| Library / Tipiṭaka / តិបិដក • Tipiṭaka / អង្គុត្តរនិកាយ (អដ្ឋកថា) • Aṅguttaranikāya (aṭṭhakathā) |
(៩) ៤. ធម្មវគ្គវណ្ណនា
(9) 4. Dhammavaggavaṇṇanā
៨៨. ចតុត្ថស្ស បឋមេ ចេតោវិមុត្តីតិ ផលសមាធិ។ បញ្ញាវិមុត្តីតិ ផលបញ្ញា។
88. Catutthassa paṭhame cetovimuttīti phalasamādhi. Paññāvimuttīti phalapaññā.
៨៩. ទុតិយេ បគ្គាហោតិ វីរិយំ។ អវិក្ខេបោតិ ចិត្តេកគ្គតា។
89. Dutiye paggāhoti vīriyaṃ. Avikkhepoti cittekaggatā.
៩០. តតិយេ នាមន្តិ ចត្តារោ អរូបក្ខន្ធា។ រូបន្តិ រូបក្ខន្ធោ។ ឥតិ ឥមស្មិំ សុត្តេ ធម្មកោដ្ឋាសបរិច្ឆេទញាណំ នាម កថិតំ។
90. Tatiye nāmanti cattāro arūpakkhandhā. Rūpanti rūpakkhandho. Iti imasmiṃ sutte dhammakoṭṭhāsaparicchedañāṇaṃ nāma kathitaṃ.
៩១. ចតុត្ថេ វិជ្ជាតិ ផលញាណំ។ វិមុត្តីតិ តំសម្បយុត្តា សេសធម្មា។
91. Catutthe vijjāti phalañāṇaṃ. Vimuttīti taṃsampayuttā sesadhammā.
៩២. បញ្ចមេ ភវទិដ្ឋីតិ សស្សតទិដ្ឋិ។ វិភវទិដ្ឋីតិ ឧច្ឆេទទិដ្ឋិ។ ឆដ្ឋសត្តមានិ ឧត្តានត្ថានេវ។
92. Pañcame bhavadiṭṭhīti sassatadiṭṭhi. Vibhavadiṭṭhīti ucchedadiṭṭhi. Chaṭṭhasattamāni uttānatthāneva.
៩៥. អដ្ឋមេ ទោវចស្សតាតិ ទុព្ពចភាវោ។ បាបមិត្តតាតិ បាបមិត្តសេវនភាវោ។ នវមំ វុត្តវិបរិយាយេន វេទិតព្ពំ។
95. Aṭṭhame dovacassatāti dubbacabhāvo. Pāpamittatāti pāpamittasevanabhāvo. Navamaṃ vuttavipariyāyena veditabbaṃ.
៩៧. ទសមេ ធាតុកុសលតាតិ អដ្ឋារស ធាតុយោ ធាតូតិ ជាននំ។ មនសិការកុសលតាតិ តាសំយេវ ធាតូនំ អនិច្ចាទិវសេន លក្ខណត្តយំ អារោបេត្វា ជាននំ។
97. Dasame dhātukusalatāti aṭṭhārasa dhātuyo dhātūti jānanaṃ. Manasikārakusalatāti tāsaṃyeva dhātūnaṃ aniccādivasena lakkhaṇattayaṃ āropetvā jānanaṃ.
៩៨. ឯកាទសមេ អាបត្តិកុសលតាតិ បញ្ចន្នញ្ច សត្តន្នញ្ច អាបត្តិក្ខន្ធានំ ជាននំ។ អាបត្តិវុដ្ឋានកុសលតាតិ ទេសនាយ វា កម្មវាចាយ វា អាបត្តីហិ វុដ្ឋានជាននន្តិ។
98. Ekādasame āpattikusalatāti pañcannañca sattannañca āpattikkhandhānaṃ jānanaṃ. Āpattivuṭṭhānakusalatāti desanāya vā kammavācāya vā āpattīhi vuṭṭhānajānananti.
ធម្មវគ្គោ ចតុត្ថោ។
Dhammavaggo catuttho.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / អង្គុត្តរនិកាយ • Aṅguttaranikāya / (៩) ៤. ធម្មវគ្គោ • (9) 4. Dhammavaggo
ដីកា • Tīkā / សុត្តបិដក (ដីកា) • Suttapiṭaka (ṭīkā) / អង្គុត្តរនិកាយ (ដីកា) • Aṅguttaranikāya (ṭīkā) / (៩) ៤. ធម្មវគ្គវណ្ណនា • (9) 4. Dhammavaggavaṇṇanā
