| Library / Tipiṭaka / д̇ибидага • Tipiṭaka / бадисамбхид̣̇аамаг̇г̇абаал̣и • Paṭisambhidāmaggapāḷi |
4. д̇хаммадтид̇ин̃аан̣анид̣̇д̣̇зсо
4. Dhammaṭṭhitiñāṇaniddeso
45. гат̇ам̣ бажжаяабариг̇г̇ахз бан̃н̃аа д̇хаммадтид̇ин̃аан̣ам̣? авиж̇ж̇аа сан̇каараанам̣ уббаад̣̇адтид̇и жа бавад̇д̇адтид̇и жа нимид̇д̇адтид̇и жа ааяууханадтид̇и жа сан̃н̃ог̇адтид̇и жа балиб̣од̇хадтид̇и жа самуд̣̇аяадтид̇и жа хзд̇удтид̇и жа бажжаяадтид̇и жа. имзхи навахаагаарзхи авиж̇ж̇аа бажжаяо, сан̇каараа бажжаяасамуббаннаа. убхобзд̇з д̇хаммаа бажжаяасамуббаннаад̇и – бажжаяабариг̇г̇ахз бан̃н̃аа д̇хаммадтид̇ин̃аан̣ам̣. ад̇ийд̇амби ад̣̇д̇хаанам̣… анааг̇ад̇амби ад̣̇д̇хаанам̣ авиж̇ж̇аа сан̇каараанам̣ уббаад̣̇адтид̇и жа бавад̇д̇адтид̇и жа нимид̇д̇адтид̇и жа ааяууханадтид̇и жа сан̃н̃ог̇адтид̇и жа балиб̣од̇хадтид̇и жа самуд̣̇аяадтид̇и жа хзд̇удтид̇и жа бажжаяадтид̇и жа. имзхи навахаагаарзхи авиж̇ж̇аа бажжаяо, сан̇каараа бажжаяасамуббаннаа. убхобзд̇з д̇хаммаа бажжаяасамуббаннаад̇и – бажжаяабариг̇г̇ахз бан̃н̃аа д̇хаммадтид̇ин̃аан̣ам̣.
45. Kathaṃ paccayapariggahe paññā dhammaṭṭhitiñāṇaṃ? Avijjā saṅkhārānaṃ uppādaṭṭhiti ca pavattaṭṭhiti ca nimittaṭṭhiti ca āyūhanaṭṭhiti ca saññogaṭṭhiti ca palibodhaṭṭhiti ca samudayaṭṭhiti ca hetuṭṭhiti ca paccayaṭṭhiti ca. Imehi navahākārehi avijjā paccayo, saṅkhārā paccayasamuppannā. Ubhopete dhammā paccayasamuppannāti – paccayapariggahe paññā dhammaṭṭhitiñāṇaṃ. Atītampi addhānaṃ… anāgatampi addhānaṃ avijjā saṅkhārānaṃ uppādaṭṭhiti ca pavattaṭṭhiti ca nimittaṭṭhiti ca āyūhanaṭṭhiti ca saññogaṭṭhiti ca palibodhaṭṭhiti ca samudayaṭṭhiti ca hetuṭṭhiti ca paccayaṭṭhiti ca. Imehi navahākārehi avijjā paccayo, saṅkhārā paccayasamuppannā. Ubhopete dhammā paccayasamuppannāti – paccayapariggahe paññā dhammaṭṭhitiñāṇaṃ.
