| Library / Tipiṭaka / д̇ибидага • Tipiṭaka / бадисамбхид̣̇аамаг̇г̇а-адтагат̇аа • Paṭisambhidāmagga-aṭṭhakathā |
4. д̇хаммадтид̇ин̃аан̣анид̣̇д̣̇зсаван̣н̣анаа
4. Dhammaṭṭhitiñāṇaniddesavaṇṇanā
45. д̇хаммадтид̇ин̃аан̣анид̣̇д̣̇зсз авиж̇ж̇аасан̇каараанам̣ уббаад̣̇адтид̇ийд̇иаад̣̇ийсу д̇идтанд̇и зд̇ааяа сан̇каараад̇и тид̇и. гаа саа? авиж̇ж̇аа. саа хи сан̇каараанам̣ уббаад̣̇ааяа ниб̣б̣ад̇д̇ияаа тид̇и гааран̣анд̇и уббаад̣̇адтид̇и. уббаннаанам̣ бавад̇д̇ияааби гааран̣анд̇и бавад̇д̇адтид̇и. гин̃жааби хи ж̇анагабажжаяасса ж̇ананагкан̣зязва гижжаанубхааво ход̇и, д̇зна бана ж̇анид̇аанам̣язва бавад̇д̇ад̇д̇аа сагагкан̣з бавад̇д̇ияааби гааран̣ам̣ наама ход̇и, санд̇ад̇ивасзна ваа бавад̇д̇ияаа гааран̣анд̇и ад̇т̇о . бавад̇д̇анд̇и жа набум̣сагз бхаававажанамзд̇ам̣, д̇асмаа бавад̇д̇ам̣ бавад̇д̇ийд̇и ад̇т̇ад̇о згам̣. бавад̇д̇исад̣̇д̣̇асса бана баагадад̇д̇аа д̇зна яож̇зд̇ваа ад̇т̇о вуд̇д̇о. бхаавзби тид̇исад̣̇д̣̇асса сиж̇жханад̇о на ид̇ха бхаавз тид̇исад̣̇д̣̇о, гааран̣з тид̇исад̣̇д̣̇од̇и д̣̇ассанад̇д̇ам̣ нимид̇д̇адтид̇ийд̇и вуд̇д̇ам̣, нимид̇д̇абхууд̇аа тид̇ийд̇и ад̇т̇о, гааран̣абхууд̇аад̇и вуд̇д̇ам̣ ход̇и. на гзвалам̣ нимид̇д̇амад̇д̇ам̣ ход̇и, ат̇а ко сан̇каараж̇ананз саб̣яаабаараа вияа худ̇ваа ааяуухад̇и вааяамад̇ийд̇и бажжаяасамад̇т̇ад̇ам̣ д̣̇ассзнд̇о ааяууханадтид̇ийд̇и ааха, ааяууханабхууд̇аа тид̇ийд̇и ад̇т̇о. яасмаа авиж̇ж̇аа сан̇каарз уббаад̣̇аяамаанаа уббаад̣̇з сам̣яож̇зд̇и наама, гхадзд̇ийд̇и ад̇т̇о. сан̇каарз бавад̇д̇аяамаанаа бавад̇д̇ияам̣ балиб̣унд̇хад̇и наама, б̣анд̇хад̇ийд̇и ад̇т̇о. д̇асмаа сан̃н̃ог̇адтид̇и балиб̣од̇хадтид̇ийд̇и вуд̇д̇аа. сан̃н̃ог̇абхууд̇аа тид̇и, балиб̣од̇хабхууд̇аа тид̇ийд̇и ад̇т̇о. яасмаа авиж̇ж̇аава сан̇каарз уббаад̣̇аяамаанаа уббаад̣̇ааяа бавад̇д̇ияаа жа муулагааран̣адтзна самуд̣̇аяо наама, самуд̣̇аяабхууд̇аа тид̇ийд̇и самуд̣̇аяадтид̇и, муулагааран̣абхууд̇аа тид̇ийд̇и ад̇т̇о. авиж̇ж̇аава сан̇каараанам̣ уббаад̣̇з ж̇анагабажжаяад̇д̇аа, бавад̇д̇ияам̣ убад̇т̇амбхагабажжаяад̇д̇аа хзд̇удтид̇и бажжаяадтид̇ийд̇и вуд̇д̇аа, хзд̇убхууд̇аа тид̇и, бажжаяабхууд̇аа тид̇ийд̇и ад̇т̇о. ж̇анагабажжаяо хи хзд̇ууд̇и, убад̇т̇амбхаго бажжаяод̇и вужжад̇и. звам̣ сзсзсуби яож̇зд̇аб̣б̣ам̣.
45. Dhammaṭṭhitiñāṇaniddese avijjāsaṅkhārānaṃ uppādaṭṭhitītiādīsu tiṭṭhanti etāya saṅkhārāti ṭhiti. Kā sā? Avijjā. Sā hi saṅkhārānaṃ uppādāya nibbattiyā ṭhiti kāraṇanti uppādaṭṭhiti. Uppannānaṃ pavattiyāpi kāraṇanti pavattaṭṭhiti. Kiñcāpi hi janakapaccayassa jananakkhaṇeyeva kiccānubhāvo hoti, tena pana janitānaṃyeva pavattattā sakakkhaṇe pavattiyāpi kāraṇaṃ nāma hoti, santativasena vā pavattiyā kāraṇanti attho . Pavattanti ca napuṃsake bhāvavacanametaṃ, tasmā pavattaṃ pavattīti atthato ekaṃ. Pavattisaddassa pana pākaṭattā tena yojetvā attho vutto. Bhāvepi ṭhitisaddassa sijjhanato na idha bhāve ṭhitisaddo, kāraṇe ṭhitisaddoti dassanattaṃ nimittaṭṭhitīti vuttaṃ, nimittabhūtā ṭhitīti attho, kāraṇabhūtāti vuttaṃ hoti. Na kevalaṃ nimittamattaṃ hoti, atha kho saṅkhārajanane sabyāpārā viya hutvā āyūhati vāyamatīti paccayasamatthataṃ dassento āyūhanaṭṭhitīti āha, āyūhanabhūtā ṭhitīti attho. Yasmā avijjā saṅkhāre uppādayamānā uppāde saṃyojeti nāma, ghaṭetīti attho. Saṅkhāre pavattayamānā pavattiyaṃ palibundhati nāma, bandhatīti attho. Tasmā saññogaṭṭhiti palibodhaṭṭhitīti vuttā. Saññogabhūtā ṭhiti, palibodhabhūtā ṭhitīti attho. Yasmā avijjāva saṅkhāre uppādayamānā uppādāya pavattiyā ca mūlakāraṇaṭṭhena samudayo nāma, samudayabhūtā ṭhitīti samudayaṭṭhiti, mūlakāraṇabhūtā ṭhitīti attho. Avijjāva saṅkhārānaṃ uppāde janakapaccayattā, pavattiyaṃ upatthambhakapaccayattā hetuṭṭhiti paccayaṭṭhitīti vuttā, hetubhūtā ṭhiti, paccayabhūtā ṭhitīti attho. Janakapaccayo hi hetūti, upatthambhako paccayoti vuccati. Evaṃ sesesupi yojetabbaṃ.
