| Library / Tipiṭaka / तिपिटक • Tipiṭaka / अङ्गुत्तरनिकाय (अट्ठकथा) • Aṅguttaranikāya (aṭṭhakathā) |
(९) ४. धम्मवग्गवण्णना
(9) 4. Dhammavaggavaṇṇanā
८८. चतुत्थस्स पठमे चेतोविमुत्तीति फलसमाधि। पञ्ञाविमुत्तीति फलपञ्ञा।
88. Catutthassa paṭhame cetovimuttīti phalasamādhi. Paññāvimuttīti phalapaññā.
८९. दुतिये पग्गाहोति वीरियं। अविक्खेपोति चित्तेकग्गता।
89. Dutiye paggāhoti vīriyaṃ. Avikkhepoti cittekaggatā.
९०. ततिये नामन्ति चत्तारो अरूपक्खन्धा। रूपन्ति रूपक्खन्धो। इति इमस्मिं सुत्ते धम्मकोट्ठासपरिच्छेदञाणं नाम कथितं।
90. Tatiye nāmanti cattāro arūpakkhandhā. Rūpanti rūpakkhandho. Iti imasmiṃ sutte dhammakoṭṭhāsaparicchedañāṇaṃ nāma kathitaṃ.
९१. चतुत्थे विज्जाति फलञाणं। विमुत्तीति तंसम्पयुत्ता सेसधम्मा।
91. Catutthe vijjāti phalañāṇaṃ. Vimuttīti taṃsampayuttā sesadhammā.
९२. पञ्चमे भवदिट्ठीति सस्सतदिट्ठि। विभवदिट्ठीति उच्छेददिट्ठि। छट्ठसत्तमानि उत्तानत्थानेव।
92. Pañcame bhavadiṭṭhīti sassatadiṭṭhi. Vibhavadiṭṭhīti ucchedadiṭṭhi. Chaṭṭhasattamāni uttānatthāneva.
९५. अट्ठमे दोवचस्सताति दुब्बचभावो। पापमित्तताति पापमित्तसेवनभावो। नवमं वुत्तविपरियायेन वेदितब्बं।
95. Aṭṭhame dovacassatāti dubbacabhāvo. Pāpamittatāti pāpamittasevanabhāvo. Navamaṃ vuttavipariyāyena veditabbaṃ.
९७. दसमे धातुकुसलताति अट्ठारस धातुयो धातूति जाननं। मनसिकारकुसलताति तासंयेव धातूनं अनिच्चादिवसेन लक्खणत्तयं आरोपेत्वा जाननं।
97. Dasame dhātukusalatāti aṭṭhārasa dhātuyo dhātūti jānanaṃ. Manasikārakusalatāti tāsaṃyeva dhātūnaṃ aniccādivasena lakkhaṇattayaṃ āropetvā jānanaṃ.
९८. एकादसमे आपत्तिकुसलताति पञ्चन्नञ्च सत्तन्नञ्च आपत्तिक्खन्धानं जाननं। आपत्तिवुट्ठानकुसलताति देसनाय वा कम्मवाचाय वा आपत्तीहि वुट्ठानजाननन्ति।
98. Ekādasame āpattikusalatāti pañcannañca sattannañca āpattikkhandhānaṃ jānanaṃ. Āpattivuṭṭhānakusalatāti desanāya vā kammavācāya vā āpattīhi vuṭṭhānajānananti.
धम्मवग्गो चतुत्थो।
Dhammavaggo catuttho.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / अङ्गुत्तरनिकाय • Aṅguttaranikāya / (९) ४. धम्मवग्गो • (9) 4. Dhammavaggo
टीका • Tīkā / सुत्तपिटक (टीका) • Suttapiṭaka (ṭīkā) / अङ्गुत्तरनिकाय (टीका) • Aṅguttaranikāya (ṭīkā) / (९) ४. धम्मवग्गवण्णना • (9) 4. Dhammavaggavaṇṇanā