сан̇каараа вин̃н̃аан̣асса…бз… вин̃н̃аан̣ам̣ наамаруубасса… наамаруубам̣ сал̣ааяад̇анасса… сал̣ааяад̇анам̣ пассасса… пассо взд̣̇анааяа… взд̣̇анаа д̇ан̣хааяа… д̇ан̣хаа убаад̣̇аанасса… убаад̣̇аанам̣ бхавасса… бхаво ж̇аад̇ияаа… ж̇аад̇и ж̇араамаран̣асса уббаад̣̇адтид̇и жа бавад̇д̇адтид̇и жа нимид̇д̇адтид̇и жа ааяууханадтид̇и жа сан̃н̃ог̇адтид̇и жа балиб̣од̇хадтид̇и жа самуд̣̇аяадтид̇и жа хзд̇удтид̇и жа бажжаяадтид̇и жа. имзхи навахаагаарзхи ж̇аад̇и бажжаяо, ж̇араамаран̣ам̣ бажжаяасамуббаннам̣. убхобзд̇з д̇хаммаа бажжаяасамуббаннаад̇и – бажжаяабариг̇г̇ахз бан̃н̃аа д̇хаммадтид̇ин̃аан̣ам̣. ад̇ийд̇амби ад̣̇д̇хаанам̣… анааг̇ад̇амби ад̣̇д̇хаанам̣ ж̇аад̇и ж̇араамаран̣асса уббаад̣̇адтид̇и жа бавад̇д̇адтид̇и жа нимид̇д̇адтид̇и жа ааяууханадтид̇и жа сан̃н̃ог̇адтид̇и жа балиб̣од̇хадтид̇и жа самуд̣̇аяадтид̇и жа хзд̇удтид̇и жа бажжаяадтид̇и жа. имзхи навахаагаарзхи ж̇аад̇и бажжаяо, ж̇араамаран̣ам̣ бажжаяасамуббаннам̣. убхобзд̇з д̇хаммаа бажжаяасамуббаннаад̇и – бажжаяабариг̇г̇ахз бан̃н̃аа д̇хаммадтид̇ин̃аан̣ам̣.
Saṅkhārā viññāṇassa…pe… viññāṇaṃ nāmarūpassa… nāmarūpaṃ saḷāyatanassa… saḷāyatanaṃ phassassa… phasso vedanāya… vedanā taṇhāya… taṇhā upādānassa… upādānaṃ bhavassa… bhavo jātiyā… jāti jarāmaraṇassa uppādaṭṭhiti ca pavattaṭṭhiti ca nimittaṭṭhiti ca āyūhanaṭṭhiti ca saññogaṭṭhiti ca palibodhaṭṭhiti ca samudayaṭṭhiti ca hetuṭṭhiti ca paccayaṭṭhiti ca. Imehi navahākārehi jāti paccayo, jarāmaraṇaṃ paccayasamuppannaṃ. Ubhopete dhammā paccayasamuppannāti – paccayapariggahe paññā dhammaṭṭhitiñāṇaṃ. Atītampi addhānaṃ… anāgatampi addhānaṃ jāti jarāmaraṇassa uppādaṭṭhiti ca pavattaṭṭhiti ca nimittaṭṭhiti ca āyūhanaṭṭhiti ca saññogaṭṭhiti ca palibodhaṭṭhiti ca samudayaṭṭhiti ca hetuṭṭhiti ca paccayaṭṭhiti ca. Imehi navahākārehi jāti paccayo, jarāmaraṇaṃ paccayasamuppannaṃ. Ubhopete dhammā paccayasamuppannāti – paccayapariggahe paññā dhammaṭṭhitiñāṇaṃ.
46. авиж̇ж̇аа хзд̇у, сан̇каараа хзд̇усамуббаннаа. убхобзд̇з д̇хаммаа хзд̇усамуббаннаад̇и – бажжаяабариг̇г̇ахз бан̃н̃аа д̇хаммадтид̇ин̃аан̣ам̣. ад̇ийд̇амби ад̣̇д̇хаанам̣… анааг̇ад̇амби ад̣̇д̇хаанам̣ авиж̇ж̇аа хзд̇у, сан̇каараа хзд̇усамуббаннаа. убхобзд̇з д̇хаммаа хзд̇усамуббаннаад̇и – бажжаяабариг̇г̇ахз бан̃н̃аа д̇хаммадтид̇ин̃аан̣ам̣.
