṇanā
