| Library / Tipiṭaka / തിപിടക • Tipiṭaka / പഞ്ചപകരണ-അനുടീകാ • Pañcapakaraṇa-anuṭīkā |
൯. ധമ്മട്ഠിതതാകഥാവണ്ണനാ
9. Dhammaṭṭhitatākathāvaṇṇanā
൬൨൭. അവിജ്ജായ യാ ഠിതതാതി അവിജ്ജായ സങ്ഖാരാനം അനന്തരപച്ചയഭാവേ യാ നിയതതാ ധമ്മനിയാമതാസങ്ഖാതാ, യാ ഠിതസഭാവതാ നിപ്ഫന്നാ , ന ധമ്മമത്തതാട്ഠിതതായ നിപ്ഫന്നായ വസേന, അനന്തരപച്ചയഭാവസങ്ഖാതാ ഠിതതാ പച്ചയതാ ഹോതീതി അത്ഥോ. അഞ്ഞമഞ്ഞപച്ചയഭാവരഹിതസ്സാതി ഇദം സഹജാതനിസ്സയാദിപച്ചയാനം പടിക്ഖേപപദം ദട്ഠബ്ബം, ന അഞ്ഞമഞ്ഞപച്ചയതാമത്തസ്സ. സബ്ബോ താദിസോതി ഇമിനാ സമനന്തരഅനന്തരൂപനിസ്സയനത്ഥിവിഗതാസേവനാദികം സങ്ഗണ്ഹാതി. അഞ്ഞമഞ്ഞപച്ചയതഞ്ചാതി ഏത്ഥാപി വുത്തനയേന അത്ഥോ വേദിതബ്ബോ. ഏത്ഥ പന പച്ചയുപ്പന്നസ്സപി പച്ചയഭാവതോ സങ്ഖാരാനമ്പി വസേന യോജേതബ്ബം. തേനാഹ ‘‘തസ്സാ ച ഇതരാ’’തി.
627. Avijjāyayā ṭhitatāti avijjāya saṅkhārānaṃ anantarapaccayabhāve yā niyatatā dhammaniyāmatāsaṅkhātā, yā ṭhitasabhāvatā nipphannā , na dhammamattatāṭṭhitatāya nipphannāya vasena, anantarapaccayabhāvasaṅkhātā ṭhitatā paccayatā hotīti attho. Aññamaññapaccayabhāvarahitassāti idaṃ sahajātanissayādipaccayānaṃ paṭikkhepapadaṃ daṭṭhabbaṃ, na aññamaññapaccayatāmattassa. Sabbo tādisoti iminā samanantaraanantarūpanissayanatthivigatāsevanādikaṃ saṅgaṇhāti. Aññamaññapaccayatañcāti etthāpi vuttanayena attho veditabbo. Ettha pana paccayuppannassapi paccayabhāvato saṅkhārānampi vasena yojetabbaṃ. Tenāha ‘‘tassā ca itarā’’ti.
ധമ്മട്ഠിതതാകഥാവണ്ണനാ നിട്ഠിതാ.
Dhammaṭṭhitatākathāvaṇṇanā niṭṭhitā.
Related texts:
തിപിടക (മൂല) • Tipiṭaka (Mūla) / അഭിധമ്മപിടക • Abhidhammapiṭaka / കഥാവത്ഥുപാളി • Kathāvatthupāḷi / (൧൧൪) ൯. ധമ്മട്ഠിതതാകഥാ • (114) 9. Dhammaṭṭhitatākathā
അട്ഠകഥാ • Aṭṭhakathā / അഭിധമ്മപിടക (അട്ഠകഥാ) • Abhidhammapiṭaka (aṭṭhakathā) / പഞ്ചപകരണ-അട്ഠകഥാ • Pañcapakaraṇa-aṭṭhakathā / ൯. ധമ്മട്ഠിതതാകഥാവണ്ണനാ • 9. Dhammaṭṭhitatākathāvaṇṇanā
ടീകാ • Tīkā / അഭിധമ്മപിടക (ടീകാ) • Abhidhammapiṭaka (ṭīkā) / പഞ്ചപകരണ-മൂലടീകാ • Pañcapakaraṇa-mūlaṭīkā / ൯. ധമ്മട്ഠിതതാകഥാവണ്ണനാ • 9. Dhammaṭṭhitatākathāvaṇṇanā