46. Avijjā hetu, saṅkhārā hetusamuppannā. Ubhopete dhammā hetusamuppannāti – paccayapariggahe paññā dhammaṭṭhitiñāṇaṃ. Atītampi addhānaṃ… anāgatampi addhānaṃ avijjā hetu, saṅkhārā hetusamuppannā. Ubhopete dhammā hetusamuppannāti – paccayapariggahe paññā dhammaṭṭhitiñāṇaṃ.
сан̇каараа хзд̇у, вин̃н̃аан̣ам̣ хзд̇усамуббаннам̣…бз… вин̃н̃аан̣ам̣ хзд̇у, наамаруубам̣ хзд̇усамуббаннам̣… наамаруубам̣ хзд̇у, сал̣ааяад̇анам̣ хзд̇усамуббаннам̣… сал̣ааяад̇анам̣ хзд̇у, пассо хзд̇усамуббанно… пассо хзд̇у, взд̣̇анаа хзд̇усамуббаннаа… взд̣̇анаа хзд̇у, д̇ан̣хаа хзд̇усамуббаннаа… д̇ан̣хаа хзд̇у, убаад̣̇аанам̣ хзд̇усамуббаннам̣… убаад̣̇аанам̣ хзд̇у, бхаво хзд̇усамуббанно… бхаво хзд̇у, ж̇аад̇и хзд̇усамуббаннаа… ж̇аад̇и хзд̇у, ж̇араамаран̣ам̣ хзд̇усамуббаннам̣. убхобзд̇з д̇хаммаа хзд̇усамуббаннаад̇и – бажжаяабариг̇г̇ахз бан̃н̃аа д̇хаммадтид̇ин̃аан̣ам̣. ад̇ийд̇амби ад̣̇д̇хаанам̣… анааг̇ад̇амби ад̣̇д̇хаанам̣ ж̇аад̇и хзд̇у, ж̇араамаран̣ам̣ хзд̇усамуббаннам̣. убхобзд̇з д̇хаммаа хзд̇усамуббаннаад̇и – бажжаяабариг̇г̇ахз бан̃н̃аа д̇хаммадтид̇ин̃аан̣ам̣.
Saṅkhārā hetu, viññāṇaṃ hetusamuppannaṃ…pe… viññāṇaṃ hetu, nāmarūpaṃ hetusamuppannaṃ… nāmarūpaṃ hetu, saḷāyatanaṃ hetusamuppannaṃ… saḷāyatanaṃ hetu, phasso hetusamuppanno… phasso hetu, vedanā hetusamuppannā… vedanā hetu, taṇhā hetusamuppannā… taṇhā hetu, upādānaṃ hetusamuppannaṃ… upādānaṃ hetu, bhavo hetusamuppanno… bhavo hetu, jāti hetusamuppannā… jāti hetu, jarāmaraṇaṃ hetusamuppannaṃ. Ubhopete dhammā hetusamuppannāti – paccayapariggahe paññā dhammaṭṭhitiñāṇaṃ. Atītampi addhānaṃ… anāgatampi addhānaṃ jāti hetu, jarāmaraṇaṃ hetusamuppannaṃ. Ubhopete dhammā hetusamuppannāti – paccayapariggahe paññā dhammaṭṭhitiñāṇaṃ.
авиж̇ж̇аа бадижжаа, сан̇каараа бадижжасамуббаннаа. убхобзд̇з д̇хаммаа бадижжасамуббаннаад̇и – бажжаяабариг̇г̇ахз бан̃н̃аа д̇хаммадтид̇ин̃аан̣ам̣. ад̇ийд̇амби ад̣̇д̇хаанам̣… анааг̇ад̇амби ад̣̇д̇хаанам̣ авиж̇ж̇аа бадижжаа, сан̇каараа бадижжасамуббаннаа. убхобзд̇з д̇хаммаа бадижжасамуббаннаад̇и – бажжаяабариг̇г̇ахз бан̃н̃аа д̇хаммадтид̇ин̃аан̣ам̣.
