| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
(9) 4. д̇хаммаваг̇г̇аван̣н̣анаа
(9) 4. Dhammavaggavaṇṇanā
88. жад̇уд̇т̇асса батамз паласамаад̇хийд̇и жад̇уусуби арияапалзсу самаад̇хи. д̇ат̇аа палабан̃н̃аа взд̣̇ид̇аб̣б̣аа.
88. Catutthassa paṭhame phalasamādhīti catūsupi ariyaphalesu samādhi. Tathā phalapaññā veditabbā.
89. д̣̇уд̇ияз самбаяуд̇д̇ад̇хаммз бариг̇г̇ан̣хаад̇ийд̇и баг̇г̇аахо. на вигкибад̇ийд̇и авигкзбо.
89. Dutiye sampayuttadhamme pariggaṇhātīti paggāho. Na vikkhipatīti avikkhepo.
90. д̇ад̇ияз наманадтзна наамам̣. руббанадтзна руубам̣. саммасанажаарасса ад̇хиббзд̇ад̇д̇аа ‘‘жад̇д̇ааро аруубагканд̇хаа’’д̇взва вуд̇д̇ам̣. д̇знааха ‘‘д̇хамма-годтаасабарижчзд̣̇ан̃аан̣ам̣ наама гат̇ид̇а’’нд̇и.
90. Tatiye namanaṭṭhena nāmaṃ. Ruppanaṭṭhena rūpaṃ. Sammasanacārassa adhippetattā ‘‘cattāro arūpakkhandhā’’tveva vuttaṃ. Tenāha ‘‘dhamma-koṭṭhāsaparicchedañāṇaṃ nāma kathita’’nti.
91. жад̇уд̇т̇з виж̇аананадтзна виж̇ж̇аа. вимужжанадтзна вимуд̇д̇и.
91. Catutthe vijānanaṭṭhena vijjā. Vimuccanaṭṭhena vimutti.
92. бан̃жамз бхаво наама сассад̇ам̣ сад̣̇аа бхаавад̇о, сассад̇авасзна уббаж̇ж̇анад̣̇идти бхавад̣̇идти. вибхаво наама ужчзд̣̇о винаасанадтзна, вибхававасзна уббаж̇ж̇анад̣̇идти вибхавад̣̇идти. уд̇д̇аанад̇т̇аанзва хздтаа вуд̇д̇анаяад̇д̇аа.
92. Pañcame bhavo nāma sassataṃ sadā bhāvato, sassatavasena uppajjanadiṭṭhi bhavadiṭṭhi. Vibhavo nāma ucchedo vināsanaṭṭhena, vibhavavasena uppajjanadiṭṭhi vibhavadiṭṭhi. Uttānatthāneva heṭṭhā vuttanayattā.
95. адтамз д̣̇угкам̣ важо зд̇асмим̣ виббадигуулаг̇аахимхи вибажжанийгасаад̇з анаад̣̇арз буг̇г̇алзд̇и д̣̇уб̣б̣ажо, д̇асса гаммам̣ д̣̇оважассам̣, д̇асса д̣̇уб̣б̣ажасса буг̇г̇аласса анаад̣̇арияавасзна бавад̇д̇аа жзд̇анаа. д̇асса бхааво д̣̇оважассад̇аа. д̇асса бхаавод̇и жа д̇асса яат̇аавуд̇д̇асса д̣̇оважассасса ад̇т̇ибхааво, ад̇т̇ад̇о д̣̇оважассамзва. вид̇т̇аарад̇о банзсаа ‘‘д̇ад̇т̇а гад̇амаа д̣̇оважассад̇аа? сахад̇хаммигз вужжамаанз д̣̇оважассааяа’’нд̇и абхид̇хаммз ааг̇ад̇аа. саа ад̇т̇ад̇о сан̇каарагканд̇хо ход̇и. жад̇уннам̣ ваа канд̇хаанам̣ зд̇знаагаарзна бавад̇д̇аанам̣ зд̇ам̣ ад̇хиважананд̇и вад̣̇анд̇и.
95. Aṭṭhame dukkhaṃ vaco etasmiṃ vippaṭikūlagāhimhi vipaccanīkasāte anādare puggaleti dubbaco, tassa kammaṃ dovacassaṃ, tassa dubbacassa puggalassa anādariyavasena pavattā cetanā. Tassa bhāvo dovacassatā. Tassa bhāvoti ca tassa yathāvuttassa dovacassassa atthibhāvo, atthato dovacassameva. Vitthārato panesā ‘‘tattha katamā dovacassatā? Sahadhammike vuccamāne dovacassāya’’nti abhidhamme āgatā. Sā atthato saṅkhārakkhandho hoti. Catunnaṃ vā khandhānaṃ etenākārena pavattānaṃ etaṃ adhivacananti vadanti.
