| Library / Tipiṭaka / ติปิฎก • Tipiṭaka / องฺคุตฺตรนิกาย (อฎฺฐกถา) • Aṅguttaranikāya (aṭṭhakathā) |
(๙) ๔. ธมฺมวคฺควณฺณนา
(9) 4. Dhammavaggavaṇṇanā
๘๘. จตุตฺถสฺส ปฐเม เจโตวิมุตฺตีติ ผลสมาธิฯ ปญฺญาวิมุตฺตีติ ผลปญฺญาฯ
88. Catutthassa paṭhame cetovimuttīti phalasamādhi. Paññāvimuttīti phalapaññā.
๘๙. ทุติเย ปคฺคาโหติ วีริยํฯ อวิเกฺขโปติ จิเตฺตกคฺคตาฯ
89. Dutiye paggāhoti vīriyaṃ. Avikkhepoti cittekaggatā.
๙๐. ตติเย นามนฺติ จตฺตาโร อรูปกฺขนฺธาฯ รูปนฺติ รูปกฺขโนฺธฯ อิติ อิมสฺมิํ สุเตฺต ธมฺมโกฎฺฐาสปริเจฺฉทญาณํ นาม กถิตํฯ
90. Tatiye nāmanti cattāro arūpakkhandhā. Rūpanti rūpakkhandho. Iti imasmiṃ sutte dhammakoṭṭhāsaparicchedañāṇaṃ nāma kathitaṃ.
๙๑. จตุเตฺถ วิชฺชาติ ผลญาณํฯ วิมุตฺตีติ ตํสมฺปยุตฺตา เสสธมฺมาฯ
91. Catutthe vijjāti phalañāṇaṃ. Vimuttīti taṃsampayuttā sesadhammā.
๙๒. ปญฺจเม ภวทิฎฺฐีติ สสฺสตทิฎฺฐิฯ วิภวทิฎฺฐีติ อุเจฺฉททิฎฺฐิฯ ฉฎฺฐสตฺตมานิ อุตฺตานตฺถาเนวฯ
92. Pañcame bhavadiṭṭhīti sassatadiṭṭhi. Vibhavadiṭṭhīti ucchedadiṭṭhi. Chaṭṭhasattamāni uttānatthāneva.
๙๕. อฎฺฐเม โทวจสฺสตาติ ทุพฺพจภาโวฯ ปาปมิตฺตตาติ ปาปมิตฺตเสวนภาโวฯ นวมํ วุตฺตวิปริยาเยน เวทิตพฺพํฯ
95. Aṭṭhame dovacassatāti dubbacabhāvo. Pāpamittatāti pāpamittasevanabhāvo. Navamaṃ vuttavipariyāyena veditabbaṃ.
๙๗. ทสเม ธาตุกุสลตาติ อฎฺฐารส ธาตุโย ธาตูติ ชานนํฯ มนสิการกุสลตาติ ตาสํเยว ธาตูนํ อนิจฺจาทิวเสน ลกฺขณตฺตยํ อาโรเปตฺวา ชานนํฯ
97. Dasame dhātukusalatāti aṭṭhārasa dhātuyo dhātūti jānanaṃ. Manasikārakusalatāti tāsaṃyeva dhātūnaṃ aniccādivasena lakkhaṇattayaṃ āropetvā jānanaṃ.
๙๘. เอกาทสเม อาปตฺติกุสลตาติ ปญฺจนฺนญฺจ สตฺตนฺนญฺจ อาปตฺติกฺขนฺธานํ ชานนํฯ อาปตฺติวุฎฺฐานกุสลตาติ เทสนาย วา กมฺมวาจาย วา อาปตฺตีหิ วุฎฺฐานชานนนฺติฯ
98. Ekādasame āpattikusalatāti pañcannañca sattannañca āpattikkhandhānaṃ jānanaṃ. Āpattivuṭṭhānakusalatāti desanāya vā kammavācāya vā āpattīhi vuṭṭhānajānananti.
ธมฺมวโคฺค จตุโตฺถฯ
Dhammavaggo catuttho.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / องฺคุตฺตรนิกาย • Aṅguttaranikāya / (๙) ๔. ธมฺมวโคฺค • (9) 4. Dhammavaggo
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / องฺคุตฺตรนิกาย (ฎีกา) • Aṅguttaranikāya (ṭīkā) / (๙) ๔. ธมฺมวคฺควณฺณนา • (9) 4. Dhammavaggavaṇṇanā