бхаво ж̇аад̇ияаа, ж̇аад̇и ж̇араамаран̣ассаад̇и зд̇т̇а бана уббаад̣̇адтид̇и сан̃н̃ог̇адтид̇и хзд̇удтид̇ийд̇и уббаад̣̇авасзна яож̇ид̇аани бад̣̇аани ж̇аад̇иж̇араамаран̣аванд̇аанам̣ канд̇хаанам̣ васзна барияааязна вуд̇д̇аанийд̇и взд̣̇ид̇аб̣б̣аани. гзжи бана ‘‘уббаад̣̇ааяа тид̇и уббаад̣̇адтид̇ий’’д̇и звамаад̣̇инаа наязнзд̇т̇а ад̇т̇ам̣ ван̣н̣аяанд̇и. авиж̇ж̇аа бажжаяод̇и авиж̇ж̇ааяа сан̇каараанам̣ бажжаяабхаавам̣ абзгкид̇ваа вуд̇д̇ам̣. авиж̇ж̇ааяаби бажжаяасамбхууд̇ад̇д̇аа д̇ассаа аби бажжаяабариг̇г̇ахан̣ад̣̇ассанад̇т̇ам̣ убхобзд̇з д̇хаммаа бажжаяасамуббаннаад̇и бажжаяабариг̇г̇ахз бан̃н̃аад̇и вуд̇д̇ам̣. звам̣ сзсзсуби яож̇зд̇аб̣б̣ам̣. ж̇аад̇и бажжаяо, ж̇араамаран̣ам̣ бажжаяасамуббаннанд̇и бана барияааязна вуд̇д̇ам̣. ад̇ийд̇амби ад̣̇д̇хаананд̇и ад̇игганд̇амби гаалам̣. анааг̇ад̇амби ад̣̇д̇хаананд̇и аббад̇д̇амби гаалам̣. убхаяад̇т̇ааби ажжанд̇асам̣яог̇ад̇т̇з убаяог̇аважанам̣.
Bhavojātiyā, jāti jarāmaraṇassāti ettha pana uppādaṭṭhiti saññogaṭṭhiti hetuṭṭhitīti uppādavasena yojitāni padāni jātijarāmaraṇavantānaṃ khandhānaṃ vasena pariyāyena vuttānīti veditabbāni. Keci pana ‘‘uppādāya ṭhiti uppādaṭṭhitī’’ti evamādinā nayenettha atthaṃ vaṇṇayanti. Avijjā paccayoti avijjāya saṅkhārānaṃ paccayabhāvaṃ apekkhitvā vuttaṃ. Avijjāyapi paccayasambhūtattā tassā api paccayapariggahaṇadassanatthaṃ ubhopete dhammā paccayasamuppannāti paccayapariggahe paññāti vuttaṃ. Evaṃ sesesupi yojetabbaṃ. Jāti paccayo, jarāmaraṇaṃ paccayasamuppannanti pana pariyāyena vuttaṃ. Atītampi addhānanti atikkantampi kālaṃ. Anāgatampi addhānanti appattampi kālaṃ. Ubhayatthāpi accantasaṃyogatthe upayogavacanaṃ.
46. ид̣̇аани наваагаараваараананд̇арам̣ д̇з наваагаарз вихааяа хзд̇убадижжабажжаяабад̣̇зхзва яож̇зд̇ваа авиж̇ж̇аа хзд̇у, сан̇каараа хзд̇усамуббаннаад̇иаад̣̇аяо д̇аяо ваараа нид̣̇д̣̇идтаа. наваагаараваарз ж̇анагаубад̇т̇амбхагавасзна бажжаяо вуд̇д̇о. ид̇ха бана хзд̇уваарасса бажжаяаваарасса жа висум̣ ааг̇ад̇ад̇д̇аа хзд̇ууд̇и ж̇анагабажжаяад̇д̇ам̣, бажжаяод̇и убад̇т̇амбхагабажжаяад̇д̇ам̣ взд̣̇ид̇аб̣б̣ам̣ згзгассааби авиж̇ж̇аад̣̇игасса бажжаяасса убхаяат̇аа самбхавад̇о. бадижжаваарз авиж̇ж̇аа бадижжаад̇и ад̇д̇ано уббаад̣̇з сан̇каараанам̣ авиж̇ж̇аабзгкад̇д̇аа сан̇каарзхи авиж̇ж̇аа бадимукам̣ зд̇аб̣б̣аа г̇анд̇аб̣б̣аад̇и бадижжаа. зд̇зна авиж̇ж̇ааяа сан̇кааруббаад̣̇анасамад̇т̇ад̇аа вуд̇д̇аа ход̇и. сан̇каараа бадижжасамуббаннаад̇и сан̇каараа авиж̇ж̇ам̣ бадижжа д̇ад̣̇абхимукам̣ бавад̇д̇анад̇о бадимукам̣ гад̇ваа на вихааяа самам̣ уббаннаа. звам̣ сзсзсуби лин̇г̇аануруубзна яож̇зд̇аб̣б̣ам̣. авиж̇ж̇аа бадижжаад̇и уссуггавасзна ваа баато, ад̇т̇о банзд̇т̇а авиж̇ж̇аа ад̇д̇ано бажжаяз бадижжа бавад̇д̇аад̇и баатасзсавасзна яож̇зд̇аб̣б̣о. звам̣ сзсзсуби. жад̇уусуби жа зд̇зсу ваарзсу д̣̇ваад̣̇асаннам̣ бадижжасамуббаад̣̇ан̇г̇аанам̣ бажжаяассзва васзна д̇хаммадтид̇ин̃аан̣асса нид̣̇д̣̇исид̇аб̣б̣ад̇д̇аа авиж̇ж̇аад̣̇ийнам̣ згаад̣̇асаннам̣язва ан̇г̇аанам̣ васзна д̇хаммадтид̇ин̃аан̣ам̣ нид̣̇д̣̇идтам̣, ж̇араамаран̣асса бана анд̇з тид̇ад̇д̇аа д̇асса васзна на нид̣̇д̣̇идтам̣. ж̇араамаран̣ассааби согабарид̣̇звад̣̇угкад̣̇оманассубааяаасаанам̣ бажжаяад̇д̇аа ж̇араамаран̣ам̣ д̇зсам̣ бажжаяам̣ гад̇ваа убабаригкамаанасса д̇ассааби ж̇араамаран̣асса васзна д̇хаммадтид̇ин̃аан̣ам̣ яуж̇ж̇ад̇зва.
