| Library / Tipiṭaka / तिपिटक • Tipiṭaka / पञ्चपकरण-अनुटीका • Pañcapakaraṇa-anuṭīkā |
९. धम्मट्ठितताकथावण्णना
9. Dhammaṭṭhitatākathāvaṇṇanā
६२७. अविज्जाय या ठितताति अविज्जाय सङ्खारानं अनन्तरपच्चयभावे या नियतता धम्मनियामतासङ्खाता, या ठितसभावता निप्फन्ना , न धम्ममत्तताट्ठितताय निप्फन्नाय वसेन, अनन्तरपच्चयभावसङ्खाता ठितता पच्चयता होतीति अत्थो। अञ्ञमञ्ञपच्चयभावरहितस्साति इदं सहजातनिस्सयादिपच्चयानं पटिक्खेपपदं दट्ठब्बं, न अञ्ञमञ्ञपच्चयतामत्तस्स। सब्बो तादिसोति इमिना समनन्तरअनन्तरूपनिस्सयनत्थिविगतासेवनादिकं सङ्गण्हाति। अञ्ञमञ्ञपच्चयतञ्चाति एत्थापि वुत्तनयेन अत्थो वेदितब्बो। एत्थ पन पच्चयुप्पन्नस्सपि पच्चयभावतो सङ्खारानम्पि वसेन योजेतब्बं। तेनाह ‘‘तस्सा च इतरा’’ति।
627. Avijjāyayā ṭhitatāti avijjāya saṅkhārānaṃ anantarapaccayabhāve yā niyatatā dhammaniyāmatāsaṅkhātā, yā ṭhitasabhāvatā nipphannā , na dhammamattatāṭṭhitatāya nipphannāya vasena, anantarapaccayabhāvasaṅkhātā ṭhitatā paccayatā hotīti attho. Aññamaññapaccayabhāvarahitassāti idaṃ sahajātanissayādipaccayānaṃ paṭikkhepapadaṃ daṭṭhabbaṃ, na aññamaññapaccayatāmattassa. Sabbo tādisoti iminā samanantaraanantarūpanissayanatthivigatāsevanādikaṃ saṅgaṇhāti. Aññamaññapaccayatañcāti etthāpi vuttanayena attho veditabbo. Ettha pana paccayuppannassapi paccayabhāvato saṅkhārānampi vasena yojetabbaṃ. Tenāha ‘‘tassā ca itarā’’ti.
धम्मट्ठितताकथावण्णना निट्ठिता।
Dhammaṭṭhitatākathāvaṇṇanā niṭṭhitā.
Related texts:
तिपिटक (मूल) • Tipiṭaka (Mūla) / अभिधम्मपिटक • Abhidhammapiṭaka / कथावत्थुपाळि • Kathāvatthupāḷi / (११४) ९. धम्मट्ठितताकथा • (114) 9. Dhammaṭṭhitatākathā
अट्ठकथा • Aṭṭhakathā / अभिधम्मपिटक (अट्ठकथा) • Abhidhammapiṭaka (aṭṭhakathā) / पञ्चपकरण-अट्ठकथा • Pañcapakaraṇa-aṭṭhakathā / ९. धम्मट्ठितताकथावण्णना • 9. Dhammaṭṭhitatākathāvaṇṇanā
टीका • Tīkā / अभिधम्मपिटक (टीका) • Abhidhammapiṭaka (ṭīkā) / पञ्चपकरण-मूलटीका • Pañcapakaraṇa-mūlaṭīkā / ९. धम्मट्ठितताकथावण्णना • 9. Dhammaṭṭhitatākathāvaṇṇanā
