| Library / Tipiṭaka / តិបិដក • Tipiṭaka / បញ្ចបករណ-អដ្ឋកថា • Pañcapakaraṇa-aṭṭhakathā |
៩. ធម្មដ្ឋិតតាកថាវណ្ណនា
9. Dhammaṭṭhitatākathāvaṇṇanā
៦២៧. ឥទានិ ធម្មដ្ឋិតតាកថា នាម ហោតិ។ តត្ថ ‘‘ឋិតាវ សា ធាតូ’’តិ វចនំ និស្សាយ ‘‘បដិច្ចសមុប្បាទសង្ខាតា ធម្មដ្ឋិតតា នាម ឯកា អត្ថិ, សា ច បរិនិប្ផន្នា’’តិ យេសំ លទ្ធិ, សេយ្យថាបិ អន្ធកានំ; តេ សន្ធាយ បុច្ឆា សកវាទិស្ស, បដិញ្ញា ឥតរស្ស។ អថ នំ ‘‘យទិ បរិនិប្ផន្នានំ អវិជ្ជាទីនំ អញ្ញា ធម្មដ្ឋិតតា នាម បរិនិប្ផន្នា អត្ថិ, តាយបិ ច តេ ធម្មដ្ឋិតតាយ អញ្ញា ឋិតតា បរិនិប្ផន្នា អាបជ្ជតី’’តិ ចោទេតុំ តាយ ឋិតតាតិអាទិមាហ។ បរវាទី ឯវរូបាយ លទ្ធិយា អភាវេន បដិក្ខិបតិ។ ទុតិយំ បុដ្ឋោ អនន្តរបច្ចយតញ្ចេវ អញ្ញមញ្ញបច្ចយតញ្ច សន្ធាយ បដិជានាតិ។ សេសំ ហេដ្ឋា វុត្តនយត្តា ឧត្តានត្ថមេវាតិ។
627. Idāni dhammaṭṭhitatākathā nāma hoti. Tattha ‘‘ṭhitāva sā dhātū’’ti vacanaṃ nissāya ‘‘paṭiccasamuppādasaṅkhātā dhammaṭṭhitatā nāma ekā atthi, sā ca parinipphannā’’ti yesaṃ laddhi, seyyathāpi andhakānaṃ; te sandhāya pucchā sakavādissa, paṭiññā itarassa. Atha naṃ ‘‘yadi parinipphannānaṃ avijjādīnaṃ aññā dhammaṭṭhitatā nāma parinipphannā atthi, tāyapi ca te dhammaṭṭhitatāya aññā ṭhitatā parinipphannā āpajjatī’’ti codetuṃ tāya ṭhitatātiādimāha. Paravādī evarūpāya laddhiyā abhāvena paṭikkhipati. Dutiyaṃ puṭṭho anantarapaccayatañceva aññamaññapaccayatañca sandhāya paṭijānāti. Sesaṃ heṭṭhā vuttanayattā uttānatthamevāti.
ធម្មដ្ឋិតតាកថាវណ្ណនា។
Dhammaṭṭhitatākathāvaṇṇanā.
Related texts:
តិបិដក (មូល) • Tipiṭaka (Mūla) / អភិធម្មបិដក • Abhidhammapiṭaka / កថាវត្ថុបាឡិ • Kathāvatthupāḷi / (១១៤) ៩. ធម្មដ្ឋិតតាកថា • (114) 9. Dhammaṭṭhitatākathā
ដីកា • Tīkā / អភិធម្មបិដក (ដីកា) • Abhidhammapiṭaka (ṭīkā) / បញ្ចបករណ-មូលដីកា • Pañcapakaraṇa-mūlaṭīkā / ៩. ធម្មដ្ឋិតតាកថាវណ្ណនា • 9. Dhammaṭṭhitatākathāvaṇṇanā
ដីកា • Tīkā / អភិធម្មបិដក (ដីកា) • Abhidhammapiṭaka (ṭīkā) / បញ្ចបករណ-អនុដីកា • Pañcapakaraṇa-anuṭīkā / ៩. ធម្មដ្ឋិតតាកថាវណ្ណនា • 9. Dhammaṭṭhitatākathāvaṇṇanā