46. Idāni navākāravārānantaraṃ te navākāre vihāya hetupaṭiccapaccayapadeheva yojetvā avijjā hetu, saṅkhārā hetusamuppannātiādayo tayo vārā niddiṭṭhā. Navākāravāre janakaupatthambhakavasena paccayo vutto. Idha pana hetuvārassa paccayavārassa ca visuṃ āgatattā hetūti janakapaccayattaṃ, paccayoti upatthambhakapaccayattaṃ veditabbaṃ ekekassāpi avijjādikassa paccayassa ubhayathā sambhavato. Paṭiccavāre avijjā paṭiccāti attano uppāde saṅkhārānaṃ avijjāpekkhattā saṅkhārehi avijjā paṭimukhaṃ etabbā gantabbāti paṭiccā. Etena avijjāya saṅkhāruppādanasamatthatā vuttā hoti. Saṅkhārā paṭiccasamuppannāti saṅkhārā avijjaṃ paṭicca tadabhimukhaṃ pavattanato paṭimukhaṃ katvā na vihāya samaṃ uppannā. Evaṃ sesesupi liṅgānurūpena yojetabbaṃ. Avijjā paṭiccāti ussukkavasena vā pāṭho, attho panettha avijjā attano paccaye paṭicca pavattāti pāṭhasesavasena yojetabbo. Evaṃ sesesupi. Catūsupi ca etesu vāresu dvādasannaṃ paṭiccasamuppādaṅgānaṃ paccayasseva vasena dhammaṭṭhitiñāṇassa niddisitabbattā avijjādīnaṃ ekādasannaṃyeva aṅgānaṃ vasena dhammaṭṭhitiñāṇaṃ niddiṭṭhaṃ, jarāmaraṇassa pana ante ṭhitattā tassa vasena na niddiṭṭhaṃ. Jarāmaraṇassāpi sokaparidevadukkhadomanassupāyāsānaṃ paccayattā jarāmaraṇaṃ tesaṃ paccayaṃ katvā upaparikkhamānassa tassāpi jarāmaraṇassa vasena dhammaṭṭhitiñāṇaṃ yujjateva.
47. ид̣̇аани д̇аанзва д̣̇ваад̣̇аса бадижжасамуббаад̣̇ан̇г̇аани вийсад̇иаагааравасзна вибхаж̇ид̇ваа жад̇усан̇кзбад̇ияад̣̇д̇хад̇исанд̇хияо д̣̇ассзд̇ваа д̇хаммадтид̇ин̃аан̣ам̣ нид̣̇д̣̇исид̇угаамо буримагаммабхавасминд̇иаад̣̇имааха. д̇ад̇т̇а буримагаммабхавасминд̇и буримз гаммабхавз, ад̇ийд̇аж̇аад̇ияам̣ гаммабхавз гарияамаанзд̇и ад̇т̇о. мохо авиж̇ж̇аад̇и яо д̇ад̣̇аа д̣̇угкаад̣̇ийсу мохо, язна муул̣хо гаммам̣ гарод̇и, саа авиж̇ж̇аа. ааяууханаа сан̇каараад̇и д̇ам̣ гаммам̣ гаронд̇асса буримажзд̇анааяо, яат̇аа ‘‘д̣̇аанам̣ д̣̇ассаамий’’д̇и жид̇д̇ам̣ уббаад̣̇зд̇ваа маасамби сам̣важчарамби д̣̇аануубагаран̣аани саж̇ж̇знд̇асса уббаннаа буримажзд̇анааяо. бадиг̇г̇аахагаанам̣ бана хад̇т̇з д̣̇агкин̣ам̣ бад̇идтаабаяад̇о жзд̇анаа бхавод̇и вужжад̇и. згааваж̇ж̇анзсу ваа часу ж̇аванзсу жзд̇анаа ааяууханаа сан̇каараа наама, сад̇д̇амаж̇аванз жзд̇анаа бхаво. яаа гаажи ваа бана жзд̇анаа бхаво, д̇ам̣самбаяуд̇д̇аа ааяууханаа сан̇каараа наама.