Avijjā paṭiccā, saṅkhārā paṭiccasamuppannā. Ubhopete dhammā paṭiccasamuppannāti – paccayapariggahe paññā dhammaṭṭhitiñāṇaṃ. Atītampi addhānaṃ… anāgatampi addhānaṃ avijjā paṭiccā, saṅkhārā paṭiccasamuppannā. Ubhopete dhammā paṭiccasamuppannāti – paccayapariggahe paññā dhammaṭṭhitiñāṇaṃ.
сан̇каараа бадижжаа, вин̃н̃аан̣ам̣ бадижжасамуббаннам̣…бз… вин̃н̃аан̣ам̣ бадижжаа, наамаруубам̣ бадижжасамуббаннам̣… наамаруубам̣ бадижжаа, сал̣ааяад̇анам̣ бадижжасамуббаннам̣… сал̣ааяад̇анам̣ бадижжаа, пассо бадижжасамуббанно… пассо бадижжаа, взд̣̇анаа бадижжасамуббаннаа… взд̣̇анаа бадижжаа, д̇ан̣хаа бадижжасамуббаннаа… д̇ан̣хаа бадижжаа, убаад̣̇аанам̣ бадижжасамуббаннам̣… убаад̣̇аанам̣ бадижжаа, бхаво бадижжасамуббанно… бхаво бадижжаа, ж̇аад̇и бадижжасамуббаннаа… ж̇аад̇и бадижжаа, ж̇араамаран̣ам̣ бадижжасамуббаннам̣. убхобзд̇з д̇хаммаа бадижжасамуббаннаад̇и – бажжаяабариг̇г̇ахз бан̃н̃аа д̇хаммадтид̇ин̃аан̣ам̣. ад̇ийд̇амби ад̣̇д̇хаанам̣… анааг̇ад̇амби ад̣̇д̇хаанам̣ ж̇аад̇и бадижжаа, ж̇араамаран̣ам̣ бадижжасамуббаннам̣. убхобзд̇з д̇хаммаа бадижжасамуббаннаад̇и – бажжаяабариг̇г̇ахз бан̃н̃аа д̇хаммадтид̇ин̃аан̣ам̣.
Saṅkhārā paṭiccā, viññāṇaṃ paṭiccasamuppannaṃ…pe… viññāṇaṃ paṭiccā, nāmarūpaṃ paṭiccasamuppannaṃ… nāmarūpaṃ paṭiccā, saḷāyatanaṃ paṭiccasamuppannaṃ… saḷāyatanaṃ paṭiccā, phasso paṭiccasamuppanno… phasso paṭiccā, vedanā paṭiccasamuppannā… vedanā paṭiccā, taṇhā paṭiccasamuppannā… taṇhā paṭiccā, upādānaṃ paṭiccasamuppannaṃ… upādānaṃ paṭiccā, bhavo paṭiccasamuppanno… bhavo paṭiccā, jāti paṭiccasamuppannā… jāti paṭiccā, jarāmaraṇaṃ paṭiccasamuppannaṃ. Ubhopete dhammā paṭiccasamuppannāti – paccayapariggahe paññā dhammaṭṭhitiñāṇaṃ. Atītampi addhānaṃ… anāgatampi addhānaṃ jāti paṭiccā, jarāmaraṇaṃ paṭiccasamuppannaṃ. Ubhopete dhammā paṭiccasamuppannāti – paccayapariggahe paññā dhammaṭṭhitiñāṇaṃ.
авиж̇ж̇аа бажжаяо, сан̇каараа бажжаяасамуббаннаа. убхобзд̇з д̇хаммаа бажжаяасамуббаннаад̇и – бажжаяабариг̇г̇ахз бан̃н̃аа д̇хаммадтид̇ин̃аан̣ам̣ . ад̇ийд̇амби ад̣̇д̇хаанам̣… анааг̇ад̇амби ад̣̇д̇хаанам̣ авиж̇ж̇аа бажжаяо, сан̇каараа бажжаяасамуббаннаа. убхобзд̇з д̇хаммаа бажжаяасамуббаннаад̇и – бажжаяабариг̇г̇ахз бан̃н̃аа д̇хаммадтид̇ин̃аан̣ам̣.