баабаяог̇ад̇о баабаа ассад̣̇д̇хаад̣̇аяо буг̇г̇алаа зд̇асса мид̇д̇аад̇и баабамид̇д̇о, д̇асса бхааво баабамид̇д̇ад̇аа. вид̇т̇аарад̇о банзсаа ‘‘д̇ад̇т̇а гад̇амаа баабамид̇д̇ад̇аа? яз д̇з буг̇г̇алаа ассад̣̇д̇хаа д̣̇уссийлаа аббассуд̇аа мажчарино д̣̇уббан̃н̃аа. яаа д̇зсам̣ сзванаа нисзванаа сам̣сзванаа бхаж̇анаа самбхаж̇анаа бхад̇д̇и самбхад̇д̇и д̇ам̣самбаван̇гад̇аа’’д̇и (д̇ха. са. 1333) звам̣ ааг̇ад̇аа. сааби ад̇т̇ад̇о д̣̇оважассад̇аа вияа д̣̇адтаб̣б̣аа. яааяа хи жзд̇анааяа буг̇г̇ало баабасамбаван̇го наама ход̇и, саа жзд̇анаа жад̇д̇аароби ваа аруубино канд̇хаа д̇ад̣̇аагаараббавад̇д̇аа баабамид̇д̇ад̇аа.
Pāpayogato pāpā assaddhādayo puggalā etassa mittāti pāpamitto, tassa bhāvo pāpamittatā. Vitthārato panesā ‘‘tattha katamā pāpamittatā? Ye te puggalā assaddhā dussīlā appassutā maccharino duppaññā. Yā tesaṃ sevanā nisevanā saṃsevanā bhajanā sambhajanā bhatti sambhatti taṃsampavaṅkatā’’ti (dha. sa. 1333) evaṃ āgatā. Sāpi atthato dovacassatā viya daṭṭhabbā. Yāya hi cetanāya puggalo pāpasampavaṅko nāma hoti, sā cetanā cattāropi vā arūpino khandhā tadākārappavattā pāpamittatā.
96. навамз сукам̣ важо зд̇асмим̣ бад̣̇агкин̣аг̇аахимхи ануломасаад̇з саад̣̇арз буг̇г̇алзд̇и суб̣б̣ажод̇иаад̣̇инаа, галяаан̣аа сад̣̇д̇хаад̣̇аяо буг̇г̇алаа зд̇асса мид̇д̇аад̇и галяаан̣амид̇д̇од̇иаад̣̇инаа вуд̇д̇авибарияааязна ад̇т̇о взд̣̇ид̇аб̣б̣о.
96. Navame sukhaṃ vaco etasmiṃ padakkhiṇagāhimhi anulomasāte sādare puggaleti subbacotiādinā, kalyāṇā saddhādayo puggalā etassa mittāti kalyāṇamittotiādinā vuttavipariyāyena attho veditabbo.
97. д̣̇асамз бат̇авийд̇хаад̇уаад̣̇аяо сукад̇хаад̇угаамад̇хаад̇уаад̣̇аяо жа зд̇аасвзва анд̇ог̇ад̇хаад̇и зд̇аасу госаллз д̣̇ассид̇з д̇аасуби госаллам̣ д̣̇ассид̇амзва ход̇ийд̇и ‘‘адтаараса д̇хаад̇уяо’’д̇и вуд̇д̇ам̣. д̇хаад̇ууд̇и ж̇аанананд̇и иминаа адтаарасаннам̣ д̇хаад̇уунам̣ сабхаавабарижчзд̣̇игаа саванад̇хааран̣асаммасанаббадивзд̇хабан̃н̃аа вуд̇д̇аа. д̇ад̇т̇а д̇хаад̇уунам̣ саванад̇хааран̣абан̃н̃аа суд̇амаяаа, ид̇араа бхааванаамаяаа. д̇ад̇т̇ааби саммасанабан̃н̃аа логияаа . вибассанаа хи саа, ид̇араа логуд̇д̇араа. лагкан̣аад̣̇ивасзна анижжаад̣̇ивасзна жа манасигаран̣ам̣ манасигааро, д̇ад̇т̇а госаллам̣ манасигаарагусалад̇аа. адтаарасаннам̣язва д̇хаад̇уунам̣ саммасанаббадивзд̇хабажжавзгкан̣абан̃н̃аа манасигаарагусалад̇аа, саа аад̣̇имаж̇жхабарияосаанавасзна д̇ид̇хаа бхиннаа. д̇ат̇аа хи саммасанабан̃н̃аа д̇ассаа аад̣̇и, бадивзд̇хабан̃н̃аа маж̇жхз, бажжавзгкан̣абан̃н̃аа барияосаанам̣.