47. Idāni tāneva dvādasa paṭiccasamuppādaṅgāni vīsatiākāravasena vibhajitvā catusaṅkhepatiyaddhatisandhiyo dassetvā dhammaṭṭhitiñāṇaṃ niddisitukāmo purimakammabhavasmintiādimāha. Tattha purimakammabhavasminti purime kammabhave, atītajātiyaṃ kammabhave kariyamāneti attho. Moho avijjāti yo tadā dukkhādīsu moho, yena mūḷho kammaṃ karoti, sā avijjā. Āyūhanā saṅkhārāti taṃ kammaṃ karontassa purimacetanāyo, yathā ‘‘dānaṃ dassāmī’’ti cittaṃ uppādetvā māsampi saṃvaccharampi dānūpakaraṇāni sajjentassa uppannā purimacetanāyo. Paṭiggāhakānaṃ pana hatthe dakkhiṇaṃ patiṭṭhāpayato cetanā bhavoti vuccati. Ekāvajjanesu vā chasu javanesu cetanā āyūhanā saṅkhārā nāma, sattamajavane cetanā bhavo. Yā kāci vā pana cetanā bhavo, taṃsampayuttā āyūhanā saṅkhārā nāma.
ниганд̇и д̇ан̣хаад̇и яаа гаммам̣ гаронд̇асса д̇асса палз убабад̇д̇ибхавз нигааманаа бад̇т̇анаа, саа д̇ан̣хаа наама. убаг̇аманам̣ убаад̣̇аананд̇и яам̣ гаммабхавасса бажжаяабхууд̇ам̣ ‘‘имасмим̣ наама гаммз гад̇з гаамаа самбаж̇ж̇анд̇ий’’д̇и ваа ‘‘ид̣̇ам̣ гад̇ваа асугасмим̣ наама таанз гаамз сзвиссаамий’’д̇и ваа ‘‘ад̇д̇аа ужчинно суужчинно ход̇ий’’д̇и ваа ‘‘сукий ход̇им̣ виг̇ад̇абарил̣аахо’’д̇и ваа ‘‘сийлаб̣б̣ад̇ам̣ сукзна барибуурад̇ий’’д̇и ваа бавад̇д̇ам̣ убаг̇аманам̣ д̣̇ал̣хаг̇ахан̣ам̣, ид̣̇ам̣ убаад̣̇аанам̣ наама. жзд̇анаа бхавод̇и ааяууханаавасаанз вуд̇д̇аа жзд̇анаа бхаво наама. буримагаммабхавасминд̇и ад̇ийд̇аж̇аад̇ияаа гаммабхавз гарияамаанз бавад̇д̇аа. ид̇ха бадисанд̇хияаа бажжаяаад̇и бажжуббаннабадисанд̇хияаа бажжаяабхууд̇аа.
Nikanti taṇhāti yā kammaṃ karontassa tassa phale upapattibhave nikāmanā patthanā, sā taṇhā nāma. Upagamanaṃ upādānanti yaṃ kammabhavassa paccayabhūtaṃ ‘‘imasmiṃ nāma kamme kate kāmā sampajjantī’’ti vā ‘‘idaṃ katvā asukasmiṃ nāma ṭhāne kāme sevissāmī’’ti vā ‘‘attā ucchinno suucchinno hotī’’ti vā ‘‘sukhī hotiṃ vigatapariḷāho’’ti vā ‘‘sīlabbataṃ sukhena paripūratī’’ti vā pavattaṃ upagamanaṃ daḷhagahaṇaṃ, idaṃ upādānaṃ nāma. Cetanā bhavoti āyūhanāvasāne vuttā cetanā bhavo nāma. Purimakammabhavasminti atītajātiyā kammabhave kariyamāne pavattā. Idha paṭisandhiyā paccayāti paccuppannapaṭisandhiyā paccayabhūtā.
ид̇ха бадисанд̇хи вин̃н̃аан̣анд̇и яам̣ бажжуббаннабхавасса бхаванд̇арабадисанд̇хаанавасзна уббаннад̇д̇аа бадисанд̇хийд̇и вужжад̇и, д̇ам̣ вин̃н̃аан̣ам̣. огганд̇и наамаруубанд̇и яаа г̇аб̣бхз руубааруубад̇хаммаанам̣ огганд̇и ааг̇анд̇ваа бависанам̣ вияа, ид̣̇ам̣ наамаруубам̣. басаад̣̇о ааяад̇ананд̇и яо басаннабхааво, ид̣̇ам̣ ааяад̇анам̣. ж̇аад̇иг̇г̇ахан̣зна згаважанам̣ гад̇ам̣. зд̇зна жагкаад̣̇ийни бан̃жааяад̇анаани вуд̇д̇аани. ‘‘бабхассарамид̣̇ам̣, бхигкавз, жид̇д̇ам̣, д̇ан̃жа ко ааг̇анд̇угзхи убаггилзсзхи убаггилидта’’нд̇и (а. ни. 1.49) зд̇т̇а бхаван̇г̇ажид̇д̇ам̣ ад̇хиббзд̇анд̇и важанад̇о ид̇хааби манааяад̇анасса вибаагабхууд̇ад̇д̇аа, д̇асса жа гилзсагаалуссияаабхаавзна басаннад̇д̇аа басаад̣̇аважанзна манааяад̇анамби вуд̇д̇анд̇и взд̣̇ид̇аб̣б̣ам̣. пудто пассод̇и яо аарамман̣ам̣ пудто пусанд̇о уббанно, аяам̣ пассо. взд̣̇аяид̇ам̣ взд̣̇анаад̇и яам̣ бадисанд̇хивин̃н̃аан̣зна ваа сал̣ааяад̇анабажжаязна ваа пассзна саха уббаннам̣ вибаагавзд̣̇аяид̇ам̣, аяам̣ взд̣̇анаа. ид̇хубабад̇д̇ибхавасмим̣ бурзгад̇асса гаммасса бажжаяаад̇и бажжуббаннз вибаагабхавз ад̇ийд̇аж̇аад̇ияам̣ гад̇асса гаммасса бажжаязна бавад̇д̇анд̇ийд̇и ад̇т̇о.
