| Library / Tipiṭaka / တိပိဋက • Tipiṭaka / ပဉ္စပကရဏ-အနုဋီကာ • Pañcapakaraṇa-anuṭīkā |
၉. ဓမ္မဋ္ဌိတတာကထာဝဏ္ဏနာ
9. Dhammaṭṭhitatākathāvaṇṇanā
၆၂၇. အဝိဇ္ဇာယ ယာ ဌိတတာတိ အဝိဇ္ဇာယ သင္ခာရာနံ အနန္တရပစ္စယဘာဝေ ယာ နိယတတာ ဓမ္မနိယာမတာသင္ခာတာ, ယာ ဌိတသဘာဝတာ နိပ္ဖန္နာ , န ဓမ္မမတ္တတာဋ္ဌိတတာယ နိပ္ဖန္နာယ ဝသေန, အနန္တရပစ္စယဘာဝသင္ခာတာ ဌိတတာ ပစ္စယတာ ဟောတီတိ အတ္ထော။ အညမညပစ္စယဘာဝရဟိတသ္သာတိ ဣဒံ သဟဇာတနိသ္သယာဒိပစ္စယာနံ ပဋိက္ခေပပဒံ ဒဋ္ဌဗ္ဗံ, န အညမညပစ္စယတာမတ္တသ္သ။ သဗ္ဗော တာဒိသောတိ ဣမိနာ သမနန္တရအနန္တရူပနိသ္သယနတ္ထိဝိဂတာသေဝနာဒိကံ သင္ဂဏ္ဟာတိ။ အညမညပစ္စယတဉ္စာတိ ဧတ္ထာပိ ဝုတ္တနယေန အတ္ထော ဝေဒိတဗ္ဗော။ ဧတ္ထ ပန ပစ္စယုပ္ပန္နသ္သပိ ပစ္စယဘာဝတော သင္ခာရာနမ္ပိ ဝသေန ယောဇေတဗ္ဗံ။ တေနာဟ ‘‘တသ္သာ စ ဣတရာ’’တိ။
627. Avijjāyayā ṭhitatāti avijjāya saṅkhārānaṃ anantarapaccayabhāve yā niyatatā dhammaniyāmatāsaṅkhātā, yā ṭhitasabhāvatā nipphannā , na dhammamattatāṭṭhitatāya nipphannāya vasena, anantarapaccayabhāvasaṅkhātā ṭhitatā paccayatā hotīti attho. Aññamaññapaccayabhāvarahitassāti idaṃ sahajātanissayādipaccayānaṃ paṭikkhepapadaṃ daṭṭhabbaṃ, na aññamaññapaccayatāmattassa. Sabbo tādisoti iminā samanantaraanantarūpanissayanatthivigatāsevanādikaṃ saṅgaṇhāti. Aññamaññapaccayatañcāti etthāpi vuttanayena attho veditabbo. Ettha pana paccayuppannassapi paccayabhāvato saṅkhārānampi vasena yojetabbaṃ. Tenāha ‘‘tassā ca itarā’’ti.
ဓမ္မဋ္ဌိတတာကထာဝဏ္ဏနာ နိဋ္ဌိတာ။
Dhammaṭṭhitatākathāvaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / အဘိဓမ္မပိဋက • Abhidhammapiṭaka / ကထာဝတ္ထုပာဠိ • Kathāvatthupāḷi / (၁၁၄) ၉. ဓမ္မဋ္ဌိတတာကထာ • (114) 9. Dhammaṭṭhitatākathā
အဋ္ဌကထာ • Aṭṭhakathā / အဘိဓမ္မပိဋက (အဋ္ဌကထာ) • Abhidhammapiṭaka (aṭṭhakathā) / ပဉ္စပကရဏ-အဋ္ဌကထာ • Pañcapakaraṇa-aṭṭhakathā / ၉. ဓမ္မဋ္ဌိတတာကထာဝဏ္ဏနာ • 9. Dhammaṭṭhitatākathāvaṇṇanā
ဋီကာ • Tīkā / အဘိဓမ္မပိဋက (ဋီကာ) • Abhidhammapiṭaka (ṭīkā) / ပဉ္စပကရဏ-မူလဋီကာ • Pañcapakaraṇa-mūlaṭīkā / ၉. ဓမ္မဋ္ဌိတတာကထာဝဏ္ဏနာ • 9. Dhammaṭṭhitatākathāvaṇṇanā