97. Dasame pathavīdhātuādayo sukhadhātukāmadhātuādayo ca etāsveva antogadhāti etāsu kosalle dassite tāsupi kosallaṃ dassitameva hotīti ‘‘aṭṭhārasa dhātuyo’’ti vuttaṃ. Dhātūti jānananti iminā aṭṭhārasannaṃ dhātūnaṃ sabhāvaparicchedikā savanadhāraṇasammasanappaṭivedhapaññā vuttā. Tattha dhātūnaṃ savanadhāraṇapaññā sutamayā, itarā bhāvanāmayā. Tatthāpi sammasanapaññā lokiyā . Vipassanā hi sā, itarā lokuttarā. Lakkhaṇādivasena aniccādivasena ca manasikaraṇaṃ manasikāro, tattha kosallaṃ manasikārakusalatā. Aṭṭhārasannaṃyeva dhātūnaṃ sammasanappaṭivedhapaccavekkhaṇapaññā manasikārakusalatā, sā ādimajjhapariyosānavasena tidhā bhinnā. Tathā hi sammasanapaññā tassā ādi, paṭivedhapaññā majjhe, paccavekkhaṇapaññā pariyosānaṃ.
98. згаад̣̇асамз аабад̇д̇ияова аабад̇д̇игканд̇хаа. д̇аа бана анд̇араабад̇д̇ийнам̣ аг̇г̇ахан̣зна бан̃жа, д̇аасам̣ г̇ахан̣зна сад̇д̇а хонд̇ийд̇и ааха ‘‘бан̃жаннан̃жа сад̇д̇аннан̃жа аабад̇д̇игканд̇хаана’’нд̇и. ж̇аанананд̇и ‘‘имаа аабад̇д̇ияо, зд̇д̇агаа аабад̇д̇ияо, зван̃жа д̇аасам̣ аабаж̇ж̇анам̣ ход̇ий’’д̇и ж̇аананам̣. звам̣ д̇иббагаарзна ж̇аананабан̃н̃аа хи аабад̇д̇игусалад̇аа наама. аабад̇д̇ид̇о вудтаабанаббаяог̇ад̇ааяа гаммабхууд̇аа ваажаа гаммаваажаа, д̇ат̇аабхууд̇аа ануссааванаваажаа. ‘‘имааяа гаммаваажааяа ид̇о аабад̇д̇ид̇о вудтаанам̣ ход̇и, хонд̇ан̃жа батамз, д̇ад̇ияз ваа ануссааванз яяа-гаарам̣ бад̇д̇з, ‘сам̣вариссаамий’д̇и ваа бад̣̇з барияосид̇з ход̇ий’’д̇и звам̣ д̇ам̣ д̇ам̣ аабад̇д̇ийхи вудтаанабарижчзд̣̇аж̇аананабан̃н̃аа аабад̇д̇ивудтаанагусалад̇аа. вудтаананд̇и жа яат̇аабаннааяа аабад̇д̇ияаа яат̇аа д̇ат̇аа ананд̇арааяад̇аабаад̣̇анам̣. звам̣ вудтаанаг̇г̇ахан̣знзва д̣̇зсанааяаби сан̇г̇ахо сид̣̇д̇хо ход̇и.
98. Ekādasame āpattiyova āpattikkhandhā. Tā pana antarāpattīnaṃ aggahaṇena pañca, tāsaṃ gahaṇena satta hontīti āha ‘‘pañcannañca sattannañca āpattikkhandhāna’’nti. Jānananti ‘‘imā āpattiyo, ettakā āpattiyo, evañca tāsaṃ āpajjanaṃ hotī’’ti jānanaṃ. Evaṃ tippakārena jānanapaññā hi āpattikusalatā nāma. Āpattito vuṭṭhāpanappayogatāya kammabhūtā vācā kammavācā, tathābhūtā anussāvanavācā. ‘‘Imāya kammavācāya ito āpattito vuṭṭhānaṃ hoti, hontañca paṭhame, tatiye vā anussāvane yya-kāraṃ patte, ‘saṃvarissāmī’ti vā pade pariyosite hotī’’ti evaṃ taṃ taṃ āpattīhi vuṭṭhānaparicchedajānanapaññā āpattivuṭṭhānakusalatā. Vuṭṭhānanti ca yathāpannāya āpattiyā yathā tathā anantarāyatāpādanaṃ. Evaṃ vuṭṭhānaggahaṇeneva desanāyapi saṅgaho siddho hoti.
д̇хаммаваг̇г̇аван̣н̣анаа нидтид̇аа.
Dhammavaggavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / (9) 4. д̇хаммаваг̇г̇о • (9) 4. Dhammavaggo
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / (9) 4. д̇хаммаваг̇г̇аван̣н̣анаа • (9) 4. Dhammavaggavaṇṇanā