Idha paṭisandhi viññāṇanti yaṃ paccuppannabhavassa bhavantarapaṭisandhānavasena uppannattā paṭisandhīti vuccati, taṃ viññāṇaṃ. Okkanti nāmarūpanti yā gabbhe rūpārūpadhammānaṃ okkanti āgantvā pavisanaṃ viya, idaṃ nāmarūpaṃ. Pasādo āyatananti yo pasannabhāvo, idaṃ āyatanaṃ. Jātiggahaṇena ekavacanaṃ kataṃ. Etena cakkhādīni pañcāyatanāni vuttāni. ‘‘Pabhassaramidaṃ, bhikkhave, cittaṃ, tañca kho āgantukehi upakkilesehi upakkiliṭṭha’’nti (a. ni. 1.49) ettha bhavaṅgacittaṃ adhippetanti vacanato idhāpi manāyatanassa vipākabhūtattā, tassa ca kilesakālussiyābhāvena pasannattā pasādavacanena manāyatanampi vuttanti veditabbaṃ. Phuṭṭho phassoti yo ārammaṇaṃ phuṭṭho phusanto uppanno, ayaṃ phasso. Vedayitaṃ vedanāti yaṃ paṭisandhiviññāṇena vā saḷāyatanapaccayena vā phassena saha uppannaṃ vipākavedayitaṃ, ayaṃ vedanā. Idhupapattibhavasmiṃ purekatassa kammassa paccayāti paccuppanne vipākabhave atītajātiyaṃ katassa kammassa paccayena pavattantīti attho.
ид̇ха барибаггад̇д̇аа ааяад̇анаананд̇и барибаггааяад̇анасса гаммагаран̣агаалз мохаад̣̇аяо д̣̇ассид̇аа. ааяад̇им̣ бадисанд̇хияаад̇и анааг̇ад̇з бадисанд̇хияаа. ааяад̇им̣ бадисанд̇хи вин̃н̃аан̣анд̇иаад̣̇ийни вуд̇д̇ад̇т̇аани.
Idha paripakkattā āyatanānanti paripakkāyatanassa kammakaraṇakāle mohādayo dassitā. Āyatiṃ paṭisandhiyāti anāgate paṭisandhiyā. Āyatiṃ paṭisandhi viññāṇantiādīni vuttatthāni.
гат̇ам̣ бана д̣̇ваад̣̇асахи бадижжасамуббаад̣̇ан̇г̇зхи имз вийсад̇и аагаараа г̇ахид̇аа хонд̇ийд̇и? авиж̇ж̇аа сан̇каараад̇и имз д̣̇вз ад̇ийд̇ахзд̇уяо саруубад̇о вуд̇д̇аа. яасмаа бана авид̣̇ваа барид̇ассад̇и, барид̇ассид̇о убаад̣̇ияад̇и, д̇ассубаад̣̇аанабажжаяаа бхаво, д̇асмаа д̇зхи д̣̇вийхи г̇ахид̇зхи д̇ан̣хубаад̣̇аанабхавааби г̇ахид̇аава хонд̇и. бажжуббаннз вин̃н̃аан̣анаамаруубасал̣ааяад̇анапассавзд̣̇анаа саруубад̇о вуд̇д̇ааязва. д̇ан̣хубаад̣̇аанабхаваа бажжуббаннахзд̇уяо саруубад̇о вуд̇д̇аа . бхавз бана г̇ахид̇з д̇асса буб̣б̣абхааг̇аа д̇ам̣самбаяуд̇д̇аа ваа сан̇каараа г̇ахид̇аава хонд̇и, д̇ан̣хубаад̣̇аанаг̇г̇ахан̣зна жа д̇ам̣самбаяуд̇д̇аа. яааяа ваа муул̣хо гаммам̣ гарод̇и, саа авиж̇ж̇аа г̇ахид̇аава ход̇и. анааг̇ад̇з ж̇аад̇и ж̇араамаран̣анд̇и д̣̇вз саруубзна вуд̇д̇аани, ж̇аад̇иж̇араамаран̣аг̇г̇ахан̣знзва бана вин̃н̃аан̣аад̣̇ийни бан̃жа анааг̇ад̇апалаани г̇ахид̇аанзва хонд̇и. д̇зсам̣язва хи ж̇аад̇иж̇араамаран̣аанийд̇и звам̣ д̣̇ваад̣̇асахи ан̇г̇зхи вийсад̇и аагаараа г̇ахид̇аа хонд̇и.
Kathaṃ pana dvādasahi paṭiccasamuppādaṅgehi ime vīsati ākārā gahitā hontīti? Avijjā saṅkhārāti ime dve atītahetuyo sarūpato vuttā. Yasmā pana avidvā paritassati, paritassito upādiyati, tassupādānapaccayā bhavo, tasmā tehi dvīhi gahitehi taṇhupādānabhavāpi gahitāva honti. Paccuppanne viññāṇanāmarūpasaḷāyatanaphassavedanā sarūpato vuttāyeva. Taṇhupādānabhavā paccuppannahetuyo sarūpato vuttā . Bhave pana gahite tassa pubbabhāgā taṃsampayuttā vā saṅkhārā gahitāva honti, taṇhupādānaggahaṇena ca taṃsampayuttā. Yāya vā mūḷho kammaṃ karoti, sā avijjā gahitāva hoti. Anāgate jāti jarāmaraṇanti dve sarūpena vuttāni, jātijarāmaraṇaggahaṇeneva pana viññāṇādīni pañca anāgataphalāni gahitāneva honti. Tesaṃyeva hi jātijarāmaraṇānīti evaṃ dvādasahi aṅgehi vīsati ākārā gahitā honti.
‘‘ад̇ийд̇з хзд̇аво бан̃жа, ид̣̇аани палабан̃жагам̣;
‘‘Atīte hetavo pañca, idāni phalapañcakaṃ;
ид̣̇аани хзд̇аво бан̃жа, ааяад̇им̣ палабан̃жага’’нд̇и. –
Idāni hetavo pañca, āyatiṃ phalapañcaka’’nti. –
г̇аат̇ааяа аяамзвад̇т̇о вуд̇д̇о. ид̇имзд̇и ид̇и имз. ид̇и имзд̇и ваа баато.
Gāthāya ayamevattho vutto. Itimeti iti ime. Iti imeti vā pāṭho.
