| Library / Tipiṭaka / తిపిటక • Tipiṭaka / పఞ్చపకరణ-అనుటీకా • Pañcapakaraṇa-anuṭīkā |
౯. ధమ్మట్ఠితతాకథావణ్ణనా
9. Dhammaṭṭhitatākathāvaṇṇanā
౬౨౭. అవిజ్జాయ యా ఠితతాతి అవిజ్జాయ సఙ్ఖారానం అనన్తరపచ్చయభావే యా నియతతా ధమ్మనియామతాసఙ్ఖాతా, యా ఠితసభావతా నిప్ఫన్నా , న ధమ్మమత్తతాట్ఠితతాయ నిప్ఫన్నాయ వసేన, అనన్తరపచ్చయభావసఙ్ఖాతా ఠితతా పచ్చయతా హోతీతి అత్థో. అఞ్ఞమఞ్ఞపచ్చయభావరహితస్సాతి ఇదం సహజాతనిస్సయాదిపచ్చయానం పటిక్ఖేపపదం దట్ఠబ్బం, న అఞ్ఞమఞ్ఞపచ్చయతామత్తస్స. సబ్బో తాదిసోతి ఇమినా సమనన్తరఅనన్తరూపనిస్సయనత్థివిగతాసేవనాదికం సఙ్గణ్హాతి. అఞ్ఞమఞ్ఞపచ్చయతఞ్చాతి ఏత్థాపి వుత్తనయేన అత్థో వేదితబ్బో. ఏత్థ పన పచ్చయుప్పన్నస్సపి పచ్చయభావతో సఙ్ఖారానమ్పి వసేన యోజేతబ్బం. తేనాహ ‘‘తస్సా చ ఇతరా’’తి.
627. Avijjāyayā ṭhitatāti avijjāya saṅkhārānaṃ anantarapaccayabhāve yā niyatatā dhammaniyāmatāsaṅkhātā, yā ṭhitasabhāvatā nipphannā , na dhammamattatāṭṭhitatāya nipphannāya vasena, anantarapaccayabhāvasaṅkhātā ṭhitatā paccayatā hotīti attho. Aññamaññapaccayabhāvarahitassāti idaṃ sahajātanissayādipaccayānaṃ paṭikkhepapadaṃ daṭṭhabbaṃ, na aññamaññapaccayatāmattassa. Sabbo tādisoti iminā samanantaraanantarūpanissayanatthivigatāsevanādikaṃ saṅgaṇhāti. Aññamaññapaccayatañcāti etthāpi vuttanayena attho veditabbo. Ettha pana paccayuppannassapi paccayabhāvato saṅkhārānampi vasena yojetabbaṃ. Tenāha ‘‘tassā ca itarā’’ti.
ధమ్మట్ఠితతాకథావణ్ణనా నిట్ఠితా.
Dhammaṭṭhitatākathāvaṇṇanā niṭṭhitā.
Related texts:
తిపిటక (మూల) • Tipiṭaka (Mūla) / అభిధమ్మపిటక • Abhidhammapiṭaka / కథావత్థుపాళి • Kathāvatthupāḷi / (౧౧౪) ౯. ధమ్మట్ఠితతాకథా • (114) 9. Dhammaṭṭhitatākathā
అట్ఠకథా • Aṭṭhakathā / అభిధమ్మపిటక (అట్ఠకథా) • Abhidhammapiṭaka (aṭṭhakathā) / పఞ్చపకరణ-అట్ఠకథా • Pañcapakaraṇa-aṭṭhakathā / ౯. ధమ్మట్ఠితతాకథావణ్ణనా • 9. Dhammaṭṭhitatākathāvaṇṇanā
టీకా • Tīkā / అభిధమ్మపిటక (టీకా) • Abhidhammapiṭaka (ṭīkā) / పఞ్చపకరణ-మూలటీకా • Pañcapakaraṇa-mūlaṭīkā / ౯. ధమ్మట్ఠితతాకథావణ్ణనా • 9. Dhammaṭṭhitatākathāvaṇṇanā