Avijjā paccayo, saṅkhārā paccayasamuppannā. Ubhopete dhammā paccayasamuppannāti – paccayapariggahe paññā dhammaṭṭhitiñāṇaṃ . Atītampi addhānaṃ… anāgatampi addhānaṃ avijjā paccayo, saṅkhārā paccayasamuppannā. Ubhopete dhammā paccayasamuppannāti – paccayapariggahe paññā dhammaṭṭhitiñāṇaṃ.
сан̇каараа бажжаяаа, вин̃н̃аан̣ам̣ бажжаяасамуббаннам̣…бз… вин̃н̃аан̣ам̣ бажжаяо, наамаруубам̣ бажжаяасамуббаннам̣… наамаруубам̣ бажжаяо, сал̣ааяад̇анам̣ бажжаяасамуббаннам̣… сал̣ааяад̇анам̣ бажжаяо, пассо бажжаяасамуббанно… пассо бажжаяо, взд̣̇анаа бажжаяасамуббаннаа… взд̣̇анаа бажжаяо, д̇ан̣хаа бажжаяасамуббаннаа… д̇ан̣хаа бажжаяо, убаад̣̇аанам̣ бажжаяасамуббаннам̣… убаад̣̇аанам̣ бажжаяо, бхаво бажжаяасамуббанно… бхаво бажжаяо, ж̇аад̇и бажжаяасамуббаннаа… ж̇аад̇и бажжаяо, ж̇араамаран̣ам̣ бажжаяасамуббаннам̣. убхобзд̇з д̇хаммаа бажжаяасамуббаннаад̇и – бажжаяабариг̇г̇ахз бан̃н̃аа д̇хаммадтид̇ин̃аан̣ам̣. ад̇ийд̇амби ад̣̇д̇хаанам̣… анааг̇ад̇амби ад̣̇д̇хаанам̣ ж̇аад̇и бажжаяо, ж̇араамаран̣ам̣ бажжаяасамуббаннам̣. убхобзд̇з д̇хаммаа бажжаяасамуббаннаад̇и – бажжаяабариг̇г̇ахз бан̃н̃аа д̇хаммадтид̇ин̃аан̣ам̣.
Saṅkhārā paccayā, viññāṇaṃ paccayasamuppannaṃ…pe… viññāṇaṃ paccayo, nāmarūpaṃ paccayasamuppannaṃ… nāmarūpaṃ paccayo, saḷāyatanaṃ paccayasamuppannaṃ… saḷāyatanaṃ paccayo, phasso paccayasamuppanno… phasso paccayo, vedanā paccayasamuppannā… vedanā paccayo, taṇhā paccayasamuppannā… taṇhā paccayo, upādānaṃ paccayasamuppannaṃ… upādānaṃ paccayo, bhavo paccayasamuppanno… bhavo paccayo, jāti paccayasamuppannā… jāti paccayo, jarāmaraṇaṃ paccayasamuppannaṃ. Ubhopete dhammā paccayasamuppannāti – paccayapariggahe paññā dhammaṭṭhitiñāṇaṃ. Atītampi addhānaṃ… anāgatampi addhānaṃ jāti paccayo, jarāmaraṇaṃ paccayasamuppannaṃ. Ubhopete dhammā paccayasamuppannāti – paccayapariggahe paññā dhammaṭṭhitiñāṇaṃ.