жад̇усан̇кзбзд̇и жад̇уро раасий. ад̇ийд̇з бан̃жа хзд̇уд̇хаммаа зго хзд̇усан̇кзбо, бажжуббаннз бан̃жа палад̇хаммаа зго паласан̇кзбо, бажжуббаннз бан̃жа хзд̇уд̇хаммаа зго хзд̇усан̇кзбо, анааг̇ад̇з бан̃жа палад̇хаммаа зго паласан̇кзбо.
Catusaṅkhepeti caturo rāsī. Atīte pañca hetudhammā eko hetusaṅkhepo, paccuppanne pañca phaladhammā eko phalasaṅkhepo, paccuppanne pañca hetudhammā eko hetusaṅkhepo, anāgate pañca phaladhammā eko phalasaṅkhepo.
д̇аяо ад̣̇д̇хзд̇и д̇аяо гаалз. батамабан̃жагавасзна ад̇ийд̇агаало, д̣̇уд̇ияад̇ад̇ияабан̃жагавасзна бажжуббаннагаало, жад̇уд̇т̇абан̃жагавасзна анааг̇ад̇агаало взд̣̇ид̇аб̣б̣о.
Tayo addheti tayo kāle. Paṭhamapañcakavasena atītakālo, dutiyatatiyapañcakavasena paccuppannakālo, catutthapañcakavasena anāgatakālo veditabbo.
д̇исанд̇хинд̇и д̇аяо санд̇хаяо ассаад̇и д̇исанд̇хи, д̇ам̣ д̇исанд̇хим̣. ад̇ийд̇ахзд̇убажжуббаннапалаанаманд̇араа зго хзд̇упаласанд̇хи, бажжуббаннапалаанааг̇ад̇ахзд̇уунаманд̇араа зго палахзд̇усанд̇хи, бажжуббаннахзд̇уанааг̇ад̇апалаанаманд̇араа зго хзд̇упаласанд̇хи.
Tisandhinti tayo sandhayo assāti tisandhi, taṃ tisandhiṃ. Atītahetupaccuppannaphalānamantarā eko hetuphalasandhi, paccuppannaphalaanāgatahetūnamantarā eko phalahetusandhi, paccuppannahetuanāgataphalānamantarā eko hetuphalasandhi.
бадижжасамуббаад̣̇абаал̣ияам̣ саруубад̇о ааг̇ад̇авасзна бана авиж̇ж̇аасан̇каараа зго сан̇кзбо, вин̃н̃аан̣анаамаруубасал̣ааяад̇анапассавзд̣̇анаа д̣̇уд̇ияо, д̇ан̣хубаад̣̇аанабхаваа д̇ад̇ияо, ж̇аад̇иж̇араамаран̣ам̣ жад̇уд̇т̇о. авиж̇ж̇аасан̇каараад̇и д̣̇вз ан̇г̇аани ад̇ийд̇агаалаани, вин̃н̃аан̣аад̣̇ийни бхаваавасаанаани адта бажжуббаннагаалаани , ж̇аад̇иж̇араамаран̣анд̇и д̣̇вз анааг̇ад̇агаалаани. сан̇кааравин̃н̃аан̣аанам̣ анд̇араа зго хзд̇упаласанд̇хи, взд̣̇анаад̇ан̣хаанаманд̇араа зго палахзд̇усанд̇хи, бхаваж̇аад̇ийнаманд̇араа зго хзд̇упаласанд̇хи.
Paṭiccasamuppādapāḷiyaṃ sarūpato āgatavasena pana avijjāsaṅkhārā eko saṅkhepo, viññāṇanāmarūpasaḷāyatanaphassavedanā dutiyo, taṇhupādānabhavā tatiyo, jātijarāmaraṇaṃ catuttho. Avijjāsaṅkhārāti dve aṅgāni atītakālāni, viññāṇādīni bhavāvasānāni aṭṭha paccuppannakālāni , jātijarāmaraṇanti dve anāgatakālāni. Saṅkhāraviññāṇānaṃ antarā eko hetuphalasandhi, vedanātaṇhānamantarā eko phalahetusandhi, bhavajātīnamantarā eko hetuphalasandhi.
вийсад̇ияаа аагаарзхийд̇и вийсад̇ияаа годтаасзхи. жад̇усан̇кзбз жа д̇аяо ад̣̇д̇хз жа д̇исанд̇хим̣ бадижжасамуббаад̣̇ан̃жа вийсад̇ияаа аагаарзхи ж̇аанаад̇ийд̇и самб̣анд̇хо.
Vīsatiyāākārehīti vīsatiyā koṭṭhāsehi. Catusaṅkhepe ca tayo addhe ca tisandhiṃ paṭiccasamuppādañca vīsatiyā ākārehi jānātīti sambandho.
ж̇аанаад̇ийд̇и суд̇аанусаарзна бхааванаарамбхан̃аан̣зна ж̇аанаад̇и. бассад̇ийд̇и н̃аад̇амзва жагкунаа д̣̇идтам̣ вияа хад̇т̇ад̇алз аамалагам̣ вияа жа пудам̣ гад̇ваа н̃аан̣знзва бассад̇и. ан̃н̃аад̇ийд̇и д̣̇идтамарияаад̣̇знзва аасзванам̣ гаронд̇о н̃аан̣знзва ж̇аанаад̇и. марияаад̣̇ад̇т̇о хи зд̇т̇а аагааро. бадивиж̇жхад̇ийд̇и бхааванаабаарибуурияаа нидтам̣ баабзнд̇о н̃аан̣знзва бадивзд̇хам̣ гарод̇и. салагкан̣авасзна ваа ж̇аанаад̇и, сарасавасзна бассад̇и, бажжубадтаанавасзна ан̃н̃аад̇и, бад̣̇адтаанавасзна бадивиж̇жхад̇и.
Jānātīti sutānusārena bhāvanārambhañāṇena jānāti. Passatīti ñātameva cakkhunā diṭṭhaṃ viya hatthatale āmalakaṃ viya ca phuṭaṃ katvā ñāṇeneva passati. Aññātīti diṭṭhamariyādeneva āsevanaṃ karonto ñāṇeneva jānāti. Mariyādattho hi ettha ākāro. Paṭivijjhatīti bhāvanāpāripūriyā niṭṭhaṃ pāpento ñāṇeneva paṭivedhaṃ karoti. Salakkhaṇavasena vā jānāti, sarasavasena passati, paccupaṭṭhānavasena aññāti, padaṭṭhānavasena paṭivijjhati.
д̇ад̇т̇а бадижжасамуббаад̣̇од̇и бажжаяад̇хаммаа взд̣̇ид̇аб̣б̣аа. бадижжасамуббаннаа д̇хаммаад̇и д̇зхи д̇зхи бажжаязхи ниб̣б̣ад̇д̇ад̇хаммаа. гат̇амид̣̇ам̣ ж̇аанид̇аб̣б̣анд̇и жз? бхаг̇авад̇о важанзна. бхаг̇авад̇аа хи бадижжасамуббаад̣̇абадижжасамуббаннад̇хаммад̣̇зсанаасуд̇д̇з –
Tattha paṭiccasamuppādoti paccayadhammā veditabbā. Paṭiccasamuppannā dhammāti tehi tehi paccayehi nibbattadhammā. Kathamidaṃ jānitabbanti ce? Bhagavato vacanena. Bhagavatā hi paṭiccasamuppādapaṭiccasamuppannadhammadesanāsutte –
‘‘гад̇амо жа, бхигкавз, бадижжасамуббаад̣̇о, ж̇аад̇ибажжаяаа, бхигкавз, ж̇араамаран̣ам̣, уббаад̣̇аа ваа д̇ат̇ааг̇ад̇аанам̣ ануббаад̣̇аа ваа д̇ат̇ааг̇ад̇аанам̣ тид̇аава саа д̇хаад̇у д̇хаммадтид̇ад̇аа д̇хамманияаамад̇аа ид̣̇аббажжаяад̇аа, д̇ам̣ д̇ат̇ааг̇ад̇о абхисамб̣уж̇жхад̇и абхисамзд̇и, абхисамб̣уж̇жхид̇ваа абхисамзд̇ваа аажигкад̇и д̣̇зсзд̇и бан̃н̃аабзд̇и бадтабзд̇и виварад̇и вибхаж̇ад̇и уд̇д̇аанийгарод̇и ‘бассат̇аа’д̇и жааха. ж̇аад̇ибажжаяаа, бхигкавз, ж̇араамаран̣ам̣, бхавабажжаяаа, бхигкавз, ж̇аад̇и…бз… авиж̇ж̇аабажжаяаа, бхигкавз, сан̇каараа. уббаад̣̇аа ваа д̇ат̇ааг̇ад̇аанам̣…бз… уд̇д̇аанийгарод̇и ‘бассат̇аа’д̇и жааха. авиж̇ж̇аабажжаяаа, бхигкавз, сан̇каараа. ид̇и ко, бхигкавз, яаа д̇ад̇рад̇а т̇ад̇аа авид̇ат̇ад̇аа анан̃н̃ат̇ад̇аа ид̣̇аббажжаяад̇аа. аяам̣ вужжад̇и, бхигкавз, бадижжасамуббаад̣̇о’’д̇и (сам̣. ни. 2.20) –
‘‘Katamo ca, bhikkhave, paṭiccasamuppādo, jātipaccayā, bhikkhave, jarāmaraṇaṃ, uppādā vā tathāgatānaṃ anuppādā vā tathāgatānaṃ ṭhitāva sā dhātu dhammaṭṭhitatā dhammaniyāmatā idappaccayatā, taṃ tathāgato abhisambujjhati abhisameti, abhisambujjhitvā abhisametvā ācikkhati deseti paññāpeti paṭṭhapeti vivarati vibhajati uttānīkaroti ‘passathā’ti cāha. Jātipaccayā, bhikkhave, jarāmaraṇaṃ, bhavapaccayā, bhikkhave, jāti…pe… avijjāpaccayā, bhikkhave, saṅkhārā. Uppādā vā tathāgatānaṃ…pe… uttānīkaroti ‘passathā’ti cāha. Avijjāpaccayā, bhikkhave, saṅkhārā. Iti kho, bhikkhave, yā tatrata thatā avitathatā anaññathatā idappaccayatā. Ayaṃ vuccati, bhikkhave, paṭiccasamuppādo’’ti (saṃ. ni. 2.20) –
звам̣ бадижжасамуббаад̣̇ам̣ д̣̇зсзнд̇зна д̇ат̇ад̇аад̣̇ийхи взважанзхи бажжаяад̇хаммаава бадижжасамуббаад̣̇од̇и вуд̇д̇аа. д̇асмаа ж̇араамаран̣аад̣̇ийнам̣ бажжаяалагкан̣о бадижжасамуббаад̣̇о, д̣̇угкаануб̣анд̇ханарасо гуммаг̇г̇абажжубадтаано, аяамби сабажжаяад̇д̇аа ад̇д̇ано висзсабажжаяабад̣̇адтаано.
Evaṃ paṭiccasamuppādaṃ desentena tathatādīhi vevacanehi paccayadhammāva paṭiccasamuppādoti vuttā. Tasmā jarāmaraṇādīnaṃ paccayalakkhaṇo paṭiccasamuppādo, dukkhānubandhanaraso kummaggapaccupaṭṭhāno, ayampi sapaccayattā attano visesapaccayapadaṭṭhāno.