47. буримагаммабхавасмим̣ мохо авиж̇ж̇аа, ааяууханаа сан̇каараа, ниганд̇и д̇ан̣хаа, убаг̇аманам̣ убаад̣̇аанам̣, жзд̇анаа бхаво. имз бан̃жа д̇хаммаа буримагаммабхавасмим̣ ид̇ха бадисанд̇хияаа бажжаяаа. ид̇ха бадисанд̇хи вин̃н̃аан̣ам̣, огганд̇и наамаруубам̣, басаад̣̇о ааяад̇анам̣, пудто пассо, взд̣̇аяид̇ам̣ взд̣̇анаа. имз бан̃жа д̇хаммаа ид̇хубабад̇д̇ибхавасмим̣ бурзгад̇асса гаммасса бажжаяаа. ид̇ха барибаггад̇д̇аа ааяад̇анаанам̣ мохо авиж̇ж̇аа, ааяууханаа сан̇каараа, ниганд̇и д̇ан̣хаа убаг̇аманам̣ убаад̣̇аанам̣, жзд̇анаа бхаво. имз бан̃жа д̇хаммаа ид̇ха гаммабхавасмим̣ ааяад̇им̣ бадисанд̇хияаа бажжаяаа. ааяад̇им̣ бадисанд̇хи вин̃н̃аан̣ам̣, огганд̇и наамаруубам̣, басаад̣̇о ааяад̇анам̣, пудто пассо, взд̣̇аяид̇ам̣ взд̣̇анаа. имз бан̃жа д̇хаммаа ааяад̇им̣ убабад̇д̇ибхавасмим̣ ид̇ха гад̇асса гаммасса бажжаяаа. ид̇имз жад̇усан̇кзбз д̇аяо ад̣̇д̇хз д̇исанд̇хим̣ вийсад̇ияаа аагаарзхи бадижжасамуббаад̣̇ам̣ ж̇аанаад̇и бассад̇и ан̃н̃аад̇и бадивиж̇жхад̇и. д̇ам̣ н̃аад̇адтзна н̃аан̣ам̣, баж̇аананадтзна бан̃н̃аа. д̇зна вужжад̇и – ‘‘бажжаяабариг̇г̇ахз бан̃н̃аа д̇хаммадтид̇ин̃аан̣ам̣’’.
47. Purimakammabhavasmiṃ moho avijjā, āyūhanā saṅkhārā, nikanti taṇhā, upagamanaṃ upādānaṃ, cetanā bhavo. Ime pañca dhammā purimakammabhavasmiṃ idha paṭisandhiyā paccayā. Idha paṭisandhi viññāṇaṃ, okkanti nāmarūpaṃ, pasādo āyatanaṃ, phuṭṭho phasso, vedayitaṃ vedanā. Ime pañca dhammā idhupapattibhavasmiṃ purekatassa kammassa paccayā. Idha paripakkattā āyatanānaṃ moho avijjā, āyūhanā saṅkhārā, nikanti taṇhā upagamanaṃ upādānaṃ, cetanā bhavo. Ime pañca dhammā idha kammabhavasmiṃ āyatiṃ paṭisandhiyā paccayā. Āyatiṃ paṭisandhi viññāṇaṃ, okkanti nāmarūpaṃ, pasādo āyatanaṃ, phuṭṭho phasso, vedayitaṃ vedanā. Ime pañca dhammā āyatiṃ upapattibhavasmiṃ idha katassa kammassa paccayā. Itime catusaṅkhepe tayo addhe tisandhiṃ vīsatiyā ākārehi paṭiccasamuppādaṃ jānāti passati aññāti paṭivijjhati. Taṃ ñātaṭṭhena ñāṇaṃ, pajānanaṭṭhena paññā. Tena vuccati – ‘‘paccayapariggahe paññā dhammaṭṭhitiñāṇaṃ’’.
д̇хаммадтид̇ин̃аан̣анид̣̇д̣̇зсо жад̇уд̇т̇о.
Dhammaṭṭhitiñāṇaniddeso catuttho.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / бадисамбхид̣̇аамаг̇г̇а-адтагат̇аа • Paṭisambhidāmagga-aṭṭhakathā / 4. д̇хаммадтид̇ин̃аан̣анид̣̇д̣̇зсаван̣н̣анаа • 4. Dhammaṭṭhitiñāṇaniddesavaṇṇanā