уббаад̣̇аа ваа ануббаад̣̇аа ваад̇и уббаад̣̇з ваа ануббаад̣̇з ваа, д̇ат̇ааг̇ад̇зсу уббаннзсуби ануббаннзсубийд̇и ад̇т̇о. тид̇аава саа д̇хаад̇ууд̇и тид̇ова со бажжаяасабхааво, на гад̣̇аажи ж̇аад̇иж̇араамаран̣асса бажжаяо на ход̇ийд̇и ад̇т̇о. д̇хаммадтид̇ад̇аа д̇хамманияаамад̇аа ид̣̇аббажжаяад̇аад̇и ж̇аад̇ибажжаяоязва. ж̇аад̇ибажжаязна хи ж̇араамаран̣асан̇каад̇о бажжаяасамуббаннад̇хаммо д̇ад̣̇ааяад̇д̇ад̇ааяа д̇идтад̇и, ж̇аад̇ибажжаяова ж̇араамаран̣ад̇хаммам̣ нияамзд̇и, д̇асмаа ж̇аад̇и ‘‘д̇хаммадтид̇ад̇аа д̇хамманияаамад̇аа’’д̇и вужжад̇и. ж̇аад̇иязва имасса ж̇араамаран̣асса бажжаяод̇и ид̣̇аббажжаяо, ид̣̇аббажжаяова ид̣̇аббажжаяад̇аа. д̇анд̇и д̇ам̣ бажжаяам̣. абхисамб̣уж̇жхад̇ийд̇и н̃аан̣зна абхисамб̣уж̇жхад̇и. абхисамзд̇ийд̇и н̃аан̣зна абхисамааг̇ажчад̇и. аажигкад̇ийд̇и гат̇зд̇и. д̣̇зсзд̇ийд̇и д̣̇ассзд̇и. бан̃н̃аабзд̇ийд̇и ж̇аанаабзд̇и. бадтабзд̇ийд̇и н̃аан̣амукз табзд̇и. виварад̇ийд̇и виварид̇ваа д̣̇ассзд̇и. вибхаж̇ад̇ийд̇и вибхааг̇ад̇о д̣̇ассзд̇и. уд̇д̇аанийгарод̇ийд̇и баагадам̣ гарод̇и. ид̇и код̇и звам̣ ко. яаа д̇ад̇раад̇и яаа д̇зсу ‘‘ж̇аад̇ибажжаяаа ж̇араамаран̣а’’нд̇иаад̣̇ийсу . со банааяам̣ бадижжасамуббаад̣̇о д̇зхи д̇зхи бажжаязхи ануунаад̇хигзхзва д̇асса д̇асса д̇хаммасса самбхавад̇о д̇ат̇ад̇аад̇и, саамаг̇г̇им̣ убаг̇ад̇зсу бажжаязсу мухуд̇д̇амби д̇ад̇о ниб̣б̣ад̇д̇анад̇хаммаанам̣ асамбхаваабхаавад̇о авид̇ат̇ад̇аад̇и, ан̃н̃ад̇хаммабажжаязхи ан̃н̃ад̇хаммаануббад̇д̇ид̇о анан̃н̃ат̇ад̇аад̇и, яат̇аавуд̇д̇аанам̣ зд̇зсам̣ ж̇араамаран̣аад̣̇ийнам̣ бажжаяад̇о ваа бажжаяасамуухад̇о ваа ид̣̇аббажжаяад̇аад̇и вуд̇д̇о. д̇ад̇рааяам̣ важанад̇т̇о – имзсам̣ бажжаяаа ид̣̇аббажжаяаа, ид̣̇аббажжаяаа зва ид̣̇аббажжаяад̇аа, ид̣̇аббажжаяаанам̣ ваа самуухо ид̣̇аббажжаяад̇аа. лагкан̣ам̣ банзд̇т̇а сад̣̇д̣̇асад̇т̇ад̇о взд̣̇ид̇аб̣б̣анд̇и.
Uppādāvā anuppādā vāti uppāde vā anuppāde vā, tathāgatesu uppannesupi anuppannesupīti attho. Ṭhitāva sā dhātūti ṭhitova so paccayasabhāvo, na kadāci jātijarāmaraṇassa paccayo na hotīti attho. Dhammaṭṭhitatā dhammaniyāmatā idappaccayatāti jātipaccayoyeva. Jātipaccayena hi jarāmaraṇasaṅkhāto paccayasamuppannadhammo tadāyattatāya tiṭṭhati, jātipaccayova jarāmaraṇadhammaṃ niyameti, tasmā jāti ‘‘dhammaṭṭhitatā dhammaniyāmatā’’ti vuccati. Jātiyeva imassa jarāmaraṇassa paccayoti idappaccayo, idappaccayova idappaccayatā. Tanti taṃ paccayaṃ. Abhisambujjhatīti ñāṇena abhisambujjhati. Abhisametīti ñāṇena abhisamāgacchati. Ācikkhatīti katheti. Desetīti dasseti. Paññāpetīti jānāpeti. Paṭṭhapetīti ñāṇamukhe ṭhapeti. Vivaratīti vivaritvā dasseti. Vibhajatīti vibhāgato dasseti. Uttānīkarotīti pākaṭaṃ karoti. Iti khoti evaṃ kho. Yā tatrāti yā tesu ‘‘jātipaccayā jarāmaraṇa’’ntiādīsu . So panāyaṃ paṭiccasamuppādo tehi tehi paccayehi anūnādhikeheva tassa tassa dhammassa sambhavato tathatāti, sāmaggiṃ upagatesu paccayesu muhuttampi tato nibbattanadhammānaṃ asambhavābhāvato avitathatāti, aññadhammapaccayehi aññadhammānuppattito anaññathatāti, yathāvuttānaṃ etesaṃ jarāmaraṇādīnaṃ paccayato vā paccayasamūhato vā idappaccayatāti vutto. Tatrāyaṃ vacanattho – imesaṃ paccayā idappaccayā, idappaccayā eva idappaccayatā, idappaccayānaṃ vā samūho idappaccayatā. Lakkhaṇaṃ panettha saddasatthato veditabbanti.
д̇хаммадтид̇ин̃аан̣анид̣̇д̣̇зсаван̣н̣анаа нидтид̇аа.
Dhammaṭṭhitiñāṇaniddesavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / бадисамбхид̣̇аамаг̇г̇абаал̣и • Paṭisambhidāmaggapāḷi / 4. д̇хаммадтид̇ин̃аан̣анид̣̇д̣̇зсо • 4. Dhammaṭṭhitiñāṇaniddeso
